Ka Nupepa Kuokoa, Volume LIX, Number 41, 14 October 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo No Wileba Danuba a i ole

Mai ke Kulana Haahaa a i ka Hanohano He Moolelo I Piha me na Hana Hoopahaohao

 

O ka mea oiaio maoli mae, aole loa he wahi manao iki iioko o ke kapena o kela moku. e kuai hoolilo aku ia Dane ma ke kudala. no ka mea o la ikeai mai o kela kaikamahine e kekahi heluna nui o na anaka. he kumu hookomo aku ia iaia nei iloko o ka poino, in a e laweia aku ana ka lohe a hoike i na hoaloha o Dane. nolaila ua pomaikai maoli oia. i ka holopono ana, o na mea i kukakukaia mawaena ona ame M. Rumefoda.

Aia no o Dane ke ku malie la. me ka hoomamaia mai nae o kona noonoo, no kona ike ana iho, aole oia e waihoia aku ana imua o ka lehulehu no ke kuai kudalaia, aka e kaa aku ana oia malalo o ka malu o kela kanaka nana i kua mai iaia, malia e maliu mai ana no ua kanaka nei iaia, ke lohe pono mai i ko ia nei moolelo.

"E nana mai e Zora iau, mai hoikeike mai oe i kou ano nunuha a hoowahawaha paha, no ka mea aole au he kanaka huhu i piha me ka lokoino. Ua lilo mai oe iau, i ke kuaiia mai kou haku mai. a owau aku ana kekuleana maluna ou, nolaila i mea e loaa aku ai ka ike ia oe no kou ano nei, owau kekahi o na kanaka i makee i na kaikamahine opio elike me kou ano."

No ka oluolu o kela mau olelo i kamailioia mai e Mr. Rumefoda a no ka hooluolu ana aku no hoi i ka manao o kela kanaka aea ae la ke poo o Dane iluna a nana aku la i ke keonimana nei ke kaumaha me ka nalohia ana aku hoi o na ano maikai ole mai iaia aku o ka oluolu ame ke akahai ke nohoalii ana maluna o kona mau ano a o ia ka Mr. Rumefoda o ka pane ana mai.

"O kena no hoi paha ka pono e kuu kaikamahine o ka nana mai me na maka oluolu! Ua maopopo no iau he hana ehaeha a kaumaha ke kaawale ana mai kou mau hoaloha mai a ami hou mau makua mai paha aka nae he mae hiki wale no ia e pau ke hala kekahi manawa o kou kaawale ana mai ia lakou mai.

"E hoolana i ka mano e kuu kaikamahine no ka mea e ike aku ana no oe ma keia mau aku aole ou hoaloha e ae aka owau wale no. I loko auanei o ka mahina hookahi au e noho pua mai ai me au e loaa aku ai ka ike ia oe ma ma kahi o kou lilo ana he haku nou . e lilo pu ana au i kauwa malalo o kou mau makemake apau."

Me he mea la, ke hoomaopopo aku la paha o Dave. i ka manao o kela mau olelo a Mr. Rumefoda e kamailio mai la iaia. kulou hou iho la ke poo o ua kaikamahine nei ilalo a o ia ka Mr. Rumefoda i kamailio hou mai ai.

"E hoolana i ka amano e hoauhee aku i kou mau noonoo kaumaha apau, no ka mea he mama wale no kau mau  hana. au i manao ai nau me kou lawelawe ole i na hana oloko o kou home koe wale no ka hana ana mai i na mea e hoohauoliia ai kamanao o kou haku. a nau ka haawi ana i na kauoha i na kauwa lawelawe.

"Aole he manawa hou ku no ke kamailio ana ua pau ae la no ka hana nui au o ka hoea ana mai nei noluna o keia moku ua makaukau ka waapa ke kakali mai nei ia ka ua nolaila e kii i kou puolo e Zora aka in a no aole ou noonoo no ia puolo ua hiki no iloko o na la ekolu mai keia manawa aku e hoolako aku no au ia oe me na lole nani loa au i ike mua ole ai a pela hoi na lako gula e ike maoli iho ai no oe i kou pomaikai o ke kaa ana mai malalo o kau malama ana aku ia oe."

