Ka Nupepa Kuokoa, Volume LIX, Number 21, 27 May 1921 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

He Hoalohaloha No David K Pele, Jr.

O makou o ke Kula Sabati ame Ahahui C. E. Makua o ka Ekalesia o Hanapepe, ma o ko makou mau komite la.  Ke komo aku nei e kaana ma ke kani kau pu ana me oe e D. K. Peleiholani, no kau mea aloha he keiki i haalele uiai ia oe i knoa papa aloha ame knoa mau pokii. 

Oiai o kahi ana i hele aku la, o ko kakou wahi no ia apau e hele aku ana, aka, he mea minamina no ka ako opiopio ia ana ae o ke ola iloko o na keiki. 

Wahi a ke Alii naauao Solomona, o he keiki naauao, hoohauoli oia i kona kauakane, a pele ke ano oiaio o D. K. Pele Jr., e poina ole ai, a ma kona ano he haumana Kula Sabati pu me makou, ua kukulu ia mai ia haawina maikai on a i kiahoomanao no kona Kula Sabati ame Ahahui C. E., ma o ke komo pu ana iloko o keia kaumaha nui. 

Hooholoia, ke pule nei makou i ke Akua, ka Makua, ma o Iesu ko kakou Haku aloha, Nana no e holoi ae i na waimaka o kakou, a Nana no iloko o kona aloha e lawe aku i na luhi ame na kaumaha luuua iloko o kou noho ana, e D. K. Peleiholani, me kau mau keiki, a maluna ae  o na mea apau, e leha aku na maka i na mauna maillaila e kokua e hoea mai ai, amene. 

Ke haawi aku nei i ka hoomaikai ia oe e Mr. Lunahooponopono.

O makou iho no na komite, Mrs. Sam Maliekai, Mrs. Lizzie Pauole, Mrs. F. Sabo.

 

He Hoalohaloha no Lydia Alameda

            Solomon hanohano, aloha oe: -E oluolu oe e hookomo iho i keia wahi puolo o ka luuluu e kau ae la maluna, no ko makou paahana o ko kakou Haku aloha haalele mai ai i keia ola ana, a hoi aku la ma kela aono ka wa mau loa. 

            I kulike ai me na olelo a Ioba, o ke kanaka i hanauia e ka wahine, he hapa kona mau la, ua piha, i na poilikia.  Puka mai no ia me he pua la a ua okiia, a ua holo aku no ia me he aka la, aole ia e mau.  O keia wanana ua hookoia maluna o ko makou hoa paahana o na hana a ko kakou Haku aloha. 

            O Mrs. Lydia Alameda, he lala oiaio oia no ko makou Ahahui C. E. o ka Ekalesia o Waialua, he kauwa hooko i na hanae pono ai ko makou Ahahui C. E.

            Ua hanauia no oia i Waialua nei mai ia Aneko  (k) me Aikuaa (w), a laweia aku oia e hanai e Mr. Ame Mrs. Kauwalu i kona wa liilii loa, a me ia ohana no oia i noho ai ahiki i ka loaa ana o kana kane a loaa mai na hua ohaha he nui. 

            Ke noi nei ka makou leo pule i ko kakou Makua Lani kiekie loa, e lawe aku i na kaumaha ame na luuluu, mai ia okou e na kaikikuaana i hooneleia i ka pokii aloha, i ke kane i hooneleia, ka wahine, i na keiki i hooneleia i ka makuahine ame ka ohana no apau. 

            Ma o oko makou mau oomite la, Mrs. Rebecca L. Clarke, Thos. K. Clarke, Mrs. Rose Aiau.

 

Aina Aupuni Ma Hana-Pepe, Kauai

Ma ka hora 10 a. m., Poalua, Iune 23, 1921, ma ka puka komo mamua o ka Hale Kapitala, Honolulu, T.H., malaila e kuai hooliloia aku ai ma ke kudala akea i ka mea koho kiekie loa, malalo o na manao o ka Pauku 358 o na Kanawai Hooponopono Hou ia o Hawaii o 1915, ka hapa o ka aina o Hanapepe, Waimea, Kauai, no ke Kahua Uwi Waiu, nona ka iliaina o 24.00 oka oi aku a emi mai paha. 

