Ka Nupepa Kuokoa, Volume LIX, Number 43, 28 October 1921 — Page 2

He Moolelo no

Konaradi Kenekona

a i ole

Ha Hiena o na Awawa Kuhoho ame Demo-

na ka Lio Eleele Kupaianaha

 

"Ua ike no au, i ka paakiki o ka ioaa hou ana he kuke makaukau ia kakou ma keia wahi, aka nae, ua komo ke kanalua iloko o'u, no ko Pekelo ano, elike me na mea i ikeia i keia la iho nei. "

He mea ole loa kena au e kamailio mai nei e kuu hoaloha, no ka mea aole loa he hiki ke hilinaiia keia lahui Ilikini, ame na hapa-Ikikini, ua like wale no ko lakou mau ano apau. Nolaila mai hilinai aku i kekhai o keia lahui kanaka, aka e hoounauna aku ia lakou e hana, me ka hakilo mau aku ia lakou i na manawa apau."

Ina paha o Konaradi kekahi ma kela wahi, ua kokua aku oia i ka manao o kona makuakane, ma ke kipaku ana ia Pekelo, aole nae pela, ua kaawale aku ke kanaka opio ame Kakeo no kekahi wahi okoa, nolaila ua haawipio okoa aku ia o Mr. Kenekona malalo o Done Jose, nolaila ua paa no o Pekelo, ma ke ano i kuke na lakou.

"He nani hoi ia, ke au'a hou nei oe ia Pekelo, e noho mai no i kuke na kakou, e olelo aku ana au ia Konaradi, e makaala loa oia ia Pekelo, aole e hookokoke aku i kahi e ku ana o Demona. he oiaio, aole o Dmona makemake ia Pekelo, a mai make no o Pekelo i keia la, in a aole oia i hoao e hookaawale iaia iho, mai ka lilo ana aku i pio na na wawae o Demona."

"Ina ua maka'u o Pekelo no ka lio eleele, alaila aohe a kakou maala ana no kela lio, no ka mea, aole loa e aa ana o Pekelo, e hookokoke ak uimua o kela lio.

O ka mea ano nui loa a'u i kamaaina ai no keia poe Ilikini, o ia no ko lakou molowa, me ka maka'u wale. me keia mau hoakaka a'u, e hoomau aku no ko Pekelo kuke ana mai i ka kakou mau meaai."

Mamuli o keia mau hoakaka a Done Jose, no ka hoomau ana aku no ia Pekelo e noho i kuke na lakou ua hoopau wale he la no @ Mr. Kenekona i kana mau ku-e ana, a i ka wa hoi i hoea mai ai o Konaradi, a lohe, aole e hoopauia ana o Pekeolo mai ka noho ana mai no i kuke na lakou, ua hoao mai la no oia e ku-e, eia nae, mahope o kona lohe ana, he hana paakiki ka huli ana aku i kekahi kuke akamai, elike me Pekelo, ua hoopau oia i kona manao ku-e, me ka mau no nae o na hoohuoi iloko on a, e hoea mai ana no i ka manawa a Pekelo, e hoala mai ai i kekahi mau hoopili-kia ana maluna o lakou.

Ma ka aoao nae o Peklo, i kona maopopo ana, e mau aku ana no kona noho hana ana malalo o kela poe kanaka Amerika, us hoopiha loa ia ak uoia me ka hauoli, no kona ohi i kekahi uku maikai loa, nolaila ua hoao aku la oia ma na ano apau, e hoikeike, me he mea la, aia maluna o kona mau haku kona hilinai piha, no ko lakou pono, ma ia ano iho la, ua hoauhee loa ia aku la ko Konaradi mau manao ku-e no kela kanaka.

No na la elua kela noho ana a konaradi ma ma kela wahi, me ka loaa ole o kekahi pilikia, a ma ke kolu ae o ka la, i hoomau aku ai ka lakou hele ana iloko o ka waoakua, no na aina, i noho ole ia e na kanaka, ke alahele hoi e hoea aku ai i kahi i waiho ai o ka waiwai o Mr. Kenekona ame Done Jose, i loaa mai ia laua malalo o kekahi palapala hoolilo kahiko loa i hanaia, mahope mai o ka hooukaia ana o kekahi kaua hahana loa mawaena o Peru me Kili.

 

MOKUNA XXXVIII

Ua hui pu mai ma keia huakai a Konaradi ma kekahi mau enekinia elua, he mau kanaka makaukau loa, ma ka hana eli lanahu a eli gula, a he ekolu mau kauwa a laua o ka hoolimalima ana no kela huaka'i, me na hoki ukana pu hoi kekahi. O keia mau kanaka enekinia, na ka hui Inabari i hoouna mai ia laua, no ka hele pu ana me Mr. Kenekona ma, e nana i kona aina; a oiai he alanui akea no kekahi e moe ana ma kapa o ka muliwai, malaila lakou i hele aku ai no kekahi mau la lehulehu.

