Ka Nupepa Kuokoa, Volume LIX, Number 19, 13 May 1921 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
EIA MAI KAʻU HAINA
Mr. Sol. Hanohano, Aloha kaua: -E oluolu mai oe iaʻu a e aloha mai hoi @ me ka Matt. 7:7, ua ike oe. Eia kaʻu @ ia oe hoa mai hoi oe i kaʻu uwiki, a no ka mea, aia i ka moopuna a Wahikapuniu ka ipu aila, iaʻu hoi ka uwiki i ka moopuna a Hoomanawanui Koolau i ka loku a ka ua; aia oe hui ke kukaepele e a ai. Penei no ia:
Ma ka la 22 o Apelila i ike iho ai au i ka ipu aila a ka moopuna kaulana a Wahikapuniu, a o ia kaʻu e hoaa nei, ka moopuna a Hoomanawanui Koolau, i ka loko a ka ua; he wahi uwiki, aole nae i a kahi paka a ho-aia, ua loaa ke kanaka naauao iloko o ke Kauoha Kaliko, ka mea noeau ma kana hana he hoolaha n@pepa, ke Kuokoa, a o ia iho la no ua kukaepele nei.
E kala mai no oe i kaʻu wai haina e ka mama, a i ole e ke kuku maikai a no ka mea, ua oi aku no oe iaʻu a no ka mea, he wahi kamalii no au, akahi no a hanauia mai e koʻu mama. Ke @ nei no i ka waiu; aole i ka ai paa elike me oe.
He hao iʻo anei? Aole. Aole o ka @ enaena a kunane ma; aole no hoi o ka hao o Ulakoheo; he hao keia o puka o pila, o ia hoi, e huki man ana i na pohaku ala nunui o ka mahina. E olelo ae paha, he mau @ala nunui o na mahina apau.
He lehu iʻo anei@ Aole, o ka lehu o kapuahi. Eia no ia i koʻu manao; o na mea a ke keike e aie ai; ua lilo ia mea ole, ka ua mea he nui o ke dala o ka mahina. aʻo ia iho la ka lehu, pau ka aie i ka ukuia; koe no kekahi dala na ka wahine ame ka keiki.
He capuani iʻo anei i Aole o ke kapuahi e paoia ai ka wahie. O ke kanaka nana na mea au e aie ai, oia ke kapuahi; a i kou lawe ana aku e hookaa i na aie ou, ua like ia me ka kapuahi, o ke dala, o ia ka wahie, ka mea au e haawi aku ai, a puehu liilii ka lehu o kapuahi.
He haukeke iʻo anei? Aʻe, ka manao o keia haukeke no keia man kanaka elua au i pane iho la oia o Peter Kamano ame Moku o Keawe, no ko laua manao, he wahine hupo oe i kou hoolaha ole i ka wa i loaa mai ai o ka have: a ua pane aku la no oe ia laua no ka hunpo ame ke kuhihewa, i ka lena ana o ke laua niho, ua oi ae ia mamua oʻu, e ka moopuna a ka mea hanohano.
He pio iʻo anei? Aole. Ka piko aʻu i manao ai: o ia no na manao e eha ai laua, i no olelo ame na mauao au i hoolaha iho la iloko o ke Kuokoa; a i ko kaua heluhelu ana, e ulu mai ana kekahi mau manao i loko o laua; no ko laua kapaia ana he hupo a pela wale aku e kekahi o na kaikuahine.
Ua manao no hoi paha o kunane ma, o Eva oe, ka mea iaia kuu pua mikinolia. Owau iho no,
HOOMANAWANUI KOOLAU I KA LOKU A KA UA.
HOOLAHA I KA POE LAWE WAI PAAWAU
O na @ora kikiwai mai ka hora 6 a.m a 8 a.m.) o kela me keia 4 p. m. a 6 p. m.) la.
O ke ku eia o ka rula maluna ae e lilo no ia i kumu e nele ai i ka wai me ka hoolaha hou ole ia aku, a aole e hoolako hou ia ahiki i ka uku aha anai i ke kaki mau o $5.00.
W.A. WALL
Lunanui Laula, Keena Oihana Wai mo Sua.
