Ka Nupepa Kuokoa, Volume LIX, Number 30, 29 July 1921 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

KA MAKUA REV. JAMES LOTA ME KONA OHANA MA KA AEKAI O KANEOHE

Kakauia e J. K. Mokumaia Ma ka l@ra 9:20 a.m. o ke Sabati lulai 24, i kau mai ai ka makuahine maikai me na keiki ame na moopuna oiai, elua mau kaa o ku makaukau mau ana no ka lawe ana aku i ua makua nei no kahi i olelo ia ae la; i ka makaukau ana o na mea apau i oni ae ai ka ihu o na mokukaa nei no ka nuku o Nuu-anu oiai ka makani e nou pono mai ana mamua, ua wehe pau ia na ki o @a mokukaa nei, nana aku oe ia la poniu ailana ka manoa i ka hu a ka makani, aia hoi ia la ua noho pono o Mauna Kea i ke aiai o kona lauoho aka, oia mau no kela kulana waionohia ke nana aku, a pela no hoi me ka makua-hine maikai e noho ana mauope me kana mau lei aloha. Aia mau malua on a ka minoaka o ka hauoli oiai, ua mau lede nei e nana ana i na mea e nee nei aia mau au ke haawi ala i na olelo hoomakeaka, oiai oia ka mea e kohu-kohu ai keia huakain, o ka makua mai-kai aia oia ma kekalii kaa nie kekahi o na keiki nolaila, ma loʻu kaa ka makuahine maikai, ma koʻu kaa ka makuahine maikai ame ia mau keiki, oiai e maaloalo ana na kaa a makou he ui maoli no keia la no ka ikeia mai no paha he mau pua alii no mai ka no mai a ku iho lai ka nuku o Nuu-anu, a ka makani e nou pono mai an mamua oiai na kamahele e kilohi ana i ka nani oia kaha, a iho aku la makou e hio ana imua a i hope me ka makani e hu ana ma ka aoao o ke kaa. Oia mau mea apau aia mau ua lede nei ke minoaka mai la i ne manawa apau, a kau mai la keia mau hooheno ana o na mau iwa kiani nei: Aloha aloha, auanei, E ka pua pua ohai, Hoohai hoohai oe, Ke ike mai, Aloha aloha auanei, E ka pua pua I-nai, Iini ka manao hui kaua, Aloha aloha auanei, E ka pua pua Lalana, Lana ai ka manao honi kaua, Aloha aloha auanei, E ka pua pua Lalana, Lana ai ka manao honi kaua, Aloha aloha auanei, E ka pua pua o ka Ilima, Elima oʻu po i hoi nele ai. Ekala mai e kuu kapena i ka pakika loa aku la, pehea hoi e hiki ai i ko laua ala awihi mau mai. A ku iho la ua mokukaa nei i ka rumi halawai o ua kaha nei oiai, ua piha ke kahua i na hoahanau e kali mai ana i ko lakou makua maikai, ame na lulu lima pume-hana ana, me na kamaaina aia, kou mea kakou ke kilohi nei i na mea nani aia na kamaaina ke hana mai la i na mea e pono ai keia kino, a o koʻu komo aku la no ia noloko o ko lakou halepule, ua piha no i na makuahine ame na makuakane, oiai na hana hai-pule e malamaia ana ia manawa. Aia au ke ike ala i na waimaka e kahe malie mai ana mai ia lakou mai ame ke kahu pu kekahi oiai e nee ana ka manawa imua kokoke e hiki i ka ma-nawa e wehe maoli ia ai na hana. I ke ku ana ae o na opiowahine a wehe i na himeni wehe ua ku mai ke kahu a haawi ae la he mau leo pule i ka Makua Lani no ka malama a kiai ana mai ia anaina, aia malaila ka makua Kahu Ekemona, a nana i heluhelu mai i kekahi mau pauku baibala e pili ana i ka Iohova hana ana mai i keia honua, e malama a i hooulu i na mea, e ulu ai ma o kona mana ala, a i ka pau ana o ka heluhelu ana mai i ku mai ai ka mkua J. K. Lota a wehewehe mai i ka manao nui oia olelo a ke kahu, oia hoi, e hooulu i na mea maikai aole hoi e komi iho a nalowale loa aku; h@ nui na olelo kuio a ua kahu nei i hai mai ai me ka oiaio, a oiai aia mau na hana ke nee malie ala i waiho mai ai ka makua kahu Haole he mau ol@@ paipai hou me na hoolaha oia hoi, no ko ke kahu nee ana aku mai keia ka-hua aku a i ke kahua hou, a hoopilipili ae la oia i keia manao o ke kauaka mahiai ame kanu a nee aku oia he ka-hua okoa, alila o ke kanaka hookahe-hake wai ke pani ma kona wahi alaila, nihi i ka wai i ulu ae na mea i kanuia, o na mea apua i upu mai mai ka makua lani mai no ia, nolaila, e na hoahanau ua kanu o Rev. J. K. Lota i kaua mea kanu aia hoi he pani ma kona wahi e nini iho ai i ka wai, a o ke Akua no ka mea nana e hooulu mai, a ke ik@ nei kakou ua ulu na mea apau, i kona nee ana aole loa e poina ia ana kana mau mea i hana ai ame kana olelo e ao ana i na lunanui e ala e hana like no ka pono o kake Akua hana, alaila lawe ae la na komite e alakai ana i ke kahu noluna o awai, a i ke kuana iho o na komite ame ke kahu ma kahi i olelo ia ae la, aia au ke ike ala i ka maluhia ama ke anoano pu ua oi ae ke kahe o nawaimaka ia manawa oiai na komite e ku mai ana iloko o ke  kulana ilihia, oiai kekahi komite e helu-helu ana i ka palapala hoomaikai ame kekahi makana mai na hoahanau mai, oiai e haawi ia ana na kalokalo ana imua o ka makua lani, ame ka haawi on a aku o ke komite iaia ia hana oia hoi he uwaki gula ame ka inoa o ka halepule ame kainoa no hoi o na ma-kua maikai nei. Ua nui maoli ka eehia oia kulana ke ike aku oiai na kela makana i hooi aku i ka hoopaa ana i na pono a kakou e hapai like ana. I ka pau ana ae la o no hana ano nui oia la ua ku mai la kamakuahine maikai o ua kaha nei a olelo mai la i na malihini ame na kamaaina e noho iho no maluna o na noho a hiki i ka ma-kaukau ana mai o kekahi papaaina i hoomakaukauia no laua ame no hoa-@nau. I ka makaukau ana o na mea e pono ai keia kino ua konoia mai la na mea apau e naue aku i kahi i hoo-makaukauia ai kekahi mau pakaukau i luluu i na mea ai like ole i hanaia mai ua kaha la. Oiai kou mea kakau nei e nana ana i na mea e hoomakaukauia ai ke ike ala au ua nui maoli no ko lakou minamina i ko lakou kahu oiai, ma keia mau hookipa ana i ikeia ai ka mea oiaio loa mailoko ae o ko lakou mau waihona noonoo maikai e poina ole ai i ke kahu ame kana aliiwahine ame na malihini. Oiai na mea apau e hookuene pono ana i na noho i hookaa-waleia ai aia ke kahu maikai ma ke poo o ke pakaukau mahope o kona pa-nee ana mai i kekahi noho noʻu olelo mai la oia iaʻu maanei kaua, o kela kulana ua oi loa aku, aole e hiki ke alo ae o na mea i hana ia mai e pono e lawe ae ia mau inea maikai, a kalokalo ae la oia i ka makua lani no@a mea ai awe ka hoopomaikai ana i na hoahanau na lakou i hoomakaukau i keia mau mea, a i ka amene ana, o ka iho iho lano ia o na hoe, aia ke pii palua ala i ka minuke no ka mean, ua hele o Hanal@a poniuniu maoli, a i ka loaa ana mai ia Keoni Bulu, nana aku oe la he pili pe hoi ia la oiai ua uluhia mai no ono o na kaha nei a Keoni Bulu e noke iho ai a pau ka ono.

