Ka Nupepa Kuokoa, Volume LIX, Number 29, 22 July 1921 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H. POALIMA, IULAI 15, 1921.
HE PUOLO WAIMAKA ALOHA, NO MALIAKA KAULULAAU.
Mr. Solomon Hanohano; welina pu kaua:---E oluolu mai kou hanohano e hookonio iho ma kahi kaawale o ka kaua hiwahiwa, ka nupepa Kuokoa, i ike mai na kini ame na makamaka, mai ka la puka ma Kumukahi a ka welona a ka la i Lehua, no ka hoomanao e kau ae la maluna. Walohia wale! Ua hanauia kuu pokii aloha Maliaka Kaululaau ma Honokaa, Hamakua, Hawaii i ka makahiki 1865, i ka la 27 o Sepatemaba, na Koomoa (k) ame Kaniahi (w) ; a make iho la ma Waialua Oahu nei, i ka la 6 o Uine 1921; ua ike me 55 on a mau makahiki me 9 mahina me na la keu, o kona hanu ana. a lawe aku la ke Akua i Kana o ka uhane, koe iho la ke kino wailua na'u ma kona kaikuaana hookahi wale no ame na keiki a maua; aloha no!
Ua hanauia mai kona puhaka mai, ehiku keiki, eha keikikane, ekolu kaikamahine, ua hala mua no mamua on a eha keiki koe ekolu, hookahi kaikamahine, elua keikikane; a mailoko mai o kekahi keikikane, i loaa ai iaia hookahi moopuna, a o kona lei iho la no hoi ia ahiki i kona haalele ana iho la @ keiki me kana moopuna hookahi wale no. Auwe ka mea eha o ka naau ke hoomanao ae!
Kuu pokii o ka la'i o Waialua nei, aloha keia aina malihini i noho ia iho la a kupa, a waiho i ho la na iwi o ka inahele aloha ka lea hone o ka pele o Liliuokalani e hea mai ana ia kaua e naue aku e hoolohe i na olelo maikai a ke Akua e maona ae ka uhane; aloha no hoi ka @ Anahulu, oia wai huihui iniki ia, me he ipo la e imi ana i na mea e pono ai o keia noho ana.
Auwe kuu pokii heleloa, kuu pokii mai ka i'a piha kanaka o ke one o @, o ka i'a he lau ka mea nana e lawe mai; auwe kuu aloha i kuu pokii heleloa e!
Me keia wahi kanaenae aloha ia oe ua lawa iho la, ke haawi nei au i ko'u mahalo ia oe, e Maraea Kalamakee, ame oe e Iwa Kahalepauole, no ka olua kokua aloha i ko olua makuahine, i heleloa aku la, loaa hoi ka lima kokua i na hora o ka pilikia, i kau iho mahina o kakou apau, a nui no hoi ka mahalo ia oe e Mr. Kauwahi, no kou naau ahonui, i kou ae ana mai e hele mai i kona anaina haipule, ma ka lio me, a ma ka iliina; ame ka poe apaa i hele mai me ka oukou makana pua. @o kuu pokii aloha.
The Bank of Bishop & Co., Ltd.
(Kukuluia 1858---Hoohunia 1919)
Hoakaka no ke Kulana elike me
ia ma Iune 30, 1921
NA LOAA.
Na Hoaie me na Hoemi..$11,394,894.71
Na Bona……………….. 2, 182,296.39
Kahua o ka Banako me
ka Hale………… 123,686.56
Na Lako o ka Banako….. 31,955.47
Na Ukupanee e Loaa
mai ana………… 124,320.52
Aie o ka Poe Kipa mai
malalo o na Bila Hoaie 750,455.48
Na Loaa e Ae…………… 99,839.09
Dala Kuike a ma ka Banako 3,054,009.31
$17,761,457.53
NA AIE
Kumuwaiwai . . . . . . . . . . . $ 1,000,000.00
Koena âme na Puka Ma
hele Ole la . . . . . . . 593,626.10
Hookaawaleia no na Au-
hau . . . . . . . . . . . . . 90,000.00
Waihona Uku Hoomau . 5,000.00
Hookaawale Kuikawa . . 15, 983.19
Na Puka Mahele Ole Ia. 50,000.00
Na Bila Hoaie……………. 750,455.48
Na Hoahu Dala . . . . . . . . . 15,256,392.76
$17,761,457.53
Kulanakauhale a Kalana o Honolulu )
)ss
Teritore o Hawaii. )
OWAU, o JAMES L. COCKBURN, ka Hope-Peresidena ame Lunanui,
ke hoohiki nei, o ka hoakaka maluna ae he plolei ia elike me ka'u i ike ai,
a i manaoio ai.
