Ka Nupepa Kuokoa, Volume LIX, Number 43, 28 October 1921 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
HOOPAUIA KA @ILA HOO@@@ HOAHEWA NO KA AINA O ALENA
Ma ke kakahiaka o ka Poaono o ka pule aku la i hala ma ka manawa o ka noho ana o ka halawai a ka papa o na lunakiai, i vitoia ai e ka Meia Wilson ka olelo hooholo Helu 1030 a ka papa, he olelo hooholo e hoololi ana i ka olelo hooholo e kauoha ana i ke keena o ka oihana loio kulanakauhale ame kalana e hookomo ae i hoopii @oa hewa no kela kahua Aleua e waiho nei mawaena o na aianui Moi, Alakea @@@@ Rikeke, i mea e lilo mai ai ia wahi i kahua no ka hale hou no ke aupuni Kulanakauhale o Honolulu.
Aohe kumu i hoakakaia ae no ia @@@@ ana o ka Meia. Ma kekahi manawa aku nei i @@@@ ua hoakaka ae ke kahi poe i ko lakou mau @@@@@ e ku e ana i ke kuai o ke kalana i ke kahua Alena mamuli o ka pii loa, o ke kumukuai oiai no hoi ke aupuni kulana kauhale e lawelawe ana i na hana nui no ka pono o ka lehulehu i keia manawa. me ka nui o na hoolilo no na hana hou e lawelaweia mai nei i nei manawa. Mamuli o ka manao o ke aupuni kulanakauhale ame kalana e kuai i ke kahua Alena ua hookuuanaia aku kekahi mau hui nui me ka hookauluaia o ka lakou mau hana i hoolala ai no ke kukulu ana ae i mau hale oihana a mau keena oihana maluna o ia kahua.
Ma ka manawa o ka hooholo ana o ka papa o na lunakini i ka olelo hooholo e k@ni i ke kahua Alena, ua apono pu ka papa i kekahi olelo hooholo e hookaawale ana i ka huina o $90,000 no ke kuai ana i kekahi kahua i hoopuniia e ua alanui Moi Puoaina ame Hokele ma ka aoao Ewa mai o ka Hale Mission Memorial.
O ka olelo hooholo Helu 1030 e hoololi ana i ka hana a ka papa i hooholo mua ai no ka hoopii heahewa ana i ka kahua Alena, na ka Lunakiai Arnold ia i hookomo ae ma ka la 27 o Sepatemaba, a ua hooholoia ma ka heluhelu ekahi ana ma ia manawa.
Ma ka la 4 mai o Okatoba i heluhelu ekolu ia a waihoia i ka Meia no kona kakauinoa ana mai. Ma ke kanawai ua haawiia he manawa no ka Meia e noonoo ai ahiki i ka po o ka Peaono aku la i hala alaila waiho mai oia i kana pane. Ua hooholo oia ma ke kakahiaka nui Ponono ak@ la i hala e vito ai i ka olelo hooholo a ua hooholoia e na hoa apau o ka papa.
Ma ka hola 1 o keia auwina la o noho hou ai ka halawai a ka papa, a oiai o ka hana wale no e noouooia ana ma ia manawa o ia ka papa ukuhana ua @@@@@@@@, me he mea la aole e hapai mai ana ka papa i ka noonoo ana maluna o ka vito a ka Meia no k@ apono ana a no ka ae ana aku paha maluna o ka vito ahiki i ka halawai o keia Poalua ae.
Mamuli o na manao i hoakakaia maloko o ka Olelo Hooholo Helu 843, i hookomo aku ai ka Lolo Kulahakauhale ame Kalana Wm. H Heen i ka hoopii hoahewa no ke kahua o Alena @@na o ka aha, a o na hoool@va j paiia o ka olelo hooholo a ke aupuni kulana kauhale o ia mau no ka puka maloko o ua nupepa o ke kulanakauhale.
O ka hoopii hoahewa e ku nei imua o ka aha hookolokolo ua hookomoia ae he pane e ka poe oua aina lehulehu o kela kahua o Alena o ku e ana i ka hooliloia ma ke kuai.
HOOHOLO NA MAHIKO E HOEMI I NA
Ma ka la 1 ae nei o ka mahina o Dekemaba e hoea mai ana, e hoemiia ai ka ukuhana mai na lunanui, ahiki aku i na kakauolelo, o keia ka mea a na on a o na mahiko i hooholo ai, mahope iho o ka hoemiia ana mai o na ukuhana, o na limhaana e ae e hana ana iwaho o na maloko.
O ka la 1o ka mahina o Novemaba, ka manawa i manao mua ia ai, no ka hoemi ana i na ukuhana, aka nae, no ka haawi ana i manawa nui kupono e boike ae ai i ka lohe i na akena o na mahiko, amo na lunanui, e noho hana ana ma na mahiko apuni ke Teritore, pela i hoopaneeia aku ai a ka la 1 o ka mahina o Dekemaba.
Aole i maopopo loa ke ano e hoemiia mai ai o na ukuhana i keia manawa, ua mamaoia nae, ma ke ana pakeneka no ia, no kekahi poe, a no kekahi poe boi, e kauia aua no he mau uku kupono.
Me kela manao paa nae e hoemi mai i ka uku o na limahana apau o na mahiko e ukali pu aku ana kela hoemi ukuhana, maluna o ka poe apau e noho hana nei maloko o na keena o na akena o na mao mahiko nei ma@nei.
