Ka Nupepa Kuokoa, Volume LXI, Number 1, 6 January 1922 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KA MAKAHIKI HOU E NEE NEI!
Ua hala aku la ka makahiki kahiko me kana mau hana, eia kakou iloko o na la mua o ka makahiki hou e nee nei; e lilo na ike i loaa mai ia kakou, iloko o ka makahiki i hala, i mea a o mai ia kakou, no na mea pono e hana aku ai o keia mua aku.
Eia no kekahi o na kumu hoohalike k@ loa, ma na mea a kakou i ike maoli ai no, i ka pomaikai ole; na hana hoi i ala koia aku ai kakou iloko o na pilikia ame ka noho auwe ana, e waiho loa aku ia mau hana; e lalau aku i na ha@ e loaa ai ka noho hauoli ana, a e kaawale loa aku ai kela ano i ike mau ia iwaena o kakou na Hawaii, ka uhauha ame ka noho lealea ana.
Ua pomaikai kakou, ua loaa keia makahiki hou, mamuli wale mai no ia o ka lokomaikai o ke Akua, e lilo ia lokomaikai, i mea na kakou e ho ano hou ae ai i ko kakou ola ana, maka lilo ana i poe e hana ana i ka maikai.
Aole kakou i ike, i ke au o ka nee ana aku o ka manawa, i wahi nae e ike hou aku ai kakou i keia makahiki ae, mai lawelawe kakou i na hana e alakoia ai kakou iloko o ka poino; aka e mak@ kakou i keia ola ana maka hookaawale ana aku i na mea e hoopilikia ai ke ola ame ka noho hauoli ana.
He mea hookaumaha mai i ko kakou noonoe ka ike ana, ua hu wale aku mawaho o na palena kupono, ka hoohauoli ana a kekahi poe i ko lakou makahiki hou. mamuli o ka halawai ana he ekolu poe me ka make, ma keia kulanakauhale. o na ano nana i hoopokole ae i ke ola apa o kela poe ekolu, o ka keia pepa ia, e a'o ikaika aku nei i na Hawaii. e hoo-kanaka ia oukou iho, a e hoao hoi ma na ano apau, e lilo i lahui kanaka e kau ole mai ai maluna o kakou, na hooiloilo a na lahui e, i ike mai i ko kakou mau ano o na makahiki ae nei i hala.
KA PULA HOOMAKAULII!
O ka hana i lawelaweia ma ka makahiki aku la i hala, iloko o ka pule mua o ka mahina o Ianuari, ua hoea hou mai ia, o ia hoi, ka lilo ana o ka pule mea iloko o keia mahina, i pule hoomakaulii.
O ka manao o keia hana hoomakaulii, o ia no ka hoahu maoli ana i na dala maloko o na banako, ka pakiko ana i na hoolilo o ka noho ohana ana ; ka imi ana i na alahele e loaa ai on a home. ame ka noho kuokoa ana, a ma ke ano nui ke olelo ae, ma na hana hoomakaulii no apau e lona ai ia kakou ka noho palekana ana.
O kekahi hana hoomakaulii, a kakou e hana ai. o ia no ka hoao ana e hoemi iho i na hoolilo, mamua o na loaa; i mea nae e hiki ai keia hana, he mea pono no e uuni i ka ono i kekahi manawa, a e hoomanawanui hoi i na makemake i kekahi wa. aia ahiki ia kakou ke nohoalii maluna o kela ano pipilipaa loa ia kakou. alaila hiki ia kakou ke hoomakaulii; ina aole pela, alaila na aneane makehewa no na hooikaika ana, e hooko aku i na hana i manaoia mai ai kakou, no keia pule.
O na hoolilo o ka noho ana o ka ohana, na uku hoolimalima o na hale, na auhau o kela ame keia ano. he mau mea kumau kela, e pono ai e hooponoponoia ma ke ano e oi ole aku, mamua o ke kupono; aole nae keia e hiki, aia wale no a uuniia ka ono i kekahi manawa, a kapaeia ae hoi na makemake, koe wale no paha. i ka manawa o kekahi mau pilikia kuikawa, e hoea mai ai.