JAMES L. COCKBURN.
Hope-Peresidena âme Lunanui.
Hanaia a hoohikiia imua o'u i keia la I o Iulai, 1921.
D. E. MOONEY.
Noteri no ka Lehulehu, Apana Hookolokolo Kaapuni Ekahi, T.H.
Nolaila ke hooki nei au maanei. na ke Akua no e hoopomaikai mai ia oukou, a ia kakou nohoi apau.
O makou iho no me ka haahaa.
MRS. KAIONA KAPULE,
âme ka ahana.
Waialua, Oahu.
E MILILANI AKU IA IEHOVA, NO KA MEA, UA MAIKAI OIA.
E Mr. Lunahooponopono. aole no ia he mea e nele ai. kou kaomi malie ana ae i ke pihi uwila a kou keena, no ka lono o ke kaumaha apuni, o H. N. Kamauoha o Laie, ua hele hoomaha aku la, a oiai, imua no o ke alo ka wahine, ma keiki na mookupuna, aohe no ia he mea e paa mai ai.
He keiki kupa o ka papaku o ka aina Eheumanu i hanauia i Kamahaku o ka Koolauwahine ponoi mai, a Kakahoolae ame Kupihea w. mai aia la ke noho mai la i Kau, Hawaii, ka ihupani mua o ka aina a o H. N. Kamauoha ka ihu elua, a ua hala mua elua, a poai apuni ae la, a koe akahi. Eia no na keiki na moopuno lehulehu ke huli nei i ka naauao. He ohana kuonoono no ka aina.
Aka, i ka hora i manao oleia, aole ke gula, aole ke Kala ilaila.
No ka mea, o ke aloha, ua ikaika no ia elike me ka make.
O ka lili. ua paa loa ia elike me ka Iuakupapau.
O kona laplapa ana. o ka lapala ana no ia o ke ahi wela loa.
Aole e pio ke aloha i na wai he nui loa,
Aole e mokuhia i na waikahe;
I na i haawi aku ke kanaka i ka waiwai apau o kona hale a lilo mai ke aloha.
E hoowahawahaia no ia mau mea.
Wahi a Solomona.
Ua hookaokoa loa ae oia ma ka noho kuokoa, mai kona wa opio mai no, aoe oia e pili nui me ka poe kapekepeke o ka noho ana, a he hoa paio mau oia no na nioho Rupubalika o ke au o ka Home Rura a Demokarata.
Ua kamaaina o ale Aki iaia, an.e na nioho apau, pela pu no me ke Alii Kalanianaole, he uahoa kana mau ninau ke puka aku, mamuli o kona noho ana maluna o kona mau pono kuokoa.
Nolaila owau o kona hoahanau ohana pili i ka aina, ua kamaaina i kona mau tut lehulehu kona mau makua ponoi, kona mau kahuhanai, i hanaiia ma ka lihiloko o Ukoa, pili pali, a hoouaauaoia e Naukana ame Nakuina ma Waialua, a pau i ka make kona mau kahuhanai. a hoi aku oia i Honolulu, he amala kana hana a huli hoi hou i ka aina hanau, a mare i ka wahine, a eia no kana wahine he kaikamahine kapili manu oo, a mamo no Maunaloa o na kuahiwi ekolu.
No ka H. N. Kamauoha, ua piha iaia ke kanahiku makahiki.
He mua kona hanauia ana i ka Wm. C. Lane mau ohana keiki, oia o Pale Lane e ola nei, oiai ilaila aku lakou i holoholo like ai i ke kula, a Mr. Naukana, kekahi o na kumupoo o Waialua.
Nolaila, ke hoohuli aku au ihope i ko'u noonoo no Kamauoha, aohe ana karaima, a openi i hana ai, a hala aku la mao, maluhia ma ka hooko ana i ka berita o ka mare, a kanikoo.