Ua ai a ua lawa i na mea i hooma-kaukauia ai, nolaila. aia au ke noonoo la ma koʻu aoao i ka mea e panai aku ai, a o koʻu ao@o i ka mea e panai aku ai, a o koʻu ku ae la no ia iluna. o kela ano ulu mahiehie no hoi, a noi aku la i ka oukou o na hoahanau o ua ekalasia nei ame ka makua kahu mai-kai ame na makamaka no hoi no kaolulu ana mai e loaai au he mau huaolelo no ka hoomaikai ana aku i na hoahanau, a hapai mai la au i na olelo i oleloia iloko-o ko lakou halepula oia hoi, e hapai i na mea a Iehova i waihoiho ai i ka honua nei oia hoi, e ma-naoio aku Iaia. Ua paipai nui aku au ma ia mau kumuhana, o na mea a oukou i hana iho nei o keia la mai iaia mai no ia oia hoi, o na mea maikai wale no ka oukou i hana iho nei, a o ka panina hope o na hana o keia la oia keia mau mea ai, nolaila, ma keia mau hana o keia la i hookuia mai i koʻu waihona noonoo e loaa iaʻu he mau olelo paipai no ko kakou pono apau, elike me ka mea aʻu i lohe iho nei ma kekahi o na kumuhana ua loaa no na kuia ia oukou ame ke kahu aka, ma kei aʻu e ike nei aole loa he hio-na oia ano, o ke aloha oiaioloa no ka mea, ua hookahe mai na hoahanau i ko lakou waimaka a pela hoi me ke kahu ame kana aliiwahine, nola@a, mahea iho la ia mea e komo mai ai oiai ua oi ae ke aloha mamua o na mea apau, a pela hoi me ka makana i haa-wi mai ai iaia, ua hoopaa aku oukou i kona puuwai no oukou a no kakou apau, ua kukulu oia i kana hana, o ke ka-naka e pii ai ana ma kona waki oia ka mea nana e ninini ka wai i mau ai ka ulu maikai a@@ o na hoahanau, a me ka mahalo a nui ia oukou, e na hoahanau ame ka makua kahu o oukou kaʻu leo pula. Mai ke kahu mai he mai olelo pokole, mai kou noho ana ma na oihana aupuni o ka mua loa keia o ka loaa ana iaʻu o kekahi ma-kana e lilo ai i mea nui iau iloko o koʻu ola ana. Ua piha keia paina ana me@ ka hauoli, o kela mau keiki no hoi o ua mau kaha nei i noho ia e ke aiai o Maunakea nana aku oe i ua mau keoni-mana nei naueue na kihi eha o ua kaha nei i ka olu o ko laua leo i kela himeni e ai i ka ai o ka aina oiai e ppiopio ana ka niho o ka ia maka nahunahu pu, he pahee hoi ia la ke iho aku ahu ae la ko makou ak@ ame ka lululima pumehana ana me kamaaina i hoi mai ai na mea apau me ka piha hauoli me ka loaa ole o na kuia. Me oe e kau kapena opio koʻu welina pauole ame na keiki nana e kikokiko kou iini pau ole.