Oiai o Mr. Rumefoda e noke mai la i ke kamailio ke hilinai la ke poo o Dane maluna o ka poohiwi o Venuka me he mea la e hoike aku ana oia i kona kaumaha i ka hele pu ole o ka wahine Paele me ia a o ia ka Mr. Rumefoda o ka pane ana ae:

"Ke ice nei au. ua hookaumaha loa ia aku kou noonoo e Zora, noka haalele iho i kau kauwa mahope nei he keu aku maoli kou nuoonoo ole no ia mea nolaila aole no he lhewa o kou kuai i kauwa lawelawe hou nou e Zora.

"F. Mr. Kapena. he makemake no auei oe e hoolilo mai i keia wahine Paele iau?

E hoomanao nae oe, mai kau i kau kumukuai a kiekie loa. aole ou manawa e noho loihi ai maluna nei o keia moku oiai ke hele aku nei i ke ahiahi."

Ke olu la ka manao o ke kapena i ke lohe ana aku i kela mau hookaka a Mr. Rumefoda, no ka mea aole no oia e kala i makemake ai e hoopau aku i ka noho hana ana o Venuka maluna o kona moku. no ke kumu he wahine haole kana i manao ai i kauwa lawelawe nana. a o kekahi kumu no hoi. e holo aku ana oia no Enelani no laila aole he kupono o kekahi wahine Palele e noho hana maluna o kona moku.

"Aole ou makemake e kuai hoolilo aku i keia wahine Palele No ka mea o keia kekahi o kau mau kauwa hoolohe loa a ua nui kou minamina ke kaawale aku oia mai iau aku: aka hoi no kou pono e kuu hoaloha malia he mea ia e hoomamaia aku ai ka noonoo iloko o Zora ke ae aku nei au e lawe pu oe i keia wahine Paele, ke uku mai oe i ka huina o umi-kumamaono haneri dala."

"Ea aohe no kena he kumukuai he ka maoli no kau i ka makemake i ka hoaloha heaha no hoi kou kumu i hoike ole mai ai i ka mea oiaio i eha haneri dala ke kumukuai o keia wahine?"

Elike no me kela hana mua ana a ua mau kanaka nei ma ke kumukuai kupono no Dane pela no laua i noke ai i ka hoopaapaa no ke kumukuai kupono no Venuke ahiki i ko laua lokahi ana i elima hanari dala. no laila lilo pu aku la o Dane me Venuka ia Mr. Rumefoda a o ia ka ua kanaka nei i kamaiho mai ai i kana mau kaikamahine:

" E hele koke olua e hoomakaukau i ko olua mau puolo alaila hele mai me ko olua haka hou. Ua hana aku au i na mea no olua e hauoli nolala e panai mai olua no ka maikai au i hana aku ai ma o ko olua nana oluolu ana mai maluna o ko olua haku hoi. i ko olua wa e oili hou mai ai. no ko kakou hele ana aku e kau iluna o ka waapa."

Hoi hou aku la o Dane ame Venku nolalo a ka moku.no ka hoakoakoa ana mai i ko laua mau lole iloko o na puolo. a hoi ae la hoi ke kapena me kona kokoolua ma kekahi wahi kupono, no ke kakauinoa ana i ka palapala kuai hoolilo no kela mau wahine elua a no ka uku ana aku hoi o Mr. Rumefoda i ke kumukuai a laua i hooholo ai no Dane ame Venuke.

Aole i loihi kela hoomakaukau ana mai a Dane ma i ko luau mau puolo oili hou mai la iluna o ka oneki aiai hoi ko laua haku hou ke kakali aku la. me ka pan ana mai i ko lana nei wa o ka hoea ana aku imua ona:

"E awiwi aku ka olu hele ana no kahi o ka waapa no ka mea he loa okoa aku no keia a kakou e holo ai ahiki ka pili ana o ka waapa iuka o ka aina aia malaila kekahi kea kahi i kakali mai ai no kakou. he loa okoa aku no ia aahele a hoea no kou home." wahi a Mr. Rumefoda me ka lalau ana mai i ka lima o Dane a alakai aku la no ke alapili ma ka aoao o ka moku, e iho aku ai a kau iluna o ka waapa.

