Ka Nupepa Kuokoa, Volume LIX, Number 44, 4 November 1921 — Hoololi Hou Ia Na Komite o ka Papa Luoakiai Lele ka Lunakiai Kumalae a Ku ma ka Aoao o Kona Mau Hoa Lunakiai Demokarata KAA KA HAPANUI I NA DEMOKARATA Lilo ka Noho Lunahoomalu Ana i na Komite Apau i na Hoa Demokarata o ka Papa [ARTICLE]

Hoololi Hou Ia Na Komite o ka Papa Lunakiai

Lele ka Lunakiai Kumalae a Ku ma ka Aoao o Kona Mau Hoa Lunakiai Demokarata

KAA KA HAPANUI I NA DEMOKARATA

Lilo ka Noho Lunahoomalu Ana i na Komite Apau i na Hoa Demokarata o ka Papa

Mamuli o ka lekei hou ana aku la o ka Lunakiai Jonah Kumalae, a pili me na hoa Dcmokarata, o ka papa o na lunakiai, ma ka halawai a ka papa ma ka Poalima aku la i hala, i holopono ai, ka hoololiloli i na komite o ka papa, i hoolalaia e na Demokarata, me ke kaa wale no o na lunahoomalu o na komite apau, i na Demokarata, a noho lala aku na hoa Repubalika o ka papa ma kela mau komite. He eha mau lala o ka papa lunakiai he poe Dcmokarata, a he ekolu hoi he mau Repubalika; me ia kaa no nae o ka hapanui o na hoa o ka papa, i na Repubalika, ua haalele ka Lunakiai Kumalae, i kona mau hoa, a lele ma ka

aoao o na hoa Repubalika mamua aku nei, pela i kaa ai ka noho lunahooma--lu ana o na komite lehulehu i na hoa Repubalika o ka papa, aka nae, iaia i hoi hou ai me na hoa Demokarata, ua ku ae la he papa komite hou, elike me ia i hooholoia ai e ka papa, ma ka halawai o ka Poalima aku nei i hala. O ka papa komite hou i hooholoia ma kela Poalima aku nei i hala, o ia no keia malalo iho nei penei: Komite o na Alanui ame na Hanahou: Jonah Kumalae lunahoomalu; Lester Petrie, Manuel Pacheco. Komite o na Paka ame na Kahua Paani: Manuel Pacheco, lunahoomalu; William McClellan, Chas. Arnold. Komite Ola me Oihana Wai: Jonah Kumalae, lunahoomalu; Lester Petrie, Ben Hollinger. Komite Waiwai: William McClellan, lunahoomalu, Manuel Paeheco, Ben Hollinger. Komitc Makai: Lester Petrie, lunahoomalu, William McClellan, Eben Low. O ka Lunakiai Arnold, ka i waiho aku he hoololi i ka papainoa o na komite lehulehu, i waihoia ae e na Demokarata, ua hooleia nae, ma ke koho ku-e ana, a na Demokarata eha, i na Repubalika ekolu. I ka waiho ana aku nae o ka Lunakiai Arnold, i kana hoololi, ua hoakaka pu aku oia, i ke kumu o kona manao ana, e aeia mai kaua hoololi, me keia mau olelo: "Ke hoomaopopo nei au, mamuli o ka paani politika, i ala mai ai keia mau hoololiloli ana. "Ina o ka makemake o na hoa Demokarata o keia,papa, e kaa ka hooma--lu ana o ka papa ia lakou, aole a'u mau ku-e ana aku. Ina nae aia iloko o lakou ka makee kui'o, ma ke koho ana i na kanaka oi loa o ke kupono, no kela ame keia wahi maluna o na komite ,alaila ke waiho aku nei au i keīa hoololi, i hiki ai i na Repubalika ke olelo ae, ua kokua aku lakou, i ka papa, ma ka wae ana i na kanaka kupono. Ke olelo pu aku nei no hoi au, ua makaukau na Repubalika, e hana ma na ano apau e pono ai ke kulanakauhale a kalana, me ka nana ole i ko lakou kaa ana ma ka aoao uuku." O ka papainoa o ke komite, ma ke ano he hoololi i waihoia ae e ka Lunakiai Amold, o ia iho keia: Komite Waiwai: McClellan, lunahoomalu, Pacheco, Hollinger. Komite Alanui ame na Hanahou: Petrie; lunahoomalu, Kumalae, Pacheco. Komite Paka ame na Kahua Paani; Pacheco, lunahoomalu; McClellan, Arnold. Komite Makai, Kumalae, luuahoomalu; MeClellan, Low. Komite Ola me Oihana Wai. Petrie, lunahoomalu, Hollinger, McClellan. ' No ke pani ana aku i ke kulana i paaia e J. F. Colburn, ua hookohuia aku o Enoka Kealoha, i lunanana waiu, ma ka halawai a ka papa ma kela Poalima. WAKINEKONA, Oct. 31.—Mahope o ka hoohala ana i ka la ma ke kamailio ana maluna o na uku manuahi o na koa, ua apono ke senate i ka hoololi o ka bila e hooponopono ana i ka auhau e kau ana i $1 no ke kaukani maluna o ke kumuwaiwai mai ka $5000 a i ka $3,000,000 a i dala pakui hou iho maluna o na kaukani oi aku maluna o ka $3.000.000.