MR. âme MRS. JOHN H. KANAULU MA KA LIHI KAI O AIEA.

Kakauia e J. K. Mokumaia

Ma ka Poaono, Iulai 2, hora 9 p.m. i hiki aku ai kuu mokuaa ma ko laua home e noho nei ma ka Punahou, no makaukau laua a i ka iki ana aku oʻu o ke kau mai la no ia o na ukana ame laua oiai ua loaa ka makaukau piha i ua mokukaa nei; nana aku oe ke kuku nei na paona mahu, o ka oni ne ai no ia o ka ihu a kau pololei ae la i Aiea ka pahu hopu. Oiai makou e maaloalo ana ma na pipa alanui aia mau laua ke haawi ala i ak mahalo i ka maikai o ke alanui ame ka oluolu o  ka hiki aku iʻkahi i makemake ia ai. Aia n@ ke makaala mau la i kaʻu apa-na hana, a haupu ne la au i keia mau kanaenae ana:

Kiei aku au ma ka @@ka ki

O ka pela o ka, uluna ke waiho ana,

O ke a mai no a ke kukui, Aole kau mea i manao ai,

Ua hiki no oe a e heʻe ana,

Na nei nui kino e oni hookahi,

E kala mai, ua pakika loa aku la. A ku iho la i ka home o ko laua pokii aloha me ka maikai o na mea apau. Me oe e kuu kapena opio kou iiui, me na keiki kikokiko kou welina.

O keia malalo nei k kii o J. K. Mokumaia me na pohaku i loaa ai iaia. Ma ke kii maluna e kau ana oia ma luna o ka waa ma ka mauawa i hookui aku ai ka waa i na pohaku, o ke kii ma ka hema, e kaulai ana i na pohaku maluna o ke kaa otomobile, a ma ka akau e paa ana i na pohaku iloko o kona mau lima.