KA HOPE MAKAI NUI WERNER
Mamuli o ke kikoo ana mai o ka make i ka Hope Makai Nui William Werner o Hanalei, Kauai. ua hookauia mai ke kaumaha, ka luuluu ame ka ehaeha maluna o na hoaloha, ua makamka ame na ohana o ka mea i hala ma Kauai; ua lilo pu hoi kona hala ana aku la, i puupuu ikaika loa, i ku'iia aku ma ka puuwai. o na hoa haipule apau i loko o kela mokupuni, mamuli o ke kikooia ana mai la o kekahi luma akau ikaika loa iloko o na hana pono. aole maloko wale iho no o ka apana o Hanalei, aka iloko o ka mokupuni holookoa o Kauai.
Ma kona ano he luna oihana no ka apana o Hanalei, no na makahiki lehulehu ae nei i hala. ua nanaia aku oia he kanaka nui a ko'iko'i no kela apana, a he makua, a makamaka no na Hawaii mai na kamaaina a malihini. e hoea aku ana ma Hanalei, nolaila i kona hala ana aku la, ua hala aku oia, me ha nui o ka m@aminaia, e ka lehulehu o ka poe aie. i kana mau hana kokua a hookipa he nui no ko lakou pono.
Me kahi naauao liilii i loaa ia Mr. William Werner, ua pii mai oia mai ke anuu ilalo loa o ke alapii. ma ka hooikaika ana ma na ano apau e lanakila maluna o na hana like ole i waihoia aku nana e hooko; o @a hopena nae i ikeia, ua lanakila oia ma kana mau hooikaika ana; ka mea nana i hoopaa aku iaia, ma ke kulana lunakanawai no Hanalei no kekahi mau makahiki, a ma ke kulana hope makai nui hoi, ahiki wale no i kona pauaho ana mai i keia ola ana.
O na kanaka elike me Mr. Werner i haalele mai la i keia ola ana, ka nui o na hoaloha, mamuli o kona kono kino ana, iloko o na hana e hapai ana i ka pono iloko o ka aina: e komo pu ana iloko o na hana hoohauoli; e hooiia ae ai ka launa oluolu ana o na hoaloha; aole he mea uuku kona hala ana aku la, aka he mea nui loa ia. i lilo ai i hana paakiki, ka huli ana aku i puihakahaka ma kona makalua.
He Hawaii o Mr. Werner i nui na hoaloha, mamuli o kona mau ano oluolu, lokomaikai a hoolaule'a o ia mau ano on a, ame kana mau hana maikai apau i waiho iho mahope nei, he kiahoomanao poina ole ia na ka lehulehu i kamaaina iaia, e hoomanao mau ai.
KE KALAPU HOAHU KARISIMAKA
Ma ka Poakahi ae nei e hoea mai ana, e wehe hou ia ai ke Kalapu Hoahu Karisimaka, no keia makahiki 1922.
Ma ka hoomaopopo ana iloko o keia mau makahiki i kaahope aku la, o keia kekahi o na kalapu i kukuluia ae e ka Banako o Bihopa ma, i lilo i mea kokua nui aku i ka lehulehu, ka poe i maa ole i ka hooko ana i ka lakou mau dala maloko o keia kalapu, i na makahiki apau.
Ma ka makahiki i pau koke aku la, ame na makahiki no apau i kukuluia ai o keia Kalapu Hoahu Karisimaka, ua loaa maoli he waihona no ka hapanui o na ohana, ua hiki ke hoopauia ae ko lakou mau pilikia o ka noho ana, ame ka loaa pu o kekahi waihona maopopo no lakou, ka mea i ike ole ia pela, mamua aku o ke ku ana ae o keia kalapu hoahu, nolaila ua pomaikai maoli kakou na Hawaii, i keku ana o ke kalapu o keia ano.
