Ka Nupepa Kuokoa, Volume LIX, Number 29, 22 July 1921 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NA LEDE HOLO PAU I MUA O KE KIAAINA HOU.
Kakania e J. K. Mokumaia.
Ma ka hora 5:30 a.m. o ke kakahiaka nui pniponi o Iulai 5, i honehone aku ai ka leo kapalili o ke kelepona i mua o ua mau iwa nei na lakou i hehihehi ke kahua oiai au e hai aku ana no ka manawa e hui hi na mea apau ma ke kahua o ka Haleialii oiai, ua loaa mua ka lohe ia lakou o koʻu manawa ia e haalele iho ai i koʻu home ame na makaukau piha no ia apana hana. I ke kani ana ae o ka hora Eono me hapa i akoakoa ae ai makou ma ke kahua i oleloia ae la oiai, ua makaala mau au i kaʻu apana hana, ua ae ia mai ke kahua o lalo o ka halealii noʻu ame ua mau lede makaonaona nei. uana aku oe hai e malule koʻu puuwai i ka ike i ka hai mea nui he kokoa mai hoi kau o ka puu a haupu ae la i keia mau kanaenae:
Hanai ka makua a nui puipui
Na nei kela moku ai hookano.
Aia ko moopuna i ka lewa,
Sua a o luna sua a o lalo.
Sua na wahi apau,
Hanai nioi wela iaʻoe e pono ai.
E kala mai ua pahee loa aku la, oiai lakou e hooponopono ana ia lakou iho, ame ke kahiko ana mai i na pono holo pa-u ame na lei i hoomakaukauia ai, aia ao ke kilohi ala i ko lakou kulana mai luna ahiki aku i ka poli o ko lakou kapuai; ua ku maoli i ka nani na mea apau oiai ua hiki mai na lio aia na koa na lakou na lio i lawe mai ke hoomakaukau mai la ma kaʻu kauoha ia lakou, a ua kokua pu mai lakou i ka hapai ana aku i ua mau lede nei, aia mau kela minoaka maluna o ua mau koa nei, ma kaʻu nana aku akahi no paha lakou a hoopapa i neia mau kikala, o ka hele ia la a nepunepu maikai, a mea mai la ke alakai o ua mau koa nei e kuu keonimana maikai, manao no oe e hiki ana i keia mau lede ke kau iluna o ka lio ame ka makaukau pu i ke kau lio no ka mea he nunui loa ko lakou mau kino, a minoaka aku la au, i na alakai nei, me kuu olelo aku iaia ua oi aku ko lakou makaukau mamua ou, e kuu kapena maikai, no ka mea, ua ike lakou i ke ano oia mea, a e ike ana oe nou iho, a oiai e nee anaa ka manawa imua, a i ka makaukau ana o na mea apau, ke ike la au i ka ui inaoli a ua mau lede nei ame na aʻo liilii ana aku i ka makou mea e hana ai, i huli aku ai au imua o ua kapena nei, pehea la kau nana ana i ua mau lede nei, e kala mai oe iaʻu, o kaʻu mau olelo mamua iho nei e hoihoi hou mai oe, o kaʻu e ike nei o ka mua loa keia o koʻu ike ana i ka laka maoli keia mau lio, aole oia wale no aka, o kela kulana hiehie ike nana aku; me ka mahalo ia oe e kuu kapena, o kaʻu mau olelo mahalo ia lakou. O koʻu lawe ae la no ia i ke kulana alakai mamua a nee mai la makou, oia ka hora Ewalu ponoi, ma ke alanui Moi, o ka uwapo Helu 15 ka pahu hopu; ua piha ke alanui ma kela ame keia aoao oiai na paipai lima ame na mahalo mai ahiki ana i kahi i haʻi mua ia ae la a hui mua aku la au me ke aliikoa kiekie nana e malama ana i ke kai huakai ame na kukakuka maikai ana ke ike ala au i koʻu pilikia oiai e ku no makou ma ke alanui moiwahine nolaila, ua lawe