Ka Nupepa Kuokoa, Volume LIX, Number 20, 20 May 1921 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NA HUI HOOKANI PILA O KALAUPAPA O IA KA OI AME KA NANI O NA KILEO

 

Kakauia e J. K. Mokumaia

            He ikemaka, ua lohe wale no, a na pau kuhihewa, i na mea i hanaia ai i kela la poina ole, a ko‘u waihona noonoo maikai.

Ia'u no i ke kaona nei, lohe no au i ke kaenaia o ia mea, i ka maikai o na keiki hookani pila o ka aina o ka ehaeha, a kau wale no au iluna o kahi nene aukai, o ia ano haawina hookahi no, e pai ana no i na iiwi makaonaona o ua kahua ma‘i nei.

            Nolaila ua lawe mai au a lilo i mea @ni na‘u e noonoo ai, he wahi ike no kou ko‘u, aole no i ka nui loa, aka ua lawa nae e kaupaona ai i ka maikai ame ka maikai ole. Ia‘u iluna o ka oneki e kahi neue aukai, oiai ka bana Hawaii e hoike ana i ka honehone o na hoseo a lakou, aia au ke mahalo la i ka nani ame ka maikai o ka aina; a i ka malu ana iho o na meakani, a na keiki pahiohe, i lohe aku ai ko‘u mau pepeiae, e honehone mai ana na ohe keleawe a na keiki o ua aina nei, a mea aka la au i kuu kapena maikai, ea maikai ka hoi ke kani ana a na ohe a na keiki ma‘i; a mea mai la kela, ae, he kupanaha no ke nana aku, oiai ua kaawale kekahi lala o ke kino, aka me ia kina no, e ike iho oe nou iho, i ka hiki aua ia lakou ke lawelawe ia mau meakani; aole o ia wale, o ka ukulele, o ke gita nui oe, o ka waiolina, e ike aku ana oe nou iho, o kekahi o ka leo, o ia mea nani no ia, aka aole e pono e kaena au a ikemaka oe nou iho i makepono ai kau hele ana mai nei.

            Nolaila e o‘u mau hoahanau i ka pukui hookahi, e kala mai olua ia‘u, in a ua huhewa ka‘u koho ana, aka e kukulu aku au i keia mea, oiai ua lawe mai au i na mea helu ekahi wale no, iloko o ka hui himeni i kapaia Kiwini, o ka leo alakai o ia hui he keonimana ua hele o Maunakea a kau mai iluna on a, aka o kona leo o ia mau ke o ana i kuu pahu pepeiao, ahiki i keia manawa.

            O kekahi mea oi loa aku o ka nani, o ia keia, in a no ua kiekie loa kana puana ana, o ia mau ke o ana, in a no ua hewa, a hewa ole paha, o ka mea i makemakeia, o ka mau o ke kani ana, a mau ka manawa i ka nee ana imua ahiki i ke ka‘ilike ana o na leo, he u‘i maoli no ke hoolohe aku, a o kekahi aia no iloko o ia hui he keonimana nana e hookani ana i ka waiolina, o ko‘u lohe mua ana keia, e kani mua ka waiolina a pau, alaila oli aku ahiki i ka manawa e hui ai, nana aku oe, me he la he mau anela e hosana ana, i ka like o ka leo mai o a o o kela hui himeni; he keonimana ke nana aku, he lede no hoi ke nana aku, aole o kela ano hilahila, elike me ko ke kaona nei; in a oe e mea aku e hookani pila mai, ame ka himeni, a i ole hula mai, nana aku oe, ua lilo o poohiwi i waha, a i ole i maka, no ka mea, malaila oe e ike ai i ka hookoia mai o kou makemake, ame ka ole.

            Ina e hookoia mai, nee aku la a kahi pouliuli, alaila hookani mai la, a i ka puka ana mai o ka huamele, in a he himeni, me he la e mumuia mai ana ka olelo, a maopopo ole ke ano o ia himeni, in a hoi he hula, auwe ka mea apiki, ike wale ia na nanehuna, a i kekahi manawa ke hoolohe aku oe, me he la he hui hookani pila Paele ma ke ano ke himeni mai, ua kohu Paele maoli no a o ka‘u mea i ike ai i keia mau hui himeni, ua kau ae au ma ka papa hoomanao o ko‘u waihona, o ia ka oi.

