Ka Nupepa Kuokoa, Volume LIX, Number 20, 20 May 1921 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KANAWAI 103

[B. H. Helu 188.]

HE KANAWAI

E HOOKAAWALE ANA I UMI-KUMAMAHA TAUSANI HOOKAHI HAN@@I AME KANAHA-KUMAMAKOLU DALA AME UMI-KU-MAMALUA KENEKA ($14,143.12) NO KA UKU ANA AKU I KA AHAHUI FEA AME HEIHEI O KE KALANA O MAUI NO NA HOOLOLI I PAKU-HA AKU EIA NO KE KUKULU ANA I HALE FEA TERITORE MA KAHULUI, KALANA O MAUI.

E Hooholoia e ka Ahaolelo o ke Teritore o Hawaii:

PAUKU 1. O ka heluna o umi-kumamaha tausani hookahi haneri me kanaha-kumamakolu dala ame umi-kumamalua keneka ($14,143.12) ma keia ke hookaawaleia nei a e ukuia mailoko ae o na dala iloko o ka waihona puuku mai na loaa laula mai o ke Teritore o Hawaii no ka uku ana aku i ka Ahahui Fea ame Heihei o ke Kalana o Maui no na hoolilo i hoolilo ia e lakou no ke kukulu ana i hale fea kupono no ke teritore ma Kahalui, Kalana o Maui, maluna ae o ka heluna i hookaawale mua ia ma o ke Kanawai 185 o na Kanawai o ke Kau o 1919.

PAUKU 2. O ka heluna i oleloia o umi-kumamaha tausani hookahi haneri ame kanaha-kumamakolu dala ame umi-kumamalua keneka ($14,143.12) i hookaawaleia ma keia e hooliloia aku no maluna o na palapala kikoo dala i hoopukaia e ka lunahooia i ka manawa e waihoia mai ai i ka lunahooia i oleloia e ka Ahahui Fea ame Heihei o ke Kalana o Maui o na bila i kakauinoaia e hoike ana ia mau hoolilo.

PAUKU 3. E mana no keia Kanawai i kona aponoia ana. Aponoia i keia la 16 o Aperila, A. D. 1921. C. J. McCarthy, Kiaaina o ke Teritore o Hawaii.

 

KANAWAI 104.

[B. H. Helu 247.]

HE KANAWAI

E HOOKAAWALE ANA I HAAWINA NO KA UKU ANA AKU IA KAAILAAU PULELOA.

E Hooholoia e ka Ahaolelo o ke Teritore o Hawaii:

PAUKU 1. O ka puuku o ke Teritore o Hawaii ma keia ke hoomanaia aku nei a ke kuhikuhiia aku nei e uku aku maluna o na palapala kikoo dala e hoopukaia ana e ka lunahooia, a i ke aponoia ana e ka lunahelu auhau o ka mahele elua, i ka heluna o kanakolu-kumamalima dala ame kanawalu-kumamawalu kenena ($35.88); a oia uku ana no ke kumu e hoihoi hou aku ana ia Kaailaau Puleloa, no ka hewa o kona uku ana i na auhau waiwai e waiho la i Kula, Mokupuni ame Kalana o Maui.

PAUKU 2. E mana no keia Kanawai i kona aponoia ana. Aponoia i keia la 16 o Aperila, A. D. 1921. C. J. McCarthy, Kiaaina o ke Teritore o Hawaii.

 

KANAWAI 105

[B. M. Heln 264.]

HE KANAWAI

E HOOMANA ANA A E HOOMAOPOPO ANA I KA HANAI ANA, KA MALAMALA ANA, KA MAHELEHELEIA ANA AME KA HOOLAKOIA ANA O KA HOOKAHE AU UILA NO KA HOOMALAMALAMA ANA AME KA HOONEE ANA I NA MIKINI MALOKO O KAPAA AME WAIPOULI, MA KA APANA O KAWAIHAU, MA KA MOKUPUNI O KAUAI, TERITORE O HAWAII.