No kekahi manawa loihi ae nei i hala, ka noonooia ana, e hooemi mai i ka ukuhana o ka poe e noho hana nei no ua mahiko, elike me ke emi loa o ke kopaa e kuaiia nei i keia manawa; me ka loaa nu nae o na uku kiekie loa i kekahi mau lunanui, a emi mai hei ka uku o kekahi mau lunanui: o ka hana pono wale no i keia wa, ma ka aoao o na on a mahiko, o ia ka pok@poke ana mai i ua ukuhana kiekio loa i hiki ai ke hoomauia aku ka oihana kahu ko ma keia uiua aku, me ko poho ole.
He mau mahina ae nei i hala, ua hoopau loa kekahi mau mahiko, i ka mahele ana i na puka, a o na mahiko nunui keia o na puka, i ike mau ia, ua hoe@@@a mai ka puka e mahele ai i keia ame keia manawa, a ua lilo hoi keia, i mea hoopilikia aku i kekahi poe@ oiai e kauka i aku ana, i ko lakou mau loaa makahiki, maluna o ka puka o ka lakou mau dala. i hookomo ai maloko o na mauiko.
Aole nae ma na mahiko wale no keia manao, e hoemi mai i ka ukuhana o na mea apau, aka eia pu kekahi iloko o na oihana nunui maloko nei o keia kulanakauhale, a he hookahi hale oihana. i hoomaka ae e hoololiloli i ke kulana iwaena o na limahana. aole ma ka hoemi ana mai i ko lakou mau uku hana, aka ma ka pokepoke ana mai i na limahana, i hiki ai ke hoomauia aku na ukuhana i ka poe e hoomauia aku ana ko lakou noho hana ana me kela hui.
O SENATOA WISE KEKAHI MOHO ELELE LAHUI.
Ua hoakaka ae ka nupepa Daily Post Herald o Hilo, ma ka Poaha, o ka pule aku nei i hala, i ka hoike akea ana ae o Senatoa John Wise, no kona kulana holo moho elele lahui, ma keia kau wae moho ae, no ke paui ana aku i ka makalua e hoohakahakaia iho ana e ka Elele Lahui Kalanianaole.
Alua iho la mau moho ma ka aoao Repubalika, i maopopo loa ko laua alualu aku i ke kulana elele lahui, oia ka Mea Hanohano H. L. Holstein ame Senatoa John H. Wise.
E hoakaka hou ana kela nupepa, no ka manao o kekahi poe, e unuhi hou ana ka Mea Hanohano Holstein i kona inoa mai ka holo moho elele lahui ana, a haawi aku i kana mau kakoo ana @ia Senatoa John Wise, aka nae he @k@a ka manao o kekahi poe, o ia no ka waiho malie ana o ka Mea Hanohano Holstein i kona inoa ahiki i ka ikeia ana o ka hopena e oili ae ana mahope o ke kau koho baloka wae moho.
Mawaena o Senatoa John Wise ame ka Mea Hanohano Holstein he @ke ole ko laua kulana ikaika, elike me na manao i hoomaopopoia e keahi poe kalaiaiua a o ka ikaika hoi o ka Mea Hanohano Holstein, mamuli no ia o na kakoo ana mai a na mahiko a o ka ikaika hoi, o Senatoa Wise, ma ke kakoo aua mai a na Hawaii, no ka mea ua @ilo kona hooikaika ana no ka bila hoopulapula, i kumu e umeia aku ai ko lakou manao nona.
I loko no nae o kela manawa hookahi he nui no ka poe, e kue mai ana i kona holo moho elele lahui ana me ka ikaika no ka mea ua hooneleia aku lakou i ka pono o ka hookuonoono ana i na aina aupuni, ma o ke kanawai hoopulpula la.
Ma ka manao hoi o kekahi poe no ka paio kue ana aku ia L. L. McCandless ka moho elele lahui a na Demokarata e onou mai ana i keia kau ae o Senatoa Wise wale no ka moho e haule ai oia; oia nae, o keia kau ne ka na Demokarata i kau aku ai i ko lakou mau manaolana no ka ili aku o ka hanohano o ke kulana elele lahui ma luna o Mr. McCandless mahope o kona hooikaika mau ana e loaa iaia kela kulana no na makahiki lehulehu ae nei i hala.
HE HOOMAIKAI I NA LALA O KA AHA MOKUPUNI O OAHU.
E ae oluolu mai e na haipula oiaio iloko o ka Haku Iesu Kristo, a lawe aku i ka maua mau hoomaikai he nui ia oukou no apau loa.
Oiai mamuli o ke aloha wale mai o ko kakou Haku i aloha nui ia, ua hookipa mai la kakou i ka malihini makamae, ka momi maikai hoi a ko maua mau puhaka, he kaikamahine a hanu ana i na ea huihui o ka ehu kakahiaka o ka Ehukai o Puaena, ma ka halekahu o ka Ekalesia o Waialua, nona ka luakini i kapaia Lydia Liliuokalani, i ka hora 6:45 a. m., o ka Poakolu, ka la mua no hoi ia o ka wehe aua o na hana o ka aha, Okakoba 5, 1921.
