Ka Nupepa Kuokoa, Volume LXI, Number 1, 6 January 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

PAA AE I KA HOPUIA NO KE KUAI WAIONA

            Ma ka po Poakahi nei he wahine ka paa i ka hopuia no ke kuai ana i ka umi-kumamakolu o kana mau paina okolehao, a ma ka Rumi 13 o ka hale o Aliona ma ke alanui ololi Tin Can Alley he kane ka i paa pu ae i ka hopuia oiai oia e kuai aku ana i ka okolehao ame ka waina.

            He mau mea ku-e kanawai waiona keia i paa ae i ka hopuia e Patrick Gleason ame na kokua Afat, Colbrun 11 ame Frank ma ke ahiahi o ka Poakahi nei.

            Ua komoia aku kekahi hale i kaulana i ka on a ame ke kuai waione maleko o ke kulanakauhale, he wahi i kaulana mau he punana no ka waiona, na hoao keia mau limahana o ke aupuni e komo ma keia wahi no ka hope ana i ka poe ku-e kanawai i kekahi manawa i hala aku nei, aohe nae hehiki ke komo aku, mamuli o ka puhee mua o ka manu. Aia keia wahi maloko aku o kekahi alanui ololi mahope aku o ke alanui Hokele, ma ka aoao Waikiki mai o ke alanui Kekaulike. Maloko o keia wahi i loaa aku ai lehulehu na koa me na luina e kokua ana i lakou me ka okolehao.

            He liilii loa ka waona i loaa aku ma keia wahi he mau omole hookahi paina, eia nae, ua lawa na mea i laweia mai e na kanaka o ke aupuni e lilo ai i mau mea hoike ma ka aoaoa o ke aupuni, a ua lawe pu ia mai he mau kiaha aniani nunui ame na kiaha aniani liilii waiseke.

 

Paa he Wahine i ka Hopuia

            Ma keia wahi i paa ai he wahine Hawaii o Mrs. Kiakia Emma Akina ka inoa, i na kanaka hookapu waiona a hoopaaia ae kona inoa ma ka halewai no ke kumuhoopii e ku-e ana iaia no ka loaa ana aku o ka waiona malalo o kona malu. Loaa aku ke kane a keia wahine e moe ana iluna o ka moe me ka on a, elike me ia a na luna aupuni o ka hoike ana ae. Ua kiaiia keia wahi mai ka po Poaono ame ke Sabati mai a ma ka po Poakahi wale iho nei no i hiki ai i na kanaka o ke aupuni ke hopu a paa keia wahine e kuai okolehao ana.

            Ma na pule mua aku elua ua hakilo loa ia kela wahi eia nae, aole hiki ke hookokoke aku i kela wahi me ka hoopuhee ole aku i ka poe hakihaki kanawai. Ma ka hora 8:10 o ke ahiahi Poakahi wale no i hiki ai ke komo aka a loaa pono ka mea hakihaki kanawai a ikemaka aku la i ke kuai o ka wahine i ka waiona i na koa ame na luina. Ua loaa aku ma ia wahi he nui na onole ie wai ole e mokakai mai anan a pela me na omole o na ano like ole.

            Ma kekahi alanui oloi ma kahi kokoke i ke alanui Muliwai he Pilipino a Farnk Andiya kona inoa ka i paa i ka hopuia. I kulike me ka Gleason o ka hoike ana ae, i ka manawa i ike mai ai o na Pilipino la i na makai ua holo aku la oia a nalowale. Ma kela wahi i loaa aku ai kekahi mau omole malalo o ka papahele mahope o ka weheia ana ae o kekahi papa o ka lanai oki.

            Ua koto pu ia aku kekahi hale ma Tin Can Alley a maloko o ka rumi 13 o ka hale o Aliona i loaa pono aku ai o Moku ame ka waina. Ua paa oia i ka hopuia me ka lawe pu ia mai o kekahi mau mea e hoike ana no ke kuaiia o ka waiona ma ia wahi.

 

Haikeia ae i ka Luna Aupuni.