E Hooholoia e ka Ahaolelo o ke Teritore o Hawaii:

PAUKU 1. Laikini. O Iameki L. Apana o Kapaa, Kalana o Kauai, Teritore o Hawaii, o kona mau hoa hui, kona mau hooilina a hope ma ke kanawai, a i ole o kekahi hui ana a i ole a lakou e kukulu ai a hoohui me ke aupuni malalo o ke kanawai o ke Teritore o Hawaii (oia a i ole o lakou ma keia mua iho maloko o keia ke hoomaopopoia iho nei o ka "ahahui") ma keia ke haawiia nei ka mana, ke kuleana ame ka aeia e hoohana, e kuai aku, e hoolako a e hooiawa i ka hookahe au uila, a i ole i ka ikaika hoonee mikini o ka uila iloko o na apana o Kapaa ame Waipouli, ma ka Mokupuni o Kauai, Teritore o Hawaii, no ka hoomalamalama ana i na alanui, na alaloa, na hale aupuni ame na hale noho, a i ole no ka hoolawa ana aku i ka ikaika hoonee mikini o ka uila, a i ole ma kekahi ano e ae a ka ahahui e manao ai he pono, a i kela ame keia manawa no ka manawa o kanalima makahiki, no na hana i hoomaopopoia maloko nei, e kukulu ae, e malama a e hoohana i mau pou kupono i mau laina, mau uwea, i mau uwea nunui, i mau ipukukui, i mau pale uila, i mau paipu lawe uwea uila, ame na lako a pono e ae i manao ia ai i kela ame keia manawa he mea pono e hanaia no ka hoolako ana aku, ka mahelehele ana, ka hoolako ana ame ka hoolawa ana i ka uila i ka poe makemake lawe uila malalo, ma ka aoao, maluna iho a maluna ae o na alanui, na alahele wawae ma na aoao o ke alanui, na alanui, na kuea, na alaliilii ame na alaheleaoao maloko o ua apana la o Kapaa ame Waipouli, a e hoohui i ua mau uwea la, na laina ame na pale uila me kekahi hale hana uila, me kekahi hale aupuni a hale noho, ipukukui, pou ipukukui a i ole me kekahi wahi e ae a mea e ae ame ka wahi i loaa mai ai ka uila.

PAUKU 2. Na rua âme na hooponopono ana. O ka papa kunakiai o ke Kalana o Kauai, ma keia ke hoomanaia nei i kela ame keia manawa e hoololi, a hoano-e ae, a i ole ia e hoonui aku i mau rula kupono ame na hooponopono kupono ana e hoomaopopo ana i ke kukulu ia ana o na pou ame na uwea, ke pale uilaia ana @@ a uwea ame na lako e ae e lawe ana i ka uila, ka paeli ana i na auwaha ka hoomoe ana i na paipu lawe uila, ame ka malama ana ma ke ano maikai i na pou apau, na uwea ame na lako e ae, a ma kekahi ano e ae e pili ana i ka hoohanaia ana ame ka hoolakoia ana o ka uila me na ano apau e malamaia ai ka maluhia me ka pono o ka lehulehu. Ina, ma kekahi manawa, o na ahahui nei, mahope iho o ka waiho ia ana aku iaia o kekahi koi ma ke kakau e hooko i na rula, a hooko ole oia ia mau rula ame na hooponopono ana elike me ia i hoakakaia ae la maluna no ke kukulu ana i na pou ame ka hoomoe ana i na uwea, ke pale ana i na uwea ame na lako e ae i hoohanaia no ka lawe ana i ka uila ame ka malama maikaiia ana o na pou ame na lako e ne, alaila o ka papa lunakiai o ke Kalana o Kauai mahope iho o ko lakou haawi ana i ka ahahui i kekahi palapala e hoike aku ana i ko lakou haawi ana i ka ahahui i kekahi palapala e hoike aku ana i ko lakou manao e hana pela, e hoonee aku no ia i ka hooko ana i ua mau rula nei e pili ana i ka hooponopono ana i ke kukuleia ana o na pou ame na uwea, ke pale aua aku i na uwea ame na lako e ae e lawe ana i ke au uila, ka paeli ana i na pou apau, na uwea ame na lako ame ka hooponopono ana aku ma na ano e ae i na mea apau e hookoia ai ka manao o ua mau rula nei, a o na lilo apau o ia mau hana ana e hoihoiia mai no ia mai na loaa mai o ka ahahui no ka pono o ke Kalana o Kauai.

