Ka Nupepa Kuokoa, Volume LIX, Number 30, 29 July 1921 — He Moolelo no WILEBA DANUBA a i ole Mai ke Kulana Haahaa a i ka Hanohano-He Moolelo i Piha me na Hana Hoopahaohao [ARTICLE]

He Moolelo no WILEBA DANUBA a i ole Mai ke Kulana Haahaa a i ka HanohanoHe Moolelo i Piha me na Hana Hoopahaohao

O kela kulana konela i loaa ia Puluka, ua lawa ia, no kona hapaiia ana a% mai kekahi kulana haahaa mai, a i kona komo pu ana aku iloko o k pohai o ka poe hanohano, nolaila, «S ka pau ana o kana hana, ma ke keena o ka oihana kaua, ua hoi ae la oixt a noho ma kekahi hokele, a oiai aole ana hana o kela mau la, ua hoolilo nui oia i kona manawa, ma ke komo pu ana aku me ka lehulehu iloko o na hana apau e hoohauoliia ai kona noonoo. Ma kekahi po, hele aku la o Konela Gawila noloko o ka halekeaka, no ka ike ana i kekahi keaka hou loa o ka hoea ana mai Ladana maiUa hele no hoi oloko o ka halekeaka a piha i ka poe makaikai, aia maloko olaila na wahine opio huapala o na kulana like ole, me ko lakou mau lole silika, na lole veleveka no hoi, ke kakinia, ame na ano lole nani no apau, a ka maka e makahei aiOiai o Konela Gawila e noho ana maloko o ka halekeaka, aia kona mau maka, ke au la ma kela ame keia wahi, a i ke kau pono ana aku o kana nana ana maliina o kekahi lede opio, ma ka aoao akau o ka awai keaka, aole e hiki iaia ke kaili ae i kana nana ana mailaila mai, me he mea la, ua ume koke ia aku kona hoohihi 110 kela kaikamahine, e noho pu la me ke Kuhina Palani, me kona mau hoa. "Ea, owai hoi kela lede opio e noho mai la mawaena o ke Kuhina De Koe ame kana wahine?" i ninau ae ai o Konela Oawila, i kekahi mea i kamaaina ai, aole nae he hookahi iwaena o lakou, i hiki ke pane mai i ka haina, ua like no ko lakou noho pouliuli me ko'u nolaila aole e hiki ia'u, ke hoopau aku i kou pohihihi e kuu konela. "He hookahi nae kumu o ka malihini o na mea apau i kela lede, me he mea la o keia no kona manawa mua i hoea mai ai no Wakinekona nei, a ma ka'u mea i lohe mai nei, inai Parisa mai oia; me he mea la he kaikamahine paha kela, a i ole he kaikaina, no ka wahine a ke kuhina. Ina hoi paha i kamaaina mua ia'u ka Lede Dē Koe, aole a'u hoopepe ana iho, ua hiki ia'u ke hele a he hookahi ka noho like ana rne lakou ma kahi hookahi." Ua pomaikai loa nae o Konela Gawila, no ka mea ua kamaaina oia i ka Lede De Koe, he palapala kono kekahi i hoounaia mai iaia, e waiho la maloko o ka pakeke o kona kuka, no kekahi aha hulahula nui e haawiia ana e kela lede ma ka Poakolu m.ai. • Mamuli o kela kamaaina mua, he hana hiki loa ia Konela Gawila, ke ku ana ae iluna, a hele aku no kahi a ka Lede De Koe e noho mai ana, aka nae noonoo iho la oia ma kekahi ano, aole paha he hana maikai nana ka hoao ana aku e hele, oiai e piha ana oloko o ka halekeaka i ka poe makaikai, o'lilo mai auanei oia i mea kamailio nui ia, nolaila ua hiki no iaia ke hoomanawanui, ahiki i ka wa kupono. Ke kokoke ae la i ka manawa no ka uuia o ka pa-ku i!una, aole naē iliila ka Puluka Gawila nana ana, aka aia no ia maluna o ka helehelena nohea o ke kaikmhine opio, a i ka wa i uuia ae ai ka paku, aia hoi e waiho pono mai ana imua o kela anaina nui, kekahi hiona o ka poe hana keaka me ke ku i ka nani ke nana aku aka no Gawila nae, aohe ona hoihoi e nana aku i kela hiona, uā oi loa aku la kona hoohihi i ka helehelena u'i o ka lede opio, oiai ua lede nei, e huli aoao ae ana no kahi o ka poe hana keaka. "He nui no na wahine u'i nohea, ua like nae ka u'i o kekahi poe