$448-Apr. 23, 30; Mei 6, 13
HOOLAHA I KA POE PAA AIE O KA WATERHOUSE OFFICE OUTFITTING COMPANY, LTD,. HE HUI HOOPAUIA,
Mamuli o ka hookohuia ana mai o ka mea nona ka inoa malalo nei ma @e kauoha a Delbert E. Metzger, Esq., Puuku o ke Teritore o Hawaii, i hanaia ma ka la 22 o Maraki, 1921, i Kahu Waiwai no ka poe paa kuleana anae La poe paa aie o ka Waterhouse Office Outfitting Company, Limied, he hui i hoopauia, me ka mana piha e @ ponopono i kana mau hana, i kulike @ ke kanawai, no laila ma keia ka haawiia aku nei ka hoolaha i ka poe apau he mau koi ka lakou i ka hui mua i oleloia, e waiho mai ia koi i hooiaia pono ia, ma ke keena o ka mea nona ka inoa malalo nei, ma ke Alanui Bihopa, Helu 1039, maloko o ka Hale Alexander Young, maloko o Honolulu, Teritore o Hawaii, ma, a i ole, mamua ae o ka pau ana o na la he kanaiwa 90 mai ka la aku o keia hoolaha o ia ka la mua o ka hoopuka ana aku maanei, a i ole pela, e hoole mau ia aku no.
Hanaia, Honolulu, T.H., Aperila 29, 1921
J.O. YOUNG
Kahu Waiwai no ka Poe Paa Aie ame ka Poe Paa Kuleana o ka Hui i Hoopauia i oleloia ne la.
6449 Apr. 29; Mei 6, 13, 20, 27.
MA KE KAUOHA
Na Kanawai Ahaolelo Kau o 1921
(Mai ka Aoao Eha mai.)
KANAWAI 81.
(B.H. Helu 180.)
HE KANAWAI
E HOOLOLI ANA I NA PAUKU 2323 AME 2331 O KA MOKUNA 135 O NA KANAWAI I HOOPONOPONO HOUIA O HAWAII, 1915, E PILI ANA I NA LONO.
E Hooholoia e ka Ahaolelo o ke Teritore o Hawaii:
"PAUKU 1. O ka Pauku 2323 o ka Mokuna 135 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
"PAUKU 2323. Na Kumu kupono. Ua loaa i ka ahahookolokolo kiekie ka mana e noii, ae aku a e hoihoi hou ma ke ano i mea lawelawe iloko o na ahahookolokolo kaapuni ia poe he kulana nohona maemae a he poe kupa no Amerika Huipuia, a ua lawe i ka hooluki i kauohaia no ia mea; a ua loaa no i ka ahahookolokolo kiekie i oleloia ka mana kaawale e hoopau a i ole e kapae i ka laikini oia poe lawelawe hihia a i ole e hoopau wale a i ole e kapae ia lakou mai ka papa inoa o na poe lawelawe hihia no ka hewa hooko ole i ka hana, kolohe, hoopunipuni, a i ole hewa anu nui e ae."
PAUKU 2. O ka Pauku 2331 o ka Mokuna 135 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
"Pauku 2331: Ua hiki e laweia mai iloko o ka ahahookolokolo no ka hewa hooko ole i ka hana. Ua hiki e laweia mai na poe lawelawe imua o ka aha i oleloia o na ahahookolokolo kaapuni a ua hiki e hoopaʻiia ma ke dala a i ole hoopaahao no na kumu lawapono maluna o ka hoopii a kekahi mea i hoopilikiaia mamuli o ko lakou hooko ole ana i ka lakou hana, a i ole no ka uku ole i na dala i ohiia e lakou no na poe kuokoa, a i ole no kekahi hana kolohe apuka, hoopunipuni, a i ole hana kolohe ino loa. "
PAUKU 3. E mana no keia kanawai i kona aponoia ana.
Aponoia i keia la 12 o Aperila. A. D. 1921.
C. J. McCarthy,
Kiaaina o ke Teritore o Hawaii.
KANAWAI 82.
( B.S. Helu 87.)