            Ma ke ahiahi o ka Poaono ua ike kekahi mau keikikane elua i ka lawe o kekahi Kepani i ka waiona maluna o kona kaa otomobile, a hoike ae ia mau keiki ia Gelason no ia hana a kela Kepani, a mamuli o ia mau keiki i paa ai ia Kepani i ka hopuia. I ke Kepani i komo aku ai iloko o kekahi hale no ka lawe ana aku i ka waiona ia manawa i kii ai na keiki i ke ki o ke kaa otomobile e aihue mai ke kaa mai, a kelepona mai la ia Gleason I ka hoea ana aku o Gleason ua ike aku la oia i ke Kepani e hooikaika ana ma na ano apau i mea e hiki ai kona kaa ke holo aku, a ia manawa i paa ai o Akitaro Nakani i ka hopuia me na omole waina ame sake eono i loaa aku maluna o ke kaa.

 

HOIKE HAPAHA O NA KULA SABATI

            O ka hoike hapaha o na Kula Sabati o ka Mokupuni o Oahu e ikeia no ia elike me ia malalo iho penei:

            Kaneohe, Ianuari 5; Waikane, Ianuari, 22; Hauula, Ianuari 29; Kahuku, Feb. 5; Waialua, Feb 12; Makua. Feb. 19; Waianae, Feb. 26; Ewa, Mar. 5; Kalihi ame Moanalua, Mar. 12; Kaumakapili, Mar 19; Kawaiahao ame Pohaialoha, Mar. 26.

            E hoomakaia no na hana hoike o kela ame keia i ka hora 10 a.m., a koe ke Kula Sabbati o Pohaialoha i ka hora 2 p. m.

            O ka hoike o ke Kula Sabati o Hauula Kahuku ame Waialua, na ka Hope K. K. S. N. Samuel K. Nahele e malama; o ka haawina a kela ame keia Kula Sabati, o ia no ka haawina o ka hapaha.

            Aole hoike hoohuihui o na Kula Sabati ma keia hapaha. On a Hoololi e oluohi e ppane mai.

Me ka haahaa,

Me ka haahaa, ka oukou kauwa,

SAMUEL. KAUKA

K. K. S. N. o Oahu

 

O MRS. ELIZABETH KAAIHUE PAUPP, UA HALA

MRS. ELIZABETH K RAUPP

            O Mrs. Elizabeth Kaaihue Raupp o Kalihi, i kamaaina ia e kekahi poe o keia kulanakauhale, ua haalele mai oia i keia ola ana ma ka hora 5 p. m., o ka la 23 o Dekemaba i hala maloko o kona home, a in a no kona ola nei a hala eqalu mau hora i koe, in a ua make oia makona la i mareia ai. Ma ka Poakolu. Dekemaba 28 mai, i malamaia ai kona anaina hoolewa maloko o ka hale kupapau o H.H. Williams ma ke alanui Nuuanu, a maloko o ka halepule Katolika i hoopau loa ia ai ka malamaia ana o kona anaina hoolewa, a mahope iho i lawei aku i kona kino wailua no ka Ilina ma Maemae.

            Ua hanauia oia ma Kahului i ka 1864, a i kona mauawa 8 makahiki ua laweia ola ma ke ano he kaikamahine hookania e ke Kapena F. W. Fehlbehr ame kana wahine e Makaleka. Ma ka la 24 o Dekemaba 1883 i hoohuiia aku ai oia ma ka berita laahia o ka mare me George M. Raupp maloko o ka home o Edwin. Hall ma Aala.

            He lala oia no ka Hui Kokua a Hookuanoono o na Wahine Oiwi Hawaii, ka Ahahui Puuwai Lokahi ame ka Ahahui Ka Hale o na Alii o Hawaii. Iaia i hala aku la ua haalele iho oia i kana kane Gerge M. Raupp ame kana kaikamahine hookahi wale no Mrs. Walter MaeDougal, me kekahi mau hoahanau lehulehu, oia o Mrs. Annie Reist, Mrs. Rev. Wm. Kamau o Ewa, William A. Hall, ame Mrs. Annie K. Wong Leong.

            He wahine oia i keia kona mau ano maikai e ka lehulehu oia hoi ka oluolu, ka heahea ame ka lokomaikai a he nui hoi kona healoha. 

            No ka põe apau i komo pu mai e u pu iloko o na hora o ka luuluu no ka lakou mea aloha i haalele mai la i keia ola ana, i na ahahui no hoi apau i haawi mai i ka lakou kokua, a i na hoaloha ame na makamaka elulehu, na hoomaikai he nui a ka ohana o Mrs. Elizabeth kaaihue Raupp  i haalele mai la i keia ola ana, no na mekana pua nani i haawiia mai no ka hoohiwahiwa ana iho i ke kino wailua o ka mea i haalele mai la i keia ola ana.

