Ka Nupepa Kuokoa, Volume LIX, Number 47, 25 November 1921 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Solomon Hanohano, Lunaho'oponopono. Ho'opukaia i na kahikina poalima apau
Poalima, Novemaba 25, 1921
KA HAKOKO NO KA PONO LOKAHI.
Ke ku nei kekahi olelo kahiko, o ia hoi "aia mau me kakou ka ilihune," a ua lilo mau i hana na na makaainana ulakolako, ka haawi ana i na kokua i ka mea nele, oiai nae, he hana naauao ka haawi ana aku i na kokua, ma ke ano e kipakuia aku ai ka noho ilihune, ana elike me ka mea e hiki ana, a iloko no hoi o ia manawa hookahi, e hoomaikai ae i na kulana o ka launa ana, i hiki ai ke hoemiia ka nele iloko o na kanaka.
Ina e haawi ana kakou, i ka kakou dala ma ke ano kaulike ole, mao a maanei, i kela ame keai mea e hoea mai ana e noi ia kakou na na kokua manawale'a, e hoomaunauna wale ana kakou, i ko kakou ikaika, elike me ia e ikeia ana, ma o na dala la a kakou i hooikaika aku ai ma ka hana ana, a loaa mai, a e lilo ana kakou i poe hoohoihoi aku i kekahi heluna o na home, a kakou i maopopo ole ai, malia ma ia hana ana e oi aku ana ka hoopilikia, mamu o ka oili mai o ka hopena maikai, no ka mea ua hookauia mai lakou e ka poe, i apono aku i na kokua mai ka poe lokomaikai mai, me ka hooikaika mua ole, e kokua ia lakou iho.
Mamuli iho la o keia kumu. i lilo ai ka Hakoko no ka Pono Lokahi, (he hana koi makahiki, no kekahi huina dala, e maheleheleia iwaena o na ahahui kokua he 23). i kokua nui maoli i na manawale'a i kauka'iia aku ai.
Ua loaa mai i ke komite no ka Pono Lokahi, na hoakaka mai na home like ole mai, no na mea pili i ko lakou mau pilikia, alaila mahelehele mawaena o lakou i na dala i ohiia mai e ka poe kokua wale e hana ana iloko o na la lehulehu, o ka ohi ana mai, mai kela ame keia mai, mai ka mea ilihune ahiki aku i ka mea waiwai, me ke komo pu o na papa o na kanaka apau.
E wae ana ke Komite no ka Pono Lokahi, i na wahi ano nui e ikeia ana, no na hana manawale'a, hoonaauao a pili i ka launa ana, a mahelehele aku i kela me keia pakahi, elike me kona pilikia.
I keia makahiki, o ka huina o $275,000 i noiia mai. He $100,000 ke emi iho o keia huina, imua o ka huina i noiia no ka makahiki i hala. Ua noiia aku na wahi lehulehu e hoomakaulii, elike me ka mea hiki iloko o ka 1922, a he lehulehu o lakou e pokepoke mai nei a hoopau loa i kekahi mau hana, i wahi e oi ole aku ai ke ko'iko'i o ka haawe aluna o na kanaka.
Aole e pono e manaoia mai, o keia $275,000, o na lilo ia o ka hoohana ame ka malama ana i na home he 23 no ka makahiki holookoa. He mahele wale no keia no ka hoolilo makahiki, a he hapa uuku wale no hoi, aka o ke koena aku o na hoolilo, ua hoolakoia mai na alahele like ole mai: O ke aupuni ka mea kokua ma kekahi mau wahi, o na kokua no ka hoolako ana ia lakou, me ka nui o na hoolilo no ka malama ana, ua auamoia e ka poe lokomaikai. Ma ka heluna o kekahi mau wahe ua kakaiia no he mau auhau, he wahi kokua liilii loa nae ia.
