Ka Nupepa Kuokoa, Volume LIX, Number 27, 8 July 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

KONARADI KENEKONA

           

a i ole

 

Ka Hiena o na Awawa Kuoho ame Demona Ka Lio Eleele Kupaianaha

 

            Aole he mau olelo hou i kamailioia mawaena o ka makau ame keiki, no ka mea ua huli hoi aku la o Mr. Lenekona no ka hale a koe hookahi iho la no o konaradi ma ka helio, me kona hoomau ana aku no i ka hamohamo ana ia Demona, a no kekahi mau hora kona hamohamo ana i kela lio hookau ae la oia i ka noho maluna o kona kua, a iloko o ke kahaha nui o ua keiki opio nei, aole he wahi mea a pienaena iki o Demona. He mau manawa lehulehu kana o ka hookau ana aku i ka noho iluna o ke kua, a wehe hou mai ana me ka@li ole i ke kaula opu, a iaia no ka ike, ua maa aku la o Demona i ka noho, hooma-lo ae la oia i ke kaula opu, alaila alakai aku la i ka lio eleele noloko o ka pa, me kona hoao ole e kau iluna.

            Ke akahele loa la ua o Konaradi ma kana mau mea apau e hana aku ai i kela lio, no ka mea ua maopopo loa iaia, ina he mau hana hemahema kekahi ma kona aoao, e lilo ana ia hemahema i kumu e nui aku ai kana hana, ma ka hoolakalaka hou ana i kela lio.

            Ua ma ʻ u kela lawe hooholoholo ana a Konaradi ia Demona, alaila hoihoi aku la no kona keena maloko o ka halelio, me ka hamohamo ana aku no i ua lio, elike me kana hana maa mamua aku.

            Ma kela po iho, i ka wa i hoi aku ai o Konaradi e hiamoe, ua makaala loa oia, me ke ki ana i no puka apau o kona rumi, pela no hoi ka hoopaa ana i na puka aniani, no ka mea aia no ka hopohopo iloko on a, no ke komo mai o Felipe e hoopoino i kona ola. Aole no he wahi maka ʻ u iki o Konarado no kela hapa ilikini, in a ma ke kahua akea laua e halawai pu ai kekahi me kekahi, aka o ka hoao mai o kela kanaka e hoopoino iaia nei, i kona wa e pa ʻ uhia loa ana i ka hiamoe, o kana mea ʻ ia i hopohopo loa ai.

            Iloko nae o kona pa ʻ uhia loa i ka hiamoe, ua hoopuiwaia mai oia i ka lohe ana aku i ka haluku mai o kekahi mea iloko o ka halelio, nolaila ala ino ae la oia . a hoolono ae la iloko o ka halelio, nolaila ala ino ae la oia, a hoolono ae la oia me ka hoohewahewa ole, he haluku kela mai na kapuai aku i kekahi lio e noke ana i ke peku i na papa e hoopuni ana i kona wahi i hoopaiai ai, a iloko no hoi o kela manawa hookahi i lohe aku ai oia i kekahi leo kanaka e kahea ana i mau kokua, he hoike ana maihoi keia i ke komo ana o kekahi mea iloko o ka pilikia.

            Me ka awiwi loa, i ala ae ai ua o Konaradi, komo mai la i kona lolewawae, pela hoi me kona mau kamaa, o ka iho aku la no ia no ka hale malalo, aia hoi halawai aku la oia me kona makuakane, e makaukau ana e haalele iho i ka hale no ka hele ana aku e nana i ke kumu o kela haluku maloko o ka halelio, a e paa ana hoi he kukui helepo ilokko o kona lima, o ko laua nei hele pu aku la no ia me ka awiwi aia ka pono o ka hoea koke aku no ka halelio.

            I ko laua nei hoea ana aku no ka halelio, wehe aku la o Mr. Kanekona i ka puka a hemo, a ke hoomaopopo la o Konaradi i kahi o ka haluku, mai kahi mai no ia i hoopaaia ai o Demona, ke mau la no ke peku o ka ilio eleele, me ka noke ana no hoi i ka holo-ke maloko o kona wahi keena @uku, eia nae, aole he lohe hou ia aku o ka leo kahea o ka mea iloko o ka pilikia.

            Me ka piha eleu i lalau aku ai o Konaradi i ke kukui helepo, e paa ana i ka lima o kona makuakane, o kona hele ak@ula no ia no keena i hoopaaia ai o Demona me ka wehe ana aku no hoi i ka puka a hemo, alaila kau ae la i ke kukui iluna, i hiki pono ai iaia ke ike aku i ke kumu o ka pilikia, nana i hoolilo i ka lio eleele i lio pupule ma kela po.

