Ka Nupepa Kuokoa, Volume LXI, Number 2, 13 January 1922 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Makalei, ka Laau Pii On a a ka I‘a o Moa-ula-Nui-Akea i Kaulana

He Moolelo Kahiko no ka Huli Koolau o Kailua ame Waimanalo, ka Nanea o ke Au o ka Manawa

            I ka hoi ana o na mea apau, eia no ua keiki nei ke hoi nei me kona mau hoa, ke ike nei keia i ka huihui o ka i‘a i koiia a ke kaula, i ka lima o kela ame keia, ame ke eke i‘a no hoi a ke-kahi poe, ua lilo ia i mea na keia keiki e hoi ai, a mua o kona kupunawahine haanui i ka nui o ka i‘a a ko lakou poe i hele pu ai.

            I ka hiki ana o Kahikiula imua o lo-na kupunawahine, ninau mai la ke tutu: "Ihea oe kahi i hele ai i keia ia a ahiahi!"

            "I Kawainui aku nei makou i ke mo-ku limu loko. makena ka i‘a a ko makou poe i hoi mai nei!"

            "Heaha hoi ka mea i loaa ole mai ai kau i‘a!"

            "Heaha la, no ko‘u uuku paha, aohe no o‘u kāheaia mai."

            I mai la ke kupunawahine: "Heaha no kau o ka uhai ana aku nei!"

            "No ko‘u makemake no hoi i ka hele me ko‘u mau hoa paani, ai mai nei no nao makou a maona hoi mai nei, kau-ohe mai neei no ke kahu loko e hele hou aku i ka la apopo."

            I maui ia ke kupunawahine, "mai hele hou oe, he hilahila, i hoi na mea apau no ka ia, a o oe hoi, aohe wahi hoina."

            I aku la ka moopuna: "Anoai paha no neia la ia, apopo hoi, ike hou ia mai au loaa paha hoi ko‘u haawina.

            I ka poeleele ana, haule no o Kahiki-uloa moe, i ka luhi i ka wai, aia no ke ala ana i ke kakahiaka, o ko kamalii mau np, ai a maona, hele i ka paani.

            Iaia nei a oili iwaho, i mai la ke kupunawahine: "E hele hou ana no oe i Kawainui i keia la!"

            "Aole, e hele ana np au i ka paani, me ko‘u mau hoa in a no ko lakou hele e hele pu makou."

            "Mai hele oe," wahi a ke kupuna-wahine, "in a no lakon e hele hoi mai no oe, aole i nele ka halo i ka ai amo ka i‘a."

            Aohe hoolohe mai o ka moopuna, ke anau la kela a hui me na hoa paanu, ma-kaukau ka huaka‘i a kela poe, hookahi ko ia nei hele pu ana, aia no ka pahuhopu o ka loko o Kawainui, elike no me ka hana i ka la mua, pela no keia.

            Pua no ka hana, ai a maona, haawi no, a nele no o Kahikiula, me ia nele no a ke alo o ke tutu, o ka hana no a ka moopuna o ka haanui i ka nui o ka ia a kona poe hoa, a koe oia no kona uuku.

            Pano mai la ke kupunawahine: "He-aha no la kau i hele aku nei, ua olelo aku nei au ia oe, aole e hele, aia ka ua hele hou aku nei no oe, a hoi mai haakena i ka lakou ia i‘a."

            Hakalia no a moe ke ahiahi, aia keia iloko o ke kuinakapa kahi i lapuu ai, ao ae no ka po, paina a maona, ka ke tutu no ka papa, aole e hele, o ka ia nei no ka ao, o ka palamimo iho la no ia, aia aku la i Maunawili, hui no me na hoa, o ka pahu hopu no o Kawainui.

            I keia la, ua koe iki ka limu oloko o ka loko, pau ka ai ana, haawi no hoi ka i‘a a nele no keia, aohe wahi hoina o ka lima.

            O ia noho hoi ko ke kupunawahine me ka manao eia no ka moopuna ma-waho kahi noho ai, kahea aku la: "E Kahikiokaouakalani e!" Aohe o mai o ka moopuna, palua a pakolu le ka-hoaiana, aohe no lie o mai, manao iho la keia ua hele hou no ua moopuna nei ana, manao aku nei oia, aia paha ilalo o ka mapunawai, hele aku nei ola, a nana ilalo, aole no; nolaila, maopopo iho la no iaia ua hele hou no ua moo-puna nei aua.  Kakali iho la oia a ahi-ahi, hoi mai la ka moopuna, ninau aku la ke kupunawahine: "Ihea oe?"