wahine me ka u'i o na pua, o ka ui o kela lede opio, ma ka hoohalike aku a Puluka Gawila, ua like ia me ka hoku o kalani, ka lihelile. O kona oiwi kino, he pu'ipu'i maikai, aole i ka momona loa, aole no hoi i ka pilalahi, aka ua kupono maoli e hoohihi ai ka manao o ka mea e ike aku ana j iaia. | I ka manawa i ike aku ai o Puluka Gawila i kela kaika-; mahine opio, me he mea la, o kela ka mua loa o na wahine u'i ana i ike ai, alaila hoomanao koke mai la oia no Dane, kela kaikamahine wiwi pilalahi, me ka haikea o kona hele-! helena, a i wale iho la no oia iloko ona, i kona laki, i ka I ae ole ana aku i ka manao o kona makuakane, e mare aku ine Dane oiai no nae o ka mea oiaio maoli, o Dane no keia ana e hoohihi aku nei me ka makemake maoli, e hiki ole ai iaia ke noho malie iho i kahi hookahi, a e nele ole ai hoi kona kuko no kela kaikamahine. 0 ka hele hoi ia a pau ka mahele mua o na hana keaka* a uuia iho la ka paku ilalo, ua piha koke ae Ia kahi a ka Madame De Koe e noho ana me ka lede opio, i na keonimana he nui, i makemake aku, e hoolaunaia aku lakou me ka lede opio, a ke ike aku la no hoi oia, i ka haawi mai o ua lede nei i kana mau kunou ana imua o kela poe keonimana, me ka piha hiehie maoli, o ia no oe o kekahi moiwahine. Ua hele o Puluka Gawila a piha loa i ka liti i kela ike ana aku ona, i ka hoopuniia o ka lede opio e na keonimana, o na kulana like ole, nolaila hooholo iho l.a oia i kōna manao, aole he mea maikai nona, ka hele ana aku e ike i ka Madame De Koe, no ka hoolauna ana ae iaia imua o ka wahine opio, aka ua hiki no iaia ke kakali hoomanawanui, ahiki i kekahi wa kaawale okoa aku. 1 ka manawa hoi i uu hou ia ae ai o ka paku iluna ua hoi aku la na keonimana no ko lakou mau wahi mua i noho ai, a koe wale iho la 110 ka Madame De Koe me ka wahine opio ma ko lau.a wahi, akahi no a olu iho ka manao o ua o Puluka ua kaawale aku la kela poe kanaka ana i lili loa ai. Elike no me ka Puluka hana, ma kela manawa e hanaia ana ka mahele mua o na hana keaka, ka nana pono maluna 0 ka helehelena u'i nohea o ka wahine opio me kona oiwi kifto kilakila, pela no ma keia mahele hou o ke keaka, me kona hoihoi ole aku la e nana i ke keaka. O ka,hele hoi ia ahiki i ka hookuuia ana iho o ka paku ilalo, a oiai ke anaina e noke ana i ka pa'ipa'i me ka huro. no.ka holomua p na mea apau, ua ku ae la ka Madame De Koe, ame kona mau hoa, a haalele i ko lakou mau noho, no ka' hoi an.a, a ua hoopiuiwa loa ia o Puluka Gawila, i kona lohe ana aku i ka hooho ana ae o kona kokoolua e noho pu ania ma'kahi hookahi: v Auwe no kahi e, ua haalele mai la oia ialoko nei o ka halekeaka," wahi a Kapena Gedena. huli la o Puluka Gawila nana i kona hoa, me ka. piha i ka poiwa, hulili pu ae la no hoi kona maka, a ialia 1 ike i'o aku ai, 'aohe he noho mai o ka wahine opio ana i hoohihi ai ma kona wahi, me he mea la, i kana nana maoli iho no, aole he wahi hoihoi iki e noho hou aku ai ilol:o o kela halekeaka, no ka mea maluna o kela wahinfc opio w.ale no kona noonoo, ka li'a ame ke kuko, e ake ana e lilo mai i |ioa kaunu nona. .M x e he mea la, ua kailiia aku ka hoihoi mailoko aku oua, o ka mea wale no nae nana i hoolana mai i kona noonoo no ka ike hou i kela helehelena u'i nohea, a no ka halawai

