Ka Nupepa Kuokoa, Volume LIX, Number 43, 28 October 1921 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepea kuokoa Honolulu, T. H. POALIA OKATOBA 28, 1921.

 

He Moolelo no ko Helena Simoa Lanakila Ana

A I OLE

Ka Hoowalewaleia Ana o Halebatona

 

 

Ua loaa mus ia Mrs. Simoa ka ike he elua mau manao iloko o Hete* Walaka o ia hoea ana mai la. no ke kaalio ua loaa o aku kana apono ana no ka hoohiwahiwa ana ia kaa. a no ke kokoolua e kau pu ai me hete oia kona manao i koe e nui mai ana.

 

 

Mamuli o keia hoea ana mai la o Miss Walaka me ka hoihoi. kela ano mau no i ikeia maweana iho o lakou, i loaa iho ai ka manao is Mrs. Simoa aloe i mahui iki ka ohana Walaka i kekai moolelo e wawaia ana ia manawa ma ke mea e pili ana ia laua, a ina no paha ua mahui iki lakou aole no paha lakou i manaoio ia moolelo. a no ka mea, ua maopopo ia lakou ka oiaio ole o ia moolelo, ua kamaaina lakou i na ano maikai apau o na lede Simoa mai ka manawa mua mai o ko lakou hui ana.

 

 

"Aohe o'u ku-e ana aku i kau noi no Helena; ina nae o Helena e makemake ana e kau pu me oe, no ka mea, he mea maikai ole na'u ka hookikina wale ana aku no iaia e ae aku i kou manao me kona makemake ole," wahi ana, me ka huli ana ae e nana ia Helena me ka helehelena hoo-huoi no ko Helena ae ae paha ame ka ole.

 

 

"A e Helena, e hoike mai oe i kou ae a no ka mea, ua paa mua kuu manao, mai kela manawa mai a papa i haawi mai ai i ka ae no ko'u komo pu ana ma kela kai huakai hookahakaha, o oe ko'u kokoolua e kau pu ai maluna o kuu wahi kaalio, aohe o'u makemake e kau hookahi me ka nana mai o ka lehulehu ia'u," wahi a Miss Walaka me na make hoihoi

 

 

"E Miss Walaka* e* haawi aku ana au i ko'u ae me ka hauoli loa, no ka mea. owau pu kekahi i makemake e komo pu aku ma kela kai huakai ma kela la, ua ike oe ia mea, koe wale no keia, e ae pu mai oe owau pu kekahi e kokua aku ia oe ma ka hoomakaukau ana no kela la ano nui."

 

 

"O. me ka mahala nui ia oe, e Miss Simoa, no ia ae maikai ana mai la au me ka manao maikai: ua manao mai nei no au pela o oe kekahi e komo pu mai ma ka hoomakaukau ana. a nani hoi ia ua haawai mai la no oe i kou ae, ke haawi aku nei au i ko'u mahalo nui ia oe.

 

 

"Eia hou, ma keia mau la aku. e hoomaamaa ana au ia'u iho ma ke kalaiwa ana i kela mau lio, i maa laua i ko'u leo. a i kamaaina no hoi au i ke ano, o ia mau lio, malia he mau lio puiwaiwa paha laua. a oiai au e hoomaamaa ana ia'u iho. o oe pu kekahi a'u i makemake ai e Helena, e kau pu me a'u. Pehea la ia i kou manao?

 

 

"Aole o kaua wale no ke kau ana maluna o kela wahi kaa. O ke kalaiwa pu ana kekahi e holo pu me kaua.. I hiki ai iaia ke aoao mai i ke ano o ke kalaiwa ana. no ia kumu aohe au mea e maka'u iho ai no ko kaua halawai me kekahi ulia." wahi hou a Miss Walaka o ka pane na mai me ka hoihoi mau o kona mau maka ame ke ano o kana kamailio ana.

 

 

I ka holopono ana o keia mau kukakuka ana mawaena iho o lakou. alaila huli ae la ka lakou kamailio ana ma na mea e ae. ma ke ano o ka launa ana. ahiki i ke kani ana mai o ka hora umi-kumamalua ma ka uwaki nui e kau ana maluna o ka pahuku o ka rumi aina. ia manawa i eu koke ae ai o Miss Walaka no ka hoomakaukau ana e hoi aku, me ka maikai ole o kona noonoo no kona loihi loa o ia noho ana ilaila.