Ma kela huakai hele, ua maopopo loa ia Pekelo, kona makemake ole ia e Konaradi ame Kakeo elike me kana i lohe ai i ke ku-e o kela kanaka opio, i ka wa a Done Jose i makemake ai e au'a iaia, nolaila i wahi e manaoia mai ai, he kanaka maikai loa oia, ua lawelawe aku oia i kana mau hana apau, me ka holopono loa i loko no nae o kela manawa hookahi, e hakilo mau ana oia i na kanaka opio; me kona hoomamao ana hoi iaia iho mai ia Demona mai, oiai e makaala mau aa o Konaradi i kela lio, ma ka hanai ana iaia, a lawe e hoohainu wai, ma ka aoao mau no hoi o kela lio, e hiamoe ai o Konaradi i ka po.

Me he mea la nae, iloko o na la mua o ke kaaele ana o kela poe, aole i noho malie o Pekelo, aka ua noke oia i ke kamailio i kona mau hoa kauwa e hele pu nei, e pili ana ia Demona, no ka mea ua kapa mai kela poe kanaka ia Demona he lio kepalo, a ua loaa pu aku hoi ia ike hookahi, i na enekiniea elua, e hele pu nei; oiai o laua kekahi e kamailio mai ana ma ke ano hoopahenehene ia Konaradi no kela inoa i kapaia ai maluna o kona lio, he kepalo.

Ma ka eha o na la mahope o ka haalele ana aku ia Poka Sedona, haalle aku la kela huakai i ke alanui akea, a hele aku la ma kekahi moali alnui, iloko o ka hihipe'a o na laau, me ke kamailio ana o ua poe kanaka nei e pili ana no na holoholona ahiu; in a no ka halawai aku me kela mau holoholo, alaila e malama ana lakou i na ili, ke halawai lakou me na lia ponaikai, ma ka make ana o kekahi mau holoholona ia lakou.

Mamua o ka uhi ana mai o ka po ma kela la, hoea aku la ka huakai, no kekahi wahi ponaha iwaena o ka ululaau, malaila i hoolulu iho ai ua huaka'i nei, no ka hoomaha ana, a no ka hoomakaukau ana no ko lakou hiamoe malaila ma ia po.

Ma kela wahi o ka ululaau, he nui maoli na keko akahi no kela poe kanaka a ike i ke keko, he hoike ana mai no hoi ia, i ko lakou komo kuhohonu ana iloko o na wahi hihiu o ka aina.

Mahope o ka pau ana o ka aina ahiahi, kahea aku la o Done Jose ia Pekelo e hele mai o ka mea apiki nae, aole he pane mai o ua kanaka nei, o keia ka manawa mua loak i nele ai kona ikeia ana aku ua nanea loa no hoi na mea apau, aole he noonoo ae no Pekelo i ko lakou manawa e ai ana:

"Ea eia o Pekelo ihea kahi i nalowale ai?" i pane ae ai o Done Jose me ka alaalawa ana o kana nana ana mao a maanei.

"O ka hope loa o ka'u ike ana aku nei ia Pekelo, e hele ana me kekahi hapa o ka u-ha pipi ma kapa o ka muliwai," i pane mai ai kekahi o na enekinia he kanaka Ailiki.

"Heaha aku la la kana hana i hele aku ai me ka paa pu ana i ka hipi me ia?" i pane hou ae ai no o Done Jose.

"Ma ka'u koho wale aku no, ua hele aku nei oia e hana i kekahi pahele e paa ai na holoholona hihiu, no ka mea he nui na holoholona hihiu maloko nei o keia ululaau."

"Aole loa o'u apono i keia hana a Pekelo, i ka lawe ana i ka kakou hipi me ke noi mua ole mai, a in a e halawai hou aku ana au me ia, e ike ana oia i kona nukuia aku e a'u, me ka ikaika loa," i pane mai a i hoi o Mr. Kenekona.

Oiai nae o Konaradi e paa malie ana, me ka lewalewa ana iluna o kekahi mea ana no i koho iho ai he pauku laau, ua hina pu mai la o Kakeo, a kau ana iluna on a, o ka maki aku la no ia o kela pauku laau, he hookahi ko laua haule ana aku ilalo o kekahi lua ma kahi paha o ka umi kapuai ka hohonu.

