Ka Nupepa Kuokoa, Volume LIX, Number 46, 18 November 1921 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUAKAI A NA KAMAHELE NO WAIMEA

 

E Mr. Lunahooponopono o ka nupepa kuokoa, Aloha oe a nui loa: E oluolu mai oe noʻu kekahi kolamu kaawale. ma ke kakahiaka Sabatik horn 9 a.m., la 23, o oct. haalele i ka homola Honalo, a kau i ke kaa otomobile @ne ke kamaaina Kanehoalani Kailikini no Waimea ka pahuhopu.

Mamua o ko makou haalele ana i ka home, kamailio mai la kuu papa ia Mr. Kailikini, ua ike no anei oe ia lede o Mrs. Lioe kaanaana o Waimea @ Ae, mai poina oe i ka hoolauna ana aku iaia nei, a e alakai aku oe i kona home, a e olelo aku oe o ka Z.P. kalo kuokamaile kaikamahine keia o na poopoo.

Pau no ka laua kukaʻi olelo ana, o ka lalau iho la no ia o ke kiakaa, i ke ki o uwehoue a hoomanao ae la au i kekahi mau lalani mele a kuu papa, penei: Niniu ka huila oni na hao, o ke ki akau kaʻu makemake, ka haloke a ka hao iloko a iwaho, I luna ilalo e onioni nei

O ka oni aku la no ia nomua, a ku ana ke kaa o makou i napuu, kahi o na puu e kaulana nei, puuwaawaa, ame puuanahulu. wehe ka uwaki ho@a 11 a.m., pono ia, he puu maikai maoli no keia, a koe wale no ka nui ole o kauhale; aku i ka nana ana i ka aina he nani maoli.

Kahea ke kiakaa, makaukau, o ia holo o ia lele, a kau ana iluna, o ke oki mai la no ia, a he aneane paha elua mile e holo mai ai, alaila; loaa ke alanui aila o keamuku, he pakiki he pahee mai hoi kau, lawe ka akau lawe ka hema ohi i ka lau o ke pahili.

Hora 1 p.m., kapalulu ana ke kaa otomobile ma ka ipukahale o na kamaaina. aohe i lohe na kainaaina o ka home, he mau malihini e puka aku ana, a ua hoomakaukau awiwi mai la ke kamaaina i ke kuke i meaai na makau, a makaukau iluna o ke pakaukau kii mai la ia makou e hele e ai. Pau ka ai ana hoomaha liilii, a olelo ke kamaaina ia makou e iho i kai o Kawaihae e makaikai ai. Hora3:30, iho aku la makou i kai o kawaihae.

La makou e iho nei ahiki ma kahi o na laau kiawe e ulu ana, hookahi no kioʻe ana a ka lalakiawe i ka lima o koʻu lole, kau ana kekahi apana liilii o kuu lole i luna, oiai he lole lahilahi no. Ike nae ia kawaihae, eia no hoi ka lepo ke puahiohio mai nei mamua o makou, a komo mai la iloko o ke kaa. holo ko makou kaa ahiki i kai o kawaihae, lele ilalo, i nana aku koʻu hana i na maka o kekahi poo o makou a noe ka helelena

Olelo aku au heaha mai nei hoi keia o oukou! i keaha la! O na helehelna o oukou ua like loa me ke keko, a pehea ka hoi oe! Eia ka o ia haawina like.

Hoi no ka home puanuanu o Waimea, hora 6 p.m., hiki iuka o Waimea.

Papa Na Lako Kukulu Hale

Moe

Na moe Opiopi a nalowale ma ka Paia, o keia ke ano kupono o na Moe no kou Home hou. Noi mai ia makou e hoouna aku i buke e hoikeike ana he mau Kii lehulehu o na hale Liilii me na Moi Paia i hookomoia

ALLEN & ROBENSON, LTD.