HE KANAWAI
E HOOLOLI ANA I NA PAUKU 2381 AME 2382 O NA KAHAWAI I HOOPONOPONO HOUIA O HAWAII, 1915, E PILI ANA I KA WAIHO ANA MAI I NA IKE I AELIKEIA.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2381 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
"Pauku 2381. I ka Ahahookolokolo Kiekie; Palapala Hoohiki. O na aoao e pili ana i kekahi ninau i like ole a e lilo ana paha i kumu o kekahi hihia kiwila iloko o ka aha hoohalahala auhau, ahahookolokolo kaapuni, a i ole aha kiekie, ua hiki no, me ka lawe ʻole mai i kumu hoopii, e aelike maluna o kekahi hihia kiwila iloko o ka aha hoohalahala auhau, ahahoolokoloko kaapuni, a i ole aha kiekie ua hiki no, me ka lawe ole mai i kumu hoopii, e aelike maluna o kekahi hihia e looaa aua na ike maluna olaila ka hoopaapaa ana a e waiho mai i kekahi mea oia ano i ka aha kiekie; aka nae e hoikeia ma o kekahi palapala hoohiki e hooia ana he poopaapaa io a e lawelaweia na hana me ka pololei i mea e loaa ai ka pono o na aoao; aka nae, ua hiki no i ka aha kiekie, ma o kona manao ana he kupono, e koi mai e waiho mua ia ka hihia i kekahi lunakanawai kaapuni ma ke keena me ka hiki no nae e hoohalahalaia"
PAUKU 2. O ka Pauku 2382 o na Kanawai i Hooponopono Houia o Hawaii, 1915, ma keia ke hooloiia nei i heluhelu ai penei:
"Pauku 2382. Olelo hooholo ma ke kakau. Ia manawa no e hoolohe no ka Aha Kiekie e hoolohe a e hoopau i ka hihia a e haawi i olelo hooholo no ia mea ma ke kakau me he mea la he hihia a ku ana."
PAUKU 3. E mana no keia kanawai i kona aponoia ana.
Aponoia i keia la 12 o Aperila, A. D. 1921.
C. J. McCarthy,
Kiaaina o ke Teritore o Hawaii.
KANAWAI 83.
(B.S. Helu 92.)
HE KANAWAI
E HOOLOLI ANA I KE KANAWAI 122 O NA KANAWAI O KE KAU O 1919, E PILI ANA I KE HAAWINA NO KA HOOMAEMAE AME/A I OLE PAKU 1 HOU I KA BISHOP HOME, KALAUPAPA MOLOKAI.
E Hooholoia e ka Ahaolelo o ke Teritore o Hawaii:
PAUKU 1. O ke Poo o ke Kanawai 122 o na Kanawai o ke Kau o 1919, ma keia ke hoololiia nei i heluheluia ai ia penei:
"He Kanawai e hookaawale ana i haawina no ka hoomaemae a i ole pakuʻi hou ana ak i ka Bishop Home, Kalaupapa, Molokai."
PAUKU 2. O ka Pauku 1 o ke Kanawai 122 i oleloia o na Kanawai o Hawaii o ke Kau o 1919, ma keia ke hoololiia nei i heluhelu ia ai penei:
"Pauku 1. O ke heluna o elima tausani elima haneri dala ($5,500.00) ma keia ke hookaawaleia nei mai loko ae o na dala iloko o ka waihona puuku o ke teritore i loaa mai mamuli o na loaa laula, a e loaa koke i ke aponoia ana o keia kanawai , a e hooliloia malalo o ke kuhikuhi ame ka hoomalu ana a ka papa ola o ke teritore, no na hoomaemae ana/ a i ole na pakuʻi i ka Bishop Home ma Kalaupapa, Molokai. "
PAUKU 3. O ka Pauku 2 o ke Kanawai 122 i oleloia o na Kanawai o Hawaii o ke Kau o 1919, ma keia ke hoololiia nei i heluhelu ia ai penei:
"Pauku 2. O kekahi hapa o ka haawina i oleloia i hoolilo ole ia ua hiki no e hooliloia no ka hoolawa ana i na pono hale i ka Bishop HOme i oleloia."
PAUKU 4. E mana no keia kanawai i kona aponoia ana:
Aponoia i keia la 12 o Aperila, A. D. 1921.
C. J. McCarthy,
Kiaaina o ke Teritore o Hawaii.
KANAWAI 84.
(B. S. Helu 32.)