Ua loaa ka hoomaopopo ana ia Demona, no ka pilikia o kona mau haku, no ka mea, i kela wa i haule aku ai o na kanaka opio ilalo kuemi hope mai la ua lio nei, me ke keehi ana iho o kona mau wawae i ka honua, a hoomaka ae la e uhuuhu, elike me ka hana mau a nalio. Ke hoolohe wale aku la no o Konaradi me ka pane ole aku, aka mahope mai, ninau malu aku la oia, i ka enekinia i ike i ka hele ana o Pekelo, in a paha ua paa pu aku ua kanaka nei i kekahi pu raifela.

"Aole a'u pu i ire aku ai iaia e paa ana, malia paha, i hele mua aku nei oia no ka hana ana i umii, alaila hoi mai, a i kona wa e hele hou aku ai, e paa aku ai oia, me kekahi pu raifela.

            Pau ae la no ko Konaradi miele ana aku, haalele iho la oia i ka nui o kona mau hoa, a hele aku la no ka nana ana ia Demona; o ka mea nae nana i hookahaha loa mai i kona manao, o ia no kona ike ana aku, i ka noke o kona lio i ke kihelu i ka lepo, a e noke ana hoi kona ihu, i ke kope iloko o ka pakeke e waihoia ai o kana ai.

"heaha keia pilikia i loaa ia oe e Demona?" wahi a Konaradi, me ka pa'ipa'i ana aku ma ka a-i o kona lio.

Ke pienaena wale la no o Demona, me ka noke ana no o kona mau wawae i ke kihelu, a i wahi nona e ike pono ai i ka pilikia o kokna lio, ho-a ae la oia i kekahi lamalama, a i ka ike ana mai o Demona i kona haku, pau ae la kona pienaena ana, me ke kuakuai ana mai i kona nuku iloko o ka lima o Konaradi, ma kahi nae o ka pahee o na lehelehe o kona lio, ua eeke ae le ka lima o ke kanaka opio, i kau a mea o ke kalakala i kekahi mau mea ooi.

Paa pono ae la o Konaradi i ka lamalam imua, i ike pono aku ai oia i kela mau mea kalakala, he oiaoi, ike aku la oia ua hele na lehelehe o Demona, a paa pu i ke kuku ooi o ka panini, oiai o kela kekahi laau nui maloko o kela waoakua. Nana iho la oia iloko o ka pakeke e hookomoia ai ka ai a Demona, e waiho ae ana na kuku ooi o ka panini, i hoohuihuiia me ka palani ame ka bale.

Ua hoopiha loa ia mai o Konaradi me ka inaina, no ka mea nana kela hana kolohe e hoopilikia i kona lio, nolaila hukihuki malie mai la oia i na kuku ooi mai na lehelehe mai o Demona, ahiki i ka pau ana i ka hemo, o kona hele aku la no ia e ninini i na meaai o ka pakeke iloko o ke kahawai, a iaia i hoi mai ai, hoopiha hou iho la me na meaai maikai, ana no i hookaawale mua ai maloko o kekahi eke, akahi no o Demona a ai iho me ka pilikia ole, eia nae, e auku mau ae ana kona poo iluna, me ka nana ana aku ma ka moali alanui e moe ana iloko o ka ululaau, ma kapa o ke kahawai.

Haupu koke ae la ua o Konaradi, o kahi a Demona e nana la, o kahi hookahi no ia a ka enekinia i kamailio mai ai i kona ike ana i Pekelo, i ka hele noloko o ka ululaau, o ka lalau aku la no ia i kana kukui lamalama, a hoomaka aku la e hele, ma kahi ana i manao ai, o ke alahele ia a Pekelo o ka hele ana, he oiaio, iaia i mamao loa aku ai ma kahi kaawale mai ko lakou kahua hoomoana aku, ike moakaka iho la oia i ka waiho o na moali kapuai wawae o I'ekelo, a o ia ka ua kanaka opio nei i hooho ae ai:

"Aole he mea e ae nana kela hana kolohe ia Demona, o Pekelo wale no, a ua holo mahuka maoli aku nei kela kanaka Ilikini, me ka manao e poino ana o Demona iaia. Iua no ke komo o na kuku o ka panini iloko o ka 'opu o Demona, aole he mea nana e hoopakele ae i kuu lio o ka make wale no kona hopena he keu aku maoli no ka poe Ilikini o na kanaka ino lapuwale!"