            I kela ike ana mai o Demona i ke kukui, ua oi loa ae la ka pienaena o ua lio nei o pokakaa wale ana no iloko, a e @oke ana no hoi i ke peku i kona mau wawae i o a ianei. Iloko o kela wahi keena uuku, hookahi wale no wahi o ka palekana, ina nei no ke komo o kekahi mea iloko, o ia no kekahi wahi kihi, malalo pono aku o kahi i hanaia ai o ka pahu e waiho ai o ka ai a ka lio, nolaila, nana pono loa aku la o Konaradi ma kela wahi, a mamuli o ke kokua ana o ka malamalama o ke kukui iaia; i hiki ai iaia ke ike aku i ka pupuu o kekahi kanaka malaila, ua hele hoi a kau ka weli, a o ua kanaka nei oia no o Felipe, kela enemi ino loa o ua o Konaradi

 

MOKUNA VIII.

 

Aia o Felipe iloko o ke kulana kupilikii, in a no ka loaa aku o ua kanaka nei i kekahi o na peku mahanahana loa a Demona, aohe manaolana no kona ike hou i ka malamalama o ka la.

            Aohe manawa hou iho no ke kali wale ana, no ka mea in a e loaa aku ana ike ia Demona, aia kekahi kanaka komohewa, malalo o kahi e waihoia ai na meaai ana, ua maopopo loa, o ka make wale no ka hopena e kau aku ana maluna o kela kanaka, a ke nalu la no hoi o Konaradi no ke kumu i komo ai o kela kanaka iloko o kahi i hoopaaia ai o Demona, me kona ike no, aole loa e hiki i kekahi mea ke aa aku e ku imua o kela lio.

            Me ke ku ole iho nae e noonoo pono, i ka hana nui a Felipe o ke komo ana maloko o kela wahi. o ke komo aku la no ia o Konaradi iloko, a hoomaka aku la e hoomalielie ia Demona, me ka pane ana aku:

            "O Dick, uwoki. eia au ko hoaloha!" aohe nae wahi mea a a kakuu mai ka inaina o ua lio nei, aka ke hoomau la no oia i ke peku ana, ame ke kokoke loa ana aku o na kapuai hope o ua lio nei. no kela wahi a Felipe e pupue wale la no.

            Ua hoomaopopo koke mai la nae o Demona i kona haku. a hoaloha no hoi. eia nae aole ia he kumu no ua lio nei e akakuu koke mai ai kona inaina, oiai ua loihi maoli kela noke ana o ua lio nei i ka lele, ame ke peku, a ua hele maoli no a piha i ka huhu.

            Aia hoi o Mr. Kanekona ke ku wale aku la no nana, me k@ maopopo ole iaia o ka mea e hana aku ai, a ke makaala pu la no hoi oia, no kekahi wahi o kona palekana, in a nei no ka hemo aku o kela lio iwaho.

            No Konaradi nae, aia no oia ke ku la, me he mea la, aole loa ia me he maka ʻ u iloko on a, a ke hoomau la no ua keiki opio nei i ke kamailio ana me ka leo e hoomalimali aku ana i ka lio eleele.

            "Uwoki e Dick." wahi hous a Konaradi, me ka paa ana aku o kekahi lima on a ma ka aoao o Demona, me ka hoopipili loa ana aku o ua keiki opio nei i ka lio eleele, me ka mau no nae o ka paa ana o kona lima, ma ka aoao o ka lio. aole no hoi he wahi mea a oi loa mai o ka pienaena, no ka mea ke hoomaopopo loa mai la oia i ka leo o kona hoaloha, a oia ka konaradi o ka hoomua hou ana aku i ke kamailio ana:

"ua maopopo loa ia ʻ u, aole ou makemake e loaa i ke kahi poino, aka nae ke puiwaiwa nei oe, no ke komo ana mai o kekahi moo nahesa iloko nei hoopilikia ia oe."

            Ke hoomau la no ua o Konaradi i ke kamailio ana, me ka pa ʻ ipa ʻ i pu ana ma na wahi apau o Demona, a no ka ha[alua hora paha kela hoomalimali ana i ua lio nei ua pau ae la kona onioni ana. ahiki i ke ku malie ana i kahi hookahi. ia wa i pane aku ai oia ia Felipe i ka i ana aku:

            "E ku koke oe e Felipe a hele mai kena wahi au e pupue mai nei! E wiki, aole loa he wahi lihi hoihoi iki o Demona ia oe. a ina e ike aku ana oia. eia oe ma kahi kokoke loa iaia, e oi hou mai ana kona huhu me ka puiwa."