 

 

"E Helena." wahi a Mrs. Simoa ia laua i noho kokoolua iho ai maloko o ka rumi mahope o ka hoi ana aku o Miss Walaka." Ke ike nei au oia mau no ka maikai o ka noonoo mai o ka ohana Walaka no kaua. Ua kuhihewa au mamuli o ko lakou hele ole mai la e ike ia kaua ua hui pu aku nei la laua me kela poe a hoino* mai nei ia kaua, no ia kumu ua hana hewa au iloko o'u iho ma ka noonoo ana iho o lakou kekahi i hoohuli pu mai i ko lakou mau kua ia kaua. eia nae. ma keia hoea ana mai la o Miss Walaka ianei i keia la me ka hoihoi ua ahewa loa iho nei au ia'u iho.

 

"ke ike nei au i ko lakou manaoio mai ia kaua he mau holona* no lakou, nolaila e hana aku ana au elike me ka hiki ia'u no ka hoike ana aku ia ohana he oia mau no ko kaua* noonoo maikai no lakou, a e hoike aku ana au ia ana* makaua* hana aole ma ke olelo wale no.

 

E ki mai ana Mrs. Walaka ia'u no ka lawe ana aku i ka holokaa* me ia i keia auwina la. nolaila ma nei hope aku e hele mau aku oe i ka holokaa me Miss Walaka ahiki i ka la hookahakaha. a ke manao nei au ma keia mua hu* e lilo ana ia i mea na lakou e kamailio nui mai ai, aka. Heaha ka kaua nana aku ia kamailio mai a lakou, hookuu aku ia lakou e kamailio mai. o ka hana wale no ma ko kaua aoao oia ke ao iho i ka noho mailie, me ko kaua makaala mau ma ko kaua aoao i ko kaua mau kulana ame ko kaua mau inoa maikai." i pane aku ai ka makuahine. Huli ae la o Helena a kau mai la i kona lima maluna o ka a-i o ka makuahine, me ka haloiloi o na waimaka ma kona mau maka. a i mai la:

 

"Nou kou pono e kuu maina aloha ua piha loa au i ka hauoli. a no ka mea, ua aneanee naha kuu puuwai i ko'u hoomaopopo ana iho ua hanaia mai oe e kou mau enemi me ka manaoino loa, eia nae, i loko o ka lakou mau hana ino mai ia oe he maikai wale no kau i panai aku ai. No ke aha no la hoi na kanaka o keia ao inea i ike ole iho ai i ka hoomanawanui, me ka uumi i ko lakou mau manaoino. a o ke aloha ke hoohua mai. No ke aha la na kanaka i maoio ai i na olelo hakuepa a imi hala a kekahi poe me ka huli pono ole i ka mea oiaio mamua o ko lakou kukala ana ai i ke akea? No ke aha la i lilo ai na wahine i poe lawe hele i ko hai inoa maikai a hoolilo i mea hehikuia. a i hoolilo hoi i ko lakou mau alelo i mea paahana no ka hookoana aku i ko lakou manaoina?"

 

No Mrs. Elawoka âme Miss Lamasona keia mano o Helena e kamilio nei. na wahine na laua e hoolaha ana i na mea oiaio ole no Mrs. Simoa, kona makuahine.

 

"He mea hiki ole no ia i kekahi ka uumi ana iho i ko lakou mau manaoinoino. aia no a puka iwaho. kakaihika noonoo maikai. ka mea a ke kanaka noeau i olelo ai, o ka mea e huna ana i hewa o hai oia ka i imi i ke aloha.' eia mae. he hana maa mau no ia i kekahi poe: a e ike mai oe oia ke kumu o ko'u papa ikaika loa ana ia oe aole e kamailio wale aku i na hemahema au e ike ana mawaena o kou mau hoakula : in a he mau olelo mahalo aku no kekahi o kou mau hoakula a i'ole mau hoalaloha paha ou. oia mau olelo ka'u i makemake ai e hoolohe aku, a oia mau olelo no ka'u i makemake ai ia oe e kamailio mai ia'u a i kekahi mea okoa aku paha. a no ka mea e hoomanao oe i keia. elike me kau e makemake ai ia hai e kamailio maiki mai nou. pela no o hai i makemake ai e kamailio aku oe no la kou" wahi a Mrs. Simoa o ka hoakaka ana aku.

 

"ke ike aku la au i ka naaauauo o kau mau oleloao." wahi a Helena o ka pane ana mai: "Heaha la ka pomaikai e loaa ana. i kekahi mea ma o ka lawe hele ana i na olelo homo* oiaio ole mai kekahi a i kekahi? Eia hou, heaha no la hoi ke kumu o ka puni wale ana mai o kekahi poe ia mau olelo me ka hoao ole e huli i ka mole, a i ole ka hoao ole e lohe i na aoao elua. Hookahi wale no aoao i leheaia koe hoi kekahi aoao, a i ko lakou lohe ana o i na olelo oiaio a hoopunipuni paha i piha me na manaoino, ua hooiaio koke no lakou ia mau olelo."

