Ka Nupepa Kuokoa, Volume LIX, Number 21, 27 May 1921 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H., POALIMA, MEI 27, 1921.
ana e apono ia e ke keena ana maemae ma Wasinetona, D. C., a eia hou no hoi, oia kuai ana i oleloia e hookoia me ka nana ole i na hoakaka maloko o ka Pauku 1418 o na Kanawai i hooponopono houia o Hawaii, 1915, e like me ia i hoololiia.
PAUKU 2. Ma keia ke hoomanaia aku nei ka papa ola e hana i mau rula ame na kauoha ame na kulana ame ka auhau aku i na auhau no ka hoohanaia ana o ka radium i oleloia no na hana lapaau ame okioli ana, e like me ka lakou i manao ai he kupono, aka nae, aole kekahi auhau e hookauia i na poe ilihune e makemake ana e lapaauia me keia radium i oleloia.
PAUKU 3. E kau aku no ke koikoi o ka malama ana, hoomalu ame ka hoopakela ana i ka radium i oleloia i kuai ua pela, a o na hoolilo apau e pili ana ia mea, e hui pu ana me na uku inisua ana, e ukuia aku no mai loko ae o na dala e loaa mai ana i kela ame keia manawa no ka hoohanaia ana o ka radium i oleloia.
PAUKU 4. I pakui no ka heluna i oleloia a i hookaawaleia ma ka Pauku 1 o keia Kanawai eia ma keia ke hookaawaleia nei mai na loaa laula mai o ke teritore ka huina hou o hookahi tausani dala ($1000.00) a e hooliloia e ka papa ola no ka inisua ana ame ke kiai ana mai na pilikia ame ka lilo ana aku o ka radium i oleloia, a oia heluna e loaa no no ia hana a hiki i ka manawa a ka papa ola e hoomakukau ai i haawina no ia inisua ame ke kiai ana mai na dala e loaa mai ana mai ka hoohanaia ana oia radium. Na ka papa ola i kela ame keia manawa, e like me ka loaa ana mai o na dala no ka hoohanaia ana oia radium, e uku hou aku iloko o ka waihona laula o ke teritore i na heluna dala apau e hooliloia ana mai keia haawina ae.
PAUKU 5. E mana no keia Kanawai mai a mahope aku o ka la o kona aponoia ana.
Aponoia i keia la 19 o Aperila, A. D. 1921.
C. J. McCARTHY,
Kiaaina o ke Teritore o Hawaii.
------------------
KANAWAI 126.
[B. S. Helu 108.]
HE KANAWAI
E Pili Ana i ka Hoiliili Ana, Pa'i Ana, Hoolaiia Ana Ame ka Hoopakele Ana i na Mele Hawaii.
E Hooholoia e ka Ahaolelo o ke Teritore o Hawaii:
PAUKU 1. O ke komisina i kukuluia a i hookohuia e like me ke kuhikuhi a na hoakaka a ke Kanawai 61 o na Kanawai o ke Kau o 1921, i paku no ka lakou hana i hookauia aku maluna o lakou e ke Kanawa i oleloia, e ohi, pa'i, hoolaha a ma kekahi ano e ae paha i kupono a i lawa, e hoopakele no na mamo o keia mua aku i na himeni kahiko, ame na mele a na kanaka o ka lahui Hawaii.
PAUKU 2. Eia ma keia ke hookaawaleia nei i haawina mai na loaa laula ae o ke teritore ka heluna o elima tausani dala ($5000.00) no ia hana no ka uku ana i na hoolilo o ke komisina i oleloia i kulike ai me na hoakaka a keia Kanawai, a oia heluna e hooliloia no maluna o na kikoo aie dala i aponoia e ka lunahoomalu o ke komisina i oleloia.
PAUKE 3. E mana no keia Kanawai i kona aponoia ana.
Aponoia i keia la 19 o Aperila, A. D. 1921.
C. J. McCARTHY,
Kiaaina o ke Teritore o Hawaii.
------------------
KANAWAI 126.
[B. S. Helu 108.]
