Ka Nupepa Kuokoa, Volume LIX, Number 22, 3 June 1921 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
E HOOLOLIIA KE KANAWAI
KOHO BALOKA E PONO AI
Ma ke koho baloka wae moho o na luna oihana o na kalana o kakou i hala aku la. ua oili mai kekahi hoena, nana i kono mai i keia pepa, e hoike ae i kona manao, no ke kupono loa e hooloiia na kanawai koho baloka, o na luna oihana kalana ma keia mua aku, he pilikia hoi a makoui manao ai, aole no i maopopo i na hoa o ka ahaolelo kuloko. nana i hooholo ia kanawai @ aka nae e loaa ka ike ia kakou i keia manawa. aia kekahi pilikia nui. e pono ole ai e ku mau aku pela. aka e hooponopono koke ia, ma keia kau ae o ko kakou ahaolelo kuloko.
O ka pilikia a keia pepa i ike ai, ma ke koho baloka wae moho no ia, no na luna oihana o ke Kalana o Maui, i ka manawa i holo palua ai he elua mau moho ma ka aoao kalaiaina hookai, e alualu ana no ka waeia i moho no ia kulana oihana.
Ma ke kanawai koho baloka kalana e ku nei i keia manawa, ua hoakakaia malaila, in a e loaa ana i kekahi moho. ka heluna baloka kiekie ma kekahi koho baloka wae moho, ua koho maoli ia oia a puka, me kona holo hou ole aku ma kekahi koho baloka laula e malamaia ana mahope mai, in a paha he mau moho e ae. ke alualu like ana me ia i kekahi kulana oihana. ma ka aoao kalaiaina hookahi, a i ole. ma kekahi aoao kaliaina okoa aku paha.
Malalo iho la o ka manao o ke kanawai koho baloka kalana. ua pau lua na hoa o ka papa lunakiai o ke Kalana o Maui i ke kohoia a puka, oiai na loaa ia lakou pakahi ka hapanui o na baloka, o ka poe i koho ma kela koho baloka wae moho. me ka nana ole ia o na moho i holo ku-e mai ia lakou ma ka aoao Demokarata.
No ke kulana puuku nae o kela kalana, he elua mau moho ma ka aoao Repubalika i holo mai nei; @o ka mea apiki nae, aole i loaa i ka mea kiekie 'o kona mau baloka. ka hapanui o na baloka, nolaila ua kauohaia oia malalo o ke kanawai koho baloka kalana wae moho, e holo hou ana no oia ma ke koho baloka laula ae nei iloko o keia mahina. oiai no nae oia hookah@ wale no ke alualu ana i ke kulana puuku. me ke ku-e ole mai o kekahi mea iaia mai ka aoao Demokrata mai.
Ma na moho i loaa ke kulana like, me ia i loaa aku ia Mr. J. Pa Cockett i holo moho mai nei no ke kulana puuku, no ke Kalana o Maui, i makemake ai keia pepa. e hoololiia ae ke kanawai wae moho o kakou ma keia mua aku. ma keia wahi. o ia hoi. ma na moho e alualu ana i kekahi kulana ohana. ma ka aoao kalaiaina hookahi. me ka loaa ole he moho e holo ku-e mai ana ma kekahi aoao kalaiaina mai. o ka mea o lakou e loaa ana iaia ka heluna balokakiekie maluna o kona mau hoa. in a no aole i loaa iaia ka hapanui o na baloka i kohoia, ma ia koho baloka wae moho ; e hoakaka ke kanawai, ua kohoia no oia.
O ka mea wale no nana i hoopakele ae ia Samuel K. Kaeo. ka moho loio kalana o Kauai, mai kona holo hou ana aku, ma ke koho baloka @@la e malamaia ana ma keia mahina ma kela @alana. o ia no ka loaa ana o ka hapanui o na baloka iaia. a haule hoi kona mau hoa ; in a i loaa ole ka hapanui o na baloka, e holo hou aku ana no oia. no ka elua o ka manawa. oiai nae, aole he waiwai iki o ia holo hou ana aku, no ka mea, in a no he hookahi baloka i kohoia nona. us puka oia.
Mamuli nae o ke kanawai wae moho o na luna oihana kalana e ku nei i keia manawa, e komo ana na kalana o kakou i na hoolilo waiwai ole ; e pa'i hou ia ana na baloka, e noho hou ana na lunanana koho baloka. ma na wahi koho like ole, a e hele hou ana na mana koho baloka e hookomo i na baloka ; he mau hookilo hoi e auamo ole ai na kalana o kakou, in a i hoololiia keia wahi o ke kanawai ; aka nae ua ikeia ae la keia pilikia. e @oea mai ana ia i ka wa e malaelae ai ke alahele no na koho baloka wae moho kalana ma keia mua aku.