E kuai hooliloia aku ana ka aina i oleloia malalo o keia mau kulana:

(1) Ke hookoe nei ke Teritore i ka pono iloko on a iho, a e haawi aku i ka poe okoa i ka pono ame ke kuleana o ka a'e ana ame ka hoohana aua i ka aina e hooliloia aku ana, me, a no na hawai, na laina paipu, na uwea uwila, na alanui, na auwai ame kekahi mau pono alahele e ae, ame na hana e ao ana e ike ai: ke ku pono.  E hoohanaia ka pono ma ka aoao o ke Teritore ame ka poe e haawiia aku ai ke kulena e a'e maluna o ka aina i oleloia, ma ke ane e hoopilikia ole aku ai me ka mea kuai mai, no ka hoohana akea ana i ka aina i oleloia no ka bana uwi waiu. 

(2) Na ka mea e lilo ai e uku i na lilo o ka hoolaha ana ame na lilo e ae ame na kaki e pili ana i ka hoomakaukau ana i ka palapala kuai.  Kumukuai haahaa, $1800.00.

Kumu Aelike: Kuike. 

No na kii palapala aina ame na hoa kaka aku i koe e ninau ae ma ke keena o ka Hope-Akena, Mr. G. W. Sahr, Lihue, Kauai, a i ole ma ke keena o ke Kouisina o na Aina Aupuni, hale Kapitala, Honolulu, T.H.

C. T. Bailey, Komosina o na Aina Aupuni. 

Hanaia ma Honolulu, Mei 20, 1921. 

6453-Mei 27; Iune 3. 

 

Na kanawai Ahaolelo Kau o 1921.

Kanawai 106

(B. H. Helu 312.)

No ka Pomaikai o A. D. Furtado, No na Dala i Hooliloia e Ia no ke Kuluku Ana i Kekahi Makeke I'a no ka Lehulehu ma Lahaina, Kalana o Maui.

 

E Hooholoia e ka Ahaolelo o ke Teritore o Hawaii:

Pauku 1. O ka Heluna o umi-kumamakahi  haneri dala ($1,1000.00) ma keia ke hookaawaleia nei mai loko ae o na dala maloko o ka waihona puuku o ke Teritore o Hawaii, aole i hookaawale mua ia, no ka hoihoi hou ana aku ia A.D. Furtado, o Lahaina, no na dala i hooliloia e ia no ke kukulu ana i makeke ia no ka lehulehu maluna o kekahi aina ma Lahaina e hooliloia aku ana ia A. D. Furtado i oleloia e ke Teritore o Hawaii, malalo o kekahi aelike me ke komisina aina aupuni i oleloia ke kuleana e komo aku ai e hana. 

 

Pauku 2.   O ka heluna i hookaawaleia maluna ae e ukuia aku no ia A. D. Furtado i oleloia i kona manawa wale no e waiho aku ai me ka lunahooia o ke Teritore o Hawaii i kekahi palapala likiki e hoike ana ua uku pihaia oia no na koi apau ume na poho i ulu ae mai loko ae a i ole i hooliloia e ia mamuli o ka hana i kuluia a i oleloia ae nei. 

 

Pauku 3. E mana no keia Kanawai i kona aponoia ana.

 

Aponoia i keia la 16, o Aperila, A.D. 1921.

C. J. McCarthy Kiaaina o ke Teritore o Hawaii. 

 

Kanawai 107.

[B. H. Helu 338.]

He Kanawai

No ka Pomaikai o Elino Doropan

 

Pauku 1. O ka heluna o umikumamalua ame 10/100 dala ($12.10) ma keia ke hookaawaleia nei mailoko ae o na dala iloko o ka waihona puuku o ke Teritore o Hawaii aole i hookaawale mua ia, a oia heluna i oleloia e ukuia aku ia Elino Doropan ma ke ano e hoihoi aku ana i na auhau o na makahiki 1918 ame 1919, i ohi papaluaia mai iaia mai; hookahi mai kona haku hana mai, ka Hui Ko o Wailuku,  a o ka lua o ka manawa i kona manawa i kii ai i laikini otomobila. 

