Ka Nupepa Kuokoa, Volume LIX, Number 41, 14 October 1921 — Page 5
This text was transcribed by: | Kamehameha Schools Gift To Dr. Chun |
This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Me ka nana ole ae i na poino, ua komo aku la au iloko o kekahi pa nui akea, e kiei ana ma kela ame keia wahi, o kau wale no e lohe aku ana o ia na leo hooho o na kanaka, me he mea la e kamailio mai ana i na olelo kuamuamu. Iie poe no kekahi i loaa aku iau, a ninau aku la ia lakou i ke alahele pololei e hoea as i ke alanui akea, ua kuhikuhi lalau mai la lakou iau, ahiki i kou hoea ana i kahi haiki.
Oiai nae au e huli hele ana i wahi nou e puka aku ai iwaho, ike aku la au i kela Paniolo, a maua i hoolimalima as nana e alakai ia maua ma ke ala kuahiwi, kela kanaka hoi au i ike ai mahope mai, ua hui pu oia me Dukona ame Felipe iloko o ka hana kolohe hookahi. Ina o ua kanaka io nei kela, aole oia i make, elike me ia a maua i ike ai, i ka paa @ ke one pohopoho ma ke kuahiwi, alaila ua hui pu kela kanaka me Migela, a oia kekahi o na lala o ka puulu kanaka, i kaa aku malalo o ka malu o Juana.
Ua alualu aku au i kela kanaka a hoea no ka pa, i loaa mai au ia Kakeo nei, o knoa nalowale no ia; he kanaka okoa aku ka mea i wehe mai i ka puka-pa, a e manao ana au e holo mai a puka iwaho o ke alanui, komo mai la o Kakeo, a hui pu iho la maua i kahi hookahi.
Ma kuu manaoio maoli, in a hoi o kela ke Paniolo nana maua i alakai ma ke alahele mauna, alaila oia ka mea nana i hoike aku ia Migela, aia au iloko o ka pa, no ka mea, ua oili mai la he puulu kanaka nui, a o Mikela kekahi iwaena o lakou, e kau ana maluna o kekahi lio, o ia no oe o kekahi alihikupilikii maoli no ko maua, aka i ka hoea ana mai o ke kaikamahine opio, nana i kauoha aku i kela poe kanaka e hele ma kahi e, pela i pakele as ko maua ola; o keia ae la kea ano nui o kau mau mea i ike ai i keia la
O kekahi kela o na wahne opio mana nui maoli, i pane mai ai o Mr. Kenekona. He oiaio i ka makahiki mua o kou nohopio ana. ua hoomaopopo au i kekahi kaikamahine opio. aole nae hiki iau ke olelo ae, o ua kaikamahine nei keia a oukou e kamailio mai neo, no ka mea aole au i ike aku nei iaia. Ina nae o ke kaikamahine io kela a Juana, a ua makemake o Migela, kela kanaka e ake mai nei e hoopoino i kuu ola, alaila e halawai aku ana kakou me kekahi mau pilikia he nui ma keia mua aku
He mau olelo oiaio kena au e kamailio mai la e Mr. Keneknoa, i pane ae ai o Done Jose. Ua lohe nui au no keia kaikamahine, he mana kona maluna o na kanaka o kona lahui ponoi; in a no ka mare io Migela i kela kaikamahine, aole ana e nele ke ala mai o kekahi mau hoopilikia ana a ka lahui o kela mau mea ia kakou. Ina hoi he oiio ka Konaradi i kamailio mai nei, no kona ike ana mai nei i kekahi kanaka e aku, o kela puulu okipuu, alaila aole a kakou noho nanea wale ana, aka e kiai kakou me ka makaala loa i na manawa apau.
Ua hoike mai nei kela kaikamahine iau, in a kakou e manao ana e hele no ka aina o Inabari, alaila e halawai mai me kakou ma keia wahi.
Alaila ua ku maoli kou hui ana me kela kaikamahine i ke ano hoaloha, i pane mai ai o Mr. Kenekona me ka minoaka pu ana mai i kana keiki.
Ma kou manaoio, ua kamailio mai kela kaikamahine i ka mea oiaio loa, me ka makee e hookaawale kakou mai kahi mai o ka poino. Ma ke ano o kana mea i kamailio mai nei iau ua niaopopo iaia ke koikoi o ka hewa a kona makuakane i hana mai ai maluna ou, no ia hewa, ma kau koho aku, ua makemake kela kaikamahine e kokua mai ia kakou ma na ano apau e hiki ana iaia ke hana.