E ike mai ana oe e Mr. Kualonoehu ma ka nupepa, ua hala o kaina, a koe kaua elua, o ka'u ia oe, malama i ka pono, a oiaio e hoi hou mai ana o Kristo, he nui no ka poe e ola ana ke hiki hou mai Oia, wahi no ana.
Oiai, ua kaniamoopuna no hoi oe o kaina Kamauoha, a pela hoi o Pale Lane a pela pu no kakou apau, me ke aloha nui i ka ohana i hooneleia i ke tutu.
JOEL K. APUKEHAU,
NA LUNA NUI HOU.
Mr. Solomon Hanohano, Lunahooponopono o ka Nupepa Kuokoa. Aloha oe:---E oluolu oe e hookomo iho i keia wahi manao pokole ma kekahi wahi kaawale o ka Nupepa Kuokoa.
Ma ke Sabati, ka la 3 o Iulai nei, i malama ae ai ke Kula Sabati o Kanaana Hou i ke koho ana i mau luna nui hou, no ke Kula Sabati.
J. K. Kainuwai, Kahu Kula Sabati; Samuel, hope Mrs. mary Kainuwai, puuku; J. K. Kainuwai, alakai himeni, Sam Kapuaa kakauolelo.
Na luna nui o ke C. E. Mrs. Kalani. S. Aku, pieresidena; Mrs. Sarah Pohina hope peresidena; Mrs. Mary J. K. Kainuwai, puuku; Rev. D. P. Mahihila, hoa kuka, J. K. Kainuwai, alakai himeni, Sam Kapuaa, kakanolelo.
Me ka mahalo.
SAM KAPUAA,
KAHEA HALAWAI.
E noho ana ka halawai Makahiki ka "Hui Kuai Aina o Peahi," i ka la 30. o Iulai, 1921, ma ka Halepule Moremona ma Peahi, Hamakualoa, Maui; hora 10. a. m.
Nolaila na makemakeia na lala apau o ka hui e akoakoa ae ma ia la, ma ke kauoha a ka peresidena o ka hui; no ka hooponopono ana i na mea e pili ana i ka hui, ame na hoike a na lunanui o ka Hui.
FRED WILHELM,
Kakauolelo.
6460---Iulai 15, 22. 29.
KUU MAMA ALOHA, MRS MARTHA M. K. KAULULAAU, UA HALA
I ka Lunahooponopono o ka Nupepa Kuokoa Solomon Hanohano, Aloha oe:---Eia no au imua o kou hanohano, ua eha i ka eha lima ole a ke aloha, ke konikoni nei i kuu puuwai, no kuu mama aloha i haalele mai i kana mau keiki aloha ekolu, hookahi moopuna, wahine oia hoi o Martha Maliaka K. Kaululaau.
E ai mai oe ia'u no'u kekahi i kolamu kaawale o ka kaua hiwahiwa, a e hookomo iho malaila i kela poomanao e kau ae la maluna, a nana hoi ia e lawe hele aku ma na kaiaulu o ko kaua aina aloha, mai Hawaii Moku o Keawe ahiki aku i Kauai o Manokalanipo, a e hoike aku ana i ka meahou hoolelehauli i na ohana. ame na hoaloha o kuu mama, o Maliaka Koomoa, ua hala ua moe, ua hookuu i kona luhi ame na ehaeha o keia ola ana.
Ma ke kakahiaka Poakahi. la 6 o Iune. a imua o ke alo o kuu kaikunane. kuu kaikuaana, Ewa Malaea Aunty Kaiona, a ma kona home noho, i kikoo planehe mai ai na lima aloha o kona Haku. a lawe aku la i ke ola mailoko aku o ke kino o kuu mama aloha, a waiho malie iho la ke kino, aole leo, aohe olelo aohe hoi he hanu a e moe malie ana no ka hopena mau o na mea ola honua apau, a haalele iho la i kana mau keiki ekolu, hookahi moopuna a hele kohana aku la oia wale no.
Pela iho la i ko ai ka olelo a ka Palapala Hemolele, "I hele kohana mai no au mai ka opu mai o kuu makuahine a e hoi kohana aku no au ilaila. Na Iehova no i haawi mai a Nana no e lawe aku, e hoomaikaiia ka inoa o Iehova."