HE KANAWAI
E Hoololi Ana i ka Pauku 2221 o na Kanawai i Hooponopono Houia o Hawaii 1915, Elike me Ia i Hoololiia, E Pili Ana i ke Komisina o na Oihana Pili i ka Pono o ka Lehulehu.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2221 o na Kanawai i Hooponopono Houia o Hawaii, 1915, e like me ia i hoololiia, ma keia ke hoololi houia aku nei i heluhelu ai penei:
"Pauku 2221. Heluna, hookohu o na komisina. Eia ma keia ke kukuluia nei i komisina no na oihana pili i ka pono o ka lehulehu o ekolu lala, a e kapaia lakou na komisina a e hookohuia lakou e like me ka hoakaka maloko o ka Pauku 80 o ke Kanawai Kumu no na manawa o ekolu makahiki, a i ole o ka manawa i koe o lakou, i hiki ai ka manawa pau o kekahi o lakou i ka la kanakolu o Iune o kela ame keia makahiki, e hoomaka ana mai ka makahiki 1914; aka mae, aole kekahi lala o ke komisina i oleloia i luna aupuni i ukuia a i ole mea lawelawe no ke Teritore a i ole o kekahi mahele kalaiaina paha o laila. Hookahi lala e hookohuia i lunahoomalu no ke komisina. O kela ame keia lala oia komisina e loaa no iaia ka uku ma ka helu ana o umi dala ($10.00) o ka la hookahi, oiai e lawelawe maoli ana i ka hana ma ke ano he komisina, ame na uku kaahele kupono ame na hoolilo kupono e ae e ulu ae ana oiai lakou e hooko ana i ka lakou hana; aka nae, aole kekahi lala oia komisina e loaa a oi aku mamua o hookahi tausani ewalu haneri dala ($1,800.00) ma ke ano he uku no ko lakou luhi no ka makahiki hookahi. Aole kekahi mea e noho on a ana i kekahi mau mahele waiwai a i ole mau bona paha o kekahi oihana hoopomaikai i ka lehulehu, a i ole e paa ana paha i kekahi kuleana, a i ole e ohi ana i kekahi loaa mai kekahi oihana mai no ka pono o ka lehulehu, e hookohuia a i ole e paa i kekahi kulana ma ke ano komisina, a i ole e hookohuia a i ole e hoolimalima ia e ke komisina.
PAUKE 2. E mana no keia Kanawa i kona aponoia ana.
Aponoia i keia la 19 o Aperila, A. D. 1921.
C. J. McCARTHY,
Kiaaina o ke Teritore o Hawaii.
------------------
KANAWAI 128.
[B. S. Helu 71.]
HE KANAWAI
E Hoolohi Ana a e Hooholo Hou Ana i ke Kanawai 204 o Na Kanawai o ke Kau o 1919, E Pili Ana i ka Hoopakele Ana, Hoopau Ana Ame ka Hoonele Ana o ka Mai Akepau o Na Bibi, ame ka Hookaawale Ana i Haawina no ka Uku Ana i Na Ono o Na Bibi i Lukuia i Kulike me na Hoakaka a Keia Kanawai.
E Hooholoia e ka Ahaolelo o ke Teritore o Hawaii:
PAUKU 1. O ke Kanawai 204 o na Kanawai o ke Kau o 1919 ma keia ke hoololiia nei a ke hooholo hou ia nei i heluhelu ia ai kona holookoa penei:
"Pauku 1. O na bibi waiu apau iloko o keia Teritore i oi aku mamua o eono mahina ke kahiko ame na bibi e ae apau i manaoia a i hoohuoiia ua loaa i ka mai akepau, e hoaoia ko lakou mai akepau aole e oi aku mamua o hookahi manawa iloko o eono mhina, koe nae na pua pipi i oi aku mamua o elima pakeneka (5%) mai akepau i ka manawa o ka nana hope ia ana alaila in a pela e oi aku no ka nana ia ana no ka mai.