O Mr. J. Pia Cocketthookahi wale no iwaena o na moho apau ma ke koho baloka wae moho aku nei o na luna oihana, o ke kalana o Maui, ka mea i koho ole ia, no ka loaa ole ana iaia o ka hapanui o na baloka. a nona hookahi wale no. e malama mai ai ko Maui poe. he koho baloka ma keia mahina ; me ke konoia aku o ke kalana e hoolilo i kekahi huina dala mahuahua. no ka hooko ana i ka manao ame ka makemake o ke kanawai koho baloka kalana.
Oiai nae o keia ka manawa mua loa i oili ae ai kekahi hopena o keia ano, ua hookaakaaia ae ko kakou mau maka, e hana aku i na hoololi kanawai kupono. i wahi e komo hou ole aku ai na kalana o kakou iloko o na pilikia o keia ano, ma keia mua aku!
--------------------------------
NA ULIA KAA OTOMOBILE
No na manawa lehulehu i kauleo mau aku ai ke Kupkoa nei i na kiakaa ame na on a o na kaa otomobile e akahele i ka hooholo ana i ko lakou mau kaa otomobile ma na alanui, mamuli mai o ka makee ana aku no ka pono o kela mau kiakaa ame na on a kaa, pela no hoi me ka palekana o ke ola o ka lehulehu ; a hoea wale mai nae i keia manawa. aole he wa i ha'o ai ko kakou ike mau ana i na ulia kaa otomobile. me ke kau ana aku he mau poino kukonukonu maluna o na kiakaa ame na ohua. e kau ana maluna o na kaa otomobile ; a maluna pu hoi i kaili aku ai ka make i kekahi poe o lakou.
Aia iwaena o ka poe e hookele nei i na kaa otomobile he poe kane. a he poe wahine. i @ele maoli ko lakou noonoo ana, i ka plaekana o ke ola o ka lehulehu, a i ka nana maoli aku no, ma kekahi ano, me he mea la, aole o lakou wahi noonoo iki i na kanawai i kauia, no ka holo ana ma na alanui.
Iloko o ka nui o na kanawai i hanaia, ame na makaala ana. no ka palekana o na ola o ka lehulehu. me he mea la, ke pii mau mai nei na ulia kaa otomobile, i kela ame keia manawa. aole ia malalo o na kumu e ae, aka no ka holonui maoli no. a no ka piha hookiekie, me ka manao, no lakou na alanui i hanaia ai, me ka nana ole i ke kanawai, a i ka pono o ha'i.
He maikai maoli na kaa otomobile, oluolu ka holo ana. a pokole no hoi na wahi loihi, a oluolu no hoi ka noonoo me ka lele ole o ka oili ; ke hookeleia na kaa otomobile me ka akahele, ame ka holo kupono nei ; aka nae, he meapaahana luku ia i na ola he nui, iloko o na lima, o na kane ame na wahine, i loaa na manao haakei a haaheo.
Ma ke Sabati koke aku la no i hala, elike me na nuhou. e hoopukaia aku nei ma ka aoao mua o keia pepa. ua kau aku ka make maluna o kekahi wahine haole ohua e kau ana maluna o kekahi kaa otomobile, a pakele mai hoi ke ola o kona mau hoa ekolu. malalo ae nei o Heeia, a kakou e hoohewahewa ole ai ke noonoo ae, mamuli o ka malama ole ia o na keehina palekana apau. i halawai ai kela kaa me ka poino. oiai nae. o kahi hookahi no ia a na kaa e ae e holo mau ai. me ka halawai ole me ka ulia ma ia wahi o ke alanui.
No keia nui maoli o na ulia o na kaa otomobile. ua konoia aku na hui inisua kuloko, e lawe ae i na keehina makaala apau no ka pono o ka lakou oihana, ma ka hoopii ana ae i ke ana inisua a na on a kaa apau e uku ai. i na hui inisua no ko lakou mau kaa ; ua lilo nae keia hana a na kiakaa holonui a holo pupule, i mea e auamo ai kekahi poe e ae. i na ko'iko'i o ka lakou mau hana. ka poe hoi e hoohana ana i ko lakou mau @kaa otomobile, me ke akahele loa. a i halawai ole me na ulia poino.
Aia no he heluna nui o na kiakaa ame na on a kaa, piha makaala loa i ke ano o ko lakou hookele ana i ko lakou mau kaa otomobile. a i malama pono hoi i na kanawai i kauia no ke ano o ka holo ana ma na alanui ; in a pela iho la ke ano iloko o ka poe apau e hookele ana i na kaa otomobile, aole kakou e ike i ka nui o na ulia ; aole no hoi kakou e lohe. i ka nui o na poino. ame na make, mamuli la o keia ano kaa.
-------------------------------
KA LA O KA NA'I AUPUNI
He hookahi pule mai keia Poaono ae. e hoea mai ana kakou, i ka hoomanao ana aku i ka la o ka Na'i Aupuni Kamehameha I.
