Ka Nupepa Kuokoa, Volume LIX, Number 38, 23 September 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

E nana aku nae au ma kou mau maka  e kuu keiki. O keia ka eha o na la o kou noho paahao ana ma keia keena, i kupono ole loa ia oe, malalo o kekahi kumu hoopii kohu ole loa," alaila hapai ae la oia i ke poo o Konela Gawila, e luluni iho ana maluna o kona poohiwi, a nana aku la ma na maka o kana keiki.

"He hana kohu ole loa naʻu, ka manao ana aku, o kou helehelena hohoma, o na ehaeha ame na kaumaha au i hoomanawanui ai iloko o keia mau la eha. mamuli mai ia o kou hoopaahaoia ana; a i ole no ka la hookolokolo paha e hoea mai ana, aole oʻu manaoio iki pela! Aole no hoi oʻu manaoio, no kou mau pilikia wale iho no ke kumu loli ano e loa o kou helehelena!"

"O e kuu Akua, o Oe wale no ka i ike, aole he kumu e ae o koʻu mau ehaeha apau aka no kuu wahine no ia! O e Kapena Fula, ua lohe anei oe i na mea apau?"

"Ae, ua lohe au i na mea apau, elike no me kau i ike ai, a ua oi aku mamua o kaʻu i hoomaopopo ai!"

"He nuhou hoohauoli anei kau i lawe mai la e hoike iaʻu?" wahi a ke kanaka opio. me ka hopu ana mai i na lima o kona makuakane. "Ea, ua loaa aku anei kona kino, a ua paa ka poe pepehikanaka i ka hopuia? E wiki, mai huna mai oe iaʻu i ka mea oiaio!"

"E hoopau i kou mau manao pihoihoi e kuu keiki, a noho iho ilalo, a e hoike aku no au ia oe i kaʻu mau mea i ike. O ka mea mua loa nae, o ia no na manaolana. aole i pepehiia ko wahine, aku ke ola mai nei no oia me ka hoopoino ole ia ma kekahi ano."

No keia mau hoakaka a Kapena Fula, o ka hehee iho la no ia o Konela Gawila a noho ana ilalo, puili ae la i kona mau lima mamau o kona alo, a kau mai la hoi kona mau maka. maluna o kona  makuakane, me ka hoike okoa ana mai i kona ehaeha, me he mea la, aole he leo i koe iloko on a, no ka mea aole e hiki iaia ke pane mai i hookahi huaolelo.

"E kanaka makua e kuu keiki, e uumi i kou mau manao uluku apau, a e hoolohe mai hoi, me ka pihoihoi ole i kaʻu mau mea e hoke aku ana ia oe; a i wahi e hoomamaia ae ai kou mau manao kaumaha, pela au i olelo mua aku nei aole i make ko Dane ke ola mai nei no oia me ka maikai," me ka noho ana iho o Kapena Fula ma ka aoao o kana keiki, a hoomaka aku la e hahaʻi i kana moolelo, mai kela manawa mai o kona halwai mua ana me Mr. Danuba. kona hui kamailio pu ana me ka Madame De Galacia, pela ka lakou huakai no ka Mokupuni Fula, a lohe i ka moolelo no ka make ana o Dane, me ka hopuia ana hoi o kana keiki; hoakaka a ka Madame De Galacia iaia, ahiki i ka loaa ana mai o ka manaolana iloko on a, aol i pepehiia o Dane, ko laua hele pu ana aku me ka madame. a o ka hope loa, o ia no kona haalele ana mai i ka makuahine o Dane iluna o ke kaa.

Oiai o Konela Gawila e hoolohe  mai ana i na hoakaka a kopa makuakane, aole e hiki iaia ke noho male, ua lilo ka nui o kona aloha no Dane, i kumu nana e hoouluku mai i kona noonoo, mamuli o ka hoomanao ana ae, aole he wahi hana uuku, ka auamo ana o kekahi mea, i na haawina hoehaeha, ina ua lawe maoli ia aku kana wahine, ma ke ano kolohe, e ka poe ino. I kela hooki ana iho o ke kamailio ana aku o Kapana Fula, aia o Konela Gawila ke holoholo la, me ke ka ana o kona lima, in a paha he kanaka lanakila oia, pela ka loaa ana aku o keia mau hoakaka, aole oia e hoohakalia iho ana, ma ka hoomaka koke ana aku e huli. ma na wahi like ole, i wahi e loaa ai kana wahine aloha.