O na ahahui elike me ia i komo maloko o ka Hakoko no ka Pono Lokahi, he mau wahi pono e kokuaia, a o ka poe apau e haawi ana i ka lakou mau kokua, ua maopopo loa, ua haawi aku lakou no ke kokua ana i kekahi hana maikai, e hooluolu aku ana lakou i ka poe'i hoehaehaia, e hookau like ana hoi i na kamalii o na lahui kanaka apau, maluna o ke alahele maopopo loa e loaa ai ke ola kino maikai, a e lilo ai i mau makaainana kilakila, a ma na ano lehulehu, e kokua aku ana ia i ke ano oi ae o ka maikai o ke kulanakauhale a kakou e noho nei.
Ua hiki i kela ame keia ke haawi i kekahi mea, a he mea pono e komohia iho ka noonoo iloko o kela ame keia mean, he kuleana kona i keia mau home. Malia paha e hoea mai ana he la, e makemake ana oia, i ke kokua ana mai a kekahi o keia mau home: a i ole ina aole nona ponoi ioh. aka no kekahi ohana, a hoaloha paha i makemake i ka lakou mau kokua ana mai.
He hookahi puulu kakou apau o kakou na lahui kanaka like ole he mea pono e kokua kakou kekahi i kekahi.
E haawi elike me ka mea hiki ia oe-ina no e @i aku mamua, o kau mea i manao ai ua hiki ia oe ke haawi. E lilo ana ka oi aku, i mea e uku pono ia mai ai oe, mamuli o ka loaa ana o ka hauoli, no kou haawii ana aku.
KA MAKEKE KULANAKAUHALE
Ke hoohalahala mau nei kakou, i ka pipii o ke kumukuai o na meaai, no kekahi manawa loihi, o ka oi loa aku nae, iloko o keia manawa e hoodala ia mai nei, e na haku hana, e hoemi mai i na ukuhana o na limahana, ma na hana like ole, e kohu ole ai ka hoemiia mai o na ukuhana, oiai no e pipii ana na meaai ame kekahi mua hoolilo kumau e ae o ka noho ana o na kanaka.
No na meaai nae, ke kuhikuhi aku nei ke Kuokoa, i kahi oluolu a makepono. e loaa ai ia kakou iloko o keia mau la ma ka makeke kulanakauhale no ia. elike me ka papa hoike kumukaai o kela ame keia meaai, e puka aku nei, ma ka hoolaha o kela makeke, ma kekahi wahi o keia pepa.
He hookahi kumu hele nui ole o na kanaka ma keia makeke, i na wa ae nei i hala. o ia no ka lako ole, i na meaai, elike me ko na makeke e ae, aka nae. i keia wa, ua hoopauia kela pilikia, a e loaa ana malaila na meaai, i emi iho na kumukuai i ko na makeke e ae.
E hookuku i na kumukuai, o na meakuai, ma ka makeke kulanakauhale, me ko na makeke e ae, e ike no auanei kakou, aia he like ole nui, ma na meaai a kakou, e koe ai kekahi mau keneka mahuahua, ina e hele ana na kanaka e kuai i ka lakou mau meakuai ma ka makeke kulanakauhale, koe wale no na mea loaa ole malaila, e hoomanawanui i ke kuai ana ma na wahi e ae.
Aole he kumu e ae e hoemi mai ai ka poe hoopukapuka o na makeke o kakou, i ke kumukuai o na meaai, oiai o ka nui o ko lakou mau pomaikai, ka lakou i makemake mau ai, e haawiia aku e ka lehulehu, aka in a no ka hiki i ka makeke kulanakauhale, e hoolako mau ia i kela ame keia manawa, me na meaai o na ano like ole, aole loa he kanalua iki o keia pepa, e hoea mai ana i ka manawa e hoemiia mai ai ke kumukuai o na meaai ma keia mua aku.
E hele mua e na Hawaii ma ka makeke kulanakauhale mamua o ko oukou hele mau ana ma kauhale mamua o ko oukou hele mau ana ma na makeke e kuai hoopipii mau nei, i na meaai iluna!
HE OLELOA'O WAIWAI I NA KEPANI.