ae la au i koʻu @ piha oiai, aole oʻu makemake e ku kuu mau iwa maka onaona ma ke alanui a e nana ia aku ma ke ano pahenehene, a ka la e iliki iho ana i ka wela i mea e mae ai na pua iluna o ua mau iwa nei, me kela manao e ku e aku ia kauoha i hiki akiu aʻi au imua o ke kiai puka a noi aku la i kona oluolu ua ku nana oia, a no elua manawa au i noi aku ai aole he pane i pane ia mai, o koʻu ani aku la no ia i koʻu lima ame ka nui o kuu leo oiai aia au i ka hapalua like o ka puka pa; me ka oni o kou lio, ua eleu mai la ua mau mani nini nei a ku ana makou iluna o ka uwapo, ame na leo huro mai na lala mai o ka Ad Club ame ko lakou hele ana mai e hawi i na mahalo ana no ka ui o na lede ame na lio oiai o ke komite iaia ia hana ua lohi loa oia i kona hiki ana mai, e ku aku ana au me ka makaukau piha a i ka pili ana mai o ka moke ame ke kau ana mai o ke kiaaina hou maluna o ke kaa i hoomakaukauia nona, aia au ke hoonohonoho pono ala i na wai hooluu like ole o na pa-u oiai, ua makaukau ua mau iwa nei e haawi pau i ko lakou makaukau piha i ke kau lio, eia au ke ike ala i ke ohohia o ko lehulehu; e mahalo mai ana i ka nui maikai o ke kino ame ka ui pu ke nana mai, no laila oiai ka hiakai e nee ana aia mau au ke makaala la i kaʻu apana hana a i ke kokoke ana i ka pa alii i wahi ae ai ka oihana koa i na laina i elua, ua lawe ae la au i ke alakai ana mamua me kela kulana hiehie mau aia koʻu lio ke oni ala, pela no hoi me ua mau iwa nei; nana aku oe la i ka pa-u ia la he kapalili mai hoi kau i ke aheahe makani, a i ke kokoke ana aku i ke anuu e ku iho ai ke kaa, i wahi ae ai au, a pela no hoi me ua mau iwa nei, ame na ani lima ana imua o ke kiaaina, ame kona haawi ana mai i ke ani lima, i hoi aku ai makou no ka wehewehe ana i na pono oia la.
Ua nui ka poe i hele mai a haawi @ mahalo aole o na kamaaina wale no aka o na malihini kekahi, me ke paikii ana mai kekahi i ua mau iwa nei oiai, ua pau ae la no na mea ano nui oia la oiai, ua makaukau mau kuu moku kaa e hoihoi aku i na mau @ nei; i hakalia no apau na mea apau i ka hooponopono o ka oni aku la no ia ua moku kaa nei no mua no kela ame keia home o ua mau @ maka polena nei, ame na haawi welelau lima ana me ke aloha oiaio no na mea i hana ia ia kakahiaka me ka eleu loa ame kaʻu mau hoomaikai ia lakou apau.
Ma ka Poana Iulai 14, mai he kono kaʻu i ua mau lede nei no ka paina pu ana mai me aʻu ma ka hora 12, ma ka hokele ai o na Pake, ua hele kekahi pakaukau a piha pono i na mea ai i hoomakaukauia no ko lakou pono aʻu i manao-ai he hana maikai ia ma koʻu aoao ka panai ana aku, i ka hiki ana ae i ka manawa i hai ia ae la i hui ae ai au me ua mau @ maka onaona nei ame na lululima pu mehana ana i noho like iho ai makou maluna o na noho ame ke kuku wale mai @ kekahi mau noho oiai aole i hiki mai ekolu oia mau lede aka, oiai e nee ana ka manawa i mua aia makou ke hoe ala imua, na leo pule i noi ae ai i ka makua lani e hoomau ia keia hana maikai, oiai na mea apau e haawi pau ana i ka hoe ana i na mea ai.