PAUKU 3. O na pou aole e hoohihia wale i na alanui. O na pou apau, na laina, na uwea, na uwea nunui, na ipukukui, na pou ipukukui, na pale uila, na paipu lawe uwea uila ame na lako e ae e kukuluia ana, e malamaia ana a e hoohanaia ana malalo ma ka aoao, maluna iho a maluna ae o kekahi alaina, alanui hele aoao, alanui kuea, alahaka, alaliilii a alaaoao maloko o ua apana nei o Waipouli ame Kapaa, e kukuluia no a e malamaia a e hoohanaia e ka ahahui ma na ano apau e hoohihia ole mai ai i ka maalahi o ka hele ana ma ua alaloa nei, ma ua alahui hele aoao nei, ua alanui, kuea, alahaka, alaliilii a alaheleaoao nei o ka lehulehu.

PAUKU 4. O ka wahi hana uila e hamama mau ia no ka makaikai ana a ka lehulehu. O ka wahi hana uila apau, o na buke apau o ka ahahui ame helu waiwai ana o ua ahahui la e hamama no ia i na manawa apau no ka makaikai a noii ana a ke komisina o na hanaaupuni o ke Teritore o Hawaii ame ka puuku o ke Kalana o Kauai.

PAUKU 5. Na mita, na kai ana, ke kupono ame ano o ka hoomopopoia ana o ia kupuno. Ua loaa i ka ahahui ka mana e malama, e hoohana a e hoolako i mau mita helu uila ame kekahi mau mea e ae e hiki ke huluia ka ikaika hoonee mikini, i ole, i ke au uila i hoolakoia i kela ame keia manawa, a e waiho aku ia mau mea ma na wahi like ole i manaoia ai he kupono no ka helu ana i ka heluna uila i hoolakoia a i ole ia e hoolakoia aku ana e ka ahahui. Ua loaa pu no hoi i ka ahahui ka mana e kaki aku, e lawe mai a e ohi mai mai na poe apau e lawe ana o ka uila i na kaki kupono, i hookauia ai i kela ame keia manawa e ka ahahui, aka aole nae e oi aku ia mau kaki ana maluna o ka huina e hoomaopopoia ai a e kau ia ai e ke komisina o na hana aupuni o ke Teritore o Hawaii, koe nae keia, ua loaa i ka ahahui ka mana e kaki, e lawe mai a e ohi mai mai ua poe lawe uila nei mai, i huina uuku loa e hookauia aku ana e ke komisina me ka nana ole ia ae o ka heluna uila i lawe ia; a koe hou aku no keia, in a e makemakeia ka uila e ke Teritore o Hawaii mai ua ahahui nei mai, a i oleia e ke Kalana o Kauai, a i ole ia e kekahi o ko laua hope a ole ia o kekahi o na mahele aupuni o laua, no kekahi hana a ka lehulehu, e kaki aku no ua ahahui la i ke kaki e hookauia mai ana e ke komisina; a koe hou no keia, o keia laikini ame ka ahahui e paa ana i keia, e kaa no malalo o ke alakai ana no ka hoomaopopoia ana o ke kupono o na kaki, na kumukuai ame na mea e ae e pili ana no ia ninau, o na manao o ka mokuna hookahi haneri me iwakalua-kumamawalu o na kanawai o Hawaii i Hooponopono Houia, umi-kumamaiwa haneri me umikimamalima, e hookumu ana i ke komisina o na hana aupuni maloko nei o ke Teritore i oleloia; e hookoe mai ana no nae hoi no ua ahahui nei ke kuleana e hoohalahala ai imua o ka aha kiekie o ke Teritore o Hawaii mai na kauoha mai apau a ua komisina nei elike no me ia i hoakaka ia ai maloko o ua mokuna nei i oleloia.