"Aia ka madame ke kakali nai la maluna o ke kaa, pehea e alakai mai anei au iaia, no ka ike ana ia oe e kuu keiki?"

"Aole he maopopo iki iaʻu o ka mea pono, e hana aku ai aka elike me kau i manao ai, pela no au e hooko aku ai. Ea. aia anei kuu Dane, ma kekahi wahi, e hoopoino ole ia aku ai oia? E hiki ana anei iaia ke kupale iaia iho mai na hana epa aku a ka poe lokoino? Ua oi loa aku ka pono o kona make ana, mamua o kona ola ana aku, e hoehaehaia iloko o na lima, o na kanaka lokoino!

"O keia iho la-anei ka nohou hauoli au i lawe mai nei a hoke iaʻu? He nohou hauoli iʻo paha keia ia oe, aka iaʻu nei la, ua oi aku ka ehaeha mamua o ka mea hiki iaʻu ke hoomaawanui. Ua oi ae kuu hauoli, in a i make oia aole he auamo ana i na ehaeha, a ua makaukau hoi au, e haawi aku i kuu ola, no ke karaima a haʻi i hana aku ai maluna on a," me ka lalau okoa ana ae o Konela Gawila i kona mau lauoho a hukihuki ae la, i kau a mea o ka nui o ka ehaeha iloko o kona puuwai no, kana Dane.

"Auhea oe e Puluka kuu keiki. aia ko Dane iloko o na lima o ke Akua. Aole loa he mau poino elike me kau e hophopo nei, e kau aku ana maluna on a. aole loa! O kekahi wahine maemae ma ka manao, ka olelo ame kana hana, ua hoopuniia oia e na anel o ka malamalama, no ka hoopakele ana iaia mai na ino he nui. O kekahi kanaka e hoao ana he hoopoino aku i knoa kino. elike me kau e kuu keiki e hopoopo loa neii, he kanaka maka oia imua o kona alo, mai kanalua iki oe i keia mau olelo aʻu e kamailio aku nei imua ou. Aole nae au e olelo aku ana ia oe, ua kaawale oia mai na hana hoopilikia aku, aka he hookai mea hiki loa iaʻu ke hooia aku ia oe. he oia mau kona maemae elike me ia au i ike hope aku ai iaia. Ina he manaoio kekahi iloko ou no ke Akua, e kukuli koke oe i keia manwa. a e nonoi aku i Kana mau huikala ana mai ia oe no kou mau olelo hoino, ame kou mau manao kanalua, no Kona aloha ame Kona lokomaikai ana he nui."

Elike me kela papa ana aku a Ieshu i ka makani ino, nana e hookupikipiki-o ana i ka moana, ka mea nana i hookomo mai i ka makaʻu ame ka weliweli i kana mau haumana, manaoio kapekepeke, a malie ai kela makani, pela iho la na olelo a Kapena Fula. imua o na manao kupikipiki-o o kana keiki, auhee aku la kela mau ano kaumaha o Konela Gawila, a nohoalii iho la ak manao maikai, me ka hoomama pu ia ana mai no hoi o okna noonoo, hoi hou mai la me ka leo oluolu loa:

"Ua olelo mai nei oe e kuu makua, aia ka makuahine o kuu aloha, ke kakali mai la: ua loilii maoli keia manwa a kaua e noho nei, nolaila e kii aku oe iaia, a alakai mai imua oʻu, o ka ike ana aku i kona mau maka, ua like no ia me ka ike ana aku i kona mau maka, ua like no ia me ka ike ana aku i ka helehelena o kuu Dane."

"Elike me kou makemake e kuu keiki, pela no e hookoia aku ai," o ke ku ae la no ia o ke kapena aoo iluna, a hele aku la no kahi o ka puka, eia nae, ua kiia mai mawaho a paa, ao i a ka Konela Gawila i pane mai ai: "E hoonakeke aku oe i ka puke a ikaika. malia aole no i kaawale loa ke kiai ma kahi e: a i lohe ole mai ea, alaila e kahea aku me ka leo nui."

Hoonakeke iʻo aku la o Kapena Fula ka puka o ke keena paahao, kahea aku la no hoi me ka leo nui, aole he kiiia mai e wehe a o ia kana o ak huli ana mai i kana keiki a kamailio mai la:

"He keu aku maoli kela o ke kiai lapuwale, ua hooliko mai nei oia iaʻu i paahao maloko nei o keia keena."