Aole he oleloa'o ku i ka naauao, no na limahana Kepani, elike la me ka haiolelo a ke Kanikela Kepani Yada, i haawi ae ai imua o kekahi poe Kepani o keia kulanakauhale i na la aku nei i hala, ma o ke kauoha okoa ana aku i na limahana Kepani o na mahiko, e hoi ma na hana o na mahiko, no ka mea wahi ana, pela wale no e loaa aku ai na mahalo ana a ko Hawaii nei poe no lakou, aole ma kekahi ano e ae.
I ke kamailio ana ae o ke Kanikela Yada, maluna o ka ninau limahana Pake, wahi ana, o ka hoopakele hookahi wale no ia, no na mahiko ma Hawaii nei. O kela malalo iho nei kekahi o kana mau olelo:
"Aole e hiki ia Hawaii nei ke hookomo mai i na limahana ili keokeo, no ke kumu, aole kela mau i maa i na hana o na mahiko, nolaila i ka nele ana o na limahana ili keokeo, he mea pono ia Hawaii nei, ke nana aku i na limahana Asia ame na Negero. I na makahiki he kanakolu ae nei i hala, ua kauka'i mau aku o Hawaii nei i na limahana Pake me na Kepani, aka i ka pii ana ae o ke kulana o na limahana mahope mai nei, ua konoia mai lakou, e koi aku i na ukuhana kiekie.
"O ka ninau no ke kupono a kupono ole, o ke koi ana aku i na ukuhana kiekie, aole ia he mea kupono e noonooia i keia wa, o ka ninau nui wale no, o ia ko Hawaii ku ana aku, ma ke kulana paonioni me Java, Cuba ame kekahi mau aupuni e ae e kanuia mai nei ke ko, na wahi e hoohana, mai nei i na limahana emi o ka ukuhana, a i wahi no Hawaii nei e lanakila ai, maluna o kela mau aupuni. he mea pono e loaa na limahana emi no na amhiko ma ia ano, ua kupono ka hookomo ana mai i na limahana Pake.
"He mea pohihihi ka olelo ana ae, e kailiia ae ana na kulana o na limahana Kepani, ina e hookomoia mai ana na limahana Pake Aka he mea pono i na limahana Kepani ke hoomakaukau e hana aku no lakou iho ma ke degere kiekie o ke ano kupono, i hiki ai ia lakou ke hoikeike aku imua o na hakuhana, o lakou na limahana oi aku o ka maikai."
He hana maa ole na kekahi luna oihana kiekie o kekahi aupuni, ke ku ana mai a haawi i na oleloa'o no ka pono o na makaainana o kona aupuni, elike me Kanikela Yada; aole oia i haawi aku i na kakoo ana; elike me kekahi mau alakai e ae o kela lahui maanei nei, no ke kikoo mau ana aku i na ukuhana kiekie. aole keia malalo o kekahi kumu e ae, aka no ke kuhohonu o ka ike o keia kanaka ko'iko'i o lapana, i ke kulana oiaio maoli o ka oihanakanu ko, ame ka hopena poino e ukali mai ana, ke makaala pono ole ia, na alahele apau, e ku mau aku ai ka oihana kanuko, ma ke kulana lanakila mau, maluna o na aina kanu ko e ae o ke ao nei.
Ke hookokoke mai nei na la kulaia o kakou, ke Karisimaka ame ka Hape Nuia, na la kulaia, a kekahi heluna nui o ko ke kulana kauhale nei poe, i hoolilo ai, i manawa no na hana hoopilikia i ka lehulehu, o ka poe e hele ana ma na alanui, ma ke kiola ana i na pepa liilii iluna o na poo, a ma ke kiola ana i na pahupahu ame kekahi mau mea e ae, i ku maoli i ke ano kohu ole. Iloko paha o ka poe na lakou na hana o kela ano, o ka hauoli wale no ka lakou i ake ai, e ike aku i ka hoopilikiaia o ka lehulehu; aole nae he pololei.
kekahi mau haawina a'o kupono loa i kela poe kolohe e pono ai. He nui na malihini makaikai e hoea mai ana ma Honolulu nei, aole lakou i makemake e ike i na hana ino o kela ano, elike no hoi me ko kakou makemake ole, e hoopilikia wale ia mai: aka e komo na mea apau iloko o na hauoli ana, o ke ano maikai. i ku i ke kulana maemae o ka inoa o Hawaii aina.