 

Pauku 2. E mana no keia Kanawai i kona aponoia ana.

 

Aponoia i keia la 16, o Aperila, A.D. 1921.

C. J. McCarthy Kiaaina o ke Teritore o Hawaii. 

 

Kanawai 108.

[B. H. Helu 356.]

He Kanawai

E Uuku aku ana ia Samuel K. Toomey, ke kumupoo mamua aku nei o ke kula o kona-waena, kalana o Hawaii.

 

Oiai, O Samuel K. Toomey, ka mea e noho ana ma ke ano he kumupoo no ka-manawa ma Kona-waena, ua kaheaia e komo iloko o ka oihana kaua mamuli o ke kuahaua a ka Peresidena o Amelika Huipuia, a ua hoike aku iaia no ka hana me ka Puali Koa o Amelika Hui Puia i Iune 1, 1918; a

Oiai, O Samuel K. Toomey i oleloia ua noho aku ma ke kulana paa mau iloko o ka oihana kaua mai Iune, 1918, a hiki i Feberuali, 1919, a ua hookuuia mai me na hoomaikai mai ka pualikoa mai i oleloia; a

Oiai, iloko o ka malama o Feberuali, 1919, mahope mai oia hookuuia ana ua hoihoi hou ole ia oia ma kona kulana kumupoo o ke Kula o Kona-waena i oleloia e like me ia i hoakakaia ma o ke Kanawai 170 o na Kanawai o ke Kau o 1917; nolaila

 

E Hooholoia e ka Ahaolelo o ke Teritore o Hawaii:

 

Pauku 1. O ka puuku o ke Teritore o Hawaii ma keai ke hoomanaia nei e uku aku ia Samuel K. Toomey, maluna o kekahi palapala kikoo dala i hoopukaia e ka lunahooia o ke teritore, i ka heluna o ekolu haneri umi-kumamaiwa me 35/100 dala ($319.35), o ka manao ma keia oia no ka uku ana aku iaia a pihapono i kulike ai me na hoakaka a ke Kanawai 170 o na Kanawai o ke Kau o 1917, a o ka heluna i hookaawaleia ma keia e ukuia aku no mai loko ae o na dala iloko o ka waihona puuku i loaa mai mamuli o na loaa laula o ke Teritore i hookaawale mua ole ia.

 

Pauku 2. E mana no keia Kanawai mahope o kona aponoia ana. 

 

Aponoia i keia la 16, o Aperila, A.D. 1921.

C. J. McCarthy Kiaaina o ke Teritore o Hawaii.

 

Kanawai 109.

[B. H. Helu 385.]

He Kanawai

E hoololi ana i ke Kanawai 29 o na Kanawai o ke Kaukuikawa o 1920, e pili ana i ka hoomahuahuaia ana o ka haawina kula no na makahiki elua e pau ana i Dekemaba 31, 1921. 

 

E hooholoia e ka Ahaolelo o ke Teritore o Hawaii:

 

Pauku 1. O ka Pauku 1 o ke Kanawai 29 o na Kanawai o ke Kaukuikawa 1920 me keia ke hoololiia nei penei:

 

Malalo o ke poo "waihona laula" mahope o ka ikamu "na hale waiho buke ame na buke (pakui), e pakui aku i mau ikamu hou penei:

"Uku kaahele na hoolilo, na komisina hoonaauao

o ka lehulehu ((pakui)……………………...….$ 500.00

Na hoolilo kaahele, lunanui ame hope (pakui…1,125.00

Na hoolilo, noii ana ame na palapala hooia o na kula olelo ame na kumukula kuwaho, i like ai me na Kanawai 30 ame 36, na Kanawai o ke kau o 1920…………………………………………………1,500.00

Hoopau i na huahelu '$15,000.00' iloko o ka ikamu na 'Halenoho (hou)', a e hookomo iho malaila i na huahelu '$6,875.00'."

 

Pauku 2. E mana no keia Kanawai mai a mahope aku o ka la o kona aponoia ana.