O Waianae ko maua home, aka, hoi, ua hiki ole ke koho aku o ka manawa paha ia aole paha, aka nae ua hiki mai no; a oia maua e noho ana me ka mihi no ka hewa loa o keia hele ana mai nei, hiki mai ana ka peresidena o ka aha mokupuni, Rev. Henry Kuniaupuni Poepoe, a hea iho la i ka inoa o ka kamaiki, Lydia Kaahamokupuni Kupau, hoomaikaiia @o ka makua maikai.
I ka @@@ ana aku o na minuke imua, hiki mai ana kekahi komite me ka makana i hookupuia mai e ka aha makua, Kula Sabati me Hooikaika Kristiano, nona ka huina o $34.00. Ua nele loa ka olelo e hiki ai ia maua ke hoike ae i ka nui o keia puuwai aloha i pana@@ mai, a hoopau loa na hana ma ka bapehizoia ana no e ka peresidena o ka aha mokupuni, Rev. Henry Kuniaupuni Poepoe.
Ke hooki nei me ke aloha pumehana, a waihoia aku, ka makana a Lydia Kaahamokupuni Kupau, ma ka @anako o Hawaii, a o ka puuku o ka Papa Hawaii, Mr. Theodore Richards ke kahu.
E waihoia ana ahiki i ka wa e hui ai o Lydia a he mea ia e kokua mai aua iaia no ka hoonee ana aku imua no ka imi ana i ka naauao.
Maikai kona ola kino, a pela pu no hoi me ka makuahine.
ko oukou mau hoapaahana
MR. & MRS. LOWELL KUPAU,
MAOPOPO OLE KA HOLO MOHO O LUNAKANAWAI COKE.
Mahope iho o ka hoohala ana i kekahi mau pule kaka@@@@@@ ae nei i hala ma lapuna i hoea hou mai ai ka Lunakanawai Kiekie Coke no Honolulu nei @a ka mokuahi Shinyo Mara, o ke ku ana mai ma ka Poaono aku nei i hala, a ua hoo lea aku la oia me kana wahine no Kapalakiko no kekahi manawa pokole alaila huli hoi loa mai no Honolulu nei.
Iloko o na hora kakahiaka ana i hoohala ai maanei, manawa o ke kau hou ana aku iluna o ka mokuahi no Kapalakiko, ua ninauia aku oia in a paha e holo moho elele lahui ana oia, no Wakinekona ma ka aoao Demokarata ma keia kau wae moho ae o kana pane aole he maopopo iaia i keia manawa o kana mea e hana ai aole ma ka aoao ae aole no hui ma ka aoao hoole.
Wahi ana o ka manawa mua ana i hoomaopopo ai no ke kamilioia o kona inoa no ke kulana moho elele lahui i kona manawa aku nei ma Iapana; a ua ninau mai oia i kona mau hoaloha maanei nei, i ke kulana oiaio o na hana kalaiaina e nee nei i keia manawa no kona makemake paha e ike mua i kona kulana ikaika mamua o ka hoike okoa ana mai i kona ma@@@ maoli.
o kekahi kumu o ka noho hamau loa o ka Lunakanawai Coke maluna o ka ninau elele lahui o ia no ka maopopo ole iaia o ka manao o na alakai Demokarata maanei nei; pela hoi ka mea a kekahi komite o kela aoao kalaiaina, e ae ae ai nolaila wahi ana aia a maopopo ka mea a ke komite e wae ae ai i moho ia manawa oia e hoike ai i kono manao.
No na mea e pili ana i kana huakai aku nei no Iapana ua hoike ae oia i kona apoia ana mai me na manao maikai e na makaainana o Japana a ua hoea aku hoi oia imua o na kula kiekie ma Iapana a h@iolelo e pili ana, i ka oihana kiu@e ma Amerika, ka hana hoi, i makemake loa ia mai ai oia, e hoea aku no Iapana no ka hoomalamalama ana i kolaila poe i ke ano o ka lawelawe ana i na hihia imua o na kiure ka hana i malihini loa ma Iapana.
Ua hoea ka Lunakanawai Coke ma Kini, malaila i halawai p ai oia me Kauka Sun Yet Sen. i kamaaina i kekahi poe o Hawaii nei no ka mea maanei kona wahi i hoonaauaoia ai
Ma ka manaoio o ka Lunakanawai Coke, o na mea a Kauka Sun Yet Sen. e hooikaika mai la ma Kina, no ka pono no ia o ka lahui Pake, aole no kona pono iho.
He meia ke keiki a Kauka Sun Yet Sen no @@@@@ a o ke keiki hoi a Toney Afong he kenerala oia iloko o na pualikoa o Kauka Sun Yet Sen. a aia malalo o kona malu ka hale hoahu o na lako kaua.
O keia huakai aku la a ka Lunakanawai Coke me kana wahine no Kapalakiko no ka hoopau pono ana no ia i kona manawa hoomaha aka nae wahi ana in a ua nui @@@ na hana o ka aha kiekie e makemakeia ai oia ua hiki no iaia ke hoopokole mai i knoa manawa hoomaka.
MAHAELUA KA MANAO OLOHANI O NA HUI UNION A
I kulike ai me na nohou kelekalapa i loaa mai i keia kulanakauhale mai Amerika mai iloko o keia mau la iho nei e pili ana i ka manao olohani i hoolalaia e na hui uniona o na limahana o na hui kaaaahi ma keia Poaono na hoea mai ia i ka mahae@@@@ ana o ka manao o @@@@@mau hui uniona me ka hoole ana a kekahi mau hui uniona i ke komo pu ana mai i loko o ka olohani i hoolalaia.