"Pauku 2. O na bibi apau e loaa ana ua mai akepau ia in a paha ma ka nanaia ana o ko lakou mau kon a i ole ma na hoaoia ana paha e kuniia ma ke papalima hema me ka hao i hoopaaia me ke aupuni 'e'. O na bibi e loaa ana pela ua mai akepau e kohoia no lakou mau kumu waiwaiio a e kauohaia ka on a e hookaawaleia lakou a e kaawiia mai mahope aku no ka pepehiia i ka manawa ame kahi e kauohaia aku ana e ke kaukaholoholona o ke teritore, kona hope a i ole kona kokua.
"Pauku 3. Koho ana i ka waiwaiio. O ke kaukaholoholona, kona kokua a i ole hope, e noii ana a i ole e hoao ana, ma keia ke hoomanaia aku nei, koe nae a aponoia e ka papa o na komisina mahi ame ululaau, e hana i aelike me ka ona i ka waiwaiio o ka holoholona a i ole mau holoholona paha i makemakeia e pepehi. Ina aole e loaa ana he aelike, na ka peresidena o ka papa a i ole na kana akena i hoomanaia e koho hookahi kupa i loaa ole he kuleana no ia mea, na ka ona e hookohu hookahi a na laua elua i kohoia pela e koho i ke kolu, a na lakou e imi i ka waiwaiio oia holoholona a i ole mau holoholona paha a o ka lakou olelohooholo a i ole o ka olelohooholo a ka hapa nui o lakou e lilo i olelohooholo hope no ia ninau. O na imi waiwaiio ana o na bibi apau malalo o keia Kanawai, ina paha ma ka aelike a i ole ma o ka papa imi waiwaiio paha, e hookahuaia no maluna o ka waiwaiio makeke oia holoholona a i ole mau holoholona paha i ka la i loaa ai ka waiwaiio ina paha no ke ano kea a i ole no ka uwi ana paha. O na holoholona e hoike ole mai ana i ka hoailona mai aka aole nae e hoike mai ana ma ka nana aku i ke kulana he mai io e kohoia ua mai ia mau holoholona. O na imi waiwaiio apau e kakauinoa ia e ka ona ame ka mea imi waiwaio a i ole mau mea imi waiwaiio paha, a e hoikeia aku i ka peresidena o ka papa mahi ame ululaau. O ka uku o na poe imi waiwaiio i hookohuia a i ole i ohiia e like me keia Kanawai aole e oi aku mamua o elima dala o ka la hookahi ame ko lakou mau hoolilo kaahele kupono. Na ka ona e uku na mea imi waiwaiio ina e haule ana ke koho waiwai ana malalo o ka papa ame ke kauka holoholona a ke teritore, kona kokua a i ole hope paha me ke apono a ka papa o na komisina. Ina ma na ano e ae na ka papa mahi ame ululaau e uku na mea imi waiwaiio ekolu.
"Pauku 4. Ka hoolilo ana i na holoholona mai akepau. O na bibi e hoike mai ana i ko lakou mai mamuli o ka hoaoia ana e hookaawale kokeia a e hoomakaia ka lawelaweia ana no ko lakou pepehi ia ame ka nanaia iloko o ka manawa kupono mahope koke iho. Oia pepehi ana ame ka nanaia ana e kaa no malalo koke o ke kauka holoholona o ke teritore, kona kokua a i ole hope paha, a e kulike me na hoakaka a ke keena federala o na holoholona. Alaila e hoolilo aku no ka ona i na apana o ke kino i loaa ua maikai ma ke kumukuai oia manawa no ia ano io a e ukuia aku no na poho e like me ia e hoakakaia aku ana ma keia hope aku.
"Pauku 5. Uku poho. O ka heluna no ke poho e hookahuaia maluna o na loaa e noiiia aku ana e like me keia:
(a) Ina e loaa ana kekahi holoholona mahope o ka noiiia ana aole i loaa i ka mai akepau, e ukuia aku no ka ona i ka waiwaiio i hooholoia a piha me ka laweia ae o na lilo o ka loleia ana, koe nae o ka huina nui o ke poho malalo nei aole ma na ano apau e oi aku mamua o hookahi tausani dala ($1,000.00) no kekahi holoholona koko piha i hoopaaia kona mookuauhau o kona hanau ana, a aole na holoholona kulana maamau e oi aku mamua o elua haneri me kanalima dala ($250.00).
