Ka Nupepa Kuokoa, Volume LIX, Number 23, 10 June 1921 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Ina e koi ia mai e ke komisina, a e like me na kuhikuhi ana aua komisina nei e waiho mai ai, e hiki no i ka hui ke komo pu aku iloko o ka aelike ana no ka pono like o na aoao a i elua e pili ana i ka lawe like ana, na alahao holo like ia, na alahele aoao, na wahi pau o na kaa ame na aelike e ae o na ano apau me kekahi hui okoa aku a i ole kanaka a ae e lawelawe ana i ka oihana lawe ohua a i ole i ka oihana i ano like aku me ia.
Ina he mea ia e pono ai a e pomaikai ka lehulehu, a i ole e hoopakeleia ai ka lehulehu, ua hiki no i ke komisina ke kauoha i ka hui e hoo nee aku i kona mau alahao mai kekahi alanui a mau alanui aku, koe nae keia, e hoomaopopo ia aku i alanui hou aku i wahi e hoomoe ia ai ua alahao nei e ka papa luna kiai, a koe hou no keia, e lilo ia hoololi ana i mea e hoouuku ole mai ai i na loaa ku mau a ka hui, a o ka lilo no hoi no ka hoonee ana i ua alahao la e hoihoi hou ia no iloko o ka waihona mai na loaa mai o ka hui e like me ia i hoomaopopoia e ke komisina aka aole nae e komo iloko o ka manawa i oi aku mamua o umi makahiki, a iloko hoi o ia manawa aole e hooemi ia iho ka waiwai io o na waiwai o ka hui nno ke kau ana i ka uku kaa no ia lawe poho ana, a in a e hooliloia aku na waiwai o ua hui nei, alaila e hoohui pu ia aku me ka kumukuai hou ka huina i kaa ole mai o keia lilo o ka hoonee ana o ia alahao nei.
Aole e hoomaopopoia a e manaoia keia pauku he mea e kaupalena ai i ka mana o ke komisina o na hana aupuni i ke Teritore o Hawaii nei e like me ia i hoakakaia maloko o ka Mokuna 128 o na kanawaio Hawaii i hoponoponoia, 1915, ma ia kanawai i hookumu ia ai ke komisina o na hana aupuni, a i ole i na hoololi kanawai e pili ana ia mokuna a i ole i kekahi kanawai a mau kanawai e aku e pili ana no ua Komisina nei o na hana hou maloko nei o ke Teritore o Hawaii.
PAUKU 14. Ka hoohalahala mai ke Komisina.
O kela a me keia kauoha, olelo hooholo, apono ana a kuhukuhi ana a ke komisina i hana ia malalo o kekahi o na hoomaopopo ana a keia kanawai, e hanaia ia mau mea ma ke kakau, a mahope iho o ka hoolohe akea ia ana ame ka hoolahaia ana; a mai na kauoha apau, na olelo hooholo, na apono ana ame na kuhikuhi ana, he kuleana no e hoohalahalaia imua o ka aha kiekie o ke Teritore o Hawaii, e like me a e manano hoi e like me na hoohalahala e ae mai na aha hookolokolo kaapuni mai e noho ana ma ke keena. Aole nae oia hoohalahala ana he mea e hooki ae ai i ka lawelaweia ana o ke kauoha, ka olelo hooholo, ke apono ana ame na kuhikuhi i hoohalahalaia ai, aka nae ua loaa i ka aha kiekie ke kuleana e hooki ia mau mea, mahope iho o ka hooloheia ana o ka hihia e noi ana e hoohiki ia mau mea, e like me na kumu kupono a ua aha kiekie nei e manao ai he kupono.
Aole no nae e manaoia a e hoomaopopoia o ka olelo hooholo a ka aha kiekie o Hawaii ka panina hope o na hoohalahala, aka ua loaa no i na aoao a elua ke kuleana e hoohalahala ma ke ano maa mau mai na olelo hooholo la a ka aha kiekie i oleloia e like pu me ke kuhikuhi ana a na kanawai maa mau ma ia hana e ku nei i keia manawa i ole ia e hooholoia aku ana ma keia mua aku e pili ana i ke ano o ka lawe ia ana aku ame ka hana ia ana o na hoohalahala mai ka aha kiekie mai o Hawaii nei; koe nae keia, aole e ae ia kekahi hoohalahala mao aku o ua aha kiekie nei i oleloia no ka hoomaopopo wale ana no i ka manao o kekahi kanawai o Amerika Huipuia.