O keia ka la kulaia hookahi i koe o Hawaii nei, i pili loa aku i keia mau paemoku, ua k@uono no nae kono hookoeia ana mai, i la kulaia no kakou. no ka mea pela wale no e mau aku ai ke o ana o ka inoa o ka Na'i Aupuni ia hanauna aku ia hanauna aku ma Hawaii nei.
Ma keia Sabati iho. e malamaia ae ana he anaina haipule hoomanao no ka la o Kamehameha. maloko o ka luakini o Kawaihao, he anaina haipule hoomanao hoi, i kuleana ai na ahahui Hawaii apau e hoea ae ma ia la. aole paha no ka hoolohe wale ana no i ka kaiolelo, i pili pono loa, i ke ola ana o ka mea nona ia la. aka no ka hoikeike ana ae. i kekahi hoailona, o ka makee o na Hawaii no keia la kulaia ano nui.
Ua ha'i pinepine ia ia kakou ka moolelo o ko ka Moi Kamehameha I ola ana, ua heluhelu no hoi kakou maloko o na moolelo kahiko. a ike i kana mau hana, ame kona ola ana ; a kakou o keia la, e huli aku ai ihope. a ike i ka nui o ko Kamehameha naauao, me ka akamai i ka hookele ana i kona aupuni.
He au pouliuli loa kela, he au i loaa ole ka naauao i ka lahui Hawaii. aka nae, mailoko mai o ia noho naaupo ana. i oili mai ai na hana o ke au malamalama. a kakou e noho aie nei i keia la, no na mea a Kamehameha i hana ai no ka maluhia o Hawaii nei ame kona mau makaainana.
He ka'ihuaka'i o na ahahui Hawaii ke malamaia ana ma ka Poaono aku. ka la 11 o keia mahina ; o ka hoeueu a ke Kuokoa nei, e lilo kela la i la na na ahahui Hawaii apau ma keia kulanakauhale, e huliamahi ae ai, a hoikeike ae i ka lilo ana o ka la o Kamehameha, i la ano nui ia kakou, aole ma ka olelo wale iho no. aka ma ka hana pu kekahi.
Aia anei a i na la kulaia e ae, na la kulaia i kaa aku ai na la lahui e. ke kono mai ia kakou e komo aku iloko o na hoomanao ana. alaila wikiwiki kakou ; aole he pololei o ia ano hana. i ko kakou la kulaia ponoi iho, e pono ai e hoikeia ai ko kakou ohohia. a e ku aku na kanaka Hawaii imua, a hoike ae i na kamaaina ame na malihini pu, he lahui kanaka keia i hiipoi mau i ka la o ko lakou moi mua loa. ka mea nana i waele ae i ke alahele a malaelae no kakou e hauoli nei i keia la.
--------------------
Eia no ka ninau kiaaina no Hawaii nei iloko o ka pohihihi i keia mau la. a i ka nana aku, ua hookomoia ae ka Peresidena Harding, ma kekahi kulana kupilikii. ka mea nana i hooka'ulua aku, i kona hookohu koke ana mai i kekahi kanaka i pani ma ka makalua, e waiho hakahakaia iho ana e Kiaaina McCarthy. He elua mau mea ano nui i ka nana aku i keia manawa iloko o ka noonoo o ka Peresidena, o ka ninau hoaloha ma kekahi aoao, a o ka ninau kalaiaina hoi ma kekahi aoao. nolaila aia oia mawaena o na ahi a elua elike me ka olelo a kahiko : "Ina oia e lele ana mailoko ae o ke ahi. e haule ana oia iloko o ke papalai," ma ka manaoio nae o keia pepa. o ke alahele no kona mahaloia, a no ke ku mau aku hoi o ka aoao Repubalika he aoao mana ma na hana kalaiaina, o ia no kona hookohu ana mai i kekahi mea a ka aoao kalaiana e hooia aku ai, a e kapae ae oia i ka noonoo ana, i ka ninau hoaloha mahope!
NUHOU KULOKO
Maloko o ka luakini o Kawaiahao ma keia Sabati iho, Iune 5, e malamaia ae ana he anaina haipule hoomanao no ka Na'i Aupuni Kamehameha I; e huliamahi ae ana na ahahui Hawaii apau, ma ia anaina hoomanao.
-----
Ma ka mokuahi Matsonia o ka haalele ana mai ma ka Poakolu aku la i hala i hoounaia aku ai ke kino kupapau o ka wahine haole i make ai ma ka ulia kaa otomobile o ke Sabati aku nei i hala, ma kahi kokoke i Heeia ae nei.
------
No ke koto pu ana aku iloko o ke ka'ihuaka'i ma ke kakahiaka o ka Poaono, Iune 11, ka la o ka Na'i Aupuni Kamehameha I, ua makemakeia na lala apau o ka Ahahui Kaahumanu e akoakoa ae ma Aala, ma ka hapalua o ka hora ewalu o kela kakahiaka me ko lakou kahiko piha o ka ahahui.
