Ka Nupepa Kuokoa, Volume LIX, Number 19, 13 May 1921 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA AHAHUI KALEOPA

ME KE KALAIAINA

 

Ma ka halawai a ka Ahahui Kalepa o ka malamaia ana ae, ma ka Poalima aku la i hala, i kuokoa mai ai kela ahahui i waho, a hoike i kona hookaokoa ana iaia iho, mai ke komo ana aku iloko o na hana kalaiaina , ma o ke apono ame ka hooholo ana, i kekahi olelo hooholo, e hoole loa ana i kona kakoo ana i keka@ moho no kekahi kulana hookohuia mai, a kohoia paha ma ke koho @aloka e ka lehulehu.

 

Aole nae he kumu i ala mai ai ka Ahahui Kalepa a hooko i kela keehina, elike me ia i hooholoia ai ma ka Poalima aku nei i hala, mamuli mai no ia o na moho e alualu nei no ke kulana kiaaina no keia Teritore: no ka mea ua haawi aku kekahi pau mau lala o kela ahahui i ke kakoo ana, i ka palapala noi, e lilo o Mr. Farrington i kiaaina, mamuli o ka manaoio ana, ua haawi aku ka ahahui i na apono ame na kakoo ana iaia: a mamuli hoi o ka hooikaika ana a kona kakauolelo, no ka hookohuia mai o kela moho. 

 

He kuleana pilipaa ko kela ama keia lala o kela ahahui, ma ke ano he makaainana Amerika, e kakoo ai i kekahi moho, no na kulana kalaiaina, aole e hiki ia kakou ke hoole ia mea: a i ka hookaokoa ana ae o ka Ahahui Kalepa iaia iho, mai ke ke komo kino ana aku iloko o ke kalaiaina. ua waele ae ia i ke alahele. a malaelae. e ala ole mai ai kekahi kulana maikai ole iloko o ka ahahui ma keia mua aku. iwaena o kona mau lala iho.

 

He ahahui Kuokoa ka Ahahui Kalepa, i kukuluia, no ka makaala ana, ma na mea apau i pili aku i ka pono ame ka holomua o keia Teritore, he ahahui i makaukau mau, e ku ma ka aoao o na ninau pili laula apau, no ka pomaikai o ka hapanui o na makaainana, ma keia ano iho la, i lilo ai keia ahahui, i ahahui mana nui iloko nei o ka aina. a i @o ai kana mau hoonee hana ana apau, i mea hilinai nui ia, aole wale ma Hawaii iho nei, aka ma Wakinekona pu kekahi. 

 

Ina, ua hapala wale ia aku ka inoa o kela ahahui, e kekahi o kona mau lala, i kumu e holo mai ai ka hookohu kiaaina. i kana moho e hooikaika nei; ma ka mea nae a kela ahahui i hooholo ai, ma ka Poalima aku la i hala, e holoi loa ia ae ai na kikohukohu, o kela ama keia ano. i hapalaia iho iluna o ka ahahui.

 

He elua mau moho maopopo loa i keia manawa imua o ka Peresidena Harding no ka hookohu ana mai i kiaaina no keia Teritore, oia o R. W. Shingle ama W.R. Farrington, he mau hoaloha wale no no laua a elua, no na lala o kela ahahui. me ko lakou makaukau ma ko lakou kulana makaainana, e haawi i na kakoo ana no kela mau moho a elua; aka nae, ma ke ano ahahui, ma ke ano he kino hookahi. aole he hana naauao e ae a ka ahahui i hana aku ai, e like me ia o ka hoolohoia ana, e holoi loa ana i kona mau lima mai ka hooiliia aku o na ahewa ana ma kekahi ano, ke lawelaweia kekahi mau hana hawawa a pupuahulu.

 

Mamuli o ka hele maoli o ka halawai a kela ahahui i malama ae ai a piha i na lala, ua hoike okoa mai lakou, aole ma ka hana wale no, aka ma ko lakou manao pu kekahi, no ke ala mai o kekahi hopena maikai ole, ma keia mua aku, in a e aeia aku ana e hoohuikau i ka inoa o ka ahahui, me na noi pili oihana, i pili loa aku ia Hawaii nei. elike la me ke kulana kiaaina e kakaliia aku nei.

 

Akahi a nohoalii ka lokahi ame ka maluhia iloko o kela ahahui, ua kapae loa ia aku na hana kalaiaina mai kela ahahui aku, a ua malaelae hoi ke alahele no keia mua aku, e loaa ole ai he wahi lihi kuleana no ia ninau, maloko o ka Ahahui Kalepa..Honolulu nei.

 

KE KUPAA O KUHIO I KA AOAO

 

(Mai ka Advertiser Sabati mai.)