Hoaumoe ma ka home o kanehoalani kahakui, e ake ana o ke ao ae, hele i kahi i kauhaia mai ai iaʻu a ao no hoi, a pau ka paina kakahiaka o koʻu hoolale hoke aku la no ia i kamaaina e lawe iaʻu i kahi o Mrs. Lioe Kaanaana, a ua laweia aku la au e akamaaina, a hui iho la maua.

O ka Z.P Kalokuokamaile kaikamahine au, a ua hookipa oluolu aku la kela iaʻu, me koʻu mau hoahele, a e makaukau ana e hele e kuke i meaaina makou, a olelo aku la au mai hooluhi oe; ua ai mai nei makou a ua maona.

Ua nanea iho la maua me ka oluolu ame ke aloha, me keia mama waipahe, aole no i loihi loa ko maua kukaʻi olelo ana, a haawi ae la maua i na puili lima ana a ke aloha, no ka huli hoi ana i ka home.

Ke nana la au i ka aina o Waimea, he nani hoi kau, i ka waiho palahalaha o ka aina, o ia no oe ka moanakai o Alenuihaha, ame ke kukilakila mai o na kuahiwiw ekolu,. makepono ka hele ana e ike ia Waimea; in a paha o ka noho wale iho no i ka aina a make!

Mamua o koʻu haalele ana i ka home kauoha mai la kuu papa iaʻu, in a e hiki oe i waimea, a hele aku oe i ka halekuai o Carter i lolewawae ahinahina noʻu; ua lohe au he oluolu ka lole. Ua hele io aku la no au, a ninau i ke kupakako halekuai

, he $1.50 no ka lolewawae, a o koʻu kuai aku la no ia 2 lolewawe, oiai, he $3.00 $2.50 ka haahaa ma Kona nei; palaka onionio o na kane, ma Kona nei, $2.25 a he $1.75 ka haahaa, ma ka halekuai o Carter he 65 keneka, paleili he 50 keneka, ma Kona nei $1.00, a he 85 keneka ka haahaa.

Auhea oukou e na Kona nei, hoiliilii kau dala, hoouna ia Carter i Waimea!

Me na keiki hoonohohua kuu welina a o ke aloha pau ole me ka Lunahooponopono.

MRS. ANNIE K. KAILIKINI,

Honalo, Kona, Akau, Nov. 7, 1921

HE $90,000 I HOOKAAIA AKU NO KA HAPA O KE KAHUA

Ma ka poalua nei i hookaaia aku ai i ka waiwai o Cooke e ke aupuni kulanakauhale ame kalana he $90,000, ke kumukuai no kekahi hapa o ka apana nina o Cooke e waiho nei ma ua alanui Moi ame Puowaina, ke kahua hoi i manaoia malaila e kukuluia aku ana ka hale aupuni o ke aupuni kulauakauhale ame kalana ma nei mua aku, ke ʻole e loli hou ae. Na ka hope loio kulanakauhale Vitousek i hoomakaukau na palapala e pili ana i kei hoolilo ana. Mailoko ae o 120,000 kapuai kuea maloko o kela apana holookoa he 54,000 kapuai kuea i lilo mai la ma keia hoolilo ana oiai nae, o ka 120,000 kapuai kuea holookoa ka i makemakeia i kahua no ka hale aupuni kulanakauhale.

"Ina no ka hoololiia ae o ke kahua o ka hale aupuni kulanakauhale e kukuluia aku ai ma nei mua aku, ua hiki no keia apana aina ke hooliloia aku ma ke kaui e ke kulanakauhale ame kalana" wahi a ka hope loio kalana. "Elike me ka mea i ikeia i nei manawa o ka poe no lakou na apanna aina e pili kokoke mai ana, aole o lakou makemake e kuai i ko lakou mau apana, me ka ike maopopo no nae e hoopii hoahewaia aku ana ko lakou mau apana aina e ke aupuni kulanakauhale ame kalana ma nei mua koke iho ke hoomau loa mai lakou i ka hoole ana."

Mailoko ae o ke $90,000 i hookaaia aku i ka waiwai o Cooke, he $50,000 o ia huina i hoomoeia aku ma na bona no ke alanui holopuni Kamehameha.