PAUKU 15. Na hoopai. Ina ka hui e ku-e, a e hooko ole a i ole ia hana ole i kekahi mea ma kekahi ano e kulike ai, a i ole hoomaopopo ole i kekahi o na kuhikuhi a kekahi pauku a keia kanawai, a i ole o kekahi kauoha a ke komisina i ku i ke kanawai a i ole o kekahi kauoha a ka papa luna kiai i ku like me ke kanawai, e ku no ka hoopai o ka huina aole i emi iho malalo o $100.00 a aole hoi i oi aku maluna o $1,000.00 no kela a me keia hana hewa i hanaia, no kela ame keia hoomaopopo a hooko ole ana, a e loaa mai no ia hoopai mao ka hoopii ana aku a ke komisina a i ole ia a ka papa luna kiai ma ka inoa o ke Teritore e like me ka mea i ike ia he pololei ke hana ia. O na dala e loaa mai ana mamuli o keia e waiho ia aku no ia iloko o ka waihona o ke komisina ai ole ia o ke Kulanakauhale a Kalana o Honolulu, e like me ka mea e hoopii ana.
PAUKU 16. He ku-e kanawai ka hoohuikau ana aku i na hana a ke alahao. O kela ame keia kanaka e hana ana me ka manao ino me ka manao imi hala i kekahi o keia mea e hoakakaia nei malalo iho nei, oia hoi; o ke alalai ana ae i ka holo maalahi ana o na kaa maluna o ua mau alahao la; o ke kahakaha ana, maokioli ana a hoopoino ana i na pou, na uwea ame na lako e ae e hoohana ia maluna o ua alahao la: ka hana ino ana, ka maokioki ana ame ka hoopoino ana i na kaa ame na waiwai e ae o ua hui nei; ka hoohana ana i na pou, na pa, na hale ame na waiwai e ae o ua hui la no ke kau ana aku i mau hoohala me ka loaa ole mai mamua o ka ae ia mai ua hui la: a ma kekahi ano e ae no ke kau ana aku i ka hoopoino maluna o na waiwai ame ka hoouluhua ame ka imihala wale ana aku i ka nohona oluolu ana o ua hui la maluna o ko lakou waiwai a i ole i ka laikini o ua hui la, e manao ia no ua ku iaia ka hewa mikamina, a mahope iho o ka hoahewa ia ana no ia mea e hookauia aku no ka hoopai ma ka hoopai dala no ka huina aole e oi aku maluna o hookahi haneri dala ($100.00) a i ole ma ka hoopaahao ana no ka manawa aole e oi aku maluna o ekolu mahina, a i ole ia ma ka hoopai dala a hoopaahao pu.
PAUKU 17. Ina e manao ia he mea pono no ka hoohana ia ana me ka holomua o kekahi hana aupuni, a i ole i mea e pono ai o ka lehulehu, ka hooki ana ae a i ole ia hoopau ana ae no ka manawa ka hooholoia ana o na kaa maluna o kekahi laina a alahao o ua hui nei, ua hiki no ke hana ia ia mea malalo o kekahi kauoha a ke komisina, a in a e kauohaia pela, aole loa e kaa iho maluna o ua hui la ke kaumaha o kekahi koi no ke poho maluna o na waiwai lewa o kekahi mea mamuli o ka hooki a hoopauia ana o na hana a kekahi mea a i ole o kekahi mau koi poho e ae no paha e ili mai ana mamuli o ka hooki a hoopau ia o ka holo ana o na kaa iloko o ka manawa i kauoha ia ai e hooki a hoopau; a pela no hoi, aole e ili maluna o ka hui ke koikoi o na kio poho in a ua hole ole ke kaa a ua hooki wale ia ia holo ana malalo o kekahi enemi o ka lehulehu, a i ole hoole hana a na limahana, a i ole o kekahi ulia ulu wale mai.