 

Aponoia i keia la 16, o Aperila, A.D. 1921.

C. J. McCarthy Kiaaina o ke Teritore o Hawaii.

 

Kanawai 110.

[B. H. Helu 400.]

He Kanawai

E hoololi i ka Pauku 3 o ke Kanawai 101 o na Kanawai o ke kau o 1919, e pili ana i ka hookohuia ana o Kekahi Komisina no ka noii ana ame ka Waiho ana mai i ka lakou noi pili kanawai kupono no ka hooponopono ana i na ahahui manawale ame malu.

 

E Hooholoia e ka Ahaolelo o ke Teritore o Hawaii:

 

Pauku 1. O ka Pauku 3 o ke Kanawai 101 o na Kanawai o ke Kau o 1919 ma keia ke hoololiia nei i heluhelu ai penei:

 

"Pauku 3. E lilo no i hana na ke komisina i oleloia, mahope o ka hana ana i na hana noii e like me ia i hoakakaia maloko o ka pauku elua o keia Kanawai, e hoike aku i ka ahaolelo o ke Teritore o Hawaii i ke kau o kona noho ana i ka lakou mau mea i loaa ame ka lakou mau koi no na kanawai hou a i ole hoololi paha i hiki, i ko lakou manao ana, ua kupono a i ole ua makemakeia e hoohana aku maloko o na kanawai inisua o ke Teritore o Hawaii e pili ana i na ahahua oia ano a i ole mau oihana i hoakakaia maloko o ka pauku elua o keia Kanawai."

 

Pauku 2. E mana no keia Kanawai i kona aponoia ana.

 

Aponoia i keia la 16, o Aperila, A.D. 1921.

C. J. McCarthy Kiaaina o ke Teritore o Hawaii.

 

Kanawai 111.

[B. S. Helu 95.]

He Kanawai

E pili ana i ka hue ana i ke kino o ka poe make.

 

E Hooholoia e ka Ahaolelo o ke Teritore o Hawaii:

 

Pauku 1. Aole kekahi kino make a i ole koena o kekahi kanaka make e waiho wale ia, hoonioniia a i ole hooneeia mai kona wahi i kanu ia ai, a aole no hoi kona wahi, a i ole holowaa a i ole pahu paha, e paa ana i ke koena a i ole kino e weheia, hooneeia a i ole hoonioniia paha mahope o ke kanuia ana, koe wale no e like me na koi a ka palapala ae i haawiia mai no ka hana ana ia hana e ka mea hoopaa nui o ke aupuni.  Mahope o kekahi hoonee ana a i ole hoonioni ana paha o ka lua kanu e hoopihaia no ia manawa koke no a e hoihoiia i kona kulana mua. 

 

Pauku 2. he uku auhau o elima dala ($5.00) ke kaki ia e ka mea hoopaainoa nui o ke aupuni no ka hoopuka ana i kekahi palapala ae oia ano, a o ua auhau la e ukuia a e hoihoiia i ka waihona puuku o ke Teritore o Hawaii.

Paunu 3. E mana no keia Kanawai mai a mahope aku o ka la o kona aponoia ana.

 

Aponoia i keia la 18, o Aperila, A.D. 1921.

C. J. McCarthy Kiaaina o ke Teritore o Hawaii.

 

Kanawai 112.

[B. S. Helu 102.]

He Kanawai

E pili ana i ka hooliloia ana o na ili-bibi e ka papa ola ame ka hoomaopopo ana i ka hoolilo ana i na loaa oia hoolilo ana. 

 

E Hooholoia e ku Ahaolelo o ke Teritore o Hawaii:

 

Pauku 1. O ka papa ola o ke Teritore o Hawaii ma keia ke hoomanaia nei a ke hookuleanaia nei e hoolilo aku ma ke kuai kukala a i ole kuai i ka mea hookahi, i kela ame keia ili-bibi o na bibi e pepehia ana ma ka panalaau o na poe mai lepera, Molokai.