 

"Hoko o keia manawa loihi a kaua i noho iho nei ma keia wahi ua loaa ia'u keia ike he poe maikai kekahi e noho nei maanei. a poe maikai ole no hoi kekahi. he alanui ololi keia me ka loaa ole o kona hopena. ua maopopo ia oe ia mea, a ke hoomaka nei no hoi kaua e ike ia mea." i pane aku ai o Mrs. Simoa.

 

"E hoomanao oe i keia. aia no he nui a he lehulehu o na kanaka me na manao maikai, he poe hoopono, he poe i loaa ia lakou na manao maikai. he poe hoopno, he poe i loaa ole o kona hopena. ua maopopo ia oe ia mea, a ke hoomaka nei no hoi kaua e ike ia mea," i pane aku ai o Mrs. Simoa.

 

"E hoomanao oe i keia. aia no he nui a he lehulehu o na kanak me na mano maikai, he poe hoopono, he poe i loaa ia lakou na manao aloha a no ia ano poe he maluhia me ka oluolu ke loaa ana he noho mawaena o lakou: aia no hoi he poe lokoino, he poe haakei, he poe hooikeike, he poe me na manao hoohalua i kou mau ano, a mawaena no e hiki mai ana e ala ae ana he mokuahana. he hakaka a pela aku, a no ia ano poe ea, e pono e makaala loa. no ka mea, he poe lakou e hoike mai ana i ka maikai ma ka olelo a ma ka helehelena. eai nae maloko ua like me na he kupapau i piha me na mea i kupono ole ke hookokoke aku.

 

"He mea kaumaha nui no no ka noonoo ana iho, o ka poe i maa i ka holoholo olelo aohe i hiki ke hoomaopopo iho ia lakou e hoolilo ana lakou i poe ke-ia mahope aku, i ka manawa e loaa ai ka ike i ka lehulehu no i ana poe. e hoomanao, mau aku ana lakou ia lakou iaho mai ia lakou aku; oia ano poe ua hoohaukae lakou ia lakou iho, ua hoohaumia i ko lakou mau lunaikehala i ko lakou lolo a i ko lakou mau alelo, o ko lakou mau ano maikai apau a ka lehulehu e nana mai ai he poe kupono e aloha ia mai ai ua lilo lakou he enemi no kekahi; ua hoao lakou e hehiku i kekahi poe malalo o ko lakou mau kapuai wawae a he la no e hiki mai ana e lilo ana lakou i poe hookaeia a i poe konakonaia ma na ano apau, ua manao lakou he poe hemolele loa, o ka lakou mau ano mawaho ke nana aku he hinihinu, eia nae, mahope aku o ko lakou mau kua, he poe i oi aku ka ekaeka ame ka lapuwale mamua o ka poe i ikeia ka lapuwale.

 

"No keia mau ano ino apau la ea, he mea pono ia oe. e kuu Helena. e makaala loa ia oe iho; mai hokai wale aku ia oe nae ka poe o keia ano ae la, aka e hooikaika mau oe e hui aku me ka poe maikai, ka poe au e ike aku ana he mau hoaloha oiaio ma ka manao. ma ka olelo a ma ka hana Mai ae iki oe e komo mai ka manao holoholo olelo iloko ou: mai ike oe i ka hewa o hai a oia kau mea e lawe hele aku ai iwaena o kekahi poe. me ka manao he nuhou maikai loa ia nau e hoolaha aku ai.

 

" aole ia he hana aloha nau ka lawe hele ana e kaulai i ko hai kee, oiai nae, malia aia no iloko iho ou kekahi mau kee a ka lehulehu no e kamailio mai ai nou.

 

Mia nana aku i ka pula iloko o ka maka o kou hoalauna, oiai nae. he kaola no ka hoi iloko o kou maka iho. o kekahi keia o na enemi ino loa. a he mea pono e makaala loa oe," wahi a ka makuahine ia helena.

 

MOKUNA XL

 

ILOKO O KE OMAOMAO AME KE KEOKEO

 

Na pua elua a ekolu ma ia hope mai he mau pule paa loa ia no Mrs. Simoa ame Helena pu i ka hana ma ka hoomakaukau ana i na mea e pono ai ka hoohiwahiwa ana aku i ke kaalio o Miss Walaka. a Helena e kau pu aku ai ma ka la Hookahakaha Pua, eia nae, ilok oo ko laua paa mau i ka hana wale ia no ia mau mea a pau me ka hauoli, no keia kumu, ua makemake loa laua e lilo i ko Miss Walaka kaalio ame na io ka makana helu ekahi.

 

Mahope o ka hala ana o kekahi mau la elua o ko Mrs. Simoa noonoo ana i ke ano ana e hana aku ai no ka hoohiwahiwa ana i ke kaalio o Miss Walaka, a pela hoi me kona mau ho, hoakaka aku la oia ia Miss Walaka i kekahi la i ke ano ana i noonoo ai ame ia e hana aku ai oia no ka hoohiwahiwa ana i ke kaalio ame na lio.