Ua hookumu mua ia keia hana kukulu kalapu hoahu, maloko nei o keia keena pa'i nupepa, i ka manawa o ko makou hoaloha Mr. Testa e noho hana ana me makou. mamuli o ka ike aku i kona mau hoa limahana i ka uhauha maoli i ko lakou mau ukuhana, ame ka aie mau aku iaia, i na pule apau, e hoihoi ana i na dala hoahu a na limahana maloko o ka banako o Bihopa ma, i kela ame keia pule; a ke ole keia pepa e kuhihewa. me he mea la mailoko mai o keia kalapu hoahu. i loaa aku ai ka manao i ka Banako o Bihopa ma, e wehe i kekahi kalapu nui, no ka iehulehu o ka poe e noho ana ma keia kulanakauhale e komo aku ai i mau lala.
Elike no me ka keia pepa i hoeueu mau aku ai, maluna o keia ninau hoahu dala, ma ke ano, o kekahi ia o na anuu, o ko kakou noho kuonoono ana. ko na kanaka Hawaii: pela no ia e kono ikaika aku nei ia kakou, a hoea mai i ka wa e wehe hou ai keia kalapu hoahu dala i keia Poakahi ae, e hoomau aku i ke komo ana i mau lala iloko o keia kalapu, mai ka poe i komo aku mau lala, no ke kalapu o ka makahiki i hala aku la. ame ka poe i komo mua ole.
Me ke kanalua ole ia makou ke olelo ae, ua hoopakeleia ae he heluna nui o na ohana Hawaii, mai na pilikia mai, iloko o ka makahiki aku la i hala. ma o ka lilo ana i mau lala no ke kalap@ hoahu o ka makahiki i pau. ua ike maoli ia aku kela ame keia ohana, e kuai ana i na hemahema o ko lakou noho ana; e kuai pu ana, i na mea e hoohauoliia ai ka manao, no na la kulaia; ua hoopauia aku hoi ko lalkou mau aie a o ka mea oi loa aku, ua hookoeia ae kekahi huina mahuahua, ma ke ano he waihona. no na la pilikia. ka mea i ike ole ia iloko o na makahiki l@ihi o ko lakou noho ana maloko nei o keia kulanakauhale.
Ke hoeueu mau nai keia pepa, i keia hana hoahu, aole no ka pomaikai o ka banako, aka no kakou na Hawaii: a he mea na makou e hauoli loa nei. ka ika ana mamuli, o na mea oiaio i loaa mai i keia keena, eia na Hawaii ke pii nei, ma ka heluna kiekie. iwaena o ka poe hoahu dala mal@ko o na banaka: ma keia ano. aole i loaa he wahi kanalua iki, no ka hoea mai i ka manawa, e loaa ai ka noho kuokoa ana ia kakou, maka hiki ana ke kuai i mau home e noho ai, a e pau ka noho ana aku ma ke ano hoolimaluna; a ma keia ano no hoi, e maloeloe ai ke ku ana ae, a hoi aku no na aina hoopulapula. kahi i makemakeia ai na Hawaii, e hoolilo i na aina aupuni, i mau home no lakou, a kau aku i ka lakou mau mamo.
He ehiku ka nui o na papa maloko o keia kalapu hoahu. mai ka 25 ka haahaa o ka pula ahiki i ka elima dala ke kiekie, ua hiki loa i na mea apau ke komo i lala no keia kalapu, ma ka hoahu ana, elike me ka hiki i kela ame keia pule.
O ka mea nani loa ma ke komo ana i lala no keia kalapu hoahu, o ia no ke kono mau ia mai, e hoahu. me ka hoalo ole i kela ame keia pule. Ua hiki no nae i kekahi mea, e ukuia ana ma ka elua pule o ka mahina, a i ole ma ka ukumahina paha ke hookomo ma ka elua pule, a i ole ma ka mahina: no ka poe ma ka pule ko lakou uku, ua hiki ia lakou ke hookomo i ka lakou hoahu m@ ka pule.