HE MAU POHAKU KUPANAHA ELUA E LANA ANA ILUNA O KA ILIKAI

Kakauia e J. K. Mokumaia

Ma koʻu nana ana i ke ano o keia mau pohaku aole loa he mau mea e hoike mai ana he mau mea e poino ai ai ole e waiwai ai aka, ma kaʻu koho iho ua lana hele mai kela a mai keia aekai mai o kela ame keia mokupuni a ma ko laua ano ke nana iho ua poe poe maoli no hoi me ke palahalaha, a o kekahi makahi i hookuikui ai i ke-kahi mea paakiki ua elieli ia no kekahi mau puka nolaila, ma koʻu noonoo ku-pono ana he mau kino nui ko laua i kinohi, a i ko laua lana hele ana me ka hookuikui ana, i lawela aki ai he nui o ko laua koni, a i ka loaa ana ua e@i mai ko laua mau kino elike me ka mea e hoikeike ai nei. Elike me ai hoikea aku ai ma ka helu mau aku nei hookahi pule e waiho ai iloko o kekahi pakeke kai, a i keia pule e waiho wale ia ana laua iluna o ke pakaukau, i ike pono ana ke ano o ko laua kino i ka poe apau i makemake e ike pono I ka luweia ana ae o laua mai ka pa-keke ae, i ke kakahiaka Poakahi nei, i ka hora 7:30 a. m. a kaupaonaia oia mau no ka paona o ka pohaku nui a o kahi pohaku uuku ua like no, a i ka pau ana o ke paikiiia ana a hoihoi hou ia i ka halehuai o Makanani oia ka hoa 12 p. m. a kaupaona hou ia oia mau no; ua like ia mau hapa noluila, he kupakaha maoli keia ano. Ua ma-naoia e emi hou mai ana ka heluna pao-na no ka mea, e hemo mau mai ana  ka wai kai, i ke ana pono ia ana o ka nui o ko laua kino o ka mea i loaa mai oia keia: No ka pohaku nui, o ke anapuni palahalaha 24 1/2 iniha; o ka loihi 9 iniha, o kino he 15 iniha. No ka pohaku uuku iho o ke anapuni pa-lahalaha 13 1/2 iniha o koma loihi 4 ini-

PAKELE MAI HAULE I KA HOPE WAA.

E Mr. Lunahooponopono o ka Nupe-pa Kuokoa Aloha nui: -Ia maua i hele ai i ka Aha Mokupuni i ka mahina aku nei o Ianuari i Haili, Hilo, a pau na hana hoi like mai no maua me ka ma-kua Kahu Rev. John Keala, a iluna mai o ke kaa kamailio no maua o ko mana kaa no ia e hele ai i ka Aha-nui Paeaina i Hilo.

A he manawa loihi mahope mai, huhuhui hou iho la maua ma koʻu home, a olelo aku la no au mai poina oe i ka hoopaa mua i kaa no kaua kahi kaa o Pilipo Haai, .ae mai la no kela, ae, pau ko maua hui ana a koko-ke loa i na la e noho ai ka ahahui paeaina, no kuu haohao loa ua pilikia paha kuu makua kaunapule, ua leka aku la au i kuu pokii Pilipo Haae, i na e loaa o J. Keala ia oe e olelo aku oe ua makemake o J. P. Kalokuokama-ile ia oe. A Poakahi ae kelepono mai la o J. Keala iaʻu, aole au i loaa ua hala au i ka mahiai. Poalua ae, kele-pona hou au ia Pilipo Haae, a ninau aku la au pehea la maua@ Pel@ea la, eia no kuu kaa, o ka pilikia aohe mea nana e kia, ua paaia kahi keiki a ka kou i ka hana o ke kalana.

Pau ae la ka manaolana no ka hiki i Hilo, oiai, ua pau loa na kaa i ka hala i Hilo i na la Pokiulai, hoi aku la a ka hale oia mau keiki Mrs. K. Kalua noho, ninau mai la na keiki pehea mai la ke kaa@ Pehea, aole au i hui me ke kahunapule. E kamailio ana no makou, kahea ana ka hale kele-pona, J. P. Kalokuokamaile kelepona.

ha, kona laula 4 iniha, ke ana puni o kona kino 10 iniha. Nolaila i ka wai-ho wale ana o ko laua kulana me na hoikeike oiaio ke manao nei au e loaa pono ana namea oiaio e pili ana no laua oiai he nui na olelo e olelo ia mai nei he pohaku makua ame ke keiki oia na olelo e wawa ia nei, a o ka ke-kahi hoi he pohaku kuula, a he nui wale aku na olelo oia ano. Noʻu iho aole loa au i lawe mai ia ano olelo a malama, no na kumu oia no keia: Aia koʻu hilinai maluna o ko laua heluna paona, aia maluna olaila ka hoike oiaio oiai, he nui na olelo he nui loa keia ano pohaku ma Kona, Hawaii, a o ka kekahi hoi au ike mua au i neia ano pohaku, nolaila ke makemake nei au e lawe mai lakou i ka lakou pohaku me na hoike oiaio e mea paona ke kaumaha, oia ka ninau ano nui o keia manawa e nee nei ame ka hele like o keia mau pohaku i ka namawa i loaa aku ai, a pela hoi au e kau leo aku nei i ka poe i ike i ka lana o ka pohaku pele ame ko lakou kaumaha, oia ka mea nui, elike me ka mea e imi ia nei ke ano o keia mau pohaku e ka poe ake-akamai o keia mau la no ka mea, he nui na haole i ike i ka pohaku lana, o ka mea apiki wale no oia ko laua kaumaha ma kahi o ke poholo ilalo, ua lana ae la laua iluna. Ua nui na hoo-kui i hookui mai iaʻu e ninau mai ana i ke ano o kahi aʻu e noho nei a ua wehewehe, aku au i koʻu kamaaina ia ae kai oiai, ua nui koʻu manawa i hoi mau ai ma ia aekai e hoomaha ai, o ka maka mua loa keia o na mea kupanaha i loaa iaʻu ma ia aekai, o ke kulana oia kaha he lepo wale no me ke akoa-koa elike me ka pahikaua e mokumoku ai ko wawae nolaila, in a mai ka papaku ae i puka ae ai alaila ua loihi maoli ko laua waiho ana ahiki i ka hemo ana a lua na iluna o ka ilikai. Nolaila ma ke ano ulia wale no ka loaa ana iaʻu a i na no ka pono oia hoi aole paha he pohaku o keia ano e loaa hou ana.