            "I ka hana aku nei no hoi makou a ke konohiki, i ke mo-ku limu o Kawai-nui, ai mai nei a maona, hoi mai nei, makena no hoi ka i‘a a ko makou poe i hoi mai nei."

            "Heaha hoi ka mea loaa ole o kau i‘a?"

            "Aohe no he haawiia mai."

            "A nele la hoi oe i ke kahu loko a o kanaka makua hoi o ko oukou hele like ana me kou mau hoa, ike iho hoi i koi nele, haawi iho hoi, e pau hoi ke aho i kahi i‘a hookahi.  Ka! Lokoino no hoi!: a kani iho la ke u a ke kupuna-wahine i ka nole o kana moopuna i ka haawina.

            Ninau mai la ke kupunawahine: "Ua pou nae paha ka limu o ua loko nei a oukou?"

            "Aole," wahi a ka moopuna, "he wahi mea iki koe akaika pau."

            "Olelo mai no ke kahu loko apopo hoopau loa."

            "Ua hiki, apopo oe hele me ko kupu-nawahine, a nau hoi e ai ka i‘a o ke-na loko, a nele hoi lakou, no ka mea, i elua hoi ou nele ana e pono ai; nolai-la, aia a kakahiaka alaila haawi aku au, kuhikuhi aku ia oe i na mea apeu."

            I ka po ena, haule no ka moopuna hiamoe, a o ke tutu hoi kii aku la oia i ua laau nei, ma kahi i waiho ai a lawe mai la, o kahi i kau ai o keia laau aia no ia maluna ae o ka lohelau, ma ke kihi o ka hale ua wahiia a paa i ke kapa mahuna, a malalo no olaila keia kupunawahine e moe ai.

            Aole no he mea i ike i keia laau, aole no hoi he mau mea i hoomaopopo ia no kona ano kupua, o keia wa-hine wale no a ma ka moolelo hoi a kekahi mea i ha‘i mai i ka meakakau, mai polapola mai i laweia mai ai keai laau, a o ka kekahi wea hei i hai mai ai i kana mana, mai Kohiki mai keia laau i laweia mai ai, a ma ka inoa ame ka hana a keia laau.

            O ka mea nana i lawo mai i keia laau, o Haumea-nui a ke aiwaiwa mai-loko mai o Moaula-nui-akea, he aina i ka pe‘a kapu o Kukulu o Kahiki anoai o Polapola paha ia, ma keia mana a ka mea hope i imi ai i ka meakakau ellike me ka mea i hoikeia iloko o na mele ko‘i honua ame na mookuauhau, ku-muli, kumulipo, a kumu honua hoi.

            He ekolu mea ano nui iloko o keia laau.  He hoohapai keiki, he hoohanau keiki ame ke hoololi ana i ka helehele-na, he pololei paha ia, aole paha, aka o ke au o ka moolelo, o ia ka ka mea kakau e panee aku nei, a he mea pono no i ka meakakau ke hoike aku i na loli ano nui iloko o keia inoa, Haumea.

            O Kuwahailo ke kane, o Haumea ka wahine, o Holaniku ka aina, hauau o Namakaokahai (w) Pele Honuamea (w) na Hiiaka (w), Halulu (k) he ma-nu ia, na Kama he poe.

            He nui keia hananua, mailoko o keia wahine i ikeia iloko o ka moolelo o Namakaokahai (w) ame Aukelenui-aiku (k), noho iuka, o Kalihi e heaia nei i keia la o Kalihilihi-o-Laumiha ia, o Papa ka inoa, a o Wakea ke kane, paa o Wakea i ka hopuia e na kiai a Ku-muhonuo, no ke kii ana i ka maia kua-hiwi (maia makanahele), laweia mai a hoopaaia i ke kumu ulu, i ke kahawai o Waikahalulu e o nei i keia la, i ka hele ana mai o Papa e ike i ke kane, mamuli o ke ‘ili, iaia i honi aku ai i ke kane, ua pa‘i aku la oia i ke ku-mu ulu a hamama ae la me he ipula hale la, a poholo aku la Papa me Wa-kea iloko o ke kumu ili, a naiwale, pela i maopopo ai o Haumea no keia, a o kekahi hoi ia o kona mau kino lau manamana, i ikoia ma ka inoa o Kamehaikaua.