            Me ka hoohakalia hou ole iho, o ke kokolo malie mai la no ia o Felipe ahiki i kona oili ana mai iwaho. o ka eleu aku la no ia kau ana iluna o kahi o ka palekana, a elike me kekahi ilio i hahauia i ka huipa. pela iho la ke amo ua kanaka nei, ka hoopepe. me ke ku i kahi o ka hoka. no ka loaa pono ana o kana hana kolohe, a no ka hooko ole ia ana o kona inii. no ka hiki iaia ke noho mana aku maluna o kela lio.

            No kekahi manawa loihi, mahope o kelaoili ana aku o Felipe iwaho, aia no o Konaradi ma ka aoao o Demona kahi i ku ai. me ka hamohamo mau ana i kona lio. ahiki i ka noho malie loa ana o Demona, me ka hoohanuhanu ana mai i kona mau pukaihu ma na papalina o ke kanaka opio. e hoike mai ana hoi ia ano o ua lio nei. i ka hoohihi o kona noonoo no Konaradi.

            I kona ike ana, aole he pilikia i koe, o kona hemo mai la no ia iwaho. me ke pani ana aku i ka puka a paa, alaila huli mai la e hoi. me ka manao, ua huli hoi mua aku kona makuakane me Felipe. i kona wa nae i ike aku ai i ke kukui helepo. akahi no oia a ike, aia no ka kona makuakane maloko o ka halelio kahi i noho ai. a ike pu aku la no hoi oia i Felipe i ke ku mai me kona makuakane. e u noke ana i ke kamailio.

            Oiai nae o Konaradi e hookokoke aku ana kahi o kona makuakane e ku mai ana, ua mio e aku la o Felipe a nalowale. a koe hookahi wale iho la @o o Mr. Kenekona. a o ia ka Konaradi o ka pane ana aku imua o kona makuakane:

            "Oka ʻ u ao ia oe kuu makuakane. e hoopaaia ke keena o Demona me ka laka ma keia mua aku, a e laka ia no hoi ka puka o ka halelio nei."

            Me he mea la he mau olelo ano ole wale no kela a Konaradi i ka manao o Mr. Kenekona. no ka mea ua noke ae la ua kanaka nei i ka akaaka. a i mai la: "Aole o ʻ u manao. he waiwai kekahi o ka laka ana i kahi e paa nei o Demona. ua hiki no i kela lio ke makaala nona iho, me ka hiki ole i kekahi mea ke hookokoke aku iaia."

            "He mea oiaio no kena au e kamailio mai la. e pili ana no Felipe. no ka mea aia ka hoowahawaha ame ka huhu iloko on a no kela kanaka, aka nae, aole kaua i maopopo aku no kekahi poe e aku, e manao ana e komo mai iloko nei o ka halelio, mailia paha, aole ana e huhu keia lio ia lakou: nolaila e ike mai oe, o keia mau mea apau a ʻ u e kamailio aku nei. no ka makee ana no ia i ka palekana ame ka maluhia o Demona."

            "Ina pela, e hooko i ʻ o aku ana au i kou manao e kuu keiki." wahi a kenekona. me ka hoolulu ana mai i ka manao o kela keiki opio.

            "Ea, heaha la ka Felipe hana i manao ai, o ka hele ana mai no kahi i hoopaaia ai o Demona?" i ninau aku ai o Konaradi i kona makuakane.

            "Aole i maopopo ia ʻ u kana hana."

            "Alaila aole ka paha oe i ninau aku nei iaia, i kana hana o ka hoea ana no kahi i hoopaaia ai o Demona ea?"

            "Ae, ua ninau aku nei no au, aole nae ona hoike mai nei. Ke hoomanao nei no oe, aia o Felipe ma ka hale maluna nei o ka halelio kahi e hiamoe ai, nolaila ua hiki iaia ke hele mai, ilalo nei, a ke hoi aku noloko o kona rumi."