(A hoomauia aku)

Ku ana i kahi o ke kelepona, a ninau owai kela. Owau keia o Pilipo Haae. Ua hele mai nei au e hui me ke kahu-napulea e ia oia maanei, alo@@o hoi, alo, pehea kauai. He wahi kaa ka i loaa iho nei iaʻu e lawe ia kaua a hiki i Hilo, haalele ia kaua a hoi mai oia. Koʻu ae aku la no ia i na he $15.00 a he $20.00 ua hiki. O ka puka wale no i Hilo, auhea oe e Mr. Haae, ke haawi nei au i kuu hoomaikai palena ole, no kou hoomanawanui ana mai i kela kula loa.

O ke ano iho la no ia o na kanaka o ke Akua, he ahonui a me ka hooma-nawanui, hora 6 a. m. hiki ana ke kaa olo i koʻu hale a ua makaukau mua koʻu wahi paiki, a o ke kau iho lano ia, ora 6:50., hiki i Kealia, ua hiki hou mai no o Pilipo Haae, haawi aku la i koʻu hoomaikai, in a aole oe i na ua haule i ke kikala upehupehu o Mau-naloa.

            Kau mai la koʻu kokoolua, a  i ke alanui aku pakele @aua mai haule i ka hope waa. Olelo mai la ke kahunapule, aole kaua e kaule he hana na ke Akua, hora 11:50., hiki maua i Pahala, lele maua e ai i ke Tini ai a maua i ka haleaina, a inu wahi pola kope, pau no ka ai ana no Haili ka pahu hope. Eia ka mea apiki, haalele ia iho la maua i ke anu i Pahala, a puu koʻu lae i ka $15.00 a kau hou he otomobile e holo ai i Hilo a hora 4 p.m., hiki maua i Haili, a ua ike no maua i ko maua hale e moe ai, ko maua hoihoi aku la no ia i ko maua mau wahi paiki i ko maua hale e moe ai, a i puka aku kahana ua makaukau ka pela, ka uhi pela na uluna, elua uluna o ka mea hookahi, he nani hoi kau.

Olelo mai la ka Rev. iaʻu, hoomaha liilii kaua a maha u iho kaua ilalo, e u kamailio ana no maua puka ana o Mrs. Julia S. L. Desha, aloha, aloha, u hoomaha a maha, u iho ilalo e paina liilii ai. Ua kokoke no e ai ka aina ahiahi hora 5 p.m., ko maua hele no ia e ai. O ka ai no hoi paha a ka eu ua kokoke loa e ai, u ai iho la maua olelo aku la au i ke kahunapule, pololei ko kaua ai ana, in a ka o ka aina o Kauai a hele ole i ka wa e konoia ai, aole ka e loaa hou ka ai, hu ae laka aka a maua, aole no i liuliu iho kani hou ana ka pele aina hora 5 p.m., a o ka wa ia i piha mai ai na kahunapule na elele o na mokupuni like ole, a ha-loke ae la ka olelo he namu haole. Pau ka ai ana, hele huli mai la o J. Keala iaʻu, a olelo mai la ua makema-keia oe e kekahi le@e e ike ai oe; a o ko maua hele aku la no ia a loaa ua lede nei.