He elua manawa a kela kaikamahine i hoopakele ai i ko kakou mau ola i keia la, o keia ka hoike nui, no ke kuio o kana mau mea apau i kamailio mai nei iau, a ua konoia mai au e manaoio aku iaia, me ka lawe mai hoi i kana maui ao ana a malama, in a i makee kakou, i ko kakou ola.
Ua kulike kou manao me kou e Konaradi, i pane mai ai o Kakeo. Ma ke ano o kana mau mea i hana mai ai, pela hoi kana mau olelo oluolu imua ou e Konaradi, aole loa e hiki i kekahi mea ke kanalua iho, no ka makemake ole o kela kaikamahine e hookauia mai kekahi mau poino maluna o kakou. a ua mahalo nui au iaia.
O kekahi mea au i mahalo loa ai i kela kaikamahine, aole on a huna i knoa mano maoli, no ka mea ua hoike aku oia imua o Migela, me ka hiki ole ke pku ikui olelo mai me Goriana.
Ma kela wahi o na hoakaka a na kanaka opio, ua haalele nui iho la kela wahi, a hele aku la no kahi o ka hale hoolulu kaahi, me ke kamailio ana aw o Mr. Kenekona:
Ke manzo nie au owai âme Done Jose, wale no ke hele ma keia huakai no Poka Sedona, mailaila ae e hele ae ai no ka aina o Inabari. Ina ua hopohopo olua e na kanaka opio i ka hele pu ana mai me maua ma keia huakai, alaila o kahi no keia o ka maluhia, nohoia iho, ana kela kaikamahine auanei, a ke kanaka ino lapuwale, nana au i hoopaapio, no na makahiki elima, e haawi mai i na kokua ana e palekana ai olua, mai k hoopilikia wale ia mai e na kanaka o keia wahi.
Pehea la oe e kuu makuakane i hoopuka mai ai i kena ano olelo, o ke ano hoohuakeeo, i pane aku ai o Konaradi me ka pii mai la o kona wahi kai, no nal olelo a kona makuakane, a o ia kana o ka pane hou ana mai:
Ma kau mau wahi apau e kuu makuakane i manao ai e hele, malaila pu aku au kau keiki, ame kuu hoaloha nei, e hele ai, me ka nana ole ae i ka nui o na poino ame na popilikia.
Ke ku nei au me kuu hoaloha nei ma kana mau mea apau i kamailio ae nei ia kakou, i pane mai ai o Kakeo. I kuu wa e noho ana me kou mau makua, ua ike au, owau kekahi keiki ino loa; aka nae i ke komo ana iloko o ka hui keaka, me ka ike pu ana hoi i na mea a Konaradi i hana ai, oiai maua oalo ana i na poino ame na popilikia he nui, ua lilo au i keike okoa loa i keia la. Pehea ka nui o na poino e hoopuni nei i ko kakou mau ola, ua makaukau au e ku aku a paio me ia mau poino, a o ka iini nui iloko o kuu puuwai, o ia no kou hoea hou i ke alo o kuu mau makua, a hoikeike aku imua o laua, i ke ano o ka laua keiki.
No kena mau manao hoakaka o olua e au mau keiki, ke haawi aku nei au i kou mahalo nui, nolaila i hookahi no ko kakou hele like ana no ka aina o Inabari, me ka ukali pu ana mai o Done Jose me kakou, ka mea nana e kokua mai iau ma ka hoolilo ana aku i kuu lua lanahu e waiho la ma kela aina. Ina he oiaio no mea a Goriana i kamailio mai nei no ka nui o na poino e loaa ana ia kakou ma kela aina, alaila he mea makika ko kakou hele like ana, he hoomaalahi ana mai ia i ke ku ana aku a paio me na enemi.
Ia lakou nei i hoea aku ai no ka hale hoolulu kaaahi kuai aku la o Mr. Keenkona ame Done Jose i mau kikiki no iakou, mela hoi ka uku ana aku no ko lakou mau ukana a mamuli no o ka paakiki loa o Konaradi e lawe pu no i kona lio, ua hookau pu ia aku la o Demona, me ka hiki ole i ka makuakane ke kue mai iaia.