            "O ka ʻ u e makemake nei e kuu makuakane. e hoike aku oe aa Felipe, e hookaawale loa oia mai ia Demona aku. Ma ka ʻ u koho wale aku no, ua kuhihewa kela kanaka, he hana maalahi wale no nana, ka hoolakalaka ana ia Demona, mamuli o kona ike i ka lilo ana o kela lio he pio na ʻ u, aka ua kuhihewa loa nae oia, aole e lilo kona ike hoolakalaka lio, kumu e lanakila ai oia maluna o Demona, aole loa. Ua maopopo mua ia Felipe keia mea, a i wahi paha nona e hilahila ole ai, oiai he loea oia ma ke kau i na lio ahiu, pela ka hoolakalaka ana ia lakou, a i ka hiki ole ana, i kona ike hoolakalaka ke lanakila maluna o Demona, pela oia i manao ai e hookokoke aku imua o kela lio, ma ke ano malu, eia nae, ma ka ulia pomaikai wale no, i pakele mai ai kona ola i keia po."

"Malia, o kena ke kumu oiaio o ko Felipe hoea ana no ke keena i hoopaaia ai o Demona, akahi nae a hoopauia kona kuhihewa ua ku oia i kahi o ka hoka," i pane aku ai ka makuakane, no ka hooluolu ana aku i ka manao o kana keiki.

            Oiai aole a laua nei mea e kamailio hou aku ai, o ko laua nei laka aku la no ia i ka puka o ka halelio a paa, huli hoi mai la no kahi o ko laua home i ku ai.

            Ma ke koena aku o kela po, ahiki i ke ao ana, aole he mea nana i hoala hou aku i ko Konaradi hiamoe me ka maikai wale no ka moa ana o ka opio, ahiki i ka oili ana mai o kekahi kakahiaka ae.

            Ua awakea loa nae kela puoho ana mai o ua o Konaradi, o ka hora eiwa ia, nolaila ua pau mua ka aina kakahiaka o kona makuakane ame ka makuahine oia hookahi wale no ka i noho e ai i kona manao, o ia no ka loaa ana aku o kekahi nupepa e waiho ana ma kona wahi e noho ai ma ke pakaukau, a ua ma-ka ia hoi kekahi meahou, me ka peni no-lu: o keia kekahi o na nupepa puka la o Nu ioka, he nupea hoi i maopopo i ua o Konaradi, ma ka hora ekolu o ka wanaao e puke ai, pela iho la i hoea kakahiaka mai ai i ko lakou nei home.

            Nana iho la oia ma ke poo o ka meahou i ma-kaia me ka peni polu. a hoomaka iho la e heluhelu me ka hookahaha loa ia o kona noonoo, oiai he meahou kela e pili ana iaia, no hiki ana i kona akamai ame ka noeau ke hoolakalaka ia Dick Demona. Kekahi o na lio i kauia ka weli, e na keiki paniolo o Amerika Hema.

            Ke nalu la oia. i ke ano i loaa aku ai kela meahou i ka nupepa puka la o Nu loka, aka mahope iho o kona noonoo akahele ana, akahi no a aloaa mai la iaia ka ike, aia kekahi mea kakau nupepa i lohe i kana moolelo e hoakaka ana imua o kona makuakane, ma ka hale hoolulu kaaahi. ma ka la aku i hala, i ka wa e piha ana na kanaka no ka makaikai ana iaia ame Dick Demona.

            Koho koke iho la no oia, o Mr. Kenekona ka mea nana i ma-ka i kela meahou me ka peni po-lu, a nana no i waiho ma ke pakaukau, i hiki ai iaia nei ke heluhelu i kela meahou.

            Aole loa he wahi manao iloko o Konardi e hookaulanaia kona inoa ma o ka mea ana i hana aku ai maluna o ka lio eleele. eia nae iloko o kela manawa hookahi. aole no ana mea e hoohalahala ai no kela meahou. oiai ua pololei ma ana ano apau. elike me ia ana i kamailio aku ai i kona makuakane.

            Hakalia no a pau kaua ai ana, o kona hele koke aku la no ia no ka halelio. no ka hoomau ana aku i kana hoolakalaka ana ia Demona. a o ka mea nana i hookahaha mai i ka manao o ua hoike koke mai la no kela lio i kona mau ano hoihoi.

            Kii aku la oia i kona noho, a hookau aku la me ka kua o Demona, aole no hoi he wahi mea a pienaena ae ua lio nei. no kela maa ana paha hoi kekahi ii ka noho ma ka la mamua aku: a ma ka aoao o Konaradi, ua nui maoli kona hoohihi no kela lio. me kona hoopoina ana ae i kona lio kahiko i punahele iaia.

            Mamua nae o kona hookau ana ae i ka noho iluna o ke kua o Demona, ua noke oia i ka nana iaialo ae o ka noho, no kona hopohopo no, malia ua hookomo hou o Felipe i kekahi kui uuku, malalo o kona noholio, elike me kana mea i kolohe mua ai, aole nae he wahi hoailona iki, no ka loaa aku o kekahi kui, i kakiaia malalo o ka noho.