Oiai nae ua o Konaradi e nana ana i na moali kapuai wawae o Pekelo, hoea mai la o Kakeo, no ka mea ua ike mai kela kanaka opio i ka lamalama, pela oia i hele mai ai e huli ia Konaradi a hoike aku la no hoi o Konaradi, ia kakeo i kana mea i ike ai, iloko o ka pakeke ai a Demona, a o ia ka Kakeo o ka pane ana mai:

"Ke paa loa nei ko'u manao, aole o Pekelo i hele aku nei e hana i pahele umii no na holoholona ahiu, a huli hoi hou mai me kakou, aka ua holo mahuka maoli aku nei no kela kanaka, me ka paopopo ole nae o ke kumu o kona hana ana pela, koe wale no paha, ka hele ana aku e hoike i kona puulu, no ko kakou wahi i hoomoana ai. Ua laki maoli o Pekelo i kona pakele ana, in a no kona hookokoke hou aku ia Demona, e weluwelu liilii anakona kino, elike me ia a Demona, i hana aku ai i kona kokoolua, he keu no keia a ke kanaka maka'u ole, o ka hoao ana e hoopoino mai ia Demona!"

"Aole o'u manao ua holo mahuka maoli aku nei o Pekelo, no ka mea in a aole on a makemake e noho mai me kakou, ua haalele kahiko mai oia, ma kela manawa a Nina, i hele mai ai me kona mau ukali; me he mea la ua hele wale aku nei no oia iloko o ka ululaau n kekahi mau hora, a hoi mai, me kona manaoio loa, ua make o Demona, he mea no hoi ia e kau ole aku ai na hoohuoi ana maluna on a, " i pane aku ai o Konaradi.

Heaha ka manao nui o kona lawe aihua ana aku nei i kehkahi u-ha bipi a kakou?"

"He maunu hoowalewale ia, i na holoholona ahiu; no ka mea ua lohe au i ke kamailio ana aku o kekahi o na enekinia i kuu makuakane, i ka hele oloko o keia ululaau a piha i na holoholona akiu, a he elua makahiki ae nei i hala, iaia maloko nei o keia ululaau, i pakele ai oia, mai pau i kekahi o na holoholona, i ka aiia. eia maoli ko'u manao e Kakeo, in a aole o Pekelo i hele maoli aku nei e hana i umii e paa ai na holoholona akiu, a e lilo hoi ka bipi i maunu hoowalewale, alaila ua hele pololei aku nei oia, no kahi i noho ai kona puulu.

"Ina nae ua hana i'o oia i umii, no ka mea ua kamaaina na Ilikini i na manawa hele o na holoholona ahiu, ma na hora no ia o ka wanaao, aole hoi ma na hora o ke ahiahi ahiki i ke aumoe, a ua hele o Pekelo i kahi o kona puulu, a huli hoi mai me kekahi pu, no ke kiai ana, o ka paa o kekahi holoholona, i kana umii."

"Aole o'u manao, e hana ana o Pekelo elike me kau e hoakaka mai la, oiai o kela kekahi o na kanaka hohewale, aole oia e aa ana e noho hookahi, e kiai o ka hoea mai o kekahi holoholona ahiu."

"I wahi no kaua e ike pono ai i ka hana a kela kanaka ea, e kii koke oe e Kakeo i kau pu raifela, a e hauhoa ae au i ka noho o Demona aia oe a hoea mai, alaila hookolo aku kaua mahope o ka meheu o kela kanaka."

Aole no hoi i loihi iho kela kakali ana a Konaradi hoea mai la o Kakeo, me elua mau pu raifela, o ke kau like ae la no ia o na kanaka opio malunao Demona, a hoomaka aku la e pii na kapa o ke kahawai, a laua no nae e ike la, iloko o ka wa ua, he wai wale no kela wahi, oiai nae, ua maloo i kela manawa.

"Pehe, ua ninau mai nei paha ko kakou poe no kou hele ana mai nei ea?" wahi a Konaradi i pane ae ai ia Kakeo.

"Aole he põe i ike, i ko'u hele ana mai nei, me ka malu au i kii aku nei i na pu, me na kaei poka, a oiai lakou e nanea ana i ke kamailio, o ko'u mio malu mai nei no ia, a nalowale iloko o ka poeleele."

Aole i lilo kela holo malu ana mai a Kakeo i mea maikai i ko Konaradi noonoo, no ka mea in a no ha hoea aku o kekahi poe Ilikini, no ka hoopoino ana i ko laua puulu, e noho nanea ana kela poe me ka manao mai no, o na kanaka poio keia, nolaila aole he mau hoomakaukau ana, ma ka aoao o ko laua puulu, o ko lakou poino iho la no ia, me ka hiki ole ke ku-e mai i na enemi.