----
E malama ae ana ka Hui Opio o ka Eklesia o Iesu Kristo o ka Poe Hoano o na La Hope Nei, he anaina hoomanao no ka la o Kamehameha I, ma ko lakou luakini, mauka ae nei o Auwaiolimu, ma ka hapalua o ka hora ehiku, o ke ahiahi o keia Sabati iho, Iune 5, 1921.
-----
Ua makemakeia na lala apau o ka Ahahui Kaahumanu e akoakoa ae ma ka hora 10 ponoi o keia Sabati iho, ma ka pa luakini o Kawaiahao, no ke komo pu ana aku iloko o ke anaina pule ma ia kakahiaka, no ka hoomanao ana i ka Na'i Aupuni Kamehameha I, me ko lakou aahu piha.
------
Ina he mau pohihihi kekahi iwaena o na Hawaii no ka Hui Union Syndieate, Ltd., e ninau ia Rev. S. K. Kamaiopili, ke kakauolelo o kela hui, ma ke keena o ka hui ma ka Helu 12, Alanui Beritania, a i ole ma kona home ma Maluhia Hale, ma ka helu 598, a i ole ma ke kelepona paha, helu 5399.
-----
E malama hou ae ana ka Hui Pa Ilina o Moanalua he halawai no na mea no e pili ana i ka Pa Ilina o Puuomao, ma ka hora elua o ka auwina la o keia Sabati iho, maloko no o kahi halawai mau. Ua makemake nui ia na kupa apau o Moanalua e hoea ae ma ia halawai i lohe pono i na mea e hanaia ana.
----
Mamuli o ka poahi loa o na lima o na keiki hoonohohua o ke Kuokoa nei, ua komohewa na hoakaka e pili ana i na kii e puka aku nei, no ka huaka'i holo makaikai a Mr. Geo. J. Fern ame kona mau hoa ia Oahu nei. O na hoakaka ma ke kii maluna, no ke kii ia malalo, pela hoi na hoakaka no ke kii malalo, ua komo hewa ma ke kii maluna.
----
No ka wehe ana aku i ka lakou mau hana hoikeike a hoohauoli malalo ae nei o Aala Paka, e malama ae ana na Hui Malu o na Keiki o na Elulaae, he ka'ihuaka'i nui, mai ka Halehui Phoenix aku, nolalo o Aala Paka, me ka hookahakaha ana ma na alanui o ke kulanakauhale nei, ma ka hapalua o ka hora ehiku, o keia Poaono iho, Iune 4, 1921.
------
No ke koto pu ana aku iloko o ke anaina pule ma ka Luakini o Kawaiahao ma keia Sabati iho, Iune 5, ua makemakeia na lala apau o ka Ahahui Kokua ame Manawalea o na Poola e hele ae i ka pule, me na lole o na makaainana, ma ka hora 10:30, a mahope iho o ka pau ana o ka pule, ua makemake pu ia na lala apau e hoea ae ma ka hale waiho kupapau o M. E. Silva, no ke komo pu ana aku i ka hoolewa o kekahi lala o ka Hui Poola o na Wahine ma ka hora 2 p. m.
-----------------------
HE LEO UWALO I NA MAMOALII, HALE O NA ALII O HAWAII.
-----
I na Lala o ka Hale o na Alii o Hawaii (Ahahui Poo) :
Mamuili o ka loaa ana ia'u o ka ike ua hoao kekahi auna o ka hui e hoomaka'uka'u i na lala, ma ka hoouna ana aky ia lakou i na palapala e i ana, "in a aole lakou e hele i keia halawai iho ame kekahi mau halawai a keia auna i oleloia e kahea ai, e okiia no na mamaolii mai ka hui aku."
Ma keia ke aoia aku nei oukou e na mamo e kapae loa i ka noonoo ana i na palapala o ia ano, oiai malalo o ke kumukanawai ame na kanawai, aole lala e hiki ke kapaeia, a i ole okiia no kekahi kumu o ia ano.
Mai puni wale i na hana maalea a ka poe i ike ole ia mea he aloha hoahanau, a i maopopo ole i lakou ke kahua ame ka manaoio o ia mea he ahahui kokua ame manawalea.
Minamina wale ka hupo o ke kapaia o ka poe ana lakou i hoomanawanui, a i kukulu i ka ahahui mai kona wa i ike ole ahiki i ka wa i ikeia ae nei, "he poe kipi" e keia auna kakaikahi i ike ole, maihea mai la a hookohukohu ana. Nui no ka mahaoi/
O keia mana oki i na lala, o ia paha kekahi o na mea kupaianaha nui wale e ikeia ai i kekahi wa, ma ka holua nei. He mea pahaohao loa, maihea la keia mana i loaa mai ai. E hoi e na mamo i ka poli pumehana o ka makua, e kali mau ana no ka hookipa ana mai oukou me ka puuwai o ke aloha, a aole hoi me na lima kakauha e oki mai ana ia oe a e kaili ae i kou kuleana me na hana hooweliweli. "O ka lohe ke ola a o ke kuli ka make."