 

Oiai na hoea mai ka ninau kiaaina i kahi e maopopi loa ai, e hiki ole ai i ke Keikialii Kuhio Kalanianaole ke pii aku ma kela kulana. he ehia la poe maloko o keia paeaina, o ka oi loa aku o ka lehulehu i olelo ae, aole o lakou manaoio e lilo o Kuhio i kiaaina. in a e waihoia mai ana ia kulana imua ona. i maopopo i kona lilo ana i Repubalika kupaa; ka nui o kona manao makee no na pono o na kanaka apau maloko o keia Teritore; pela ke ano o kona kokua ana aku ma kekahi ano, ma ka hoopu'ipu'i ana i na pomaikai no na makaainana lehulehu o Hawaii nei, iloko o na makahiki he 20 o kona noho hana ana no kona aina hanau

 

Pehea la ke hoomanao nei no paha lakou i na la e ola ana o Robaka Wilikoki. mahope mai o ka 1900 i ka manawa a Wilikoki ame kona puulu i wawahi ai i na manao uilani ame hooholomua o ka aoao Repubalika. me ka pouliuli ke nana aku iamua, no ka poe i hoolelepau aku i ko lakou hilimai maluna o ka aoao Repubalika, me ka hooholo koke ia ana o ke Keikialii Kalanianaole ke kanaka nana e hoololi ae i ka haulehia a i ka lanakila. a e lilo i mea paahae nana e hoonoho aku i kanaka ma Wakinekona i loaa ka manao lokahi no na pono o Hawaii nei.

 

He powehiwehi no ke nana aku iamua.  Maloko e Kuhio o ke Kalapu Pakipika ma kekahi po. He mea kakau kuikawa o E. M. Boyd ia wa no ka Advertiser, a hooholo iho la kekahi poe o ke Keikialii, ka mea o ka hoi koke ana mai no mai kanahuakai kaahele honua o ke kanaka hookahi wale no ia nana e hoonipaa i ka aoao. I ka wa i hooh@iia ai ka paeaina, ua hooholo iho la o Kuhio, i ekahi o na ohana o ka mea ma ke kalaunu e haalele ia Hawaii nei. Ua koiia aku oia e hoi hou mai. o kana i pane mai ai, aole oia e hoi hou mai ana. He moakaka loa na kumu. Ma kela po ma ke Kalapu Pakipika. ua waiho malaelaeia aku ke kulana imua o ke Keikialii. Ua waihoia aku na leo uwalo imua ona. Ua nui na koikoi ikaika ana aku iaia. Ua wehewehe pono ia aku na ano apau o ke kulana imua ona, a iloko o ia mau mea apau, ua hoikeikeia aku imua o Kuhio, aia wale no maluna ona, ka manaolana o ka aoao Repubalika no ka holomua. 

 

Ua makemakeia i mea paahae i kanaka maluna ena ka hilinai a kona lahui kanaka.  Hoea mai la ke aumoe a hala aku la, aia no ke noho la ka aha kukakuka, a aole mamua ae o ka hora 2 o ka wanaao, akahi no o Kuhio a haawi mai i kona ae e holo no ke kulana oihana no ka aoao Repubalika.  Ua holo i'o oia, a ua wawahiia eia mau no oia no ia kulana mahope mai, o ia ke kulana elele i ka Ahaolelo Lahui, a ua lanakila mau o ia i na manawa apau.

 

He mea kekahi o ka huli hoi ana mai Wikekona mai, aole no i loihi ae nei ka manawa i hala.  a hoike mai la. i ka wa e kamakamailioia ana kekahi mau hana malaila e pili ana ia Hawaii nei, i ka wa i hoikeia ae ai ka inoa o kekahi poe no ke kulana oihana, ua pane mai la ke Keikialii, ina paha he mea kekahi e ninau aku ana me ke kui'o i kona kupaa keikie no ka pono o ke Teritore, a i ka aoao Repubalika ame na makaainana ma ke ano laula.

 

KA OLOHANI O NA

LIMAHANA MA AMERIKA

 

I keia la ke ku mai nei imua o kakou kekahi akaku. no ko kakou komo hou iloko o ka pilikia, mamuli o ka olohani o na limahana, o na hanalima like ole ma Amerika; ina aole ia e pau koke ana ia ae ana o Hawaii nei. ma ke kulana kupilikii, ma kekahi mau meaai. a kakou e kauka'i aku nei i kela ame keia manawa mai Amerika mai.

 

Ma ke ano nui ke olelo ae, ua hoalaia mai keia olohani, mamuli o ka manao ana o na hakuhana, ma na oihana like ole, e hoemi iho i ka ukuhana o na limahana, elike me ka lakou i manaoio ai, he hana kaulike ia, oiai ua hoemiia mai ke kumukuai o na meakuai.