I ka iho ana aku o Dane noluna o ka waapa. lalau  mai la i ka lima o Venuke a kona ike ana aku, i na kaikamahine eluua maluna o ka waapa, haawi aku la i kona lima no ke aloha ana i ke kapena o kona iho aku la no ia noluna o ka waapa, a noho iho la ma ka aoao o Dane.

I ka haalele ana ami o ka waapa i ka aoao o ka moku ua haawi aku la ke kapena i kona aloha hope ma ke ani peahi ana aku i kona lima. he aloha nae o ke ano pahenehene, no kona laki i ka maalahi loa a kona kuai hoolilo ana aku ia Dane, elike me ia ana i hana aku ai ma kela la a pela hoi kona ohi ana mai i kekahi pomaikai ana i moauhane mua ole aii. ma o ka lilo ana o ka wahine Paele. ma kuai i kela kanaka hookahi no.

Aia ka waapa ke holo la ma ka aoao komohaha o kekahi maliwai akea, a no ka hora okoa paha kela noke ana a na kanaka i ka hoe i ka waapa, ua pili aku la ia ma kekahi wahi uwapo uuku, e pili kokoke aku ana i kekahi hale i kukuluia he uwapo kela no kekahi mau mokuahi liilii e pili ai no ka hooili ana i ka whie i kekahi manawa.

Ma kela wahi i lele aku ai o Dane ma iuka o ka aina alakai aku la ko laua haku hoa no kekahi wahi mamo mai ka uwapo mai a malalo o kekahi kumukaau nui i loaa aku ai he kaa e ku mai ana malalo o ka malama ana a kekahi Paele.

Ma ke kauoha a Mr. Rumefoda ua pii aku la o Dane me ka wahine Paele  a noho iho la ma kekahi noho iho la ma kekahi noho mamua e huli ana ko laua alo ihope. a kau ae la no hoi o Mr. Rumefoda ma ka noho mahope e huli pono aku ana imua o na kaikamahine a o ke kalawa Paele nohoi ma ka noho mamua loa.

I ka makaukau ana on a mea apau ma ko lakou mau wahi iho o ka pa aku la no ia o ka huipa a ke kalaiwa i na lio o kalilo aku la no ia aia ka pahuhopu no ka home o keia kanaka aoo.

 

MOKUNA XXIII

No ka hora hookahi paha kela holo ana aku o ke kaa ua ku iho la na lio mamua o ka puka-pa o kekahi home kuaaina he hale loihi keia i hanaia me ka phokau unihihapa a ua hoopuniia hoi kona mau aoao me na lanai, i kulike ai me ke ano o na kauhale. o ia au kahiko.

"Ua hoea mai la kakou no kou home nolaila e lele mai olua e kuu mau kaikamahine ilalo nei!: i pane aku ai o Mr. Rumefoda me kona lele ana aku ialalo, a ukali aku la no hoi o Dane me Vehuke mahope on a.

Ia lakou i ku iho ai ilalo hele aku la o Mr. Rumefoda no ka puka o ka hale a kikeke aku la me ka ikaika nole no hoi i loihi ko lakou ku ana iho weheia mai la ka puka e kekahi wahine Paele momona a o ia ke Rumefoda o ka pane ana aku:

"He keu aku maoli no kou lohi i ka hele ana mai e wehe i k puka in a aole oe e hoike mai ana i kou piha eleu e hoouna no au ia oe e hele me na kanaka hana malia o Kiwini ka mea nana e ao mai ia oe i ke ano o ka lawelawe ana i na hana me ka eleu."

"He oi ae ka pono e hoihoi aku oe iau ame Kiwini no kahi i noho ai o ko maua ohana aole o ko maua noho hana malalo ou, me ka hoomanawanui i kau mau hana ino ia maua."

"Aloe io paha kou ae aku e hoihoi ia olua me ko olua ohana! O kau no ia e noke mau mai ana i ke-koi iau me me ko ike no nae he hana hiki ole loa nau ka ae ana aku i kou manao. Ua lawe mai nei au i keia mai kaikamahine. i mau hoa nou e noho ai: o ke kaikamahine ili keokeo oia aku ana ka haku o keia home, o kona e lawe aku oe ia laua no kekahi mau rumi kaawale. O ka inoa o ke kaikamahine ili keokeo o Zora a o Venuka hoi keia wahine Paele. E haawi pu aku i mau meaai na laua." o ke komo loa aku la no ia o Mr. Rumefoda noloko o ka hale me ka haalele ana iho i na kaikamahine elua malalo o ka malu o ka wahine kuke.