E hoakaka ana ka meahou kelekalapa o ka la 23 o keia mahina o ka hoounaia ana mai Kikako mai i ka hoika ana ae o na hui kaaaahi; mamuli o ka hoole ana o ka hapanui o na hui uniona kaaahi he umikumakahi i pili aku me ka Hui Limahana Federala Amerika aole e hui pu iloko o ka olohani i hoolalaia ua like pu ia me ka uhakiia ana o ka iwikuamoo o ka hana olohani.
Ua koho ae na lunanui, ma ka aoao o 350,000 mau limahana aole e hoala i ka olohani i kiea wa, Ma keia ano iho la, ua emi mai la a i ka hookahi hapaha wale no ka ikaika o na hui uniona i manao e hooko i'o aku i ka olohani ma ka la mua i hooholoia ai.
Ua hoakaka akea ae na hui uniona i hoole i ka olohani, in a no e olohani ana na uniona e ae, e mau ana no na lala o na hui uniona nui eha ma ka lakou mau hana iho, me ka hoakaka pu ana ae i na kumu o ko lakou hui pu ole aku me na hui uniona e ao iloko o ka hana olohani.
Me kela kulana maopopo ole no nae e pili ana no keia olohani o na limahana o na hui kaaaahi ua hoike ae na alakai o kekahi mau hui uniona aole he mea nana e kaohi mai i kela manao mua i loko o na limahana no ka olohani ana.
Oiai nae kola kulana anoninoni e pahola mai la ma Amerika aole i noho wale ke aupuni aka na akoakoa ae na loio kuhina o kekahi mau kulanakauhale nui a kukakuka no ka hooko ana aku i ke kanawai a no ka imi ana aku hoi i na alahele e hoopiikia ole ia mai ai ka lehulehu, ma o kela olohani la.
LEHULEHU NA HIHIA OKIMARE I APONOLA AE.
Ma ka auwina la o ka Poalua nei i hooloheia ai na @@hia okimare imua o ka aha kaapuni i ka Luuakanawai John De Bolt a o keia malalo nei na hihia i aponoia mai e ka aha ka hookaawale ana:
Mrs. Sarah P. Vietor mai a Geo. P. Victor mai no ka haalele wahi moe: Mrs. Carrie M. Porter mai a Cecil K. Porter mai, no ka haalele wahi moe: Mrs. Timotea Segovia mai a Thomas Segovia mai, no ka malama ole i k@ ola; James Leroy Richard ai Mrs. Clarice H. Richard ai: ua noi ae ke kane i ka aha e aeia aku ka wahine e lawe i kona inoa mua mamua o ko laua mare ana a ua aeia mai: Mrs. Makato Yoshikawa mai a Choi Yoshikawa mai no ka malama ole i ke ola Mrs. Gertrude M. Vanameter mai a George E. Vanameter mai no ka malama ole i ke ola ame ka pepehi mau: Mrs. The@esa Wilcox Belliveau mai a I. T. Belliveau mai no ka malama ole i ke ola: Mrs. Take Yamane mai a Nisazuchi Yamane mai no ka malama ole i ke loa.
O ka Lunakanawai John De Bolt kekahi o na lunakanawai kaapuni paa mau i ka hana me ka lehulehu o kana mau hihia e hoolohe ai, ma ka nana aku oia no ka lunakanawai i hele ole aku no ka hoomaha no kekahi manawa loihi i hala ae nei.
PUOLO WAIMAKA ALOHA NO KUU MAMA HELELOA
Ke kapena nana e hookele nei ka moku kaapuni honua, ka Nupepa Koakoa, aloha nui kaua: E oluolu mai oe, nou kekahi rumi kaawale, e hookipa aku i keia ukana luuluu a ke aloha no kuu mama i haalele mai iau
Make kuu mama i ke ahiahi Oct. 12 ua piha namakahiki he kanahiku a oi o kona hana ana i na ea oluolu o keia ola ana.
Ua hemo mai oia mai ka puhaka mai o kona papa Kaanaaua ame kona mama, Mrs. Kunano, ma Kaupo Maui kona onehanau
Aloha wale kuu mama heleloa! Hiki mai ka lohe iau Ianuari makahiki 1920, i na la hope, e hai mai ana, he mai pilikia, @@ @na au a hoi mai ma@@ i Honolulu nei. I Oahu nei iho la no maua kahi i noho ai, makahiki a oi, maikai hele oia i Kalihi i ka halepule o Malia Kamalu, kona Hhoomana ia.
I ka la ehiki o keia mahina, i huli hoi aku nei @@ na Kona hookahi pule me eha la, i @@ eli@@@ o ka la, make aku la oia na ke kelekalapa i hai mai ka lohe i @au poe kaikamahine a na lakou i hai mai ma ke kelepona he mea e hoi ka lele o kou hauli
Ua hiki iho la ke aloha o ka makua kohu mea e haawe ana ma ke kua ke aloha o kuu mama ke hoona ae nei pehea la ia e pau ai.
Aloha ke one o Kailua aole kuu mama e hehi hou ana i kou mau kapakai; aloha ia kula welawela o ka la kahi a kuu mama e iho ai, a e pii ai, mea ole ia kula loa, ua pau kou maalo ana ma ia mau kula!