PAUKU 18. Ka mana makai e kaohi ia ana.
Aole keia kanawai e manaoia e kaohi a houuku mai ana i ka mana o na makai maloko nei o ke Teritore o Hawaii i ka hana ana i ka lakou hana maa mau.
PAUKU 19. Ka lawe ia ana. I kela ame keia manawa a ka hui e hoole ai, a hana ole ai, a i oleia hoomaopopo ole ai i ka hana ana i ka hooko ana i ka lawelawe ana i kekahi hana, kauoha, amea e ae i kupono a i makemake ia e hana malalo o na kuhikuhi a keia kanawai a i oleia i kekahi kauoha, kuhikuhi a hooponopono ana a ke Komisina a e hoomau aku ia hoole ana, hooko, ole ana a hoomaopopo ole ana ia hana ana, a hooko ana a lawelawe iohana ana mahope iho o ka loaa ana aku o ke kauoha mai ke komisina aku, ua loaa i ke komisina ke kuleana e hoopau wale i ka laikini i haawiia a e haawiia nei malalo o keia kanawai ame na pono ame na pomaikai apau, a e kalahea ae ua hoopau loa ia mea ma ka lawe ana ae i mau hoopii quo warranto mamua o kekahi aha hookolokolo kaapuni o ka apana hookolokolo kaapuni ekahi me ke kiure ole.
PAUKU 20. Ke kuleana kuai o ke Kulanakauhale a Kalana o Honolulu. Hoomanaia ke Kulanakauhale a Kalana e kuai a e hoohana.
I kela ame keia manawa e hoomana ia ai e ka hapanui o na poe koho balota i kakauinoa ia iloko o ke Kulanakauhale a Kalana o Honolulu e koho ana maluna o ia ninau ma kekahi koho balota ana i malama ia ma ke ano a me ke hoomaopopoia ana e like me ia ma keia mua aku e ka ahaolelo o Hawaii no ia hana, ua loaa i ke Kulanakauhale a Kalana o Honolulu, a i ole ia i kona mau hope, mahope iho o ka waiho ana aku i kekahi palapala ma ke kakau i ua hui la no ka manawa aole e emi malalo o eono mahina mamua ae, ka mana e kuai aku i na waiwai o ka hui e hoohana ia ana a e kupono ana no ka hana ana i na hana a ua hui la no ka lawe ohua ana ma ka uka ana aku i ka huina e hoomaopopia nei maloko o keia ame ka lawe pu ana ae i na aie bona ame na aie e ae o kela ame keia ano o ua hui la ma ka la o ke kuai ia ana.
O ka huina e ukuia ai i ua hui la no ia kuai ana e hoomaopopo ia no e ke komisina o na hana aupuni aka o ua huina la nae aole loa ia e oi aku mamua o ka waiwai io o na waiwai i ikeia o ua hui la a i ole o waiwai io o na waiwai e kuai ia aku ana; mailoko mai o ia huina e hoolawe ia mai ka aie bona ame na aie e ae o kela ame keia ano. O ka waiwai io o ka laikini ame na waiwai io i manao ia o na mea i ike ole ia, a i ole ia o ka waiwai io malalo o ka manaoia ua holomua ka hui, aole loa ia e heluia i ka manawa e hoomaopopoia ai ke kumukuai e ukuia aku ai.
O keia kau ana i ke kumukuai no ka manao e kuai aku i na waiwai o ua hui nei e hoomaopopoia no ia e ke komisina malalo o ke koi a ka papa luna kiai mamua aku o ke koho balota ana; koe nae keia, e hoonuiia ae no a e hoouuku ia mai no ia huina kumukuai i kulike ai me ke kumukuai o na waiwai io o ua hui la ma ka laweia ana ae a i ole ma ka hoonui hou ia ana aku o ua waiwai la o ua hui la mawaena o ka la i kau mua ia ai ka huina kumukuai ame ka la o ke kuai ana, a oia huina leleoi a emi mai e hoomaopopoia no a e kauia no e ke komisina.