"E lele ae au ilalo e nana ai i na moali kapuai wawae o Pekelo, i pololei ai ka kaua hookolo ana aku mahope ona," wahi a Konaradi, me kona lele ana iho ilalo. pela no hoi me Kakeo, a hoomalamalama aku la i ka laua kukui lamalama.

No kekahi mau kapuai wale no nae kela hoomau aa aku a laua i ka hele, he anuu ana no ka wawae o Konaradi, haule aku la oia ilalo, a kau ana iluna o kekahi wahi, me kona pa ana aku i kekahi mea hu'ihu'i, ana no i hoomaopopo koke iho ai, he bipi, o ia no kela bipi a Pekelo o ka aihua ana mai.

Mailalo mai o ka lua, i kahea mai ai o Konaradi ia Demona, e emi aku ihope, alaila ninau mai la ia Kakeo, in a paha ua eha oia, ke noke la o Kakeo i ka lomi i kona mau lima ame na wawae, e nana ana, ina paha ua haki kekahi mau iwi o kona kino. "Eia kaua e Kakeo iloko nei o ka lua, a Pekelo, o ka hoomakaukau ana no na holoholona ahiu," wahi a Konaradi.

"Ua hele au a eha loa, ke ike nei au i ka hu'i maoli o ko@n mau wawae, pela no hoi na lima, me he mea la, he haneri apuai keia wahi a kaua o ka haule ana mai nei@" i pane ae ai o Kakeo, me ka mau no i ka lomi ana i kona mau wawae.

Aia ma kekahi aoao o kela lua, i haule aku ai o na kanaka opio, ua kakiakia he mau laau loloa oioi, ua pomaikai nae na opio, i ka nui ole o na laau oioi i hanaia, no ka mea ua manao maoli oPekelo, aia a kekahi la mai, alaila hoi hou aku oia, me kona puulu, no ka hoopuni ana i kela lua me na laau oioi; a ua hala i'o aku o Pekelo, no kahi o kona poe, aka ua waiho iho nae i ka bipi, no ka manao no, e hoea ana kekahi holoholoa ahiu ma kela lua, o kona poholo no ia ilalo, a in a aole he maalo holoholona mai, alaila e holopono ana, kana mau mea i hooala mua ai, no ka hana hou i kela lua, a uhi me na lala maloo, i ole ai e ikeia aia he poino malalo o kela wahi.

Oiai na opio e noho malie la ilalo o ka lua, aia mau o Konaradi ke kahea ae la ia Demona, e hookaawale mai ka lua aku, ano ka mea o ka hopohopo nui iloko on a, o ia no ko Demona haule pu mai iloko o ka lua, a ke kau iho kela lio maluna o laua nei, aole he manaolana no ko laua palekana.

Me na noon like ole iloko o Konaradi e hana la, i wahi no laua e palekana ai, lohe like aku la laua a elua, i ka leo huwo o kekahi liona, a o ia ka Konaradi i pane mai ai i kona hoa: "Ke hopohopo loa nei au no Demona, in a no ka ike mai o kela liona, me he mea la, ua honi mai la oiai ka hohono o ka lio, pela e hoo@o mai nei i keia wahi. "

 

MOKUNA XXXIX

O ka noonoo mua loa i oili ae i loko o Konaradi, mahope o ka loha ana aku i ka leo kuwo o ka liona, o ia no ka palekana o kona lio punahele, alaila ninau hou mai la oia ia Kokeo:

"ua nui no anei kou mau wahi e eha?"

"Ma ka'u hoomaopopo iho, aole he iwi i haki, eia nae, ua hele au a eha maoli, e loaa ai ka ma'i e noke ai i ka lomi no kekahi mau la."

"E pono kaua e hemo mailoko aku o keia lua, oiai aia o Demona iluna o ka hoonua paa e ku mai la, a eia hoi kaua ilalo nei me na pu, o ko kaua hoea aku iloko o ka wa kupono loa, pela wale no e hiki ai ia kaua ke kokua aku ia Demona, i ka a e hoea mai ai o kela liona."

Mamua o ko Kakeo haawi ana mai i kana pane, lohe hou aku la no laua i ka leo kuwo mai o ka liona, i keia manawa nae, ke kokoke loa mai la i kahi a laua nei e noho ana, alaila kamailio hou mai la i kahi a laua nei e noho ana, alaila kamailio hou mai la no o Konaradi ia Kakeo.

"Ina paha he poo ko Demona elike me ko ke kanaka, alaila o ka'u mea e hauoli loa nei, o ia ka hoi awiwi o Demona, a hoike aku i ko kakou poe, e holo mai, e pepehi i kela liona, a e hoopakele ae no hoi ia kaua mailoko ae nei o keia lua. He hookahi nae mea hiki ole ia Demona ke hoi hou aku ihope o ia no kona makemake ole e haalele mai ia'u."