            E hoi ae i ka hui himeni i ka papa ia lakou o ia ka Mea Hanohano mai Maui mai, aia iloko o ia hui he lede ke alakai, nana aku oe naueue na kihi eha o ua kahua nei; ma ko‘u nana aku, ua laua mau hana, oiai o na mea a ko‘u maka i ike aim ua hooiaioia mai ia, elike me ka‘u mea i lohe wale ai, a o kekahi, oiai ka papaaina a na komite e ai ana, aia mau na hui i oleloia ae la e honehone mau ana ko laua leo, a i komo loa mai iloko o ko‘u puuwai, i ke kulike o ka hula ame ka manawa a ko‘u kapuaiwawae e onioni ana, a palea ia mai e ka leo o kuu aloha e malama oe i kou kulana.

            I ka hoihoi pono ana ae i keia mau manao e o‘u au hoahanau, ua lilo maluna o‘u ka hanohano i ka hoike ana ae i ke aken, i ka nani o ka leo o na hui himeni o Kalaupapa, a pela hoi me na kaula keleawe o uwehone, i ka lawe palenehe a ua mau keiki nei, oiai nae, o kela kulana hapa o ke kino, aole i ka piha pono elike me ka mea kakau nei, aka o kela ike ame ka noeau o ke a‘oia ana, ua piha pono na mea apau, e komo ole ai ka manao hoowahawaha, aka o ka mahalo ame ka hoomaikai, i na mea i hanaia ai ma kela la poina ole.

            E hoomau aku i na hana maikai, a e mau auanei kona ku ana imua o ko ke ao nei apuni, ka‘u leo pule, me olua ko‘u aloha pau ole na hoahanau iloko o ka hauoli.

 

HE 1200 MAU KINI AILA MAHU I A IA E KE AHI.

 

            Pouli ka lewa i ka uwahi o na kini aila mahu he 1200 i a ia ai e ke ahi ma kahi hoahu aila ma Kahakaaulana ma ka auwina la o ka Poaha o ka pule aku nei i hala, he ahi o ka hoomaka ana ae e a ma ka hora 4, a o na mea apau mamua pono o ke alahele o ke ahi ua lilo i mea ole.

            Piha na uwapo i na kanaka helewawae a maluna kekahi poe o na kaaotomobile no ka nana aku i ka hana mai a ke ahi; ua holopuni ae kekahi mau lono he 30,000 mau kini aila i hoahuia maloko o ka hale hoahu aila ma Kahakaaulana, eia nae, ma ka mea oiaio he 1200 wale no mau kini aila ma ka aoao mawaho o ka hale hoahu aila, o keia mau kini aila ame ka hale hoahu aila ua lilo i puulehu i ka inaina o ke ahi.

            He pohihihi loa ke kumu o k ahoomaka ana ae o ke ahi e a, aka nae, ma ke koho a ka lunkiaiahi Nui Thurston, me he mea la ua puhipaka na Kepani na Kepani na lakou e hoopiha ana i na kini aila hou, a ua haule kekahi hunaahi a i ole ua kiola paha i kekahi poonuku kikaliki ilun o ka lep, a oiai ua mau wale no wahi apau e hoopuni ana i ka hale hoahu me ka aila ua hoomaka koke aie la ka a ana o ke ahi.

            Ma ka hoakaka a Paul Boyer, ke kahi mea nana i kuai aneane he 30,000 mau kini aila i hooleleia mai ai he mau kini aila i hooleleia mai ai he mau mahina aku nei i hala mailuna mai o ka mokuahi Oneka, ua pau ka hana a  na Kepani o ka hoopiha ana i na kini hou me ka aila a ma ka Poaono mai e pau loa ia na hana malaila, pau e iho la nae i ke ahi.

            O ka hana i koe mahope o ka pua ana i ka hoopiha oia ka hoouna ana aku ma na wahi apuni ke terirtore, a ke pau na kini aila i ka hoounaia aku alaila hoolilo ia aku ka papa i hoohanaia ai i hale hoahu aila noka manwa. O na lako a mau mea hana apua no ka hoopiha ana i na kini me ke aila aneane loa e pau i ka hoopoinoia e ke ahi, a pela hoi me na kini hou. He 521/2 keneka ke kumukuai o ke kini hookahi. O ke poho i heluia no ka aila wale no aneane $2000.