Ua loaa ke kuleana i ka hui a i oleia i ka mea kuai mai e hoohalahala imua o ka aha kiekie o Hawaii mai ka olelo hooholo mai a ke Komisina ma ka waiho ana ae i palapala hoohalahala ma ke kakau me ua komisina la iloko o elima la mahope iho o ka hoopukaia ana aku o ka olelo hooholo a waiho ia aku i ka hui ame ke Kulanakauhale a Kalana o Honolulu. Ua kaa mai ke koikoi maluna o ua komisina la o ka hooia ana aku i na moolelo o kana mau hana, me ka hoike pu ana aku maloko o ua palapala hooia nei i ke kumukuai i makemakeia e ka hui, ka waiwai io i koi ia mai e ka mea kuai, a e ka waiwai io i hooholoia e ke komisina. E hoopili pu ia aku me ua palapala, hooia la na kope o na pepa, na palapala ame na olelo ike apau maluna o ia mau mea i hookumu ia ai ka olelo a ke komisina a me ke kope pu o ia olelo hooholo. I ka manawa e hoohalhala ia aku ai imua o ka aha kiekie ua loaa pu ka mana i ua aha kiekie la ma kona aoao iho ke koi ana aku ame ka hoomaopopo ana iho i na olelo ike e hookomoia mai ana e na aoao elua.
Iloko o eono mahina mahope iho o ka hooholoia ana ke kumukuai, e uku ia aku no ia kumukuai i ka hui, a ia manawa e pau no ka mana o keia laikini e haawi ia nei malalo o keia kanawai, a o na waiwai a pau o ka hui i hoomaopopoia ka waiwai io malalo o keia kuai ana e pili aku ia me ka mea kuai mai me ka hana hou ole ia aku o kekahi mau palapala kuai a hoolilo aku in a e koi ia mai ana eka mea kuai me ke apono ana mai a ke komisina a i ole a ka aha imua on a i hoohalahala ia aku ka olelo hooholo.
Ma keia, ke haawiia nei ka mana i ke Kulanakauhale ame Kalana o Honolulu, a i oleia i kona mau hope, malalo o na kumu i hoakaka mua ia ae nei e kuai, a e paa a e hoohana i ke alahao a mau alahao alanui i kuai ia mai la mai ua hui nei la, a o ua kulanakauhale a kalana la i oleloia a i ole ia o kona hope aku ua loaa ma keia ka mana apau e like me i hoomaopopoia maloko o keia kanawai.
Ua hiki i ke Kulanakauhale a Kalana o Honolulu ke imi i dala no ke kuai ana i na waiwai a pau o ua hui nei e oleloia nei, ma ka hoopuka ana ae i mau bona i hoopaaia malalo o ka waiwai o ua hui nei ekuai ia nei, a o ua mau bona la, e lilo lakou i mau kaki mua maluna o na loaa o ua alahao la. Ua hiki ke hoopukaia keia mau bona e oleloia nei mamua aku o ke kuai ia ana o na waiwai me ke, komo pu ana iho o nahoakaka e hoopaa ia ana malalo o ua mau bona nei na waiwai e kuai ia ana e like me ia i hoakaka ia ae nei mamua e pili ana no ka la o ka uku ia ana o ke kumukuai, a mamua aku o ia manawa e lilo no ua mau bona nei i mea na ke kulanakauhale a kalana e uku ai. Ua hiki no i ua kulanakauhale a kalana la hana, in a e manao ia he mea pono e lilo ua mau bona la i mea hookaa mua ia mai na loaa mai o ka alahao ame na loaa maa mau o ke kulanakauhale a kalana, me ka hoomaopopo ole ae i ka huina nui e hiki ke aie ia ia manawa a i ole ma keia mua aku, a aole e manao ia ka huina nui o ua bona nei he mea ia e kaupalena ai i ka hookumu hou ia aku o kekahi mau aie hou aku e ua kulanakauhale a kalana e like meia i hoomaopopoia i keia manawa a i ole ia e hoomaopopoia aku ma keia mua e ke kanawai, Koe nae keia, o na loaa apau e loaa mai ana i kela ame keia manawa mai ua alahao nei i oleloia i kuai ia iho la, e uku ia aku no ia iloko o ka waihona o ua kulanakauhale a kalana nei i oleloia, e epa ia maloko olaila ma ke ano he waihona kuikawa no keia mau hana e hoakakaia nei malalo iho, a no ia mau hana wale ke kuleana e hooliloia ai keia dala:
1. Ka hoohana ana âme ka malama ana i ua alahao nei.
2. No ka ukupanee o na bona i hoopukaia no ke kuai ana, ame na aie bona ame na aie e ae o ka hui i lawe ia ae e ke kulanakauhale a kalana o Honolulu nana e uku i ka manawa o ke kuai ia ana.