"E hamau kaua, ke lohe nei au i ke pahupahu kapuai wawae, " i papa mai ai o Kakeo, me ka leha like ana aku o ka nana ana a na opio iluna, a pane ae la hoi o Konaradi:

"Ua hiki loa ia'u ke ike aku i ke kino o ka liona, aia ke hele ae la ma kahi kokoe i ka bipi;" alaila lohe pu aku la no hoi laua i ke pohapoha o na kapuwai wawae o Demona, e poaipuni ana ma ka waha o ka lua a laua hoi e nana aku ana.

Iloko o ka nanea o Kakeo kani ana no ka pu a Konaradi mailoko mai o ka lua, iaia i ike hou aku ai i ka maalo ana ae o ka liona; a i ka meha ana iho o ka leo o ka pu, lohe aku la laua nei i ka holo paukiki o Demona, e hoike mai ana, i kona hele a piha i ka huhu, me ka pane ana mai nae o Kakeo:

"Ke ole au e kuhihewa, ua ku aku nei o Demona ia oe i ka poka, o ke kumu ia o ke lapalulu a kaua e lohe aku nei!"

"O ka'u e manaolana nei, o ka liona ka i ku aku nei i ka'u poka, aka aia laua ke hakaka mai la'i keia manawa, pela oe e lohe la, i ka holo o Demona, a ke hookokoke mau mai la laua i ka waha o ka lua nei."

"O e na lani!" i hooho ae ai o Kakeo, ma ka puliki okoa ana aku ia Konaradi ke ano mau o ka mea hohewale. "INa no ka haule mai o kela mau holoholona iloko nei o ka lua, aole he maolana iki no ka palekana o ko kaua mau ola.:

H!ki loa mai la o Konaradi ia Kakeo a pili i ka paia o ka lua, in a no e haule mai ana kekahi mea ilalo, aole laua e eha, ua pili i ka aoao o ka lua.

Ke lohe la laua nei i ka leo kuwo o ka liona , pela no hoi ke kapalili o ko Demona leo, mai ka nui mai o ka leo o ka lion, a laua e lohe aku ana, ahiki i ka nawaliwali ana, hoomanao mai la o Konaradi, e haa ana ka lanakila o kela hakaka ma ka aoao ao kona lio.

"Ma ka'u mau mea i lohe ai, he hiki loa i na liona ke lele a kau iluna o ke kua o ka lio, a o ka pipi ahiu paha, me ke nahu ana i ke kua ame ka a i ahiki i ka puha ana. Manao anei oe e Konaradi, aia kela liona maluna o ke kua o Demona kahi i kau ai?"

Aohe a Konaradi pane no kela mau olelo hoomaoe a Kakeo, oiai ua hele oia a piha loa me ka hopohopo, no ka hopena o ka paio hahana mawaena o Demona ame ka liona a ia laua no nae e pupue wale la, no me na manao pihoihoi, aia hoi, he nakeke ana iluna o ka waha o ka lua, haule mai la ke kina o ka liona, a waiho aku la ma kahi he mau kapuai helu wale no mai ia laua nei aku, eia nae, he nawaliwali loa kona wahi leo o ka uwe ana ae, e hoike mai ana aia kela holoholona, ke hookokoe aku la i kona hopena.

Ua hele na kanaka opio, a piha loa i ka maka'u me ka weliweli no ko laua pau aku i ka aiia e ka liona ma nei e mau ke ola iloko o kela holoholona aka ia laua nae i ike mai ai i ke kulana nawaliwali loa o kela holoholona ahiki i ka lele loa ana ae o kona aho hope loa. akahi no a hoomamaia ae kela noonoo pilihua o laua.

Ke holoke mai la o Demona iluna @e ke kihelu ana o kona mau wawae mua a kope hoi na wawae hope, me ka helelei ana mai o na pohaku ame ka lepo iloko o ka lua a o ia ka Konaradi i kahea okoa ae ai:

"Ea uwoki e Demona! Ehoomanawanui. no ka mea ua kaa ka lanakila maluna ou e kuu lio punhele!"

Ua ukaliia mai kela kauoha a Konaradi, me kekahi hokio, he loailona, e hoike mai ana ia Demona, e noho malie o ka pua koke iho la no ia o ka haluku ana mai maluna o ka lua, eia nae, ke kokoke loa aku la o Demona, o ke kiei wale aku no koe ilalo, a ke hopohopo la hoi o Konaradi,ka haule aku o Demona, o ko laua poino no ia.

