Ka Nupepa Kuokoa, Volume LIX, Number 51, 23 December 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

 

            Imua o ka aha federala a ka Lunakanawai Horace W. Vaughan, ma ka Poalima aku nei i hala, i hole aku ai o William C. MeLacklin, no kona pili i ka hewa pepehikanaka, elike me ke kumu hoopii e ku-e ana iaia.

            I kulike ai me na ike i loaa aku ma ka aoao o ke aupuni, na ki aku ka mea i hoopiiia i kana pu i na koa Ernest C. Sprague ame Frank C. Barnard a make, ma ke kakahiaka o ke Sabati, Okatoba 23, ma Kahauiki.

            O ka moolelo no ka make ana o kela mau koa elna, ua puka mua aku ia maloko nei o ke Kuokoa, o ia ka hole ana aku o ka mea i hoopiiia me kana pu, mamua ae o ka wa ku kiai, a ki aku la i kekahi o na koa, i make, oiai e ku ana ma kahi o ka puka aniahi, a mahope iho o ka ike ana ua ku kela koa i ka poka, i hele loa akuai oia noloko o ke keena pahupahu, kahi a na koa lehulehu e pahupahu ana malaila, a ki aku la i ka elua o na koa me kela pu no e paa ana iloko o kona lima.

            O ka Loio Cristy ka mea i kohoia mai e ka aha no ke kupale ana i ka mea i hoopiiia, a e hala ana he mahina, a i ole he elua paha mahina e kakali aku ai, mamua o ka hooloheia ana o kela hihia.

            Ua hoounaia aku ka lohe, i ka ohana o ka mea hoopiiia, e pili ana no kela hihia, a ke kakaliia aku nei, o ka loaa mai o ka pane, ina paha o kona ohana kekahi, e hoolimalima mai ana i loio, no ke kupale ana ae iaia.

 

 

 

            Ma ka halawai a na kamukula o Honolulu o ka noho ana maloko o ka Hale Heahu Buke o Hawaii ma ka auwina la o ka Poakolu o ka pule aku la i hala i hooholoia ai e lakou kekahi olelo hooholo a i hooholoia ai e ka ahakuka a na kumukula o ka noho ana ma ka Poalima o ka pule mamua aka, a ua aponoia ia olelo hooholo me ke ku-e ole ia e kekahi o na kumukula i akoakoa ae ma ia la.

            Maloho o ka olelo hooholo i hooma kaukauia e kekahi komite i kohoia no ka haku ana i ka olelo hooholo ma ka halawai o ka Poalima o ka pule mamua aku, e ku-e ana ia i ka hoonohonohoia o na kulukula ma na papa, elike me ia a lakou o ka ike ana maloko o ka papa Hawaii Educational Review, he pepa i hoopukaia ae e ka papa hoonaauao, a o ka wahaolelo hoi o ka papa ma kekahi olelo ana ae, a ua hoakakaia maloko o ia olelo hooholo ke kumu ko’iko’i o ko na kumukula ku-e ana, o ia hoi ua lilo ka hoonohonohoia ana o na kumu-kula ma na papa elike me ia i hoolalaia e ka papa hoonaauao i kahua no ka papa hoonohonoho ana ma na makahiki kula, a he hana keia a ka papa i hana ai i kulike ole me ka makemake o na kumukula, no ka mea, mamuli o keia hanaia ana, pela e lilo ana na kumukula i mea nanaia mai e na makaai-nana o ke teritore ma kea no maikai ole.

            Ma ka ololoia ua kaulike aku ke kulana o na kula ma Hawaii nei me na kula ma Amerika, a o na kumukula e a’o mai nei ia mau kula he poe lakou i lawa i ka makaukau no ia oihana, a i like aku no hoi ko lakou makaukau me ko na kumukula ma Amerika.

            Ma keia hana ana a ka papa hoonaauao na loaa ka hopohopo i na kumu-kula e lilo ana lakou i poe nanaia mai e ka poe uku auhau ua lawa ole ka makaukau ma ka lakou oihana,, a e lilo ana hoi ia i mea hapala i ko lakou mau inoa maikai a he mea hoemi mai i ka heluna o na kumukula.