Mai ohohia wale nae kakou. ma ke komo ana i mau lala no keia kalapu hoahu, me ka ike mua ole i ka hiki ia kakou ke hookomo mau i na pule apau: pela hoi ko kakou hoopilikia mai ma kekahi ano; no ka mea e ku mau mai ana kekahi mau mea i pili pono loa aku i ko kakou hono ohana ana: aia ahiki ia kakou ke palekana me na mea e pono ai ko kakou ola ana. me ka maalahi, alaila o na mea e koe ae ana o na ukuhana, o na mea ia e kiola aku iloko o ke kalapu hoahu, in a no ia he huina uuku loa, ma ka paamau ana auanei o ka manawa hoahu, e lilo ai ka huina uuku i huina mahuahua.
Nolaila e hoo-kanaka ia kakou e na Hawaii, ua hala na la o ka uhauha, aole keia i lohi loa, no ka hoomaka koke ana, e lilo i poe pakiko, a e waiho loa aku na hana uhauha, ame na hana no apau, nana i huki mau ia kakou na Hawaii ilalo, aka e ku iluna a maloeloe, a e keehi aku i na olelo kipehi apau, i hookau mau ia mai maluna o kakou, no ka hiki ole ia kakou ke lilo i poe hoahu!
Nuhou Kuloko
Ma ka poalua iho nei, i hoomaka hou ai na kula aupuni apuni keia Teritore, mahope o ka pau ana o na la kulaia.
Ma ka Poakahi ae nei, ka la 9 o ka mahina o Ianuari nei, e weheia ai ke Kalapu Hoahu Karisimaka uo keia makahiki 1922 e nee aku nei.
Ua hoea mai i ka manawa e uku ai i na auhau wai, no keia hapa makahiki e nee nei, ina e kaa ana mahope o ka la 15 o keia mahina, e kauia iho ana he paku'i o umi pakeneka, maluna o @ auhau kaa ole.
Mamuli o ka nui o na ha@ halepa'i, ua ulolohi loa ka hanaia ana o ka alemanaka makana a ka Nupepa Kuokoa i keia makahiki, aka e paa ana ia a hoounaia aku iloko o kekahi manawa o keia mahina.
Mamuli o ke oma'ima'i o ka Elele Kuhio, ua hiki ole iaia ke huli hoi aku no ka ahaolelo lahui, elike me na mea i manao mua ia ai, a he kanalua no ka hiki iaia ko hoi i ka ahaolelo iloko o keia manawa anu o Amerika.
Ma ka Poakolu iho nei, i lawe ae ai o Konela J. W. Jones i kona kulana oihana hou. ma ke ano he luna ohi, no na loaa kuloko, no ke pani ana aku i kahi o Konela H. Hathaway, ka mea i paa iho nei i kela kulana no na makahiki eha.
Ma ke kakahiaka o ka Poalua iho nei, i lawe ae ai ka Lunakanawai Desha i kana hoohiki oihana imua o ka Lunakanawai Kiekie Jas. L. Coke, ua makaukau ka lunakanawai hou e hoouee aku i na haua o kana aha imua.
E alawa ae e na Hawaii, i ka hooluha a ke Keena Auhau, no na mea e pili ana i na auhau loaa makahiki; a e hoomakaukau koke i na hoike e waiho ae ai iloko o ke keena auhau no ka lona makahiki, no ka makahiki i hala aku la.
Mahope iho o ka mahuka ana mai Kahauiki mai, no kekahi mau la aku la i hole, i paa ae ai he elua mau koa paahao, i ka hopuia e ka Makai D. A. Mahukona ma ke Sabati nei, a ua ukuia mai iaia ka uku makana o kaualima dala pakahi no kela mau koa elua.