WM. A. HALL,
Iku Hai, Hale o na Alii o Hawaii
(Ahuhui Poo)
Honolulu, T. H., Iune 3, 1921.
Nuho Kuwaho
Cork, Ireland, Mei 31.--- Ua hoopahuia ae he maina i keia la malalo ae o kahi a kekahi mau koa Pelekane e akoakoa ana, ekolu o lakou i make koke no ia manawa a he ekolu hou aku i hoehaia.
----------------
DUBLIN, Ireland, Mei 31.---Eono mau kanaka i make, komo pu maloko o ia heluna kekahi mau kanaka puhi ohe lua, a he 21 i hoehaia i ka manawa hoehaia i ka manawa o kekahi maina malalo ae o ka honua i hoopahuia ae ai me ka uwila e ka poe kipi, i ka manawa o ka hana a ka pualikoa Hamshire e paani ana ma kahi kokoke i Youghal.
----------------
TOKYO, Japan, Mei 31.----Eono mau mokuluu a ka oihana kaua moana Kepani i hookui i keia la mawaho aku o ke kapakai o Kiuhiu, a he hookahi o ia mau mokuluu i nui loa ka poino, a ua hoopaneeia ka huakai ia aumokukaua no ka holo ana e nana ma kela ame keia wahi no kekahi manawa.
-------------
TOKIO, Mei 31----Elua mau hui kapilimoku a Iapaua i hoopau aku i ka laua mau limahana i keia la no ka hiki ole ia mau hui ke hoolimalima aku ia lakou no ka nui o na pilika. Ua hoopauia aku e ka hui kapilimoku Uehida he 300 mau limahana a o ka hua o ia hana oia ka halawai ana o ka poe i hoopauia akku me ka hana ole ame he mea la he haunaele ka ala mai ana. Ua hoopauia aku e ka hui kapilimoku Yokohama Doek he 1000 mau limahana a ke hele hoaa mai nei na kanaka o ia hui me ka nele i ka hana.
-----------------
BALTIMORE, Mei 31.----Ua a ia e keahi ma keia la ka mokuahi buckeye State a ka papa kapilimoku i hoohanaia ai e ka Hui Matson. He liilii loa no nae no poino i hanaia, maloko wale no ka o ka rumi pahupahu. E holo aku ana ia moku Kapalakiko ame Honolulu elike me ka papa kuhikuhi.
--------------------------------------
HAULE MAILUNA MAI O KA LANAI ME KA BEBE
------------
Aia o Moke Keaupuni ka waiho mai la me ka eha mauwale maloko o ka Halemai Moiwahine, a me ka manao wale ia me he mea la ua haki kona kua, a no ke kumu o ka hiki ole i kona mau wawae ke oni, me he mea la ua lolo mainuli o ka okolehao, pela ka manao o na kauka.
Oiai o Moke Keaupuni e noho ana ma ka lanai o ka papahele elua o ka hale a e hilinai aku ana i ka paehumu a walakua aku la oia me ka mau no o ka paa i kekahi bebe iloko o kona lima. O keaupuni ka eha, a pakele ka bebe ana e papa ana i kona lima. No keia pilikia mauwale i loaa ia keaupuni ua laweia aku oia me kaa hikiwawe loa no ka halemai o na poino ulia a malaila i nanaia ai e ka Kauka Ayer a ua hoike ae ka oia i ke koikoi o ka eha i loaa ia keaupuni. Ma ia nanaia ana on a ua manaoia ua haki kona kua no ka hiki ole ka i kona mau wawae ke oni. Ua laweia ae ua o Keaupuni i ka Halemai Moiwahine a nanaia e na kauka o ka halemai, a ma ka lakou nana ana ka aohe mau iwi haki o keaupuni, o ka hohono ame ka pakui okolehao nae ka lakou o ka honi ana iho i ua o Keaupuni, a ma ka lakou ike o ke kumu i lolo ai na wawae o Keaupuni no ka nui loa o ka okolehao a ua o Keaupuni o ka inu ana.
-------------
Ma ka hora 7 o ke kakahiaka Poalua nei i lele loa ae ai ka hanu o Moke Keaupuni
--------------------------------------------------
I NA KULA SABATI O OAHU.
-------------
Ke hoikeia aku nei ka lohe e malamaia ana ka hoike hui o na Kula Sabati o na Kona, ma ke Kula Sabati o Kawaiahao, ke hiki aku i ke Sabati, la 26 o keia mahina, oiai ua pau ka hoike hui o na Kula Sabati o na Koolau ma Waikane; nolaila ke noiia nei na Kula Sabati o na Kona, e akokoa ae ma ia la.