 

I ka hala ana o na pule elua o ka hoomakaukau ana a Mrs. Simoa, ua hoohuli ae la kana noonoo ana no ka aahu kupono o na lede opio no ia la ano nui oiai, o kekahi hana pu ia i waihoia mai na Mrs. Simoa e hana aku.

 

Iloko o ia mau la e hoomakukauia ana na mea e pono ai ka hoohiwahiwa ana i kahi kaalio a Miss Walaka, pela me ka kahiko ana i na lio me ua lipine ame na pua, a pela pu hoi me ka hoomakaukau ana i mau lole hou no na lede opio, Miss Walaka ame Helena, ua nui ka Mrs. Simoa hana ma o ka hele ana i na halekuai e kuai ai i na mea apau ana i makemake ai, a pela hoi me ka noo noo ana i na mea kupono no ka hoohiwahiwa ana i na aahu o na lede i kulike me na kahiko o ke kaalio ame na lio pu.

 

Iloko o ia mau la e hoomakuakauia ana e hoea mau ae ana o Helena ma ame kona makuahine i ka hale o ka ohana, Walaka no ke kukakuka ana ma na mea e pili ana i ka hana ana i ko na lede mau aahu, oiai o Mrs. Simoa e humuhumu ana i ko laua mau lole a oiai o Mrs. Simoa ame Mrs. Walaka e hana ana i na aahu o na lede opio. he holokaa mau ka Helena ma hana i kela ame keia la e makemake ole ia ai laua e na lede aoo.

 

I kekahi manawa e kii okoa mai ana no o Mrs. Walaka ia Mrs. Simoa maluna o kona kaalio, a ia laua e holo like ae ai maluna o ke kaa maluna o na alanui a nana mai ka lehulehu. ua loaa ia lakou na manao hoohuoi me ka hoahoa pu no ke kumu o ka holo mau o na lede maluna o ke kaalio, a ua nanaia mai no hoi laua ma ke ano he mau hoaaloha i pilipaa la ko laua aloha kekahi i kekahi, eia mahope iho ko lakou ike ana i ke kumu o ia holo like mau ana ae o na lede.

 

"ke maopopo ole nei ia'u ke kumu o ko Mrs. Walaka holo mau maluna o ke kaalio me Mrs. Simoa kela wahine i ke kupono ole e hui mau me ia." wahi a Miss Lamasona. i ka poe o lakou e noho pu ana maloko o ka hale o Mrs. Alena. "He ohana wiawai a hanohano loa ka ohana Walaka eia nae, ke ike mau ia nei ka hui mau o Mrs. Simoa me ia ohana i kela ame keia manawa. he lohe mahui ole paha no Mrs. Walaka i kekahi moolelo e pili ana i kela wahine ino.

 

Ma ko'u maano iho he mea pono ka hoike ana aku i ka mea oiaio ia Mrs. Walaka he wahine kupono ole o Mrs. Simoa e hui pu mau aku ai me ia. in a e loaa aku ana o Mrs. Walaka ia'u i kekahi la e hoakaka aku ana au iaia i na kee apua o Mrs. Simoa. i mea nona e ike iho ai a e papa pu aku iaia aole e hookuukuu wale i kana kaikamahina a Mrs. Simoa, o alakai hewaia aku kela kaikamahine a Mrs. Simoa o alakai hewaia aku kela kaikamahina e lilo oia i mea poino ma nei hewaia aku kela kaikamahina a lilo oia i mea poino ma nei mua aku: ke kamailio mai nei ka lehulehu i ka hui pu mau o kela mau kaikamahine i na manawa apau. a ke ike mau ia aku nei no hoi ko laua hele pu maluna o ke kaa i kela ame keia la." Wahi a Miss Lamasona.

 

Me keia mau manao iloko o ua o Miss Lamasona, ka wahine nana e hoolaha mau ana i na kee o Mrs. Simoa ame Helena. a o ka wahine holoholo olelo hoi. halawai aku la oia me Mrs. Walaka maloko o ka halekuai ma'oko o ke kulanakauhale i kekahi la he halekuai lipine. kahi a Mrs. Walaka o ka holo ana ae no ke kuai ana i kekahi mau lipine no na kaikamahine no ka hoomakaukau ana no na lede opio no ka la e hiki mai ana.

 

"o oe ka keia, e Mrs. Walaka," wahi a ua o miss Lamasona," ke ike aku nei au ke liuliu mai nei oe no ka hoe makaukau ana no ka la hoikeike pua nui e hiki mai ana! Ua ike iho au maloko o ke kolamu o na mea hou o ke pepa o keia kakahiaka o Miss Walaka kekahi e komo pu ana ma ka huakai hookahakaha o ka la Hoikeike Pua, oia anei ka mea oiaio," i ninau aku ai ua o Miss Lamasona ia Mrs. Walaka.

