Ka Nupepa Kuokoa, Volume LIX, Number 41, 14 October 1921 — E HOLO PU ANA ME NA KOMISINA HOME HOOPULAPULA. [ARTICLE]

E HOLO PU ANA ME NA KOMISINA HOME HOOPULAPULA.

Ma keia mahina ae e holo aku ai ke komisina o na Home Hawaii i Molokai a e ukali pu aku ana ia komisina ekolu mau kanaka akamai i ka oihana mahiai, elike me ia i hooholoia ma ka halawai a ke komisina o ka noho ana ma ka Poalua nei. E hoihoi mai ana kela ame keia o keia mau kanaka aka mai i ka oihana mahiai i ka lakou hoike no ka lakou mau mea i huli ai a i ike ai, a i noii ai maluna o kela mau aina e hookaawaleia ana no ka hoopulapula ana ma Molokai, e pili ana i ke ano o ka lepo, ka mea kanu kupono e kanuia ame na mea e ae e pili ana i ka lakou hana i hoounaunaia aku ai imua o ka papa komisina o na Home Hawaii. Ma kela kelepa a ke komisina e holo aku ana o ka lakou hana nui o ia no ke koho ana i na apana aina no ka mahelehele ana a no ka hooholo ana i ka nui o na eka o kela ame keia apana aina mahiai a hanai holoholohona paha He nui ka hana e pili ana i kela mau aina home hoopulapula e hanaia aku ana, elike me ia a G.P. Cooke, ke kakauolelo mana hooko o ka papa Kemisina, o ka hoike ana ae. Aohe enekinia i hookohuia ma keia halawai a ka papa komisina o ka nohu ana a ma ka hoakaka a ke kakauolelo G.P. Cooke aohe no'i makemake kokeia ka hookohu ana aku i kekahi enekinia ia manawa, he hana hiki no ia ke hooholoia mahope aku