Ka Nupepa Kuokoa, Volume LIX, Number 31, 5 August 1921 — HE KUMU HOOLALIKE KUPONO [ARTICLE]

HE KUMU HOOLALIKE KUPONO

I ke kamailio ana no ka bila hoopulapula i na Hawaii, o .kekahi kumu hoohalike maikai loa, no na Hawaii, o ia no ka hana a kekahi ohana Hawaii e noho nei ma Haena, Hanalei, Kauai. Aia malaila kekahi mau Hawaii, i hoolilo i ko lakou ola ana ma ka hana mahiai, a he mea hauoli no ka manao, ka ike ana, i ka hoomanawanui maoli o kela ohana, me ke ku o kekahi hale wilipoi, e hoolako ana, i kekahi mahele nui o na makaainana 0 kela mokupuni mc ka ai; ka hana hoi a kekahi poe Hawaii e ae, i hoohemahema ai, me ka hahai mau o ka pilikia ia lakou. Malia paha e olelo mai ana kekahi poe Hawaii, ua ku ka hana i kela ohana, no ka mea aia he wai e ulu ai na meakanu, he mea pololei no ia, aka ina nae aole kela manao hana iloko, elike me ia i loaa ai i na kanaka o na aina wai e aku, aole loa e loaa he noho ulakolako ana, a he kuonoono hoi. O na aina e weheia aku ana no ka hookuonoono ana o na Hawaii, he mau aina wai ole ia, he mau ain» panoa, i kupono no ka hanai holoholona ana no ka manawa mua, a ke loaa hoi ka wai, alaila kanu aku i na meaulu. Ina aole ka hoomanawanui, 1 ke ano o ka noho ana, aole ka makaala ame ka hanamau, he mea maopopo loa, he paakiki no ka loaa ana o ka holomua; ka hopena hoi i ake nui ia aku »i, e oili mai, ma kela hookuonoono atia. Mai manao kakou na Hawaii, he maalahi ka hoi ana aku a noho maluna o keia mau aina hookuono°no, no ka hoopulapula ana ; he mea maalahi ka olelo ana ae e hanai hploholona, ina nae aole he mau ike, a he mau makaukau 110 ia hana, he paakikf no ka ohi i na pomaikai, i ahona paha, i na kokua e loaa mai ana, mai na kanaka ike m,a ia hana e hoolimalimaia aku ana e ke 'aupuni. Ua like pu no ka pilikia ma ka oihaua mahi, aia no a loaa ka ike me ka makaukau i ka malama ana i na meakanu, alaila holopono; no keia mau kumu la, aole he maalahi ke kupaka ana ae o kekahi poe Hawaii o kakou, īloko o ko lakou mau manao ohohia, k°e wale no a maopopo ko lakou mau kahua oiaio i k« ai.