Aole au i moeuhane mina e halawi mai ana au me kekahi lono kaumaha ma ka Poakahi ae. Iune 6, a ua nanea wale no ka noho ana. I ka la i make ai o ia hoi ka la i hoike mua ia ae nei, ia la no hoike mai la kuu kaikunane ia'u, i kona kaikuahine e noho ana i ka la'i o Honolulu, ma ke kelepona i ka lono kaumaha, e hoike mai ana, o mama ua make, auwe ke aloha mama wahi a'u!
O ka huaolelo make ka mea nana i hookaumaha mai i ko'u noonoo, a helelei iho la na waimaka no ke aloha i kuu mama, ua pili ia me kuu mama aloha, mai Maui ahiki i Waialua, a na ka make iho la i hookaawale. Aloha wale!
O kuu mama aloha i moe aku la ua, hanauia oia ma Honokaa, Hamakua, Hawaii, i ka la 27 o Sept, 1865, a mai ia manawa mai ahiki iho la i kona wa i make ai, ua piha iaia na makahiki he 55 ame na mahine keu, o ka hanu ana i na ea oluolu o keia ola ana.
Mai ka puhaka mai o kona makuahine Kailiahi, ame kona Papa Koomoa. Auwe kuu mama aloha! E huli ae ana au aole oe e loaa, ua hala, ua hala i ke ala hoi ole mai.
Owau kana kaikamahine hookahi, elua kaikunane, hookahi moopuna wahine, ke hele aku i ou la, aole hoi oe e hoi hou mai i o'u nei.
Aloha kuu makua!
Mai Hamakua, Hawaii, ke kaahele ana o kuu mama, a ike ia Kauai, ahiki loaa aku i Niihau, ike i ka waihuna ka paoo, mailaila mai, hehi i ka lepo ulaula o Maui, loaa kona makua, i Hana, Maui; mai ko laua puhaka mai, elua keiki, ekolu iloko o ka home mau. Na ke kaikuahine o kuu papa i au mai i ke kai a noho i Waialua, mahope mai kuu papa, kuu mama aloha, a noho ana i Waialua.
Aloha ka makua ua kau ka luhi ua nei pu mai ka ohana iloko o ke kumakona a ao ia po, kali aku au i ka moopuna wahine, Mrs. Sam Pupuhi kuu Pokii Mrs. Nakea, kuu hoahanau Mrs. Palau a ua lawe pu mai lakou me na hoke pua no ka hoohiwahiwa ana i kuu mama aloha, a ma ka hora 2 o ka auwina la o ka Poalua, i maneleia aku ai kona kino wailua no ka lepo aloha o Liliuokalani.
Mamua ae o ko'u hooki ana i keia mau mea, e haawi nei au i kuu hoomaikai nui i ka poe elilua, ka poe na lakou na makana pua, o kuu hoahamau. Iwa kekahi, kaa hoolewa o kuu mama aloha, ka ohana i hui pu mai me a'u iloko o ke kumakena, ame na hana hoolewa, ahiki i kahi o ka lua ma Liliuokalani, a mamuli no o ko oukou lokomaikai ame ka nui o na mea maikai a oukou i kokua mai ai ia'u.
Ke haawi nei au i ka'u hoomaikai a nui loaa ia oukou ka ohana apau loa.
E oluolu mai oe e John Kauwalu e lawe aku i ka'u hoomaikai nui loa, mamuli o kou ae ana mai e hele mai e malama i ka halwai haipule o kuu mama aloha, e waiho ana i ka moe make, ma ka hale, a ma ka lua. E oluolu oe e lawe aku i ka'u hoomaikai me oe. a na ke Akua e hoomaikai nui i ka Lunahooponopono, ame makou ka ohana apau.
O makou no o na keiki i hooneleia mai i ka mama aloha, ame kana moopuna hookahi.
MRS. MARTHA KEALOHA.
JOHN KAULULAAU.
DAN KAULULAAU JR,
MARTHA MALIAKA
MARTHA M. KAULULAAU,
MRS. KAIONA KAPULE.
HE HOALOHALOHA NO KALAHOOLEWA DANIEL HAO.
Mr. Sol. Hanohano, Lunahooponopono o ka Nupepa Kuokoa, Aloha oe:---E oluolu hoi oe i kekahi rumi kaawale no kela mau hua e kau ae la maluna me ke kaumaha.