KAPALAKIKO, Nov. 10- Ua paa ka waiwai o Claus Spreckles Jr., ma lalo o na aie, e loaa ole aku ai i na hooilina he hookahi keneka , i kulike ai me ka hoakaka a JohnL. MeHab, o ka hoea ana mai, ma kekahi hoopii kauawai, a kekahi hui hana i na mea gula o Nu Ioka, e ku-e aua ia Mrs. Sadi Wirt Spreckles, ka wahine kane make no $50,000 i oleloia ae he huina dala no kekahi mau pohaku daimana i kuaiia ma ladana.

TERITORE O HAWAII

Keena o ka Puuku, Honolulu, Oahu.

Ma ka hana e hoopau ana i ka HAWAII SEISHU KAWAIASHA, LIMITED. OIAI. o ka HAWAII SEISHU KAWAISHA, LIMITED, he hui ia i kukuliuia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i olelia, hui pu ia me ia, elike me ia i koiia ai ma ke kauawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kulena mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena , mamua ae o ka hora 12 awakea o ka la 24 o Ianuari, 1922, a o kela ame keia ame e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka hale mana hooko honolulu, ma ka hora 12 awakea, o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palpala noi i oleloia

DELBERT E. METZGER

Puuku, Teritore o hawaii, Honolulu NOvemaba 12, 1921. 6478-Nov. 18, 25: Dec. 2, 9,16,23,30, 1921; Jan 6, 13,20,1922.

PEPEHIIA A MAKE KE KUHINA NUI HARA O LAPANA

I kulike me ka lono i loaa mai i Hawaii nei ma ka Poaono i hala, ma ka uwea kelekalapa, e hoakaka ana ia i ka pepehiia ana mai ei o ke Kuhina Nui Hara o Iapana, ma ka Poalima, Novemaba 4, e kekahi opio i manaoia ua pupule kona noonoo, nona na makahiki he umi-kumamaiwa, maloko o ka hale kaaahi i ka manawa a ke Kuhina Nui Hara i lele aku ai mailuna aku o ke kaaahi a e hele aku ana noloko o ka hale kaaahi, ma ka hora 7:30 p.m., o ia ahiahi. No kekahi manawa pokole ke kamau ana o ke ola o ke kuhina nui a lele ola ae la kona hanu. Ua paa ka mea pepekikanaka i ka hopuia nona ka inoa o Ryoichi Nakaoka, he kanaka opio i hoonohoia ma ka hale kaahai o Otsuka kokoke i Tokio, a i hoohanaia hoi e ka hui kaaahi no kahoohuli ana i ke kuiki o ke alahao.

I ka manawa i lele aku ai ke Kuhina Nui Hara mailuna aku o ke kaaahi a e hele aku ana oia noloko o ka hale kaahi ma kekahi puka olokli aku, oia kona manawa i pahuia mai ai e ke kauaka opio me kekahi pahikaua pokole mamua o ka umauna, a komo ka oi o ka pahi i ka puuwai ame na akemama o ke kuhina nui elemakule, me ka hooho ana ae o ke kanaka limakoko i keia mau huaolelo "o oe keia e ke kanaka kumakaia!"

Ma ka manawa i paa ai o ke kanaka opio i ka hopula ua loaa aku ma kona kino kekahi palapala ana i kakau ai na kona makuahine, me kekahi mau palapala e ae. He moopunakane kuakahi oia na S. Nakaoka, ke alakai i kaulana o ka aoao kalaiaina "Meiji Restaratiou" ka aoao kalaiaina nana i hoihoi hou ae i ka mana o ke aupuni i ka Mikado mahope o ke kaa ana o ka mana iloko o na lima o ka aoao Tokugawa no 300 a oi aku mau makahiki.