"Ke manzo nei au, ua hoi kela kiai e ai i kona aina awakea o ia ua hoea mai nei olua. i ka manawa e makaukau ana na kiai e ai i ko lakou aina awakea."

"Pehea ka loihi a lakou e ai ai. alaila hele mai kela kiai e wehe i ka puka?"

"Ma kaʻu koho wale no, he hookahi hora ko lakou manawa ai."

"Alaila e noho paahao anei au no hookahi hora maloko nei o keia wahi?"

"Aole paha pela ka oiaio, in a no ko lakou lohe  mai, i kou kahea aku, e kii koke ia mai ana no oe e hookuu aku iwaho."

"Ea, e aha ana na kiaio keia halepaahao! Ua pau anei oukou i ka hiamoe, a ua on a paha i ka rama? Kii koke mai kekahi e wehe i ka puka, O wawahiia aku auanei e aʻu a nanaha!"

Ua nui maoli kela loe kahea o ke kapena aoo, a ua piha no hoi oia i ka hoonaukiuki, me he mea la, ua lohe mai na kiai i kela leo kahea, a ua lohe pu mai no hoi i kekahi mea halulu, o ka laua nei o ka hoolohe ana aku, o ia no ke pahupahu kapuai wawae o kekahi mea, e holo mai ana, a iloko o ka manawa pokole, wehaia ae la ka pani puka, a kiei ana no ke kiai iloko me ka ninau ana mai: "Ea, heaha keia pilikia?"

"Heaha ka pilikia!" i panai aku ai o Kapena Fula, me ka leo huhu. "Pehea oe i manao ai o Kapena Fula, me ka leo huhu. "Pehea oe i manao ai e hoolilo iaʻu i paahao maloko nei o keia rumi, no hookahi hora?"

"He rula paa ia no ka halepaahao nei, i ko makou wa e haalele aku ai i kekahi malihini me ka paahao, e kiia ana ka puka a paa, o kekahi no hoi, he manawa ai keia no makoua o ke awakea," i hoakaka aku ai ke kiai, me ke ano hoopepe.

"He keu aku keia a ka rula maikai ole loam iloko o keia hora hookahi wale no. ua ike maili iho au i koʻu pilikia maoli me ka ikiiki. Pehea kou ano au e noho hoomanawanui nei maloko o keia wahi?" i pane aku ai o Kapena Fula i kana keiki.

"Aohe oʻu ke iho i koʻu pilikia, mamuli paha o ke omoia ana o na haawina hoehaeha apau iloko o kela mea nui hookahi wale no, o ia ka pono o kuu Dane. Ke lilo wale nei no kaua e kuu makua ma ka kamaililo ana, mai hoopoina o eno ka makuahine o Dane, e kakali mai la iluna o ke kaa!"

"E kii aku au e hookomo mai i ka madame, aka nae anuhea oe e ke kiai, e ku makukau oe mawaho nei o ka puka, a e hoohamama hou i ka puka, aole e pani elike me kau hana kolohe iaʻu," o ka haalele iho la no ia o ke kapena aoo, a hele aku la no ka hui pu ana me ka Madame De Galacia.

No na minuke elima kela kaawale ana aku o Kapena Fula, oili hou mai la oia me ke kuikuilima pu ana me ka Madame De Galacia, a ia laua i ku aku ai ma ka puka o ka rumi paahao, wehe ae la kona helehelena, ia wa i hoolauna aku ai o Kapena Fula, i ka lede malihini imua o kana keiki, me keia mau olelo:

"O ka Madame De Galacia keia e kuu keiki; a e ka madame, ke hoolauna aku nei au ia oe imua o kau huuona, ke kane a kau kaikamahine."

E makaukau mai ana o Konale Gawila, e kunou imua o ka madame ua pahola e aku la nae ua wahine nei i kona mau lim@ i@ua, me ka hopu ana aku i na li@a a @@ua o @ana keiki, nana aku la ma ka helehelena o ke kamaka opio, me na maka oluolu a pane aku la:

"Aole he pono ia kaua na mea iloko o na manao ehaeha, ke halwai kekahi pie kekahi ma ke ano he mau malihini. O wau no keia kou makuahine, ka mea e kamailio aku la ia oe e kuu keki maikai!"