 

"ae oia ka mea oiaio, elike me ia au o ka ike ana iho; ua nui ko Hete makemake e komo ma ka huakai hookahakaha i ka makahiki aku la i hala. aka. oiai o ke kuai kokeia ana no ia o na lio, a oiai he mea malihini loa ia iaia e hiki ole ai iaia ke kalaiwa, ua hooleia kona komo pu ana aku ia huakai, aka, i nei manawa oiai ua kamaaina loa iaia na lio, pele i aeia aku ai oia e komo pu ma keia huakai hookahakaha aku," i pane aku ai o Mrs. Walaka.

 

"O, ke manao nei au e lilo ana iaia ka makana ekahi mamuli o ka nani o ke kahikoia ana o kona kaa ame kona mau lio, a pele hoi me kona mau aahu," wahi o na olelo pai hoopunipuni o Miss Lamasona.

 

"Pele paha na ia la ia e nana aku, aka nae ke hoaoa nei no hoi makou e loaa i kana kaa na hoohiwahiwa ana elike me kana i makemake ai a no ka hoao ana e loaa iaia ia makana ke kokua mai nei kekahi hoaloha ia makou ma ka hoohiwahwa ana i kana kaa ame na lio pu, pela hoi me kona mau aahu a ke manaolana nei au e loaa ana no na mea apau elike me kana i makemake ai."

 

"O, ke ole au e koho hewa. o na Simoa paha na hoaaloha e kokua aku nei ia oukou ea, ma ka hoonani ana i ke kaalio ame na lio? Ina oia alaila o ka wahine i kamaaina i kana hana he kelalole ua ike oia i na ano apau e hana ai i mea e loaa ai ka maikai i makemakeia," me ke ano hoopinana ana ae nae i kona mau leheleha e hoike ana i kona hoowahawaha i na lede Simoa.

 

Mahope o kona hoomaha ana iho no kekahi manawa i hou mai la me ka leo nui:

 

"Ua ike mai au ia Helena Simoa e Kau pu ana me Miss Walaka mamua o ke kaalio i kela la aku nei. i ka' nana aku me he mea la he mau hoaloha pilipaa loa laua. aole no ka hookahi wale no ka'u ike ana kau, aka aneane i na la apau o kela pule aku nei."

 

"Ae. o kona hoa pu ia e hele nei i ka holokaa i na la apau. no Helena Simoa he kaika mahine oia a makou i makemake nui ai, he oluolu he paa rula. a he lede oiaio ma na ano apau a pela pu me kona makauhine. me Mrs. Simoa." i pane aku ai o Mrs. Walaka. ma ke ano ua haaheo loa oia i ka loaa ana o Mrs. Simoa ame Helena he mau hoaloha no lakou.

 

"Pele anei?" i ninau koke mai ai ka wahine holoholo olelo. me ka hookoikoi ana iho ikona leo. "Auhea oe, ke kaumaha nei au i kou hoike ana mai la he mau hoaloha laua no oukou: ahoe o'u makemake e ku-e aku i kou manao ame kou hilinai paha maluna o kela mau lede, no ka mea he aloha no au ia laua. aka e ninau aku ana au ia oe in a ua lohe mahui iki oe i ka mea a ka lehulehu o keia wahi e kamailio nei no kela mau lede? O ka'u wale no e hoike aku nei ia oe he mea kaumaha ka ike ana aku i kau kaikamahine e hui pu aku ana me ke kaikamahine a Mrs. Simoa."

 

"E kala mai oe ia'u e Miss Lamasona." I kahamaha koke aku ai o Mrs. Walaka ma keia wahi. me kona ku ana ae a pololei iaia i pane aku ai i keia mau olelo: alaila i hou aku la: "Aole loa e hiki i kuu kaikamahine ke alakai hewaia a e ae wehe aku paha oia i ka mano o kekahi mea mamuli o kona hui mau ana aku me Miss Simoa. i hai aku au ia oe no Miss. Simoa o kekahi oia o na kaika mahine maikai loa a'u i ike ai. he maemae me kona kulana. a he paarula kekahi me ka naauao pu: no kona makuahine hoi. o kekahi oia o na wahine naauao a maemae loa a'u i halawai ai. he kaakikahi loa na wahine i like me kona ano.