O done Jose nae ka i hike okoa mai i knoa manao kue ana mai:
Auhea oe e ke kanaka opio, o ke aina a kakou e hele aku ana, he aina panoa ia, me ka uuku loa a ka mauu, e pono ai keia lio au e paakiki nei e lawe. O kekahi no hoi, o kalahele o kela aina he nihinihi loa, me ke akahele wale no e pono ai.
Aole he hophop ana no ka ai a ka lio, no ka mea ua hiki iau ke malama ia Deomona me na meaai kupono; a in a he loihi ke alahele a kakou e hele aku ai a hoea no kahi o ka lua lanahu, alaila e kokua nui ia mai ana kakou, ma ke kau ana kekahi maluna o ka lio a hala mai ana he mau mile, alaila kau ae ana kekahil a o ka mea oiaio no ea, ua pipilipaa loa kou noonoo no keia lio, e hiki ole ai iau ke haalele iho iaia mahope nei.
Ina e halawai aku ana kakou me na enemi, ua hiki i keia lio, ke luku aku i kekahi heluna kanaka nui, me ka hikiwawe loa, ka mea hiki ole ia kakou ke hana, he hookahi wale no wahi e poino ai oia, o ia ke kiia mai i ka pu aka in a he hakaka me na lima, ohe mea nana e hoonahoa mai i keia lio.
Mamuli o kela paakiki loa o Konaradi, ua pau loa ae la na kue ana ma ka aoao mai o Mr. Kenekona ame Done Jose, a oiai nae, aole e haalele iho ana ke kaahi ahiki i ke kakahiaka o kekahi la mai, nolaila huli hoi hou mai la lakou no ka hokele no ka hoaumoe ana ma ia poiho.
He oiaio, ma ke kakahiaka nui o kekahi la ae, aia na kamahele no kahi o ka hale hoolulu, a ma ka hora ehiku ponoi o kela kakahiaaka, i haalele iho ai ke kaaahi, ma ke alahele e hoea aku ai no Poka Sedona.
Ma kela haalele ana iho i ka hale hoolulu, holo pololei aku la ke kaaahi ma kekahi alanui i hanaia maluna o ka uwapo ma ka muliwai Kili, he uwapo hoi i hanaia he eono haneri makahiki i hala aku, me ka mau no o ka paa o kela uwapo. Ma ka aoao akau hoi o kela alahele, e ku mai ana ka Mauna Miki, nona ke kiekie ma kahi o ka iwahalu kaukani kapuai me ka waiho mai o ka lalaui kuahiwi haahaa ma na wahi like ole o ka aina.
No na la elua kela holo ana o ke kaaahi. ua hoea aku la no Poka Sadona, ma ka nuku o ka muliwai kahi o kekahi kauhale no ka hui eli gula o Inabari i ku ai, he wahi i aneane aku elike, me na wahi eli gula ma Kaleponi.
He hokele no ko kela kulanakauhale, eia nae he keu aku a ka pipii o ka noho ana ame ka ai ana ma ka hokele, nolaila aole lakou nei i hoi maloko o ka hokele e noho ai, aka kukulu ae la no i ko lakou mau haleole, me ka hoolimalima ana aku i kekahi kuke, no ka hoomakaukau ana i mau meaai na lakou.
He elua la a lakou nei i noho ai ma kela wahi, o ka Kohana mau o ia no ka hele ana e oki mauu na kona lio,, ua kokua pu mai no hoi o Kakeo iaia ma kela hana, a no na kanaka aoo hoi, o lauau wale no ma ko laua wahi e noho ai, me kaa noke mau ana i ke kamailio, me ka hoolohe ole aku o na kanaka opio i na mea a laua e kamailio ana.
Ma ka elua nae o na la o ko lakou noho ana ma kela wahi, oiai o Konaradi i huli hoi mai ai mai ka muliwai mai, mahope o kona hoohainu ana aku ia Demona i ka wai, ua ku honua iho la oia ma kekahi opu nahelehele, e kokoke ana i kahi i ku ai o ko lakou haleole. mamuli o kana mea i ike aku ai.