Auwe, kuu manaonao i kuu mama! Aloha ka uka o Honokohau ka home o kuu pokii Mrs. Keoho kahi a kuu mama i luakaha ai i na la o kona huli hoi ana aku nei; ua ike paha oe i ka hanu hope mama; auwe kuu nele i ka mama!
Aloha ka uka huihui o Kalaoa, kahi a kuu mama e pii mau ai i ka pule, aohe Lapule hala iaia, e pii mau ana; akahi a hao ua hala oia, kipa aku i ka home o ia pokii o Malia; auwe kuu mama aloha, ke hapapa wale nei no au, pehea la ia e loaa ai iau.
E aua aku ana no hoi au ia oe e noho mai kaua aohe ou paa mai eia ka e hoi ana oe i Kona aohe hoi hou mai auwe kuu mama aloha! Pau kou hoomanao ana ia oe i kahi mea uuku e loaa ana iau aloha wale ou kaikunane, Halemau, ka mea nana i hai mai iau i ka lohe ma ke kelekalapa; auwe kuu mama hoi mai kaua!
Kuu mama i ka la welawela o Honolulu, mea ole ia @@@@ ia oe, e hele ana oe e ike i kau moopuna, e hele ana i ka uluohai o Keomole; auwe kuu mama i ka huikauo ke kaona ua pau kou ike hou aha ia oe pau kou walaau ana mai iau.
He mama haipule kou aohe haule ia mea iaia a moe aku la; he heahea he lokomaikai, he hookipa i na mea apau e kipa aku ana he haawi aohe mea koe pau ia hana maikai a kuu mama aloha ke pule nei au i ke Akua e hoomaikaiia ka uhane o kuu mama ma keia ao, a ma kela ao mau loa.
Ke haawi aku nei au i kau hooaikai i ka poe apau i lu iho i ka lakou waimaka no kuu mama me ka poe he makana boke pua ame ka poe na lakou i @una na iwi o kuu mama no oukou apau kuu aloha nui na ke Akua e hoopomaikai mai ia oukou apau.
Na ka Haku e hoomaha mai i kou mau @@@@@ me ka ohana Amene
Ua lawa au maanei me na keiki o kou keena ka welina pau ole.
Makou iho no me ka luuluu
MRS. ame MR. KUKAHOE,
MRS. KA@ANIANOHO,
MRS. MALIA
MRS. KAPEKA,
MISS VIKOLIA,
NA MEAHOU MA KA EKALESIA O PAIA MAUI.
Mr. Solomon Hanohano Aloha nui k@@@@ E oluolu mai koa ahonui, e hookomo iho ma kahi kaawale o ka Nupepa Kuokoa i na meahou iloko o keia kihapai e n@@ nei i keia mau la.
Ma ke Sebati o Oct. 2 19@@ i kohoia ae ai na luna nui o ka Ahahui C. E., Jr. o Haliimaile, e ke Kahu Rev. Mosese M. Kahiaop, no lakou na inoa penei.
Mrs. Lily Kapoo Alakai Mrs. Esta Faufeta hope alakai Elizabeth kapoo peresidena. Emaline Kapoo Hope peresidena Mrs. Annie Kahiap puuku Sunny Kapoo kakauolelo, Rev. Moses M. Kahiapo hoakuka, a ma keia Sabati iho ia o Oct. 9, 1921 i malamaia ae ai na hana hoolaa i keia maa luna nui hou.
Hoomaka na hana me ka himeni 163 L. H. N., pule pokole mai ke kahu mai. Himeni hou mai ka papa himeni mai hoonani ia Iehova. Heluhelu Baibala mai ke kahu mai Epeso 6:11 @@ Na olelo ao mai ka Makua Rev. D. K. Kaaiakamanu mai.
Alaila na makana i haawi ia mai ka ahahui mai o na pokii o Paia a pela pu mai ke Kula Sebati mai o na pokii, he mau boke pua i kela ame keia mea pakahi. He $6.50 i haawi makana ia mai no ka waihona o keia ahahui hou. Alaila ka pule hoolaa mai ia Rev. D. K. Kaaiakamanu mai. Maikai na hana i lawelaweia. Himeni hookuu 89 L. H. N., pule hookuu mai ke kahu mai.
Ma ke kakahiaka nui Sabati, hora 6:00 o Oct. 9, 1921 i malamaia ae ai ka halawai haipule Sun Rise Meeting o na lunaahiko ame na hoahanau ma ka ekelesia o @@@ e kona kaju Himeni 99 L. H. N. pule mai ia Mr. Lum Ho. Heluhelu Baibala Epeso 4:1-15. Na leo pule e noi ana e launa nui mai ka mana o ka Uhane Hemolele a pela pu me na hana hoonee iloko o kona kihapai.
Ka olelo alakai o keia kakahiaka mai ke kahu mai, ia ma Oihana 1:4. Aole e haalele ia Ierusalema, aka e kali i ka makua olelo hoopomaikai a oukou i lohe ai iau.
Kumuhana Mai haalele i kou ekalesia. O keia kekahi o na halawai piha i ka uhane a no ka mea ua hoopaia na mea apau Huina nui o ke anaina he 22 Hookuu me ka himeni ame ka pule a ke kahu.
Ma ka hora 9:00 a. m., i malamaia ae ai na hana o ka Ahahui o na Pokii e Mrs. Lum Ho, a pau i ka hora 10:00 a. m. Maikai na hana o keia ahahui.
