Ka Nupepa Kuokoa, Volume LIX, Number 28, 15 July 1921 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPE KUOKOA, HONOLULU, T. M., POALIMA, IULAI 15, 1921.

KA HUAKA'I A NA KEIKI POOLA KIPIKOA NO KA IPUKA OULA O KALEPONI

 

(Hoomauia mai.)

            I mai la kela ia'u, ''pehea i loaa ai ia oe kela ike@'' Hoike aku nei au me ko'u minoaka pu aku. '

            'Ma ko'u aina hanau ma Hawaii, he kakau moolelo kekahi hana a'u, no ka manawa wale no nae, a he kakauolelo no hoi au no kekahi mau ahahui Hawaii ma Honolulu, ka hanapanui o ka'u hana he hana uwapo me ko'u mau haku hana, McCabe, Hamilton & Renny Co., Ltd.

            I hou mai la kela ia'u, ''he nui no hoi na Hawaii a'u i ike ai ma Kaleponi Kakalameko ame Nu Ioka, aole au i ike ia lakou e kakau ana i kekahi mau wahi ano nui o na mokuaina o Amerika nei.''

            Eia hoi ka'u, ''ua ake wale iho no lakou e ike no lakou iho, a in a lakou e hele he mau makahiki, ua manaoia lakou ua make, no ka mea, nole he mea e loheia no lakou ma ka aina; no'u iho ina an e hele iloko o na mokuaina like ole o Amerika nei, nole loa au e poina i ka hoouna ana i ka nioolelo o ka'u wahi e hele ai, a he meahou ia iloko o ke'u aina, no lakou e ike mai ai."

            Akaaka mai la kela ia'u, me ko mana huli ana aku hoi e nana i kahi i malamaia ai o ka fen, he wahi kokoke @kahi'hoolulu o na mokukou, FOrt Mason,, kahi e ku nei o ka halepohaku nani o na Kelemania me ke kiahoomanao, i lilo i ke aupuni makua.

            Ia mau@ e kamailio nei i na meahou o keia aina malihini, o ka wa ia i pili mai ai o ka waapa kukeawa, a pau ae la na wahi paiki o makou i ka nanaia kau na kuni apono a ke kukeawa, a ni mau mai nei keia kakeawa ia'u, he haole keia ua ano elemakule poupou a peke kahi kino.

            "What people is this@" era no hoi kA's namu no kai ilea ninau ia'u :

            "This is the Hawaiian people, the nobles of the Hawaiian Islands."

            Haalele mai la ua wahi haole nei me ka luliluli o kona poo, a'u i maopopo ole aku ai i ka manao o ka luliluli ana o kona poo, heaha la, koe wale no ko'u minoaka ana iho, me ko'u kamailio wale ana iho no ia'u:

            "Manao paha hoi keia poe o keia aina, he kamifulu loa hoi na keiki Hawaii no Kawaihae," a bu wale ae la no ka'u aka, no ke ano hookano no o ku olelo mai ia'u, "heaha ke ano o keia laui@"

            Na keia ninau wale no a keia wahi haole i hoala koke mai iloko o ko'u

 

The Bank of Superior Service

 

The Bank of Bishop & Co., Ltd.

(Kukuluia 1858 Hoouiia 1919)

Hoakaka no ke Kulana elike me ia ma lune 30, 1921

 

NA LOAA. Na Hoaie me na Hoemi..$11,394,894.71 Na Bona 2,182,296.39 Kahua o ka Banako me ka Hale 123,686.56 Na Lako o ka Banako 31,955.47 Na Ukupanee e Loaa mai ana Aie o ka Poe Kipa mai malalo o na Bila Hoaie 750, 455.48 Na Loaa e Ae 99,839.09 Dala Kuike a ma ka Banako 3,054,009.31 $17,761,457.53 NA AIE. Kumuwaiwai $1,000,000.00 Koena ame na Puka Mahele Ole Ia 593, 626.10 Hookaawaleia no na Auhau 90,00000 Waihona Uku Hoomau. 5,000.00 Hookaawale Kuikawa 15,983.19 Na Puka Mahele Ole Ia. 50,000.00 Na Bila Hoaie 750,455.48 Na Hoahu Dala 15,256,392.76 $17,761,457.53

Kulanakauhale a Kalana o Honolulu

 

            Teritore o Hawaii

            OWAU, o JAMES L. COCKBURN, ka Hope-Peresidena ame Lunanui, ke hoohiki nei, o ka hoakaka maluna ae he pololei ia elike me ka'u i ike ai, a i manaoio ai.