            Nolaila o Haumea o Papa no ia.  I ka nui ana o Hoohokukalani, kana ka-ikamahine, me Wakea, a no ka hana kolohe ana o Kameawa ke kuhuna, i kumu e ko ai o ka makemake o Wa-kea i kana kaikamahine; i ka ike ana o Papa a o Haumea hoi, nolaila ua pilia oia i ka lili ame ka ukiuki ia Wakea, no keia hana.

            Nolaila hoi oia i Kahiki i kahi o keia laau i waiho ai, pa‘ipa‘i i na waiu, a lilo i waiu no ka pouu hou, me he mea la aole i hanau keiki.

            Hoololi i ke ano a okoa mai kona ano mua i ikeia, mamuli o ka mana ku-pua o keia laau, u‘i no hoi, a u‘i, opio-pio no hoi a opiopio, me he opuu hou la.  I kona ike ana, ua okoa kona ano, elike me kana i makemake ai, no-laila ai iho la oia i keia laau i kumu nona e hapai ai, a i ko hoi kana maka-ia i ke kane, ame ke kaikamahine.

            Nolaila hoololi ae la oia i kona inoa o Hinamanouluae, a hoi mai la i Hawaii nei; iaia i hiki mai ai ua mo‘a ka pu-lehu a Haloa (k), ke keiki a Hooho-kukalani me wakea.

            Nolaila i ka ike ana mai i keia kai-kamahine malihini u‘i, ua hihia iho la ka manao, a hopu, a hapa, a hanau, elike me ia i ikeia iloko o ke mele ha‘i kupuna o Kualii, moi o Oahu nei; a ma kekahi mau halani o ia mele, e hoike ana penei:

            O Kahakukelemoana ke kane, o Hi-nawaioki ka wahine, o Mulihana ka ioane, o Hiipoi ka wahine; o Laumiha ke kane, o Kekuhalani ka wahine; o Kahakauakoko ke kane, o Kukalani-ehu ka wahine, hanau o Haloa, he lau ni‘oni‘olo; he huaolelo ano nui iloko o ka mookuauhau o Ulu, e loaa ana keia hoonohonoho ana penei:

            O Wakea (k) ia Papa (w) loaa o Haohokukalani (w); o Wakea (k) ia Haohokukalani loaa o Haloa (k); Ha-loa (k) ia Honamanouluane, o Papa no ia, a o Haumea hoi, loaa o Waia (k).

            Ke ike nei oe o kuu mea heluhelu i ka inoa i heaia ihuno o keia keiki o Waia, he hoowaia i ke kapu o ke akua, a Kamoawa ame Wake i manao ai e nalo ka laua mea ino, i hana ai; he hoowaia i ka inoa o laua, na makua, mamuli o ka hana ana o Wakea i kana ponoi, elike paha me Keawe i ninau iho ai, o kawai kaikamahine oe. O ka keawe, a paopaoa mau au i ko ma-kua; a o keia Waia (k) ka mea i kau-lana iloko o kona moolelo i ke ino o kana mau hana a penei kekahi mele:

            O Haloa lani, o ka Houpo,

            O ka houpo o Kane la i ke one lau.

            I Kanoa kapa ka piko ka iewe,

            O ka iewe ia i noho ai ulu kalina,

            A line ai Waia i ke oki lima,

            A na hoa no ia o Mokuhinia,

            Kunikunihia ka ihu o na elemakule,

            Okia ka lime o na ipo;

            O na wahine i ka aneane,

            Na ku‘eku‘e ia pa ka lia oe ia,

            O kana hei (puni) o ka lawai‘a,

            Ae i ke kuko a na punahhele,

            I hohokoho a na aikane,

            O ka‘u ipo (ono) o Opule,

            O ka‘u wahine (ono) o Manini.

            Maloko o keia mau lalani emaopo-po ai ke ino keia keiki, e hooko ana i ka manao-lili ame ka ukiuki o Papa, a hoike ana hoi i ke ano nui o keia laau i kaulana, mamuli o ka pipili pi-kokoi o ka i‘a, ma kona wahi e ku ai, a i laweia mai hoi na hana a keia laau i kaulana a hoopilia iho i ke kino o ke kane paha, a wahine paha, elike me kekahi mau lalani hoou‘i kino, o keia mele:

            Nana ae au a o Ahiki,

            Kuu lei hiehie o Mokulana,

            O ka holu a ka lau o ke kalukalu,

            I ka hoonioni a ka malanai,

            Eia mai au o Makalei,

            O ka laau pii on a a ka i‘a,

            Ke kani kuu pio hone i ke kula,

            Ka‘i auna i ke ano ahiahi.