Ma ka hora 10:00 a. m., ahiki i ka hora 11:00 i malamaia ae ai na hana Kula Sabati kumukula naua e ao na haumana i ka makua Rev. D. K. Kaaiakamanu maikai na ninau ame na haina alaila i ke Kahu Kula Sabati na hana i koe no na mea e pili ana i na hana hoike ohana o ua papa.
Ka nui o na papa i hiki mai 4 Kahului Paihiihi Haliimaile me Paia a pela pu me na ohana H@ina haumana 128. Na dala i luluia iloko o hapaha hora $20.75. Hookuu me ka himeni ame ka pule.
Halawai haipule nui o ka ekalesia, hora 11:00 ahiki i ka hora 12:00. Himeni mai ka papa himeni mai, 82 L. H. N., pule mai ke kahu mai. Himeni hou ami ka papa himeni mai, La Hauoli.
O ka papa himeni no keia i kani ai i Hilo ma kela aha peaina aku nei. Heluhelu Baibala @atai@ 26:31-46. Pule mai ia Rev. D. K. Kaaiakamanu. Na olelo hoolaha mai ke kahu mai. Ke pooolelo aia ma Mataio 16:18. O oe e Petero a maluna o keia pohaku e kukulu ana au i kou ekalesia aole hoi lanakila mai na ipuka o ka po maluna ou. @@@@@ ka haiolelo mai ka awai mai mai ke kahu mai. Huina nui o ke anaina 130 hookuu me ka himeni ame ka pule hoekuu mai ka makua Rev. D. K. Kaaiakamanu mai.
Ma ka hora 1:00 ahiki i ka hora 12:30 p. m., i malamaia ae ai ka ahaaina berena a ka Haku. Ka huina nui o na lunakahiko o keia ekalesia i akoakoa mai i keia Sabati, elike me ka ke kahu i hoolaha aku ai ma na apana malalo o keia ekalesia i hiki mai, he 23 lunakahiko me keia ka papa hoonohonoho Kahului 3, Haliimaile 2, Paihiihi 3, Paia 15.
O keia mau Lunakahiko i hoikeia ae la, o lakou na kiai i loko o ke kihapai, i kulike me ka oihana laa pookela i kupono i ka oihana lunakahiko. Hoomaka na hana me ka himeni 110 L. H. N. Heluhelu Baibala mai ka Makua D. K. Kaaiakamanu mai. Korineka 11:23-30. Ia Rev. D. K. Kaaiakamanu ke pa berena, i ke Kahu Moses M. Kahiapo ko ke kiaha. Ka huina nui o na hoahanau i hookomo ia ma keia papaaina a ka Haku, he 4 Hawaii maoli, hookahi haole Amerika ame 2 ke@@@ liilii i bapetizo like ia apau.
Kupanaha ka ke Akua alakai ana i loko o keia kihapai e nee nei aole oia i haalele a nele Himeni hookuu 99 L H. N. pule mai ke kaha mai
Owau iho no kau kauwa haahaa
JAMES L. FAUFATA
Kakauolelo o na hana kuloko.
CLEVELAND, Oct. 25 Ua hoole o W. D. Hinea ka mea alakai mua o na alanui kaaahi i keia la i ke kono a ua hui uniona o na alanui kaaahi i ka lawelawe aku i kekahi mau hana ma ke kanawai i mea e holomua ai ko olohani a ka lahui i hookaawaleia ai no ia olohani ma ka la 30 o Okatoba.
LILO LA LORD KA AELIKE O KE ALANUI KAMEHAMEHA
Ma ka Poakahi nei i wehe'a ai na koho no ka aelike no ka hana ana i ke alanui Kamehameha e ka @@e kinia kulanakaahale ame kalana. O E. J. Lord ka mea koho haahaa loa no ka hana ana i ke alanui ai Heeia aku mam kahi aku i koe ahiki i ke alahaka ma Kahaluu O kana koho he $298,000. O na mea koho e ne oia ka Hawaiian Contracting Co., he $341,000, ame Geo. Marshall he $343,000, ka laua mau koho pakahi.
No ka hana aku i ke alanui e komo pu mai ai hookahi mile @@@ o aku o ke alahaka, o keia malalo nei na koho a nei mau hui:
Ka ka Hawaiian Contracting Company, $441,000; George Marshall, $447, 000; E. J. Lord $470,000.
Me huina o $286,000 ka i makaukau i nei manawa no ka hana, elike me ia a ka Enekinia Fred O@@@ o ka hoike ana ae mahope iho o ke kuaiia ana aku o ua @@na ahiki i keia huina. O ka huina o $300,000 ka mea i huliia aku, wahi ana o ka hoike ana ae.
KA AHAMELE NO KA POMAIKAI O KA HALEPULE O MAKUA.
Maloko o ka hale Mission Memorial Holo, ma ka hora 8:15 p. m., o ka po Poalima aku la i hala, i haawi ae ai kapapa himeni o ka Ekalesia o Makua i ka lakou ahamele no ka pomaikai o ko lakou halepule; ua apulu ko lakou wahi halepule kahiko a ua wawahia ia mea e kukulu ae i halepule hou no lakou, a no ka huli ana i dala ame ia mea e hiki ai ke kuai i mau mahe@@@ no ke kukulu ana ae ia hale i hoolala ai lakou e wehe i ahamele, o ia keia i weheia ai ma ka po Poalima aku la i hala.