            Ua maopopo loa i ke keiki opio, ina he kui kekahi, e komo iloko o ka i ʻ o o Dick Demona, e hoopihaia ana kela lio me ka huhu maoli, e maopopo ole ai ka hopena o ka mea e hoao aku ana e kau maluna o kona kua.

            Ua maopopo loa ia Felipe ma o kela loaa pono ana okana hana kolohe mua loa i ka noho o Konaradi, he hana paakiki loa ka nalo ana o kekahi mea, ina nei no kona hoao e hoopii i ka huhu o Demona, nolaila ua oi aku ka noho maile ana. a imi aku i kekahi mau alahele maalahi e ae, e hoohokaia ai o Konaradi.

            Mahope iho nae o ka hoomaamaa ana o Konaradi i ka noho maluna o ke kua o Demona, ua pau loa ae la ka pienaena o ua lio nei. o kona kau ae la no ia, a hoomaka aku la e hooholoholo i ua lio nei me ka hoohele malie ana nae i ka hapanui o ka manawa, a i kekahi wa no hoi, e holo aku ana oia, me kona noho mana mau nae maluna o kela lio.

            No na hora elua kela hele ana o ua o Konaradi e hooholoholo ia Demona, huli hoi hou mai la oia no ka halelio, me kona piha loa i ka hauoli, mamuli o kona ike maoli iho no i ka maikai o kona kau ana maluna o ke kua o kela lio; he oluolu maoli ka holo ana o kela lio, me he mea la. aia oia maluna o ka eheu o kekahi manu nui.

Ua ike o Konaradi i ka like ole o Demona mai kona lio kahiko mai, no ka mea aole he kahe nui o ka hou o keia lio. a aole no hoi on a wahi mea a ike mai i ka maluhiluhi iloko o ka loihi o kela manawa ana o ka holo ana maluna o Demona.

            Ma kahi nae o kona wehewehe aku i ka noho, no ka hoomaha ana i kona lio, kau hou ae la oia, a holo aku la no ke kulanakauhale, a iaia nae i kaalo ae ai mawaho o ka home o Kakeo Wilikona, ua hookahaha loa ia mai kona manao i ka ike ana aku ia Kakeo e holo mai ana maluna o kekahi lio kulana hiehie. Ke hoomau la no o Konaradi i ka hele ana ma ke alanui, hookahi a Kakeo Wilikona e hele mai ana, aole he wahi lihi hoihoi iki iloko o Kakeo e kamailio aku me kela keiki, aka nae, ua ake ʻ ake ʻ a mai la o Kakeo i kona lio, mamua o kahi a Konaradi e hele aku ana. me ka pane ana mai:

            "He mea ka ʻ u i makemake ai e kamailio aku ia oe, nolaila e ku iki mai hoi kou lio, a pau kaua kamailio ana," wahi ana me ka hele hoi a pii ka ula ma kona mau papalina.

            "Ina he mea kekahi au i makemake ai e kamailio mai. ua makaukau au e hoolohe aku i keia manawa ano!" i pane aku ai no hoi o Konaradi, me ke kaohi ana mai i kona lio

            "Eia no ko ʻ u mana ʻ o, i lohe oe e Konaradi, aole i pau ko ʻ u aie i ka hookauia me oe, a ma ka manawa mua loa, a kaua e halawai ai, me ko kaua mau wawae, ia wa au e uku pono aku ai ia oe. Nou iho ea, aole loa o ʻ u poina iki i na mea i hanaia mai ia ʻ u, a aole no hoi au he mea maa i ka huikala aku i kekahi."

            "O kena wale iho la no anei ka mea au i makemake ai e kamailio mai ia ʻ u?" wahi a Konaradi me ka pii ana ae o kona wahi kai.

            "Ua hele paha oe a piha loa me ka haaheo, no ka puka ana mai o kela moolelo e pili ana ia oe, maloko o ka nupepa ea? Aole o oe wale no ka mea hiki ke kau i na lio hou, he nui wale na kanaka i oi aku ko lakou makaukau mamua ou ma ke kau lio. Aole o ʻ u wahi manaoio iki e pili ana i kela moolelo, no ka hiki ana ia oe ke hoolakalaka iaia, alaila, aole no kena he lio ahiu, ua hiki no ia ʻ u ke hoolakalaka me ka nui ole o ka hana."