WM. A. HALL

âme ka ahana

 

E HOLO ANA O KUHIO NO KA HOOLANA MA‘I

            Mamuli o ke a‘o a kona kauka, e haalele iho ana ke eikialii Kuhio ia Honolulu nei, ma ka Poakolu, o keia pule ne, no Kaleponi, no ka hoolanalana ma‘i a e ukali pu aku ana ke Kamaliiwahine Kuhio me ia ma kela huakai.

            He kulana onawaliwali ko ke Keikialii Kuhio iloko o na la aku la i hala, o ke kumu ia o ka hiki ole iaia e huli hoi aku no ka ahaolelo lahui, elike me kana mea i manao mua ai, aka no ka imi ana nae i ke alahelee e loaa ai kaikaika kupono i koon kino, pela i manae ai ke kauka, e holo aia no Kaleponi e hoohala ai i kekahi manawa.

            No ka pule i hala ae nei, he kulana kapilikii maoli ko ke keikialii, me ka hiki ole iaia ke hiamoe i ka po, koe wale no kona hiamoe ana maluna o ka noho, i na manawa e lulumi mai ai ka makehiamoe maluna on a.

            Maluna o ka makuahi Hawkeye State oia e kau aku ai, ma kana huakai hoolanalana ma‘i, mamuli o ka manaoia, o kela kekahi o na mokuahi maikai loa, me ka lawa i na mea e hooluolu mai ai i ka noho ana o ka mea ma‘i, ahiki i ka lele ana aku iuka o ka aina.

HOOLAHA HALAWAI

Halau o Kapiolani lala Helu 2, Hale o na Alii o Hawaii

            Ma keia ke kauohaia aku nei na lala apau o ka Halau o Kapiolani, Lala Helu 2. hale o na Alii o Hawaii, e hele mai i ka halawai kumau o ia hui e malamaia ana ma Kapaa, ma keia Sbati iho, Ianuari 8, 1922 ma ka hora 3:00 o ka auwina la. Ke hoike pu ia aku nei no hoi ka lohe aole he halawai ma Waimea elike me na mea i manao mua ia ai.

            Ma ke kauoha:

                        MRS. ROSALIE KELINOI

                                                EKU HAI.

                                    6485-jan. 6, 1922.

 

UA MAREIA MAI NEI KA LOIO ANDREWS MA KAPALAKIKO

            SAN FRANCISCO, Dec. 30.- Ua loaa aku ia Lorrin Andrews o Honolulu he palapala ae mare maanei ma ka la aku la i nehinei no ka mare ana me Miss Amy S. Busby o Yakima, Wakinekona. Ma ke awakea o keia la e malamaia ai ka mare maloko o ka Hokele Bellwvue maanei.

            Ua haawi ae o Lorrin Andrews i kona mau makahiki he 49 a o Miss Busby he 21 on a mau makahiki o ka haawi ana ae.

            E haalele iho ana laua ianei i keia po no ko laua mahina meli no Kaleponi Hema.

            Ua hoike aku o Lorrin Andrews i ka Nupepa Associated ua haalele aku oia ia Honolulu me ka maikai a ua mauao oia e komo aku ma ka hoomaamaa kanawai ana ma Los Angeles, kahi ana o ka hoolala mua ana no ka hana Wahi ana ua waiho aku oia i kana mau hana hoomaamaa kanawai ma Honolulu ia W. B. Pittman.

            O ka moolelo o ko Miss Busby hoopau ana i ka hoopalau me kekahi kanaka ma Seattle no ka mare ana ae ia Andrews ua hoikeia ae ia e ka makuakane o ke kaikamahine S. L. Busby, ka luna nui o ka Hale laniakea e ku nuei ma ke alanui Alakea/

            Ua hoea mai o Miss Busby o Honolulu mai Yakima, Wakinekona mai, me ka ukali pu ia mai e kona makuakane ame ke kaikaina, Miss Irene Busby aneane elua makahiki hala aku nei.

            A oiai o Miss Busby he kahuma‘i oia i a‘oia ma ia hana ua komo aku oia ma ke ano he kahuma‘i i ka hale ma‘i Maiwahine a ua komo aku noi ke kaikaina me ka hui o Burua ma ke ano kakauolelo pokole.