"Aole a kaua hooponopono hou ana iho i koe e Kakeo, e ku ae oe iluna, a e pinanana aku au maluna o kou kua, no ka hoao ana e hemo aku iwaho o keia lua, no ka mea, k@ hopohopo loa nei au, o pholo mai auanei kekahi wawae o Demona, o ka kaule no ia ilalo nei o keia lua, he hookahi ko kakou poino like ana."

"Pehea iho la ko'u pono, in a oe e haalele iho ana ia'u, i lalo nei o keia lua?" i pane ae ai o Kakeo, me kona piha i ka maka'u. "Mai haalele mia oe ia'u e noho hookahi ilalo nei o keia lua!"

"Ina hoi ha aole e hiki ia oe ke kokua mai ia'u, i wahi @ kau ai iluna o ka waha o keia lua, alaila e kau mai oe maluna o kuu kua, o oe o kaua ke pii aku iluna, i ole ai e haule mai o Demona."

Ma kahi o ko m@eo ae mai i kela noi a Konaradi, ua hoole paakiki n@Aina oia, me ka olelo okoa ana mai, aole he hiki iaia ke @ iluna o kela wahi kiekie, a o ia @ KOnaradi o ka pane hou naa mai:

"Aole he pono iki o kelia noho malie wale iho no o kana ilalo nei, e pono oe e ku ae iluna, a e kau aku au maluna o kou kua, aia au a kau iluna o ka waha o ka lua, alila hoopakele mai au ia oe," o ka hapai okoa ae la no ia o Konaradi ia Kakeo ahiki i ke ku ana ae o kela keika iluna,o ka pinana mai la no ia o Konaradi a kau ana kona mau wawae ma na poohiwi o Kakeo, eia nae, aole oia i lihi l@ na aku i ke ka'e o ka lua.

Ike aku la nae oia i kekahi pohaku oioi, maluna ae o ka poohiwi o Kakeo, o ke keehi aku la no ia o kekahi wawae on a i kela pohaku, me ka elieli ana aku hoi o kekahi wawae iloko o ka lepo palupalu ahiki i ka loaa pono ana o kahi e paa ai, he hookahi ho ia lele ana, paa aku la kona lima akau i kekahi aa laau, a hooikaika aku la ahiki i ke kau ana iluna o ka waha o ka lua, me ka hele nae a pau ke aho i kau a mea o ka nui hooikaika.

Aia no o Demona ke holoke la i o a ia nei, kehea aku la o Konaradi iaia e ku malie mai; no kekahi mau anawa lehulehu, kela hoomalielie ana aku a Konaradi ia Demona, ua ku malie iho la ua lio nei, me kona alakai ana aku a hoopaa ma kekahi kumulaau e ku kokoe mai ana.

I wahi nae e hiki mai ai o Kakeo iluna o ka waha o ka lua huli aku la o Konaradi iloko o kela pouli aaki o ka po, i kekahi mau kaula mai na laau hihi mai, o kahi nae o ka laki he nui na kowali e ulu ana malaila, o kona huki ma!la no ia na kowali loloa, a hoopaa aku la ma ka ai o Demona, a wehe mai la i ke kaula.

Me kela kaula, i hookuukuu aku ai oia iloko o ka lua, no ka hoopakele ana ae ia Kakeo, a iloko o na minuke helu no, ua oili ae la o Kakeoiluna, me ka noke ana i ka namunamu i ka nui o kona eha, a o ia ka Konaradi o ka pane ana mai:

"e hoopau koke oe i kou namunamu ana e Kako! Aole anei ou manao iho o kaua like no ka i eha, eia nae aole o'u namunamu no ia pilikia i loaa ia'u, a o kekahi no hoi, e hoomanao iho oe, o Demona kekahi i eha, i kona hakaka ana me ka liona nolaila e hoomaikai iho oe, i ka pakele ana o ko kaua mau ola mamuli o na konua a Demona. E hele koke aku oe e ho a i ahi, me ka nana ole i kou eha., a e hele ae au e nana pono i na wahi eha o Demona."

Me kela hoihoi ole no, me ka namunamu pu hoi, i ku ae ai i Kakeo iluna, hoakoakoa mai la i kekahi mau lala laau maloo, a hoa ae la i kekahi ahi, a mai ka malamalama mai o kela ahi, i hiki ai ia laua nei ke ike i na mea e hoopuni ana i ka lua liona, a Pekelo o ka waiho ana i ka ma luu ooi o ka hona.