O kela huakai a ke Kuhina Nui Hara o ka holo ana mai e hele ana oia no kekahi halawai kalaiaina nui a ka aoao Seiyukai e malamaia ana ama Kioto, ka aoao kalaiaina e paa ana i ka mana o ka hookele aupuni ana ma Iapana, a o ka aoao kalaiaina hoi i noho poo ia e ke Kuhina Nui Hara, ma ke ano he peresideria.

Mahope iho o ka make ana o ke kuhina aui, ua noho ka aha kuka kuikawa a ka papa kuhina o Iapana me ka awiwi loa a ua hooholo ka aha kuhina e hoihoi ae i ko lakou mau hookohu i ka emepera, mahope iho o ka hookohuia ana mai o ke kuhina nui hou ke Kauna Tasuya Uehida, ke kuhina o ko na aiua e, i kuhina nui no ka manawa.

            Ua pili kaumaha loa ka Emepera o Iapana i ka manawa i hoea aku ai ka lono imua on a no ka pepehiia ana o ke kuhina nui. E malamaia ana kekahi hoolewa no ke kino o ke Kuhina Nui Hara e ke aupuni maloko o Tokio.

O ke Kuhina Nui Hara i make mai ia oia ka peresidena o ka aoao kalaiaina Seiyukai a i ole ka aoao kalaiaina kumukanawai, ka aoao nana e hoomalu ana ka hapanui o na hoa maloko o ka ahaolelo o Iapana. I ke kuhina nui i make aku la ua manaoia o ka Makuisa Saioniji ke kulkulu ae ana i aha kuhina hou maiwaena ae o na hoa o ka aoao kalaiaina Seiyukai, a ma kekahi oleloia nae me he mea la, o ka Visakauna Uehida ke kanaka koʻikoʻi a ikaika i manaoia mana e wae mai ana i na kanaka kupono no ka aha kuhina hou.

Ua loaa ae i na hou o ka ahaelele Kepani i holo ae ai i Wakinekona ke a lono kaumaha no ka make hikiwawe loa ana o ke kuhina nui, a a hoopilihuaia aku ko lakou mau noonoo, elike a e ka o ke ademarala Baron Kato ke kahi o na hoaaloha pilipaa loa o ke kuhina nui, i ka manawa i loaa ae ai o ka lono. E ai ana laua maloko o ka hale o ke kuhina o ko na aina e Kepani me ka Barona Shidehara, i ka manawa i hoea ae ai ka lono no ka pepehiia ana o ke kuhina nui, i wakinekona.

Me kela maʻi o ka emepera e waiho ana ma kona kino aole hiki ke hele, a ma kona noonoo hoi e hiki ole ai ke hoolaia, a me Iapana hoi ilokoo ua kupilikii lehulehu ua kau aku maluna o ke Kuhina Nui Hara ka hilinai ana a na elele a Iapana i hoouna ae ai i ka ahakukakuka ma Wakinekona, no ka hoemi ana mai i na mea kaua, no kaHara alakai ana aku i ke aupuni a eia nae mamuli o ka lono i loaa ae la ia lakou no kona make emoole ana, ua lilo ia he puupuu ikaika loa ia lakou i ke aupuni o Iapana. Ma ka oleloia o Hara hookahi wale no ke kanaka nana e hookele ana i ke aupuni o Iapana, no ka mea, o kana mau olelo hooholo a pauʻua aponoia mai e ka emepera. Ua holopouo kana koi ana aku ia Tanaka, ke kuhina kaua mua, e hooikaika oia ma na ano apau e hiki ana iaia ke hoohua a e loaa ai hoi na ike maopopo mawaena o na lala o ka oihana kaua ame na makaainana o ke aupuni, i mea e loaa ai ka lokahi a ua loaa io.

Mamuli o kela maʻi o ka emepera o Iapana, e noho mai la, me ha mea la e koiia ae ana ke Keikialii Hooilina Kalaunu Hirotio, e lawelawe i na hana a ka emepera mamua o kona poniia ana i emepera iloko o keia manawa ano nui no ka pono o ke aupuni o Iapana ma nei mua aku.

