Ka Nupepa Kuokoa, Volume LIX, Number 21, 27 May 1921 — Koho Maoli Ia Kekahi Poe a Puka ma Maui Pau Loa na Hoa Kahiko o ka Papa Lunakiai i ka Waeia ma ke Koho Wae Moho HAULE KA PUUKU MUA IA J. PIA COCKETT Aneane e Pau Holookoa na Oihana Kohoia i na Hawaii Wale no ma ka Moku o Kama [ARTICLE]

Koho Maoli Ia Kekahi Poe a Puka ma Maui

Pau Loa na Hoa Kahiko o ka Papa Lunakiai i ka Waeia ma ke Koho Wae Moho

HAULE KA PUUKU MUA IA J. PIA COCKETT

Aneane e Pau Holookoa na Oihana Kohoia i na Hawaii Wale no ma ka Moku o Kama

I kulike ai me ka lono kelekalapa uwea ole o ka hoounaia ana mai Wailuku, Maui i»ai, mahope koke iho o ka | malamaia ana o ke koho baloka wae moho, no na luna oihana o ke Kalana o Maui, ma ka Poaono nei, he elima mau luna oihana i koho maoli ia a puka, mamuli mai keia o ka loaa ole he mau moho holo pnonioni ia lakou, no lakou na inoa ame na kulana oihana pakahi malalo iho nei: Loio Kalana, Elmer B. Bevins; lunahooia, C'harles Wilcox; kakauolelo kalana, William F. Kaae; makai nui, Clement C. Crowell ame Samuel E. Kalama, lunahoomalu o ka papa o na lunakiai. He poe Bepubalika wale no keia oiau luna oihana apau, me ka loaa ana hoi ] 0 na heluna baloka kiekie ia lakou pakahi. | No ke kulana oihaua puuku hoi, Ua haule o Walter A. Engle, ka puuku mua o ke Kalana o Maui, ia J. Pia I Cockett, he mau Repubalika like no a | elua. Ma ka manawa o ka hoea ana mai o keia hoike, aole i maopopo, iya 1 paha ua loaa ia J. Pia CoeKett ka he- ; luna baloka kiekie e holo hou ole aku ai oia, ma ke kau koho balo>ka laula I iloko ae nei o ka la 7 o ka mahina o ' lune, aole paha. Oiai nae aole he mo- ! ho ma ka aoao Demokarata, no keia ' kulana, ua maopopo loa, ka noho ae o ) Mr. Coekett, no ke kiai ana i ka pahu-' hao o ke Kalana o Maui. No na moho lunakiai hoi, ua pau loa | na lunakiai mua o ka papa i ka wae- ! ia, he poe Repubalika wale no apau, j eia nae, aole i maopopo ina paha ua j koho maoli ia lakou, a i ole e holo hou aku ana paha ma ke koho baloka o ka 1 mahina ae nei o lune e hoea mai ana. O na moho Repubalika, i alualu like 1 ke kulana lunakiai, a i loaa ole ka i heluna baloka e waeia ai, oia o Worth : O. Aiken ame Carl F. N. Rose.