3. I huina e uku aku ai i na bona aie hou ame na bona aie mua ame na aie e ae o ua hui la, a no ka houluulu ana ia huina e hookaawale ia i kela ame keia makahiki he huina aole e emi iho malalo o ka huina i hoohuihui ia aku me ka ukupanee a hoonui mau ia aku i kela ame keia makahiki, e hiki aku ana ia huina, i ka huina nui o ua aie bona hou nei i hui ia me na aie e ae a ua hui nei i lawe ia mai e ke kulanakauhale a kalana ke hui pu ia aku me ke ukupanee e hiki ai ke uku i ua mai aie la a pau loa me ka hui pu ia aku o ka ukupanee.
4. Ka hooloihi hou ana aku a me ka hana hou ana i ua alahao nei.
PAUKU 21. Hoololi ana, hoanoe ana a hoopau ana.
Ua hiki no keia kanawai ke hoololi ia a i ole ia hoanoe ia ma kekahi hapa a i ole ia a pau loa no, a i ole ia ua hiki no ke hoopau loa ia e ka ahaolelo o ke Teritore o Hawaii me ke apono ana mai a ka Ahaolelo makua.
PAUKU 22. Ka la e mana ai.
E mana no keia kanawai i ka manawa a ka hui e hoike aku ai i ke Kiaaina o ke Teritore o Hawaii ma ke kakau, ua ae aku lakou i na hoakaka maloko o keia, ma ka hoololo ana ma ka ae a ka elua hapakolu o na mahele kea i hoopuka ia, in a e loaa mai ia hoike iloko o eono mahina mahope iho o ke aponoia ana o keia kanawai e ka ahaolelo o Amerika Huipuia; in a aole, e lilo no keia kanawai i mea ole a e pau loa no; a oia apono ana no hoi a ka Ahaolelo makua, e loaa mai no ia iloko o elua makahiki mai ke aponoia ana o keia kanawai e ke Kiaaina o ke Teritore o Hawaii.
Aponoia i keia la 26 o Aperila, A. D. 1921
C. J. McCARTHY,
Kiaaina o ke Teritore c Hawaii.
__________________
KANAWAI 187.
[B. S. Helu 66.]
HE KANAWAI
E HOOMAOPOPO ANA I NA HORA HANA O NA KEIKI.
E Hooholoia e ka Ahaolelo o ke Teritore o Hawaii:
PAUKU 1. Aole kekahi mea e hoohana i kekahi keiki malalo o umikumamaono makahiki a oi aku mamua o ewalu hora iloko o hookahi la o iwakalua-kumamaha hora, a i ole oi aku mamua o kanaha-kumamawalu hora iloko o hookahi pule, a i ole mamua o ka hora elima o ke kakahiaka a i ole mahope o ka hora eiwa o ke ahiahi.
PAUKU 2. O cela âme keia mea e kue ana i kekahi o na hoakaka a keia Kanawai e ku no i ka hewa mikamina a e hoopaiia ma ke dala aole e emi iho malalo o iwakalua-kumamalima dala a aole e oi aku maluna o hookahi haneri dala. a i ole ma ka hoopaa hao aole e oi aku mamua o kanakolu la, a i ole ma na hoopai no a elua dala ame hoopaahao.
PAUKU 3. E mana no keia Kanawai i kona aponoia ana.
Aponoia i keia la 26 o Aperila, A. D. 1921.
C. J. McCARTHY,
Kiaaina o ke Teritore o Hawaii.
__________________
KANAWAI 188.
[B. S. Helu 69.]