No ka huli â me ka noii pono ana aku i ke kumukuai o ua menai, e kuaiia nei me ka pipii i keia la, e noho ae ana ka halawai a ke komite kuikawa, i kohoia ai e ka ahahui kalepa, ma keia auwina la, a iwaena o na meaai e noonooia ana, o ka i'a ame ka poi kekahi.
Ma ku ho@ 7:00 o ke ahiahi o ka Poaono, Ianuai 14, 1922, e malama ao ana ka Ahahui Kaumualii, Hui Lala Kamehameha o Kauai. i kona h@wai, u ua makemakeia na lala apau o hela hahui. o @ ko @ wahi halawai mau, ma ka manawa i hoike ia ao la maluna.
Ma ka hora ekahi o ka auwina la o ka Poalua iho nei, i pauaho mai ai o Mrs. Emily Naukana, ka wahine mare a ka Hope @amuku Amerika Albert K. Naukana i keia ola ana, ma kona home noho mauka ae nei o Kalihi, a ma ka auwina la o ka Poakolu ae, i malamaia ai kona auaina hoolewa.
E alawa ae e na lala o ka Ahahui Halau o Kapiolani, Ahahui Lala o ka Hale o na Alii o Hawaii o Kauai, i ka hoolaha kahea halawai e puka aku nei ma kekahi wahi o keia pepa; o ia hoi ka halawai e noho mai ana ma Kapaa, ma ka hora ekolu o ka auwina la, o keia Sabati iho, Ianuari 8, 1922.
Ke houpuupuia mai nei ka inoa o Loio Peters, no ke kulana lunakanawai kiekie, ma ka manao nae o kekahi mau alakai kalaiaina Repubalika, he oi aku ke kupono. e hookiekieia ae ka Lunakanawai De Bollt no kela kulana. mamuli o kona kahiki, ma ka oihana me ka makaukau pu no hoi ma ke kanawai.
HOOLAHA LULU MANAWALEA
Ke hoikeia aku nei ka lohe ma keia i na lala apau o ka Hui Kokua a Hookuonoono o na Wahine Oiwi Hawaii e lulu mai i ka hapalua dala manawalea no Mrs. Nancy Mahelona i make ai ma ka la 6 o Dekemaba, ame ka hapalua dala manawalea no Mrs. Kaaihue Ruff i make ai ma ka la 23 o Dekemaba 1921. a e haawi ae ma ka lima o Miss Helen Allen ma kona h@ ma Kapalama, a i ole ma ka rumi halawai o ka ahahui.
MRS. MAIKAI KALEO,
Kakauolelo Moolelo o ka H. K. H. O. W. H.
6484- Dec 30, 1921. Jan 6, 13, 1922
HALE O NA ALII O HAWAII
E malamaia ana ka halawai ku@u o ka Hale o na Alii o Hawaii, Ahahui Poo, ma ka Phoenix Hall, i keia Sabati, Ianuari 8, hora 3p.m., no na hana ano nui e kukakukaia ana. Ke noiia aku nei na lala apau e hiki mai.
Ma ke kauoha a ka Iku Hai.
WM. J. CO@O
Iku Kau
6485- Jan. 6
Nuhou Kuwaho
PARIS, Dec 30.- Ma ka hoike a ka luna helu kanaka nui no ka 1921, o ka heluna lahui o Palani he 39,402,739, a mailoko ae o ia 1,500,449 he mau lahui e. Ma ka helu kanaka o ka 1911 o ka heluna kahui o Palani he 39,604,992, komo pu me 1,132,696 mau lahui e
CHICAGO, Dec 31- He heluna nui o na kanaka maloko o na mokuaina eono i pane i na pepa ninau a ua hoakaka ae lakou aole lakou i manao o ka waiseke ka waina ame ka bia he mau mea kupono i mau laau lapaau.