E HOEA MAI ANA KA ILAMUKU JOFFRE O PALANI IANEL

E hoohanohanoia ana o Honolulu nei ma nei mua koke aku maʻo ke kipa ana mai o ka Ilamuku Joffre, ke kenerala Palaur a o ke alakai hoi o na koa Palani na lakou i alai aku i na koa Kelemauia ma ka Muliwai Marne, elike me ka hoakaka a Gustav Kahu, he Komisina Palani kuikawa o ka hoea ana mai i Honolulu nei maluna mai o ka mokuahi Golden State mai Kapalakiko a e holo ana no kina.

Mai ke kulanakauhale mai o Parisa ke Komisina Kahn o ka holo ana mai no Nu Ioka me ka Ilamuku Foeh ame kekahi mau alakai Palani kiekie e ai a ua noho aku nae ko lakou poe o ka holo pu ana mai i Wakiuekona no ka malama ana i ke anaina hoolewa o kekahi koa Amerika i make ai i ke kaua nui, he koa i maopopo ole kona inoa a hoomoe pu ia aku kona kino lepo me na koa e ae i make mua ma ka ilina Arlington.

O keia komisina Palani Kahu i holo aku la uo Kina, he kanaka oia i komoinau aku ma ka oihana kanikela o kona aupuai, he kanakolu makahiki i hala aku nei ma Tonquin oia kahi i noho ahana ai ma ke ano he kanikela, a malaila ka oia i hala wai mua ai me ka Ilamuku Joffre, i ka manawa he kapena wale no ko Joffre kulana no ka oihana koa Palani.

I ka manawa i ala ae ai o ke kaua na hoi akuʻ oia i Palani a noi aku la i kona mau poo maluna ae on a e aeia mai oia e komo aku i ka oihana koa a na oleloia mai ka oia nohe kupono iaia ke komo aku i ka oihana koa ia manawa, no ka mea, ua elemakule oia a ua makemakeia oia e hui aku ma kahi o kekahi kanaka opio e noho kanikela ana ia manawa, a o ke kanaka opio ke hele i ke kaua. He manawa pokole kona o ka noho ana ma Palani a holo aku no Ladana, ma Bangkok, Siama oia mamua aku o ia manawa.

I ka 1918 ua makaukau oia e hoi mai i Palani mai Ladana mai a e makemake ana oia e hoouna mua mai i kona pahulole maluna o kekahi moku e holo mai ana ma ke kowa no Palani, a eia nae, mamuli o kekahi kuhihewa i hanaia ua hiki ole iaia ke holo mai no Palani, nolaila ua kauoha hou mai la oia i kona pahulole e hoihoi hou ia aku i ka aina, o ka laki loa ma kona aoao, wahi ana, o ka moku ana i manao ai e hoouna mai i kona pahulole no Palani ua topidoia e na mokuluu Kelemauia, a o ka moku hope loa no hoi ia i topidaia ai e na Kelemania.

Oia kekahi malihini hanohano ma kahi o ka poe makaikai ma ka Poalima aku uei, ka la hoomanao no ka hoopauia ana o ke kaua, ma Kapiolani, me ke kanikela Palani oia e noho pu ana ma ia la.

SWEET SWEET SWEET SONG

(1)

Ua nani ka nohona i ka uka la e, me ka opua hiki i ke ahiahi e, E walea ana i ka ono o ia pua la e, Na kohi kelekele a ka puukolu e,

(2)

Ua ai ua ana i ko aloha la e, I ka piko waena o Waialeale e, Ua ana i ka loa o Wailehua la e, Me sweet, sweet, sweet. Hakuia e J.W.K.Kapololu, Papaalou, Hawaii Oct. 25, 1921.

MARSHALL, tex., Nov. 10.- He hookahi kanaka hana oluna o ke kaaahi i nalowale, a he lehulehu wale o naohua i loaa na eha malani i keia la, mamuli o ka hookuʻi ana o kekahi kaaahi halihali ohua o ke Texas-Pacific ame ke kaaahi halihali ukana, ma kahi he ehiku mile ma ke komohana aku o Longview, e kokoke ana ianei, i kulike ai me na hoike i loaa mai kahi mai o kela ulia.