            Ma ka manawa ka o k eahi i hoomaka ai e a ua loheia aku ke pahuapahu o na kini aila, a ua lele ae kekahi mau kini aila i ka lewa. Aohe mau lako kinaiahi i laweia aku no kahi a ke ahi e a mai ana mamuli o ka manaoia aohe mea hiki ke hana aku no ka mea aohe wai hiki ke kinai aku i na ula ahi.

 

            HULI HOI KA PAAHAO MAHUKA NO KA HALEPAAHAO

 

            Mahope iho o ka holo mahuka ana mailoko aku o ka halepaahao o ke Teritore no ka umi o ka manawa, me ka loaa ole i na makai, i huli hoi okoa mai ai ka paahao Lopez mamua koke aku nei, mamuli o kona ike ana, he oi aku ka maikai o ka noho ana maloko o ka halepaahao mamua owaho nei.

            No kekahi manawa loihi, aole he maopopo iki o kahi i mahuka aku ai keia paahao, aka nae he manawa pokole mamua koke aku nei, ua loaa mai kekahi lohe ia Harry Lake o ke keena o ka loio kalana, aia o Lopez ma Waialua kahi i noho ai; no ka paa loa nae i na hihia imua o ka aha, aole e hiki iaia ke holo aku no Wailua, a oiai nae e kakali ana o ka loaa o kekahi manawa kaawale e huli aku ai i kela paahao, ua hoea e mai la oia no ke kakela malu i ka leo, a ko iho la no hoi ka me a ka Lunapaahao Jarrett i upu mau aku ai, no ka huli hoi hou mai o kela paahao, elike no me ka hana a kekahi mau paahao e ai i holo mahuka ai.

            Ua hookipaia aku o Lopez me ka maikai, me ka haawiia ana mai iaia o kona keena kahiko, a haawi pu ia mai la no hoi i paaloloe hou nona; nolaila ua loaaka maha o ka noonoo i kela paahao, ua hoea hou mai oia i ka home, e ike ole ai oia i ka pilikia, no ka mea ua lako i na mea apau e oluolu ai keia noho ana.

 

UA MAKEMAKEIA O MOANALUA E HIKI MAI

 

            E noho ana ka halawai o ka Ahahui Pailina o Puuonao, Moanalua, ma ka halekula, i ka hora 2 p.m., no ka noonoo ana ika mea e holomua ai ia hana maikai, ame ka hoopaa ana i ka inoa o kela ame keia poo ohana e noho nei maluna o ka aina, elike me ka mea i hooholoia ai i ka Lapule, la 8 i hala aku.

            Oiai, ua kupono na mea i hanaia ai i ka manao o ka haku aina, o ia ke kumu i makemake ia ai ke kakau ana i kou inoa ma ua palapala la, no ka hoopaa ana i a kakou e malama i ka maemae o ia pa, ua ua amanaia na lunanui, e hana aku ma ka hoomaemae an aua hookoia aku ma ak hoomaemae ana ua hookoia aku ka makemaka o na lala kakai kahi i akoakoa mai ai ia Lapule. a eia ka  hana  ke nee nei imua, i ku i kou, makemake, a i kou makemake, a pela hoi me ka haku aina.

            O ka hope loa key o na hana e pill ana i keia pailina, ua makemakeia ka poe i kuleana, e lawe pu mai me kau lau oliwa, a o ka mea e hoopalaleha ana i keia hana maikai, ame ka makaala ole mai i kou pono, e kue mau ia aku ana kou kuleana kanu, ma na ano apau, oiai o ka like ka holomua ame ka maemae, o ka hukihuki ka nele ame ka mokuahana.

            O ka poen na lakou  i lawe ae i keia ninau ano nui he uuku loa, aka eia ke nee nei imua me ka mali, ame ka maemae pu.

J.K. MOKUMAIA

 

Na moho keia no ke kulana Loio Kalana o ke Kalana o Kauai.