Ua piha maoli na mea apau me ka hauoli oiai aia maluna oʻu ka manao ano nui oia papaaina i waiho aku ai au i kekahi o na manao paipai oia hoi, i na no ka holopono o na mea e noonoo ia nei no koʻu lawe aku i kekahi mau lede eono ka nui i ka hoikeike nuia ka Hui Ma, i Kaleponi, alaila, ma manao au e loaa ana i ka wahine hookahi ka uku maikai, me ka pau o na uku kaahele i ka ukuia. Ua noi ia mai au a ua hoike aku au i ka nui oia mau hua helu, o na kala me ka manao oiaio e loaa mai ana no kaʻu mea i manao ai, a o kekahi no hoi keia o na hana e kaulana ai keia mea he holo pa-u, oiai ua holo mua au i Amerika, no ia mea no he holo pa-u aka, o ka mea oiaio o kela hana mau no, o ka hele mai uo o lakou ma a haanai mai, mea ae i ka mea, a i ka mea, a i kou ike pono ana i ka mua ame ka hope nolaila ua makaukau mau au e waele i koʻu alanui ame na lede aʻu e lawe pu ai no ko lakou pono ame koʻu pono pu me ka maikai o ka inoa ame ka hana a kakou e hapai nei, ua nui ko lakou ohohia no ia mau manao. o kaʻu wale no i olelo hou aku ai in a no ka pono o keia apana hana alaila, ua kau aku maluna o ko-oukou mau poohiwi ka hanohano nui, ka hoikeike ana i ke kahua o ke Kulanakanhale nui o Kaleponi, oiai e mau ana no ka ai aua i lawe ae ai ua mau lede nei e pono e kukulu ia i hui holo pa-u a mea aku la au, oia kakahi o na hana maikai. a i ka noonoo pono ia ana ua apono loa ia, a ma kaʻu noi e pono e noonooia ka inoa me ke akahele loa, aole pono e kapa i kekahi inoa no ke kanaka hookahi a i ole alii paha, a i ole ahahui paha, e kapae i kela ano noonoo aka, e lawe mai i inoa lahui, a ma ka noonoo like ana i hooholo loa ia ai "Hawaiian Pa-u Riders," me ka lokahi ma ia inoa no ka lahui Hawaii, a e o mau aku ma ia inoa ame ke koho ana i na luna nui, a kohoia me ka hauoli o na mea apau. O keia na luna nui:
Mrs. U. L. Moseman peresidena; Mrs. J. D. Holt, kakaaolelo; Mr. J. K. Mokumaia, Lunahoohananui, ame Puuku, ua apono loa ia me ka lokahi; o ka uku komo hookahi dala oiai, o na ninau ano nui aia no maluna o ka peresidena ka noonoo ana, ma kaʻu wehewehe ana aku i a lakoa o na mea pono holo pa-u na makaukau mau i na manawa apau e makemakeia mai ana oiai, oia mana aia maluna oʻu i na manawa @ e makemake ai nolaila, aole he lilo o ka hui aka, o na loaa e loaa mai ana no ka hui ia oiai, @ na mea apau ke nee nei me ka maikai ai ka pau ana o na mea apau me ka maikai me ka haawi ana i mau himeni maikai, i noi aku ai au i ka oluolu o na mau lede nei e holoholo makou i elua hora, ua piha loa lakou i ka hauoli, o ka oni ae la no ia o ka ihu o ua moku kaa nei no Moanalua, kahi a ka iini i manao ai, me kou olelo aku ia lakou e lawe ana au ia lakou no ke paikii ana i kahi e ku nei kuu halepea ma ka aekai o Kauau, Moanalua, oiai ua mau iwa nei e hoolai ana aia au ke wehe pau la i ua ki e hooi aku ai i ka pahee ame ka holo imua a kau mai la keia mau kanaenae ana:
Ina o Mine kuu lio holo,
Mea ole ke alu ka ihona pali,
Kaohi mai au he ole ka paa,
He oi ka holo ka pahee ka holo imua,
Anhea wale oe e Susu,
Aia ko moopuna i ka lewa,
Lawe ae oe a Hapalua like
Nana iho oe powehiwehi ke ike iho,
Ke auau makani kolokololio,
he makani houhou ili,
He iniinsi malie
A ku iho la ua moku kaa nei me ka maikai ame ka launa ana me ka lede o ka home i paiia iho ai na kii me ka holopono loa ame na hoonanea liilii ana i lawe ae ai kela ui o Kakaako i kona kulana me na kaula keleawe o uwehone, aia kona leo ke pii ala iluna me ke koʻukoʻu pu, o ka oni ae la no ia o kela ui o na alanui liilii o Kukui Laue nana aku oe puehu liilii ka pua akulikuli, a o ke kanaenae i hana ia mai ai.