Alakai aku la ka wahine Paele kuke i kana malihini noloko o ka halekuke kahi o ke ahi hoopumehana e a mai ana. aia hoi o Kiwini kona kaikunane malaila kahi i noho ai, a hoolauna aku la oia i na malihini imua o Kiwini me ka pane ana ae:

"E na lele o kou kaikanane keia o Kiwini: a e kuu kaikuknane o Zora keia a o Venuke hoi keia!"

Ku ae la o Kiwini iluna, no ka haawi ana mai i kana kunou ana imua o na wahine malihini. eia nae iaia o ka ike ana mai Venike pane aela oia i ka i ana ae:

" Auwe no ka hoi e, o Venuke no ka keia! Pehea oe e Venuke?"

"Ae owau no keia aole au i manao mua e ike mai ana oe iau i pane aku ai nohoi o Venuke.

"Owai auanei ia mea ike aku ia oe i kou huna maoli no i kou helehelena me ke kulou o kou poo ilalo a o kekahi no hoi owai hoi ia mea noonoo ae e halawai pu ana kakou i keia wahi malihini loa." i pane mai ai ka wahine kuke. me ka luliluli ana ae o kona poo no kona ike mua ole ana ia Venuka.

Kii aku la o Kiwini i kekahi mau noho elua e lawe mai lo no na malihini a o ia ka Venuka o ke kamailio ana mai ia Dane:

"Eia ka noho e hoomaha liilii kaua ahiki i ka makaukau ana o na meaai a e hoolana i ke manao no ka mea he mau hoaloha kela no kaua," me ka panee ana mai i ke noho imua o Dane.

Noho io iho la o Dane ilalo no ka hoomaha ana a waiho aku la hoi o Venuka i na puolo o laua a kokua aku la i ke kuke ma ka hoomakaukau ana mai i na meaai no ko laua aina ahiahi. I ka wa hea e ai ai ka haku o kakou?"

"O ka hora umi o ka po kona wa e aia ai." i pane ae ka wahine kuke oiai oia e ninini aku ana i ka wai wela iloko o ka ipu kope.

"Pehea olua i hoea mai ai i keia wahi?" i ninau aku ai o Venuke i ka wahine kuke.

"Ua kuaiia maua o Kiwini ma ke kudala i ka manawa i lilo mai ai keia home ia Mr. Rumefoda a pehea hoi oe i kea mai ai malalo o keia haku hookahi?"

" Ma ka ulia laki wale no." wahi a venuka. me ka hoakaka pono ana aku. i ke ano o kona kaa ana mai malalao o Mr. rumefoda. me kona akahele loa nae aole he kamailio wale aku i na mea e pili ana i ko dane moolelo. aka na kela kaikamahine ponoi no e hoakaka ae i kona moolelo . i ka makaukau ana hoi o na meaai iluna o ke pakaukau. pane aku la o venuka i ka wahine kuke me kona kaikunane: "Aole e hiki ia zora ke noho pu mai me kakou maluna nei o ke pakaukau. ua hiki no oia ma ka puka aniani.e lawe aku no au i kana mau meeai malaila" o ka lalau iho la no ia o venuka i ke pola kone me kekahi pa palaoa. a waiho aku imua o dane. me ka pane ana aku: "Eia keia mau meaai. e hoopoina oe i kou mau manao kaumaha apau. a e ai aku i na mea e loaa ana. aia ka pono. o ka mau o ka ikaika iloko o ke kino"! Haawi mai la o Dane i kona mahalo. me ka ai ana aku i na meaai o ka waihoia ana aku imua on a. a i ka maona ana. ia wa i pane aku ai ka wahine kuke: "E alakai aku au ia oe e zora no kahi o kou rumi!" o ka eu ae la no ia do dane iluna, a hahai mai la mahope o ka wahine kuke, no kona makemake e loaa he manawa iaia hookahi wale no e noonoo ai, no kana mau mea e hana aku ai no okina pono. I ka hoea ana aku o dane noloko o kona rumi. a i ka haalele ana aku hoi o ka wahine paele iaia. o kana haaa mua loa. o ia no ka nana ana i na puka aniani in a paha ua aa maloko aku. e hiki ole ai i kekahi mea ke wehe mai mawaho: he oiaio ua paa loa kela mau puka aniani. me ka hiki ole no iaia ke wehe.

