Ka Nupepa Kuokoa, Volume LIX, Number 41, 14 October 1921 — O MRS. MARY HAOLE BENAVITZ UA HALA. [ARTICLE]

O MRS. MARY HAOLE BENAVITZ UA HALA.

Ma ka Poaono 0 ka pule aku la i hala i haalele mai ai 0 Mrs. Mary Haole Benavitz i keia ola ana me ka hikiwa%ve loa ma ka manawa ana e holo mai ana maluna o ke kaa uwila 0 ke alanui Liliha no ka halema'i 0 na poino ulia, a mamua nae 0 kona hoea ana mai i *ka halema'i ua lele koke ae la kona aho me ka hikiwawe loa. No kekahi manawa loihi i hala aku kona hoonawaliwaliia ana me ka ma'i puuwai, ua huliia ke ola i na kauka aohe'hopena pomaikai i loaa, 0 ka mea i ikeia ua haalele koke mai la oia i keia ola ana. Ua hanauia oia ma Hilo, Hawaii, he 43 a oi makahiki i hala, a iaia i hala aku la ua haalele iho oia mahope nei e kumakena aku nona he kane me ehiku mau keiki, o kana bebe muli loa he elua mahina wale no. Maloko o ka hale waiho kino make 0 Mr. H. H. Willio-ma kona kino kalii 1 waihoia ai ma ka po Sabati a ao ae ka Poakahi, Okatoba 10 a ma ka hora 3 p. m., i hoolewaia aku ai kona kino wailua no ka Iliua 0 Koula, ma ke alanui Moi Hema. , Malalo o ka. malama ame ke kiai ana a ka AhahUi Ka Hale 0 na Alii o Hawaii kona kino wailua ahiiki i ka laweia ana aku e hoomoe ma ka Hina o Koula. Ma kona moolelo o kekahi oia o na makuahine aloha ohana, he oluolu a he lokomaikai a he heahea i na mea apau e maalo a'ku ana ma <koua ipuka hale. He hoaloha oiaio a he makamaka hoi i haiamuia e na ano maikai apau ahiki wale i kona hala ana aku la, a nona au e hoomanao niau nei me ka minamina nui.

Mahope iho o ka loaa ana mai o ka lono, no ke apono ana mai nei o ka aha senate. 0 ka Ahaolelo Lahui i ka inoa 0 Eaymond C. Brown, i kakauolelo no Hawaii nei, i lawe ae ei oia i kana hoohiki oih&na, imua 0 ka Lunakanawai Eemp, ma ka Poalua iho nei, me k& lawe koke ana ae i ke kulana kakauolelo, ma kahi o ke Kakauolelo C. P, lauiea i pau ioha manawa.