Ua kuhihewa loa ua o Konaradi aia no la o Pekelo ke kuke ma kana hana, o ka mea nae nana i hookahaha loa mai i kona noonoo, o ia no kona ike ana aku, i ka oili ana mai o na kuke nei mailoko mai o ka haleola, a e ukalu ana hoi mahope aku on a, kekahi kana okoa, a Konaradi i kamaaina mua ole ai iaia. No kona makemake e ike i ka hana a kela mau kanaka, alakai aku la ua o Konaradi i know lio no kahi e waiho ana o kekahi pohaku nui, alaila kokolo mai la oia ma kahi kokoke ana i manao ai malaila e olili ae ai kela mau kanaka.
Aia kekahi wai mapuna, ma kekahi aoao aku o ka pohaku nui a Konaradi o ka huna ana aku ia Demona, ma kela waipana, i noho iho ai na kanaka elua, me ke puhi ana i ke laua kikalika, a eia hoi o Konaradi ke pee aku nei, ma kahi he umi kapuai ka mamao mai ia laua mai.
"Alaila u apau anei na mea e holopono ai keia hana, i ka hoolalaia?" i lohe aku ai o Konaradi i ka ninau ana aku a Pekelo i kona hoa.
"Ae, in a e hele ana keia poe ili keokeo, me ka ukali ole aku he mau kiai me lakou." i pane mai ai ke kokoolua o Pekelo."
"He liilii loa kahi waiwai e loaa ana i kela poe malihini in a he mau kiai kekahi e hele pu me lakou, no ka mea iloko o ua hoora elua wale no, mahope iho o ko lakou haalele ana i keia wahi, ehoea aku ai lakou, no kahi i noho ai o ko kakou poe kanaka ponoi. E hoea ae ana o Nina ilaila, pela no hoi ka puulu kanaka mai ka pohai mai o Juana me Migela.
"E haawi koke mai oe i kena pahi au e paa mai la iau, a mai hoao oe e hoopoino hou mai i kuu ola. o ike auanei oe. o kuu lio nei ka mea nana e hookau aku i ka make maluna ou."
Lawe io mai la o Kalo i kana pahi,, a haawi ia Konaradi, oiai no nae ke noke wale la no ua kanaka nei i ka namunamu. me he mea la, e kamailio ana oia no kona lolo; me ka lalau ana mai no hoi o ke kanaka opio i ka pahi, a hookomo iho la ma kona kaupo ili.
"Ke makemake nei au ia olua, e hoi pololei no kahi i ku ai o ka halelole, e wiki, aole he manawa no ka hoohakalia ana iho!" i kauoha aku ai o Konaradi i kana mau pio, e hele mamua, a mahope aku oia e makaala ai ia laua.
Ke hoi la ua mau kanaka nei mamua, me he mau keiki kolohe la, i loaa pono aku ka laua mau hana, aia no hoi o Konaradi ke ukali pono aku la mahope o laua me ke kau mau ana aku i kana pu panapana imua o laua.
Aia mau o Konaradi noonoo la no kana mea e hana aku ai maluna o kela mau kanaka, i kona wa e hoea aku ai no kahi i ku ai o ka halelole, iaia no na e noonoo la, oili ae la kekahi noonoo iloko o na, o ia no ka hauhoa ana aku ia laua a paa me ke kaula.
He oiaio, ia lakou i hoea aku ai i kahi i ku ai o ka halelole, ike aku la oia i ka waiho mai o kekahi mau kaula, a o ia kana o ka pane ana aku.
"Ke makemake nei au e kii aku oe e Pekelo i kela kaula a nakiikii aku i na lima o Kalo, mahope o ke kua, alaila makiikii pu aku i kona mau wawae. E hana oe me ka paa loa e hemo ole ai!"
Elike me ka leo kauoha, pela no o Pekelo i hooko aku ai, me ka hauhoa ana aku i na lima o Kalo mahope o ke kua, me ka awiwi, o ia no ka mea e hooko ana i kekahi hana me ke kuio, o ka mea apiki nae, aole he ala iki mai o ke kahi manao hoohuoi iloko o Konaradi no ka hana a kela kanaka.
I ka ike ana aku o ke kanaka opio, ua paa o Kalo i ka hauhoaia i ke kaula, lele mai la oia mailuna mai o kona lio me ke kula i ana aku ia Kalo a hina ilalo. oiai hoi ua kanaka nei. i hoopuka mai ai i kekahi mau huaolelo hailiiiili, a Konaradi nae, i hoomaopopo ole aku ai i ka manao o ia mau olelo ana mai iaia.