            Ua aneane e hiki hou ole iho ia Konaradi ke uumi, i kona piha hoonaukiuki no kela mau olelo a Kakeo Wilikona, a o ia kana o ka pane ana aku me ka leo kuoo:

            "E hookaawale koke oe mai ke alanui ae. Ina he makemake i ʻ o kou e haawi mai i kekahi pa ʻ i mahanahana maluna o ʻ u ea, alaila e kakali malie oe, ahiki i ka loaa ana he manawa no kaua e halawai hou ai, oiai kaua e helewawae ana: o ka ʻ u nae e olelo aku nei ia oe, e hoea mai ana he la nou e mihi ai, no kou hoao ana mai e ku imua o kuu alo."

            Aole o Konaradi he kanaka opio puni hakaka, aka no kona piha loa i ka hoonaukiuki, pela oia i kamailio mai ai i kela mau olelo; oiai nae o kona ano mau, he ukuu loa na olelo e hoopukaia eai, o ka mea apau e makemake ai ma ka hana.

            Ua ku a ano hoka maoli o Kakeo, alaila hoohuli ae la i kona lio, i hiki ai ia Konaradi ke hoomau aku ma kona alahele, eia nae, aia kekahi manao kolohe iloko on a, nolaila iloko o ka nanea o Konaradi, ua hahau aku la o Kakao i kana huipa me ka ikaika ma ke kikala o Demona, o ka hoomaka ae la no ia ua lio nei e lele iluna, a hoomaka aku la e holo me ka puahia nui.

I hapa ike iho no ko Konaradi i kau liio, ina ua haule oia. oiai aole loa he wahi manao iki loko on a, e kolohe mai ana o kakeo i kona lio, ma ke ano powa, nolaila i hoomaopopo iho ai i kona kulana ua hoi pono mai la kela makaala mau iloko on a, ke kaohi mau la oia ia Demona i ke noke la no hoi i ke kamailio, a no kekahi wahi loihi kela holo ana aku, akahi no a akakuu mai ka puiwaiwa o ua lio nei, me ka maopopo ole nae i ka lio, ke kumu o kona hiliia ana aku i ka huipa.

            No kela hana kolohe maoli a Kakeo Wilikona iaia, ua pihi loa o Konaradi me ka huhu, nolaila i kela hele malie ana iho o Demona, o kona hoohuli hou ae la no ia i kona lio a huli hoi pololei aku la no kona home.

            I ka hoea ana noloko o ka halelio, a mahope iho hoi o ka wehewehe ana ae i kona mau pono hololio apau mai ia Demona mai, noke aku oia i ke kawele i kona lio, me kekahi huluhulu, me ka uhi ana aku no hoi maluna o Demona, alaila haawi aku la i kekahi mau meaai kupono, o kona hoi aku la no ia, no kona home, no ka ai ana i kona aina awakea.

            Ma kela auwina la, aole a Konaradi hana e ae, o ka hoomaha wale no, me ka heluhelu ana i kekahi mau buke moolelo, ke nalu mau la nae oia iloko iho on a, no ka nalowale o kona makuakane, a pela hoi me Felipe, aole ona ike aku i ua mau kanaka nei i ka maaloalo mai kekahi wahi.

            No kona molowa nae, hooholo iho la oia, e hele hou i ka holo lio, o ka hora eha ia o ke ahiahi, me kona manao e holo pololei aku no ke taona o Buruda, no ka hookamaaina ana ia Demona me ke kaaahi, oiai o ka manawa ia o ke kaaahi e hoea mai ai no kela taona, me ke ku ole nae malaila, mamuli o ka nui ole o na kanaka o kela wahi.

            I ka hookokoke ana aku nae o ua o Konaradi ma ka palena mawaho o kela taona, lohe aku la oia i ke kani ana mai o ke oeoe o ke kaaahi, o kona hoomaka aku la no ia e holo, i hoea aku ai oia no kahi o ke alanui e a ʻ e ana ma ke alahao o ke kaaahi e holo ae ai.

            Iloko nae o kona nanea i ka holo malie, aia hoi, ike aku la oia i ka maalo ana ae o kekahi lio, e huki ana he bake mama, a ma ka ia nei hoomaopopo aku, ua puiwa kela lio, a o holo ana ma ke ano pupule, me ka hiki ole i ka mea nana e kalaiwa ana ke kaohi mai i ua lio nei.

            I kinohi aole he maopopo ia Konaradi, na mea maluna o ke kaa, aka i ka huli aoao ana ae nae o ke kaa, akahi no ahiki pono loa iaia ke ike aku, eia ka o Kakeo Wilikona ame Zora Kakona.