 

"No kau mea i kamailio mai nei no laua. no ko laua kamailio ia e ka lehulehu no ko laua mau kee. elike me ia e hauwawa mai nei, ma o a maanei mamuli o na olelo hooino a Mrs. Elawoka, aole o'u manaoio no ia mau olelo hakuepa a manaoino. he mau olelo imihala wale no ia o ke ano haahaa loa: no laua, i hai aku au ia oe, ua haaheo loa au i keia la no ko laua lilo ana i mau hoaloha no'u a no ka mea, o laua lilo ana i mau hoaloha no'u ano ka mea, o laua kekahi mau lede maemae loa e hiki ole ai ia'u ke ike aku ma ko laua mau ano e ae a pau, a ke ike aku hoi aia kekahi kee iloko o laua. a ke hoike pu aku nei ua ia oe e lilo ana au i wahine hoohilahila in a e huipu aku ana au me ka poe holoholo olelo a hakuepa a o ke ano manao ino haahaa loa.

 

"E i ae kuu puolo ke laweia mai nei. nolaila ea. o ke aloha kakhiaka no kou. e miss lamasona. "ia pau ana no o ia kamailio ana mai la ana. o kona huli aku la no ia e hoi me ka nana ole mai ihope. a haalele iho la ia Miss Lamasona me ka hoka, me ka namunamu pu o Miss Lamasona iloko iho on a ma kela manawa:

 

"Ha, wahine hookiekie maoli ka hoi kela! E ike iho ana no nae oia i kekahi la a e kaumaha iho ana: ka inoa o kona hoolohe mai i ka'u mea i olelo aku nei ame nei hoomamao mai kela mau wahine mai. eia ka. o ka pai mai ia laua ame ka haawi pu i kona manaoia me ka hilinai nui."

 

I ka loaa ana o ka ike maopopo ia Mrs. Elawoka no ka hui pu o Mrs. Simoa me me ka ohana Walaka. he poe i nanaia aku e ka lehulehu he waiwai a he hanohano. ua hoomahuahua loa ia ae la kona lili ame ka manao ino pu. nolaila. ua hoonui loa aku la oia i kana hoolaha ana in a mea ino apua ma ke ano hakuepa no na lede. Simoa. iwaena o ka poe e noho pu ana me ia maloko o ka hale ana e malama ana ia manawa.

 

Ke hookokoke mau mai la ka la hoikeike pua nui. He la kulaia i ohohia nuiia e na mea apau. Ma ke kakahiake o ka poakahi o ka pule o ka la hoikeike pua. o ka poakolu ka la i hooholoia no ka hoiikeike nui ua hoea mai la i kolorado ke koena aku o ka poe i holo pu ai i Europa me Mrs. Elawoka ma.

 

I ko lakou hoea ana mai ua hoi pololei ae la o Mrs. Satevana. ke kaikoeke o Mrs. O Mrs. Elawoka a o ke anate hoi Makoli. me Mrs. Elawoka ma ma ka hale o Mr. Alena ka hale i lilo ai ia Mrs. Elawoka i ka hoolimalima a no ke koena aku o ka poe o lakou ua noi ae la lakou i ka "Hokele Anetala" kahi he mau rumi i hookaawale mua ia no lakou. mamuli o ko lakou kelekalapa mua ana mai he mau pule mamua aku. malaila ana lakou e noho ai.

 

Ua haawiia kela pule holooka. elike me ia i hoakaka muaia ae nei. no ka hoomakukau ana o na mea apau no na hana hoikeike o ia la kulaia. Ma ke ahiahi o ka Poakahi i hoike muaia ae nei. ua haawiia he aha hulahula nui maloko o ka hale hulahula ma Borodamoa. a ua oleloia o kekahi ia o na aha hulahula nui a i piha hoi i nakeanimana ame na lede maka onaona hanohano a waiwai. i ike ole ia ka lua mamua aku ma ke moolelo o ia kulanakauhaale mai kona hookumuia ana mai.

 

Ma ka Poalua mai he hoikeike o na hana keaka like ole. a ma ka oleloia oia kekahi o na keaka kamahoa loa i hanaia maloko o ia kulanakauahale: ma kahi o na hana hoomaku ka'u he ku i ka weliweli na hana i hoikeike ia mai. a ma kahi o na hanahoomakeaka. ua noke ke a poe i ka akaaka a emamae ka iwiwaoao. Ma ka huakai hookahakaha i malamaia oia kekahi o na huakai nui hewahewa o na kanaka i komo pu mai ka poe hanohano a i na makaaiana lopa: o ka poe i komo pu ma ia huakai i haawai nui ia ka mahalo e na mea apua oia ka mahele o na kanaka opio ame na wahine opio. mamuli o ka nani o ko lakou mau aahu. ka like o na aahu ame na have liilii a kela ame keia mahela e lawe ana Ua ku i ka nani mea apua a ua holopono no hoi na hana i lewelawia me ke ku i ka mahaloia e na mea apau.