Ke kakoo nei ke Kuokoa i ka manao o ko kakou kiaaina, no ke kupno ole e kaheaia i ahaolelo kuikawa, aka o ke alahele kupono loa e lawelaweia e na poo o na keena oihana lehulehu o ke Teritore, o ia no hoomakaulii; a in a he mea e hoopakeleia ae ai ke aupuni, mai kekahi mau kulana kupilikii mai, alaila e hoemiia mai na ukuhana kiekie, e loaa nei i kekahi poe.
E haawi i kau mau kokua no ka waihona manawale'a i na komite o ka hana Hooikaika no ka Pono Lokahi, ma keia pule ae elike me ka mea hiki, he hana kumau keia i na makahiki apau, a mai minamina, malia o oe kekahi e makemake ana i na kokuaia mai e kekahi o na home he 23 no lakou na kokua e noi ia mai ana i ka lehulehu e haawi aku!
Nuhou Kuloko
Ma ke alanui ololi Buckle i hipunia ae ai ma ka be*ta o ka mare e ka Rev H. K. Poepoe o Miss Mary Thornton ame Willie Cockett.
Ma ka hora 3:15 p. m. o keia auwina la e haiolelo ana o Fred B. Smith ma ka halawai a na wahine e malamaia ana ma kaupoku kihapai o ka Hokele Iana.
Mawaho ae nei o Kuliouou ka paina hoomanao, a ka Ahahui Pueo o na kane ame na wahine ma ke Sabati aku nei i hala, me ka piha o na mea apau me na manao hauoli.
Ma ka Poaono aku nei i hala i hoohuiia ae ai ma ka berita o ka mare o Miss Adeline H. Nakea mae Peter Akimo, no ka Rev. H. K. Poepoe laua i hoolilo ae i hookahi.
O ke Kiaaina Wallace R. Farrington ka haiolelo ma ke ahiahi Sabati iho nei maloko o Kawaihao ma ke anaina hoolaulea a na opio o ka malama ana no ka manawa mua loa.
O na Kepani a ka Ilamuku Amerika Oscar P. Cox o ka lawe ana mai Hilo, Hawaii mai, no ka hopuia ana no ka malama waiona, he elua o lakou i hoopa'iia, a he hookahi i hookuuia.
Ma ka hora 10 a. m. o ke kakahiaka Poakahi nei i noho ai ke kolu o na halawai kuka anakahiki a ka Ahahui a na Limahana Hawaii a na Kepani ma keia kulanakauhale.
Ma ka hora ekahi o ka auwina la o keia Ponono iho e kai'ihuka'i ae anu na lala o ka hui malu ma keia kulanakauhale, no ka hoomakaukau ana i na hana hookomo i na lala hou iloko o ka hui.
Ma ka la @ o ka mahina ae nei o Dekemaba e lawe ae ai o A. Lewis Jr.i ke kulana puuku uo ke Teritore, ma kahi o Ka Puuku Metzger i waiho mai i kela kulana, ma ka la hope o keia mahina.
He @keu aku ka pukulaki o ka pa ana a ka makani i keia mau la, me ka pau o na uwea ma kekahi mau wahi i ka mokumoku, a loaa he mau pauahi liilii, me ka nui ole nae o na poino i loaa.
E alawa ae i ka hoolaha uo na meakuai ma ka Makeke Kulanakauhale e puka aku nei ma keia pule, e ike auanei ka lehulehu, i ke emi o ke kumukuai, mamua o na meakuai ma ua makeke e ae.
Ua hoike ae ka Puoku Kulanakauhale D. L. Conkling, he manaoio kona e pii ae ana ke ana auhau ma keia makahiki ae, elike me ke kulana o na loaa makahiki o ke aupuni e nauaia aku nei i keia wa.