 

HAHANA KA PAIO NO KE KULANA LOIO KALANA O KAUAI

 

            Ma ke koho baloka ae moho e malamaia ana ma ka la apoapo, no na luna oihana o ke Kalana o Kauai, o ke kulana oihana loio kulana, ke kulana hahana loa o na paio ana, no ka mea he eha mau moho e hlo nei ho kela kulana.

            O ke kii maluna ae nei, he kii i ano kekahi mau moho ekolu, oia o A.G. Kaulukou ma ka hema, o S.K. Kaeo mawaena, a o L. A Dickey ma ka akua; o ka moho i komo ole iloko o keia kii, oia o Eugene Aiiu.

            He poe Repubalika wale no keia ma@moho apua, o ka mea nana i hookahaha mai i ka manao, o ia no ka ekolu mau Hawaii, e alualu nei no kela kulana, a he hookahi hoi haole; aka nae he paio keia ma ke ano hoaloha, me ka loaa ole o na manao paonioni mawaena o lakou iho a na k amea oi aku o kona mahaloia, ame kona makemakeia e na makaainana koho baloka, nana auanei e aha‘i i ka lanakila ma keia koho baloka wae moho.

            I ka nana aku, he hana paakiki loa ka loaa ana he heluna baloka kiekie loa i kekahi moho, he hookahi nae mea maopopo, o ka mea o lakou nei e oi ana o kono mau baloka, mamua o na moho e ae, oia ka i w

aeia, a ma ke koho baloka nui aku iloko o ka mahina ae nei o Iune e hoonoho ae iaia ma kela kulana loio kalana in a no ia he mau baloka uuku, oiai aole he moho ma ka aoao Demokarata e holo kue mai ana iaia.

            O S. K. Kaeo ka mea nana e paa nei i ke kulana oihana loio kalana no ke Kalana o Kauai, mai ka manawa mai i hookumuia ai na aupuni kalana ma Hawaii nei, oia kekahi o na luna oihana kahiko, a i makaukau no hoi i kana oihana, a mawaho ae on a o ke Kakauolelo J. Mahiai Kaneakua kekahi luna oihana kahiko mai ka wa mai i ku ai ke aupuni kalana.

            O KA WAHINA MONIAKA HAUOLI MAU, he mea Ola Kino Maikai oia. Aole he minoaka o na wahine luhi. He mea hookaumaha ke ola ana ia Iakou, a oiai he opiopio me ka oluolu ko lakou ano ke nana aku, o ko lakou auwe, ka mea nana i hooluahine a i hookeke ia lakou. O ka nawaliwali liilii i noho mana maluna o na wahine, ua waiho iho i na moali ma ka helehelena ame ke kino a ua lilo i hana na kekahi ipo, wahine a makuahine paha ka ini ana e lilo oia i mea maikai loa. No na makahiki lehulehua loaa i na wahine ka laau Laxviburnum Compound, he laau hooluolu hoopomaikai iloko o na wa ma‘i, oiai e hoopau ana ia i na nawaliawli ano e i loaa i ko lakou kama-me ka hoohana ole ia o ka pahi weliweli.

            Ina he auwe oe iloko o na mahina ma‘i wahine, ka anoninoni, ka nawaliwali, ka mauleule, na hu‘i maamau, ka ono ole o ka ai, ka lena o ka ili, ka hu‘i o na puupaa, ka haukeke, ka hu‘ihu‘i o na lima me na wawae, ka upehupehu, ka fiva, ke poniuniu, ke kapalili o ka houpo, ka haalulu, ka nalulu kuluma, ka uluku, ka hiamoe ole, ka hu‘i apuni, ka umii, ka pihoihoi o ka puuwai, ka maeele me ka eha o ka iwihoeoe, a mawaena o na poohiwi ka opu naluea, ke poluea, ka wali ole o ka ai, ke wela ke hanawai, ka eha o na meapaahana, ka moehewa, ka mane‘o ke poho o ka manaolana, ka haalulu, ka lepopaa, ka maikai ole o ka opu, ka maeele, ka hu‘i o na lala, ka palaka wale, ka nele i ka ikaika, ka hu‘i o na wawae, ka ma‘i haalulu, ke poluea, ka lua‘i, ka hu‘i ame ke kulana maikai ole o ke kino; e kii koke i keia laau kilakila, i keia hoopakele i kou mau kama apau, e hoomaikai auanei oe i ka la au i ike ai i keia hoolaha. Ma na manawa kupilikii ekolu o ko ka wahine ola ana, o ia hoi, mai ke kaikamahina ae a i ka wahine, i ka wa hapai ame ka "loli o ke ola ana," he laau makamae loa ka Laxviburnum Compound no na ma‘i o na wahine.