pu hoi me ka wahine opio, o ia no kela alua hulahula a ka Madame De Koe e haawi ai ma kekahi Poakolu mai, nolaila c kakali malie ana oia a hoea mai i keia la, o ka wa ia an.i hoonuu aku ai i ka u'i o kela wahine a lawa ka makemak^MOKUNA VIIII ka hoea ana mai keia i ke ahiahi o ka PoakoUi, ka tna' nawa o ka aha hulahula nui e haawiia ana e ka Madame De Koe, ua wehe hamamaia na nrmi apau o ka hale me na laau uliuli, a maloko o kela ame keia rumi,.na kukui uwila, o na waihooiuu like ole, a ma na ano apan aku ialoko o kela home, he keu aku a ka u'i ame ka nani, a na malihini apau i hoea mai, i kaena ae ai, o kela kekahi o na hana hoohiwahiwa a lakou i makahei loa ai. Ma ka hora umi o kela po, ua hoikeia ae la ka hoea ana al<u o Puluka Gawila, imua o ka Madame De Koe, me ka hele koke ana mai o ke kanaka opio, no kahi a ka madame e ku ana, no ka hookipa ajia mai i na malihini; ' Haawi aku la o Puluka i kana kunou haahaa ana imua o ka wahine nona ka home", me ka panai pu ana mai no hoi o ka Madame De Koe, ma kona kunou ana mai. Aia hoi, ma kahi kokoke a laua e ku nei, ka wahine opio me ka huli o kona alo i kahi e, e kamailio pu ana me kekahi poe wahine opio e ac, aka nae ua hiki loa ia Puluka Gawila ke ike, ma kona mau ano apau, o kela no ka wahine opio hookahi, nana -i ume aku i kona mau manao hoohihi nona maloko o ka halekeaka, a ke kakali wale la no oia, o kona hoolaunaia aku imua o ua wahine u'i nei. Huli ae la nae ka Madame De Koe, a hoopa aku la i ka welelau o kona mau manamanalima ma ka poohiwi o ua wahine opio nei, a pane aku la: "Auhea oe e kuu bele, e ae mai ia'u, e hoolauna aku ia oe imua o Konela Gawila. E Konela Gawila o ka Mademosele Aka De Q alacia keia," wahi ana me ka leo malie loa. Ma ka aoao o Puluka Gawila, haawi aku la oia i kana kunou ana, i ka wa i huli mai ai ka wahine opio, me kona kunou pu aiia mai no hoi imua o ke konela opio, ma ke ano piha paarula. Aia i'o ua o Puluka Gawila, ke ku la imua o ka wahine hookahi ana i hoohihi ai ma kana hoomaopopo aku, ua oi loa ae ka u'i ame ka hiehie o ua wahiue nei, mamua o kela mannwa ana i ike mua ai, a e komo ana hoi ua wahine opio nei, i kekahi lole silika anapanapa, ka mea nana i hooi loa ae i kona u'i, a i hooi pu ae hoi i ka hoohihi o Puluka Gawila nona. I ka halawai ana ae o ka ike a ko laua mau maka kekahi me kekahi, ua pahola ae la ka ula ohelohelo ma na papalina 0 ka wahine opio, ine he mea la, uā loaa koke aku la 110 iaia ka ike, no ka mea e ku aku ana imua o kona alo, aka ma ka aoao nae o Puluka Gawila, aole he wahi hoomaopopo iki iloko ona. Me ka leo nanahe malie nae, me kona kulou pu ana aku imua, i noi aku ai oia i ka wahine opio, ina paha e ae mai ana oia, e hulahula pu laua i ka hūlahula mua loa, ua lohi loa nae kana noi, no ka mea ua lilo mua ka wahine opio, me kekahi mea okoa ae ma kela hirfa, pela no hoi me na hulahula lehulehu mahope aku, .a i ka ewalu o na hulahula, 1 loaa ai kona wahi maluna o ka pepa hoomanao o ka wahi:ie opio. Oiai no nae laua nei e kamailio ana, o ke kii mai la no ia o kekahi keonimana opio, a lawe aku la i ka wahine opio, no ka mea he wa ia no ka hoomaka an,a aku i ka hulahula, •jole no he nana o Puluka Gawila, ua hiki no faia ke kakali a hoea mai i ka w.a o ka hulahula ewalu; nolaila hele aku la oia e huli i hoa hulahula nona ma kela hulahula mua loa. i ī ka hoea ana mai hoi i ka ewalu o ka hulahula, kii aku | ln o Puluka Gawila i kona hoa hulahula, a'o ia ka ka Mademodele De G a!acia i pane mai ai. "He malihini loa kaua ma keia halawai a ke manao nei au, aole no paha oe i maopopo ia'u." Nana aku la o Puluka me ka piha me na manao kahaha maluna o ka wahine opio, me ka hiki ole iaia ke pane mai, a