Nana aku la laua ilalo o ka lua, a ike aku la i ka waiho mai o ke kino o ka liona, e hamama ana ka waha, a e lewalewa ana hoi kekahi uha, ua haki a lewa loa, ua loaa pono aku i kekahi o na peku mahanahana a Demona:

"Ma ka'u mea e hoomaopopo nei i ke ano o ka haka@ ana a Demona me kela liona me kona mau wawae mua no ia, ma kela ano hookahi no hoi a kaua i ike ai, i ka wa @ Demona i holo aku ai imua o Felipe, a haule ai kela kanaka i ka pali a make loa," wahi a Konaradi i pane ae ai

"O ka ninau nui wale no a kaua e noonoo ai i keia manawa, heaha hou aku ka kaua mea e hana ai?" i pane mai a i o Kakeo, me kona maka'u mai la no ko kaua hoomau aku i ka noho ana ma kela wahi. "He oi ae kuu hauole, in a aia au maloko o ka halelole kahi i kiamoe ai i keia po, mamua o ka hele ana mai nei iloko o ka ululaau, no ka hookoloana mahope o Pekelo."

"Aohe a kaua mea e hana aku ai, o ke kakali wale no ahiki i ke ao ana ae, alaila noono aku, ka huli hoi ana imua o ko kaua puulu," i pane mai ai no hoi o Konaradi.

"Heaha ua hoi ke kumu e hiki ole ai ia kaua a elua @ hoi aku no kahi o ko kaua mau hoa e noho mai la, aia a @ kakahiaka o ka la apopo, alaila hele mai e nana i ka liona make? Aole o'u manao, ua hoi aku nei o Pekelo!"

"aole mai la he hoihoi o KOnaradi i kela manao o Kakeo, no ko laua hoi like no kahi a kona makuakane e nou @ mai la me kona mau hoa, no ka mea aia ka noonoo nui lo@ o Konaradi maluna o ka liona, malia ma ko laua manawa e haawale ai mai kela wahi aku, e hoea mai ana kekahi poe okoa a i ko lakou wa e ike ai i ka liona, e kii ana lakou e kela holoholona ahiu, a lawe na lakou.

He nui na kumu o ko Konaradi makemake ana i ka liona aole no ka malama aku i kona ili, aka i mea hoomanao, no ka lilo ana o kela liona, na Demona i pepehi a make he mea hookaulana aku hoi ia i kona lio, kela lio ana pono i hoolakalaka ai, me ka piha akamai loa, ka hana hiki o'e ia Felipe, a i kekahi paha o na keiki paniolo o Amerika Hema.

"Ina no hoi, no kou hoi hookahi, manao no anei oe la

 hana maalahi nau ka hookolo ana, ahiki i ka hoea ana aka i kahi o ko kaua mau hoa e hoomoana mai la?" wahi @ Konaradi i ka pane ana mai ia Kakeo.

"heaha ka waiwai o ko'u hoi hookahi ana aku, a waiho iho au ia oe hookahi ma keia wahe mehameha, o kaua like no ke hoi, aia a ke kakahiaka o ka la apopo, alila hele hou mai no hoi kaua e nana i ka liona."

"Aole pela ko'u manao, aka i hookahi o kaua e hoi, a e noho kekhai, a nau e koho mai, i kau mea i makemake ai, in a paha no ka hoi, a no ka noho paha iloko nei o @ ululaau."

"Ua oi aku ko'u makemake e hoi no kahi a ko kaua mau hoaloha e noho mai la, mamua o ko'u noho ana iho iloko nei o keia ululaau, i piha in a holoholona ahiu he nui."

"Ina pela, e kii aku i kau pu raifela, a e paa pu aku @ me ke kukui lamalama a kaua, a e huli hoi pololei aku imua o ko kaua mau hoa, a owau ke noho, e holoi i na wahi i ehua o ke kino o Demona, a in a he nui ka manwa kaawale e loaa ana ia'u, alaila lole aku au i ka liona, me ka hookaawale ana ae i kona ili."

"He keu aku maoli no kou maka'u ole e Konaradi no kou mau ano koa he nui, i mahalo ai au ia oe, a oiai ua paakiki loa oe e noho iho ma keia wahi, me kou nana ole ae i ka nui o na pilikia, aole e hiki ia'u ke noho pu aku me oe, aka e hule hoi ana aku no kahi hoomoana o kakou a hoike aku imua o ko kaua poe, i na mea i halawai mai @ kaua ia keia po."

Demona, ua kukonukonu maoli no, ka pilikia iloaa i kona lio, a o ia kana o ka pane ana mai ia Kakeo:

(Aole i pau.)

 

Ka Nupepa Kuokoa

KE KILOHANA POOKELA NO KA LAHUI HAWAII.