            Aole i maopopo ka wa a Haumea, a i ole a Papa i lawe mai ai i keia laau i Hawaii nei, anoai paha, ua lawe pu mai oia ia laau i ka wa ana i ho‘i mai ai a nohome Haloa, no ka mea, mai ia manawa mai kona hoololiloli mau ana i kona ano, ahiki i ka ike ole ia o Hau-mea no keia, a mamuli o ka hana a keia laau i hiki ai ia Haumea ke moe i kana mau moopuna ame kana mau keika, iloko o na hanauna lehulehu, i puka mailoko mai o Wakea ame Hooho-kukalani, a i ikeia hoi iloko o ke mele ko‘ihonua o Kaimualii, moi o Kauai peneia kekahi mau lalani e hoike ana i na hana o Haumea, a o Papa hoi:

            O uliuli wahine o Nuumeha,

            Ka mehameha o Kamehaikana,

            Kamehaikana akua o Kauakahi,

            Akua wahine o Kuihewa ke aka,

            I ke oki nuu o Kalani o Haiuli,

            Wahine akua o Ma-kea (Wakea),

            O Haumea wahine ouka o Kalihi,

            Noho i Kalihi hele i kai,

            Komo iloko o ka ulu he uu ka inoa,

            Loaa ia Kino hou on a he ulu,

            O ke Kino ulu a pahu ulu ia nei,

            O ka laia ulu o Kamehaikana,

            O Kamehaikana ia o ko inoa lau,

            O laua kini na kino o Haumea,

            O Haumea nui a ke aiwaiwa,

            I ka hoi iho no noho i na moopuna,

            I ka moe hou ae no i na keiki,

            Moe moopuna kualima aku no ilaila,

            Moe moopuna kuawalu kuaono mai no ia nei,

            Moe moopuna kuahuku aku no ilaila

            Moe moopuna kuawalu mai no ianei,

            Moe moopuna kuaiwa aku no ilaila,

            Moe moopuna kuapuni (umi) mau no ia nei.

            Umi ka ani ia Hikawao-opuaianea,

            I ua wahine la no o Haumea,

            He hookahi no ke kino, he lehu ka

                        inoa,

            Lehu ka lani mili e hulu kupu ke aka

            Ka mamao imua i ke kapu,

            Pau ka hanau moku ana a Papa,

            Na laua o Wakea.

            Ma keia mau lalani mele maluna ae e haaia mai ana ia i ka hiki ana i keia laau ke hoololi i ke ano, ko hoohapai a hoohanau hoi, elike me ka makemake o ka mea e manao ana e hana pela, a mamuli o keia laau i kaulana ai o Hau-mea nui a ke aiwaiwa.

            Nolaila, e hoi ae kaua i kauhale ka-maaina o Makawao, kahi hoi a Kahi-kiula e hiolani la i ka uluna ame kona kupunawahine hoi e wehe nei i na ope-ope hunakai a la Lawakua.

            Ke kapi la i ka pueono,

            Pua haakea pua kaieulu,

            Mai hopuko‘a no a Papalakailiu,

            Liua iho nei i ka leo e-

            O ko aloha o le-

                                    Na Hiiaka.

            I ka hemo ana ae o ke kapa Mahu-na i wa-hi ia ai o Makalei, lalau iho la oia a kaukau iho la i keia mau olelo:

            O moe a hauna o Milipo, mea,

            O hookulukulua lani a haula ke pewa,

            Ka pewa o ka i‘a mahamaha halu lena,

Unoo ka paha i ke kapuhili o Kuhe,

            Ke huhe moe wai o ka manomano,

            Ka mano hili kapu onioni na Lolomu

            I muia ka lani, la‘ola‘o puu, nonolau honua,

            O ka honua a ka aiwaiwa,

            Eia o Paakonia la ke hea nei.

            I ka pau ana o kana mau olelo kaukau lelau iho la oia i ka laau a paa ae la iloko o kona lima, me ka hoopuka ana iho i ka olelo:

                        "E hele ana oe mo ko pulapula i ka auwe aina o ke kahu loko o Kawainui, me ka Elepula. E iho kaua ilalo o Ha-lauwai, i ike mai ka Mokila ula i ka wai, ke hoolohe wai o Moaulanui-akea, he manao kou, he manao ko‘u, a nau hoi ia e hooko aku, akahi ka hoi ua nele i ke hoa kamalii."