                                                                                                                                                JAMES L. COCKBURN,

                                                                                                                                                Hope Peresidena âme Lunanui.

Hanaia a hoohikiia imua o'u i keia la I o Iulai. 1921.

                                                                                                                                    D.E. MOONEY,

            noteri no ka Lehulehu, Apana Hookolokolo Kaapuni Ekahi, T.H.

noonoo me ka hikiwawe loa, e wauaoio ia mai ana makou he poe Paele kanu pulupulu no ka Hema, i laweia mai i poe hana mamuli mai no hoi o ka paakiki o ka'u poe keiki, i ka poina i ka olelo makuahine, a he olelo haole wale iho la no ka hapanui o ka manawa, namu pololei kekahi, a namu uala no hoi kekahi elike la me a'u, me ko'u a'o man aku ia lakou e olelo oukou ma ka olelo makuahine, eia nae, o ka'u olelo nohe hooloheia mai.

            Pela i hookomo mai ai keia haole i kana ninau hookano ia'u a pe@a au i kupale aku ai no makou iho, ma kuu olelo ana aku imua ponoi o kona mau pukaihu, aole makou he poe Paele ka nu pulupulu no ka Hema.

            E kuu Solomon aloha in a ua hewa au ma keia wahi i kuu kapa ana ia makou iho he kokoalii, e waiho aku imua o ko kaua pae heluhelu, na lakou e pe ku mai ia'u, i ke peku a ka hoki me ka miula, keika hoi a ka piula, malia hoi aole no i nele loa Lopaikihele wale, kahi ae'a auwana o Kauai, ma li'a hoi o ola no au i ka inou o'u mau kupuna i hala i ka po, a koe hoi au ka mea nana e hoike i ka nani o ko lakou koko e holo nei iloko o'u.

            Oiai ka heleuma o ke aliiwahine Wilhelmina e hiu ana no ka makou holo ana aku a hoea i Kapalakiko, he mamao o elinia mile mai kahi a makou i ku ai, a ka piko ponoi o Kapalakiko, a ia kau ana ae o ka heleuma o makou, o ka nee maile aku la no ia o ua kamaliiwahine nei, me na opuupua ilima awili pu hoi me ka maile o Hawaii ana e hiipi pu nei, a'u hoi e ike la me ko'u mau maka ponoi, he like me ka hookomo ana aku o Hilo, no kona laula loa hoi, a he haiki iki mai no keia, i haiki no nai hoi i kahi ania eepa o Kao (got Island), he kikowaena hoi o ka oihana kelekalapa uwea ole o ka oihana kau@ o Kaleponi nei aia ma ko makou aoao hema a o ke kulauakauha e hoi o Kapalakiko ma ko makou aoao aku a makou e holo aku nei a'u hoi e nana la i ke kuku mai o na hale kiekie, a haahaa no hoi, a pepepe loa no hoi kekahi ilalo lilo loa. He nani no i ka'u nana aku, eia na'e, o ka u'i, aohe no e loaa o Hawaii, o ka'u kaena no ia o Hawaii no ka oi.