Eia ua kanaka nei la, o Z. P. K. Kawaikaumaiikamakaokaopua, lulu li-ma iho la me ke aloha pumehana, a eia no ka o kuu wahu hoahanau no kekahi o Edward Kekuapuhi e ku nei, a olelo mai la me ka olelo hookaau, e honi olua no ka mea, he mau malihini like olua. A ninau au i kona inoa, a hai mai la no hoi keala, owau o Fanny Sabo o Hanapepe o ka makani aoao. Aloha a nui e ke kaikamahine o "Mai-kai Kauai Hemolele i ka malie" no ke Akua e kiai a e malama ia kaua e nanea ana no i ka hele pa ana kahea a ke Koolauwahine e Z. P. K. Kaloku-okamaile, i huli ae koʻu hana, e ia ka o ke aliiwahine o na kuahiwi ekolu, Mrs. Lioe Kaanaana, a lulu lima iho la, aloha, aloha, e ia ka o kuu kaikuahine no kekahi Sarah K. Laa, a ike iho la i ke kaikuahine.

Poalima hiu iho la me ia makamaka maikai David W. Napihaa o ka Waikau mai o Keanae, a olelo mai la iaʻu o oe paha o Z. P. Kalokuokamaile. Ae, o oe na paha Kawaikaumaiikamakaoka-opua, Lionanohokuahiwi. Ae, owau no. E kakau mai oe i ko mau inoa i kuu ia a paa.

Poakahi ae, kani ka aina kakahiaka, wahi buke, a o ko'u kakau iho la no iho aku la e paina a komo aku i kahi e ai ai, pa ana kahea a ia mai lede makaonaona, e Kalokuokamaile, e hele mai hoi paha e ike ai makou, o ko'u hele aku la no ia e lulu lima me ua poe lede wahine u'i nei, a o ko'u hewa aole au i ninau aku, owau kou inoa a pela oukou apau elima e paa ai la iloko o ka Nupepa Kuokoa. Aka, o ke aloha no ka mea nui. Aloha oukou a nui loa, o ke aloha o ko kakou Haku o Iesu Kristo me oukou apau.

Ka i no hoi o ka pau iho la ia, a in a awakea ae, pau ka aina awakea, a nehe mai la e hoi, hui ana au me keia lede opio wahine u'i olelo mai la ia'u ua makamakeia oe e kekahi poe lede, a o ko i ala kai aku la no ia ia'u, a hiki i kahi o ua poe lede nei, a lulu lima iho la, a o kuu kaikuahine no kekahi e noho ana, a no kuu ake leo e loaa ka lede nana au i alakai, ninau aku la au i kona inoa, a hoike mai la i kona inoa o Mrs. Emma

Me ke aloha

Z. P. KALEKUOKAMAILE,

KA LA O KA MOOPUNA MA LAIE

Mr. Lunahooponopono:- Ke noi imua o ke alo, aole ia he mea e kapaeia ae ai, aia no a he pakika i ka pahu ana i ke kiu, alaila, hala ka ulu i ke alo, no ka mea, ua puka ino ka Bila Hoo-pulapula Aina a Hooulu hou ia ka lahui oia keia, ma ka Poakahi la 11 o Iulai i piha ae ai ka makahiki o ke kama, (w) mai ka puhaka ae o ka helu elua o ka S. W. Logan mau keiki i mare aku i kekahi moopuna (w) a Lyons B. Nainoa o Laie. A nolaila, ua hapai ae ke Tutu Logan i paina luau nui no kana moopuna hapa puahau o Maleka a hapa pua ponimoi, eia ae huli hoi hou mai no ia moopuna, a hapa puahau, a hapa ponimoi, a hapalua pua mikinolia o @apaua, nawai mai keia nani leia i e lei ai, i ka nani pau ole o keia mau pua nani i pau-ku-ku ia, a lawa ko lei pua pikake e Mr. Logana ame Mrs. O. Keahonui i na la o ka ehaeha a lei pu ae la olua i kela mau huaolelo e kau ae la "ka la o na moopuna" i kau mai ai na la o kumukumu maluna o lua, ame na pomaikai oi aku i ka hope.

I ke kupono ana ae i ka manawa o ka paina, ua weheia ka manawa ma ka hoonani ana aku i ke Akua, a ma ka inoa o ka mea nona ka la aina, no na pomaikai, no ka oluolu maikai o ke ola kino, ae hoonui ia na makahiki a haumakaiole, o ka ke Akua ola ia a pa-lalauhala, a ua hoomaka na mea apau e oni maluna o na pakaukau, o kaʻu wale no o ka nuu ana iho ke pola piha pono i ka iʻo wana ame 3 pa Ula, piha pono, aole aku mao, malaila iho la no pau, a hoohuli pokole ae la aʻu i koʻu noho e noho ana, a nana aku la i na hoa e holu like ana, i ka loa ame ka laula o na pakaukau, hookahi no hoo-noho ana o na mea ai like ole, aohe he leo kahea maia-o-a-o, a oiai, ua piha lawa helu ekahi i kaʻu ike, mahea hou aku ma o, uuku pau ke helu aku, nui ka Opihi no na pali ame Opae, Oopuhanapeke no Hanakapii mai o Haena, kukui inamo-na ka Laie mau kahiko neepapa no ia me nioi. Ua kau iho a kau iho aole he kowa kaawale. Na hui o Honolulu mai, hookani pila, a hula Hawaii ame.