"Ua kupono anei au e kapaia mai he keiki nau?" wahi a Konela Gawila, me ka hapai ana ae i na lima o ka ma dame, a hoopili ae la ma kona mau lehelehe.

"Ua oi aku oe mamua o ke kupono, oiai he keiki oe na kuu hoaloha nei," wahi a ka madame, me ka huli ana ae imua o Kapena Fula. oiai e kulou ana ke poo o ua kapena nei ilalo.

"He keu aku ka mea ehaeha kuu keiki, mawaho ae o na haawina kaumaha ame ka ehaeha i kau aku maluna ou, ua pakuʻiia mai kekahi mau kumu hoohihia ku i ka hilahila ole maluna ou, a owai hoi ia mea hiki ole ke auamo me ka hoomanawanui, i kela mau hana ku i ka lokoino," pane ae ai ka Madame De Galacia, me kona noho ana iho ilalo o ka noho laau, me ka kauoha pu ana aku i ke kanaka opio e noho mai ma kona aoao.

"Ae, mamua o kou ike ana iaʻu, ua manaoio no anei oe, aole i hawahawa koʻu mau lima, i keia karaima i ku i ka weliweli? wahi a Gawila i ninau mai ai i ka makuahine o kana aloha.

"Aole loa au i manaoio iki, he wahi lihilihi iki kou ma keia hana ku i ka hilahia ole"

"O ka Mekia Buna no kekahi i manaoio ole, no ka pili o ka hewa ia Konela Gawila, eia nae, mamuli o na ike e ku ana imua on a, ma ka manawa i ninaninauia ai na hoike, ua hiki ole iaia ke alo ae, mai ka hooko ana aku i kana oihana, o ia ke kakauinoa ana maluna o ka palapala hoopaahao no ke keiki a kaua." i hoakaka ae ai o Kapena Fula i kona manao.

"Malia, e hana mai ana no na kiure, elike me ia a ka Mekia Buna, i hana ai ai, aole a kakou me maopopo i keia manawa." i pane mai ai hoi o Konelya Gawila.

"I ka manawa hea e noho mai ai ka aha no ka hoolohe ana i keia hihia?" i huli mai ai ka madame e ninau ia Kapena Fula.

"Aole e noho ana ka aha, a hala na mahina elua."

"Ua loihi maoli ka kela manawa e kakali ai, a e paa nei kuu manao, mamua ae o ka wa e noho mai ai ka aha. e loaa ana kuu kaikamahine." i hooho ae ai ka madame. me ka huli ana aku imua o kana keiki a hoomau hou aku la i kana kamailio ana:

"Ua hoakaka aku anei kou makuakane nei, i na kahua i kau ai koʻu mau manaolana, no ka pepahi ole ia ana o ko wahine a make?"

"Ae, ua hoike mai nei oia i na mea apau imua oʻu"

"Aole paha he mea e ae a kakou e kamailio ai i keia manawa, o ke alahele wale no e hookuuia ae ai kuu keiki mailoko mai o keia keena paahao. No na kumupale, i ka wa e hooloheia ai o ka hihia, aohe a kakou noonoo ana n@ ia mea. Pehea la kou manao e kuu kapena. in a ao ko kaua hele like aku imua o ka lunakanawai, a hoakaka aku@@u i koʻu manao imua ona, elike no hoi me ia aʻu i hoike aku ai ia oe, e manaoio mai ana anei oia i kaʻu moolelo? He kumu anei ia e hookuuia mai ai kuu keiki, mai kona noho paahao ana?"

Kulou iho la ke poo o Kapena Fula ilalo, me k anoho hamau ana no kekahi mau sekona, alaila aea ae la iluna, a pane mai la:

"Aole i maopopo iaʻu ka ae mai o kela lunakanawai ame ka ole, no ka mea ma koʻu kamaaina i ka Mekia Buna, in a e paa kona manao ma kana mea i noonoo ai, aole loa he mana hana e hoololi ae. No ko kaua hele aku nae e hui pu me ia, aole a kaua hoohakalia ana iho. aohe hewa o ka hoao ma na ano apau, e hookuuia ae ai ka kaua keiki mai kona noho paahao ana. Aole nae e loaa koke ana ka lunakanawai ia kaua, no ka mea ua hala aku oia no kekahi wahi, mahope koke iho o ka maua kamailio ana i nehinei."