            Ma ka halawai o kela la i waiho ae ai ke komike i kohoia ai no ka haku ana i ka manao o kekahi bila kanawai e waihoia aku ana imua o ka aha-olelo e noho mai ana e noi ana maloko o ia bila no ka hoololi ana i ke kanawai e ku nei i keia manawa no la hookuu ana aku i na kumukula ame na uku hoomau o na kumukula.

 

 

            Ma ke kakahiaka Poaono aku la o ka pule i hala ka hoopukaia ana aku o ka palapala ae no ke kukulu ana i ka hale hou o ka Home Susannah Wesley nona na hoolilo i aneane i ke $50,671, mai ke keena oihana aku o ka Lunanana Hale Louis Cain, a o ka mea iaia ka aelike o ka haawiia ana aku no ke kukulu ana ia Home oia a A. F. Cantin o keia kulanakau-hale.

            Ma ka pule aku la i hala ka hoo makaia ana e eli o ke kahua, a ma ka Poakahi nei ka hoomakaia ana e wawahi o kekahi hapa o ka hale kahiko, a o kekahi hapa o ka hale kahiko e lilo ana ia o kekahi eheu no ka hale hou e kukuluia aku ana.

            He kanalima-kumamaha mau kaikamahine i malamaia maloko o ka Home Susannah Wesley i ka makahiki aku la i hala, a ua manaoia ina no ka paa ae o ka hale hou, e kukuluia aku ana e lawa ana ia no ka malama ana 150 mau kaikamahine maloko olaila.

 

 

            O keia i’o pipi momona, ka pipi maikai hookahi ma ka makeke, a ke kuai hoolilo nei makou, ma ke kumukuai haahaa, me ha hoopono maoli.

            Eia keia mau kumukuai malalo loa iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na i’o pipi, he mea pono e lilo ko makou makeke i makeke nou.

            Pipi Ku Mokupuni……………………..15c        o ka lb.

            Kulana Aoao o ka Pipi…………………15c        o ka lb.

            Ku’eku’e Pipi…………………………..12 1/2c  o ka lb.

            Pipi Palai Iwi Hoehoe…………………..15c        o ka lb.

            Pipi Palai Uha…………………………..15c        o ka lb.

            Kulana Aoao Koala…………………….12 1/2c  o ka lb.

            I’o Hipa Ku……………………………..10c        o ka lb.

            I’o Hipa Ku’eku’e Wawae……………...10c        o ka lb.

            I’o Umauma o ka Hipa………………….10c        o ka lb.

           

            Waiubaka Maile…………………………55c       o ka lb.

 

METROPOLITAN MEAT MARKET

 

Na Kii Paani! Na Kii Paani!

 

Ma ke Kuai Hoemi

.  .  .  .

Ma ka makou kuai Karisimaka i keia wa e haawi ana makou i na

 

Kii Paani Apau

 

Me kekahi kumukuai hooemi kuikawa o

10 PAKENEKA

 

Eia maanei na mea apau e hoohauoliia ai na kamaiki, e laa na pahu hookani, na kii pepe, na kii bea nunulu, na kii mikini, na meapaani, nap u amen a mea no apau e hoohauoliia ai na kamaiki, a oiai lakou e kuaiia ana, e loaa no ma ke kumukuai hoemi kuikawa o 10 pakeneka.

.   .   .   .

E hele mai e ohi i kau mau mea i keia wa

.   .   .   .

 

HAWAII SALES CO., LTD.

 

 

AHAHUI PHOENIX

MAI POINA I

KA FEA NUI

Ma ka La Apopo Ahiki i ka La 2 o Ianuari

He mau La Lehulehju no ka Hoohauoli ana i na Kamaiki

Ka Merry-Go-round Holo Poniuniu

 

            E ike ia WARNER, ke Kanaka                      E ike i na Ilio Hookani Pila.  He

            Ikaika.  E ike iaia ame Kana               mau mea o ke ano hou loa, ame

            mau hana.                                                        Na Iole hana keaka.

 

            E hele mai e ike i na kanaka Iliilii o kea o nei.  I ka mokulele’o kea no hou.  I na hana  keaka o keia au hou.

            E naue mai i pau kou kuhihewa.

Hamama ka Puka ma ka Hora Ehiku

Na La e Weheia Ana

Dekemaba 24, 25, 26, 27, 28, 29, 30, Ianuari  1 ame  2