He hoopii koi poho ka Mrs. Falcon o ka hookomo ana ae i ka aha kaapuni a Lunakanawai De Bolt o $28,000 e koi ana i ka Hui Kaa Uwila no ka eha i loaa iaia mamuli o ka makaala ole o ke kiakaa o ke kaa uwila.
Mahope iho o ka hohala ana he mau mahina ma Amerika, me ka hele makaikai ana ma na kulanakauhale ano nui o ka aina makua, i huli hoi mai ai ka Lunanui C. S. Crane o keia keena pa'i, ma ka mokuahi Maui, ka Poalua nei.
O ka põe i paa ko lakou manao no ka hoi aku ma na aina, hoopulapula ma Molokai, e wehe koke ia aku ana ma keia mua iho, me keia manawa no, hoomaka e e hoomakaukau, me na lako kupono, o ka noho ana aku ma kela mau aina.
No ka malama ole o Theodore Awana i ke ole o ka wahine ame na keiki no elua pule i hoopii ae ai ka wahine imua o ka aha hoomalu ma ka Poaono i hala a ua kauohaia mai o Awana e ko Lunakanawai Lightfoot e hoea ae kahi nei me na dala ua ka wahine.
He la leleuwaki o nehinei no ke kapena ame na luina o ka Nupepa Kuokoa, no ke komo like ana aku me ka lehulehu iloko o na hoomaikai ame na hoalohaloha ana i ke Akua no na mea maikai he nui i loaa mai i na kanaka i keia makahiki.
Mahope o ka hoohala ana i kekahi mau mahina ma Wakinekona, a ma na kulanakauhale e ae o ka Uniona, ma ke ano he lala no ke komisina hoopae limahana, i huli hoi mai ai o Walter F. Dillingham, ma ka mokuahi Maui o ka Poalua nei. Oia ka lala o ke komisina, akahi no a huli hoi mai la.
I kulike ai me na mea oiaio e hoomaopopoia aku nei, o ia ka hoopaa e ia ana ae o na rumi apau o na mokuahi e holo mai ana no Honolulu nei mai Kapalakiko mai, e hoea mai ana he heluna nui o na malihini makaikai honua, no Hawaii nei, no ka hoohala ana i ka hooilo ma ka Paredaiso o ka Pakipika.
Nuhou Kuwaho
Gibraltar, Nov. 16-Ua hoea mai ianei i keia la ka Emepera Auseturia mua Charles ame ka Emepera wahine Zita maluna o ka mokuahi Pelekane Cardiff, a e holo aku ana no ka Mokupuni Madeira, kahi o laua e hoopaahaoia aku ai.
Parisa, Nov. 16.-Ua noho ka ahakuka a na Elele aupuni o na aupuni huiia e kukakuka i keia la no ka uku malama ola o ka Emepera Charles e noho mau aku ai maluna o ka Mokupuni Madeira. Me he mea la mai ke 30,000 a i ke 50,000 Mars gula e ha@wiia aku ana i ka emepera mua no ka makahiki. Ua makaukau o Pelekane o nuamo i keia mau hoolilo ke kali aku nei nae no no hooponopono ana me Hunegari. Aole e noiia aku ana o Auseteria ame Potugala e nuamo pu i na hoolilo o ia ka mea i hoomaopopoia.
OTTUMWA, Iowa, Nov. 16.-Eha mau pualikoa kiai lahui i kiai me ke kaahele ana ma kahi kokoke e hoopuni ana i ka halehana ia kini o ka hui a John Morrel kahi o na limahana olahani. Ua kauia na pu milikini ma na wahi kiekie apuni ka halenaha. aohe haunaele i keia.
DELHI, India, Nov. 16.-Ma kahi o ka 700 mau anaka kipi Moplah i make i keia la i ka manawa a lakou i lele kaua mai ai maluna o ke kulanakauhale o Pandikab, elike me ka lono a na luna aupuni o ka loaa ana maiianei. O na make ma ka aoao o na kou Pelekane hookahi aliikoa ame ekolu mau kanaka.