 

Pauku 2. O na loaa apau oia mau hoolilo ana e waihoia no iloko o ka waihona puuku o ke Teritore o Hawaii ma ke ano he waiwai aupuni, a o kekahi heluna like me ia e hoahuia ana a i ole mau heluna paha i waihoia ma keia ke hookaawaleia nie a e hooliloia e ka papa ola no ke kuai ana i mau bibi bulu ame na bibi waiu no ka panalaau i oleloia.

 

Pauku 3. E mana no keia Kanawai mai mahope aku o ka la o kona aponoia ana. 

 

Aponoia i keia la 18, o Aperila, A.D. 1921.

C. J. McCarthy Kiaaina o ke Teritore o Hawaii.

 

Kanawai 113.

[B. H. Helu 256.]

He Kanawai

E hookaawale ana i ka heluna o ekolu haneri kanalima dala ($350.00) no ka pomaikai o George H. Holt.

 

E Hooholoia e ka Ahaolelo o ke Teritore o Hawaii:

 

Pauku 1. O ka heluna o ekolu haneri me kanalima dala ($350.00) ma keia ke hookaawaleia nei mai loko ae o na dala maloko o ka waihona puuku o ke teritore i loaa mai ka hooliloia ana o na aina aupuni o ke Kulanakauhaue ame Kalana o Honolulu no ka hoihoi hou ana aku ame ka uku ana aku ia George H. Holt no ka waiwaiio o kekahi hale nona, i ku maluna a ua hooliloia , kuapoai a haawiia e ke Teritore o Hawaii me ka apana Helu 33 o na Apana kahakai ma Nanakuli, ma Waianae, Oahu.

 

Pauku 2 E mana no keia Kanawai i kona aponoia ana.

 

Aponoia i keia la 18, o Aperila, A.D. 1921.

C. J. McCarthy Kiaaina o ke Teritore o Hawaii.

 

Kanawai 114

[B. H. Helu 367.]

He Kanawai

E hoomaopopo ana i uku hoomau no R. Puuki, a e hoomana a e kuhikuhi ana i ke kalana o Kauai e uku ia mea.

 

E Hooholoia e ka Ahaolelo o ke Teritore o Hawaii:

 

Pauku 1. O ka Papa Lnakiai o ke Kalana o Kauai ma keia ke hoomanaia aku nei a ke kuhikuhiia aku nei e uku aku i kela ame keia malama e hoomaka ana me ka malama o Aperila, 1921, a e hui pu ana me ka malama o Iune, 1923, ia R. Puuki, i ka heluna o kanaono dala ($60.00) aka nae, o ka mea e uku hoomauia ana ma keia Kanawai aole e ae ia e unuhi i keia heluna i hoikeia maloko o keia Kanawai in a o ka mea e hoopomaikaiia ana e paa ana i kekahi kulana ukuia o ke Teritore o Hawaii a i ole o kekahi mahele kalaiaina olaila.

 

Pauku 2. E mana no keia Kanawai mai kona aponoia ana. 

 

Aponoia i keia la 18, o Aperila, A.D. 1921.

C. J. McCarthy Kiaaina o ke Teritore o Hawaii.

 

Kanawai 115.

[B. H. Helu 382.]

He Kanawai

E hoololi ana i ka pauku 1295 o na Kanawai i hoopono-pono Houla o Hawaii, 1915, e like me ia i hoololiia ai e ke Kanawai 181 o na Kanawai o ke kau o 1915, e pili ana i na hoopii uku i na auhau

 

Pauku 1. O ka Pauku 1295 o na Kanawai i Hooponopono Houia o Hawai, 1915, ma keia ke hoololiia nei ma ka pakui ana aku ia mea i mau poohou e heluhelu ana penei:

 

"4. O na põe apau e haalele ana mai ke Teritore o Hawaii aku nei no kekahi aina e, mamua o kona aeia ana e haalele, e hoike mai a e waiho mai i ka akena o kela ame keia moku e kuai ana i na palapala lawe ohua, a i ole i kekahi hope o keena puuku o ke teritore e koi mai ana ia palapala, i hoohikiia mai kekahi lunahelu mai e hoike ana o na auhau koe i uku ole ia i ke