 

I ka nana aku nae. he hana paakiki ma ka aoao o na limahana ka ae ana mai e hoemiia iho ko lakou ukuhana. no ka mea ua maa aku la lakou i ka ohi ana i na ukuhana nunui, ua loaa i ko lakou mau ohana ka nohona oluolu ana; ua loaa i ko lakou poe keiki na hoonaauao kiekieia, ame kekahi mau pono e ae, i loaa ole ia lakou mamua; o ka hoihoi hou ana ia lakou ilalo, i na ukuhana, ma kahi o ka umikumamalima pakeneka. aneane no e hiki ole i ka hapanui o na limahana ke ae mai, i kela manao ma ka aoao o na hakuhana.

 

O ka mea wale no nana e hoopakele ae ia Hawaii nei, mai kekahi kulana kupilikii ae, ma keia mua aku, o ia no ka haawipio aku o kekahi aoao, pela e paa mau mai ai ka holo ana o na mokuahi halihali ohua ame halihali ukana no Hawaii nei, ina aole pela, alaila e nele ana kakou i kekahi mau meaai, ame kekahi mau waiwai e ae, a o ka hopena, e hoopiipii mai ana ka poe kalepa waiwai i ke kumukuai o na meakuai.

 

He ninau ano nui loa keia, mawaena o na hakuhana ame na limahana. Ke makemake nei kakou e emi mai na kumukuai  o na meakuai i keia la, o ke kumu e emi mai ai na kumukuai, o ia no ke emi o na ukuhana: a o ka pipii o na ukuhana, o ka pipii no ia o na kumukuai o na waiwai kalepa like ole.

 

Ina no ka pahola mai o keia olohani ma Hawaii nei, e auamo ana kakou i kekahi mau hopena maikai ole o kela hana, e kau aku i ko kakou mau manaolana, no ka hoea mai i ka hoopauia ana ae o kela pilikia, e nohoaliii hou mai ai ka lokahi ame ka noho oluolu ana mawaena o na hakuhana ame na kauwa.

 

O kekahi o na hana kokua ku i ke aloha, a kakou e na Hawaii e nanamaka ole ai, o ia no ke alulike ana no ka waihona kukulu home, a na kaikamahine o Kamehameha e hooikaika mai nei.  Ma@ia paha, e lilo aku ana keia home, ke paa, i home no ka kakou mau kaikamahine, hoopalaha nae kakou i keia hana maikai! Nou e ka lahui Hawaii kela home, a he hana pono loa, ka haawi ana ae  i na kokua no kela waihona elike me ka hiki; o ka oi loa aku nae o ka pono, o ia ka hele ae e nana i ka ahamele . e haawiia ana e na kaikamahine o ka papa mua loa i hemo ai mai ke Kula Kamehameha mai o na Kaikamahine. ma ka po@o ka Poaono. ka la 21 o Mei nei. 

 

Aole he wahi e ae ma na aupuni naauao o ka honua nei, i like aku me Hawaii @uku, ka nui o na hana, no ka hoolako ana aku i na limahana. Ua oi ae ka nui o ka hana, mamua o na limahana; no ia lawa ole ke kikooia aku nei na limahana maiwaho mai; nolaila mai hoopalaleha e na limahana kupa o ka aina, ma ka makaala ana i ka oukou mau hana iho a mai hilahila hoi, i ka lawelawe ana aku, ma kela ame keia ano hana; he hookahi mea nui, o ka hiki mau ke ola me ka maikai. me ke komo ole iloko o na auwe ana i ka pilikia.

 

Ina ma ke kupaa mahope o ka aoao Repubalika.  Ke ko'ik'oi e kaupaonaia mai ai ke kulana ko'iko'i o kekahi moho, no ke kulana kiaaina o Hawaii nei, a laila o ke Keikialii Kalanianaole wale no ka mea hiki ke ku aku imua, a koi i kona kuleana no kela oihana, ma o ka moolelo i paa no kona lilo ana i mea paahae no ka aoao Repubalika. 

 

Nuhou Kuloko

He o ia mau ka noho po@@@@ @@@nei poe, i keia manawa, no ka mea e hookohuia mai ana i kiaaina no Hawaii nei.

 

Aole he halawai a ko Moanalua poe i keia Sabati, no ka noonoo ana i na mea pili i ko lakou pa ilina, aka ma ia Sabati aku, Mei 22, e malamala ai ka halawai ma kahi mau.

 

Ma ka mokuahi Sonoma o ka haalele ana mai ia Honolulu nei ma ke ahiahi o ka Poalua aku la i hala i holo aku ai ke komisina ahaolelo no ka bila hoopulapula Hawaii, ma ka lakou huaka'i no Wakinekona.

 

Ua hookohuia aku nei o Henry C. Mossman i lunakanawai apana no Wailuku, Maui, ma kahi o ka Lunakanawai Wm.A. McKay i waiho mai i kela kulana, mamuli o ka loaa ana o kona uku hoomau, mai ka ahaolelo aku.