Me he anapa ana la na ka uwila mai ke komohana a ka hikina, mai ka akau a ka hema, pela iho la ka lono hoolele hauli o ka pahola hikiwawe ana ae, ma na palena o Waialua nei, o Mr. Kalahoolewa Daniel Hao, ua haalele mai i keia ola ana; ua hele aku la i ke ala hoi ole mai. Aloha no.
Ua hanauia oia mai ka puhaka mai o kona mama aloha, Mrs. Nahua ame kona papa aloha, Mr. J. H. Hao, ma ka mahina o Okatoba, la 3. 1880 ; ua hoonaauaoia oia ma ke kula o Kaluaaha. Molokai, i noho kumuia e Mr. Daniel Kahaulelio Jr., i ka pau ana mai ke kula mai, ua hoi mai oia a noho me kona kaikuaana, Joseph Makahi Hao. me ka noho hana ana ma ka mahiko o Waialua, a pau kona noho ana malaila. ua hoi aku oia ma Honolulu, ua noho oia ame ka hui alahao Oahu, ahiki i ka loaa ana o kana wahine. a mai ia laua mai na keiki ekolu e ola nei i keia manawa.
Ua make mua aku kana wahine, ua mare oia i wahine hou, a me ia hui oia i noho ai, ahiki i kona hala ana aku la ma ka mahina o Iune, la 3. 1921; ua piha iaia na makahiki he 40 me 8 mahina.
Ua lilo oia i hoahanau no ka Ekalesia o Iesu Kristo o ka Poe Hoana o na La Hope Nei, no ka apana o Auwaiolimu.
Nolaila, o makou o na hoahanau o ka Ekalesia o Iesu Kristo o ka Poe Hoano o na La Hope Nei, ame ka Hui Kula Sabati ame ko makou makua hou Willie Keahi, o ka apana o Waialua nei, ma ko makou mau komite la, ke komo pu aku nei makou me oe e Mrs. Alice Kalahoolewa Daniel Hao, ka wahine i hooneleia i ka makua, a pela pu hoi me na keiki i hooneleia i ka papa, pela i ko ai ka mea i hoikeia ma ka Buke Nui, o ke kanaka i hanauia e ka wahine, ua hapa kona mau la, ua piha i na popilikia, pela no o Ioane e hoike nei, mai hookaumaha i ko oukou naau. e n@auaoio i ke Akua, a e manaoio mai Ia'u.
Nolaila ke noi nei makou i ka makou leo pule, e hoomama mai kou mau kaumaha ame kou mau luuluu, a Nana no auanei e kiai ia oe, a pela me na keiki i hooneleia i ka papa, a Nana no e kou i na hoopomaikai maluna iho ou, ame na keiki, o ka makou leo pule keia
Me oe e ka Lunahooponopono ko makou anoai, ame na keiki o ka papapa'i ko makou mahalo.
O maua no na komite,
J. H. HAO,
HENRY N. KANIHONUI.
Waialua, Oahu, T. H.
WAI-KI PO-HA.
Mr. Solomon Hanohano, Aloha kaua:---E ae mai i manawa ma kahi kaawale o ka kaua hiwahiwa o ka aina.
He mau la i aui ae nei, ua hele nui aku kekeahi mau keonimana e lawai'a me ka upena paloa, no ke awa o Kalihi ae nei; ua nui no ka manawa a laua e au hele nei iloko o ke kai, a ua loaa no na i'a ia laua.
Ua hoomau no i ka hele ana, a o ka hopena, ua hihia iho la ka laua upena i kekahi ako'ako'a nui, a ua hele aku e kii i ka upena e wehe ae no ka hihia, a ua lawe loa ia i ka aina keia pohaku ako'ako'a.
I ka nana pono ana iho o laua, ua ike iho la, he poka no kekahi pukuni ahi, i k iia i ke au i hala. ua paa i ke ako'ako'a kona kino apuni, a he hana nui ia ka wawahi ana i keia pohaku, me ko laua manao iho he pohaku kuula, a ua pau ke kuhihewa, eia ka he poka, e kau ana na huaolelo maluna o keia poka. Feb 24, 1863, he paona me ka hapa ke kaumaha, 8 iniha ka loa, 6 iniha ke ana poepoe o kona kino, a ka meakakau i ike iho nei, iloko o Aala Paka ma ka lima o Mr. Kalei e noho nei ma Aala alanui, i keia wa.