I alii no oe i kanaka au
Malalo aku au o ko leo.
Noho aku au i kuke mau,
I kuene hoi na ko nui kino
He keu oe a ke aloha ole,
I ne ia mau maka e imo aku nei.
Ko ike mai no ua palupalu,
A he iwi haki ko ka amakihi.
O ka pou kaena iho keia
Ke uwiuwi nei ke kaula hao.
Haina ia mai ana ka puana,
I alii no oe i kauaka au.
E kala mai e kuu kapena, ua pakika loa aku la keia, in a oe ma koʻu wahi aole loa e hiki ana ke kupaa iho aka, o ka olu ame ka hauoli oia na mea i loaa mai i kela la poina ole au e launa pu ana me lakou, ame na haawi lulu lima ana me na lede o ka home i hoihoi mai ai au ia lakou no ko lakou home me ka maikai o na mea apau.
A me na ani lima ana i huli hoi mai ai au no kou kahua me ka maikai, piha o na mea paahana o ua mokukaa nei. Me oe e kuu kapena opio koʻu welina pau ole ame na kaiki na lakou e kikokiko na kaula keleawe ka iini pau ole, koʻu mahalo.
KUU KAIKUNANE HELE LOA.
E ka Nupepa Kuokoa, Aloha ka na: --E oluolu mai kou ahonui, noʻu hoi kauwahi rumi kaawale o kou kino lahilahi, nana hoi ia e ahai hele aku ma na kihi eha o na kaiauhi aloha ou e Hawaii, i ike mai na kini, na makamaka ame na ohana apau o maua, e noho mai la i ka mokupuni o Manokalanipo.
Ma ke kakahiaka Poakahi Iulai 4, hora 6 a.m. na kii mai la ka anela o ka make, a lawe aku la i ka hapu oia o kuu kaikunane, Kauakahou Kolo,, a waiho iho la i ke kino lepo. na makou e u aku ma keia aoao o ka muliwai eleele o ka make.
Ua hanauia o Kauakahou Kolo, mai ka puhaka mai o Kolo (k) ame Kaulaloha (w) Wainiha, Kaia, i ka makahiki 1865, o ka nui o kona mau la ma keia ola ana he 55 makahiki ame na mahina keu, o kona ola ana a hala wale aku la no ma kela aoao mao.
I kona hanau ana, na noho no oia ma Wainiha me kona mau makua, a ua hoonaauaoia oia ma ke kula aupuni, a i kona nui ana, ua hele mai oia no Lihue, i ka hana me W. H. Rice, a iaia e noho ana ma Lihue, ua mare iho la oia i ka wahine, a mailoko mai o ka laua puhaka, he ekolu mau keikikane, elua e ola nei, a ua make hookahi, a i ko laua noho ana a mahope ua haalele mai kana wahine iaia, a ua noho wahine ole oia ahiki i ka makahiki 1914, ua hopuia o Kanakahou Kolo, no ka maʻi lepeʻa, a laweia mai la @ ka pamaʻi o Puuhale. Kalihi, a iaia e noho ana no ka lapaauia mai, a hana no hoiʻi kekahi mau hana a ka Papa Ola malaila, @ kanaka makaala oia ma kana mau hana, e haawiia mai ana nana e hana, a iaia iloko o ka pamaʻi o Puuhale, ua noi aku kana wahine mare ilaila no ke koi ana aku e oki laua, a ua ae aku oia a ua kaawale laua ma ke kanawai o ka aina.