(b) Ina e loaa ana kekahi holoholona mahope o ka noiiia ana ua loaa i ka mai akepau a o na apana ua ikeia ua kupono no ka ai ia, e ukuia ka ona i (80%) kanawalu pakeneka o ka waiwaiio i hooholoia, me ka laweia o na lilo o ka lole ana i ke kino; koe nae o ka huina nui o ke poho ma na ano apau aole e oi aku maluna o ekolu haneri me kanalima dala ($350.00) no ka holoholona koko piha i hoopaaia ka mookuauhau o kona hanau ana a i ole kuleana e hoopooia kona mookuauhau a aole no hoi e oi aku maluna o elua haneri me kanalima dala ($250.00) no ka holoholona o ke ano maamau.
(c) Ina e loaa ana kekahi holoholona i kona noiiia ana ua nui loa ka mai akepau e kupono ole ai e ai ia, o ke kino ame na apana o ia kino e kiloiia a e loaa i ka ona he kanalima pakeneka ($50) o ka waiwaiio i hooholoia, me ka lawe ia mai o na hoolilo o ka lole ia ana o ke kino, ina e hanaia ana pela, koe nae o ka huina nui o ke poho aole e oi aku mamua o ka heluna i hoikeia maloko o ke poohou (b) maluna ae.
A loaa ae la ka helua poho, ua hiki i ka ona e waiho mai i koi maluna o ka puuku o ke teritore no ia mea. O ka uku ana oia mau koi e hanaia no maluna o na koi aie i aponoia e ka peresidena o ka mahi ame ululaau, a i kakooia e ka hoike a ka ona ame na poe imi waiwaiio, ka likiki no ka heluna o na hoolilo no ka loleia ana ame ka hoike ke lunanana, no ka ikeia o na apana inoino a i ole mai akepau paha, koe nae (a) aole kekahi poho e ukuia koe wale no a ua hana like ka ona me ka papa i ka hooko ana i na luna ame na kuhikuhi i hoopukaia no ka hoomalu ame ka hoopauia ana o na bibi mai akepau; aka nae (b) aole kekahi poho e ukuia no kekahi holoholona i hookomo ia mai mai na aina e mai, a mahope oia hookomoia ana mai iloko ke teritore, ua hookomoia iloko o na pua i ikeia ia manawa ua looa i ka mai akepau koe wale no a i ka noiiia ana oia holoholona a aole i loaa ia holoholona i ka mai akepau; (c) aole kekahi poho e ukuia no kekahi holoholona i hookomoia mai a i konoa noiiia ana oiai ma kahi hoomalu a mamua o ka hookuuia ana ua ikeia ua holoholona la i ka noiiia ana aole i loaa i ka mai akepau.
Ma kahi o kekahi hoike a i ole rula ana e kue ana i ka ona maloko nei, ua hiki e haawiia he hooloheia ana no ka ona imua o ka papa i oleloia mamua o ka haawi aana o ka olelohooholo hope.
"Pauku 6. O na wahi apau maluna olaila i malamaia ai kekahi mau holoholona i loaa i ka mai akepau e hoomaemaeia me ka hikiwawe mahope o ka hooneeia ana oia mau holoholona a e like hoi me ka manao o ke kauka holoholona o ke teritore, kona kokua a i ole hope paha a malalo o na hoolilo a ka ona.
"Pauku 7. Ma keia ke hoomanaia aku nei ka papa mahi ame ululaau e hana like me ke keena federala o na holoholona ma ka lakou hoao ana e hoopau i na bibi mai akepau a i ole kekahi ano mai lele e ae paha o na holoholona.
"Pauku 8. O na mea i makemakeia o keia Kanawai, o ka heluna o kanakolu tausani dala ($30,000.00) e pakui aku ana i kekahi mau dala i hookaawaleia i keia manawa a i loaa no ia hana, ma keia ke hookaawaleia nei.