Ke nana aku i na makahiki o keia poka mamao no kona noho kiai ana i ke awa aekai o Kalihi ae nei. Malia mai kekahi mau moku i ku mua i Hawaii nei. i ke au i hala, kona kiia ana, ma ke ano he mau pu ki aloha no ka have o ke aupuni e ku ana ia wa, a i ole he mau mea e aoia ana iluna o ka moku no ke kiki maka, ia au i hala.
GEO. POOLOA.
KIKAKO, iulai 8.---Ua haawiia aku ia Peggy Hopkins Joyce he $1350 o ka mahina ma ke ano he uku hoomau oiai e kakali ana i ka hooholoia mai o kana hoopii oki mare iloko o Sepatemaba. He $10,000 kana i noi ai no ka mahina.
HOOLAHA.
Ua kukulu ae na mea no laua na inoa malalo iho nei, ma ka la 1 o Iulai, 1921, he hoa-hui malalo o na kanawai o ke Teritore o Hawaii, a e ikeia a i kapaia ke SAWAMURA-NODA FILM TRADING COMPANY, no ke kuai ana mai, ka hoolilo ana. ka hoolimalima ana ame ke kuapo ana i na kiionioni, me ke keenapoo i keia wa ma Kahi Kuai 31, Aala Makeke. maloko o ke Kulanakauhale a Kalana o Honolulu, Teritore o Hawaii.
S. G. NODA,
S. SAWAMURA.
6460---Iulai 15, 22.
HOOMAKAUKAU NO MUA AKU NEI
E Hoao e Hoomakaulii Ano… E Malama i ke Dala e wehe i Buke Banako Hoahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA $1.00 no ka Wehe Kihi o ke Alanui
no ka Hoolimalima Ana i ka Hoahu Moi me Nuuanu
LUAU Na PA, NOHO, PAKAUKAU ame na HALELOLE
no ka Hoolimalima.
PEOPLE'S HARDWARE STORE.
453 Alanui Moi Akau, Kokoke i Palama Settlement.
KELEPONA 2670.
TERITORE O HAWAII.
Keena o ka Puuku Honolulu Oahu.
Ma ka hana e hoopau ana i ka HAWAIIAN COPRA COMPANY, LIMITED.
OIAI, o ka HAWAIIAN COPRA COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i @ooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia e pono e waiho mai i na ka-e ana no ka aeia aku o ka plapala noi i oleloia maloko o keia keena, mamua ae o ka hora 12 awakea o ka la 25 o Iulai, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi oleloia.
DELBERT E. METZGER,
Puuku, Teritore o Hawaii.
Honolulu, Mei 17, 1921.
6452---Mei 20, 27; Iune 3, 10, 17, 24;
Iulai 1, 8, 15, 22.
TERITORE O HAWAII.
Keena o na Puuku, Honolulu, Oahu
Ma ka hana e hoopau ana i ka AALA DRY GOODS COMPANY, LIMITED.
OIAI, o ka AALA DRY GOODS COMPANY, LIMITED, he hai ia i kukuluia a e ku ana malalo a ma ka mana o na kanawai o k Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA. ma keia ke haawiia aku nei ka hoolaha i kekahi mea, a i na kanaka apau, he mau kuleana mamua ae kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 31 o Augate, 1921, a o kela keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko Honolulu, ma ka hora 12 awakea o ka la i oleloia, a e hoike mai i ke kumu, iua he kumu keahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Iune 22, 1921.
6457---Iune 24; Iulai 1, 8, 15, 22, 29;
Aug. 5, 12, 19, 26.
HOOLAHA KUAI O KA AINA AUPUNI MA KAPAA, KAUAI.
Ma ka hora 10 a. m., Poalima Augate 12, 1921, ma ka puka komo mamua o ka Hale Kapitala, Honolulu. T. H. malaila e kuaiia aku ai ma ke kudala akea, i ka mea koho kiekie loa, i kulike ai me na manao o ka Pauku 358 o na Kanawai hooponopono Hou ia o Hawaii o ka 1915, ka mahele o ka aina aupuni ma ke Taona o Kapaa, Kappa, Kauai, no na hana Kahua Hoolulu Kaaahi, nona ka iliaina o 1.21 eka, oi aku a emi mai paha.