o ia ka ka Mademosele De Galacia o ka pane hou anja mai: "Aole anei ou hoomaopopo mai, owau no hoi keia o Dane ?" Ua nele maoli o Puluka Gawila, i kekahi huaolelo kupono e kamailio mai ai imua o Dane, no ka mea aole oia i hoopiha wale ia aku no me ke kahaha, aka ua piha pu oia me ka hilahila, eia ka o kela kaikamahine me ka helehelena haikea, kela kaikamahine hoi me kona fcino ana no hoi i hoole paakiki aku ai imua o Kapena Fula, aole kela o ke ano o kana wahine e mare ai, o ka. mea no ia nana e ume aku i kona manao hoohihi nona. Uoko o kela mau sekona ine he mea la o ka noonoo hookahi wale no iloko o ua kanaka opio nei, o ia ka hamama ae o ka honua a ale aku iaia; i kela manawa nae i hoea koke mai ai kekahi keonimana aoo, a noi mai la ia Dane, e hulahula pu laua i kekahi hulahula' nui, e kani mai la na pila, o keia ka mea nana i lipomama mai i ko Puluka manao." j "U.a maopopo ia'u, ua hoohewahewa maoli oe," wahi a Dane a o ka Mademosele De Galacia hoi, ma kekahi iuoa, me ka haawi koke ana aku i kona lima, i ka mea o ka hele hele ana mai e kii iaia. "Ua hoopiha loa ia mai au me ke kahaha, a iloko no hoi 0 ia manawa hookahi, ua hoopiha pu ia mai au me lea hauoli," wahi a Puluka rrte ka ukali pu ana mai no hoi mahopeAlawa mai la ka Dane nana ana iaia, me ka pane ana mai: "Me he mea la, aole i lilo keia halawai hou ana o kaua i mea hoohauoli aku i kou noonoo!" "Nawai hoi ka ole, ua oi loa aku mamua, o ka hauoli," wahi a Puluka, me ka hoololi ana ae i ke ano o kana m6a e kamailio hou aku ai i ka i ana aku: "Ke haawi aku nei au i ka'u mau mahalo kiekie ana ia oe, no kou hui hou' ana me kou ohana-" , "Ea, ke hoopohihihi. loa mai nei kau mau olelo ia'u, no ko'u ohana." , , "He inea oiaio hoi ia, aka ke kamailio wale aku nei no au, no na mea a kuu makuakane hanauha i kamailiō mai ai e piii t .na ia oe, :i ke ole au e ua pololei oia." Aole a Dane pane mai no kela mau olelo, mamuli o kona pohihihi i ka man.ao o ka Puluka mea e aku nei iaia, a o ia ka PuluHa, o ka pane hou ana aku: "Aole oe i pohihihi i ka manao o ka ? u mea e kamailio aku nei, o ia no na mea pili i ke kakela, kou mau makua ame kela kuiana hanohano." "O! Akahi no au a maopopo," me ka noke okoa ana ae o Dane i ka akaaka, a i hou mai la: "Aohe au mea e haawi mai ai i na hoomaikai ana ia'u; dka o ka'u wale no e nonoi aku nei ia oe, e hoopau loa ko kaua noonoo at)a no na īpea 1 hala. aole keia o kahi e hoihoi hpu ia aku ai na not>noo ihope." , "E hoomanawanui iki mai hoi oe, i hookahi a'u ninau i koe: Aōle i'o anei i loia kou—" me ka hooki ana ihō o ki? konela opio, me ke kakali ana akp i ka Darie pane. "Aole mea i loaa ia-u, koe wale no keia, eia oe ke noke mai nei i ka niele. ia'u. me he me.a la aia au imua o kekahi aha hookolokolo." "E nonoi aku ana au i kau mau huikala ana mai e ka Mademosele De Galacia no ko'u piha'maKaoi. Iloko au o ka ululaau kahi i noho ai no na makahiki ae nei.ekolu i | hala, pela paha i makanahelehele loa 31 au, poina i na