 

Hoopolauia me ka Mau Loa

            He aina huaai apala ko ka ohana Busby maloko o ke Awawa Yakima, aka nae ua kuaiia aku mamua o ka holo ana mai i Honolulu nei. Mahope koke iho o ko Miss Busby hoea ana mai i Honolulu nei ua halawai oia me Lorrin Andrews. He kanaka o Andrews i mare no elua manawa mamua aku.

            Ma kela halawai mua ana ua hana laua i kekahi hoopalau me ka malu loa aneane he makahiki aku nei i hala. Ua hoole kela kane mua a Miss Busby i hoopalau ai i ka hoopau i ko laua hoopalau mahope iho o ka loaa ana o ka hoike iaia no ka hoopau ana o ko laua hoopalau, eia nae ua hoomau mai no oia i ke kakau ana ia Miss Busby.

            "O keia kekahi o na kumu o ko Mr. Andrews makemake ana e mare i kuu kaikamahine ma Kapalakiko. Ua makemake oia e ike aku kana wahine e mare aku ana i kona hoaloha mua, a pela hoi me kela kanaka mua i hoopalau ai me ia, mamua o kona mareia ana, imaopopo ai oia i na mea apau nono iho," wahi a Mr. Busby o ka hoike ana ae.

            "Mamua o ko laua haalele ana iho ia HOnolulu nei ua hoike mai kuu kaikamahine ia‘u ua maopopo loa ia ia e mareia ana oia me Anderws, a o kana i makemake ai e mare koke ia no oia maloko o na hora he 24 mahope koke iho o ko laua hoea ana aku i Kapalakiko. Ua hoi aku oia i Kapalakiko e mare ai no ka mea ua pinepine no kana manawa i kamailio ai no kona makemake i Kapalakiko no oia e mareia ai."

            Mahope iho o ko Mr. Busby heluhelu ana i ka moolelo i hoakakaia maloko o ka Associated ua hoike ae o Busby hookahi hemahema ana i ike ai maloko o ia hoolaha o ia hoi ma kahi o 21 makahiki he 24 makahiki ka pololei o kuukaimahine.

            No ka mea e pili ana i ka Andrews mau olelo maloko o ka nupepa Associated no kona noho loa aku ma Amerika ua hoakaka ae o Busby i ka moapopo ole o ka Andrews mau hana i hoolala ai mamua o kona haalele ana iho ia nei.

            " ma ka Mr. Andrews mau me o ka hoakaka ana mai ia‘u ua makemake loa oia e komo aku ma ka hana hoomaamaa kanawai me ka ahahui, a he lehulehu kana mau wahi o ka hoakaka ana mai no kahi ana i komo aku ai a hana. Malia paha e hoi hou mai ana no laua ianei aku nae, he mea maopopo ole aku ia.

            Ua hoike ae ka hoahui o Andrews, oia o Pittma, i kona hookahahaia, a wahi ana o ka hoike ana ae in a ua hooholo o Andrews i kona manao no ka noho loa aku i Amerika alaila u ahoololi oia i kona manao, no ka mea mamua o kona holo ana aku ua hoike mai oia ia‘u e hoi hou mai ana no oia.

           

WAILUKU, Jan. 4.-He kapena hoe o S. Sakamoto ka inoa, noluna o ka mokukuna Fort Lanamie, a e hoomaluia ana e ke Kapena Martin ka i hopuia e ka Makai Nui Crowell no kona ninaninauia aku na ka make ana o I. Araki, ke kuke o ka moku, i hana ia ma ka la 15 o Novemaba, oha la mahope iho o ka haalele ana aku o ka mokukuna ia Toeopilia, Kili. Aohe hana e lawelaweia aku ana no keia hihia ahiki i ka loaa ana mai o ke kauoha mai ka Ilamuku Amerika O. P. Cox mai o Honolulu. Ma ke olelo a ke keiki kapena hoe ua hana oia no ka hoopakele ana ae i kona ola, eia nae make aku la ke kuke.