Ua pihakui oloko o ia hale i ka poe makaikai me ka piha hauoli i na himeni na mea kani ame na hana e ae i hoikeikeia mai ma ia po, a ua piha na naau ame na maka o na mea apau i ka hauoli no na mea a lakou i ike a i lohe ma ia po. He nani no o Joseph Kamakau ame Mrs. Alfred Alohikea, he nani okoa no hoi o Sam Toomey ame ka Ulumahiehie Club, ka inoa o ka nani wale no la hoi ia, i ke ku ana mai keia o na kaikamahine o ka Ua Kuahine o Manoa paiakuli oloko @@@ @@@@ @ @@ @@@@@ a @@@@@@ a ekolu manawa ko laua oili hou ana mai e himeni, o ka hoomakeaka mai no hoi a Julian Walanika, kekahi o na @@@kani a olohe himeni i kaulana i ke au i hala aiwa loa ka makemake o ko anaina.
I ka hoomaka hou ana o na hana himeni o @a po, mahope iho o ka hoomaha ana no umi minuke, ua meleia mai @ Mrs. Kailakanoa Pupuki kekahi himeni Hawaii, a i ka weheia ana ae o ka paku, ua ahuwale mai la ka awai i hooluluia elike me ka hooluluia ana o ke k@@hu o Laka a i hoomakuakauia e ka papa himeni o kakua, a he ku i ka ulumahiehie ame ka nani ka hooluluia ana o ka awai me na launahele uliuli ame na pua me ka loheia aku o ua himeni ka hula ame na mea kani Ua hookuuia na hana o ia po ma ka hora 10 p. m., mahope iho o ke meleia ana "Aloha Oe" ame Hawaii Ponoi."
IKE I KA PO LEA O HALALII MA OLOWALU.
Mr. Solomon Hanohano, ke kapena ahonui nana e hookele ana i ke Kilohana Pookela a ka Lahui Hawaii, o ia ka Nupepa Kuokoa; Aloha kaua me ka ulumahiehie: E oluolu mai hoi oe e hookipa aku ma kekahi rumi kaawale o ka kaua nunu lawe meahou, no kahi poomanao e kau ae la maluna o ia keia:
Ma ka po o ka la 8 o Oct. 1921 i malamaia ae ai e na keiki o ke kula o Olowalu he ahamele me hulahula, i piha pu i na hoaloha ame ke anaina hoohauoli.
O ka manao nui o keia ahamele i hanaia ai, o ia no keia. O na loaa apau e loaa ana, e hooliloia no ia no kekahi kumulaau Kalikimaka, @a manao ka mea nana e alakai nei i keia hana oia no o Miss Hip Kee he kahumai ka hana a keia wahine no Olowalu nei a he mea haawi laau no hoi ua manao oia, he mea pono e hana ia kekahi haua o keia ano i hiki ai e loaa kekahi mau dala makuahua i hiki ai e hoomakukau mua ia i kumulaau Kaiikimaka mamua hoi o ka hiki ana mai o ia manawa a hoomanao ae la au ia olelo a kahiko Iluna no ka ua, waele i ke pulu i ua mai no ia ua maemae ke kihapai. Pela hoi keia, hookahi mahina okoa i koe a komo i ka lua.
Ke hoomakukau mua nei keia i hiki mai no ia wa ua loaa mua.
Mahope iho o ka pau ana o ka ahamele ua malamaia he aha hulahula a pau ma ka hora 12 o ia po.
Ua manao wale ia o na loaa apau o keia ahamele aia no ia ma kahi o ke $90.00 Loaa iho ia ka mea a ka pelehu pokeokeo.
Ma ka la 4 aku o keia mahiua, ua hanaia he kipu ma Puukolii Haanapali he Pilipino ki no i kona hoa lahui iho a ku maluna ae o ke @@ekuelima aole i make ka mea i eha eia no oia ke lapaania mai nei a no ka mea ki pu hoi aia oia iloko o ka halepaahao kahi i ai ai i na hua o kana hana
He mau wahi meahou ia Hoomai kai i na keiki o ka papapai
Kou mau
JOSEPH KALANA
PAA HE IPUHAO PUHI OKOLEHAO MA KAPOHO, HAWAII.
I kulike me kekahi @ono kelekaiapa @@@aole o ka hoea ana mai i @@@@ lulu nei, e hoakaka ana ia i ka paa ana mai nei kekahi ipuhao @@@@ okolehao nui i ka Makai Nui Pua ma kahakai ma kahi kokoke i Kapohe He ipuhao o 100 galani he 1000 galani @@@@ i hoawaawaia ame ka okolehao i makaukau no ke kuaiia ana aku @@@@ ka waiwiio $4000 ka i loaa aku a pa@ i ka wawahi a niuiniia.
He Kepani o Shimbai Hanashi ka paa i ka hopuia e na makai ma ka manawa i loaa aku ai oia e puhi oko lehao ana. He mau palapala ka i loaa aku maloko o kauhale hana o na lima hana maloko o ia mau palapala kekahi poe e aka iloko o ia hihia.
