Ka Nupepa Kuokoa, Volume LIX, Number 20, 20 May 1921 — HULI HOI KA PAAHAO MAHUKA NO KA HALEPAAHAO [ARTICLE]

HULI HOI KA PAAHAO MAHUKA NO KA HALEPAAHAO

Mahope iho o ka holo mahuka ana mailoko aku o ka halepaahao o ke Teritore no ka umi o 'ka manawa, ine ka loaa ole i na makai, i huli hoi okoa mai ai ka paahao Lopez mamua koke aku nei, mamuli o kona ike ana, ho

oi aku ka maikai o ka noho ana maloko o ka lialepaahao mamua owaho nei. No kekahi manawa loihi, aole he maopopo i'ki o kahi i mahuka aku ai keia paahao, aka nae he manawa pokole mamua koke aku nei, ua loaa mai kekahi lohe ia Harry Lake o ke keena 0 ka loio kalana, aia o Lopez ma Waialua kahi i noho ai; no ka paa loa nae 1 na hihia imua o ka aha, aole e hiki iaia ke holo aku no Waialua, a oiai nae e kakali ana o ka loaa o kekahi manawa kaawale e huli aku ai i kela paahao, ua hoea e mai la oia no ke kakela malu i ka leo, a ko iho la no hoi ka mea a ka Lunapaahao Jarrett i upu mau aku ai, no ka huli hoi hou mai o kela paahao, elike no me ka hana a kekahi mau paahao e ae i holo mahuka ai. Ua hookipaia aku o Lopez me ka maikai, me ka haawiia ana mai iaia o kona keena kahiko, a haawi pu ia mai la no hoi i paalole hou nona; nolaila ua loaa ka maha o ka noonoo i kela paahao, ua hoea hou mai oia i ka home, 'e ike ole ai oia i ka pilikia, no ka mea ua lako i na mea apau e oluolu ai keia noho ana.,