ulelo kupono e kamailio ai,. aka nae, ke hooia aku nei au fmua ou, aole loa au c hoao ma kekahi ano e kamailio aku i ria mea e hoehaeha ai kou noonoo.'l / Aole i hoehaehaia aku ko Dane manao ma kekahi ano, koe wale no kona hookahahaia, no ka hoomaopopo ole maoli o Puluka iaia. I kela wa, i lilo aku ai o Dane i ka hulahula me kona hoa. a haaleie aku la no hoi o Konela Puluka i kela wahi, me kona mihi loa ana iho, no ke ano o kana mea i noonoo mua ai no kela kaikamahine, aia mau no kela hilahila iloko ona, a me ia ano no, i huli hoi aku ai oia no kona mau mmi mahope iho o ka hookuu ana o ka aha hulahula ma kela po. Aole loa i loaa iki iaia he hiamoe maikai ana ma kela po, ahiki wale no i kona puoho ana ae ma kekahi kakahiaka mai ke hoolalau wale la no oia, me ka makemake e hoopoina i ka mea nana i hoohiaa i kona noonoo, aole nae he wahi mea a poina iki, e kau mau mai ana kana mau hpomanao ana no kela htlehelena u'i nohea o Dane. , E ho<smakaukau ana nae oia e komo mai i kona mau lole. a hele aku e holoi i J<ona maka, ua weheia mai la ke pani puka o kotia rumi, me ke kikeke mua ole ia mai mawaho, a komo ana no o Kapena Fula kona makuakane iloko. "Auwe, o oe ka keia e kuu makuakane!" i hooho ae ai o Puluka Gawila ma ke ano hikilele. "Ae, owau no keia e kuu keiki aloha!" i pane mai ai no hoi o Kapena Fula, me ka hele ana mai imua, a puili iaku la i ke kanaka opio imua o kona umauma. "I ka manawa hea oe i hoea mai nei?" wahi a Puluka Gawils, i ko laua wa i hookuu ae ai kekahi i kekahi. "1 keia manawa no ko'u hoea ana mai nei. Maluna mai au o ka mokuahi Bee a hoea i Bolatimoa, a kau maluna o ke kaaahi no Wakinekona nei, o ko'u hoea ana mai nei no ia, pehea ua ai anei oe i kou aina kakahiaka?' "Aole, o ko'u ala ana mai nei no ia, aole i hoomakaukau ia'u, iho, komo koke tnai la no oe e kuu makuakane." "Ina hoi ha pela, e hoomakaukau koke oe ia oe iho, a liele like ae kaua e ai i ko kaua aina kakahiaka» Ua maopopo no ia oe e kuu keiki, o ka hora ewalu ko'u manawa mau e āi ai i ko'u aina kakahiaka, o ka hora umi-kumama-kalii keia i keia manawa, ua hele maoli au a pololi-" I ka makaukau ana o Puluka hele like aku la oia me kona makuakane noloko o ka rumi aina, a haawi aku la oia i ke kauoha i ke kuene, imau meaai na laua. "Pehea la kou manao no D*we i keia mailawa?" i ninau mai ai o Kapena Fula. u He keu aku kona u'i maoli? Ua oi ae ka nohea o kona helehelena mamua o kekahi wahine opio i halawai mai ai me ka ike a ko'u mau maka. Aole loa au i moeuhane, e hiki ana ke loli ano e ae ko Dane mau ano, a like pu me ia i keia wa!" "Auhea oe e kuu keiki, he ekolu makahiki i hala ae nei, he wahi kaikamahine ano ole wale no o he kii kaha i piha pono ole kona mau anō apau ; aka i keia wa, akahi no a piha pono, elike me ka niakemake o ka Mea Nana i hana mai i ke kanaka. Ma n.a ano apan. lie o ia mau 110 o Dane elike me ia au i ike hope ai,'a o ke kanaka i hiki ole iaia ke ike aku i ka u'i ame ka nohea o kela helehelena haikea, he keu aku oia a ka mea makapo maoli." "Ua maopopo ia'u kau mea e kamailio mai nei e.kuu makua» owau ua kanaka' makapo la. He keu maoli no au a ke j kanaka hupo haalele loa, me ka ike ole i ka waiwai i'o o I kii, ahiki i keia manawa, akahi no a kaakaa pono na maka," me ka luliluli ana iho o ke poo o Puluka Gawila. . .("Heaha ka manao o kau mea e kamailio mai nei e kuu Jceikh- .E hoakaka pono mai i kou manao, me ka huna o]e i kekahi mea imua o'u, kou makua nei!" ■'He-mea oiaio anei, aole i hoohihiaia aku kona puuwai ame kona mau lima?" "Ke paa loa nei kuu manao, aole i hoohihiaia aku oia ma kekahi ano, alia nae malia paha ua kuhihewa au, o ka'u wale no e hopohopo nei, malia paha ua hihia kona puuwai i ka puiiawelewele!" 