 

Ma ka poakolu ae, ka la i hookaawaleia no ka "Hoikeike pua" nui. Oia kekahi o na la malie a kalae o ka lani ahoe wahi kau aoao aohe no hoi he ikaika o ka pa ana a'aka maka ni o ke aheahe malie mai no a ua manaoia o ia kekahi o na la i hookaawale maoli ia mai no e na lani no na hana o ia la.

 

He elua mau kahua i hookaawelia no ka poe makaikai a maluna o ia mau kahua ua hanaia he mau noho loloa no ke lehulehu e noho ai a nana aku i ke kai ae o ka huakai hookahi o ia mau kahua ua hookaawaleia a ua holakoia hoi me na noho loloa kiekie ma kahi kokoke aku i ka hokele anatala kahi a Mr. Lanakasa ame Robaka ma e noho ana. o ka lua ma ke alanui anueanue: ua uhiia iho oluna o ia mau kahua e elua me na anini i ole e wela ka poe e noho ana ma ia mau wahi i ka la.

 

Aia mawaenakonu kekahi mau wahi i hookaawaleia na noho no na lunakanawai ka poe na lakou e hoopuka i ka olelo hooholo no ka poe i oi o ka nani o ka hoohiwahiwa ana i ka lakou mau kaa ame na lio a pele hoi me ko lakou mau aahu a ia poe a na lunakanawai e holoholo ai o lakou ka oi. e loaa aku ai na makana a mahope iho o lakou ke kahi wahi i hookaawaleia no ka bana.

 

Mamua ae o ke kani ana o ka hora elua o ia au winala ua piha mua oluna o na noho loloa i na makaikai a he mau kaukani o ka poe i loaa ole na wahi e noho ai i kuku mai ma hai o na alanui ma kela a me keia wahi e kai mai ai o ka huakai.

 

Maluna o kekahi o na noho loloa i hoomakauia ma ke kahua kokoke aku i ka hokele anetala i noho iho ai o Mr. Lanakasa ame Robaka. kana keiki a ma kahi hoi he he elima kapuai paha ke kiekie maluna ae o ka iliwai o ke alanui o ka huakai e kai ae ai.

 

O ia wahi a laua e noho ana he kokoke loa aku ia i kahi o na lunakanawai. a he wahi hoi e hiki ai i na mea apau e holo ae ana maloko o ka huakai ke ike mai ia laua. Ma keia la. no kela hele ana paha hoi a lakou e makaikai ma na wahi like ole o ao ua maikai loa ko laua ola mau kino. me ka piha pono o ko laua mau helehelena. a he hoihoi mau hoi ko laua mau nanaina i na manawa apau.

 

He mea hoomahuhua loa ae i ka maikai o ko laua mau ola kino ame ko laua mau noonoo ke komo pu ana a ike i na hoikeike o keia la oiai nae, ahoe laua i hoike ae ia manao o laua imua o ke akea a imua hoi o ko lakou poe o ka hele pu ana. I ka manawa i haalele aku ai o Mrs. Elawoka ame Makoli ia lakou mahope; a ma ke koena mai o o ka lakou mau huakai makaikai mai ia manawa mai ka hoomaka ana e loaa ia laua na manao maikai no ke kumu aohe mau olelo hokai na laua e hooanaoe i ko laua mau noonoo aole a laua mau mea e noonoo hou mai ai no ia mau lede hokai a hoouluhua, ua hoopoina loa laua i ka noonoo hou ana ae no Mrs. Elawoka ame kana kaikamhaina, no laila ua hoohauoli mau ia ko laua mau noonoo i na manawa apau, a no ia kumu ua maikai maoli ko laua mau ola kino, he mau haawina i loaa ole ia laua oiai lakou e hele pu ana me Mrs. Elawoka ame Makoli ma ka lakou huakai.

 

Me Kea ola maikai no nae o Mr. Lanakasa, aole no i nele kona hoehaehaia no kekahi manawa, mahope iho o kona lohe ana mai a Mrs. Satevana aku no ke kulana pilikia i loaa ia Mrs. Elawoka, o kona haule e nanaia aku ai ma ke ano he kauwa, a no ia kumu no hoi i noho ai oia ame kana kaikamahine maloko o Kolorado no ka hana ana i mea e loaa ai ia laua ka pono o ko laua ola ana, ma o ka hoolimalima ana i kekahi hale a wehe ae i hale hoolimalima a i haleaina pu no na malihini e noho aku ana ia wahi. i mea e loaa ai ke dala no ka hoolako ame ka hoopau ana ae i ko laua mau pilikia o ke ola ana.

 

I ka lohe ana o Mr. Lanakasa no ka lilo ana o ka hale o Mr. Alena i ua o Mrs. Elawoka ma ka hoolimalima alaila loaa iho la ia Mr. Lanakasa ka manao e kuai oia ia hale a e haawi aku ma ke ano i makana i ua uo Mrs. Elwoka, i kona manawa e hoea mai ai i Kororado, a i kona hoike ana aku ia manao on a i ke keiki ia Robak ua ku-e loa mai nae oia ia manao on a.