Aia nae ma na maka o Kalo kekahi hiona i piha me ke kolohe, oiai ua maopopo iaia, aole o Pekelo i hauhoa aku iaia a paa loa, i pono wiliwili wale ia aku ma.
No ka kaukoa ana aku hoi i na lima ame na waewae o Pekelo hoihoi ae la o Konaradi i kana pu panapana iloko o ka wahi, lalau aku la hoi i kekahi kaula, a hoomaka iho la e nikii i na lima o Pekelo, me kona hoohalike ana elike me ka Pekelo, i hana aku ai i kona kokolua.
Oiai nae ua o Konaradi e hauhoa ana i na lima o Pekelo ke kulou la kona kino imua a ke noke ae la hoi o Pekelo i ka namunamu, me ke kue ole mai nae, i kona hooliloia aku i pio.
I ka paa ana o na wawae o Pekelo i ka hauhoa, hoohuli ae la o Konaradi i kona alo ilalo, no ka nikii ana aku i na limpa mahope o ke kua, o kana nae e haohao la, o ia no ke kamailio hou ole mai o Pekelo iaia, a iloko o kona nanea ua hoopuiwa loa ia ae la i ke anuu ana i kona kuapo ili, ia alawa ana ae ka hana ihope, e ku aku ana o Kalo, aia hoi ka pahi iloko o kona lima kahi i paa ai.
O ka mea oiaio loa, aole i nikii maoli o Pekelo i kona kokoolua a paa, aka ua pono hauhoa wale no oia, ma ke ano hoopunipuni, a hui ihoo hoi, me ko Konaradi hele ole ana aku e nana pono. ua kuhihewa maoli no ke kanaka poio, ua paa kela kanaka ino i ka mikiiia, eia ka aole.
Me he mea la iloko o ko Konaradi noonoo, aole oia e pakele ana mai ka make aku i ka pahi a kela kanaka ino, in a nei. no ke komo hou aku iloko o kona kino, o kona wahi wale no e pakele aona ke koua ana mai o Demona iaia.
Aia no ua lio eleele nei ke ku mai la, ma kahi a Konaradi i kukulu aku ai, ke lio wale la no hoi kona mau pepepoio o kona haku: nolaila mamua o ka hoao ana mai o Kalo e hou i kana phi iaia nei. ua haawi ae la oia i kekahi hoailona, ma ka hokio ana. o ka wa no ia i holo mai ai o Demona imua, me ka haalele awiwi ana iho o Konaraki i kela wahi, a iloko o ka imo ana a ka maka. ua loaa pono mai la o Kalo, i ke kiheluia e na wawae mua o Demona, ke noke la hoi o Kalo i ka uwe kapalili, aohe nae he wahi mea a noho malie iho o Demona, aka, ke kope mau la kona mau wawae. ahiki i ka paa ana aku o na kaula kaohi ia Konaradi. akahi no a ku maile ua lio nei. eia nae ke naka la kona kino me ka haalulu. aole no ka makau i kona haku, aka no ka hele a piha loa i ka inaina.
I kela manawa hoi a Pekelo i ike mai ai i ka lio eleele e pepehi ana ia Kalo, ua olokaa aku la oia iaia a mamao loa i kahi e, no kela makau no, o hookau pu aku auanei kela lio i ka make maluna on a.
Aia ke Kino o Kalo ke waiho mai la. i hele a weluwelu liilii, i na kapuai o Demona, me ke ku i ka manaonao ke nana aku, a me na maka i hele a piha me kela hiona ku i ka weliweli, i nana mai ai o Pekelo, me ka mihi ana iho i kona laki, i ka pakele ana mai kela make mainoino mai.
E noonoo ana nae i Konaradi i kana mea e hana aku ai no ke kina make o Kali, pae ana no ka leo o Kimo Kenekona. i ka i ana mai:
"Heaha keia pilikia." wahi ana me ka awiwi ana mai a ku ana ma ka aoao o kana keiki. He pilikia anei kekahi i halawai me oe.
Huli mai la o Konaradi e nana. ma kahi o ka leo i oili aku ai. a ike mai la oia i kona makuakane. a mahope pono aku hoi on a o Done Jose ame Kakeo Wilikona, a maluna hoi o ka lio kekahi wahine, i paa kona hehelena me kehahi ahimaka manoanoa. a ma kona aoao, hee elua mau kanoka kino loloa, e paa ana laua he mau pu raifela.
