Ka Nupepa Kuokoa, Volume LIX, Number 22, 3 June 1921 — HE UI HE NINAU. [ARTICLE]

HE UI HE NINAU.

I ka Lunahooponopono o ka Nupepa Kuokoa, ka ipukukui pio ole i ka inakani kauaula:—E ae ahonui mai oe i ka'u wahi puolo, no ka hoike ana ae i kela poomanao maluna ae. Ma ka Nupepa Ka Hoku o Hawaii o ka la 12 o Mei, 1921, ua ikeia kekahi mau manao e pili ana no ka ninau makeke o ka lehulehu ma Hilo. Ma ka nana iho i na manao o ua hoolaha la, mo he mea la, e hookauhihihi ana maluna o keikahi ohana ame kekahi o ko nuikou hoaloha, ke kumu ka i loaa ole ai o ka makeke o ka lehulehu, a o ia ka'u e makemake nei e ninau i ka poe kaukanawai o keia kau ahaolelo iho nei. Ma ka hiki kino ana mai o na komite o ka hale o na lunainakaainana i Hilo nei, ua nonoi aku ka papa lunakiai e hoi na komite a nonoi i ke kiaaina e ae mai i kela walii a ka papa lunakia i nonoi ai i wahi no ka makeke o ka lehulehu e ku ai, ua hooko na 'komite o ka hale o na lunamakaainana a ua hookomo lakou he olelo hooholo i ka hale o na lunamakaainana a ua holo, a ua pii aku i ka hale o na Benatoa; nolaila, ke kukulu nei au i ka ninau: Pehea hoi na hoa hanohano o ka Mokupuni o Hawaii o ka hale senatoa i kokua ole ai e hooholoia kela olelo hooliolo, e pili ana no kela aina o ka niakeke! Ka lua o ka ninau: Heaha na kumu o ko oukou kokua ole ana a hooholo e holo ka olelo hooholo? E oluolu hoi na sena-toa e pane ae i ka ninau makeke o ka lehulehu, ma ka haina o keia mau ninau, i ike mai na makaainana i ka mea pololei, no ke akea. Me ke aloha 7iui. Owau no, EUGENE H. LYMAN. Hilo, Hawaii, Mei 23, 1921.