 

Ma ka moku@@@ Manoa o ka Poakolu iho nei i hala aku la ka Mea Hanohano C.H. Cooke ame kona ohana no Amerika, e hala ai he mau mahina ia laua ma ka maikaikai ana, mamua o ka huli hoi hou ana mai no Hawaii nei.

 

Ua hookohuia mai nei o W. O. Crowell o Waimea, Kauai, i lunahelu me ohi auhau no ka apana o Waimea, Kauai, ma kahi o Mr. J.K. K@puniai i waiho aku a kela oihana, mamuli o ka haawi ana mai nei o ka ahaolelo i uku hoomau nona.

 

Ke puka aku nei ke Kuokoa me 12 aono i keia pule, no ka hoao ana e mahuahua na kanawai ah@lelo e hoopuka aku ai i kela ame keia pule.  Ma kahi o ka elua haneri a oi aku ka nui o na kanawai i hooholoia e ka ahaolelo aku la i pau.

 

E hoomanawanui mai no e na makamaka ke ike ole iho i ka lakou mau palapala i hoo@na mai ai no keia keena, no ka hoopukaia aku ma keia pule. Hookahi kumu o ka hiki ole ke hoopukaia aku, o ia no ka piha loa o na koramu o ka nupepa i keia pule.

 

Oiai ke hookokoke mai nei ka La Kaupua, ua makemakeia ka poe he mau ilina ko lakou maloko o ka pa ilina o Kawaiahao, Kamo@@@@ ame Pa@@@, e hoomaemae i ko @@ou mau pa, elike me ka hoolaha a ke komite pa ilina, e puka aku nei ma kekahi wahi o keia pepa.

 

E malama ae ana ka Ahahui o na Mamakakaua i ka lakou halawai maloko o ka hale waiho buke o ke aupuni, e ku nei ma ke kihi mauka o na alanui Moi ame Puowaina, ma ka bora elua me ka hapa o ka auwina la o keia Poaono iho Mei 14.  Ua makemakeia na lala apau o kela ahahui e hoea ae ma 'ia halawai.

 

Ma ka Po'alima aku nei i hala, Mei 5, 1921, i haawiia aku ai ka laikini loia ia Henry W. Waiau, no ka lawelawe ana i ka oihana loio, maloko o na aha apana apau o keia Teritore.  He hope no ka lunahooia o ke K@lana o Kauai o Mr.  Henry W. Waiau, a ua haawiia aku iaia ka laikini lo@@ e ka Lunakanawai Kaapuni Wm. C. Aehi Jr., mahope o kona ni@@@@@@ ana.

 

NA MARE

 

John Kapai Naki ia Mary K. Mawae, Sept. 9.

Jack Peterson ia Lizzie Akau, Apr. 28.

Puna Liwai ia Harold K. Waianuhea, Mei 3.

Clarence E. Flores ia Hapeania K. Mana, Mei 4

Ed. K. K@@ewa ia Hannah K. Lincoln, Mei 7.

Louis K. Quemuel ia Agnes Kealoha, Mei 7.

 

NA HANAU

 

Na Joseph Kaiwi ame Julia Kahanu, he kaikamahine, Apr. 21.

Na Joseph Kahauolopua ame Alice Kealoha, he keikikane, Mei 24.

Na J. Kekipi âme Annie Halehett, he kaikamahine, Apr. 29.

Na Wm. Kama âme Lily Kaihe, he kaikamahine, Mei 1.

Na Geo. Punahele ame Sarah Waiolama, he keikikane, Mei 3.

Na Lui Kaneiakala ame Lily Kaika@@, he koikikane, Mei 4.

Na Wm. E. Ewaliko ame Elizaabeth Tai, he kaikamahine, Mei 5.

Na Mr ame Mrs. Kaiwi, he kaikamahine, Mei 8.

Na Abraham W. Akana ame Jennie Hanapi, he keikikane, Mei 9.

Na Mr. ame Mrs. James Papoko, he kaikamahine,  Mei 10.

 

NA MAKE

Matthew Makekau, ma ke Awawa o Makiki, Mei 6.

S. Oku, ma ke alanui Repubalika, Mei 7.

Lahapa Kahoolealii, ma ke alanui B@@@, Mei 8.

H.R Kahauanu, ma ke alanui Ala Moana, Mei 8.

He bebe na Mr. ame Mrs. P Solomo@, ma ke alanui Hustace, Mei 9.

Luka Kekumu, ma Niolopa, Mei 10.

Estrella Kekelaokalani, ma ke alanui Parker, Mei 10.

He bebe na Mr. ame Mrs. J. Papoko, ma ke alanui Kuakini, Mei 10.

He bebe na Mr. ame Mrs. Sam Kaluna, ma Honolulu, Mei 11.

Lono Kaiaiki, ma ke alanui Kula, Mei 11.

