Ka Nupepa Kuokoa, Volume LIX, Number 26, 1 July 1921 — E PONO E HOOLIMALIMAIA NA AINA KANU KO. [ARTICLE]

E PONO E HOOLIMALIMAIA NA AINA KANU KO.

Ina no ka holo o ka bila hoopulapula i ka ahaolelo a kakauinoaia e ka Peresidena, na ke kiaaina hou ame kona aha kuhina e noonoo a hooholo ka mea e pili ana i na aina mahiko o Kekaha, Honomu, Waimanalo ame Piihonua no ka hoolimalima hou ia aku paha i na mahiko a i ole hookaawaleia ae paha ma ke 'ano he mau aina home hookuonoono. Maloko o ka bila elike me ia e ku nei i nei manawa, aohe mau aina mao popo i hoakakaia e hoolimalima. hou ia aku ana i na mahiko i mea e loaa mai ai ke 30 pakeneka no ke kokua ana i ka hana hoopulaplula. Ma ka manao o ka pauku 212 o ke kanawai mailoko mai o na dala loaa apau o na hoolimalima mai na aina mahiko mai apau e laweia ae ke 300 pakeneka a hoahu ma kekahi waihona ahiki na dala i hoahuia ma ia waihona i ka $1,000,000, elike me ka hoakaka a ka pauku 213 ma kela bila. Ma ia nao o na- aina kupono apau i ka mahiko e hoolimalimaia aku ana i na mahiko e laweia mai ana ke 30 pakeneka mai na uku hoolimalima mai, elike me ka hoakaka a ke komisina aina. O na mahiko o Kekaha Waimanalo, he mau aina maikai loa no ka mahi ana i ke ko a pela hoi me na aina o Honomu ame Piihonua, ua makaukau loa ia mau aina no ka noho hookuonoonoia ana akū, eia nae, no ka hoolimalimaia aku o ia mau aina a no ka hookuonoonoia aku paha no ka aha kuhina hou ia ninau e hooholo mai. Ua makaukau ke keena aina e ana aku i keia mau aina me ka nana ole aku i ka manao o ka bila hoopulapula. Ina no ka hooholoia mai o ka bila, ka ninau e pili ana i ka hookionoonoia ana aku a hoolimalima hou ia aku paha o ia mau 'aina na ke kiaaina, ke komisina aina ame ka papa aina ia e hooholo. Ma ka la 1 o Iune i pau ai ka hoolimalima o na aina mahiko o Kekaha nona ka ili 4600 eka; ma ka la 22 o Novemaba e pau ai ka hoolimalima o 2200 eka ma Waimanalo, ma ka mahina o Augate i hala ka pau ana o ka manawa hoolimalima o 800 eka ma Honomu, a o ka hoolimalima o Piihonua o 1200 eka, ma ka mahina o Maraki i hala aku la ka pau ana o ka manawa. Ua pau kela mau aina ma Kekaha i ke anaia i nei manawa no ka hoomakukau ana no ka hookuonoonoia aku; no ke ana ana aku hoi i na aina ma Waimanalo ma ka pau ana o keia makahiki e hoomaka aku ai; no keia aina ma Honomu ua aneane e pau i ke anaia, a ke pau ia i ke anaia o ka hoomaka aku no ia e ana i kela aina ma Piihonua. Ina no ka lilo mai o ka bila hoopulapula i kanawai, e ala mai ana he mau ninau kanawai e pili ana i ka waiho ana ae i na palapala noi, e kakauinoaia kela ame keia palapala noi e 25 poe, no ka hookuono'ono ana i na aina mahiko eha i hoikeia ae la. Ua ala ae he mau kanalua iloko o kekahi poe no ka noho hookuonoono ia aku o ia mau apana aina oiai kekahi hapa o ke kanawai hoopulapula e kaka ana mailoko mai o na uku hoo limalima o na aina mahiko apau e la weia ae ai ke 30 pakeneka, oiai ka pono o ka hoopulapula ana e kaukai aku ana maluna o na loaa mai na uku hoolimalima mai o na aina mahiko no kona pono o ke ku mau ana aku. Ua koho wale ia, ina no ka hoolima