PAUKU 6. Ka hooloihi ana i na laina ame ke kaki ana no ka hoohana ana i na hoohui laina. Me keia, ua haawiia i ke Komisina o na Hana Aupuni o ke Teritore o Hawaii ka mana e kauoha i ua ahahui nei, i kona mau hope a hooko kauoha ma ke kanawai, e hooloihi i kona mau laina lawe uila i kela ame keia manawa e ike ia iho ai o ua hooloihi ana nei he mea ia e pono ai o ka lehulehu, a o ka wahi hana apau o ua ahahui nei, ke hui pu aku me ka lilo o ia hoohoihi ana, e hiki no ke ikeia iho e hiki no ke loaa mai he heluna dala e lawa kupono ai ka lilo o ke kukulu ame ka malama ana i ua komisina nei o na hana aupuni elike me ia i hoomaopopoia maloko nei, ua hiki no ka hoohalahalaia imua o na aha hookolokolo o keia Teritore elike me ia i hoakaka ia ma ke kanawai.

PAUKU 7. Na kaki no ka hoohanaia ana o na hoohui laina. Ua loaa no i ka ahahui ke kuleana e kaki i na poe lawe uila a i ole i ka poe noi e lawe i ka uila no ka lawe ana mai i ka uila i hookahi hapalua o na lilo apau ame ke kumukuai o na mea e hoohana ia ana no ka hoohui ana mawaena o ka laina nui kokoke loa mai ia wahi e makemake ia ana e hoohui no ka lawe uila ana ame ka wahi e hoohana ia ai o ka uila, a o na lilo o ke kumukuai o na lako i hoohanaia ame na lilo e ae o ia hoohui ana, i hui pu ia me ka lilo o na uwea, na pou, na pale uila ame na lako e ae ame ka uku hana i manaoia ai e hooholo pono ana i ua hoohui nei i makemakeia, a o ke kupono no hoi o ia kaki ia ana o ua hoohui nei maluna o ka mea e noi ana e hoohui ia e kaa pu aku no hoi ia malalo o ke apono ana mai a ke Komisina o na Hana Aupuni; koe no nae hoi keia, aloe e koi ia aku ka ahahui e hana, e kukulu a e malama i ua mau hoolako ana aku i ka uila no ka hoomalamalama ana ame ka ikaika hoonee mikini, aia wale no a waiho ae ka mea noi a mau mea noi no ua uila nei no ka hoomalamalama ana a ikaika hoonee mikini, ke koi ia aku e hana pela, i huina dala uuku mua me ua ahahui nei nona ka huina e uku aku u ka hapalua o ka lilo o ka huina i hoolilo ia no na mea lako ame ka lilo hana no ka hoohana ana i ua hoohui nei ana ame ke kumukuai o ka uila no hookahi mahina ma ka uku mua. Aole e koiia aku ka ahahui e hooloihi, e kukulu a e malama i kona mau laina nunui no kekahi loa aku mamua o ekolu haneri kapuai hooloihi koe wale no aia a he mea noi lawe uila no kela ame keia ekolu haneri kapuai o ua hooloihi nei ana, a i ole o kekahi hakina o ia huina loa, a i hui pu ia aku no hoi me na kumu e ae i hoomaopopoia ma keia kanawai, e aelike ua mea noi nei e lawe, e hookumu a e malama i elima mau ipukukui uila nona ka heluna nui o kanaha wa@a, a i ole hookahi ikaika lio o na mikini paa ikaika hoonee uila no ka manawa aole e emiiho malalo o hookahi makahiki.