9 "Ea, heaha keia mea au e hoao mai nei e kamailio iaju?" "Aole he like ole o Dane, mai na wahine opio e ae, i like mai na makahiki me kona. Aia no kekahi wahi palupalu iloko o kona poo, elike no me ka poe e ae. O ua wahi palupalu la, o ia no kona mau hoomanao ana no kona hoa paani o nā makahiki aku nei i hala, i kona wa he kaikamahine wale no." "Alaila," he mea mau anei iaia ka hoomanao ana no'u? O ina e hiki ia'u ke ike aku ia mea iloko o kona puuwai, alaila ua makaukau loa au e alana aku i kuu ola no kona haooli o ke ola ana ma keia honua." *'E kamailio malie e kuu keiki, mai walaau nui ae oe, o loheia mai auanei ka kaua mau olelo. Pehea , ua makemake an'ei oe e mare ia Dane?" "Aohe a'u mea e hooie iiku ai, ua nan.i aku au iaia me he momi makamae kumukuai nui loa- Ina e ae mai ana na lani i ka li'a a kuu puuwai, alaila he mea hauoli na'u ka olelo ana ae i keia minuke, na'u oia e pono ai no ka wa mau loa !" "Ua loaa ia Dane ka hoon.aauao maikai ia, ua loaa pu iaia ke ola kino maikai, me na manao uilani, a ua lawa oia me na lole nani, mamua q kela manawa, he ekolu makahiki ae nei i hala; ua loaa pu iaia kekahi inoa maikai loa, me»kon? kpmo pu ana iloko o na anain.a a ka poe hanohano a ulakolako o ka aina. Ma kona kulana nae, he o- ia mau no ia elike me kau i haalele ae ai iaia." "E kuhihewa ana au la, i ka loli ana ae o kona inoa, ua Joli ae kona kulana- E ae mai oe ia'u e ninau aku, ina palia o kela no kekahi o kona mau inoa ponoi." "Ae, o kela no kekahi o kona inoa." "Alaila he inoa ohana anei o De Galacia?" "Aole he nlen i maopopo ia'u no kona ohana. O konr j . inoa bapetizo kela, ak ae hoakaka aku au i hiki ai e maopopo ia oe. Ma hope koke iho o kou h.ialele ana ae ia makou he ekolu makahiki i hala, ma kekahi la, e huli ana au ialoko o ka hale o kela kanaka lawai'a i puhiia e ka makani, a ilokn 0 ka nui o na 'opāla. i loaa aku ai ia'u kekahi pahu ili? Maluna o ua pahu nei e kau ana kekahi papa keleawe, m kekahi mau huapalapala e kau ana, i hiki ole nae ke ikeia iho. Ua malama au i kela papaa keleawe, me k.a hoomaemae anā ahiki i ka ike moakakaia ana iho o na huaolelo, " ike iho la au i.ka inoa Ake De Oalaeia. Iloko no hoi o kel: manavva, ua hoea ae ke kahunapule, a e noho ana ma k: hale kahu no ka bapetizo ana i na keiki liilii, a oiai aole maopopo i.a'u, ina paha ua bapetizo mua ia o Dane, nolail' la\yē aku la au iaia im.ua o ke kahunapule, a hookau aku 1 1 ka inoa Akē De Galacia maluna ona, nolaila aole kela \v inoa i.kau aku maluna ona mai kona ohana mai, aka 1h inoa ma ka bapetizo ana. O ka manaolana iloko o'u, m«lia paha ma o kela inoa l« n . hikitai jce hookoloia aku ahiki i ka loaa ana o kona m.au ,hoaloha, ina he ohana kekahi ōna e ola nei ma kekahi wahi "Ua lohe anei oe i kekahi me.a e pili ana no Dura o Konapoka?" i ninau aku ai ke kanaka opio. "Aole he mea a'u i lohe mai ia lakou mai, oiai nae. U" nui hooikaika ma ka ninnu ana e pili ana ia lakou m: na wahi like ole. Mahope koke iho o kela bapetizo ana r Dane e ke kahunapule. ua hoihoi āku au iaia maloko o ke kalii kula nohopaa ma ka Akau iwaena o na mauna o Enelani Hou, malaila oia kahi i uoho ai no na makahiki elua me ka hapa. Mailaila mai, i lawe aku ai au iaia ma Europa, me ko ! maua hoohala ana he ekōlu mahina ma ke kaahele ana mo kelā ame keia wahi, a he ekolu hoi mahina maloko o ke • kulanakauhale o Parisa. Ua hoolauna aku au iaia ma na