SAN FRANCISCO, Dec 31- Ua loaa mai he kauoha ianei mai ka Loio Kuhina mai e hoihoi hou ia aku na pahu rama 100 i ka on a o ka moku Patricia i ili ai a nahaha. Ma ka manao o ka loio kuhina ua paa hewa ia kela mau pahu waiona, no ka mea,, ua paa kela ukana malalo o ka papa inoa o na waiwai Pelekano a ua silaia no hoi ia mau pahu waiona apau.
MINEOLA, L. I., Dec 31- He moolelo hou no ke ao no ka hoomauia o ka lele ana i ka lewa ka i hookahuaia ma keia la i ka manawa a ke Pailaka Edward Stinson ame ke kanaka mikanika Lloyd P@rtaud i kuu iho ai meanei maloko o ka mokulele he haokila wale no, mahope o ka lele ana i ka lewa no 26 hora, 19 minuke ame 34 sekona.
RIGGA, Latvia, Jan. 4.- Ke hoomakaukau mai la na pualikoa Rukini ame Finalana ma ka mokuna aina Finalana no kekahi hooili kaua nui, mamuli o kekahi hoopaapaa i ulu ae mawaena o ia mau aupuni e pili ana no Karelia, ka hapa hema loa o ka anemoku o Finalana, komo pu me ke aupuni kahiko o St. Peteroboro, a o Petrograd hoi i nei manawa.
LONDON, Jan 4- E hoakaka ana kakahi lono ma ke kelekalapa mai ka mea kakau meahou mai o ka Nupepa Reuter mai Rigu mai no ka hoopuka ana mai la o ke aupuni kuikawa o Rusia i ke kauoha no ka hoakoakoa ana o na kanaka apau no ke kokua i hanauia i ka 1899 ame 1900.
BOSTON, Jan 4- Ua hoounaia mai e ka makokaua Dakota Akau he lono ma ka uweaolelo uweaole ianei i keia la e hoakaka ana no kona hooku'i ana me ka mokukuna Pelekaue Bentley mawaho aku o ka Lae Cod. Ke huli hoi maii nei oia no ka pa kapilimoku no ka hana hou ana ae i kona mau wahi i poino. He mokukolo ke ku kokoke aku la ma kahi a ka mokukuna e holo mai ana no ka haawi ana aku i kekahi kokua kupono iaia.
@ABERDEEN, Jan 3- Ua ili ka moku ailaea Kilkmaid o 60 kapuai ma kahi kokoke i Westport i keia la me 300 mau paau wai@eke maikai loa ma'una on a, i manao wale ia e lawe ana mai Vanckouva mai a i Kapalakiko. Elua o kona mau kanaka i loaa aku ua make malalo o ka oneki. No kekahi mau kanaka e ae aohe maopopo o ko lakou wahi i malowale aku ai. Ua manao wale ia ua ili keia moku i ka manawa e pa ana ka makani ikaika ma na ka pakai ma ka po i hala a ili i kula.
NA MARE
Joseph Kealalio ia Mary M. Miller, Dec 29
David M. Kaapu ia Helen K. Awai, Dec 31
Charles Akau ia Annie Calhan, Dec 31
George Muller ia Flora Kama, Dec 31
Robert K. Louis ia Daisy K. Wilder Jan 1
G. E. L. Crawford ia Annie Manona, Jan 1
Kealoha Hookano ia Mrs. K. Kekai, Jan 3
NA HANAU
Na Ernest S. Aoki ame Libbie N. Kaaiahua, he kaikamahine, Dec 20.