 

Nuhou Kuwaho

 

MEMPHIS, Mei 8--Elua mau kanaka i paa i ka hopuia maanei mahope iho o ka hu ana a nahaha kekahi @@@ahi ma ka po nei ma Almont. Arkansas, a ma ka nahaha ana o ke kauahi i make ai ke kanaka paoahi a hoe@@@@ kekahi mau kakauolelo o ka oihana leka.  Ma ka olelo a na luna aupuni ua maopopo loa o kela nahaha ana o ke kaaahi he hana ia i hoolalaia me ka manao kolohe e powa i ke kaaahi.

 

NEW YORK, Mei 8. --Ua noiia aku e ka Adimarala Benson ka lunahoomalu o ka papa o na moku Amerika i keia la i na luna nui  ame na kanaka o ka oihana marina kalepa Amerika no ka hana a hui pu ana me na kahuahana a ka papa ma ka mea e pili ana i ka olohani a na marina, a e noi aku no ke apono ana mai i na manao no ka hooponopono ana i na ukuhana ame na mea e pili ana i ka hana.

 

SEATTLE, Mei 9, --Ma keia la iho la i hoomaka ai ka Hui Mokuahi Pakipika e hoopau aku aneane 200 mau kupakako oloko o ko lakou mau keena maloko o na awakumoku lehulehu like ole ma ke kapakai Pakipika mamuli o ke kuwale o na moku no ka olohani o na kolu.  Ua oi aku mamua o 400 mau kanaka hana o ka hui ma na uwapo i hoopau pu ia aku no ka nele i ka hana.

 

HOOLE KA PAPA NO NA HOOLILO KAAHELE.

 

Ma ka noho ana ae o ka halawai a ka papa lunakiai o ke Kulanakauhale a Kalana o Honolulu nei, ma ka po o ka Poalua aku la i hala, i koho kue ai ka hapanui o na hoa o ka papa, ma ka aoao e hoole ana i ka hoolilo ana aku i kekahi huina dala, no na lilo kaahele o kekahi mea oloko o ke keena o ka loio kalana no Wakinekona, no ka makaala  ana i na pono o ke kulanakauhale, ma na hooponopono ahaolelo, e noonooia mai ana ma ka ahaolelo lahui i keia kau.

 

O ka Lunakiai Arnold ka mea nana i hookomo ae i kekahi olelo hooholo imua o ka papa ma kela po, e kauoha ana e aeia aku, e hoolilo i kekahi mau dala, no na hoolilo o ka hoouna ana i kekahi mea mai ke keena loio kalana aku no Wakinekona, eia nae ua hoopaneeia  ka noonoo ana i kela olelo hooholo no kekahi manawa okoa aku.

 

O na hoolilo i manaoia, o ia no ka ukumoku ame ka uku kaaahi, o kekahi mea e hele ana no Wakinekona, mai ke keena aku o ka loio Kalana, a e ukuia aku no hoi oia i $25 o ka la, oiai oia e kaawale ana mai Honolulu aku nei.

 

No ke kue ana nae i ke aponoia o kela olelo hooholo o ka Lunakiai Pacheco ka mea i hoakaka ae i kona manao, i ka waiwai ole o ka hoouna ana i kekahi mea i Wakinekona, malalo o na hoolilo o ke kalana, no ke kumu, ua apono mua ka papa i kekahi olelo hooholo, e kauoha ana i ke kiaaina, e hui pu aku me ka Peresidena o Amerika Huipuia, no ka ae ana mai e hoopukaia na bona aie, i hiki aku ma kahi o hookahi miliona, elike me ia i hooholoia ai e ka ahaolelo aku la i hala.

 

No na mea hoi e pili ana i ka bila kaa uwila, e noonooia mai ana maloko o ka ahaolelo lahui, na manao ka Lunakiai Pacheco, ua lawe no i ka elele lahui ma Wakinekona, ke makaala no ka pono o ke aupuni, a o ka hoouna maoli ana aku i kekahi mea oloko o ke keena o ka loio kalana, he hana hoopau dala wale no ia.

 

He elua mau lunakiai i hoea ole ae ma kela halawai a ka papa, a ma ka ninauia ana nae i na hoa o ka papa i hoea ae ma kela po@@ua hoopaneeia ka noonoo ana i ka olelo hooholo.

 

E HOOPAI IA ANA KA POE HOLO NUI E KA AHA.

 

Ma ke kakahiaka Poakahi nei elua mau kalaiwa kaa otomobile i hoopaneeia ko laua kalaiwa hou ana no hookahi pule me ka aku pu@@@@@ i ka aha he $10 pakaki. Ma ka manawa a ka Lunakahawai Lightfoot e hoakaka mai ana i kona manao imua o @@ Kimikiyo ame A.P. Janio@, na mea i @@ewaia no ka holonui, eia kana o ka i ana mai ma nei mua aku o na kanaka apau e hopuia ana ao ka holonui a laweia aku mamua o kana @@@ he hoopai wale no ke kauia mai ana @@@@ o lakou me ka lawe pu ia o ko lakou mau laikini kalaiwa no kekahi manawa elike me ka manao o ka aha; he kupono.