            Me ka hoohakalia hou ole iho, hoomaka aku la o Konaradi e uhai mahope o ka lio e holo puahia la oiai ua maopopo loa iaia, in a pela iho la ke ano o ka holo ana a kela lio, aole ana e nele ka hoea i kahi o ke alanui e a ʻ e ai ke alahao, ma ka manawa hookahi e oili mai ai o ke kaaahi, a o ka hopena, o ia no ka halawai ana o kela mau mea me ka make.

            Ke ike aku la ua o Konaradi, aole he hiki ia Kakeo ke kaohi mai i ka lio, ua lilo ka ikaika o ke keiki a ke kanaka waiwai i mea ole; aia no hoi o Demona ke hookokoke mau aku la ka lio puiwa, no kahi i hui ai ke alanui me ka alahao kaaahi.

            No ka ike paha o Kakeo Wilikona, aohe he manaolana no ka hiki e paa mai ka holo o ka lio, a o ka make wale no ka hopena e halawai mai ana me ia ame ke kaikamahine opio ma kona aoao, nolaila elike me ka poe hohewale apau, ua ku ae la o Kakeo iluna, a hoomaka aku la e lele mailuna aku o ke kaa, me ka nana ole mai i ka pono o Zora, aka o kona ola wale no kana i noonoo.

I ka wa a Konaradi i ike aku ai i kela hana ku i ka hilahila ole a Kakeo, ua hoopuka okoa ae la oia i kekahi mau olelo kuamuamu, me ka pane ana iho nae ia Demona:

            "Imua e Demona!" me ka hooi ana aku o ua lio nei i kona holo, elike me ka ilio hahai holoholona e alualu ana i kekahi hipa keiki. "Ma ke ola ana o ke akua, ke makemake nei a@ oe e Demona e hoopakele kaua i ke ola o kela kaikamahine opio!"

            He keu i ʻ o ka holo o ka lio eleele, eia nae iloko o kela holo, aia no ke kanalua no ka hiki ia Konaradi ke hoopakele i ke kaikamahine opio; a in a no paha e hiki ana iaia ke hoololi ae i ke alahele a ka lio puiwa e holo ai, mai ka poino mai i ke kaaah, e kahuli ana ke kaa, a o ka mea maopopo loa, e make ana o Zora Kakona, aka nae e hoao ana mo ua o Konaradi ma na ano apau, e hoopakele i ke ola o ke kaikamahine opio.

 

MOKUNA IX.

 

            Oili mai la ke kaaahi, ma kahi e ahuwale mai ai ke alanui, ke nanaia mai, ike mai la wiliki o ke kaaahi i ka lio puiwa, me ke kaikamahine opio maluna o ke kaa, pela hoi me Konaradi maluna o kona lio e alualu aku ana maluna o ke kaa, pela hoi me Konaradi maluna o kona lio e alualu aku ana mahope, nolaila ua hookani mau mai la oia i ke oeoe kaaahi, ka mea hoi nana i kono aku i na ohua oluna o ke kaa, e huli aku a nana i ke alanui, a i ka wa i ike aku ai i ka poino e halawai ana me ke kaikamahine opio, ua papani okoa ae la kekahi poe i ko lakou ,au maka, me ka makemake ole e ike aku i ka halawai ana o ke kaikamahine a lunaleka me ka make, no ka mea ua aloha ka poe o lakou i kamaaina i kela kaikamahine.

            Iloko nae o ke kani mai o ke oeoe o ke kaaahi, aole ia he kumu no ka lio puiwa e akakuu mai ai kona holo ana, me he mea la ke hooikaika mau la ia, e hoea e no ka hui ana o na alanui, mamua o ka oili ana ae o ke kaaahi malaila.

            Ma na ano apau a na ohua aluna o ke kaaahi e nana mai la, aole loa he manaolana no ka palekana o ke ola o Zora, ua hele maoli a pilihua ka noonoo o ka poe maluna o ke kaaahi me ka hiki ole ke onioni ae; o ka hoomaopopo nae i loaa ia lakou no ke kulana poino o ke kaikamahine opio, o ka haawina hookahi no ia i loaa ia Konaradi, aka nae, aole loa ke kanaka opio i hoopau i kona mau manaolana no ka hiki iaia ke hoopakele i kela kaikamahine mai ka make mai.