            No ka lapaau piha ana me ka Laxviburnum Compound, he umi dala me kanaha-kumamawalu keneka, hapalua lapaau ana, eono dala me kanahiku-kumamalima keneka: aka nae aia ma kahi o na miliona ka waiwaiio i ka poe pilikia, no ka mea he hooko pono i ka hana. Aole he kuaiia o ka Laxviburnum ma na halekuai laau lapaau. E hoounaia aku no ia i na wahi apau, ke  loaa mai ke Dala Haleleka, kuike a bila banako paha. Kuai wale ia no e ka Marvel Med. Co., "Dept." M 5 B-693, Pittsburgh, Pa.

 

HE HOOMAIKAI NUI.

 

            Ke haawi aku nei ka ohana o Chai Tooki i na hoomaikai nui palena ole i na hoaloha ame na makamaka, no na makana pua a lakou i hoohiwahiwa iho ai maluna o ke kino wailua o ka mea i make, a i komo pu mai hoi iloko o ka auamo pu ana i na haawe o ke haumaha i kau iho maluna o lakou.

            E oluolu e lawe aku i keia hoomaikai me na manao kuio, a na ka Makuama ka lani e haawi mai i na hoomaikai oi ae.

            Owau iho no me ka oiaio

SING LOI CHI.

 

KA EKALESIA O IESU KRISTO O KA POE HOANO O NA LA HOPE NEI.

 

            Aia ka luakini o ka ekalesia maluna ae, ma Auwaiolimu ae nei, ma ke Alanui Luso, a i wahi e hoea ai ilaila, ma ke kaa uwila o ke Alanui Ema e kau ai, no ka ike ana i na hana e lawelaweia ana malaila i kela ame keia Sabati.

            Ua konoia ka lehulehu apau e hele ae ma ia luakini, no ka hoolohe ana, a no ka makaikai ana i na hana e malamaia nei malaila, elike me ia malalo iho nei penei:

            Kula Sabati –Hora 10:00 a 11:30 a.m.

            O na haawina e kulaila ai, ma ka olelo Hawaii ame ka olelo Beritania.

            Anaina pule nui–Hora 12:00 a 1:15 p.m.

            Halawai Hui Opio–Hora 7:30 a 9:00 p.m.

            Na haawina, ma ka olelo Beritania ame ka olelo Hawaii. He mau haawina kaikawa kekahi.

GEORGE K. HUBBELL.

 

HE AHAMELE NA NA KEIKI O KAIULANI

 

            Maloko o ka hHalekeakea Ye Liberty, ma ka auwina la o keia Poalima ae, Mei 27, e haawi ae ana na keiki o ke Kula Kaiulani he ahamele, e hoomaka ana mai ka hora ekolu aku, no ka imi ana i waihona dala, i hiki ai ke kuai i mau mea paani na na keiki o ke kula.

            O ka ukukomo no na makua ma keia ahamele he hapalua, a he hapaha hoi ko na keiki. E hoikeike pu mai ana na keiki o kela kula i ka lakou mau hanalimi akamai, e laa ke kahakii, ke pena kii, ke kamana, ka humuhumu ame kekahi mau hana e ae.

            Ma keia ahamele e himeniia mai ana ke mele i kapaia "Ka Hale a Kekaha i Kukulu Ai," o keia kekahi o na mele maikai loa, me ka ikeia aku o Keaka e oili mai ana me kono makuahine a hui me na kupua he nui ma ke alahele.

            Ua nui na mea maikai i hoomakaukauia e na keiki o kela kula ma keia ahamele, a no ka nui ole o kahi kaawale o ka nupepa, ua hiki ole ke heluia aku ma ke ano neepaa, aka nae i wahi e ike pono ai, aole hoi ka lohe pepeiao, e hele ae ma ka wa e weheia aku ai ua ahamele nei, ma ka auwina la o keia Poalima ae!