            Aia ka waapa o na uniona ke poalo mau ana ma ko makou mau aoao, a'u hoi i a'o aku ai i ka'u mau keiki, e makaala no oukou hio, aole kakou i aina, me ka lawe i ke ola o kahi kanaike i ka mano o kei poe, a in a no ko lakou ku e mai ia kakou, e hoomanao, e koa kakou apau me ka wiwoole, he aina malihini keia, a e hoohalike ia kakou me na kanaka o keia ka no kahi kanaka, me ka nana ole. owai la oia, a e hoike aku kakou i na kauaka o keia aiua, aole kakou he poe hohewale a maka'u, aka he poe koa kakou a wiwoole, mai ko kakou aina aloha mai, a in a aole lakou e hanaino mai ia kakou, a mai hana wale aku kakou. O ke Akua wale iho no ko kakou alakai aole loa o kakou mea e nele ai, aia mau iloko On a ko kakaou maluhia.

            I ka pau ana o ka'u mau olelo hoomanao i ka'u mau keiki, ua oho like mai lakou me ka lokai, me na minoaka mau o ke kanaka u'i, aole hoi ka maka'u ame ka hopohopo maula o ko lakou mau helehelena pakahi apau, a hoomanao ae la au no Paiea, ke Alii Kamehameha, ka olelo kaula imua o kona mau mamakakaua ma kona mo olelo: "Imua e o'u mau pokii, a inu i kai wai awaawa."

            O kana hoi ia a o ka'u hoi keia o ka Lopaikihele wale, kahi kamu'ieu o Kauai.

            "Hoohalike ia kakou me kanaka o heia aina, i ka lawe i ke ola o kahi kanaka, no kahi kanaka, a mai hana wale aku hoi, ina aole lakou e hanaino wale mai."

            @e oiaio, aole loa lakou i hana wale mai ia makou, elike me ka'u i lohe wale ai i ka poe walaau o ke kaona, hoonuinui olelo, he ki ia ka poe apau oluna o ka moku e ka poe uniona, he oiaio no, o ka poe uniona no o lakou iho ka lakou makemake loa, aole hoi o ka poe apau a'u e kapa nei i ka poe hooiloilo ia'u, a hoonui olelo. he poe hohe haahaa loa i kupono ole i poe koa no kahi wa ma keia mua aku, e ala mai ai ke kauna o ko kakou aupuni makua me kahi aupuni ua make mua no keia poe i ka olelo wale no, aole hoi i honi i ka uwahi pauda.

            He oiaio, e hoea mai ana ia manawa a e ike ana no au ia manawa, ua makauau mau au e haawi ia'u iho ame ka'u mau leialoha elua wale iho no, no ke kokua ana i ke aupuni makua, no kona have, kona pereseidena ame kona lahui, ame kuu lahui, me ka nana ole, heaha ka hopena no'u ame ka;u mau keiki, koe wale iho no kela mea nui iloko o ko'u noonoo, e haawi ana makou i ko makou ola no na milion@ kanaka o ke aupuni makua, ame na tausani o Hawaii aloha, no ka hoopakele ana mai ka lima mai o na enemi.

            Aia no au e pili mau ana ma@ka aoao o kuu kamaaina, a ia la hoi e hoike mai ana i na wahi apau a ko'u mau maka e ike aku ai, a e ninau pu aku ai i kona iuou no kau'u huakai mua ai, a e niuau pu aku ai iaia, a na mokukolo hoi i pili mai ai ma ka aoao no ka hoopili ana i ka moku i ka uwapo, no ka mea, he ikaika loa ke kai o keia aina i ka huki ana iloko i ka wa kai nui, a pela no i ka kai maloo, a kuhikuhi mai la kuu kawaaina ia'u i ko makou uwapo e pili aku ai, aohe ike nui ia aku no kanaka elike me ko kakouo Hawaii, o na hale maluna o na uwapo o keia aina, ua paa holookoa i ka hale, me na panipuka loloa, e uu ai iluna, he ano pmalo loa keia aina a'u hoi i olelo aku ni i kuu kamaina: "Kuhi au ia Papalakiko he aina hauoli, he like loa keia wahi me na ilina o ka poe make." Akaaka ai la keia iu'u a i mai la, "ehea oe i ike ai?"