LADANA, Nov. 16.-Ma ka loao kelekalapa a na luna aupuni o ka loaa ana mai ianei mai Calentta, India, mai, ua oleloia he hope Konrisina Pelekane, he 19 mau makai ame kekahi mau makaainana lehulehu ka i hoehaia iloko o kekahi haunaele o ka hoalaia aua ae e ka poe olohani he mau limahana no ua kaa tramway.
ST. PAUL., Nov. 19.-Ekolu mau kanaka powa i hakaka a lanakila maluna o ke kanaka kiai ma ka halekuai Gittleson, he halekuai mea gula maanei i keia la a'holo aku me na mea gula i hiki aku ka waiwaiio i ka $100,000, elike me ka hoike a na makai.
MEXICALI, Nov. 19.-Ua hoike ae ke Kenerals Rodriguez o ka oihana koa Federala Mekiko he 13 mau kanaka kipi i make ma ke kaua i hooukaia ma kahi he 20 miles ke mamao mai Mekicali aku, a eha i kipuia mahope iho o ka hooholo ana a ka aha hookolokolo koa.
KIKAKO, Nov. 12-Eiwa mae kanaka onei i make i keia la i ka manawa i hookui mai ai kekahi kaaahi i ke kaa otomobile iloko o ka huakai hoolewa iloko o ka manawa e haule nui mai ana ka hau me ka hiki pono ole ke ikeia aka omua.
KA HALEKEAKA EMPIRE.
Ma keia halekiionioni e ikeia ai kekahi mau kii maikai loa. E hoomaka ana ma keia Sabati iho, e hoikeikeia aku ana he kii hou i kapaia "Dollars and Sense."
He nui na kiionioni e ae, e hialaai ai ka manao ke ike aku i na hiona like ole.
KA HALE KIIONIONI HAWAII.
He elua mau hoikeike kiionioni ma na Poaono ame na la kulaia, a he elua hoi ma na po Sabati.
He nui na kiionioni hou loa, malalo o na inoa lehulehu, e ikeia ana ma keia hale kiionioni ma na la like ole o ka pule.
O ke kii ma ka inoa o Kapena Swift, o kekahi ia o na kii maikai, i loaa i keia hale kiionioni, e hoomaka ana ma keia Poalua ae.
HOOLAHA I KA POE PAA AIE.
Ma keia ke haawiia aku nei ka hoolohe ua @@@@@@@@@@@@ tore o Hawaii, he kauhoha e hoopau ana i ka AWINI COFFEE FRUIT & STOCK COMPANY, LTD., ma ka la 10 o Okatoba, 1921, a ua hookohuia aku o E. D. TENNEY, ma kekahi kauoha i hoopaaia, a i waihoia maloko o ke keena i oleloia o ka Puuku o ke Teritore o Hawaii, ma ka la 10 o Okatoba, 1921, i kahu, no ka poe paa aie ame ka poe paa mahele o ka hui i oleloia, me ka mana piha e hooponopono i na hana o ka hui i kulike ai me ke kanawai.
Ma keia, ke hoikeia aku nei ka lohe, i ka poe paa aie apau o ka AWINI COFFEE FRUIT & STOCK COMPANY, LTD., e waiho mai i ka lakou mau koi e ku-e ana i ka hui i oleloia, ia ame E. D. Tenney i oleloia, ma ke ano kahu, ma kona keena oihana ma ka hale e nohoia nei e ka hui o Castle & Cooke, Ltd., ma ke kihi o na Alanui Papa me Kalepa, Honolulu, Teritore o Hawaii, iloko o kanaiwa (90) la mai ka hoopuka mua ia ana aku o keia hoolaha: o na koi apau e waiho ole ia mai ana pela, e hoole mau loa ia aku no.
Hanaia ma Honolulu, T. H., Novemaba 25, 1921.
E. D. TENNEY,
Kahu no ka Hoopauia ana o ka Awi@i
Coffee Fruit & Stock Company 6479-Nov. 25; Dec. 2, 9, 16, 23.