Ma ka makahiki 1916, ua lawe loa ia mai oia i Kalaupapa nei, ka aina a ka @ i noho ia ai, a hala he mau makahiki, ua mare hou oia i ka wahine, ua noho laua me ka oluolu maikai i loko o ka berita o ka mare a na ka make i hookaawale ia laua.
Ma ka mahina o Feb., 1921, ua loaa oia i ka maʻi a hoihoiia aku la oia i ka haukapila. malalo o ka lapaau ana a Dr. Goodhue.
Ua noho oia ilaila me ka hoomanawanui no kekahu mau mahina, me ka manao e loaa mai ka maha aole nae, a hala wale aku la a haalele iho la i kana wahine, e auamo aku i na ehaeha ame ke kanikau ana nona, ame aʻu hoi kona kaikuahine hanauna, e auamo pu nei i ke kaumaha o ke aloha no kuu pokii kaikunane hele lea.
Nolaila ke haawi aku nei au i koʻu mahalo a nui i ka makuahine o ka haukipila ame ka poe apau i kokua mai i ke ku kiai ana i ke kino lepo o kuu kaikunane ame ka poe na lakou na makaua pua, uo ka hoohiwahiwa ana i ke kino lepo o kuu pokii kaikunane a me ka ahahui a kuu akikunane i komo ai, ame ka poe no apau i hele i kona huakai hope loa no kona kino lepo, a waiho aku iaia ma ka ilina kahi o na mea apau e moe ai no ka wa mau loa.
Ke haawi aku nei au i koʻu aloha ame ka mahalo i ka Lunahooponopono o ka Nupepa kuokoa ame na keiki oniuhua mekala o kou papapaʻi.
Owau iho no me ka luuluu.
MRS. J. K. KAINUWAI,
Kalaupapa, Molokai, Iulai 14, 1921.
HOOLAHA O KE KUAI O KA AINA AUPUNI.
Ke haawiia aku nei ka hoolaha ma keia ma ka Poalima, Augate 19, 1921, ma ka hora 1:00 p.m. ma ka Hale hookolokolo ma Lahaina, maui, i kulike ai me ka Pauku 342 o na Kanawai i Hooponopono Hoi ia o Hawaii o 1915, e kuaiia aku ana ma ke kudala akea i ka mea koho kiekie loa ka apana aina Aupuni i hoakakaia malalo nei:
Apana 9 A, na koena aina o Honokowai, @ Houokawai, Kaanapali, Maui, nona ka iliaina 9,780 kapuai kuea, oi aku a emi mai paha.
Kumukuai haahaa, $50,000.
Ma ke kuike ke kumu aelike.
Na ka mea e kuai ana e uku i na hoolilo o ka hoolaha ana.
no na palapala aina ame na hoakaka ano nui hou aku, e noi ae ma ke keena o ka Hope Akena, Mr. T.B. Lyons, ma Wailuku, Maui, a i ole ma ke keena o ke Komisina o na aina aupuni, ma ka Hale kaputala, Honolulu, T.H.
C.T. BAILEY,
Komisina o na Aina Aupuni.
keena Aina Honolyly, Iulai 19, 1921.
0461-- Iulai 23, 29.