"I ka wa hea oia e hoi mai ai? Aole loa he maikai iki o keia wahi kupono ole iaia." wahi a ka madame, me ka luliuli ana ae kona poo.

"O kana mea o ke kamailio ana mai iaʻu. in a aole oia e huli hoi mai ana i keia ahiahi alaila ma ke kakahiaka@ ka la apopo.

l@a pela, ma keia ahiahi no kaua e hele koke aku ai e ike iaia, aole he hoohakaila ana iho. Ina ka hoi e maliu mai ana oia i ka kaua hoakaka, alaila o k hookuu koke ia mai no ia o ka kaua keiki, ma kona haawi ana mai i ke kauoha i ka lunapaahao nui, e hookuu mai ia Konela Gawila."

"Elike me kou makemake e ka madame, pela no au e hooko aku ai." wahi a ke kapena aoo i pane aku ai. "Ua lawa paha keia ike ana iho la ia oe e kuu keiki, e hookuu mai oe e hoi maua, aole no kekahi hana e ae, aka no ka imi ana no ia i na alahele e pau ai kou noho paahao ana," alaila ku ae la ka madame iluna, me ka hoomakaukau ana iho, e haalele ialoko o kela keena haiki.

Kahea aku la o Kapena Fula i ke kiai, a iloko o ka manawa pokole, ku ana ua kanaka nei ma ka puka, haawi ae la hoi ke aloha hope mawaena o na makua ame ka laua keiki o ko laua iho aku la no ia no kahi o ke kaa e ku mai ana kakali.

MOKUNA XX

I kela kau ana aku no o Kapena Fula me kaa malihini maluna o ko laua kaa, o ka holo pololei aku la no ia no ka hokele. no ka ai ana i ko laua aina awakea, a mailaila ae i holo pololei aku ai make alanui, e hoea aku ai no ka home i noho ai ka Lunakanawai Buna.

Me ka holo maoli kela hele ana aku a aKpena Fula me kana malihini, hoea aku la laua no ka home i ku ai o ka Mekia BUa. he hale haahaa kela, i hanaia me ka pohaku, eia nae ua hele a kahiko loa, a e ku ana hoi maluna o ke kahi puu kiekie.

Elike me ke ano o ka noho ana o na home kuaaina ma Merelana, ka wehe hamama ia o ka puka-pa i ka wa ao, pela iho la ke kulana o ka loaa ana aku ia laua nei, nolaila komo loa aku loa no ko laua kaa a ku iho la mamua o ka hale, he mehmeha pu wale no na wahi apau, aole he ikeia aku o ka maaloalo mai o kekahi mea, a ua paa nohoi ka puka, i ke paniia.

Lele aku la ke kapena aoo ilalo, me ka hele an aku e kikeke i ka puka, o kana mea i ike, o ia no ka oili ana mai o kekahi kauwa paele, ma ka aoao mai mahope o ka hale, a o ia ka ua kapena nei o ka ninau ana aku:

"Eia no anei ko haku i ka haku i ka hale i keia manawa? "Ae, aohe ona wahi i koe, he kulana maopopo ole kona e waiho mai nei," me ka noke okoa ana iho o ke kauwa Paele i ka uwe.

"E oluolu mai oe e ka madame e noho iho maluna o keia noho, a e hoomaha liilii oe maanei, ahiki i kuu hoi hou ana mai, a e hele ae hoi au e huli pono i ka oiaio o na mea a keia Paele e kamailio mai nei, Aole e hiki ke manaoio aku na olelo a na kauwa o keia ano, nolaila e hele kino aku no au i ike i ka oiaio," i huli mai ai o Kapena Fula e kamailio i ka Madame De Galacia, me kona uwai pu ana mai i kekahi noho nui, e wahi ana mawaho o ka lanai o ka hale.

I kela ike ana iho o ke kapena aoo, ua pono kana malihini ma kela wahi, o kona komo aku la no ia iloko o ka hale, me ka pii ana aku noluna o ka papahele elua, a oiai ua kamaaina no oia i ka rumi o ka mekia, hele pololei aku la oia no ka rumi ma ka akau, a kikeke aku la me ka ikaika. Na kekahi wahine aoo i hele mai e wehe i ka puka, o keia ka wahine malama hale o ka Mekia Buna, iaia o ka ike ana mai ia Kapena Fula, papani mai la oia i ka puka a paa me ke kuemi ana ae i kona hainaka ma na maka, a o ia ka Kapena Fula o ka i ana aku: "He oiaio anei ka Boina i kamailio mai nei iaʻu, ua maʻi loa kuu hoaloha e Miss Pinelope?"