MAKE KA HOAHELE O KA MOIWAHINE LILIU.
Mahope o ke kaama'i ana no kekahi manawa ae nei i hala, i pauaho mai ai i keia ola aua o Mrs. Wakeke Ulunui Heleluhe, ma ka hora eono o ke ahiahi o ka Poakahi nei, ma kona home, ma ke alanui umi-kumamakolu, ma Kaimuki, iloko o ke kanawalu a oi o kona mau makahiki o ke ola ana.
Ua hanauia o Mrs. Wakeke Ululani Heleluhe ma Maui, eia nae, no na makahiki he kanakolu, ua pili mau aku oia me ka Moiwahine liliuokalani, mai na la opio mai o ka moiwahine, ahiki wale no i ka hala ana aku o Liliu.
Hoko o na la hope o ko ka Moiwahine ola ana, imua mau o kona alo o Mrs. Heleluhe, e kiai ana i kana hauoi, elike me na la, oiai o Liliu e noho moiwahine ana no Hawaii nei, a ma na wahi apau a ka moiwahine e hele ai, oia pu kekahi.
Ma kekahi manawa a ka Moiwahine o ka holo ana no Wakinekona, ua ukali pu aku o Mrs. Heleluhe me ia.
He lala e Mrs. Wakeke Heleluhe no ka Ahahui Kaahumanu. O kana kane, oia o Joe Heleluhe i hala kahiko ma kela no, ka mea i noho kakauolelo na @@ Moiwahine Liliuokalani i ke au o ke aupuni moi.
He keikikane âme ke kaikamahine, na mea i koe e ola nei, na laua mai, aia ke keikikane o Jack Heleluhe, ma ka hana himeni ma Amerika; a i ka wa i hoea mai ai o ka mokuahi Hawkeye State no Honolulu nei, he mau pule ae nei i hala, oia pu kekahi maluna o kela mokuahi, no kona alahele, no Balitimoa.
O ke kaikamahine hoi, oia o Mrs. Myra Iona, kekahi o na wahine imua o ke alo o ka Moiwahine Liliu, i kona mau la e ola ana, a he elua manawa i ukali pu aku ai oia me ka moiwahine no Wakinekona.
Ma ka hora 3:30 o ka auwina la o ka Poalua nei, i malamaia ai kona anaina hoolwa, mai ka hale waiho kupapau mai o William, a hoomoeia aku kona kino lepo, ma ka ilina ma Kamoiliili.
MAI NANAMAKA I KA HANA MAIKAI.
He bebe Kepani o Patience Wiggin, nona na makahiki elua. Ua hanauia oia ma Kauai. He nui na keiki iloko o kona ohana, a he umi la mahope o ka hanau ana mai o ke kaikamahine uuku, make iho la kona makuahine. He ilihune kona makuakane. Mahope o na hakoko ana me ka nele ame ka pilikia, hoihoi aku la oia i ke kaikamahine uuku noloko o ka Halema'i o na Kamalii, no ka mea ua ike oia, aole e hiki iaia ke malama i ke kamaiki.
Ua hoikeia aku la ka lohe ia Miss Luey Ward e pili ana no Patience, O kana hana, o ia no ka imi ana i mau home no na keiki elike me keia kaikamahine uuku. Nolaila hoomaka aku la oia e hele e huli i home. Ua loaa aku la iaia o Mrs. Wiggin, he wahine Hawaii, i makemake e hookama i kekahi keiki. Ua hoohauoli loa ia ko Mrs. Wiggin manao no ka loaa ana o kekahu bebe o kekahi lahui, a hookipa aku la oia ia Patience. Nolaila, na loaa i ke kaikamhaine uuku he home maikai, a he makuahine olulu;
O ka Ahahui Humane, o ia kekahi o na ahohui he 23, e hoolakoia nei e ne dala e loaa mai ana mai na hooikaika mai no ka Pono Lokahi. He mea kokua kela i na manao maikai mawaena o na lahui like ole ma Hawaii nei, a ua hoolako aku ia i mau home, no na keiki Kepani makua ole, a pela no hoi mena keiki o na lahui e aku.
