Ka Nupepa Kuokoa, Volume LIX, Number 22, 3 June 1921 — KAPILIULA SONG [ARTICLE]

KAPILIULA SONG

Ikemaka i ka nani o Kapiliula, Hooliihi ka manao me ka niakemake; Ia wai kaulana o ka aina, Makaikaiia e ka inalihini. Ua inu ia wai ono hu'ihu'i^ Ia wai kahe mai i ke kumupali; I O ka nee a ka ua me ka onakani, Mea ole nae ia i nei hookele. Ilaila kamau kiaha bia, 0)u ai ka hele ana o ia kula loa; Ua lei i ka pua a o ka lehua, Ua ai i ka "hua ohelo papa, He nui na ono a o ia uka, 0 ika lua leko me ka hoio; Ku au mahalo aku o ka nani, 1 ka papa auwai a ke aupuni. Moani ke ala o ke kiele, E kono mai ana ia'u e hoi; Kau aku i ke kan otomobile, Olapa ka uwila i Kipahulu. Aina a ka nani me ka maikai, Kaulana i ka makani lawe huapala. Kipa aku i ka hale kamaaina, Ai i ka opae mahikihiki; Ilaila hoohihi kahi manao, I ka hanu aala o pua ro'selani. E hoi kakou ua ahiahi, E ike i ka wai a o Kumaka, Ilaila makou miki wahi poi, Ohua o ke kai ka'u i'a ia ITa lawa ka iini me ka makemake, I ka ua Apuakea o Hana: Hainaia mai ana ka puana, E hoi ke aloha i Kapiliula. Haina hou ia mai ka puana, Malihini kaahele puni o Maui. Composed by MISS ANNIE FREITAS, 1315 Miller St., Honolulu.