"Auwe, o oe no ka keia e Kapena Fula, ua kuhihewa loa aku nei au o ke kauka la," i pane mai ai kela wahine, m@ ka hookuu ana iho i kona lima ilalo. "He oiaio ua ma@ loa kuu haku, aka nae he manaolana mau koʻu, e loaa ana no iaia ka maha. Ke hauoli loa nei au, no kou hoea ana mai la, o oe no kaʻu mea mua o ka noonoo ana ae e hooun@ aku i kekahi i loaa i kekahi pilikia nui, pela au i hoopau wale ai ia manao oʻu, pehea oe e kuu kapena i keia manawa?" "Ua pau koʻu pilikia, aka no ko haku, pehea kona kula na oiaio maoli?"

"He kulana kupilikii kona e waiho mai nei, ma na ulia pomaikai wale no, e hala ai iaia he mau hora loihi ma keia mua aku. E hele mai kaua maanei nei, e kamailio ai, he maloʻeloʻe maoli ke ku ma kena wahi," me ka lalau ana ma o ua wahine nei i ka ilimia o ke kapena, a alakai aku la no kekahi puka aniani, kahi hoi p kekahi mau noho e waiho mai ana.

"Heaha keia pilikia nui i loaa i ko haku? I ka wa hea oia i huli hoi mai ai mai kana huakai mai? Malia paha no ka loaa ole iaia o ka hoomaha maikai ana, ke kumu, o keia pilikia i hoea mai ai iaia!"

"Aole oia i haalele hou i ka hale nei, mahope o kona huli hoi ana mai ma nehinehi aku la iaia o ka hele ana aku no kou kakela. Ma kela hoi ana mai, ua kamailio ae oia no ka maikai ole o kona ola kino, eia nae, e hoomakaukau ana no oia no kana huakai, oiai he haa ano nui loa kekahi ana, i manao ai e hele aku e hooko. Mamua nae o kona makaukau ana no kela huakai, ua oi loa mai la ka k@naʻi, no ka mea i ke ao ana ae ma kekahi la mau, aol@ e hiki iaia ke ala ae mai kona wahi moe mai. nolaila ua kauoha okoa ia ke kauka e hele mai, a o kona hoi ana aku nei no ia i keia awakea iho nei, aka nae e hoea hou ma ana no oia i keia ahiahi."

"Heaha ke ano o keia maʻi ikaika loa i loaa iaia?"

"Ma ka ike a ke kauka he korela," alaila noke iho la ua wahine nei i ka uwe.

"O keia no kaʻu mea i hopohopo loa ai, no kona hoolohe ole mai i na mea e aʻoia aku ana iaia, i ka paakiki i ka a i ka papaʻi maka: aka e Miss Pinelope, e hiki ana anei iaʻu ke komo aku iloko o kona rumi, i keia manawa, no ka ike ana iaia?" "Aole oʻu manao, he mau kumu ku-e kekahi no kou kmo ana aku e ike iaia @ ak mea apiki wale no nae e hiki ana paha iaia ke kamailio pu me oe, aole paha, aia nae hoi i ka kaua komo ana aku iloko." alaila ku ae la ka wahine malama hale, a hele aku la no ke keena e waiho mai ana ka Mekia Buna, i ka maʻi. Aia kela manawa, i na hora o ke ahiahi, ua napoo ak@ la ka la, aole hoi i ho-a ia ke kukui, nolaila he ano pouliu oloko o ka rumi ke nana aku, ke ike aku la ke kapena ka moe mai o kona hoaloha, ma kona mau maka, @e ho@ maopopo iʻo aku la oia i na hiohiona o ka make maluna on@ a ke naka wale la no hoi ke kino me ka haalulu, a ke@@ napinaʻi wale la no kana hana ana. Ma ka aoao o ka moe, e kukulu ana o Eta, kana kaikamahine hanauna, aia kona poo iluna o ka moe kahi i ka ai, a e noke ana hoi i ka uwe haloʻuloʻu.