Hele mai la oia e nana i kekahi puka, e paa ana ma ka aoao o kona rumi. ua paa no i ke kina. ma kekahi aoao mai pela no hoi me kekahi puka okoa aku. aia no mawaho mai kahi i kiia ai ua lilo keia e mea hoopilikia loa mai i kona noonoo. mamuli o ka hoomaopopo ana iho, aole e hiki iaia ke hana aku i kekahi mea. e palekana ai oia. in a nei no ke komo mai o kekahi mea iloko o kona rumi. i kona wa e pa'uhia loa ai i ka hiamoe. Ike iho la ua o dane ua hoolilo maoli ia no oia he paa hao nolaila aohe mea hiki iaia ke hana ae. i wahi nona e pakele ai mai ka nana mai o ke kanaka i hoolilo iaia iho i haku no ia nei. Me na manao kaumaha he nui i haule iho ai ua o dane maluna o kekahi noho. eia nae. haha ae la kona lima i kahi o kana pahi i waiho ai, o kela wale no ka manaolana hope loa iloko on a, no ke ku ana aku a paio me ka mea e hoao maianae aaaaemfwyp cmfwyp shrdlu cmfwypooooo hoao mai ana e komo i loko o kona rumi. me ka manao kolohe. a o ka manaolana hope loa no hai ia. no kona lawe okoa ana ae i kona ola iho mamua o ka lanakila ana o ka manao lapuwale o kekahi mea e hookau mai maluna on a. wehe okoa ae la oia i kana pahi a paa iloko o kona lima. aia no oia ke hoomau la i ka noho ana iluna o kela noho. me kona hooholo ana iho. aole e hoi aku noluna o ka moe e hiamoe ai. aka malaila no oia e noho ai no ka hakilo ana i ke komo mai o kekahi mea iloko o kona rumi. ana no nae e hoohuoi mau la e hoao ana o Mr. Rumefoda, e komo aku iloko o kona rumi. No kekahi manawa loihi kela noho malie ana o dane maluna o kona noho ua puili ae la oia i kona mau lima. alaila waiho aku la i kana leo pule imua o ke akua. e nonoi aku ana i kana mau hoopakele ana mai iaia nei, aole wale no mai ka hoopoinoia mai e ka mea pakaha. aka e nonoi pu aku ana. e loaa iaia ke kuleana e hoohana ai i kana pahi. nonoi pu aku la no hoi oia. no ka haawi ana mai o ke akua i na hoopakele ana iaia. e hoea hou ai oia imua o kona mau hoaaloha.

Mokuna XXIV.