iji i ;; ii j j i i-in-rrmr —r wahi apau, ma ka inoa ka Madcmoscle Ake De Galacia, ka manaolana mau iloko o'u, e lilo kda ihoa, i meā e loaa aku ai ōkona o)ians, aole -nae he me«a i oili mai. "Mailoko o Pama, ina ka hale o ke kuhina, i hala\va| mua ai maua me ka Monisua ame k'a Madame De Koe. Iloko o kela mau mahina ekolu o ko maua noho ana ma Parisa, ua ku a kamaaina maoli makou, me ka lilo no hoi. i mau hoaloha pilipaa, a o kahi i oi loa aku ai o ka pomai* kai, ia maua o ka huli hoi ana mai maluna o ka mokuahi, Bolatika, ua kau pu mai la makou he mau ohua like maluilA o kela mokuahi, oiai he kuhina ka Monisua De Koe no kc aupuni o Palani, i keia aupuni. "Ma kela huakai, ua pipilipaa ka manao o ka Madame De Koe ia Ake, a i ka hoea ana mai no Wakinekona nei. ua nonoi mai la kela lede, e ae aku au e noho pu o Dane me ia, no keia kikina- Ua m.aopopo ia'u, aole he wahine kupono e ae nana e hookamaaina aku ia Dane iwaena o ka pohai o ka poe hanohano, o ka Madame De Koe wale nb," nolaila haawi aku la au iaia i ko'u ae e noho me ia, a huli aku la au no ka Mokupuni Fula, no ka nana ana i ka poe malaila; aole he pilikia iki o lakou, a he mau la helu wale no ko'u o ka noho ana, hoomanao mai la no au no Dane, o ko'u kau hou no ia maluna o ka mokuahi Bee, pela iho la au i hoea mai ai a hui pu ana kaua e kuu keiki." "Ina e' manao ana ka Madame De Koe, e au'a loa aku i kuu Dane me ia a pau keia kikina, he mea pono i kela >vahine, ke lawe pu aku ia'u, a he hookahi kuu noho like ana me kuu Dane." "Pehea, ua maopopo anei i ka Madame De Koe, ke kulana oiaio o Dane, iloko o kou ohana ?" • "Ma ko maua halawai ana me kela wahine iwaena o ka pohai o ka poe hanohano ma Parisa, lie mea makehewa wale no ka hoala an.a mai i kekahi mau ninau; hookahi moi mea nui, ua ike mai oia, he kaikamahine o Dane na'u, ua lawa ia; a ine he mea la o kela noonoo mua o'u, no ka oili ae o Dane i kekahi la, ma ke ano he mamo oia mailoko mai 0 kekahi ohana hanohano loa o Palani, e poho wale ana iaNolaila e Gawila, ina aole loa he manaolana i koe, no ka loaa ana o ka ohana pili pololei loa ia Dane, o ka'u wale no e olelo āku nei ia oe i keia wa, e hoopau loa oe i ka noonoo hou ana nona." % "Aole loa au e hoopau i ka nt>onoo ana nona; aka ke hauoli nei au i ka lawe ana mai iaia, elike me kona ano i keia wa, no ka mea aole he wahine u'i e ae, e loaa aku kuu Dane." "Ina pela kou manao e kuu keiki, alaila aole he mea nana e hoahewa aku ia oe, no kon hoololi hou ana i kou manao mua, e pili ana no Dane. O kft'u wale no ia oe e hele aku imua ona, a e noi aku iaia i wahine nau. Ina no kona haawi mai ika a», mai hoohakalia ika lawe koke ana mai iaia i wahine mare nau, aole he mea hoohauoli e ae i kuu noonoo, o'ka ike wale aku no ia olua he mau keiki na'u, aka: nae, mai hoao oe e.kaili iaia mai a'u aku." ' Haawi mai la o Puluka Gawila i kana hooia ana, no kona j noho pu me kona makuakane, ina nei no ka ae mai o Dane, e lilo i wahine nana, ma kela wahi, i ku ae ai laua iluna, a j haalele aku la i ka rumi aina, no ka hele ana aku e ike i ka Madame De Koe ame ka Mademosele Ake De Galacia. Ma kela hoea ana a laua nei, ua apo mai la o Dane 1 kona haku hanai me na manao ohaoha, aka iaia i haawi mai ai i kona aloha ia Puluka Gawila, ua pii ae la ka ula ohelohelo ma kona mau papalina, elike me ke ano inau o ka poe opio i komohia na manao hoomahie iloko. He manawa pokole wale no keia ike ana o lakou, a haa* lele aku la no o Puluka Gawila me Kapena Fula i na lede, aka nae mai, e hoea mau aku ana o Gawila, no kt ake no e pa:hele i ka noonoo o Dane, elike me ke kauoha a kona inakuakane iaia. Ma kela ike mau ana aku a Puluka Gawila ia Dane ua noi okoa aku la oia ia Dane, e lilo mai i wahine mare nana; iloko nae o ka mali o kana mau olelo, ka huai