            "He oi aku ko'u ike mam@a ou, ma ko'u aina, ua ike oe, i ka wa e pili aku ai o ka moku i ka uwapo, o ka mea mua loa au e lohe ai me ka hauoli o kou puawai, o "Ahole. Oe" mai ka Bana Hawaii mai. Pau ia, o Waikiki Beach, Honi Kaua Wikiwiki, pau ia, See Hawaii First pau no hoi ia ke mele lahui o Amerika ame ko'u wahi aina."

            "Pololei oe, aole hoopunipuni, ua ike au no'u iho, a ua olelo au o na kanaka Hawaii ua hapau pu ia lakou me na meakani, a i oi loa aku ma ka hulaku'i. hoolewa pauku kino, ka pahee loa, aole au i ike ma kou aina hanau, aole no hoi ma Amerika nei, ma Hawaii wale no aole loaa o ka hana ma keia mau wahi, o ka oihana kaua wale no."

            Pili aku la ka moku i ka uwapo a pau ae la ka maua kamalilio ana, kau no hio ke kanuwe a iho aku la na ohua ilalo, aia na kanaka mawaho o ka hale o ka uwapo, ua paa i na makai ame na kiai, pii mai la no hoi na kanaka poola o ka uwapo, hemo na panipurka, ke pii nei ke kilina halakahi ki, ho'u iho ame ka'u mau keiki, puuluulu ae la makou i kahi hookahi, a ike iho la au ua pili makou i ka uwapo 32, Poakoku, June 1 hora 7;30 a.m.

            He mea oiaio hoi ka'u e olelo nei mai ka la a makou i haalele ai ia Hawaii, ahiki i kapalakiko nei, ua like ka moana me ka muliwai ka hala'i la na malie, me na wahi apiipii ale lelehune wale iho no, e kopipi hala ole ana i na papalina nohea o ke kamaliiwahine. Wilhelmina, a'u hoi i kapa "Hauoli maoli au i ko'u hui ana me oe, loa me na keiki Hawaii o ke kipikoa, "S.S Wilhelmina, the Queen of Hawaii."

            Ia makou e puuluulu like nei lohe aku la au i ko'u inoa i ke kamailioia mai, a hele ia mai la au e olelo, he makemake ke poo kapena nui o ka Matson Co. e ike ia'u, o ko'u hele aku la no ia a hoolaunaia mai la au e ka malamamoku ekahi, ana hoi i olelo mai ai ia'u, o Kapena F. m. Edwards keia, ke poo kapena nui o ka Matson laina, a o Geo. K. Kane no hoi keia, ke alakai o na keiki Hawaii, a lululima iho la maua, me kona olelo pu mai ia'u: "Hauoli haoli au i ko'u hui ana me oe. he kanaka Hawaii oiaio no Hawaii no ka'u wahine, a e hono no oe maluna o keia moku ahiki i ka wa e mahelehele like ia ai na keiki Hawaii maluna o na moku apau.:

            He ae wale no ka'u me ko'u hoonui olelo ole aku, no ka malihini loa o kein haole ia'u, eia ka he kanaka oluolu, elike me ka loihi o na la a'u e noho nei me ia O ka wahine a o kein ua like a like.

            Pau ae la ko'u ike aua i keia haole ano nui o, ka hui, a hui ana au me ka hope pookapena G. V. Paxton ame na haole no oloko o ke keena apau loa, owau iho la ko lakou wahaolelo, a he hoomiomio loa au i ka'u olelo aua, olelo mai auanei lakou ia'u no nei au o Kawaihae, a hoike mai la no hoi lakou ia'u, o na pilikia apau e hoike aku ia lakou, ua makaukau mau lakou e kokua mai.