HE KANAWAI
HE HOOLOLI ANA I KA PAUKU 30 O KE KANAWAI 115 O NA KANAWAI O KE KAU O 1917, E PILI ANA I KE PANIHAKAHAKA.
E Hooholoia e ka Ahaolelo o ke Teritore o Hawaii;
PAUKU 1. O ka Pauku 30 o ke Kanawai 115 o na Kanawai o ke Kau o 1917 ma keia ke hoololiia nei a i heluhelu ai penei:
"Pauku 30. Na waihona hoahu a na hui panihakahaka kuloko.
"(1) Aole kekahi hui panihakahaka kuloko, a ahahui paha e hoahu i ko lakou mau waiwai mawaho ae o na mea i hoomanaia maloko o keia pauku, koe nae hoi keia, aole kekahi hui panihakahaka kuloko o ahahui e koi ia aku ana e hoololo ae i ka lakou mau waiwai hoahu i hoahuia ia ma keia mau aku nei me ke ku no i ke kanawai.
"(2) Ua mau hoahu waiwai ana nei e hanaia no ia maluna o"
"(a) Na waiwai paa nona ka huina kupono e hiki ai ka hoomaopopoia ana o ka hooholomuaia ana o ka hana a ua ahahui la no kona keena oihana, na hala hoolimalima, a me na hale kuai maluna o ia aina hookahi no no ka hoolimalima ana aku i wahi e loaa mai he waihona komo mai, koe nae keia, o na hoolilo no ua waiwai paa la, a me ke kukulu ana a hoonui ana aku i na hale maluna o ua aina la, aole ia lilo e oi aku maluna o kanakolu pakeneta o ka heluna waiwai o ua hui nei; o ke kahi no hoi, o na waiwai paa apau e hooliloia mai ana i ua hui nei, a i ole i kekahi mea no ua hui nei ma ke ano he moraki, a i ole ma ke ano he malama waiwai a ma kekahi ano e ae paha i mea e hoopaa a e hoonui ae ai i ka uku ia ana o kekahi moraki i haawi mua ia a i ole no na dala i piha ka manawa no ka uku ana, elike me ia e kuai ia ana ma na kukala hookaa moraki, a i ʻole malalo o ia kahu waiwai, a i ole hooko ana i ua waiwai i hoopaaia nei, a i ole malalo olelo hooholo a ka aha no kekahi hoopii na ka uku ia o ua aie nei a koi e ae a maluna hoi o na palapala hooko a ka aha i hoopuka maluna o ua olelo hooholo la; a o kekahi no hoi, o na waiwai paa i hooliloia aku ia hui no ka uku ana a hooko ana i ka ukuia elike me ka maa mau i ka hoohanaia ana o kana mau hana. O na waiwai paa apau loa o keia ano e malama ia ana aole no ka pono o ua aha hui a hui la maloko o ka hoohana ana a ua ahahui a hui la, a i ole no ka loaa uku hoolimalima mai elike me ia i hoakakaia ae la maluna, e kuai hoolilo ia aku a e hookaawale loa ia aku iloko o, elima makahiki mai ka la mai e loaa ai o ke kuleana maluna o ua waiwai paa nei, koe nae keia, ua loaa o ka mana i ke Komisina, n o kekahi kumu maikai i hoomaopopoia, e hooloihi hou aku i ka manawa no ka wa nae aole e oi aku mamua o elima makahiki i kela ame keia wa.
"(e) O na bona ame na nota i lawe ia mai me ka hoopaa pu ia ana ma ke moraki mua a i ole ma ke palapala kahu o kekahi waiwai paa i hihia ole nona ka waiwai iʻo ua hiki aku ma ka heluna haahaa loa he kamalima pakeneta ka oi ae mamua o ka huina o ua moraki mua a palapala kahu nei; koe nae keia aole e helu pu ia kekahi waiwai paa hale ma ia helu waiwai no ka huina i oi aku mamua o ke panihakahaka pauahi maluna o ia hale, a i haawi ia aku hoi ka palapala panihakahaka i ua ahahui a hui nei a i ole ia i na hahu waiwai o ua moraki a palapala kahu nei, a o ua panihakahaka nei e malama mau ia ma ka uku ana i ka uku panihakahaka ahiki aku i ka manawa e ukuia ai o ua aie nei.