 

O kekahi mau dala hoopa'i i ohiia mai ma ke kakahiaka Poakahi nei mai ia Keoki Holokahiki a mai ia James Sherwood mai he $6 pakahi no ka hewa o laua i hoopa'iia mai ai he on a.

 

No ka hoea ole ana ae:o G.A. Wright imua o ka aha no ka pane ana ae i kona hewa i hoopiiia ae @@@@@@@@ i ke kanawai e pili ana i ka holo ana o na kau, ua lilo wale kana mau dala he umi o ka hela ana ae i ke aupuni.

 

Ma ka Poakahi ae @@@, ka la hope e hookaa ai i na auhau me ka ukupanee ole, mahope aku o kela la, e kakiia mai ana na @@@@@@@@@ ole ia, he umi pakeneka no k@ dala; nolaila e mak@@@@ loa i ka auhau.

 

HE MAU HOAKAKA I KA LAHUI HAWAII--E ALA KAKOU A LOKAHI

 

Olelo mai ka Palapala Hemolele, kokua no ke Akua i ke kanaka e hoao ana e kokua iaia iho; in a he pololei keia olelo i paanaau ia kakou i ka poe heluhelu Baibala, aole anei o ka manawa keia a kakou e ala ai a noonoo iho e hana kakou i kekahi mea e hiki ai ia kakou ke kokua i kekahi mea e hiki ai ia kakou ke kokua ia kakou iho, elike me ka a o a ka Palapala Hemolele, a ina kakou e noho palaka ana elike me kakou e noho nei i keia manawa me ko kakou lahui aloha, alaila ua pololei no ka wanana a ka Palapala Hemolele, e noho kuapaa ana no ka lahui Hawaii malalo aku o na lahui @ @ rula nei ia kakou a ia lakou no kakou e la mau nei i kela ame keia makahiki.

 

Ke nono nei kakou i keia mau la me ka pilikia i ka pipii o ka poi, a ke hoao ole kakou e kokua la kakou iho, e pipii loa aku ana ka ai i ka 10c o ka paona, a ehia paona poi e lawa ai kou ohana, aole anei he mea ia e pepehi ana i ko kakou lahui, hui pu me ke kumukuai o ka i'a, me ka lole, kamaa ame na mea apau a kakou e kuai nei, mai na lahui e mai, a e mau aku ana no ko kakou noho kuapaa ana peia ahiki i ka nalowale loa ana aku o ko kakou mau aloha; hookahi wale no alanui e pakele ai kakou, o ka lawe ana mai o kela ame keia Hawaii a noonoo nona iho i ke a'o a ka Buke Nui (kokua ke Akua i ke kanaka e hoao ana e kokua iaia iho); a ua pili no hoi ia wanana a Kristo i ka lahui e hoao ana e kokua ia lakou iho.

 

I ulolohi no na hana e holomua ai ko kakou noho ana ma na hana kalepa, i ko oukou noho mai i kula, a o Duke Kahanamoku me Kealoha ma ka i hoike aku nei i ke ao holookoa, he makaukau no ka na keiki Hawaii e paio pu me na lahui e, ma na hana kalepa in a kakou e huki like hookahi puuwai, hookahi umauma, hookahi poohiwi, e komo pu mai kakou apau i keia manawa a lulu like i $25.00 o ka ohana a oi aku, elike me ka mea hiki iaia ke hoahu no ko kakou kukulu ana i hui nui like me ka'u e hoolala nei, e paulele mai kakou apau no ka pomaikai me ka holomua o ko kakou lahui aloha, a malaila kakou apau e kuai ai i ka kakou mau mea apau e ola ai ka ohana o keia noho ana.

 

Ua hiki loa ia kakou ke paa i ka hana poi no kakou iho me ka hakalia ole, ina hooholo kela me keia Hawaii on a lo'i kalo e mahi a kuai mai kana kalo i ko kakou hui, pela me na Hawaii lawai'a apau, peia pu me na lala apau o ka hui, hoohiki lakou apau malaila ka lakou poi, i'a, lole, kamaa, papale ame na mea apau i lako oloko o ka halekuai o ka hui, ke hana kakou pela, me ke kanalua ole e haawi ko kakou kakoo me ko kakou ikaika apau elike me ke a'o a ka Palapala Hemolele, ua hiki ia'u ke kaena aku me kahakalia ole, aole e nele ko kakou noho holomua ana, he lahui noeau a makaukau ma ka hookele ana i na hana kalepa o na ano apau.