            He oluolu loa hoi keia no'u, a laweia mai la ko makou mou kikiki ai iloko o ka haleaina o ka hui, a malaila ka poe apau e ai ai, haawi aku la no hoi au i ka'u mau keiki pau, a hele iho la makou i ka haleaina e ai ai. O ko makou la mua loa keia o ka ai ana, ua piha oloko i na haole, a ia makou aku hoi na Hawaii, piha pu oloko, he liloloa makou i mea nana nui ia e a poe haole o keia wahi, eia nae no ko makou maa no i ka noho ana o ko kakou kaona, aole i lilo i mea no na Hawaii e hilahila ai; pau ka ai ana hoi aku la i ka moku, he mau wahi hana liilii wale no, aohe no boi o'u ike hou i kuu kamaaina, no ka mea, pili no ka moku i ka uwapo, o ko lakou la hoi no ia, aina awakea hele hou makou e ai, hele no hoi ua poe keiki eu nei me na pila, pau ka ai ana hookani na pila, ua hoohalike au i kanaka o keia aina ne ka nalomeli, ka pipili i ka hookani kila a kekahi keiki a'u, oia o W@. Brown.

            Iua paha he wahine malaila, aohe wahi apana koe, weluwelu liilii, aohe e hihi he poe kane wale no, i ka hele a kokoke i ka pukaihu, me ko lakou pa'ipa'i mau ana i na wa apau, me ko lakou hoopuka mau ana, "Hawaiian boys are the best."

            Pau ia, hiu iho la no ua poe keiki nei a'u i ka hulaku'i ame ka hula, make loa ka haole i ka hulaku'i ame ka hula, make loa ka hoale i ka hauoli, a e le'ale'a mau ana no hoi i na ahiahi apau, a e lohe maoli aku ana no oe i ka hao'e i ka olelo, "The Hawaiian people are always happy." O ka lakou hula makemake loa oia o "Honi Kaua Wikiwiki."

            E kuu Solomon no hoi, ua ano maeele mai la kuu wahi lima i ka hu'ihu'i maoli o keia ahiahi, ano e ka'u kakau ana, nukee no hoi a kapakahi, o kuu puni no o ke kakau, hoomanawanui no, i loaa na meahou makamaka o ka hikina nei ma ka'u huaka'i me a'u

UA IKE ANEI OE I KEIA MEA?

 

            Aole hiki i na kanaka ke koho i ke ho'e lipine ke kumu mai o na auwe he nui apuni ke ao nei, he mea ia i like me keia kii. Lehulehu na kane, na wahine ame na kamalii noho auwe i lapaauia no na ma'i e ne me ka maha ole, o ke kumu maoli nae o ka pilikia mai ka puaa, ka pipi, ke pine, ka huka poepoe, a i ole ke ko'e kipine mai. O ka hoailona no ka loaa o ke ko'e o ia ka hemo o ke naio. O kekahi mau hoailona, o ia ka ono ole o ka ai, ke alelo keokeo, ka wela o ka umauma; ke umii o ka opu, ka naluea o kanaau, ke kalakala o ka puu, ke kuhakuha mau, ka wali ole o ka ai, ka hu'i o ke kua me na lala, ke poniuniu, ka nalulu, paupauaho, ke kunewanewa ke pololi, ka phoina o na maka. O ka uluahew ua ike mau ia, mai ke ko'e lipine mai ia. O ka hoailona kamaina i na kamalii, o ia ke kihe mau o ka ihu, ka hiamoe mau, ka nalulu, one ole o ka ai, ka hohoma o ka helehelena, hoihoi ole i ka paani. O ka Laxatodes ka laau nana e kipaku aku i ke ko'e mai ka opu aku, a oiai ke hoohana laula ia nei keia laau ma Europa, aole he kanalua ia o koua kupono. Ina ua hoohuoi oe no ke ko'e, no ka pono kou ola kino, kauoha koke mai no ka lapaauia neka. Hapalua lapaauiam eono dala me kanahiku-kumamalima keneka, e hoouna koke ia aku no ke loaa mai ka Bila Haleleka, dala kuike a kikoo banako. Ke kuai wale ia nei no ka Marvel med. Co., ka poe hoolaha i ka Huaale TI Bulgaria kaulana no ka Lepopaa. "Dept." M-5 B-963, Pittsburgh, Pa. Inisua no ka puolo iwakalua-kumamalima keneka. keiki, na opuu pua rose hoi o ka uwapo, o ka la ikiiki welawela hoi o ke kaona o kaua o Honolulu.