HE MAU POHAKU KUPANAHA ELUA E LANA AANA I ILUNA O KA ILIKAI
Kakauia e Mr J. K. Makumaia
Ma ka Poaono, Iulai 10, i née aku ai au ame kaʻu alii wahine ma kahi i olelo ia ae la me na makaukau piha no ka noho ana aku ma ia wahi no na la hoomaha. oiai ka halepea e oni ana iloko o ke ao uli a ka makani ame ka ua liilii e hoopulu ana i na kamahele, aka o ke ake e loaa na ea kai o ua kaha nei aole i hookuemiia mai ka manao e alai mai ana mamua o ke kahua o ka hale pea oiai, ua pau na mea apau i ka hoomakaukauia me ke akahele loa e pale aku ana i ka ino, i hoihoi ia mai ai ka manao lana e loaa ka mea i manao ia oia hoi, e hooluolu iho i ko maua mau ola kino ma na mea maikai e loaa mai ana, o na mea maikai a helu ekahi loa oia keia, o ka loaa o na ea maikai a ka makani e lawe mai ai, a pela hoi me ka ua liilii e kaomi ana i ka pii mai o ke ana wela, aole oia wale no na alamihi momona oe. e kahe ai ka haae, na papai kuhonu halale ke kai o ko haku o ka opae hune konikoni i ko lehelehe, o ka limu oolu paheehee i ko puu ke moni aku, a he nui aku oia mau mea maikai a ko i a la lima i hana iho ai ma ia lihikai no ka pono o na mea apau, e ake ana e loaa na mea maikai; oiai au e makaala mau ana i ka nee ana o ka manawa eia mau au ke kakele ala i kuu wahi mauu wili ahiu ma ia lihikai nei, e lawe ana i ke kulana kapena no ia nene aukai nei, a i ka la 17 mai oia ka lapule auwina la, oiai au e holo ana me ua nene aukai nei oʻu oiai hoi ka makani e nou pono ae ana mahope oʻu me ka piha maoli me ka hauoli no ka oi o kona holo i hookuʻi aku ai koʻu waa me kekahi mea lana; o ka haupu i loaa iaʻu ia manawa he pahu opiuma paha ai ole he pou paha i hemo mai kahi i kukulu ia ai no ka mea ua mau kela hookuikui ana mai ahiki i ka aku ana ae ma kahi aʻu e kau ana iluna o ka iako o ka waa i hana ia ai he papa noʻu e noho iho ai no ke kaomi ana iho, i ke ama, aia hoi o kaʻu i ike iho ai i ka oku pono ana ae ma kahi aʻu e noho ana na manao au he poo no ka honu, no ia kumu, ua lele ae la au mai koʻu lima aku, pela no hoi me ke kaula kahee, o ka pea, no ke ake e ike pono i kela mea lana; aia au ke haawi pau ala i koʻu makaala i kahi i amioia aku ai e kela aweawe o hope o ka waa, a i koʻu ike ana aku e lana ana no i hoohuli hou mai ai au i kuu waa, me ka hana nui hou au i huli ai no ka mea, e loaa mau ana i ke amio o ke kai o ka waa ahiki i koʻu au maoli ana i mea e loaa ai.
O ka mea hupanaha loa oia ka loaa ana aku iaʻu he pohaku ulaula palahalaha ame kekahi pohaku @ iho e lanaa pu ana me ka hele like ana no; ma koʻu manao i na o kela hookui ana me ka waa a loaa i ke amio o ke kai o hope o ka waa e kaawale ana kekahi mai kekahi mai, o ka mea kupanaha nae oia ka hele like ana o keia mau pohaku.
I ka loaa ana iaʻu o keia mau mea kupanaha aʻu i ike ole ai mamua aa hoihoi koke aku au no kaʻu kahua e ku ana, me kuu hoolana hou ana ia laua ua lana like no laua me he ala he mana huki kekahi iloko o keia pohaku nui; e uhai mau ana no ka pohaku uuku iaia, no keia mea kupanaha i malama ai au ia laua a i ka Poakahi i lawe mai ai au i ke kaona no ka imi ana i ka poe i ike i ke ano o keia mau pohaku.