Keena Hawaii no na Lako Hana Mahiko

Hapuku Kila Oliver Chilled ame na Palau. Na Katapila Cleveland. Na Katapila Fordson. Na kaa kalka White. Na Kaa Kalaka Federal. Na Kaa Kalaka Ford.

Hana i na Kino o na kaa Ukana me Kalaka me ka Hana Hou Ana

Na Hana Pili Amala

Schuman Carriage Co., Ltd.

Na paionia o na Hana Halihali o Hawaii nei.

HOOLEIA NA KOHO NO KE ALANUI O WAIMANAO.

Ma ka halawai a ka papa o na lunakiai o ka noho ana ma ka po Poalua nei ua hooleia na koho no ke alanui o Waimanalo mahope iho o ka heluheluia ana ae o ka hoike a ke komite e apono ana no keia hana a ka papa. O ke kumu nui o ka hooleia ana o ia hoi ua oi loa aku na koho maamua o ka haawina dala i hookaawaleia no ia alanui. Ua kauhaia ae ka ekekinia kulanakauhale ame kalana e hoomakaukau i mau kii hou me na kuhikuhi no ke ano o ka hana ana, a o ia mau kii a ka ekekinia e waiho mai ana e komo na hoolilo maloko o ka haawina dala i hookaawaleia, aole hoi e oi loa aku, ekike me na koho ua ae la i hooleia aku. no ke koho haahaa loa i waihoia ae ai no ka hana ana i ke alanui o Waimanalo he $596,461, a o ka huina dala i makaukau me ke aupuni kulanakauhale he 550,000 wale no.

O ka olelo hooholo e pili ana i na hana hou o ka apana o Kaimuku ua hooholo ia ma ka heluhelu ekahiia ana ma ka halawai o ka po Poalua nei. Ma ia manawa hookahi no he palapala hoopii i kakauinoaia e 71 mau makaaiuana o Kaimuku ka i loaa ae i ka papa. O ke kumu hoohalahala a ia peo o ia ka hana mua ia o ke alanui oiai nae o na laina paipuwai ame @ua na mea i makemake loa ia i nei manawa, a i na no ka hanaia o na alanui e hana pu ia na laina paipuwai ame @ua ia manawa hookahi e pono ai. Holo na Palena Pauahi.

O ke kanawai e pili ana i ka palena pauahi ua holo iha ka heluhelu ekahi ia ana ma ke poo. Ma@ keia kanawai e hoakaka ana ia i ke ano o na hale e kukuluia aku ai, na palena o na apana pauahi, a e hoakaka pu ana i na @ula no ka hookowa ana ame ke kiekie o na hale e kukuluia aku ai.

I mea e loaa mai ai na aina no ka laina paipu sua e hoomoeia aku ana ua kauohaia ae ka loio kulanakauhale e hookomo ae i mau hoopii hoa hewa ma kahi kupono e ikeia ana. He palapala hoolilo ka li loaa ae i ka papa mai ia L.L. McOandless ae e haawi ae ana i kekahi apana aina on a i ke aupuni kulanakauhale no ka hoomoeia ana aku on a laina paipu sua. O ka plapala kuai o kela apana aina o Cooke i manaoia i kahua uo ka hale aupuni kulanakauhale, ua aponoia e ka papa a ua hookaaia aku na dala no ia apana aina.

Ma ka hana e pili ana i ka hooponopno ana i na ukuhana o na oio kula nakauhale he $25 i laweia mai ka ukuhana ae o ka hope loio kulanakauhale mua a hoohuiia ae me ko ke kokua elua, o keia malalo nei ko lakou mau ukuhana i nei manawa. Kokua loio kulanakauhale ekahi, $350; kokua loio elua, $325; kokua ekolu, $295, no ka mahina.