Hele malie aku la ke kapena aoo, a kukuli iho la ma k@ aoao o ka moe, me ka paa ana aku o kekahi li@na, ma k@ poohiwi o ka Mekia Buna, a pane aku la:

"Ke kaumaha loa nei au no keia kulana kupilikii i loa ia oe e kuu hoaloha kahiko loa!"

Kaawa ae la na maka o ka Mekia Buna, i ka lohe au mai i na olelo a Kapena Fula iaia, a owaka ae la kon@ waha me ka pane ana mai iaia: "Auwe o oe mai la ka ia e kuu kapena maikai!" wal@ ana me ka leo nawaliwali. Heaha kau mea e kaumah@ ai no kekahi moku apulu, i paialewaia e na ale o ka moana a ke hookokoke aku nei ia e komo i ke awa o ka lulu am@ ka maha?"

Ua maopopo ia Kapena Fula, ua pololei kela mau ole a kona hoaloha e kamailio mai la, aole he manaolana, @ ka mau o ke ola iloko o kona kino, nolaila ke iho mai l@ aole he manaolana, no ka mau o ke ola iloko o kona kon@ nolaila he mea makehewa wale no kona kamailio ana ak@ kekahi mau olelo holana, ua like pu ia me ka hoopuni puni ana aku i kona hoaloha; ka mea hiki ole ke hookoia." Ke hauoli loa nei au i kou hoea ana mai nei e kuu hoaloha, nau auanei e hooponopono na mea apau, mahope koʻu komo ana aku i ke awa lulu laʻi mao. Aohe me hiki keia ma uwahine ke hana, ua ike no oe i ke ano o n@ wahine, he pihohoi wale, nolaila ua pomaikai maoli a@ i kou hoea ana mai nei," i kamailio hou mai ai ka Meki Buna, me ka hiki pono ole no nae iaia ke hoopuka ma  i kona mau manao, koe wale no ka hooikaika ana.

"Ua hiki ia oe ke kauoha mai iaʻu, i kau mau mea apa i makemake ai e kuu mekia. He hana okoa no kau o k@ hoea ana mai nei, aka he hana hiki no nae i ake hoopanee ia no kekahi manawa okoa aku, no ka mea ke ike aku n@ @u, aole e hiki ia oe ke hana mai i kekahi mea," i pau aku ai ke kapena aoo, me ka leo liilii, me he mea la na@ aole i hoomaopopo mai ka Mekia Buna ia mau olelo, @@ ka mea ua pane hou mai la oia; "Ua hana au i kaʻu palapala kauoha hooilina, i kekahi manawa ae nei i hala, ma ia palapaia, ua hookuu aku au kaʻu amu kauwe apau, e loaa ka noho kuokoa ana ia lakou iho, a ua pau ka noho kauwa kuapaa ana. No kuu home o kuu Eta, aka nae, aole i awa na loaa hoolimalima, n@ ka malama ana aku iaia."

"E waiho mai ia Eta malalo o koʻu malu, ua hiki lo@ iaʻu ke nana aku no kona pono," wahi a Kapena Fula me he mea la, aia mau iloko o kela elemakule ka mana@ lawe mai i na keiki makua ole apau, i mau keiki nan@ ma ka hookama ana ia lakou. "Ke mahalo aku nei au i oe e kuu hoaloha, no kou mano makee no kuu kaikamahine, aka nae ke kaumaha nei au, no ka hiki ole ke hookoi@ kou manao, oiai he ohana no ka Eta e ola mai nei, he kupunawahine, i hoomaopopo ole mai iaia, no kekahi manawa loihi ae nei i hala, aka nae, ua loaa mai nei kana lek@ he pule wale ae nei no ka kaawale; a ua pomaikai no ho@ au, no ak maopopo ana o kona wahi i noho ai.

"Aia au a haulele iho i keia ola ana, alaila na Miss Pinelope e lawe aku ia Eta no Nu Ioka, a wahio aku iaia malalo o ka malu o kona kupunawahine. Ina he manao nui kou no Eta, ua hiki ia oe ke hele aku imua o kela kupunawahine a noi aku i kona oluolu e ae mai, e hookama oe iaia, i keik@ au, a hookipa aku ma kou home, no ka mea ua nele ku@ kaikamahine i kekahi home kupono nona e noho ai." "Me kuu naau apau. ke hoike aku nei au, i ka nui o k@@ hauoli e lawe mai ia Eta i kaikamahine naʻu, a mau h@@@ hopo oe ia mea e kuu hoaloha maikai!"