No ka hapanui o kela po, aole e hiki i ua o dane ke hiamoe. aka i ka hoea ana nae i na hora o ka wanaao, akahi no ia a ike iho i ka lulumi mai o ka makehiamoe i kona mau maka. ke hooikaika la oia e kaakaa ae na maka aole he hiki, nolaila ae okoa aku la oia e nohoalii mai ka makehiamoe maluna on a, me ka hoopoina loa ia o kona noonoo i na mea e hoopuni ana iaia. Mailoko mai nae o kona hiamoe kulipolipo. ua puiwa oia i ke kikeke ana aku o kekahi mea mawaho o ka puka o kona rumi. ala ino ae la oia. me ka alaalawa ana o kona mau maka ma o a maanei. aole on a ike aku i kekahi mea. he o ia ma ono na mea apau oloko o ka rumi. elike me ia ana o ka hoomaopopo ana. He hookahi nae mea ana e hoomaopopo la, ua piha oloko o ka rumi i ka malamalama, aole oi elike me keia manawa aua i haule aku ai hiamoe, ka pouliuli. Iaia no nae e noho la. lohe hou aku la oia i ke kikeke mai mawaho o ka puka. me ka pane pu ana mai o kekahi leo: " E Zora! E ala ua awakea! Ua loihi maoli kou hiamoe ana e kuu kaikamahine!" "Owai kela e kamailio mai nie?" i pane aku ai o dane. me kona hoomaopopo ana aku nae. i ka leo o ka wahine a'aele kuke. "owau no keia e kuu hone o kile! aia ka haku o kakou ke kakali mai la o kou ala aku. no ka ninini ana i kona kope." Hoi pono mai la ko dane noonoo maikai i kela manawa no kona kulana pio. alaila nui iho la kona hanu. no ka hala ana o ka po. me ka loaa ole o ka hoohalua ana i kona ola. cia nae. he hookahi pilikia e kau mai la imua on a. o ia no ke ano o na hana manaoia nana e lawelawe aku ma kela la. Ku ae la nae oia iluna, a hele aku la no kahi o ka puka. a iaia i ike iho ai, aia mawaho mai ka hemo o kela puka, ia wa i kamailio aku ai oia. i ka pane ana aku: 'Ua hiki ia oe ke komo mai iloko nei, aia ka hemo o ka puka mawaho mai!" "Ea he keu aku maoli ka hikiwawe o kou komo ana i kou lole. E manao ana ka hoi au. i kou pane koke ole ana ae nei ia'u. ua pa'uhia loa la oe i ka hoamoe! heaha kou puka?" kumu i pane mua ole ae ai i kuu wa i kikeke mai ai i ka "Ua pa'uhia loa au i makahoiaaaaaeemfie emfw vbgk cm "Ua pa'uhia loa au i ka hiamoe. No ka hapanui o ka po i hala. he kiai wale no ka'u hana. me kou noho ana iluna o ka noho me ko'u lole. ua hopohopo iloko o'u, "Heaha kona kumu o hana ana pela?' wahi a dane. me ka piha i ka huhu, me ka hoomaopopo ole iho nae i kona kulana oiaio. o ka noho ana aku maloko o kela home. Ua hele o dane a piha i ka huhu. no kona hooliloia ana  i pio. aka nae. uumi wale iho la no oia i kela linuuhu ona, a o ia ka kili o ka pane ana mai: "E wiki kaua. ke kakali loa mai la paha o Mr. rumefoda. in a e pii mai i ka inaina o kela kanaka. aohe mea e maalili ai: nolaila e uumi i na mano maikai ole iloko ou. a e hele ae e ninini i kona kope!" Awiwi iho la o dane i ka holoi ana i kona maka. a hooponopono iho la no hoi i kona mau lauoho. ame kona lole hoike mai la i ka wahine paele. ua makaukau oia no ka hele ana aku e hana no kona haku. a o ia ka kili o kapane ana mai: "Ina ua makaukau oe ea. alaila e hele koke ie kaua ke kakali loa mai la paha o rumefoda, na'u e alakai aku ia oe no ka rumi aina." "in a ua makaukau oe ea alaila e hele koke ae kaua. ke kakali loa mai la paha o rumefoda. na'u e alakai aku ia oe no ka rumi aina.: alaila puka aku la ua wahine paele nei iwaho. me ka ukali ana aku no hoi o dane anahope on a. Ia laua nei o ka hoea ana aku no ka rumi aina. aia mahope o ka hale ike aku la o dane. i na lako hoonani oloko. he koki loihi e waiho mai ana ma ka paia. he pahu-ku waiho pa, a he pakaukau i haliiia me ka pale keokeo, a e waiho ana hoi na meaai iluna.

Ua haliiia ka papahele o kela rumi i ka moena a ana la na pale puka aniani ke kuuwelu mai ka ma napuka aula eha o ua rumi nei.

Ke ire pu la o Dane ke hoomakauakau ai @ o ke pakaukau a o na meaai i hoomakaukau ai @ mea hookahi wale no no laila ua hoopiha loa ia @ mea hookakhi wale no nolaila ua hoopiha loa ia mai @ kaikamahine opio me ka hauoli no kona noho pu ole @ kela kanaka e ai pu ai a ua oi aka hoi kana makemake ai lilo oia i kuene a i ole ma kekahi kulana kaahaa e ae @ mamua o kona koiia mai e noho aku imua o ke kanaka i @ i haku nona.