 

Ma kekahi aoao aku e kokoke mai ana a Mr. Lanakasa ma e noho ana aia malaila kekahi lede i kahikoia me kekahi aahu nani. he nani oia ke nana aku mai ke poo a hala nalo. a ia ike ana aku o Mr. lanakasa iaia ua ume kokeia kona noonoo maluna on a, oiai nae, ahoe ike a hoomaopopo mai a ia lede iaia.

 

Ma ke helehelena o ia wahine i ka Mr. Lanakasa nana aku o Miss Alatia Lamasona okoa no oia mailuna alalo. he helehelena i kamaaiana mua is Mr. Lamasona he kanakolu makahiki mamua aku, oiai nae. ma keia manawa ua oi hou ae ka nui ame ka puipui o kona kino. ua aoo mai no hoi. me ka hina o kona lauoho. alaila nalu wale iho la no oia iloko ana.

 

Ke ole au e kuhihewa o Miss Alatia Lamasona no kela a'u i kamaaiana ai he kanakolu makahiki i kaahope aku nei." wahi ana iaia iho. oiai oia e nana ikhi aku ana i ua lede le a eai nae hoi ua nui maoli oia i keia manawa. ua aoo mai a ua o mai no hoi ka hina ma kona poo. "oia anei kela a i ole ua koho hewa paha au?"

 

Aole i mamao loa kela wahine mai ua o Mr. Lanakasa aku, ua hiki no iaia ke lalau aku i kona lima a hoopa aku iaia. eia nae, aole i ike a i hoomaopopo mai o Miss Lamasona iaia a ua mano mai paha ia lede ia Mr. lanakasa he akua lapu e noho kokoke aku ana iaia he mea no nae ana i kamaaian ai i na manawa mamua aku. a no ka mea. ua lilo loa kona mau maka ame kona noonoo i ka nana i ka huakai e kai ae ana ia manawa, a pela hoi me ka poe e kau ana maluna o na kaalio me ka hookani pu o kona naau i ka nani o na aahu o ka poe e holo ae ana maluna o na kaa, ua mahalo oia i ka poe ana'i makemake ai a o ka mea ana i ukiuki ai hookokoeiho la kona mau maka.

 

No ke kokoke loa aku o Mr. Lanakasa ma kahi a ua wahine la e noho ana ua hiki loa iaia ke lohe aku i na olelo apau a kela wahine e hoopuka ae ai. me ka minoaka a hoihoi o na maka i kela ame keia manawa ana e ike aku ai i ka poe e hele ae ana mamua aku on a.

 

"O Miss Alatia io no kela?" wahi a Mr. Lanakasa i nalu iho ai iloko on a. a in a aole o'u koho hewa ua hauoli loa oia i na mea a ka poe e noho pu nei maanei e hoikeike mai la. elike no me kona piha hauoli oiai oia e opiopio ana iloko o kela mau la i hala loa.

 

"Pehea la oia i kauoia mai ai a hoea i keia wahi, oia ka'u mea e makemake nei e ike. a heaha la ka hopena i loaa iaia? "He keu iho la hoi ko'u pihoihoi me ka makemake e ike i ke kumu o kona hoea ana mai i keia wahi, a hooki iho la oia i kana noonoo ana, me ka hoekeu ana ae kona niau poohiwi.

 

No kekahi manawa loihi ko lakou kakali ana no ka mea ma ka hora 2:30 pm ponoi e hoomaka mai ai ka huakai ma kahi kokoke aku i ka halekula nui e hoolulu ai ka huakai a mailaila mai e hoomaka ai ke kai ana, a he wahi mamao loa no hoi ia he mile a oi no laila he loihi kela wahi a ka huakai e kai mai ai, a e hala ana no he manawa loihi mamua o ke hoea ana mai o ka maka mua o ka huakai i kahi a Mr. Lanakasa ma e noho ana.

 

Eia nae aole i lilo kela manawa loihi o ke kali ana aku i mea hoouluhua iaia no ka mea. oiai e kakaliia aku ana he manawa ia no ka bana e paani mai ana a ua hoohauoli ia na noonoo o na mea apau e ka bana.

 

Iloko o ka manawa e hoomaka ana o ka bana alaila kulou iki aku la o Mr. Lanakasa Imua a me ke kunou haahaa i aku la o Mr. Lanakasa imua a me ke kunou haahaa i aku la: "E ka lede maikai. ke ole au e kuhihewa o Miss Lamasona oe in a ua kuhihewa au, e kala mai oe."

 

(Aole i pau.)