pau aku no hoi i ka nui o kona aloha, ua hookahaha loa ia mai ua kanaka opio nfcij i ki haawi koke ana mai o Dane i kana pane, e hoole hiāi ana. mk na ano apau: "Aole e Konela Gawila. aole au e mare aku ana me kekahi mea, a oki loa aku hoi me oe," wahi a Dane i pane mai ai me ka leo kuoo. "Pehea la oe i wae ae ai ia'u, owau ka mea hiki ole e mare aku me oe?" w.ahi a ke kanaka opio, me ka hele a pii ka lena, me ka hilahila pu no hoi iloko ona. • "No ka mea, o oe ke kanaka haaheo loa a piha hookano i halawai pu mai ai me a'u. Owai auanei au? He mea ano ole loa au, i nele i ke kulana, ka ohana ame ka inoa, he mea komohewa, i kuleana ole ma ke kulana a'u e paa nei iwaena o ka poe hanohano." . <4 E kuu Ake De Galacia, ua hu wale aku kena mau olelo au, mamua oke kupono. Ua kapa mai nei oe ia'u ika has- - lie mea oiaio, e hooiia ae ana kela haaheo iloko o'u, ame ka hookano, ina e liiki mai ana ka la a'u e kapa aku ai ia oe na'u ponoi ke olelo niai nei oe, aole ou kuleana i ke kulana au e paa nei i keia manawa, e noi aku ana au ia oe, e hoihoi hou aku ia mau olelo, o lilo auanei ia. i mea hoehaeha aku ika manao oko kaua makuakane hanai. Mai hoehaeha aku oe i kona noonoo, ma kou kapa ana ia oe iho he m'ea komohewa, oiai nae ua lawe aku oia ia oe he kaikamahine, nana, ka hookama ana, a ua haaheo pu hoi oia, i kou hui pu ana aku me lea pohai o ka poe kiekie a hanohanoO kela inoa e o la maluna ou, he kuleana kou ia inoa ma na ano apau, he inoa hoi i kapaia aku maluna ou, ma kou manawa i bapetizo ai." "E hoomanao oe e Konela Gawila, ua nele au i kekahi inoa ohana." "Aole no au kauka'i ana aleu i kekahi inoa o kela ano! Ua makaukau au e haawi aku i kuu inoa nou- O e kuu Ake, mai lilo kekahi wahi mea ano ole loa, i kumu e hooliloia ai ko kaua mau hauoli, i mea ole!" - lloko nae o kela noke ana mai apau a Konela Gawila, i ka uwale; ma na ano e ike maoli aku ai no o Dane, ka makee iloko o ke kanaka Ppio nona, a ua aloha mai rto h6» iaia nei, me kona puuwai apau, aole ia he kumu no Dane e maliu aku ai, aka ua hoole loa aku la oia, me ke ku ana ae a haalele iho la ia Puluka Gawila, me ka piha hoonaukluki. Hoi 'koke aku l.a o Puluka Gawila, a hoike. akn la imua o Kapena Fttla, i ka maliu ole mai o Dane i kana mau uwalo ana aku imua ona, e lilo mai i wahine mare naiia, a i ka lohe ana o ke kapena aoo, pane mai la oia, i ka i ana mai: "Ua uluhia maoli o Daue me na manao hehena!" wahi ana me ke ku'iku'i anā iho i kana puupuu maluna o ke pakaukau. "Iloko ka hoi o kou aloha iaia, aua haawi aku no hoi āu i ko'u ae, e mare aku oe iaia, ua hooleia mai U kmi makemake, nolaila he keu aku keia a ka mea liookahaha, me ka hookaum.aha pu mai i ko'u hoonoo. Ua aloha mua o Daue ia oe, i ko'u koi ana aku nae ia oe e kun keiki, e mare aku me Dane. ua hoole paakiki loa mai oe/ua like ko olua mau ano, a owau o ko olua kahu hanai, ka inea i hookaumahaia mai ka noonoo. "Aole nae o'u kanalua iki, e hoea mai ana no i ka wa e lok.ahi like ai olua, ke auhee aku na manao uluahew-i iiokp p olua pakahi, a "ke hoea mai olua i ka lokahi a«a ea, o ka wa ia a olua e hele mai ai e ike ia'u,' e haawi aku iio au i ka'u maū hoomaikaiana. "E hoomaiiawanui iho nae oe pela. e waiho rhai i lui hana apau iloko o kuu lima. ake holopot|o ka hol Hu kt'u mea e manao nei, o ka hoea ana mai ia i ka hookoia anā o kou makemake e kuu keiki," o ka haalele iho la no Kapena Fula, a hele aku la no ka hui pu ana me ka Madam% De Koe. ' (Aole i pau.) v .