Kii aku la o kili i ke kikia kepe a lawe mai la nolu o ke pakaukau me ke kauoha ana mai ia Dane e ku ma kaukau on a ma ka aoao o ke pakaukau o ke kii aku la no o ua wahine Paele nei ia Rumefoda oiai hoi ua kanaka i e holoholo ana mawaho o ka lanai o ka hale.

I ke komo ana mai o ua haku hou nei o Dane ua hele kona helehelena a lamalama a ua hao mai hoi oia a paila iaia me kekahi paalole keokeo ma kela kakahiaka nui a i papale panama hoi ma kona poo. Hele mai la oia a kokoko i ke pakaukau aina  wehe aw la i kona papale a waiho aku uluna o ke koki a nho ihu la ilalo me ka pane an mai i Dane me ka piha hoihoi loa ma kona mau maka:

"Auhea oe e ke kaikamahine opio ke manao nei au a pau kela ano nunuha ou no ka mea ua haawi aku au manawa nui kupono nou e noonoo ai i kau mea pono hana mai au iau."

Kunou wale aku la no o Dane me ke kulou ana iho o ka na poo ilalo me ka puai ole aku nae hookahi huaolelo a o ia ka ka Rumefoda o ka pane hou ana mai:

"Ina o kena kunou au o ka haawi ana mai la a he @ ana mai ia no ka ae no kau mau olelo ia oe alaila ua hoopiha mai oe i kuu uhane me ka hauoli. E ninini mai oe pola kope nou a e hana iho oe a nui ke kopaa iloko me ka waiu," alaila lalau aku la oia i kekahi pa pipi palai ninini mai la iloko o kana pa me ka lalau pu ana aku i ke kahi mau apana palaoa.

Ninini iho la hoi o Dane i ke pola kope o kona haku, hana aku la elike me na mea i kauohaia mai ai iaia a waihaku la ma ka aoao o Rumefoda alaila hoi ae la eia a ka ma ke poo o ke pakukau no ke kakali ana aku i  na kauono mai kona haku mai no kana mau mea i makemake ai.

"Ea aohe ou wahi mea a kamailio iki mai i kohu no paha ka ai ana iho ea i ka loaa o ka hoa olelo heaha keia ou ke mai nei no anei kela niniha i loko ou. wahi a Rumefoda me ka lalau ana aku i ke pola kope a inu ae la.

"Auhea oe e Mr. Rumefoda," i owaka ae ai ko Dane waha, no ka hoike maopopo ana aku i kona manao ke ku hoi ua kaikamahine nei iluna me ka pololei e hoike aka ana imua o kela kanaka i kona kulana oiaio maoli a ma mua nae o ka hiki ana iaia ke hoopuka hou aku i hookahi huaolelo ua kahamaha mai la o Rumefoda iaia i ka pau ana mai iaia:

"Ua kapa mau mai kau poe kauwa iau he Haku: ua kapa mai hoi kou poe hoaloha iau o Mr. Rumefoda: ua kapa mai ka poe kamaaina loa iau ma ka inoa Banaba.

"Ke mahalo aku nei au ia oe no kena mau hoakaka aka he mea liilii wale no nae ia i kou noonoo."

"Ea e ke kaikamahine opio ihea kahi i loaa ai ia o o kena mau olelo maikai au e kamailio mai nei?"

"Ke hauoli nei au i ka loaa ana aku o ka ike ia oe ei me au na ano amikai a no kau ninau hoi eia no ka pane. Ua hoonaauaoia au maloko o ke kula o na wahine opio, mana Mauna Uliuli in a he makemake kou e ike ikou wahi hoonaauaoia ai.

"Ua loaa mua iau ka noonoo e noi aku ia oe i keia kakahiaka e haawi mai manawa nou e kamailio ou ai oe i kela kakahiaka e haawi mai i manawa nou e kamailio pu ai ma oe. aole no kekahi manawa loihi aka no na minuke paha he iwakalua ke oluolu mai oe i kau noi."