Na Joseph Naone ame E. Ah Wo, he keikikane, Dec 26
Na Keola Kaainoa ame Clara Kanilau, he keikikane, Dec 29
Na Eddie Kaai ame Elizabeth Kawaihalau, he keikikane, Dec 29
Na John Simonson ame Nellie Steward, he keikikane, Dec 29
Na S. Soares ame Phoebe K. Kakaula, he keikikane Dec 31
Na Mr. ame Mrs. Daniel nahinu, he kaikamahine, Dec 31
Na Keawe Kaleikini ame Mabel Aea, he kaikamahine, Jan 2
NA MAKE
George Kaea, ma ke alanui Puuhale, Dec 29
Anaole Mana, ma ke alanui Ohua, Dec 30
John Kakalia, ma ka Home Lunalilo, Dec 31
Frank Clark, ma ka Halewai, Jan 1
Becky K. Chang, maka Home Leahi, Jan 1
Samuel Pali, ma ka Home Lunalilo, Jan 2
Mabel K. Kaleikini, make alanui Kapahulu, Jan 2
ADS
NEW PALAMA THEATER
"KA HALE KEAKA NANA MAWAHO AKU O HONOLULU"
Poaono- William Farnum iloko o "DRAG HARLAN."
Sabati- William Russell iloko o "THE MAN WHO DARED"
Poakahi- "THE HOUSE THAT JAZZ BUILT"
UKUKOMO: 5 a 30 Keneka.
EMPIRE
Hoikeike mau, 12 m. a 10:15 p.m.
Elua hoikeike Poaono, Sabati me na La Kulaia, 6:30 ame 8:30
Ke paani nei- Shirley Mason iloko o "GIRL OF MY HEART"
Hoomaka Sabati- will Rogers iloko o "JES' CALL ME JIM
Hoomaka Poakolu- Louise Lovely iloko o "LITTLE GREY MOUSE"
UKUKOMO: 15, 25, 40 Keneka; Ukula ka auhau kaua.
HAWAII
Elua hoikeike Poaono, Sabati me na La Kulaia, 6:30 ame 8:30.
Hoikeike mau i na la apau.
Ke paani nei- "DANGEROUS DAYS"
Keia Sabati- Frank Mayo iloko o "THE FIGHTING LOVER"
Keia Poaha- "WOMEN MEN FORGET"
Keia Poaha- Edith Roberts iloko o "THUNDER ISLAND"
UKUKOMO: 15, 25, 40 Keneka; ukuia ka auhau kaua.
LIBERTY
Hoikeike ao i na la apau, koe ke Sabati, 2:45. Ahiahi, 7.45.
Elua hoikeike, Poaono, Sabati ame na La Kulaia, 6:30 ame 8:30
Ke paani nei- CLARA KIMBALL YOUNG iloko o "HUSH"
Hoomaka Sabati- GLORIA SWANSON iloko o "THE GREAT MOMENT"
Hoomaka pPoaha- LOIS WEBER'S PRODUCTION, "THE BLOT."
Ukukomo: 25, 40 Keneka. Noho i hookaawaleia 60c, Kelepona 5060
Halekuai o na Hawaii me ka Lehulehu
HELU S. AALA MAKEKE. KELEPONA HELU 6311
Ma ka Lapule nei ka la I o ka makahiki hou 1922, a he mea hauoli ia k@ kou ka ike ana i ka MAKAHIKI HOU, a he mea maikai no hoi iwaena o k@ kou Hawaii ka noonoo ana aku i ka kakou mau hana mua, e ola ai ka ohana me ka holomua o ko kakou lahui aloha, ma ka haawi ana i na kokua i na Hawaii apau e lawelawe nei i na oihana kalepa, iwaena o na lahui e, ma ko kakou oaehanau o Hawaii nei apuni.
Ina ua hiki i ka Lahui Hawaii ke hoahu a piha he $1,500,000 i loko o na hanako'o kela kulanakauhale, pehea e hiki ole ai ia kakou ke kokua ia kakou iho ma ke kuai ana i ka kakou mau meaai, lole, kamau, papale, a pelaaku mai ko kakou poe Hawaii mai e lawelawe nei ia mau oihana kalepa ma Honolulu nei i keia la.
Makemake au i 1000 ohana Hawaii no ka lawe ana i kea ma ka $10 o k@kea hookahi no ka hoonui hou ana ae i ko kakou halekuai, ame ke kuai ana i ka kakou mau meaai @ na hana hou i manaoia mailoko mai o ka AINA MAKUA.
