Ka Nupepa Kuokoa, Volume LIX, Number 18, 6 May 1921 — UA NUI KA HANA NA NA LIMAHANA [ARTICLE]

UA NUI KA HANA NA NA LIMAHANA

Ua makemake nui ia na limahana e ka hui kanu halakahiki ma Haiku, Maui, ina he poe kanaka Xiawaii kekahi, e nolio nei ma keia kulanakauhale, a ma na kuaaina paha, i nele i na hana e pono 'ai iakou, pela hoi me na wahine, i makemake i na hana, ua makaukau ka mahi halakahiki ma liaiku, e hoolawa mai i ka hana no lakou e pono ai. Ua pomaileai na limahana ma Hawaii nei, no keia manawa maikai loa i waihoia aku imua o lakou, no ka hoi ana e noho hana ma kela mahi halakahiki; me ka loaa o kekahi ukuhana maikai ia lakou no ka la, me ka hoolako pu ia mai i na hale e noho ai, ame kekahi mau mea e ae e pono ai ka noho ana o na limahana. Aia na limahana ma Amerika i keia la, ke noho mai la me ka nele i ka hana, ua kono okoa ia ak#: na ona o na mahiko maanei nei, e lawe ae i na ko'iko'i, o ka auamo ana, i na lilo o na limahana o ka holo ana aku nei no Kaleponi, tio ko lakou huli hoi hou ana mai i Hawaii nei; ma keia ano iho la, i maopopo loa ai ia kakou, aole he wahi e ae i hiki ke hoolako mau aku i na limahana elike me Hawaii nei, a ua pomaikai maoli na limahana maanei; ka poe i makemake mau e loaa na hana na Uikou e lawelawe ai. O ka pilikia e ikeia aku nei ma ka aoao o na Umahana i keia la, o ia no ko lakou makemake i na ukuhana kiekie; ma ka aoao hoi o na haku hana, ke makemake nei lakou e haawi aku i na ukuhana kupono, me ke kokua pu aku i kekahi mau mea e pono ai na limahana; nolaila aia wale no a loaa na manao makee i na aoao a elua no ka pono o. na haku hana ame na limahana, aole loa he manawa e ku malie ai kekahi oihana, a e hooneleia aku ai paha na limahana i ka hana. Ua makaukau na lahui e, e hopu mai i na hana i makemakeia na oukou e na Hawaii, ke hoohemahema oukou i ka hana, no ke kauka'i % aku i na uku hana nunui, o ka loaa o ke dala, o ka pono o ka noho ana o ka ohana, o ka mea mua ia e noonooia e oukou, mamua o na mea e ae; no ka mea aole o lia'i aku ana ke pilikia, o oukou no e na Hawaii, ke makemake ole oukou i ka hana i waihoia mai imua o oukou. Ua hala aku la ke ko'misina limahana, a ka ahaolelo kuloko i hoamana ai, no Wakinekona, no ka hooikaika ana e hoololiia ae ke kanawai hoopae limahana, i hiki ai ke hookomoia mai na limahana i Hawaii nei; ina no ka holomua o ka misiona a keia komisina, e piha ana mikiala iloko nei o ka me na limahana o na aina e mai. Nolaila ua ili ih° ke ko'iko'i maluna o oukou e na liinahana kupa o ka aina, ka hopu ana aku i na hana apau e loaa ana ia oukou i keia la, me ke kauka'i hdu ole aku, a oi loa mai ka pilikia maluna e» oukou. Mai hoohemahenia e na kahunapule, ame na luna mare apau i ka hoihoi ana ae i ka oukou hoike i ka papa ola! Ke kauoha nei.ke kanawai ia lakou e waiho ae i ka hoike o ka lakou hana, nolaila o ka hooko i ke kanawai ka pono, aole o ka hoohemahema, o kau mai auanei ke ko'iko'i o ia hoohemahema ana maluna o lakou.