HOOMAKAUKAU NO MUA AKU NEI

E Hoao e Hoomakaulii Ano-- E Malama i ke Dala e wehe i Buke Banako Heahu me ka

CHINESE-AMERICAN BANK

A NANA AKU I KA ULU O KAU DALA

NA PAHU DALA

ao ka Hoolimalima

$1.00 ae ka Wehe Ana i Hoahu

Kihi o ke Alanui

Moi me Nuu@@@

LUAU Na PA, NOHO PAKAUKAU ame na HALELOLE no ka Hoolimalima

PEOPLEʻS HARDWARE STORE.

453 Alanui Moi Akau, Kokoke i Palama Settlement

KELEPONA 2670

TERITORE O HAWAII

Keena o na Puuku, Honolulu Oahu

Ma ka hana e hoopau ana i ka AALA DRY GOOD COMPANY, LIMITED.

OLAI, o ka AALA DRY GOODS COMPANY, LIMITED, he hui ai i ku-kuluia a e ku ana malalo a ma ka mana o na kanawai o ke Teritore o Hawaii, i lulike ai me ke kanawai hoomakaukauia ma na hana o keia ano, ua waihoia mai iloko o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pa ia me ia, elike me ia, elike me ai i koiia ai ma ke kanawai.

NOLAILA, makeia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, makekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i ole-loia maloko o keia keena, mamua ae o kahora 12 awakea o kala 31 o Au-gate, 1921, a o kela ame keia mea e ma-kemake ana i hoolaheia aku maluna o ia mea, he pono e hoea kino ae ma ke keena o ke mea nona ka inoa malalo iho maloko o ka Hale Mana Hooko, Honolulu ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi e oleloia.

DELBERT E. METSZGER,

Puuku, Teritore o Hawaii.

Honolulu, Iune 22,1921.

6457- Iune 24; Iulai 1, 8, 15, 22, 29;

Aug. 5, 12,19, 26.

HOOLAHA O KE KUAI O KA AINA AUPUNI

Ke haawiia aku nei ka hoolaha ma ka mea koho kiekie loa ka apana aina ma ka hora 1:00 p.m. make Hale hoo-kolokolo ma Lahaina, Maui, i kulike ai me ka Pauku 342 o na Kanawai i Hoo-ponopono Hou ia o Hawaii o 1921, Aupuni i hoa kaukaia malalo nei:

Apana 9 A, na koena aina o Hono-kowai, ma Honokawai, Kaanapali, Maui, nona ka iliaina 9,780 kapuani kuea, oi aku a emi mai paha

Kum@kuai haahaa, $50,000.

Ma ke kuike ke kumu aelike.

Na ka mea e kuai ana e uku i na hoolilo o ka hoolaha ana.

No na palapala aina ame na hoakaka ano nui hou aku, e noi ae ma ke keena o ka Hope Akena, Mr. T. B. Lyon ma Wailuku, Maui, a i ole ma ke @@@ o ike Komiaina o na aiwa aupu @m ka Hale Kapitala, Honolulu, T.

C. T. Baile.

Komiaina o na Aina Aupuu Keena Aina Honolulu, Iulai 19, 19@1 6461-Iulai 22, 29

HOOLAHA

E ike na kanaka apau ma keia ke haawiia aku nei ke hoolaha na kapu ʻoa ka hookuu wale ana i na holoholo na ame ka hele wale ana a komo hewa hoi o na kanaka maluna o kuu mau aina kula ame aina makiai e waiho nei ma Makoa, Mokupuni o Oahi, o ka poe e ku-e ana i keia e hoopiiia no lakou ma ke kanawai.

MRS. W. KAILIULAULA,

IULAI P. KAILIULAIA

Hanaia ma Honolul, Iulai 19, 1921. 64-61-Iulai22, 29, Aug. 5.

HOOLAHA HALAWAI

E malama ia ana  he halawai o na Lahainaluna ma Kapalama, ma ka Poa-kahi, Sepatemaba 5, 1921, hora 1:30 p. m., no ka noonoo ana i kekahi mau ala no ka pomaikai o na Hawaii.

Ua makemakeia na Lahainaluna apau e hiki mai ma ia halewai

W.C. ACHU

J. BROWN. JR.,

W. K. HUSSEY,

JOS. L. KUKAHI, Komite kahea Halawai. Iulai 29; Aug. 12, 19, 20; Sept. 2.