PAUKU 8. Ke kuleana e paa waiwai, ke kaupalenaia ana. Ua loaa i ua ahahui nei ke kuleana e paa, e lawe ae a e malama iho ma ke kuai a i ole ia ma ka hoolimalima, i ka waiwai, i ka waiwai lewa, a i oleia i ka waiwai huikau, ame na waiwai e ae apau i manao ia ai he kupono a i ole makemake maoli ia no ka hooholomuaia ana o ka hana a ua ahahui nei, aka aole nae i loaa i ua ahahui nei ke kuleana ame ka mana e kuai aku i ka laikini a waiwai o kekahi hui e aku elike no me keia ke ano, koe wale no keia aia a loaa mai e ke aponoia ana e ke Komisina o na Hana Aupuni.

PAUKU 9. Ka mana e aie dala a e bona. I kela ame keia manawa e manao ai o ua ahahui nei he mea kupono ia no ka hooholomua ana aku i ka hana a ua ahahui nei, e loaa no i ua ahahui nei ka mana e aie dala me ka hoopaa ana aku i ka uku ia ana aku o ia huina i aie ia, me ka uku panee i aelike ia maluna o ia huina, ma ka moraki ana aku i na waiwai paa a i ole ia i kekahi hapa paha o na waiwai o ua ahahui nei, ame ka laikini ame na kuleana apau i haawiia a i ole ia i loaa aku mamuli o ka mana o keia kanawai, a in a ua manaoia ua oi aku ka pono, he hiki no ke hoopuka ia na bona, i hoopaa ia malalo o kekahi palapala kuai kahu maluna o na waiwai i olelo mua ia ae nei, a o ka huina o ia mau bona, aole ia e oi aku maluna o kanaono pakeneta o ka waiwai io o ua mau waiwai la, me na waiwai e loaa mai ana ma ia mua aku, a ke hui pu la hoi me ka puka ame ka loaa o ka waiwai me ka nana ole ia ae o kahi i loaa mai ai ia mau waiwai, a malalo no hoi o na loina ame na alakai a ka ahahui i manao ai he kupono, koe nae hoi keia, aole kekahi mea maloko o keia pauku e manao ia e hana ana i mea e hoonele ana i ka loaa ana aku i ua ahahui nei ke kuleana e loaa ka aie oihana ana, a i ole aie maluna o kekahi no@a hoopaa aie me ka hoopaa ole ia o kekahi waiwai, a koe hou no keia, aole e hoopuka aku ka ahahui i mau mahele kea no ka huina i oi aku maluna o ka huina i ukuia aku iaia ma ke dala kiuke, a aole no hoi e hoopuka i mau bona i emi iho ka waiwai io malalo o kanaiwa pakeneta o ka waiwai io o ka mahele, a o na loaa apau o kona mau mahele kea ame na bona e hoolilo ia maluna o na lilo no ke kukulu ana i ka hana i manaoia, Aole kekahi lala o ka ahahui, a aole hoi kekahi mea i hookohu ia aku, a i ole kekahi hope o ua ahahui nei, a aole no hoi kekahi mea paa mahele kea a i ole ia luna nui o ua ahahui  nei e komo aku, nona ponoi a i ole ma o kekahi mea e aku paha e lawe ae i aelike hoohana i hanaia e ua ahahui nei, kona mau hooilina a hope ma ke kanawai, no ke kukulu ana i kekahi wahi hana o ua ahahui nei.

PAUKU 10. O ka laikini, aole he ku hookahi. Ma keia ke hoomaopopo moali ia nei, aole kekahi mea i hoakakaia maloko nei e lilo i mea e manaoia iho ai e haawiia ana i ka ahahui ka mana ku hookahi e hoolako, e kuai aku a e hoolawa i au uila no ka hoomalamalama a ikaika hoonee mikini ana, a o ua ahahui la ame ka laikini, na mana ame na kuleana e haawiia nei ma keia e kaa no malalo o ka malu ma na ano apau o na kanawai e hookumu a e kukulu ana i komisina o na hana aupuni me na hoololi e pili ana no ia mea, ame na kanawai e ae apau e pili laula ana i kela ame keia manawa i na hui hana uila no ka hoomalamalama a ikaika hoonee mikini, a i ole ia o na ahahui e hoohanaia mau ano hana maloko nei o ke Teritore o Hawaii, a i ole ia o ke Kalana o Kauai, a i ole ia o ko laua mau hope aku.

