Ka Nupepa Kuokoa, Volume LIX, Number 28, 15 July 1921 — LILO KA BILA HOOPULAPULA I KANAWAI. [ARTICLE]

LILO KA BILA HOOPULAPULA I KANAWAI.

Ma ka auwina la o ka Poaono aku la i hala, i loaa niai ai ka hoike ia Kiaaina Farrington, ma ke kelekalapa, mai ka Elele Kalanianaole mai, e hoakaka mai ana, no ka lilo ana o ka bila hoopulapula i na Hawaii i kanawai, ma o ke kakauinoa ana o ka Peresidena Harding i ka bila Penei ke ano o ke: kelekalapa Elele Kalanianaole o ka hoouna ana mai i ke Kiaaina Farrington: "Ma keia auwina la i kakauinoa ai ka Peresidena Harding i ka bila hoopulapula. He la ano nui loa keia no Hawaii ame na kauaka o Hawaii. He epake hou keia ma ko kakou moolelo." Mamuli iho la o ka lilo ana mai la o ka bila hoopulapula Hawaii i kanawai, ua ili aku maluna o ke kiaaina ame ke komisisna aina, ke ko'iko'i o ka hooholo ana, ina paha he mea pono, ka hoolilo ana ku i na hoolimalima o na aina aupuni, i ka poe koho kiekie, a i ole, e hookoe no paha i kela mau aina, no kekahi mau hana e ae. Ua pili aku keia i na aina kanu ko o Waimanalo ame Kekaha, na aina i noiia mai ai e na makaainana, e wehe ia kau no ka hookuonoono ana, malalo o ka mana o ke Kanakwai Kumu O kekahi mau mea ano nui e ae maloko o kela kanawai i hooholoia mai la, o ia no ka hookapu loa ia o na lahui e, aole e noho ma na hana federala; ua komo pu no hoi iloko olaila, ka iku o na luna oihana federala ame na luna oihana Teritore.