Ka Nupepa Kuokoa, Volume LIX, Number 38, 23 September 1921 — HIKI OLE KE ALO AE [ARTICLE]

HIKI OLE KE ALO AE

He mea minamina, ka hiki ole i kekahi mau luna oihana, ke hoomauia aku ma ko lakou kulana oihana, ke hoea mai i ka manawa no ka hookohu ana aku i mau panihakahaka ma ko lakou mau makalua, no ka mea o ka aoao kalaiaina ka mua t nanaia ai, a mahope ke kupono o ke kanaka. I kamailio ae la makou i keia ninau mamuli 0 ka hiki ole ia Kiaaina Farrington, ke hookohu hou aku i ka Makai Kiekie W. P. Jarrett, ma ke kulana ana e paa nei, no ka mea ua ui aku ke kiaaina i ke komite kuwaena Repubalika, i ke kanaka kupono no kela wahi, a ua haawiia aku na kakoo ana e ke komite ia John C. Lane, no ia kulana, he hoike ana mai keia, aia: ke kauka'i ana aku a ke kiaaina, maluna o ka aoao kalaiainaa, aole hoi mamuli o kona manao ponoi iho. Me he mea la, iloko o ka noonoo o ka hapanui o ko Honolulu nei poe, aole a lakou kanaka mahalo e ae, no kona kupono, elike la me Mr. Jarrett, ua hooiaio mai oia ma kana itiau hana, 1 kona lilo ana i mea mahalo nui ia, aole wale £ na makaainana, aka e na paahao pu, i kaa aku malalo o kana malama ana. O ke ano iho la nae keia o ke kalaiaina, aohe a kakou hoohewahewa ana no ia mea, a o ke kumu no hoi ia, i kamailio mau la ai, he papale lele wale ka oihana aupuni i ka makani^ Ma ka manawa i kohoia ae ai ka Peresidena Harding, ma ke poo o ke aupuni o Amenka Huipuia, ua hooiaio aku ka poe ko'iko'i o Hawaii nei iaia, aole he mea kupono e ae. no ka noho kiaaina o Hawaii nei, mamua o Konela J. C. McCarthy. a he mea pono iaia ke" hookohu hou mai i kela kanaka ma 'ia kulana; o ka pane maopopo loa a kakou e hoohewahewa ole ai, aole he hana ku i ke kalaiaina, ka hookohu ana o kekahi Peresidena Repubalika, i Demokarata. aka e hookohu mai ana no oia i Repubalika, elike me ka Repubalika ana o kona aoao kalaiaina, pela kakou i ike ai i ka lawe ana ae o Kiaaina Farrington i kela kulana. Ma kela kumu ālakai hookahi, e hiki ole ai ia Kiaaina Farrington, ke hoomau hou aku ia Jarrett, i makai kiekie no xke Teritore, no kona Demokarata ana, aka e hookohu aku ana oia i Repubalika ma ia wahi, elike me kona Repubalika ana. O ke kupono o John C. Lane, a kupono ole no kela kulana, he ninau hope ia, na ka hana a ke kanaka e lawelawe aku ana. e hoike mai; he hookahi nae mea a ke Knokoa e inanaoio nei, ia John C. Lane e noho aku ai nia kela kulana, e huki pu aku ana oia i kekahi heluna nui 6 na Repubalika no ke pani ana ae i na makalua i paaia e na Demokarata, na kulana hoi i kaa aku ai ka mana hookohu iloko o kona mau lima.