Hoomaka na hana i ka hora 9 a.m., a ma ka hora 6 a.p. o ia la no e malamaia ai ka hoolaa ana i ka hale halawai o Kawaiahao ke anaina hui o na C. E. o Kawaiahao, Kaumakapili ame Kalihi me Moanalua.
Me ka Mahalo
JAS. H. S. KALEO,
KAHU KULA SABATI NUI O OAHU
IUNE 1, 1921
----------------------------------------------------
O ka ahamele a na opio o Kaumakapili i manao ai e wehe ma keia Poalima ae, Iune 10, ua hoopaneeia aku la a ka Poalua ka la 14 no o keia mahina maloko o ka Hale Memoriala, e pili pu la me ka Papa Hawaii.
---------------
E alawa ae e na lala o ka Hale o na alii o Hawaii (Ahuhui Poo), i ka hoolaha halawai e puka aku nei ma kekahi wahi o keia pepa, pela hoi me kaleo uwalo o Wm. A. Hall, ka peresidena o ka ahahui i oleloia
---------------------------------------------------------------------------------------------------------------------------------------------------------
OLELO HOOLAHA
----------------
Ua makemakeia na lala apau o ka Hui Kokua Manawalea Wahine o na Poola, e hiki ae ma kahi o M. E. Silva, ma ke kakahiaka Poaono, hora 8,no ke ku kiai ana i ke kino o ko kakou hoahanau i haalele mai i keia ola ana, Mrs. Kailimealani.
Ke noi pu ai aku nei ka oluolu o na kaikuane e hiki pu ae ma ia ahiahi ame ka hoolewa pu i ka la Sabati Iune 5, ma ka hora 2 p.m.
MRS. ISABELLA KOAHOU,
KAKAUOLELO
------------------------------------------------------
MAREIA O MRS. RUH ME MR. NEITERT.
----------------
Ma ka hora 4:30 auwina la o ka Poalua nei i hoohuiia ae ai ma ka mare e ke kokua lunakanawai hoomale A. D. Larnaeh, maloko o ka Halemai Moi wahine, o H. R. Nietert ame Mrs. Maythel Ruh, a o na hoike ma ia mareia ana o laua oia o Mss Margaret Rasmussen, kekahi o na wahine kahumai o ka halemai ame B. S. Ulrich.
Mamuli o ka mai nawaliwali loa o Mrs. Ruh, a o Mrs. Nietert hoi i nei manawa, ua hoopaneeia ka hookolokolo ana ia H. F. Nietert, ka haole i hoopiiia ae ai e ka kiure kiekie o ke teritore he mau mahina lehulehu i hala aku nei, no ka hoao ana e pepehi ia C. W. Ruh, ke kane mua a Mrs. Rub, e ka Lunakanawai Banks ahiki i ke kakahiaka poalima o keia pule ae, a no ia hoopaneeia ana i hookuuia aku ai na kiure ahiki ia la.
He kumuhoopii hou ae no kekahi e ku nei i nei manawa e kue ana ia Nietert mamua o ka aha i like no mea ke kumuhoopii mua i hookomoia ae ai, a ma kekahi manawa kokoke i hala aku nei ka hookomo ana ae o ka loio o Nietert i ke kue i ka kauoha o ka Lunakanawai Banks no ka hookaawale ana i kekahi la no ka hoolohe ana i ka hihia mua o Nietert mamua a mahope aku ka hoolohe ana i ke kumuhoopii elua i hookomo hou ia ae ai, a ua waihoia ae imua o ka aha kapuni ka hoohalahala no ka waiho ana aku ia hibia imua o ka aha kiekie
Ua manao wale ia e lilo ana o Mrs. Nietert i hoike ma ka aoao o Nietert. O kekahi hoike i manaoia ma keia aoao hookahi oia o Mrrs. Zilla Hamstead, eia nae ua loaa keia wahine i ka mai pupule a i hoihoiia aku ia Kalaepohaku no ia mai on a.
O keia no na mea laua kekahi moolelo i walaau nui ia maloko o na nupepa ma kekahi mau makahiki aku nei i hala. Mahope iho o ke komo ana ae o ka hoopii mau e kue ana ia Nietert no ka hoao ana, e pepehi ia Mr. Ruh a make, ua apono ia mai e ka aha kaapuni ka Ruh noi okimare no ka hookaawale ana iaia mai ia Mrs. Ruh mai ma ka la 5 o augate o ka makahiki i hala, a no kekahi mau pule lehulehu ka hooloheia ana o ia hihia mamua o ka Lunakanawai De Bolt. Mahope mai ka pau ana o ka hihia okimare ua ala ae kekahi hoopaapaa mawaena o Mr. Ruh ame Mrs. Ruh e puli ana i ka mea o laua i Kulena i ke keiki nona no makahiki ekola ia manawa.
