Ka Nupepa Kuokoa, Volume LIX, Number 20, 20 May 1921 — NA HUNAHUNA MEAHOU O KA AINA EHEUKANI, LAIEIKAWAI [ARTICLE]

NA HUNAHUNA MEAHOU O KA AINA EHEUKANI, LAIEIKAWAI

I kuu haku alii, Kapena o ka Hoku Malamalnma o na Paemoku o Hawaii nei, Mr. Solomon Hanohano, Aloha kakahiaka kawa ame na keiki kikonikoui hua o kou halepa'i:—E oloulu mai i kou ahonui i keia mau wahi itamu. Ma ka Poaliuia i hanau ai kekahi wahine Kepani, elua bebe, hanau mahoe, keikikane ame kaikamahine, o ia ka la 6 o Mei, 1921, ma Laie, i ka pule i hala. Eia laua ke ola nei me ka maika'i. Haukae ka waha me na lima i ke kohu o ka momona o ka haukeuke o Mokuaauia, kela wahi mokupuni kaulana a ke]a loio i hala, Mr. Kauahi, nana i lawe ae i ka hanohano, na ipo elua ia akahi. lelua olua hookahi au i kela wahi mokupuni papapa au i ke kai. Ka oi aku ka Poakahi, Ja 8, na kane me na wahine iluna o ua wahi mokupuni i ka haueue, piha na eke i ka opihi, kekahi poe maluna o ka waa, luu ula kekahi, luu wana, pipipi, limu, o hee, ke kumu i nui ai ka poe hele i ka lawai'a, no ka malie, ua like me he wai la, ka lana nialie i Hauola. Akahi a ola, na kini o ka aina, aole po'ipo'i kai o kumupali, ua hala'i lana malie, e ohi oe a luhi ke kino. Ma ia. la no i kapalulu niai ai na mokulele, eono ko lakou nui, mai ka I'a Hamauleo, a Puuloa, kahi hoi o Kaahupahau, ke lii kaulana o ia kai. Oki pau loa ka lele ana mai o na moku e huli hoi ana kahi makaikiu me ke eke haueue, pahu ke kui o hee, he kaumaha hoi kau i ka ukana, o ka i'a a Umiamaka, kikaha iho la ua mau moku nei, me ka haahaa o ka lele ana ilalo, uwa ae la ka poe e nana ne ana malalo pono, hemo pau na papale o na kane, ani peahi na linva o na wahine, me ka nui o ka hauoli i ka ike ana i na keiki kae'ae'a a o Puuloa, me ka lele malie, e kiei iho la i kolalo poe, e nana ae ana, i ka poe iloko o ke kai, e lawai'a ana, ame ka poe i kula, e komo lole ana, e holoholo ana ma ka ae one. He nui ka.malie o na Koolau nei, mai ka lae o Makapuu a ka lae o Kahuku, ka paiaala, me na waiu oloolo o ka lae kaulana o ka lae o ka Hipa. Kupaianaha no hoi ke kapaia ana o ia lae, o ka lae o Ka Hipa, ka hipa eleele o Malikekua, e ka poe i hala aku ma o. Ua lawa iho la keia mau wahi hunahuna meahou o ka aina kaulana o ka Eheukani, Laieikawai, ina e oili aku ana keia mau meahou, e hoonuu iho a ko'u ka puu, i ka wai a ka Naulu, me ka mahalo a nui i na keiki kikoni kaua i ka nahele o kou halepa'i. Owau iho no me ka oiaio, W. K. APUAKEHAU. Laie, Mei 8, 1921.