Aia ke hoikeike ia mai nei ma ke kihi o ke alanui Papu me Kalepa ma ka puka aniani o ka Halekuai o Makanani, no ke ake ana e loaa ka mea oiaio oiai, ua nui no na inoa i waiho ia mai ai, o ka kekahi i kapa mai ai he ano like me ka pohaku ana, he elima ano pohaku ana he keokeo a he ano ulaula me ka pukapuka, ua pololei no paha ia o ka ninau nui e ku nei o ka hele like ana o keia mau pohaku e lana like ai oia ka mea nui e makemake ia nei e loaa no ka mea, o ka mua loa keia o koʻu ike ana, ke olelo mai nei kekahi poe he pohaku pele keia; ke olelo nei kekahi makaainana no Kahiki ame Kainoa, nolaila mai keia pohaku, o ka ninau nui oia ko laua hele like oia ka mea nui, a no ia mea i waiho ia ai i mea e loaa ai ka mea oiaio.
O ka pohaku nui ekolu paona me ka hapa a o ka pohaku uuku iho ekolu hapaha paona. I ka poakahi nei hora 12:30 p.m. i khookomoia ai iloko o ka pakeke wai maoli, he lana no ahiki i ka hora 7:30 p.m. i emi iho ai ka pohaku uuku a kokoke e pili me ka papaku o ka pakeke wai, a i ke kakahiaka Poalua i emo like iho ai laua alike alike ko lauala kulana, i ke kaupaona hou ia ana oia mau no ka paona nolaila, manao au aole i kupono ka wai maoli nolaila i kii ai au i pakeke wai kai, ua nui pu na olelo e pahenehene mai ana iaʻu i ka hoʻokomo hou ia ana o na pohaku iloko o ka pakeke kai i lana like ai laua me ka pili mau nolaila, e hoikeike ia ana keia mau pohaku ahiki i ka @ o keia pule ae alaila, e waiho wale ia ana laua iluna o ke pakaukau no hookahi pule no ka noii pono ana i ka laua ano, nolaila, ua loaa maoli ka manawa kupono i kela ame keia mea e ihe maka ai i ka pohaku a e hoike ai i kana mea i manao ai, o ka mea nu wale no aʻu e ake nei oia ka lana like ana o keia mau pohaku ame ke ka like ana oia ka mea nui, oiai ka olelo mai nei kekahi poe he pohaku lana no keia elike me ka huahuakai ame ka upi pukapuka, oia mau mea he poho poho no ko laua ano, o keia aole loa he nui na ka pukapuka aka, he koiko no ke hapai ae, o ka mea kupanahi o ka laua ana ame ka hele like ana mai he ala aia kekahi @ ume loko o kekahi o laua oiai ma kaʻu ike @ paha mai ku hookumu ia ana o Moana lua ahiki i keia manawa ka loaa ana o keia mea kupanaha, ma ia ae kai in a no ka pono alaila, ua haawiia ma keia mau pohaku naʻu e malama.
(E hoomauia aku ana.)
-----------
LEAVENWORTH, Iulai 11-- Ua hoo kuuia mai o Jack Johnson, ka @ kuʻikuʻi puupuu paele kaulana o ke ao mai ka halepaahao mai maanei maho pe o kona noho hana ana maloko o ka halepaahao no na mahina he umi @ ke ku-e i ke kanawai hookamakama @ Manu. He makemake oia e hakaka @ Jack Dempsey, ke kanaka ana o @ olelo ana ae he hiki iaia ke @ ia Dempsey oiai nae he 42 wale no @ mau makahiki.
M
E HOIKE ANA no ka "hale kuai hoi o ke dala" ka halekuai kahi a na kanaka e ika nei i ka hoolawa piha ia o ka makemake ma ka ninau @.
--"Ke ku nei ka" Halekuai hoi hou aku o ka dala" no ka mea maikai loa e hiki ai i ke dala ke kuai. Hoohui i keia "M" ,e ka hoaie ka hana, ke Ano o ka lole, ka Hoomakaulii a e loaa no ia oe ka mea hina no kau kuai ana i "Paalole Hou" in a he paalole i makaukau mua a i ole hanaia paha ma ke kauoha.
--Aole e lawa ana ko makou makemake ahiki i ka lawa ana o kou aahu ana i ka paalole Model.
E hele mai e ike ia makou ano!
THE MODEL CLOTHIERS
Alanui Papu.
Ma o iho o ka halepule Katolika.