---------------------------------------------------------------------------------------------------------------------------------------------------------
HOOLAHA KUAI O NA HOOLIMALIMA AUPUNI.
----------------
Ma keia ka haawiia aku nei ka hoolaha ma ka hore 1:30 p.m., Paha, iulai 7, 1921, ma ke keena o ka Hope Akena Aina, Mr. G. W. Sahr, Lihue, Kauai, malaila e kuaiai aku ai ma, ke kudala akea i ka poe koho kiekie loa malalo o ka Pauku 380 o na Kanawai Hoopnopono Hou ai o Hawaii o ka 1915, na Hoolimalima Laula e apo ana i na Aina Aupuni i hookakaia malalo iho nei:
(1) Na Apana 24, 25 âme 26, Kuea J, na Apana toana o Kapaa, Kauai; nona ka iliaina o 22,445 kapuai kuea, oi aku a emi mai paha; manawa o ka hoolimalima, 10 makahiki mai Sepatemaba 19, 1921 aku; uku hoolimalima haahaa, $60 o ka makahiki, e uku hapamakahiki mua ia.
(2) Na Apana 1 âme 2 Kuea K, na Apana Toana o Kapaa, Puna, Kauai; nona ka iliaina o 20,885 kapuai kuea, oi aku a emi mai paha; manawa o ka hoolimalima, 10 makahiki mai Iulai 7, 1921 aku; uku hoolimalima haahaa, $25.00 o ka makahiki, e uku hapamakahiki mua ia.
(3) Na Apana 3, 4, âme 5, Kuea K, na Apana taona o Kapaa, Puna Kauai; nona ka iliaina o 22,500 kapuni kuea, oi aku a emi mai paha; mai Iulai 7, 1921 aku; uku hoolimalima haahaa, $25.00 o ka makahiki, e uku hapa makahiki mua ia.
E uku ka poe lilo ai i ka uku hoolimalima, o na mahina mua eono ma ka haule ana o ka hamare.
E uku ka poe e lilo ai i na hoolilo o ka hoolaha ana ame kekahi mau kakie ae e pili ana i ka hoomakaukau ana i keia mau hoolimalima.
E kaa aku no ke kuai o na Hoolimalima Laula i hoopukaia e ke Keena o ka Komisina o na Aina Aupuni.
No na kii palapala aina, ke ano o ka Hoolimalima Laula ame Kekahi mau hoakaka e ae e noi ae ma ke keena o ka Hope Akena Aina, Mr. G. W. Sahr, Lihue Kauai, a i ole ma ke keena o ke Komosina o na Aina Aupuni, Hale Kapitala, Honolulu, T. H.
C. T. BAILEY
Komosina o na Aina Aupuni.
Hanaia ma Honolulu, Iune, 1921
6454-----Iune 3, 10.
---------------------------------------------------------------------------------------------------------------------------------------------------------
HALE O NA ALII O HAWAII
--------
HOOLAHA
--------
Ke kauohaia nei ka Hale o na Alii o Hawaii e komo pu ma ke Anaina Hoomanao La o k Moi Kamehameha I e malemaia ana e ka"Hawaii Chapter" Helu 1, Ahahui Kamehameha, ma ka Luakini o Kawaiaho, i ke Sabati, Iune 5, E akokoa na mamoalii me na aahu ma ka pa luakini i ka hora 9:45 a.m. o ia kakahiaka.
Ma ke kauoha a ka IKU LANI HOANO.
WM. J. COELHO,
Iku kau
6454----Iune 3.
---------------------------------------------------------------------------------------------------------------------------------------------------------
HOOLAHA.
--------
E malamaia ana ka halawai kumau o ka Hale o na Alii o Hawaii, (Ahahui Poo) ma ka "Phoenix Hall, "hora 2 P. m. , Sabati, Iune 5.
WM. J. COELHO,
iku Kau.
6454----Iune 3.
---------------------------------------------------------------------------------------------------------------------------------------------------------
INA
ke nana nei oe no ka waiwaino o ka mea maikai e hana ai e nana. No keia kumu ke hoike ike nei makou i na paalole o na kane. Ma ka Moohelu Aie e loaa koke ai kela paalole ia oe i ka la apopo me ka maalahi loa. He paakiki anei ke ku ia oe. E ala wa ae i ka makou mai paalole i paa mua. Mai ka $25 a pii aku iluna. He kumukuai oluolu keia.
THE MODEL CLOTHIERS
":KA HALEKUAI HOEMI HOOLILO,"
ALANUI PAPU
Makai o ka Halepule kakolika
---------------------------------------------------------------------------------------------------------------------------------------------------------
Kela Laau Kaulana
-------------------------
B.B.C.
------------------------
He laau i hoohuiia o na launahele, laau e hana pu ana me ke hana a ke Akua, he hoomaemae a hooikaika ae i na mea paahana holoohoa o ke kino e kipaka ana i ka moi @@@ ame na mai ili wale mai, e haawi ana i ke kiao i ka ikaika, ke ola ame ka mana i aa aalolo.