 

HOOLOLIIA KA MANAWA O KA AHA PAEAINA

 

            O ka manawa e noho mai ai ka Ahahui Euanelio o ka Paeaina, elike me ia i hooholo mua ia ai, ua hoololiia ae ia elike me ia e ikeia ana malalo iho nei:

            Mamuli o na kumu kupono i ikeia ua hooholoia e hoololi i ka Aha Euanelio o ko Hawaii Paeaina, e malamaia ana ma Haili, Hilo, Hawaii, i ka la 30 o Iune, a i ka la 7 o Iulai.

            Nolaila e hoomanao mai e na haipule mai Hawaii o Keawe a Kanai o Manokalanipo i keia hoololi.

S. K. KAMAIOPILI.

 

NA HUNAHUNA MEAHOU O KA AINA EHEUKANI, LAIEIKAWAI

 

            I kuu haku alii, Kapena o ka Hoku Malamalama o na Paemoku o Hawaii nei, Mr. Solomon Hanohano, Aloha kakahiaka kakaua ame na keiki kikonikoni hua o kou halepa'i:--E oluolumai i kou ahonui i keia mau wahi itamu.

            Ma ka Poalima i hanau ai kekahi wahine Kepani, elua bebe, hanau mahoe, keikikane ame kaikamahine, o ia ka la 6 o Mei, 1921, ma Laie, i ka pule i hala.  Eia laua ke ola nei me ka maika'i.

            Haukae ka waha me na lima i ke kohu o ka momona o ka haukeuke o Mokuaauia, kela wahi mokupuni kaulana a kela loio i hala, Mr. Kauahi, nana i lawe ae i ka hanohano, na ipo elue ia akahi.  Ielua olua hookahi au i kela wahi mokupuni papapa au i ke kai.

            Ka oi aku ka Poakahi, la 8, na kane me na wahine iluna o ua wahi mokupuni nei, i ka haueue, piha na eke i ka opihi, kekahi poe maluna o ka waa, luu ula kekahi, luuwana, pipipi, limu, o hee, ke kumu i nui ai ka poe hele i ka lawai'a, no ka malie, ua like me he wai la, ka lana malie i Hauola.

            Akahi a ola, na kini o ka aina, aole po'ipo'i kai o kumupali, ua hala'i lana malie, e ohi oe a luhi ke kino.

            Ma ia la no i kapalulu mai ai na mokulele, eono ko lakou nui, mai ka I'a Hamauleo, a Puuloa, kahi hoi o Kaahupahau, ke lii kaulana o ia kai.

            Oki pau loa ka lele ana mai o na moku e huli hoi ana kahi makaikiu me ke eke haueue, pahu aniani me ke kui o hee, he kaumaha hoi kau i ka ukana, o ka i'a a Umiamaka, kikaha iho la ua mau moku nei, me ka haahaa o ka lele ana ilalo, uwa ae la ka poe e nana ae ana malalo pono, hemo pau na papale o na kane, ani peahi na lima o na wahine, me ka nui o ka hauoli i ka ike ana i na keiki kae'ae'a a o Puuloa, me ka lele malie, e kiei iho la i kolalo poe, e nana ae ana, i ka poe iloko o ke kai, e lawai'a ana, ame ka poe i kula, e komo lole ana, e holoholo ana ma ka ae one.

            He nui ka malie o na Koolau nei, mai ka lae o Makapuu a ka lae o Kahuku, ka paiaala, me na waiu oloolo o ka lae kaulana o ka lae o ka Hipa.  Kupaianaha no hoi ke kapaia ana o ia lae, o ka lae o Ka Hipa, ka hipa eleele o Malikekua, e ka poe i hala aku ma o.

            Ua lawa iho la keia mau wahi hunahuna meahou o ka aina kaulana o ku Eheukani, Laieikawai, in a e oili aku ana keia mau meahou, e hoonuu iho a ko'u ka puu, i ka wai a ka Naulu, me ka mahalo a nui i na keiki kikoni kaua i ka nahele o kou halepa'i.

            Owau iho no me ka oiaio,

                        W.K. APUAKEHAU

Laie, Mei 8, 1921

 

NA KUHINIA O KAHUKU

 

            Niniole makani ke one o Opaua, i ka paia @ ka hookeekee kihene wai pua mauu a Kane–E!