I ka huli hoi ana ae o ka makai nui me kona mau makai mai na halehana mai o na limahana, ua huli hele aku la lakou iloko o na nahelehele he hapi@@@ mile ka mamao mai no alehana mai a malaila i loaa aku ai he mau omole okolehao i hiki aku ka waiwaiio i ka $1000 a i makukau hoi no ka hoaunaia ana aku ma na wahi like ole.
Ua hoopaaia ae o Hanashi maloko o ka halepaahao no kona ninaninauia. O kekahi kela o na manawa nui loa o ka okolehao i paa aku i ka hopuia elike me ka hoike maluna o ka mo kapuai o Hawaii.
WAIHOIA HE @E@E HANAU HOU MA KE ALAPII.
Ma ka hora 1 o ka wana@ao o ka Poakahi nei i loaa aku ai ma ka lanai o kekahi hale ma ka Helu 686 Alanui Hokele Heina, he brbr kaikamahine hanau hou loa, i waihoia aku e kekahi mai i maopopo oe, o kahi nae o ka laki, ua loheia mai ka leo uwe o kela bebe, e na mea e noho ana ma kela hale, a na laua i lawe aku i ka bebe e malama me ka hanai ana i ka waiu.
He bebe kela aole he lole a ua ame ane e make, i kau a mea o ka huihui no ka wili ole ia me kekahi lole e pumehana ai ke kino.
O na mea e noho ana maloke o kela hale oia o B. M. Aprenza ame kana wahine ua puoho laua mai ka hiamoe mai, i ka wa i lohe mai ai i ka leo uwe o kela bebe a ia hemo ana mai iwaho a ike i ka bebe e waiho ana ua hoiho@ koke i@ e laua iloko o ka hale me ka hoaahuia i ka lole a hanaiia i @@ waiu.
Ma ke kakahiaka ae o ka Poalua i hoikeia mai ai ka lohe i ka oihana makai e kela maumea no ka waihoio ana o ka bebe ma ka lanai o ko laua home me ka hoike pu ana ae in a aole e kiiia aku ana kela bebe e kekahi mea alaila e hookama ana laua i k@@@ bebe ua ka mea aole no a laua keiki iloko o ko laua noho mare ana.
Ina no ka lilo io aku o kela bebe i kela mau mea malalo o ka hookama la alaila e haawi ana laua i kekahi paina no ka hanohano o ka bebe a no ko lana laki hoi ika loaa ana o k@ laua keiki.
NA LETA KII OLE LA MAI AHIKI I OKATOBA 27, 1921
Ada, Paukeahi
Akina, John K
Opunui, Mrs. Wm (@)
Uaia, Moses N.
Hakuole, Joe
Hoopiiaina, Mrs
Joseph, Mr.
Kaio, Mrs. Lei
Kaiama, Peter
Kaili, Geo.
Kaiwa, Miss Louisa Kanoe
Kauai, Mrs. Pua
Kahaulelio, Mrs. Annie
Kalauawa, Daniel
Kaliiki, Dan
Kawalani, Annieable
Kame, Chas
Kanani, Mrs. Luey
Kamakui, Mrs. Louisa P.
Kaneao, David
Kamiki, Aukai (8)
Kani, Robt. H.
Kapaa, Miss Mary
Kawaiholau, Mrs. Joseph
Kawai, Joseph (2)
Kauole, Wm.
Keama, Mrs. @@@
Kealoha, Jno. K
Kealoha, Jno. K.
Kekai, Mrs. Francis
Kikoolani, Nawai
Kapeka, Miss Elsie
Kuamoo, Henry
Lui, George Kini
Lohilanin, Sampson P.
Haalo, J. M. Makelani, Jno. K.
Maeku, Miss Evely
Makaki, Michael
Malina, Mrs. Nell@@@
Mia, George
Mokiao, Chas A
Mahoe, Ha@@@
Mahoe, Louis
Naipo, Evan K.
Paaulehua, Levi
Panaewa, Miss Harriette
Pan, Samuel
Pael@, Samson
Pekini, Jas. K.
Piko, Miss Mary
Poi, Miss Louise
Puaoi, William
Wailehua, Chas
Waiwaiole, Lei
D. 11. MacADAM
Lunaleka
NA LEKA KII OLE LA MAI AHIKI I OKATOBA 22, 1921.
Aurau, Mrs. William
Alapai, Naehu
Akoloka, John
Aki, Malia
Aalona, Samuel
Lopa, Mary
Iona, Paul
I@@@, Geo
Hiram, Mrs. Lulia
Hanape,
Kamai, Mrs. Lauhapa
Kamaka, Sylvester
Kea, J. L.
Keanu, Sam
Kipi, Samuel
Kimokeo, Mrs. Mary
Kipu, Mrs. Mary
Kilauano, Miss Lizzle
Keohohou, Lineola (2)
Kaneo, Mrs. Lousia
Kaleiki, E. D.
Kalawa, Henry (2)
Kauakahi, G. N.
Kauimakaole, G. W.
Kaiu, Kalahiki (Mrs.)
Kaiua, Miss Ruth
Kaikaka, John
Kaileha, Mrs. Fannie
Kaili, Joseph
Kaili, George
Kaili, Jr. David
Kaaialii, M.
Kaalele, Joseph Mali
Kaapune, Benjamin
Kalima, Mrs. Josephine
Kuewa, Gus
Low, Mrs. Lizzie
Kahimano, Mrs. Makawahini
Nunuuha
Nunuuha, John
Penano, E.
Paookalani, Mrs. Evelina