"Pauku 9. E mana no keia Kanawai i kona aponoia ana."
Aponoia i keia la 10 o Aperila, A. D. 1921.
C. J. McCARTHY,
Kiaaina o ke Teritore o Hawaii.
------------------
KANAWAI 129.
[B. S. Helu 23.]
HE KANAWAI
E Hoololi Ana i ka Pauku 1 o ke Kanawai 3 o Na Kanawai o ke Kau o 1919, e Kuhikuhi Ana i ka Hookama Ana i Na Keiki Oo Ole.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 1 o ke Kanawai 3 o na Kanawai o ke Kau o 119 ma keia ke hoololiia nei i heluhelu ai penei:
"Pauku 1. O kela ame keia mea kupono, aole i maleia, a i ole i maleia i ka makuakane a i ole makuahine o kekahi keiki oo ole, a i ole o ke kane ame wahine i huia, ua hiki e noi i kekahi lunakanawai o ka ahahookolokolo kaapuni o ka aha iloko o laila laua i noho ai, a i ole he lunakanawai o ka aha kaapuni o ka aha iloko olaila i noho ai ke keiki e aeia e hookama i kekahi keiki oo ole aole na laua ma ka hanau ana, ame ka hoololi ana i ka inoa oia keiki. Ina e hookamaia ana ke keiki e kekahi mea i male i ka makuakane a i ole makuahine o ke keiki o na kuleana pili mau ame na pono i pili aku mamua me ka makua ponoi ame ke keiki e mau aku no, koe nae, i na pono i loaa ame na hana i hookauia aku maluna o ka makua hookama mamuli oia hookama ana. E haawiia mai ka ae ma ke kakau no ia hookama ana e ke keiki, ina he umikumamaono ona makahiki, a iloko o na koi hookama ana apau e haawiia mai ka ae ma ke kakau e na makua pilikana pakahi e ola ana ina aole i loaa he kulana pupule loa, ona lama mau, a i ole aole i haalele ia keiki no kekahi manawa o eono malama, a i ole aole i haawi mai a lilo loa me kona manao ho i ka malamaia ana oia keiki i kekahi mea okoa aku no kekahi manawa o elua makahiki a i ole oi aku paha, a oia mau kulana oia pupuhi, ona lama, haalele a i ole haawi e loaa ana i ka lunakanawai i ka manawa o ka hooloheia ana o ka palapala hoopii a ua hoopaaia ia mau hoike o ka hoopii. Ina aole i ikeia na makua a i ole ua haaleleia pela a i ole haawiia ke keiki i oleloia, oia ae ana e hookamaia e kakauainoa ia e ke kahu oia keiki, a i ole ina aole he kahu ma ke kanawai, alaila ua hiki i ka lunakanawai ke hookohu i kekahi mea kupono e lawelawe iloko o na hana hoopii ma ke ano o ka hoaloha kokoke o ke keiki; aka mae, aole keakhi hoolohe e malamia no ka palapala hoopii no ka hookama ana, ina aole i loaa ana i na makua e hoole ana he hoolaha, ma ke kino a i ole ma ka manao, e like me ia e hoikeia aku ana ma keia hope aku, o ka manawa ame kahi e hooloheia ai."
PAUKU 2. E mana no keia Kanawai mai a mahope aku o ka la o kona aponoia ana.
Aponoia i keia la 19 o Aperila, A. D. 1921.
C. J. McCARTHY,
Kiaaina o ke Teritore o Hawaii.
------------------
KANAWAI 130.
[B. S. Helu 348.]
HE KANAWAI
E Hoomana Ana i ka Uku Ana ia Eben. S. Cushingham o Kekahi hapa o Kona Uku Mahina ma ke Ano He Kakauolelo Poo na ke Kakauolelo o ke Teritore o Hawaii i Kona Manawa Mai.