Mahope o ka paio ana no kekahi manawa a na hoa ua hooholoia e kauohaia aku o J.M. Owens mai ke keena enekinia mai ma Kapalakiko no ka holo aua mai e haawi i kana kokua i ke keena o ka enekiuia kulanakauhale maanei, no ka hana ana i ka Asphalt ma na alanui o ka apana o Kakaako. Ma ka halawai mamua aku ua paiapai na koho ana a na hoa maluna o keia kumuhana. o ka uku i hooholoia he $500. Ma ka hora i o keia auwina la e noho hou ai ka halawai a ka papa, elike me ia i hoopaneeia mai ai.

NU IOKA, Nov. 14,- Ma kahi o ka eiwa poe ka haahaa i manaoia na pau i ke ahi maloko o kekahi hale hoolimalima pauahi i keia la. He ekolu poe i eha kukouukonu loa, a he kanakolu i kukonukonu ole ko lakou maa eha.

CITY MILL CO.

KEKAHI O NA HUI KAHIKO LOA MA HONOLULU NEI

Poe kuai Papa, Pilihale, Pena na lako Paipu, na Laau Puka Aniani me Panipuka, lako Pili Hao: na mea no apau na ka home ma ke  kumukuai oluolu loa

kukulu makou i na hale ma ka uka liilii ana me na l@@@aa liilii.O ka oi loa aku no ka poe hookuonoono.

MAI POINA- HELE MAI IA MAKOU

Kihi o na Alanui Moiwahine me Kekaulike. Honolulu T.H.

 

O NA HAWAII

i makemake i ka pomaikai o ke kanawai Hoopulapula o Molokai, e hoolako ia lakou iho no ka holomua ma ka loaa ana ia lakou o na lako Mahiai me hanai Holoholona ma keia hui kamaaina.

Ke malama nei makou i na lako hana maikai loa, pela hoi me ke Pena Sherwin Williams, ka mikini uwi waiu De Leval ame na lako pili i ka home o na ano apau.

Maloko o ko makou Keena o na Lako Paani e loaa no he ahua o na pu liilii ame na raifela maikai.

E.O. Hall & Son, Ltd.

E Hookomo Anei i

PAHUOLELO VICTROLA

no kou home. Eia me make na ano like ole mai ka $25 a pii aku.

Ke malama nei makou i na Papa Leo Mele Pahuolelo hou loa me ke Kuapo i na Papa Leo Mele kahiko e lawe mai ai i kau mau Papa Leo Mele kahiko

Hooaua mai no na hoakaka no kai PIANO KROEGER ka piano kupono ia oe.

Hawaii Sales Co., Ltd.

1009 Alanui Nuuanu

Honolulu. Kelepona 1933.

 

Ke makemake Oukou i na lako--- E ka Poe Hookuonoono

no ka home a no ka aina mania paha e kpa ae ma ke Keena o na Lako Pili Hao o ka

AMERICAN FACTORS, LTD.

No na mea elike me keia :Kapuahi. Maehana Mahiai. Uwea Pa Moa me Pa. Meahaa Kamana. Pena me na Palaki. Lako Mahiai. Pili Hao a Ano e Ae. Aila me Vaniki.

O ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka

Aole  hiki ia oe ke lawelawe i na hana maikai me na meahana inoino. O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea ku pono, in a he noonoo oia. Aka nae ua poho wale ka manawa ame ke dala ma ka hana ana pela. Ke kuai nei o Lewers & Cooke, Ltd., i na lako hana maikai wale no.

Ke malama nei makou he ahua piha pono laula o na

Lako Mahiai âme na Lako Kukulu Hale

HE MAKEMAKE  PAHA KOU I

Koʻi, Kipikua, Kopala, Ho, Hamare, Pahiolo, Koʻi Liilii, na Lako Kamana piha pono, Hoana Hookala, Pakeke.

Papa, na Lako Hao, Pena, Aniani

Kakau mai a i ole kipa mai no na hoakaka. E hookoia no na kauoha apau ma ka leka me ke akahele ame ka hikiwawe.

LEWERS & COOKE, LTD.

HONOLULU