            Ka Mr. Lunahooponopono:–Na okuuakuna omuku aohalii o na pali haulani o na ka-ha kunihi o Waialee School e pakii palaha nei i ke alopali o kaunala e–o–mai, i ko inoa o Kawela Bay e holu nei.

            He mau hoolelele ahikao ko kekahi mau ahiahi mai Wailele a Kawela Bay, na ia poe no i noho a lu‘a.

            Ma kekahi la o ka pule mai i hala i kiihakake iho ai kekahi uhane maluna o ka ohu kokolo iloko o ka luameki a olelo ae la i na huaolelo hiki ole ke olelo pinepine ia e na kauaka.

            Ma kekahi la o keia pule e noho mai ai ka makai pani ma ko J.W. Keau wahi i hoomahaia me ka uku hoomau i noho loihi no 31 makahiki, a hoi aku la no Laie.

            I keia kakahiaka nui no i puni hou

mai la ke akule ma Laie nei, ua hele ka hoi ka pili kahakai a he i‘a akule wale no apuni.

            Hahana keia kau wi ai ole a kana mai, hao o popo me moo, pau iho la o Kumulae, a pii ae la no 5 paona poi i ka hapalua ame 6.

            He mau kuhinu a kuhinia paha keia mai na kai aeone o Kawela Bay Nei, o hukihuki malinolino pahaha kai o Hookina, a moe ana i ke alo, ke keiki puaa Ahina.

JOEL K. APUAKEHAU.

Kahuku aina lewa i ke kai.

 

I na la o ka

1812–

 

aohe laki o ka poe o ia au i ka lole elike me oukou o keia la.

Aohe o lakou Moohelu Aie, a aole he "Halekuai Hoihoi hoa i ke Dala." Ke nee nei makou me ka manawa, ua hiki ke haawi aku ia oe i ka hana, ke ano–pela ke alahele hoomakaulii.

O makou ka Halekuai o na Kane o keia la.

The Model Clothiers

"Ka Halokuai Hoemi Hoolilo."

ALANUI PAPU

Makai o ka Halepule Kakolika

 

            I ke kulanakauhale iho nei o Mr. Wm. M. Keolanui o Hilo, Hawaii, mamuli o kekahi hualani pili oihana, a huli hoi hou aku la no no ka Ua Kanilehua.

 

LUAU Na PA, NOHO, PAKAUKAU ame na HALEOLE no ka Hoolimalima.

PEOPLE'S HARDWARE STORE.

453 Alanui Moi Akau, Kokoke i Palama Settlement.

KELEPONA 2670.

6348--8 wks.

 

HOOMAKAUKAU NO MUA AKU NEI

E Hoao e Hoomakaulii Ano---E Malama i ke Dala e wehe i Buke Banako Hoahu me ke

CHINESE-AMERICAN BANK

A NANA AKU I KA ULU O KAU DALA

NA PAHU DALA no ka Hooolimalima

$1.00 no ka Wehe Ana i ka Hoahu

Kihi o ke Alanui Moi me Nuuanu

 

O ka Mea Hoopukapuka i Mahalo i na Mea Maopopo Maoli Koho Oia i ka Waiwai Paa

 

            No ka mea ua maopopo iaia o ke dala i hookomoia ma kela ano e loaa koke mai ana iaia na hopena oiaio.

            He aha hou aku ia hana hoopukapuka oi ae mamua o ke kuai ana i na mahele iloko o kekahi hui i kukuluia ma ke kahu onipaa i hoolilo i kana oihana ma ke kuai ana i na waiwai paa maikai a kukulu aku i na home nani?  Ua hiki loa ia oe ke ike mai i ka oiaio o keia hoakaka.

            Aohe hoolimalima o ko makou hui i na luna oihana nunui o ka ukuhana a aole he mau mahele i hookaawaleia

            Hookomo koke mai i keia wa a e lilo i mea mahele puka.

KUMUWAIWAI MAHELE . . . . . . $1.00 O KE KEA

Iwakalua-kumamalima pakeneka ukumua, o ke koene ma ka uku liilii ana.

Union Syndicate, Ltd.

PHONE 52222           :           :           :           :           12 N. BERETANIA ST.