E Hooholoia e ka Ahaolelo o ke Teritore o Hawaii:
PAUKU 1. O ka puuku o ke Teritore o Hawaii ma keia ke hoomana ia nei e uku maluna o na palapala kikoo dala i kauia e ka lunahooia i hookahuaia maluna o na palapala kikoo aie i aponoia e ke kakauolelo o ke Teritore o Hawaii, ia Ebe. S. Cush-
(E nana ma ka aoao 5)
HOOLAHA KUAI O NA HOOLIMALIMA AUPUNI
---------------
Ma ka hora 1:30 p. m., Poakahi, Iune 27, 1921, ma ke keena o ka Hope Akena, Mr. G. W. Sahr, Lihue, Kauai, ma laila e kuaiia aku ai ma ke kudala akea, i ka mea koho kiekie loa, malalo o ka Pauku 280 o na Kanawai Hooponopono Hou@ia o 1915, na hoolimalima laula o na aina aupuni i hoakakaia malalo iho nei:
1. Apana Helu 4, na Apana Kanu Laiki me Kula o Hanapepe, Hanapepe, Kona, Kauai, nona ka iliaina o @@@ eka, oi aku a emi mai paha; manawa o ka hoolimalima, 10 makahiki mai Iune 27, 1921 aku; uku hoolimalima haahaa, $22.00 o ka makahiki, e uku hapa-makahiki mua ia.
2. Apana Helu 5, na Apana Kanu Laiki me Kula o Hanapepe, Hanapepe, Kauai, nona ka iliaina o 3.00 eka, oi aku a emi mai paha; manawa o ka hoolimalima, 10 makahiki mai Iune 27, 1921 aku; uku hoolimalima haahaa, $60.00 o ka makahiki, e uku hapa makahiki mua ia.
3. Apana Helu 10, na Apana Kanu Laiki me Kula o Hanapepe, Hanapepe, Kauai, nona ka iliaina o 13.10 eka, oi aku a emi mai paha; manawa o ka hoolimalima, 10 makahiki mai Iune 27, 1921 aku; uku hoolimalima haahaa, $262.00 o ka makahiki, e uku hapa makahiki mua ia.
4. Apana Helu 21, na Apana Kanu Laiki me Kula o Hanapepe, Hanapepe, Kauai, nona ka iliaina o 4.50 eka, oi aku a emi mai paha; manawa o ka hoolimalima, 10 makahiki mai Iune 27, 1921 aku; uku hoolimalima haahaa, $90.00 o ka makahiki, e uku hapa makahiki mua ia.
5. Apana Helu 22, na Apana Kanu Laiki me Kula o Hanapepe, Hanapepe, Kauai, nona ka iliaina o 5.90 eka, oi aku a emi mai paha; manawa o ka hoolimalima, 10 makahiki mai Iune 27, 1921 aku; uku hoolimalima haahaa, $118.00 o ka makahiki, e uku hapa makahiki mua ia.
6. Apana Helu 24, na Apana Kanu Laiki me Kula o Hanapepe, Hanapepe, Kauai, nona ka iliaina o 6.50 eka, oi aku a emi mai paha; manawa o ka hoolimalima, 10 makahiki mai Iune 27, 1921 aku; uku hoolimalima haahaa, $130.00 o ka makahiki, e uku hapa makahiki mua ia.
7. Apana Helu 25, na Apana Kanu Laiki me Kula o Hanapepe, Hanapepe, Kauai, nona ka iliaina o 4.30 eka, oi aku a emi mai paha; manawa o ka hoolimalima, 10 makahiki mai Iune 27, 1921 aku; uku hoolimalima haahaa, $86.00 o ka makahiki, e uku hapa makahiki mua ia.
8. Apana Helu 14, koena Aina Aupuni, Awawa o Waimea, Waimea, Kauai, nona ka iliaina o 5.20 eka, oi aku a emi mai paha, manawa o ka hoolimalima, 10 makahiki mai Iune 27, 1921 aku; uku hoolimalima haahaa, $104.00 o ka makahiki, e uku hapa makahiki mua ia.