E weheia ana ua hooikaika ana no ka huli ana i dala i Novemaba 28, a e hoomauia ana no na la elua. I keia makahiki o ka huina e hooikaikaia ana @ Joaa, he $275,000, a mai kela huina ae e loaa ana i ka Ahahui Humane he $2211.
KA HALEKEAKA LIBERTY.
Maloko o keia hale kiionioni e hoomaka ana ma keia Sabati iho, e hoikeikeia aku ana kekahi o na kii maikai loa, i kapaia "While New York Sleeps," i maheleheleia iloko o na mahele ekolu.
maloko o ka home o kekahi onamiliona e noho ana mawaho aku o ke kulanakauhale.
O ka mahele elua, he @iona ia no kekahi puulu o ka poe paani, e ikeia ana kekahi o na haleaina kaulana o Nu Ioka.
O ke kolu hoi o na mahele, he hiona ku i ka weliweli, me ka ikeia o ka puali makai e hoouka ana i kekahi kaua maluna o ka muliwai, me ka pu ulu o ka poe aihue.
NA MARE.
Boy Bradley ia Cecilia Keolaua Nov. 14.
Mokuhia Nakaiewalu ia Kumukai Nov. 18.
Charles Lehuahana ia Kaleimaka Nov. 19.
NA HANAU.
Na Manuel Vierra âme Alice Kan@lani, he keikikane, Nov. 4.
Na Herny Mahi âme Pua Rosie dela Cruz. he kikikane, Nov. 15.
Na James Fogarty âme Susan K@@@ha, he kaikamahine, Nov. 15.
Na H. P. Williams ame Miss @ Brown, he kaikamahine, Nov. 16.
NA MAKE.
George Kaeo, ma ka Halema'i o k@ Oihana Kaua Moana, ma Colorado, U. S. A., Oct. 2.
John Kaneamoku, ma ke alanui Liliha, Nov. 12.
Jim Kaleleiki, ma ka Halema'i M@i wahine, Nov. 16.
Rebecca Kahumoku, ma ke alanui Moi. Nov. 16.
Allen Bridges, ma ke alanui Kanekoa, Nov. 18.
Joseph Ahana, ma ka Home Leahi, Nov. 18.
Eldora Vaughan, ma Honolulu, Nov. 18.
Chas. H. Broad, ma ke alanui Wai la, Nov. 22
E Hookomo Anei i
PAHUOLELO VICTROLA
no kou home. Eia me make na ano like ole mai ka $25 a pii aku.
Ke malama nei makou i na
Papa Leo Mele Pahuolelo hou
loa me ke Kuapo i na Papa Leo
Mele kahiko e lawe mai ai i
kau mau Papa Leo Mele kahiko
Hoo@na mai no ua hoakaka no ka
PIANO KROEGER
ka piano kupono ia oe,
Hawaii Sales Co., Ltd.
1009 Alanui Nuuanu
Honolulu. Kelepona 1933
KA VICTROLA
-Ka Meakani Mele Kilakila- he meakani e pono e loaa ma kou home. Kauoha mai i na huke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
âme na mea apau pili i na mele.
Bergstrom Music Co.
1020 Alanui Papu
Honolulu
Keena Hawaii no na Lako Hana Mahiko
Hapuku Kila Oliver
Chilled ame na Palau.
Na Katapila Cleveland.
Na Katapila Fordson.
Na Kaa Kalaka White.
Na Kaa Kalaka Federal.
Na Kaa Kalaka Ford.
Hana i na Kino o na kaa Ukana me Kalaka me ka Hana Ho'i Ana
Na Hana Pili Amala
Schuman Carriage Co., Ltd.
Na Paionia o na Hana Haliahli o Hawaii nei.
Kuai i na Nupepa me na Buke Nupepa
Ma ke Kaa Lawe Meahou a Fisher