 

He oiaio no paha he nui na hui a kakou i kukulu ai, a ua poho; ina kakou e imi pono ana i na kumu, mamuli no ia o ka hoohemahema o na lala i ka hookaa pono ole i ko lakou bila aie,  aohe hiki i kekahi bikineki ke ku, in a aole makaala mau na lunahoohana i ka aie o ka poe aie mai i ka hui, no ka mea, aia wale no me ke dala kuike e loaa mai ai na meakuai owaho, me ka makepono, e loaa ai ka puka i ka hui, e uku aku ai i na lala paa kea i ka lakou mau pakeneta pomaikai, o ke komo ana mai i mau lala o keia hui, he ninau ano paakiki no i ka poe i hoao ole i keia mau hana.

 

Ua hamama ka puka i na ohana Hawaii apau i makemake e lawe i mau kea, no ka holomua me ka pomaikai o ko kakou lahui aloha, ma ko'u halekuai, ame ka papainoa a Mrs. M@@@@ K. Makekau e komo kauhale nei.

 

JAMES L. HOLT.

 

HALA O LAHAPA KAHAOLEALII

 

Ma ka hapalua o ka hora eono o ke ahiahi o ke Sabati aku nei i hala, i paniho mai ai o Mrs. Lahapa Kahaolealii e keia kulanakauhale, i keia ola ana, ma kona home ma ka Helu 1836 Alanui Luso, mahope iho o ka hoomailo ana a ka ma'i maluha on a, no kekahi mau pule lehulehu.

 

He lala o Mrs. Lahapa Kahaolealii no ka Ahahui Kaahumanu, a ua lawelaweia na hana hoolewa malalo o kela ahahui, mai ka hale waiho kupapau ku o Mr. Williams, ma ke alanui Nuuanu, no ka ilima o ka ahahui ma Puea, ma ka hora ekolu o ka auwina la o ka Poakahi @@@.

 

Ua hanauia o Mrs. Lahapa Kahaolealii ma Kauai, a ma kona manawa i puaho mai ai i keia ola ana, ua piha iaia na makahiki he 68.

 

He hookahi ana keikikane e ola nei, oia o Robert Boyd, e noho hana nei maloko o ke keena o ka oihana wai o ke Kulanakauhale a Kalama o Honolulu a i lawe hanai ia hoi e R. N. Boyd.

 

Ke hopohopoia aku nei iloko o keia mau la, mamuli o ka hapa mai o ke kalo, e pii hou ae ana ke kumukuai o ka poi, i umi keneka no ka paona ma keia mua aku; mamuli o ke kualia ana ae o na kalo; apau a Jonah Kumalae e kekahi hui o na hui kuai poi a na Pake.

 

HOOLAHA AKEA O KE KUAI O KA HOOLIMALIMA, AUPUNI O KA PONO HOOMOE ALAHAO MA HANAPEPE, KAUAI.

 

Ma ka hora 10 a.m., Poakalii, Iune 13, 1921, ma ka puka k@mo mamua @ ka Hale Kapitala, Honolulu, T.H. malaila e kuaiia aku ai ma ke ku@@@@@akea, malalo o ka Pauku 380 o na Kanawai Hooponopono Hou @@@ 1915. ka hoolimalima laula e komo ana na pono hoomoe alahao ma Hanapepe, Waimea. Kona, Kauai, e paaia nei i keia wa @ ka Hawaiian Sugar company, o ua mau pono hoomoe alahao la, nona ka iliaina o 35.6 eka, oi aku a emi mai paha.

 

Manawa o ka hoolimalima, 21 makahiki mai Iune 13, 1921 aku.

 

Uku hoolimalima haahea, $25.00 o ka makahiki e uku makahiki mua ia.

 

E hoolimalimaia aku ana ka aina i oleloia malalo o keia mau kumu hoopaa;

 

(1) Ke hookoe nei ke Teritore i ka pono iloko iho ona, a e haawi aku i ka poe okoa ae, i ka pono ame ke kuleana o ka a'e  ana ame ka hoohana ana i ka aina e hoolimalimaia aku ana me a a no hawai, na paipu wai, na @@@uwila, na alanui, na auwai ame na pono alahele e ae ame na hoohana ana e ikeia ana ke kupono. E hoohanaia ka poe e haawiia aku ai kela Kuleana, @ a'e aku ma ka aina i oleloia, ma ke ano e hoopilikia ole aku ai i ka mea e lilo ai, ma ka hoohana ana o ka aina i oleloia no na hana pono hoomoe alahao.

 

(2) Na ka mea e lilo ai e uku i na lilo o ka hoolaha ana ame na kaki e ae e pili ana i ka hoomakaukau ana i ka hoolimalima.

 

(3) E kaa aku no ke kuai o ka hoomalimalima maluna ae malalo o na manao o ka Hoolimalima Laula A@@@@ i hoopukaia e ke keena o ke Komisina o na Aina Aupuni.

 

(4) Kumu Aelike, Kuike.

No na kii palapala aina, na ano o ka Hoolimalima Laula ame na hoakaka aku i koe, e noi ae ma ke keena o ka Hope Akena, Mr. G. W. Sahr, Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T. H.