9. Apana Helu 61, koena Aina Aupuni, Awawa o Waimea, Waimea, Kauai, nona ka iliaina o 7.50 eka, oi aku a emi mai paha, manawa o ka hoolimalima, 10 makahiki mai Iune 27, 1921 aku; uku hoolimalima haahaa, $75.00 o ka makahiki, e uku hapa makahiki mua ia.
10. Apana Helu 64, koena Aina Aupuni, Awawa o Waimea, Waimea, Kauai, nona ka iliaina o 9.50 eka, oi aku a emi mai paha, manawa o ka hoolimalima, 10 makahiki mai Iune 27, 1921 aku; uku hoolimalima haahaa, $95.00 o ka makahiki, e uku hapa makahiki mua ia.
11. Apana Helu 67, koena Aina Aupuni, Awawa o Waimea, Waimea, Kauai, nona ka iliaina o 19.10 eka, oi aku a emi mai paha, manawa o ka hoolimalima, 10 makahiki mai Iune 27, 1921 aku; uku hoolimalima haahaa, $191.00 o ka makahiki, e uku hapa makahiki mua ia.
E uku ka poe e lilo ai i ka uku hoolimalima o na mahina mua eono ma ka manawa e haule ai o ka hamare.
E uku ka poe e lilo ai i na hoolilo o ka hoolaha ana ame kekahi mau kaki e ae e pili ana i ka hoomakaukau ana i keia mau hoolimalima.
E kaa aku no ke kuai o na hoolimalima maluna ae malalo o na manao o ka Hoolimalima Aupuni Laula i hoopukaia e ke Keena o ke Komisina o na Aina Aupuni.
No na kii palapala aina, ke ano o ka Hoolimalima Laula ame na hoakaka aku i koe, e noi ae ma ke keena o ka Hope Akena, Mr. G. W. Sahr, Lihue, Kaua, a i ole ma ke keena o ke Komisina o na Aina Aupuni, Hale Kapitala, Honolulu, T. H.
C. T. BAILEY.
Komisina o na Aina Aupuni.
Hanaia ma Honolulu, Mei 20, 1921.
6453--Mei 27; Iune 3.
HOOLAHA KUAI O KA HOOLIMALIMA LAULA AUPUNI
---------------
Ma ka hora 10 a. m., Poalima, Iulai 1, 1921, ma ka puka komo mamua o ka Hale Kapitala, Honolulu, T. H., malaila e kuai hooliloia aku ai ma ke kudala akea malalo o ka Pauku 380 o na Kanawai Hooponopono Hou ia o Hawaii o 1915, ka hoolimalima laula i ka aina aupuni i hoakakaia malalo iho nei:
O kela hapa o ka aina aupuni o Makakupaia, Molokai, mawaena o ka Lokoi'a o Makakupaia ame ke alanui Aupuni nui, nona ka iliaina o eha e@a, oi aku a emi mai paha; manawa o ka hoolimalima, 18 makahiki mai Iulai 1, 1921 aku; uku hoolimalima haahaa, $25.00 o ka makahiki, e uku hapa-maka hiki mua ia.
E hoolilo ka mea e lilo ai o keia hoolimalima i loko o na makahiki mua elima aole e emi iho malalo o $1000.00 ma na hanahou, e laa ka hoiliwai ana, ka pa ana ame ke kukulu ana i na hale.
Na ka mea e lilo ai e uku i na lilo o ka hoolaha ana ame kekahi mau kaki e ae e pili ana i ka hoomakaukau ana i ka hoolimalima.
E uku ka mea e lilo ai i ka uku hoolimalima o na mahina mua eono ma ka manawa e haule ai ka hamare.
E kaa aku no ke kuai o ka hoolimalima maluna ae, malalo o na manao o ka Hoolimalima Aupuni Laula i hoopukaia e ke keena o ke Komisina o na Aina Aupuni.
No na kii palapala aina, ke ano o ka Hoolimalima Laula ame na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T. H.
C. T. BAILEY.
Komisina o na Aina Aupuni.
Hanaia ma Honolulu, Mei 20, 1921.
6453--Mei 27; Iune 3.