            ma keia la no a makou i ku ai hele mai la ke poo kapena Edwards e olelo ia'u, ua makemakeia i eono kela no ka Maui, o ka hoomaka ana keia o'u e mahelehele i ka'u mau keiki iluna o na moku lawe ohua o ka Matson Co. He ae wale no ka'u malalo o ka hooko kauoha, o ka wa ia o keia kaniaka ko'iko'i i olelo mai ai ia'u:

            "George, makemake au ia oe e noho i Kapalakiko nei, i akena no na keiki Hawaii." O ka'u i olelo aku ai iaia, "e kali oe a hooponopono pu a'u me ko'u mau haku, alaila ae aku au, ke ae mai lakou, a haawi pu aku la no hoi au i ko'u mahalo a oi loa aku, o kuu wa no ia i hui ai me ko'u mau haku o Honolulu, oia no ka peresidena nui o ka Hui matson Co. ma Hawaii Kennedy, ke kakauolelo ame ka puuku, a na lalou paha i koike aku i ko'u ane i maopopo loa ai i ke poo kapena ko'u kulana i hele mai ai me ka puulu nui o nai keiki Hawaii, no ka wa mua loa wahi ana, ma ka mooelo o Kaleponi.

            Mahope iho o ka makou kamalilo on a, huli hou mai la no ua kapena nei a olelo mai nei ia'u, "ua maopopo ia'u kau kulana ame kou moolelo, a ua hilina'i kou mau haku ia oe, a pela oe i hele mai nei; nolaila o na kauoha ame na meaapau e pili ana i na keiki Hawaii, ma ou la wale no e ike aku ai au."

            Haawi hou aku la au i ko'u mahalo me kela hoomaikai iloko o'u no ka Makua lani kuu alakai, aole Oia i hoonele mai i kana kauwa nei.

            E kuu Solomon, o ka hua momona mua loa keia i loaa ia'u, mai na olelo awaawa hoino mai a ko kaua lahui ponoi ia'u, a heaha ana la ka lakou e olelo hou mai ai no'u mahope iho o ko'u hapaiia ana ae ma keia kulana, no ka mea, he aina malihini loa keia ia'u, aole hoi i maopopo i kona mau noao apau.

            O ka mea oiaio a'u e kanalua ole ai ke kamailio ae, o ka hopena keia o ka hoomanawanui, koa hoi me ka wiwoole, a hooka pong hoi na kauoha a na haku me ka ewaewa ole, a ua moni au i na olelo hoino a hoopoina mahope o ko'u kua, me ka'u mau oomaikiai hoi apau i ka poe apau i hoino ia'u a'u pu hoi e kono aku nei ia lakou, ua hamama mau ka puka o Lopaihihelewale, e apo aku ia lakou e komo maloko, e hamai ai a lhewa e ka waha, hookahi no uku nui o ke aloha, e aloha hoi ia kaua iho, elike me kou aloha ana ia oe iho.

            Mahope iho o ko'u kamailio ana me ua poo kapena nei, hookaawale ae la au i eono o ka'u poe keiki, a hoouna aku ia iluna o ka Maui, e pili ana i loa uwapo i piha i ka ukana, i kali wale ia no ia makou, me ka'u wahi olelo kauoha pu aku hoi ia lakou, e hoomanao aku ana elike me ka makua i ke keiki:

            Hoolohe i ke kauohe a ua aliimoku. aole pakike ia lakou a malama hoi i ka hana, ke kuleana nui hoi o ko kakou hiki ana mai nei o keia ninja malihini."

            . He ne wale no ka ka'u poe@keiki, a pau ae la no hoi ka hana o ia @a, a moe iho la no makou ia po iluna no o ka WIlhelmina, ka moiwahine hoi o Hawaii, no ka mea ua laahia kona mau aoao apau ia makou.