 

 HE HOOMAIKAI NUI IA MRS. KAHALELAUKOA HOLLOWAY

            Ia oe e Mr. Solomon Hanohano, ka Lunahooponopono o ka Nupepa Kuokoa, a o ka ipukukui malamalama hoi o ka Lahui Hawaii; Aloha makahiki hou kaua: Oluolu mai kou ahonui i ka‘u wahi ukana ia oe ke hiki hoi ia e hookomo aku ma kahi kaawale o kou kino lahilahi, i ike mai ai na kini makamaka Hawaii o kaua e noho ana ma Hawaii Nui o Keawe, ahiki loa aku ma ka mokupuni o Niihau, i keia wahi poomanao e kau hiehie ae la maluna o ia hoi ke Hoomaikai nui ia Mrs. Kahalelaukoa Hollowa, no kana mau makana mele Kalikimaka, i na Hapauea Palupalu kane ame na Palupalu Wahine komo pu me na limahana e hana nei ma ke Home Lunalilo, iloko o keia hoomaikai ana nona.

            A, oiai no hoi, aole keia o ka makahiki mua loa a Mrs. K. Holloway i haawi makana ai i kona aloha Kalikimaka, aka ua nui no hoi na makahiki i hala aku la mahope ana i hoomanao mau ai, i na palupalu o ka Home Lunalilo, nolaila, nona makou i noho aie nui ai i kona lokomaikai piha no na makana Kalikimaka o na makahiki i hale aku la ame keia makahiki no hoi o ka 1921, i pau iho la.

            O na makana kalikimaka a Mrs. K. Holloway i haawi mai ai ia makou na palupalu kane ame palupalu wahine ame na limahana pu kekahi o ia iho keia malalo nei:

            Hookahi paa kakini eleele, hookahi paa paleili oluna o na kane, ekole kpa auau iloko o ka pahu liilii, hookahi hainaka kalika lei a-i hookahi eke kenikeni, me umi keneka (10e) iloko o kahi eke kenikeni, i loaa pono mai i na palupalu apau, ame na limahana pu no hoi kekahi.

            Hookahi pahu Ice Cream ame ke kanake (Candy) ka i haawi pu ia mai e ka lokomaikai palena ole e Mrs. K. Holloway mai.

            Nolaila, ua hoohauoli nui loa ia makou na palupalu kane ame ua palupalu wahine i ka loaa ana o kekahi makana maikai loa  ia makou ame na limahana pu kekahi ma ka Home Lunalilo nei. Ua haawi ae na palupalu wahine ame na palupalu kan, he ekolu hipahipa huro ana no Mrs. K Holloway, he hoike ana hoi keia i ko makou mahalo nui loa ame na hoomaikai he nui nona, no kaua mau makana Kalikimaka aloha i haawi mai ai na makou na palupalu apau o ka Home Lunalilo nei.

            Nolaila, ke pule nei makou nou e aloha mai ka Makua mana loa ame Kana Keiki aloha ka Haku Iesu Kristo, i kana kauwa ia Mrs. Holloway e hooloihiia kou mau la ame na makahiki o kou ola ana ma ka honua nei, Amene.

            O makou no na palupalu kane ame na wahine , Lunalilo Home.

            Honolulu, Jan 2, 1922

 

Papa

Na Lako

Kukulu Hale

 

No ka Hoahu Ana i Kou Wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

ALLEN & ROBINSON, LTD.

            Honolulu, T. H.

 

HE MAU AINA I KUPONO OLE NO KA MAHIAI ANA.

            I kulike me ia a ke Kiaaina o ka hoike ana ae ma ka Poakahi nei he mau aina kupono ole o Panaewa ame Keaukaha no ka mahiai, aka nae, malia e lilo ana ia mau wahi i mau wahimaikai no ke kukulu hale ana mahope o ka mahelehelia ana a hoonaho aku i ka poe e makemake ana e hoi maluna o ia mau aina e noho ai. Mamuli o ke kanawai o na Home hawaii i lilo ai keia mau aina malalo o ke Komisina o na Home Hawaii.

            I Hilo ke Kiaaina me ka ukali pu ia aku e L. T. Lyman , ke kanaka loea Hawaii ma ka oihana mahiai a ke komisina o na Home Hawaii a ma ka Poaono aku nei ko laua hoi ana mau.