 

C. T. BAILEY,

Komisina o na Aina Aupuni.

Hanaia ma Honolulu, T. H., Mei 12, 1921.

6451---Mei 13, 20.

 

HOOLAHA KUAI O KA HOOLIMALIMA AUPUNI

 

Ma ka hora 10 a. m., Poakahi, Iune 13, 1921, ma ka puka komo mamua o ka Hale Kapitala, Honolulu, T.H., e kuaiia aku ana ma ke kudala akea malalo o ka Pauku 380 o na Kanawai Hooponopono Hou ia o Hawaii o 1915, ka hoolimalima laula o ka aina aupuni malalo iho nei:

 

Kahua Luawai Hooki'o o Puea, he hapa o ka Aina Aupuni o Puea, Waianae, Oahu, nona ka iliaina o 5.73 Eka oi aku a emi mai paha.

 

Manawa hoolimalima, 21 makahiki mai Iune 13, 1921 aku.

 

Uku hoolimalima haahaa, $50.00 no ka makahiki, e uku hapa-makahiki mua ia.

 

No ka mea kuai mai e uku i na hoolilo o ka hoolaha ana ame kekahi mau lilo e ae e pili ana i ka hoomakaukau ana i ka palapala hoolimalima.

 

No na palapala aina hoolimalima laula ame kekahi mau hoakaka e ae, e ninau ae i ke keena o ke Kumisina o na Aina Aupuni, Honolulu, T. H.

 

C.T. BAILEY,

Komisina o na Aina Aupuni.

Hanaia ma Honolulu, T. H., Mei 11.

1921.

6451---Mei 13, 20.

 

HOOLAHA KUAI O NA AINA AUPUNI MA HANAPEPE, KAUAI.

 

Ke haawiia aku nei ka hoolaha ma keia ma ka Poakahi, Iune 13, 1921, ma ka hora 10 a.m., ma ka puka komo mamua o ka Hale- Kapitala, Honolulu. T.H., malaila e kuaiia aku ai ma ke kudala  akea i ka mea koho kiekie loa, i kulike me ka manao o ka Pauku @@ o na Kanawai i Hooponopono Hou ia o Hawaii o 1915, ka hapa o na Aina Aupuni ma Hanapepe, Waimea, Kona, Kauai, no ka pono o ka hana ana i alanui--kaaahi  paamau, nona ka iliaina o 10.20 Eka,  oi aku a emi mai paha.

 

O ka aina i oleloia ae la e kuaiia aku ana elike me na ano malalo nei;

 

(1) Ina e hiki ole ana i ka mea e kuai mai ana e hoohana i na aina i oleloia, no ka pono o ke alanuihao kaaahi, e pau ana ke kuleana maluna o @a aina a e hoi hou mai ana ia aina i ke Teritore:

 

(2) E hookoe ana ke Teritore i ka pono maloko o ia mau aina nona iho a haawi aku i kekahi poe o@@@, i ka pono ka a'e ana aku maluna o ia mau aina, ame na hoohana ana i ka aina no ke kuai ia aku, me ame na hawai, na laina paipu, na laina uwea, na alanui. na auwai i eliia ame na pono alanui e ae ame na pono ae  elike me ia e ikeia ana he kupono. O ke kuleana ma ka aoao o ke Teritore ame ka poe ia lakou na pono e haawi ia  aku ana e a'e aku maluna o ka aina i oleloia, a e hoohanaia  ma kekahi a@@ e keako@@ole ia ai ka pono o ka mea kuai mai, ma ka hoohanaia ana o ia aina i ole loia no ka pono o ka hana ana i alanui kaaahi.

 

(3) Na ka mea e kuai mai ana e uku i na hoolilo o ka hoolaha ana ame na auahau e ae ame na @@@@ e @@@@@ mai ana ma ka hoomakaukau ana i ka mai ana ma ka hoomakaukau ana i ka palapala kuai.

 

Kumukuai haahaa, @1020.

Aelike, Kuike

No na palapala aina ame na hoakoka aku i koe, e nei ae ma ke keena o ka Hope Akena, Mr. G. W. Sabr, Lihue, Kauai, a i ole ma ke keena o ke Komisina o na Aina Aupuni, Hale Kapitala. Honolulu, T. H.

 

Komisina o na Aina Aupuni G. T. BAILEY,

Hanaia ma Honolulu, T. H., Mei 11

1921.

6451--Mei 13, 20.

 

Maloko o ka halehui Odd Fellows. e ku nei ma ke kihi o na alanui Papu me Moi, e malama ae ana ke keiki makapo William Kalahale, he ahamele me hulahula ame hula Hawaii, ma ka hapalua o ka hora ehiku o ka po o keia Poaono iho, Mei--14, o na pomaikai apau o kela hana e holo aku ao ia no ke kokua ana ia William Kalahale.