"Ke mahalo aku nei au ia oe e kuu kapena, pela no h@ ia oe e ka mekia, aka aole loa he mea nana e hookaawal@ iaʻu mai ia Eta mai," i kamailio ae ai o Miss Pinelope. @@ pipilipaa aku koʻu noonoo ia Eta, mahope mai o ka @@@ ana aku o kona makuahine, nolaila aole au e haalele an@iaia: a o ka mea e lawe aku ana i kuu Eta, he pono u iaia ke lawe aku iau kekahi. Ina e manao ana kela kuppuna wahine o Eta, e noho aku oia nei me ia, e lawe pu aku oi iaʻu, i mea nana e makaala i ka pono o kuu keik nei."

"Aole au hopohopo ana no ia mea e Miss Pinelope;  e la we aku ana kela kupunawhine o Eta ia oe e noho pu ma@ ia. O kaʻu aʻo wale no ia oe mai lilo keia mea a kakou e kamailio nei, i mea hooioloke aku i kou noonoo; i noho nae oe ma keia mua aku, a i pau kou hoihoi i ka noho an@ @@a ke kulanakauhale, alaila e hoomanao iho oe, ua hama ma mau na ipuka o keia home kuaaina ia oe, i na manawa apau." wahi a ka Mekia Buna me ka hoomamaia a@@ kona au manao kaumaha no Eta.

Ke huʻihuʻi mai la na lala o ka mea maʻi, ke hio ma la hoi kona helehelena, a ke kailiili mai ka ke ano o kona @anu ana a ia Kapena Fula e nana aku la he keu aku ka u o kona aloha, no ka ike aku i kona hoaloha, ilolo o kona mau hora hope loa, me kekahi kahunapule ole nan@ e malama i kekahi anaina pule nona a o ia kana o ka ninau okoa ana aku: "Aole anei oe i makemake e kuu mekia, e ike i kekahi kahunapule?" "Aole oʻu makemake i kekahi kahunapule, ma keia huakai aʻu, aka owau hookahi no ke hele kohana aku imua o ka Mea Nana au i hana mai."

"Ua hoouna aku nei au i ka lohe i ko makou kahuna pule e hele mai. he manwa hoea wale mai no paha nona i pane ae ai o Miss Pinelope. I kela kuu ana iho no nae o na olelo a Miss Pinelope o ke kikeke mai la no ia o kekahi mea ma ka puka. a no k@ pane ana mai i ak ninau mailoko mai o ka rumi, pane aku @a ka mea mawaho, o ka Rev. Alani oia, ua hele mai ho oia, mamuli o ke kauoha i hoounaia aku ma o kekahi kau wa la. Komo aku la ka Rev. Alani iloko oka rumi me kona kunou ana aku imua o ka poe apau e noho mai ana, alaila hele aku la oia a ku iho la ma ke poo o ka moe, me k@ @ana ana iho me na maka kaumaha ma ka helehelena @ ka meah maʻi. ia manawa i ku ae ai o Kapena Fula a me k@ wahine malama hale, a haalele aku la i kela keena, uo k@ haawi ana i manawa, no ke kahunapule ame ka Mekia Buna, e kamailio pu ai o laua wale no.

I kela hemo ana kau hoi o ke kapena me ka wahine ma@ ʻama hale a ku iho la ma ke poo maluna o ke alapii, pane aku la ke kapena i kona kokoolua, i ka i ana aku: "He malihini kaʻu o ka haalele ana aku nei aia no m@ ka hale malalo, oia ka Madame De Galacia, ke kakali loa mai la paha oia iaʻu"

"Ae, ua lohe mua au nona mai ka Mekia Buna mai oia ka makuahine o Dane he keu aku a ka mea kupaiana @@ eia ka oia pu mai nei kekahi me oe e kuu kapena!" "Ae, ua hele oia a luhi loa, a ua pololi no hoi, no ka mea he moku loa ka maua mau wahi mea@i o ka ai ana keia la. He alahele loa ka maua o ke kaahele ana i keia kakahiaka, no na mile he iwakalua, a i ka hoi hou ana ma nei ua piha hou he iwakalua mile, ma like me kanaa mile ka loihi o ka maua huakai kaahele."

(Aole i pau.)