"(i) O na bona o ke Aupuni Amerika i Huipuia, a i ole o keia teritore, a i ole o kekahi o kona mau mahele aupuni, a i ole ia o kekahi mokuaina, kalana, kulanakauhale nunui, kulanakauhale kaona, apana kaona, a pana kula maloko o Amerika Huipuia, maloko olalia he heluna kanaka i oi aku maluna o kanalima kaukani, a i ole ia i noho aie no kekahi huina mahope iho o ka lawe mau bona nei, aole i oi aku mamua o ka umi pakeneta o ka waiwaiio o na heluna waiwai o ua wahi nei ma ka helu waiwai mamua koke iho o ka la i lawe ia ai ua man bona nei i waiwai hoahu;
"(o) Na bona âme no nota a na alahao, ua ala kaa hapaumi alanui, a i ole ia a kekahi hui hana no ka pono laula o ka lehulehu i hookumu ia maloki nei o ke Teritore a i ole ia, kekahi mahele a i ole hapanui aia i loko o Amerika Huipuia, a o ka waiwai kumupaa o ua hui la ua like me hookahi hapa-kolu o na hona i hookaaia, a no na makahiki ekolu hoi mamua iho o ke kuai ia ana aku o ua mau bona la i waiwai hoahu, ua uku mau ia aku ka ukupanee me ka hala ole maluna oʻ ua waiwai nei i bona ia, a iloko no hoi o ia manawa hookahi ua loaa mai na loaa, mahope iho o ka lawe ana ae i no hoolilo hana apau, i hiki aku ka huina aole i emi iho malalo o elima pakeneta (5%) maluna o ka huina apau o kona kumupaa; a i ole ia ma ka moraki bona o kekahi alahoa, alanui hao, a hui lawe ohua e a e i lawe ae i ka looia ana i ka uku kumupaa ame ukupanee o ua hui alahao a alanui hao nei. Ua hiki no ke hoahuia ka huina o a waiwai hoahu nei no na bone o kekahi hui ala@ i ku like ole me keia i hoakakaia a la maluna a pili ana i ke kumupaa in a o ua waiwai hoahu nei no na bona o kekahi hui alaha@ i ku like ole me keia i hoakakaia ae la maluna e pili ana i ke pumupaa in a o ka waiwai i hoopaaia he lilo ia i kau aku ma ka helu haahaa mai mamua o na bona i hoopukaia no na molaki mau, in a e kulike aku ka waiwai o ke kumupaa elike me ka waiwai o ka hui i hoopaaia ma ka moraki mua.
"(u) Na aie i hoopaa ia malalo o na waiwai hoopaa o ke ano elike me kekahi o na mea i hoakakaia maluna ae nei.
"(3) Ua hiki no i kekahi hui panihakahaka ke hoahu:
"(a) Maluna o na aie i hoopaa ia mai na palapala panihakahaka i hoopukaia e ua hui nei no no ka huina nae aole i oi aku mamua o ka huina houluulu i ku i ke kanawai maluna o ua palapala panihakahak nei.
"(4) O ka hui panihakahaka pau ahi a i ole ulia wale, a ahahui a ae, ua hiki no ke hoahu:
"(a) Ma na mahele kea ame na bona ame kekahi mau ano hoike aie e ae o kekahi hui i poho ole, e uku puka, maloko o kekahi mokuaina a teritore o Amerika Hupuia, o ka Apana o Colamubia, a i ole o kekahi panalaau o ke Aupuno o Canada, koe nae na mahele kea o kona hui ponoi iho no, a i ole iloko o kekahi hui panihakahaka e aku;
"(e) ma na aie i hoopaa ia na waiwai o kela ame keia ano i hoakaka ia ae nei maluna; koe nae keia, o ka waiwai io o ua mau mahele nei ma ke kuai mau ia, oiai keia aie e ku ana, aole e mi iho malalo o ka huina o ua aie nei.