PAUKU 11. Ka hoopau ia ana o ka laikini. Ina ua ahahui nei kona mau hope ma ke kanawai, kona mau hooilina a waihona waiwai e hooko ole a i ole ia e hoohana ole i na kauoha a i ole ia me na kuhikuhi a na pauku o keia kanawai, a i ole ia o na kanawai e ae o ke Teritore o Hawaii, a e hoomau aku i ka hoole ana a hooko ole ana i ua mau kauoha nei mahope iho o ka waiho ia ana ae he kauoha e hana pela ma ke kakau iloko o kekahi manawa kupono e ke komisina o na hana aupuni o ke Teritore o Hawaii, alaila ua loaa ka mana i ua komisina nei o na hana aupuni i oleloia, me ke apono ana mai a ke kiaaina ame ka loio kuhina  e hoopii imua o kekahi aha kupono i loaa ka mana e lawelawe ia mau ano hihia no ka hoopukaia ana ae o kekahi olelo hooholo e hoopau loa ana i ka laikini e hoopuka ia nei malalo o keia kanawai, ame na mana, na pono ame na pomaikai i hoomaopopoia maloko o ia laikini, a e hoopau loa ka mana ana o ia laikini. A i ka manawa e hoopau wale ia ai o ka lakini, ua loaa i ke Teritore o Hawaii, i ke Kalana o Kauai, a i ole ia i kekahi mahele aupuni o laua, ka mana e kuai i na waiwai apau o ka ahahui e waiho ana maloko o ua apana nei o Kapaa ame Waipouli, ma ka waiwai io, a ua waiwai io la e hoomaopopoia no ia elike me ia i hoakakaia maloko o keia; koe nae keia, e haawi ia aku i ua ahahui la keia manao a iini e kuai ia e ke Teritore, e ke Kalana o Kauai, a i ole ia e kekahi mahele aupuni o laua iloko o kanaono la mai ka hoopau wale ia ana aku o keia laikini.

PAUKU 12. Ua loaa i ka ahahui ke kuleana e hoopau aku a e oki aku i ka hoolako ana aku i ka uila i kekahi mea lawe uila e ae ole ana e uku i ka huina o ka bila no ka uila i lawe ia e ia a i hoolakoia aku e ua ahahui nei maloko o kekahi manawa kupono a ua ahahui nei e hana ai, ma kekahi mau rula alakai, no ka ukuia ana mai o na huina e aie ia ana e ka mea lawe uila a oia hoopau a oki ia ana o ka hoolakoia ana o ka uila, aole ia he mea e hoopau ai i ke kuleana koi aie o ka ahahui maluna o na ala i kuhikuhi ia ma ke kanawai, a i ole ia e kuhikuhi ia aku ana e ke kanawai no ka ohi ana mai i na aie o ka poe i aie mai.

PAUKU 13. Ka hoike makahiki; ka uku ana i ke aupuni. Hoko o hookahi mahina mahope iho o ka pau ana o ka makahiki, e waiho ae ka ahahui me ka puuku o ke Kalana o Kauai, i hoike piha e hoike ana i na loaa apau ame na hoolilo apau o ka makahiki i hala ae, a ia manawa pu e uku aku i ka puuku o ke Kalana o Kauai, no ka pono o ua kulana la, i elua ame hapa pakeneta o na huina loaa apau a ka ahahui mai na au uila apau i hoolawa ia aku i na poe lawe uila no ka hoomalamalama ana a ikaika hoonee uila no ka makahiki i pau aku la; a o na buke apau, na pepa. na palapala ame na buke moohelu waiwai e hamama no ia i na manawa kupono apau no ka noii a nana ana a ua puuku la o ke Kalana o Kauai. ame kona mau akena apau i hookohuia no ia hana.

