Ka Nupepa Kuokoa, Volume LIX, Number 34, 26 August 1921 — HE PI-KI LUAU MA ULUPALAKUA. [ARTICLE]

HE PI-KI LUAU MA ULUPALAKUA.

Mr. Solomon Hanoliano; Lunahooponopono o ka Nupepa Kuokoa, Alolia kaua:—Ma ka la 7 nei o keia mahiua, i liaawi ae ai na makua nana k<f'keiki 0 ia o Mr. ame Mrs. James Brown Jr., he paina luau no ka piha ana hookahi makahiki o ka laua bebe, ua kouoia aku no hoi ka ohana ame na hoaloha, no ka hiki mai e ai i na mea 1 hoomakaukauia no ka mea nona ka la.

Ua nui no hoi na ohana i hiki ae ame. na hoaloba-pu, me ka nui o na , meaai; ua ai a lawa i na mea i liooe ko laua lokomaikai. Ua kukuluia he hale pe'a nui mahope pono o ka hale, he elua pakaukau loloa i hoolawaia me na ono like ole e moni hewa ai ko puu i ka hua nioi. Ua hauoH lioi na mea apau, ma'ia la o ke kamaiki; ua hiki pu ae no hoi kekahi kalapu hookani pila i noho alakaiia e ka polopeka Punika Hoomano, a na ia kalapu i hoōheno mai i hi mau mele nani e nanea ai ka pepeiao ke hoolohe, hele ia*o kahi leo tena a kupololei ka huelo i Molokini. Malaila i ikeia ai na ku'i like ole, 0 ka hula ku'i, hulahula, hula olapa,, 1 awili pu ia me ke ku'i Kepani, a lie nui*wale aku na lealea like ole ē hauoli ai na mea apau. ' Ke hoomaikai nei keia hoaloha i ka la o ke kamaiki me na makua pu no hoi; na laua i hapai i keia hana no ka la o ka laua keiki, mo ka mahalo no hoi i na inea i hoomakaukauia. E hooloihiia na la o ko kamaiki me na kulana pomaikai apau o keia mua aku; me na makua oia hoi James Brown ame kana aliiwahine Mrs. Mary Brown Jr., me na pomaikai he nui. Me ka mahalo a nui i ka Lunahoopohopono ame kou mau sela. Owau iho no me ka mahalo. EDDIE WATSOIX. Ulupalakua, Maui, Aug. JB, 1921.

WAKINEKONA, D. C., Aug. 20.—He elima mau kanaka opio oloko o keia kulanakaiihalo i kauia aku ka hoopa'i e hele mau ka halepule uo hookahi makakihi. Ua hoahewaia lakou no hewa aihue otomobile a ua waihoia mai ka pono o ke koho ana ia lakou o ka helo aku pahā e hana ma aa no hookahi makahiki, a i ole o ka hele mau aku paha i ka halepule n o ia manawa lolhi like.