E kuaiia aku ana ka aina i oleloia malalo o na kulana mahope ae nei:
1. He mea pono i ka mea kuai mai kuai mai e kukulu i kahua hoolulu kaaahi maluna o ka aina i oleloia iloko o na makahiki (5) elima mai ka la aku e hoopukaia ai ka palapala kiia.
2. Ina e hoohemahema ana ka mea e ilo ai ma kekahi manawa, i ka hoohana ana i ka aina no na hana kahua hoolulu kaaahi, e lilo no ke kuleana no ia mea, i mea ole, a e hoi hou aku ka aina i oleloia a pili me ke Teritore o Hawaii.
3. E uku ka mea kuai mai i na lilo o ka hoolaha ana.
Kumukuai haahaa, $2754.00
Kumu aelike: Kuike.
No na kii palapala aina ame na hoakaka aku i koe e noi ae ma ke keena o ka Hope Akena, Mr. G. W. Saha, Lihue, Kauai a i ole ma ke keena o ke komisina o na Aina Aupuni, Hale Kapitala, Honolulu. T. H.
C. T. BAILEY,
Komisina o na Aina Aupuni.
Hanaia ma Honolulu, Iulai 7, 1921.
6460---Iulai 15, 22.
I O Muraja Furniture Store
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me kuai Hoolilo.
715 Alanui Hema, Honolulu, T.H.,
Kelepona 1695.
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ka TAI SEIDO DRUG COMPANY, LIMITED OIAI, o ka TANSEIDO DRUG COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukau ia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i kela manawa ma kekahi ano iloko o ka hui olelooia, e pono e waiho mai i na ku ana no ka aeia aku o ka palapala noi i ole loia maloko o keia keena, mamua ae o ka hora 12 awakea o ka la 15 o Augate, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malaiho maloko o ka Hale Mana Hooko Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, June 6, 1921.
6455---Iune 10, 17, 24; Iulai 1, 8, 15,
22, 20; Aug. 5, 12.
KakelameKuku
(KAUPALPWAIA.)
Poe Kalepa ma
ke Komisina
A HE
Poe Agena no na Mahiko
Lehulehu
Mau Apana Aina Kuai
$175--- Apana 50x100, ma Kapahulu, ko koke Campbell ame Monsarrat Aves. $10 ukumua, $10 o ka mahina.
$750--- 3 Apana kihi Cook St. ame Diamond Head Ave., kokoke Alanui 12, 16,730 kapuai kuea. Oluolu keia wahi. $50 ukumua, $15 o ka mahina.
$250--- Apana 30x200 Alanui Kinau, kokoke Alanui 1D, Palolo, $20 ukumua, $10 o ka mahina.
$3250--- Hale maikai, 3 rumi moe; apana 80x139.5, Alanui Notley, Kalihi. $500 ukumua, $50 o ka mahina.
PAULO KALAUKA
(P. E. R. STRAUCH)
ALANUI MOI, HELU 74.
Kela Laau Kaulana
B.B.C.
He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holoohoa o ke kino e kipaku ana i ka ma'i kino ame na ma'i ili wale mai, e haawi ana i ke kioo i ka ikaika, ke ola ame ka mana i na aalolo.
E hoopiha ana ka B. B. C. i ke kino me ka ikaika hao o ke ola ame ka ikaika o na la opio. Ua hoo'aia na poe aa waliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B. B. C. ka laau kamahao loa ma ke ao.
KUAHA MA NA WAHI APAU.
Keena Kuai Laau B. B. C., 161 Alanui Moi,
Honolulu, Hawaii.
NUPEPA KUOKOA
No ka makahiki (one year) . . . . . . $2.00
No eon mahina (six months) . . . . $1.00
O na Dala âme na Hoolaha Apau a hoouna pololei mai i ka ADVERTISER PUBLISHING COMPANY, LTD., wale no, P. O. Box 208, Honolulu, T. H.
217 Alanui Moi ma ke keena o ka
Nupepa Advertiser.
Entered at the Post Office at Honolulu, T. H., as Second Class matter.
CHARLES S. CRANE LUNA NUI