Ka Nupepa Kuokoa, Volume LIX, Number 23, 10 June 1921 — Make he Pukiki Limahaoa ma ke Ano Ulia Wale Hiolo ka Lepo a Paa Kela Limahana o ke Kalana Iloko o ka Auwai Hohonu i Eliia AKELEKELE WALE NO KE OLA O KONA HOA Hoea Aku ke Kauka o ke Kalana ua Haalele Mua Mai ke Ola i Kela Limahana [ARTICLE]

Make he Pukiki Limahaoa ma ke Ano Ulia Wale

Hiolo ka Lepo a Paa Kela Limahana o ke Kalana Iloko o ka Auwai Hohonu i Eliia

AKELEKELE WALE NO KE OLA O KONA HOA

Hoea Aku ke Kauka o ke Kalana ua Haalele Mua Mai ke Ola i Kela Limahana

Mauka ae nei o Puunui, ma ka auwina la o ka Poakahi aku la i'hala, i halawai ai ia paahana o ke Kulanakauhale a Kalana o Honolulu nei, nona ka inoa o Manuei Robelo, me ka make ulia, mainuli o ka hiolo ana mai o ka lepo, a paa oia iioko o ka auwai i eliia o ke alanui ma Puunui. Ma ka oleloia, o ke kumu o ka hiolo ana o ka aoao o ka auwai, a kela liinahana e eli ana, o ia no ke kaumaha i ka lepo, e kiolaia aku ana iluna, mailoko aku o ka auwai. Ua paa loa o Robelo i ka lepo, a koe wale ae no kona poo, a mamuli o ka hele o kona kino a pili-pu, aole e hiki iaia ke hanu, pela iho la oia i halawai ai me ka muke ma 'uwale. Ua lawelawe koke ia na hana lioopakele i kela limahana, mai kona paa ana i ka lepo, a iloko no hoi o ia ma nawa hookahi, ua hoikeia mai la ka lohe ia Kauka Ayer o ka halema'i o na poino ulia, i kona hiki ana aku, ua nana oia' i kela limahana, a hoike ae la, ua haalele mai ke ola i kona kino. Ua hoihoiia ae ke kino make o kela limaliana no ke keena waiho kupapau o ke aiipuni, no ka huli pono ana aku o na kauka, i na wahi o kona kino i poino, i loaa ai kekahi olelo hooholo kupono, no ke kumu o kona make ana, a no ka haawi ana no hoi i manawa no ke kiure koronelo e nana ai i kona kino. He limahana hou aku kekahi, e hana pu ana ma kela wahi, i pakele mai kona ola, aole no ka he wa, a halawai pu oia uie ka inake. lloko o ka auwai kela limahana kahi i hana ai, tno ka mea i make, a i kona wa i pii mai ai iluna, ua hiol oaku la ka lepo ma ka aoao o ka auwai, a o kona mau wawae nae 'ka i paa i ka lepo, me ke koe mai o kona kino. He limahana o Robelo i mare i ka wahine, ua haalele iho oia i kana wahine ame ka laua mau keiki eha mahope nei, e kanikau aku nona.