HE KANAWAI
E HOOLOLI ANA I KA PAUKU 3283 O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIIA AI E KE KANAWAI 13 O NA KANAWAI O KE KAU O 1919, E PILI ANA I NA HOOLOLI ANA I NA HOOLOLI O NA PALAPALA AHAHUI O NA HUI I HOOHUIIA.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 3283 o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 13 o na Kanawai o ke Kau o 1919, ma keia ke hoololiia nei i heluhelu ai penei:
"Pauku 3283. Na hoololi, ae ana. O ka puuku, me ke apono ana a ke kiaaina, i ka waiho ana mai iloko o ke keena o ka puuku i kekahi palapala hooia i hoaponoia a i kakauinoa ia e ka peresidena ame kakauolelo o kekahi hui i hoohuiia, a i ole e ka lunahoomalu ame kakauolelo o ka halawai i kohoia ai, e hoike ana he hoololi kekahi i makemakeia ua aponoia e ke kohoia ana aole i emi iho malalo o elua-hapakolu o kona poe paa kea, a i ole in a he hui kea ole, ma o ke koho ana o na lala aole i emi iho malalo o elua hapa-kolu i hiki mai i ka la i kahea ia ai e halawai no ia mea, e loaa no ka mana e ae i na hoololi i kekahi palapala hoohui a i ole palapala hui o na hui i hoohuiia, e ku nei a i ole e ku mai ana ma keia hope aku; koe nae a oia mau hoololi aole e haawiia a i ole i loaa ma ke kanawai ma ka palapala hoohui kumu o ka ahahui i hoohuiia a i ole mau ahahui paha."
PAUKU 2. E mana no keia Kanawai i kona aponoia ana.
Aponoia i keia la 26 o Aperila, A. D. 1921.
C. J. McCARTHY,
Kiaaina o ke Teritore o Hawaii.
_________________________________________________________
(E nana ma ka aono elima.)
AUWE NO IWAKALUA KUMAMAI I MA MAKAHIKI NO KE KO I: LIPINE LOAA NAE KE ALA HELE E HOOHEMOIA AKU AI KE KOE LIPINE IWAHO.
E loaa ana na manao aloha oia@ ka poe i loohia me keia ma i @---ke ko 'e lipine. Aole hiki i ka @ ke hoakaka ae i ka nui maoli o @ kou auwe ana. O ka poe i loaa @ kia ma ka opu ua konoia aku @ hooki i ka ai i @ kahi wa. I ko @ wa nae e hooki ai @ ka ai, e manao ana lakou, o kela @ hi pilikia @. Aole pulu ke @ ke kanaka a @ paha e noho @ ana me ke ko @ ue. He maikai @ kino amo na @ e ae o ka mea @ eia nae, e ai @ ana no oia, i na meaai a ke ko e @ i makemake ai, me ke ku i ka weli@ o ka hopena. Nui wale ka poe i lapa auia no kekahi mau ma'i e ae, oiai @ o ko lakou pilikia maoli, mamuli @ ke ko'e lipine.
O ka hoailona maopopo loa @ loaa i ke ko'e lipine o ia no ka @ ana aku o na ko'e liilii. O kekahi @ hoailona: o ia ka ono ole o ka ai, @ ano alunu, ke opulepule, ka haalulu @ maule, ka wela o ka umauma; ke @ keokeo; ka eha o ka opu; ka @ iloko o ka opu ame ka naau, ka @ puua o ka puu, ke kuhakuha mau, @ wali ole o ka ai, ka hu'i ma ke kua @ na lala, ke poniuniu ke hakahaka ka opu, ka ike i na pohaka eleele mamua o na maka, ka hiaa. O ka hoailona maamau i ikeia no na kamalii, o ia @ ke kihekihe mau o ka ihu, ka @ kaumaha o ka noonoo, a pela aku. O ka Laxatodes ka laau no ke kipaku ana i ke ko'e mailoko aku o ka opu, a @ he laau keia i hoohana laula ia ma @ ropa, ua ikeia kona kupono loa. Ina @ hoohuoi oe no ke ko'e lipine, no ka pono o kou ola kino, e kauoha @ mai i lapaau piha ana o ka laau Laxatodes he umi dala me kanaha kumamawalu keneka. Hapalua lapaau ana no @ dala me kanahiku kumamalima keneka, a e hoouna koke ia aku no. Ke kuai wale ia nei no e ka Marvel Mel. @ ka poe hoolaha i na Huaale kaulana T Bulgaria no ka Lepopaa. "Dept," M 5, B 963, Pittsburgh, Pa., Inisua no ka puolo iwakalua kumamalima keneka.
