Ka Nupepa Kuokoa, Volume LIX, Number 23, 10 June 1921 — Halawai me ka Make Ulia Oiai e Uu Maile Ana Make ia Wahine Kuai Lei Kahiko Loa Mauka ae Nei o ke Awawa o Palolo I KAKAA MAI KEKAHI POHAKU A PA KONA POO Na Kona Hoa o ka Pii Pu Ana i Hoihoi Mai i Kona Kino a Loaa Aku i ke Kaa Makai [ARTICLE]

Halawai me ka Make Ulia Oiai e Uu Maile Ana

Make ia Wahine Kuai Lei Kahiko Loa Mauka ae Nei o ke Awawa o Palolo

I KAKAA MAI KEKAHI POHAKU A PA KONA POO

Na Kona Hoa o ka Pii Pu Ana i Hoihoi Mai i Kona Kino a Loaa Aku i ke Kaa Makai

Oiai e hele ana i ka uu maile maiika ae nei o ke awawa o Palolo, ma ka auwina la o ka Poakahi nei, i halawai ae ai o Mrs. Haina Lane, kekahi o na wahine kau lei kahiko o keia kulanakauhale, me ka make ulia, ma o ke kakaa ana mai o kekahi pohaki: nui a pa pono ma kona poo. Oiai he mau la keia i makemako nui ia ai ka lei, e na ohua o na mokuahi, ua pii aku la o Mrs. Haina I>ane no Palolo ma kela Poakahi, me >ka lawe pu ana ia Liwai me ia, no ke kokua nna mai i ka uu maile ana. Ua hoea like laua no kahi o ka maile, a oiai e nanea ana i ka uu maile, ua kakaa mai la kekahi pohaku nui, a pa pono ma ke poo o Mr». Haina Lane, 0 kona make koke no ia. Ma kahi he umi kapuai mai ia Mrs. Haina Lane aku, e ku ana o Li,wai ; me ka.hiki ole iaia ke hoopakele ae i ke ola o kela wahine mai ka make mai, a iaia i ike ai ua haalele mai ke ola i ke kino, na hapai okoa oia i ke kino inake, me ka hoihoi ana mai kela wahi loihi mai o elua mile, a hoea i ke alaiiui, alaila kelepona mai la i ke kaa makai e kii aku i ke kino makf, a i ka hoea ana aku o ke kaa, i lawe loa ia mai ai no kahi waiho kino make p ka papa ola. Ma ka Poalua ae i malamaia ai kona anaina hoolewa; u ma ka illna o Pauoa 1 hoomoeia aku ai kona kino wailua, me ka ukali ana aku o kona mau hoaloha lehulehu no kana huakai hope loa ma ka honua nei. He wahine o Mrs. Haina Lane i kamaaina ma ka hana kuai lei ma keia kulanakauhale, ka hana hoi nana i kokua nui mai i kona ola ana, a i hoolako aku i kana mau keiki me na mea apau e pono ai lakou, mai ka manawa liilii mai ahiki wale i iko lakou kanaka makua ana. He kanakolu.makahiki a Mrs. Haina Lane i lawelawe ai i k hana kuai lei, o kana mau dala e loaa mai ana mai kela hana' mai, e malama ana oia, a me ia mau loaa i malama aku ai oia i kana mau keiki elima; na keiki hoi i hiki ia laikou ke malama ia lakou iho i keia manawa, oiai ua kanaka makua maoli lakou apau. Me ia wahi loaa no i hoomanawanuiia, i hiki ai ia Mrs. Haina Lane, ke hoonaauao aku he elua o kana mau kaikamahine, maloko o ke Kula o Kawaiahao, he elua hoi maloko o ka St. Andrew's Priory, a he hookahi maloko o ka Puali Hoola; a he hookahi ana keikikane, aia maluna o ka mokukaua Wyoming kahi i noho hana ai; o keia mau keiki apau, na ko lakou makuahine hookahi i hoomanawanui i ka malama ana ia lakou, mai kana hana kuai lei mai.