            Ahiahi iho la, pa mai la ka makani, hele pu mai la no me ka hu'ihu'i, he like me ka hau o Hilo, ka o'eo'e malie i ka iwihilo i pumehana i ka maoanoa o ka huluhulu, a hoomanao ae la au i ka huluhulu moe kehau o ko'u aina o Milolii, i ka pali o abi hoi o Aneki, kau mai iluna, kaomi maile; he ua ia no ka aina, he mea iniiniki ili.

            (A oili hou aku.)

HOOMAKAUKAU NO MUA AKU NEI

            E hoao e Hoomakualii Ano E Malama i ke Dala e wehe i Buke Banako Heahu me ke CHINESE-AMERICAN BANK A NANA AKU I KA ULU O KAU DALA

NA PAHU DALA $1.00 no ka Wehe Kihi o ke A@ ao ka Hoolimalima Ana i ka Hoahu Moi me Nuna@

LUAU Na PA, NOHO, PAKAUKAU ame na HALELOLE 10 ka Hoolimalima.

PEOPLE'S HARDWARE STORE.

453 Alanui moi Akau, Kokoke i Palama Settlement

KELEPONA 2670.

TERITORE O HAWAII

 

Keena o na Puuku, Honolulu, Oahu Ma, ka hana e hoopau ana i ka AALA DRY GOODS COMPANY, LIMITED. OIAI, o ka AALA DRY GOODS COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i boomakaukauia ma na hana o keia ano, ua waihoia mai iloko o keia keena he palapala noi no ka hoopau aua i ka hui i oleloia, hi pu me kekahi palapala i hooiaioia i hooohui pu ia me ia, elike me ia i koiia ai ma ke kanawai.

            NOLAILA, me keia ke haawiia ak@ eni ka hoolaha i kekahi mea, a i nu kanaka apau, he mau kuleana mamua a e kulcana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku no ka palapala noi i oleloia maloko o kei akeena, mamua ae o ka hora 12 awaken o ka la 31 o Augate, 1921, a o kela ame keia mea e makemake ana e hooloheia aku maluna o ia mea, ho pono e hoea kino ae ma ke keena o ka mea nona ka inoa malalo iho maloko o ka Hale Maua Hooke, Honolulu, ma ka horn 12 awaken o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER

            Puuku, Teritore o Hawaii.

            Honolulu, Iune 22, 1921.

6457 Ine 24; 1, 8, 15, 22, 29; Aug. 5; 12, 19, 26.

T O Murata Furniture Store

(Na noho hoolimalima me lako pa maanei.) na Lako Hale Hou me Kahiko. Hoolimalima me Kuai Hoolilo 715 Alanui Hema, Honolulu, T. B., Kelepona 1695.

He PAALOLE LOAA MA KA UWAPO KUHIO

 

Mr. Solomon Hanohano, Aloha kaua: E oluolu oe e hookomo, @ kekahi rumi @wale o kau @ i keia nieahou, e ia keia n@lalo ne@

            Ma ke @ ka @ nei, Iulai 5, i hala, i loaa ni ia'u hepaalole kela, maluna o ka uwapo o Kuhio, ma HIlo nei, e waiho aua me keia paalole he papale, kukui uwila, hainaka eleele, he pohoahi, a iloko hoi o ka eke, o ka lole maluna i loaa aku ai ia'u he kenikeni ($10).

            O ia wale ae la no ka'u wahi mea i loaa, a ua ha'i koke aku au, i ka poe pa'i upepa o IHlo, a ua hoopuka ia kela nuhou ia kakahiaka ae. Eia ia'u kela huhou ia kakahinka ae. Eia ia'u kela paalole e waiho nei i keia maawa, no ke kiiia mai o ua paalole nei e ka poe oihana kaua, in a no ko lakou @.

            Ko'u nianao maoli, ua hana kolohe kela haole, no ka mea, ua wehe oia i kona lole apau ioa mailuna alalo.