E hoopihi anam ka B.B.C i ke kino me ka ikaika hao o ke ola a me ka ikaika o nala opio. Ua @@@@@@ na poe nawaliwale me na manawa lehulehu mahope o ka inu ana he mau pule wale no. Ua @@@@@@ e na kauka kaulana he nui ame na kanaka iloko o ke ola lahui ana. O KA B. B. C. KA LAAU KAMAHEA LOA MA KE AO.
KAUHA MA NA WAHI APAU.
Keena Kuai Laau b.b. c. 161 Alanui Mai.
Honolulu, Hawaii.
HOOLAHA KUAI O KA APANA AUPUNI.
-----
Ma keia ke haawiia aku nei ka hoolaha, ma ka Poaha, Iulai 7, 1921, ma ka hora 1 p.m. ma ka hale hookolokolo, Lahain, Maui, malaila e kuaiia aku ai ma ke kudala akea i ka mea kono kiekie loa, malalo o ka Pauku 358 o na Kanawai Hooponopono Hou ia o Hawaii o ka 1915, ka hapa o ka Aina Aupuni o Kapunakea 1, Lahaina, Maui no na hana Kahua Camp; non aka iliaina o 3.33 eka, oi aku a emi mai paha; kumukuai haahaa, $1665.
Kumu aelike, kuike.
Na ka mea e lilo ai e uku in a lilo o ka hoolaha ana ame kekahi mau kaki e ae amen a hoolilo e pili ana i ka hoomakaukau ana i ka palapala kuai.
No na kii palapala aina amen a hoakaka aku i koe, e noi ae ma ke keena o ka Hope Akena Aina, Mr. T.R. Lyons, Wailuku, Maui, a i ole ma ke keena o ke Komisina o na Aina Aupuni, Hale Kapitala, Honolulu, T.H.
C.T. BAILEY
Komsisina o na Aina Aupuni.
Hanaia ma Honolulu, T.H., Iune 1, 1921
6454-Iune 3, 10.
HOOLAHA KUAI O KA APANA AUPUNI.
---------
Ma ka hora 1 p.m., Poaha, Iulai 7, 1921, ma ka hale hookolokolo, Lahaina, Maui, malaila e kuaiia aku ai i ka mea koho kiekie loa, malalo o ka Pauku @@@ o na Kanawai Hooponopono Hou ai o Hawaii o ka 1915, ma ke kudala akea, ka hoolimalima laula i na aAina Aupuni malalo iho nei:
Ka hapa o ke Ahupuaa o Kupuna kea @@ Lahaina, Maui, nona ka iliaina o 4.16 eka, oi aku a emi mai paha: manawa o ka hoolimalima, 12 makahiki me 9 mahina e pau like ana me ka Hoolimalima Aupuni Laula Helu 1078 i ka Pioneer Mill company; uku hoolimalima haahaa, $42.00 o ka makahiki e uku hapa makahiki mua ia.
Na ka mea e lilo ai e uku i na lilo o ka hoolaha ana amekekahi mau kaki e ae e pili ana i ka hoomakaukau ana i keia hoolimalima.
E uku ka mea lilo ai i ka uku hoolimalima o na mahina mua eono, ma ka manawa e haule ai ka hamare.
E kaa aku no ke kuni o ka Hoolimalima laula maluna ae malalo o na manao o ka Hoolimalima Aupuni Laula i hoopukaia e ke Keena o ka Komisina o na Aina Aupuni.
No na kii palapla aina, ke ano o ka Hoolimalima Laula ame kekahi mau hoakaka e ae, e noi ae ma ke keena a ka Hope Akena Aina, Mr. T. B. Lyons, Wailuku, Maui, a i ole ma ke keena a ke Komisina Aina Aupuni, Hale Kapitala, Honolulu, T. H.
C. T. BAILEY
KOMISINA O NA AINA AUPUNI
HANAIA MA HONOLULU, T. H., IUNE 1.
1921
6453----Iune 3, 10.
---------------------------------------------------------------------------------------------------------------------------------------------------------
E MAKAALA
---------
HALE O NA ALII O HAWAII
(Ahahui Poo)
---------
E malamaia ana ka halawai kumau o ka Hale o na Alii o Hawaii (Ahahui Poo) ma ka ODD FELLOWS HALL kihi o ke Alanui Pahu ame Moi, i ke Sabati, Iune la 5, 1921, i ka hora 2.p.m.
Ke kauohaia aku nei na lala apane hiki ke kino ae ma ia la no kekahi mana kumuhana ano nui e hapaiia mai ana no ka pomaikai o na mamo alii.
WM. A. HALL,
Iku Hai, Hale o na Alii o Hawaii
(Ahahui Poo)
6454-----Iune 3.