            Ke pili loa aku la ka lio eleele mahope o ke kaa, me ka hoohio ana aku o Konaradi i kona kino ma ka aoao o kona lio, i hiki ai ia Zora ke ike mai iaia, a i ka hele ana a pili o Demona mahope o ke kaa, ua noke aku la o Konaradi i ke kahea i ka inoa o Zora no kekahi mau manawa, me ka hoolana ana aku i ua kaikamahine nei, e hoomakaukau oia iaia iho, no ka lele ana mailuna aku o ke kaa, i ka wa e loaa aku ai ke kauoha mai iaia nei aku.

            Ke pinapina'i loa mai la ke kani ana o ke oeoe o ke kaaahi, e hoike mai ana no ka poino, aohe nae mea hiki ke hana aku, oiai ua noho mana ka lio puiwa maluna o ka mea e noho ana iluna o ke kaa.

            'Aohe wwa hou aku no ke kakali ana, in a he wahi manaolana kekahi no ka pakele o kela kaikamahine opio, oiai he wa wale no no ke kaaahi e hoea mai ai, i ka manawa hookahi e hoili aku ai o ka lio e huki ana i ke kaa, nolaila pekupeku ae la o Konaradi, i kona mau wawae ma ka aoao e Demona, ia wa i hooi loa ia aku ai ka holo o ua lio nei, a iloko o ka manawa pokole, aia o Konaradi ma ka aoao o ke kaa kahi i pili ai, me ke kahea ana aku me ka leo nui:

            "E makaukau e Zora e haalele i ka maka'u ame ka hopohopo, e ku iluna a lele mailuna mai o ke kaa, no ka hoopakele ana aku ia oe!"

            Aole he makemake maoli o kela kaikamahine e lele mailuna mai o ke kaa, no ka mea, o ka make wale no ka noonoo nui iloko on a, eia nae in a no oia e noho ana iluna o ke kaa, e make ana no oia i ke kaaahi, nolaila, hakalia no a pau na olelo a Konaradi i kamailio mai ai, o kona ku ae la no ia iluna, a lele mai la iwaho, o ka paa koke aku la no ia i ka hopuia e Konaradi, a hoonoho iho la mamua o kona alo, me ka hoohuli aoao ana ae i kona lio, o ka wa no ia o ke kaaahi i hoku'i mai ai i ka lio puiwa ame ke kaa, a pau i ka nahaha, me ka anaiia ana aku o ka aoao o Demona e ke kaa ohua, eia nae ua hala aku la ka poino ame ka make mai ia Zora aku, ka mea a ka poe oluna o ke kaaahi i manao mua ole ai, e hiki ana i ke kanaka opio ke hoopakele ae i kela kaikamahine.

            Aole e hiki ia Konaradi ke kaohi mai i ka holo Demona, no ka mea ua hele ua lio eleele nei a eena maoli, aka nae, i ka hala ana o kekahi wahi loihi o kela holo ana aku o ua lio nei, me ka a'e ole ma ke alahao kaaahi, akahi no hele malie.

            He hana koa a maka'u ole kela a Konaradi o ka mauna ana i kona ola iho, a iaia i hoomaopopo iho ai, ua hala aku ka poino, ua nohoalii mai hoi ka maha ame ka palekana, ia wa i hoopili mai ai oia ia Zora ma kona umauma, nana aku la hoi ma na maka o ua kaikamahine nei.

            Aole o Zora i maule, aka nae, aole ka ikaika iloko on a ua like kela kaikamahine, me kekahi bebe liilii, ka hele a malule pu, a no na la apau o ko Konaradi ola ana mahope mai, aole loa oia i poina iki, i ke ano o kela nana ana mai a Zora iaia.

            Ma kekahi manawa mahope mai, oiai o Konaradi ma kahi he mau kaukani mile ka mamao mai kona home aku, iaia iloko o ka poino ame na popilikia, ma Amerika Hema, ua lilo kana mau hoomanao ana no Zora, i mea nana e hoolana aku i kona mau manao, a e haawi mai hoi i ika ikaika iloko o kona kino.

            Ua mamao loa kela wahi o Demona o ka lawe ana aku i kona haku ame ke kaikamahine i hoopakeleia mai ka make mai, ua kaawale loa hoi kela wahi o ka make ana o ka lio, ame ka nahaha ana o ke kaa, eia nae, ua nui na kanaka i alualu mai mahope ona, me ka hoopuni koke ia ana ae o Konaradi e kela poe kanaka, a i ua opio nei i ike mai ai i ka makuakane o Zora, ia wa oia i lele iho ai mailuna mai o Demona, hapai mai la no hoi la Zora, a haawi aku la iloko o na lima o Mr. Kakona.

(Aole i pau.)