            Eoluolu oe e hookomo iho i keia wahi meahou ma kahi kaawale, o kau uupepa. He kiko la ka'u hana ma HIlo. Hawaii, maialo o ka hui Matson Navigation Co., no na makahiki lehulehu.

            ua lawa keia me ka n@ahalo a nui loa ia oe ame na keiki, oni'uhua o kou papapa'i.

            O wau iho no me ke aloha,

                                                                                                            PETER KAMANO JR.

            Hilo, Hawaii.

TERITORE O HAWAII.

Keena o ka Puuku, Honolulu, Oahu

 

            M@ ka hana e hoopau ana i ka TA@ SEIDO DRUG COMPANY, LIMITED,

            OIAI, o ka TANSEIDO DRUG COMPANY, LIMITED, he hui ia i kukuluia a e ku ana malalo a ma ka mana o na kanawai o ke TEritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloin, hui pu me kekahi palapla i hooiaioia i hoohui pu ia me ia, elike me ia i koii@ ai ma ke kanawai.

            NOLOLAILA, ma keia ke haawila aku nei ka hoolaha, i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai @ na ku-e ana no ka aeia aku o ka palapala no i oleloia maloko o keia keena, mamua ae o ka hora 12 awaken o ka la 14 o Augate, 1921, a o kela ame keia mea e makemake ana e hoolohei aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana. Hooko, Honolulu, ma ka horn 12 awakens o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

                                                                                                                                    DELBERT E. METZGER,

                                                                                                            Puuku, Teritore o Hawaii.

            Honolulu, Iune 6, 1921.

6455 Iune 10, 17, 24; Iulai 1, 8, 13, 22, 29; A@g. 5, 12.

 

Kakelamekuku

(KAUPALAWAIA)

Poe Kalepa ma ke Komisina A HEPoe Agena no na Mahiko Lehulehu

 

            Mau Apana Aina Kuai

 

$175 Apana 50x100 ma Kapahulu kokoke Campbell ame Monsarrat Aves. $10 o ka mahina.$750 3 Apana kibi Cook St. ame Diamon Head Ave., kokoke Alanui 12, 16730 kapuai kuea. Oluolu keia wahi. $50 ukumua, $15 o ka mahina. $250 Apana 50x200 Alanui Kinau, kokoke Alanui 19, Palolo, $20 ukumua $10 o ka mahina. $3250 Hale maikai, 3 rumi moe; apana 80x139.5, Alanui Notley, Kalihi. $500 ukumua, $50 o ka mahina.

 

PAULO KALAUKA

(P.E.R. STRAUCH)

ALANUI MOI HELU 74.

 

Kela Laau Kauiana

B.B.C.

            He laau i hoohuiia o na launahaole @ e @ pu ana me ka hana a ke Akua, he @ a hooikaika ae i na mea peahana holohoa o ke @, e kipeku ana i ka ma'i ikno ame na ma'i @ wale mai, e haawi ana i ke kino i ka ikaika, ke ola @ ka mana i na aalolo.

            E hoopiha ana ka B.B.C. i ke kiao me ka ikaika hao o ke ola a me ka ikaika o na la opio. Ua @o@laia na poena waliwali ma na manawa @ mahope o ka inu ana he mau pule wake @. Ua aponoia e na kauka kaulana he nui ame aa k@ iloko o ke ola lahui ana. O ka B.B.C. @ laau kamahao loa ma ke ao.

            KUAHA MA NA WAHI APAU. Keena Kuai Laau B.B.C. 161 Alanui Mei. Honolulu, Hawaii.

           

NUPEPA KUOKOA

No ka makahiki (one year)…..$3.00 No eon mahina (six months)…1.00

            O na Dala âme na Hoolaha Apaa o hoouna pololei ma i ka ADVERTISER PUBLISHING COMPANY, LTD., wale no. P O Box 208. Honolulu. T. @

            217 Alanui Moi, ma ke keena e ka

                                    Nupepa Advertiser.

            Entered at the Post Office at @ lulu, T.H., as Second Class @

 

CHARLES S. ORANE LUNA @