I ka ike ana mai hoi o Pekelo i keia poe o ka hoea ana aku, noho ae la oia iluna, a nana mai la ia lakoi, aia wale no nae na maka o ua o Pekelo, maluna o na kanaka olua me na pu raifela, ai kela ame keia manawa, e haawi ana oia i kekahi hoailona i kela mau knaaka, ma kekahi ano e maopopo ai kona manao.
"ohe ou pilikia e kuu makuakane, i huli ae ai o Kona"
"Aohe ou pilikia e kuu makuakane. I na paha aole o Nemai ana ia oe ma keia wahi"
Mamaua o ka hiki ana ia Konaradi ke pane aku i kona makuakane oili mai la kekahi o na kanaka malihini o ka hele pu ana mai me ka lede opio, a kau mai la kana pu raifela imua o ka lio eleele, me ka pane ana ae hoi, me ka leo o ka mea i piha i ka inaaina:
"Mamuli o ka pepehi ana o keia lio kepolo ia Kalo a make, he mea pono e kau pu aku ka make maluna ona!"
Mokuna XXXVII
"Ua maopopo aku la oe iau e keia kanaka, o oe no o Benigo!" i pane mai ai o Konaradi; aole no nae ia he kumu e hookuu iho ai o kela kanaka i kana pu ilalo, a e hoopau ae paha i kona manao e ku aku ia Demona a make, aka i ka ike ana mai o ka wahine opio i hana a kona kanaka, ia wa i pai mai ai oia i ka lima o ua kanaka nei, o ka oni ae la no ia o ka pu, a iloko no hoi o ia manawn hookahi, i kani aku ai ua pu nei, me ka lele ana aku o ka poka i kahi e.
Na kela kani ana ae o ka pu raifela, i hoopihoihoi ae ia Demona, a hoomaka mai la ua lio nei e nee imua, no ka hookau ana aku i ka make, maluna o ke kanaka i hoao mai e lawe ae i kona ola, ua huki e aku la nae o Konaradi i ke kaula kaohi, pela i ko ole ai ka manao o Demona, e pepehi aku i kela kanaka a make.
Ma keia wahi. he mea pono i ka mea kakau moolelo, ke hoakaka ae, o kela wahine me ka uhimaka, o Nina Goriana no ia, kela kaikamahine nana i hoopakele ia iakou nei, mai ke alu i amai e na kanaka ino a o ke kaikamahine hookahi no hoi, nana na olelo papa ia lakou nei aole e hele mai no keia wahi, a i hoolohe ole ia aku ai hoi ia mau olelo e Mr. Kenekona, ame kona mau hoa.
No ka hoopau ana ae i ka phhihihi o knoa mkuakane ame kona mau hoa e ae, hoomaka aku la o Konaradi e hoakaka, i na mea apau, elike me ia a kaua e kaua e ka makamaka heluhelu i ike mua ae nei, a i ka hooki ana iho o ka Konaradi hoike ana aku i na mea apau, ia wa i huli aku ai ke kaikamahine opio, i kona poe kanaka, a noke aku la i ka nuku. me ka piha maoli i ka huhu.
Ua kamaaina au i kela kanaka. o ke alakai no ia a kaua i hoolimalima ai, a i holo mahuka ai mai ia kaua aku, ma ke alahele kuahiwi. i pane mai ai o Kakeo me kona kuhikuhi ana aku ua kanaka nei.
O keia ekahi o na kanaka lapuwale, a in a no i pepehia aku nei oia e Demona a make, us hiki no, o ka uku kupono ia, o na kanaka lapuwale ino elike me kala, a ua pono no hoi ka make ana o kela kanaka e waiho mai la, no ka mea he poe ino maoli no na ilikini ame na hapa ilikini apau.
Ina no e pau loa keia poe kanaka i ka make ia Demona aole no ia he kumu e hoemiia mai ai ko lakou mau inanao kahi e waiho mai la mao, i kumu e hooalaia aku ai ka in a in a iloko o keia lahui kanaka. i pane mai ai o Done JOse. He hookahi wale no au mea e hophop nei, o ia ka hoohalua o kela poe kanaka i ke ola o Demona, a ia kakoa auanei e nane ai, o ka wa ia e hookoia ai ka inaina o keia poe maluna o ka lio eleele.
(Aole i pau.)