HOOLAHA AKEA O KE KUAI O KA HOOLIMALIMA AUPUNI O KA PONO HOOMOE ALAHAO MA HANAPEPE, KAUAI. Ma ka hora 10 a.m., Poakai, Iune 13, 1921, ma ka puka komo mamua a ka Hale Kapitala, Honolulu, T. H., malaila e kuaiia aku ai ma ke kudalunkea, malao o ka Pauku 380 o na Kanawai Hooponopono Hoi ia o 1915, k@ hoolimalima laula e komo ana no pono hoomoe alahao ma Hanapepe, Waimea, Kona, Kauai, e paaia nei i keia wa e ka Hawaiian Sugar Company, o ua mau pono hoomoe alahao la, nona ka iliaina o 35.6 eka, oi aku a emi mai paha. Manawa o ka hoolimalima, 21 makahiki mai Iune 13, 1921 aku. Uku hoolimalimnia aku ana ka aina i oleloia malalo o keia mau kumu hoopaa:

(1) Ke hook@@ nei ke Teritore i ku pono iloko iho ona, a e haawi aku i ka poe okoa ae, i ka pono ame ke kuleana o ka a'e ana ame ka hoohana ana i ka aina e hoolimalimnia aku ana me, a no na hawai, na auwai ame na pono alahele e ne ame na hoohana ana e ikeia ana ke kupono. E hoohunaia ka pono ma ka aoao o ke Teritore ame ka poe e haawiia aku ai kela kuleana, e a'e aku ma ka aina i oleloia, ma ka hoohana ana o ka aioni oleloia no na hana pono hoomoe alahao. (2) Na ka mea e lilo ai e uku i na lilo o ka hoolaha ana ame na kaki e ae e pili ana i ka hoomakukau ana i ka hoolimalima. (3) E kaa aku no ke kuai o ka hoolimalima maluna ae malalo o na manao o ka Hoolimalima Laula Aupuni i hoopukaia e ke keena o ke Komisina o na Aina Aupuni. (4) Kumu Aelike, Kuike. No na kii palapala aina, no ana o ka Hoolimalima Laula ame na hoakaka aku i koe, e noi @e make keena o ka Hope Akena, Mr. G. W. Sahr, Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T. H. C. T. Bailey, Komisina o na Aina Aupuni. Hanaia ma Honolulu, T. H., Mei 12, 1921. 6451- Mei 13, 20.

HOOLAHA KUAI O NA AINA AUPUNI MA HANAPEPE, KAUAI.

Ma ka hora 10 a.m., POakahi, Iune 13, 1921, ma ka puka komo mamua o ka Hale Kapitala, Honolulu, T. H., e kuniia aku ana ma ke kudala akea malalo o ka Pauku 380 o na Kanawai Hooponopono  Hou ia o Hawaii o 1915, ka hoolimalima laula o ka aina aupuni malalo iho nei: Kalua Luawai Hooki'o o Puea, he hapa o ka Aina Aupuni o Puea, Waianae, Oahu, nona ka illaina o @@@ Eka, oi aku a emi mai paha. Manawa hoolimalima 21 makahiki @@nai Iune 13, 1921 aku. Uku hoolimalima haahaa, $50.00 no ka makahiki, e uku hapa makahiki mua ia. Na ka mea kuai  mai e uko i na hoolilo o ka hoolaha ana ame kekahi mau lilo @ ue e pili ana i ka hoomakaukau @@@ i ka palapala hoolimalima. No ua palapala aina hoolimalima Jaula ame kekahi mau hoakaka e ne, e ninau ae i ke keena o ke Komisina o na Aina Aupuni, Honolulu, T. H. C. T. Bailey, Komisina o na Aina Aupuni. Hawaia ma Honolulu, T. H., Mei 11, 1921. 6451- Mei 13, 20.

LOS ANGELES, Mei 9.— Ua hookuoillia ka mokuahi Yale e holo ana mawaena o Puget Sound ame Los Angeles maanei i keia la, ma ka manawa i haa lele iho ai ka hapanui o na luiea ola hani. He eba mau mokuahi e aku maloko o ke awakumoku San Pedro i hookuoili pu ia mamuli o ka hui pu aha aku o ko lakou mau ko la me na kolu olohani i haalele mai ai i ka hana.