"(5) Aole e hoahuia kekahi o keia waiwai hoahu maloko o kekahi hana i hoohui oleia me ka aupuni, aole no hoi iloko o na mahele kea, no bona ame na ano aie e ae e kekahi ahuhui, e noho ona ia ana e kekahi mea a poe e lilo aku ana i poe uku i kekahi auhau mawaho ae o ka auhau aupuni, a ka koi lina a na mekanika, a i ole a ka poe haawi ukana, a aole no hoi, aia wale ahiki i ua ahahui la ke loaa mai he heluna, mahope iho o ka ukuia ana o na lilo hoohana apau, i oi aku maluna o elima pakeneta (5%) maluna o na huina kumupaa apau o ua ahahui la no na makahiki aole e emi iho malalo o ekolu mamua koke iho no o ka hoahu ana i ua waiwai hoahu nei, a o ka buina nui hoi o ke kumupaai ukuia aole ia i emi mai malalo o hookahi-hapakolu o na aie apau o ua ahahui la i ukuna ai ka ukupanee me ka hala ole no ia mau makahiki ekolu.
"(6) O cela âme keia hui kuloko a ahahui e lawelawe oihana ana iloko o kekahi aina e, ua hiki no ia lakou ke hoahu i na waiwai hoahu e hiki ai ke lawa kona mau koi aie iloko o ua aina e nei i kulike aku ai hoi me ke kanawai o ia ana e, ma na ano waiwai o ua aina e nei i like me na waiwai oloko nei o keia teritore i ae ia ai ua hui a ahahui nei e lawe ae i waiwai hoahu.
"(7) Aole kekahi hui a ahahui e hoahu, e lawe mai a e paa, ma kekahi ano, a oi aku maluna o umi pakeieta o ka huina kumupaa o kekahi hui i hookuiia, a a ole no hoi e hoahu ia a oi aku mamua o ka umi pakeneta o kona mau waiwai i hoomaopopoia ia ma loko o na mahele kea a waiwai a ae o kekahi hui i hoohuiia, a i ole maloko ka waiwai hoopaa o kekahi hana waihona waiwai paha, a aole no hoi e oi aku mamua o ka hapalua o kona mau waiwai i hoopaopopoia e hoahuia aku ma kekahi ano waiwai i heluia maloko o keia pauku mawaho ae o na waiwai i hoomaopopoia ma ka mahele (b) o ka hapa 2 o keia pauku, malaila e hoomaopopoia ana aole e oi aku maluna o ekolu- hapaha o ua mau waiwai nei i heluia."
PAUKU 2. E mana keia kanawai mai kona aponoia ana.
Aponoia i keia la 12 o Aperila, 1921
C. J. McCarthy
Kiaaina o ke Teritore o Hawaii
KANAWAI 85
(B. H. Helm 283.)
HE KANAWAI
E HOOKAAWALE ANA I KA HELUNA O UMI-KUMALIMA TAUSANI DALA ($15,000) NO KE KUKULU AKA AME KA MALAMA ANA I WAHI E LAPAAUIA AI NA POE I MAʻI MA NA WAHI HUNA ILOKO O HONOLULU, KULANAKAUHALE AME KALANA O HONOLULU.
E Hooholoia e ka Ahaolelo o ke Teritore o Hawaii:
PAUKU 1. O keia mau heluna malalo iho nei ma keia ke hookaawaleia nei mai na loaa laula ae o ke teritire no na makahiki elua e hookaka ana i Iulai 1, 1921, no ke kukulu ame ka malama ana maloko o Honolulu, Kulanakauhale ame Kalana o Honolulu, Teritore o Hawaii, i wahi e lapaauia ai na poe maʻi ma na wahi huna:
Na uku malama ……………………………$9,000.00
Na hoolilo âme na lako ------------------------..6,000.00
___________
Huinanui-----------------------$15,000.00
PAUKU 2. O keia wahi lapaau i oleloia e kukuluia no a e hoomaluia malalo o ke kuhikuhi ame ka malu o ka papa ola, a o no dala i hookaawaleia ma keia a hooliloia no maluna o na palapala hoaie i apono ia e ka peresidena o ka papa i oleloia
PAUKU 3. O keia wahi lapaau i oleloai e hamama me ka uku ole i na poe apau he poe noho paa no ke Teritore o Hawaii.
PAUKU 4. E mana no keia Kanawai i kona la e aponoia ai.
Aponoia i keia la 13 o Aperila, A. D. 1921.
C. J. McCARTHY,
Kiaaina o ke Teritore o Hawaii.