KAHEA HALAWAI

E noho ana ka halawai Makahiki o ka"Hui Kuai Aina o Peahi." i ka la 30, o Iulai, 1921, ma ka Ilalepule Mo-remona ma Peahi. Hamakualoa, Maui; hora 10 a. m.

Nolaila ua makemakeia na lala apau o ka hui e akoakoa ae ma ia la, ma ke kauoha a ka presidena o ka hui; no ka hooponopono ana i na mea e pili ana i ka lui, ame na hoike a ua lunanui o ka Hui.

FRED WILHELM,

Kakauolelo.

64-60-Iulai 15, 22, 29.

kuʻi, na ia mau pila i hoopiha pono ae ka la ma ka hoonanea ana, ilaila pu ae ka Lunakanawai ame kana Mrs. ame na makamaka ame na hoaloha, na makai, na Tutu o na aoao elua. A oiai, o na ihupani iho la no ia o ke Koolau, na-wai no hoi e ole ka unuia mai o na mea o kekai hohonu a ke ae ia uka, he mama wale no ko uka a noho ana, ono ka ipu haole, ame aikilima, ono no na mea apau loa.

O kau kei âme na hoopomaikai a nui i na meahua ame ka laua lei a i

Owau iho no a mau

J. A. KAHIONA,

Kahuku Ainalewa.

TERITORE O HAWAII

Keena o ka Puuku, Honolulu, Oahi

Ma ka hana e hoopau ana i ka TA: SEIDO DRUG COMPANY, LIMITED

OIAI, o ka TANSEIDO DRUG COMPANY, LIMITED, he hui ai i kukuluia a e ku ana malalo a ma ka mana o na kanawai o ke Teritore o Hawaii, i ho-like ai me ke kanawai i hoomakaukau ia ma na hana o keia ano, ua waihoia mai iloko o keia keena he palapala noi no ka hoopau ana i ka kui i oleloia, hui pu me kekahi palapala i hooiaiola i hoohui pu ia me ia, elike me ia i koi ia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 15 Augato, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malai io maloko o ka Hale Mana Hook@ Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e na ole ia aku ai ka palapala noi oleloea

DELBERT E. METZGER,

Puuku, Teritoro o Hawaii.

Honolulu, Iune 6, 1921.

6455-Iune 10, 17, 24; Iulai 1, 8, 15, 22, 29; Aug. 5, 12.

KakelameKuke

(KAUPALA@WAIA)

Poe Kalepa ma

ke Komisina

-A HE-

Poe Agena no na Mahiko Lehulehu

Mau Apana Aina Kuai

$175-Apana 50x100, ma Kapahulu, kokoke Campbell ame Monsarral. Aves. $10 ukumua, $10 o ka mahina.

$750-3 Apana kihi Cook St. ame Diamond Head Ave., kokoke Alanui 12, 16,730 kapuai kuea. Oluolu keia wahi $50 ukumua, $15 o ka mahina

$250-Apaua 50x200 Alanui Kinau, kokoke Alanui 19, Palolo, $20 akumua $10 o ka mahina

$3250-Hale maikai, 3 rumi moe; apana 80x139.5, Alanui Notley, Kalihi. $500 ukumua $50 o ka mahina.

PAULO KALAUKA

(P. E. R. STRAUCH ALANUI MOI HELU 74)

Kela Laau Kaulana

B.B.C.

He laau i hoohuiia o na lunahele, laau e hana pu ana me ka hapa o loa Akua he hoo@@e@@e a hooikaika ae i na mea paahana holoohoa o ke kino, e kipaku ana i ka maʻi kimo ame na maʻi ka ole ame ka mana i na aalolo.

E hoopiha ana ka B.B.C. i ke kino me ka ikaika hao o ke ola ame ka ikaika o na la opia. Ua @onlaia na poe nawaliwali ma na mana lehulehu mahope o ka inu ana he mau pule wale @n. Ua aponoia e na kauka kaulana he nui ame na kanaka aloko o ke ola lahui ana. O ka B.B.C. ka laau kamahao loa maka ao.

KUAILA MANA WAHI APAU.

Keena Kuai Laau B.B.C., 161 Alanui Moi, Honolulu, Hawaii.

NUPEPA KUOKOA

No ka makahiki (one year)……$2.09

No eon mahina (six months)….1.0@

O na Dala ame na Hoolaha Anau a hoouna pololei mai i ka SDVERTISES PUBLISHING COMPANY, LTD. wale no, P.O. Box 08, Honolulu, T. H. 217 Alanui Moi, ma ke keena o ka Nupepa Advertiser.

@atered at the Post Office at Honolulu, T. H., as Second Olau Matt@

CHARLES S. ORANE LUNA NUI