            WASHINGTON, Jan. 3--He moku piha ukana o 240,000 busela kulina ka i haalele iho ia Nu Olina no Rusia ma ka la 31 o Dekemaba, o ia ka mea i hoolahaia ae i keia la e ke komisina Amerika kokua i ka poe popilikoa, ka mea iaia ka hana o ke kokua ana aku i ka poe make i ka pololi, he mau miliona ma Rusia. He huina nui o 3,000,000 busela kulina ka i kuaiia a i makaukau i nei manawa no ka hoounaia ana aku.

 

KA VICTROLA

            Ka Meakani Mele Kilakila he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

            NA PIANO PAANI

            NA ROLA PAANI

            NA PEPA MELE HOU

            NA PILA AHA

            Ame na mea apau pili i na mele

 

Bergstrom Music Co.

1020 Alanui Papu Honolulu

 

E hookomo Anei i

Pahuolelo Victrola

no kou home. elia me make na ano like ole, mai ka $25 a pii aku. Ke malama nei makou i na Pap Leo Mele Pahuolelo hou loa me ke Kuapo i na Papa Leo Mele kahiko e lawe mai ai i kau mau Papa Leo Mele kahiko Hoouna mai no na hoakaka no ka  PIANO KROEGER ka piano kupono ia oi.

Hawaii Sales Co., Ltd

1009 Alanui Nuuanu.

Honolulu Kelepono 1933

 

Ka Pila GRAFONOLA COLUMBIA

Maopopo ka Wa e Pau ai. Na ka mea hoopaa nona iho e makaaka ia mea nou. Ua hiki ia oe ke hulahula ahiki i ka huamele hope loa.

Uku Liilii ke Makemakeia

Thayer Piano Co., LIMITED 148-150 ALANUI HOKELE

 

Kuai i na Nupepa me na Buke Nupepa

            Buy your magazines newspapers, periodicals, brain food.

            FISHERSʻS NEWS CART

            FISHERS NEWS AGENCY P.O BOX 11224 HONOLULU

            WE TAKE SUBSCRIPTIONS

            Ma ke Kaa Lawe Meahou a Fisher

 

KUAI KUDALA

maluna o na Waiwai Apau

E Hoomaka Ana ma ka Hora 12 o ke Awakea Poakahi, Ianuari 9

KUAI I KELA AME KEIA LA MA KE AWAKEA AME KA HORA 7 O KE AHIAHI

Na Waiwai lole o na ano like ole; na Paleili, Kapa Moe, Pahu Lole, Paiki Lole, ame na Lako Like Ole.

Wah Ying Chong Co.

161 Alanui moi, Kokoke I ka Makeke

 

Kopa Moi Keokeo No ka Mikini Holoi

            He Kopa maikai loa i hiki ke hoohanaia no na ano hana apau i pili i ka home. Hiki ke holoi i na lole nahenahe loa me ka pilikia ole. O kona oi loa aku o ka maikai no na mikini holoi-No ka holoi i na pa ame holoi hale.

KUAI I PUOLO MAI KOU HALEKUAI MEAAI MAI

T. H. Davies & Co., Ltd.

Na Akena Wale no no ka Paeaina Hawaii.

 

Ka Pipi o ka Aina Hanai Holoholona o Parker

            O keia i o pipi momona, ka pipi maikai hookahi ma ke makeke a ke kuai hoolilo nei makou, ma ke kumukuai haahaa me ka hoopono maoli.

            Eia keia mau kumukuai malalo loa iho o ko na makeke e ae a hui pu iho me na kulana maemae e hoohanaia nei e makou ma ka lawelawe ame ka hoahu ana i na i‘o pipi, he mea pono e lilo ko makou makeke i makeke nou.

            Pipi Ku Mokupuni…………………………...15c  o oka lb.

            Kulana Aoao o ka Pipi…………………….…15c  o oka lb.

            Ku‘eku‘e Pipi…….……………………..…..12.5  o oka lb.

            Pipi Palai Iwi Hoehoe………………………..15c  o oka lb.

            Pipi Palai Uha…………………………….….15c  o oka lb.

            Kulana Aoao Koala………………………...12.5c  o oka lb.

            Po Hipa Ku……….………………………….10c  o oka lb.

            Po Hipa Ku‘eku‘e Wawae……………………10c  o oka lb.

            Po Umauma o ka Hipa……………………….10c  o oka lb.

 

            Waiubaka Maile…..……………………….….55c  o oka lb.

 

METROPOLITAN MEAT MARKET

Alanui Moi