HE HOOMAIKAI NUI PALENA OLE
I ka Lunahooponopono o ka Nupepa Kuokoa; Aloha oe:--E oluolu mai koa ahonui, e hookomo aku i ka'u hoomai kai palena ole, i ka poe i haawi mai i ka lakou mau kokua ana no na hoolilo o ka'u wahine i haalele mai i keia ola ana, Mrs. Kukona Moku.
Pela hoi i ka poe i komo pu mai @ a'u iloko o ko'u mau hora o ke kau maha ame ka ehaeha, a i haawi mai i na makana pua i hoohiwahiwa iho ma luna o ke kino wailua o kuu wahine aloha i haalele mai i keia ola ana, a i ukali pu aku hoi mahope o kana @ ka'i hope loa.
No ko'u mau hoa hana oloko o ke keena Hoomaemae o ke Kulanakauhale a Kalana o Honolulu nei, na limahana i haawi lokomaikai mai ai ia'u, ma ka lulu ana a piha ka huina o $50.50 @ na hoolilo hoolewa o kuu wahine aloha no lakou ka'u mau hoomaikai palena ole, a'u e noho aie nei i ko lakou loko maikai. O keia malalo iho nei ko la kou mau inoa:
Sam Lehua, H. H. Huihui, Sol. @ Lilinoe, Steven Poopoo, D. @ Jr., A. V. Pacheco, P. Kealoha, A. Ka waa, D. Kanealii, S. Kahiona, Clement Lehua, Sol. Kealoha, B. Waiau, Kumu iki, P. Kauwela, Geo. Kama, Lui @ Ioha, L. Caesar, S. Manu, S. Lili, @ Costa, G. E. Haena, D. Kealoha, @ kaula, C. Aona, Sola. Kauhane, N. Ka hapea, J. F. Mendonea, W. Kea@ S. Opu, D. Wana, R. Saunders, M. Paa aina, J. Stone, D. Kailiponi St., E @ Hiwauli, G. K. Auwae, J. W. @ pa, D. K. Kamaile, C. Palea, G. @ bine, S. Hanawahine, K. Kape@ Keawe, E. Apa, J. Ross, G. Kekoa, @ Nee, Kuakini Smith, Keamohuli.
E oluolu oukou apau e lawe aku i ka'u hoomaikai a ke kalokalo ae nei ana ma ka inoa o ko kakou Makua ma @ lani, Nana e haawi mai ia oukou apau i na hoomaikai oi ae.
MOKU
Honolulu, Mei 23, 19221.
KA EKALESIA O IESU KRISTO O KA POE HOOANO O NA LA HOPE NEI MA AUWAIOLIMU
Kula Sabati, hora 10:00 a 11:30 @.
O na haawina e kulaia ai, ma ka @ lo Hawaii ame ka olelo Beritania.
Anaina p@le nui, hora 12 a 1: 15 pm.
Halawai Hui Opio, hora 7:30 a 9 pm ka olelo Beritania. He mau haa@ kuikawa kekahi.
6454- June3, 10, 17, 24.
MAU APANA AINA KUAI.
$175- Apana 50x100 ma Kapahulu, ko koke Campbell Avenue, $10 uku mua, $10 o ka mahina.
$250- Apana 50x200 Alanui Kinau, ko koke Alanui 19, Palolo, $20 uku mua, $10 o ka mahina.
$500- Apana 50x100 Alanui Notley, Kalihi, $25 uku mua, $10 o ka mahina.
$1050- Apana 40x168 Alanui Lakimau. Kapiolani Park, Waikiki, $50 uku mua, $20 o ka mahina.
$3250- Hale maikai, 2 rumi moe me ka kahi mau hale mawaho. Apana kihi, 100x100, Alanui Rose @ Middle, Kalihi, $500 uku mua, $40 o ka mahina.
PAULO KALAUKA
(P. E. R. STRAUCH)
ALANUI MOI, HELU 74.