EIA KEKAHI O NA KUMUKUAI O KEIA PULE.
Dala Kuike
14 paona Poi Ono o Punaluu mai no ka …………………………………………… $1.00
1 paona Hee Maloo o Molokai mai no ka …………………………………………… 0.65
6 Opelu nunui o Kona mai no ka ……………………………………………………… 0.25
1 paona King Salmon momona nun no ka …………………………………………… 0.25
1 paona Puaa ai waiu liilii a nunui no ka …………………………………………… 0.25
1 kakini Alpine a i ole Carnation Cream nunui no ka …………………………… .1.50
1 kakini Alpine a i ole Carnation Cream liilii no ka ……………………………… .0.75
1 kakini alaui momona nunui no ka ………………………………………………… ..0.60
He nui wale aku na ano meaai ke naue'ae a ohohia mai no hoi oukou e na Hawaii e lu nei i ka oukou mau kenikeni i na lahui e, me he la ua nele @ na Hawaii i ka hale kuai, e hoolawa ai i ko oukou mau home a piha me @ kumukuai makepono, like no me ka ua lahui e. Hape@ia la Kakou!
JAMES L. HOLT. Lunanui
KA AUHAU LOAA MAKAHIKI O KE TERITORE O HAWAII NO KA 1922
O ke ana o ka auhau ua laweia mai ia mai ka 2% mai o na loaa makahiki o $5,000 a malalo, ahiki i ka 5% o na loaa makahiki maluna aku o $100,000.00 me ka hoolaweia ae o keia mau hookuu ana mahope ae nei:
$1,000.00- Ina he mea mare ole a mea paha i mareia, aole nae he noho pu me ke kane a wahine paha.
$2,000.00- Ina ua mareia a e noho pu ana me ke kane a wahine paha, a i ole, e noho ana ke poo ohana me ka poe e kauka'i ana iaia.
$200.00- No kela me keia mea (mawaho ae o ke kane a wahine paha) e kauka'i aku ana. a e loaa mai ana kona kokua nui mai ka mea uku auhau mai, in a malalo o 18 makahiki ke kahiko, a i ole, hiki ole paha ke malama iaia.
AKA, i wahi e loaa ai ka hookunia i ka poe i mareia, i na poo o na ohana, a i ole, no ka poe e kauka'i aku ana, he mea pono ia mea ke hana i pepa hoike loaa makahiki imua o ka Luna Ohi Auhau, a i ole i kona hope, e hoike ana, ua kuleana oia ia mau hookuu ana, a e koi ana ia lakou. He mea pono e hanaia keia hoike iloko o ka mahina o Ianuari, in a aole pela, aole e aeia aku ka hookuu ana.
Aole e pono i ka poe hookaa auhau ke hoojuikau i ka hoike auhau loaa makahiki Teritore me ka hoike federala.
O cela â me keia mea he loaa makahiki kona o $1,000.00 a oi aku paha no ka makahiki e pau ana i Dekemaba 31, 1921, he mea pono e hana i hoike.
O ke poo o ka ohana he mea oia e hoolako maoli ana he hookahi a oi aku paha poe, i pili loa mai iaia ma o ke koko la, ma ka mare ana a i ole ma ka hookama ana paha ka mea nona ka pono. e hoohana i ka hoomalu ana i ka ohana, a e hoolako i ka poe kauka'i aku maluna on a. i hookahuaia maluna o kekahi kuleana o ka noho ana a pili kanawai paha.
ANO ka manawa e hooko ai i keia hana ano nui; in a aole he maopopo ia oe o ia mea, e kipa ae ma ke Kee@a, Auhau no na hoakaka piha. Na kekahi hope i kokua mai ia oe i ka hana ana i ka hoike me kou kaki ole ia.
6485- Jan. 6, 13, 20.