"No na manao ou ea aia a pau ae kau ai ana alaila hoolohe aku au i kau mau mea apau i makemake ai e ka mailio mai iau. He mea hiki no ia oe ke kamailio mai keia manawa o ka apiki wale no aole e hiki iau ke ai a kamailio i ka wa hookahi a o kekahi no hoi aole paha pau pono kau mea e kamailio mai ana i ke komoiloko o kou mau pepeiao oiai e lilo ana kou noonoo i na meaai." wahi a Rumefado em ka haawi ana mai i kona polu no ka hoopiha hou ana aku o Dane i kope nona no ka elua o ka manawa.

O ka ai hoi ia a ua kanaka nei ahiki i kona maona ana ku ae la iluna me ke kaomi ana iho i ka hele kahea a ka olii ana mai o Kili ka wahine Paele kauoha aku la iaia e hoihoi i na meaai a e hoomaemae i ke pakaukau e kona wehe aku la no ia i kekahi puka ma ka aoao o kela rumi. eia ka ke keena hou aku no ma kekahi aoao mai iloko o kela rumi i komo aku ai oia me ka hele pu ana aku o Dane mahope on a.

Ia lana i komo aku ai maloko o kela rumi noho aku la o Rumefoda maluna o kekahi noho aka huli mai la imua o ke kaikamahine opio a pane maila:

"He nani ia ua hoea mai la kuaa maanei nei kahi e lohe ole ia mai ai kaua mau mea e kamailio ai nolaila heaha keia manao nui au i makemake ai e hoike mai imua ou?"

Aia o Dane ke @ la me ka noonoo ana i ke ano o kana mea e kamailio aku ai a no kona pane ole mai pane aku la o Rumefoda i ka i ana mai:

"Heaha keia mea au e noonoo mai nei aia anei kekahi mea @ haaelele aku mahope au i makemake ai iau e kuai aku iaia a hoihoi mai i hookahi ka noho like ana me oe ma keia wahi? He makuahine anei kela mea hou a i ole he kaikaina paha a i ole he keiki uuku paha. E hoike koke mai i kou manao a in a no hoi no ke kupono alaila e hana aku na au i na mea apau e hooluoluia ai kou noonoo ke lilo nae hoi oe i mea hooko i kou mau makemake apau."

"Auhea oe e Mr. Rumefoda ua kuhihewa loa oe ma kau mau mea e kamilio mai nei: o kamanao au i ake ai e kukakuka pu me oe i keia kakahiaka aole ia no na mea au  i hoakaka mai nei aka he manao  ano nui loa. i pili loa i kou pono ai kou pono no hoi."

"Ina pela o keia ka manawa au e lohe aku ai i kou mamo a mai hoao oe e hoolalau ae e hoopau manawa wale ai no au ma ka hoolohe ana aku i na mea waiwa ole."

"Eia ua mana nei: ua hana hewa loa ia mai au a ua hoopilikia ia mai hoi e ke kanaka nana au i kuai hoolilo mai ia oe a ua hoopunipuni ino loa mai oia ia oe i na mea e pili ana iau. Ua manano mua no au o hoike mai imua ou i ka mea oiaio maluna o ka oneki o ka moku iaia e pahele mai ana i kou noonoo me na mea oiaio ole ia olua e kamailio ana no ke kuai ana iau ake nae n na kumu maikai elua pela i noho hamau loa ai au me ka puai ole he hookahi huaolelo.

"O ke kumu ekahi in a no kou hoike ae in a mea oiaio e pili ana iau ame na hana a kela kapena maluna ou ahiki i kou kaa ana malalo o kona malu e hookauia mai ana kekahi hoopilikia ana maluna ou e kela kapena a e ku mai ana no hoi oia ame kona poe kanaka a olelo mai he@ kaikamahine hoopunipuni au a ua pupule ia hoi ame na hana e ae e hiki ole ai iau ke lanakila maluna o lakou.

"O ka lua in a no kou manaoio i na olelo a kela kanaka a i ole i kau mau hoakaka paha e pili ana iau alaila e hoopau ana oe i kou manao e kuai mai iau a kua aku malalo o kou malu ma ia ano e mau aku ana kou noho pio ana malalo o kela kapena ino oiai nae o ka iini hookahi iloko ou i na manawa apau o ia no ka lele mai iuka nei o ka aina.

(Aole i pau.)