            I ka pau ana o kana mau olelo, pu-ka aku la oia iwaho, iho poeleele aku la ahiki i ka mapunawai, kukulu iho la i ka laau ma kahi o ka mapuna wai e hua‘i mai aan, me ka olelo ana iho:

            "E Kamaka lei o Ni-ula e, wahia ka maka-ha, i pii ka i‘a, na Kahikiula na Nakolowahilanu, na‘u Nakolokolohia, Homai i ola nui, a kau i ka mamo."

            Hoi aku la oia ahiki i ka hale, hoo-pulupulu iho la i kahi kuina pa-u, i ka hu‘ihu‘i o (keia ala i ka po; i ka pume-hana ana, o ka lilo aku la no ia i ke ko a ke au (hiamoe), i Halaea; i puoho oia i ka hoala a ka moopuna e ai.

            Iaia i ala ae ai, olelo aku la i ka moopuna: "Hoomanawanui i ka polo-li," ala ae la oia, kii i ka umeke, kahi hulilau, kahi popo, anuanu paina iho la me ka moopuna; ia laua e ai ana, olelo aku la ke kupunawahine, "ai ka-ua a maona, mai awiwi oe i ka hele, aia a mahana ka la, alaila, iho kaua a lalo o ka mapuna, alaila haawi aku au i ko hoa e hele ou ai, me kou hoolohe loa i na mea apau au e kuhikuhi ai ia oe, a elike hoi me kou nele ai, i kena la, a mau aku, aia no a ike ia oe, ola, ike ole no, nele aohe mea e kawai ai.

            (Aole i pau.)

E WEHEIA AE ANA HE AHAMELE AME HULAHULA MA KANEOHE.

            E haawi ana ua haumana o ke Kula Kamehameha, malalo o ke alakai ana a George K. Awai, i kekahi ahamele ame hulahula maloko o ke Kaneohe Theater, ma  ke ahiahi o ka Poalima, Iaouari 13, 1922.  O Adams Iona, ke-kahi o na keiki kaulana i ka paani ana me ka ohe saphone kekahi e komo pu ana e kokua i keia ahamele me hulahula.  O keia no ka hui hi-meni a na haumana Kamehameha i kaapuni ai ia Maui ame Hawaii ma-kekahi mau mahina i hala aku nei.  E aho ka hele kino ae o lohe pepeiao wale no auanei, i ike kumaka i na hana lealea o ka Po Le‘a o Halalii.

HE HOOMAIKAI.

            Na keia ke haawi aku nei ka ohana o Mrs. Emil Naopala Naukana i ka hoomaikai nui palena ole i na maka-maka ame na hoaloha, no na hana aloha ame na makana pua i loaa aku iloko o ko lakou mau hora o ke kaumaha.

6486- Jan. 13.

NA ANOAI O KA AINA LEWA, KA-HUKU PLANTATION

            Mr. Lunahooponopono Solomon Ha-nohano, Hapenuia kaua: - Ma ka po o ka la v1 o Dekemaba i holopuni ae ai ka malamalama o ka uwila me ke ku-lanakauhale nani o ka aina lewa i ke kai new, mai na ipukukui mai maluna o na pou, a mai ua home mai maluna o na puu, a mai na ulupaina ae o na puu mau loa, a mahope iho o kona hiki hou ana mai, ua panaia ae ke pihi uwika ma ka hona 6 o ia p.m., aohe mai no hoi kau o kaua a ka u‘i-a koe aku mamua ae o ke Karismaka oi ae mamua o na hoku, i uhiia aku‘e na ao hapa‘upa‘u o ia p.m., hoohelelei lii-lii o ka uhiwai o Mana o ka‘u kupai-anaha, aohe poopoo a omalu pali i koe aku kē pouliuli mai a po.

            Ke holo hele la ka poe pa ‘ikii o ia po i wahi e nalo ai ke kolohe me he pinao la, e imi ana i wahi e pili aku ai aohe wahi e nalo ai ke kolohe o ke ao nei, e ke ano mau ia o na lahui me na mahiko.

            Malie ka Hapenuia, o i ai aku ka hoi i ka puaa ame ka moa a kaea.

            Hoike no hoi ka nani o na kalapu himeni ma Laie, mai ke kaona mai, a mai ke Ehukai mai o Puaena, ame ko Laie mau u‘i ae no hoi, aohe no hoi kau a mea o ka u‘i a koe o kahi keiki o Waialua mai, puia i ke onaona kona leo hone pii a iho ilalo, o ka‘u ia: ia oe e J: Kaimana o ka lae pohaku o Mahukona e hoi mai kaua i ka aina lewa nei o Kanehunamoku nei. No ke-kahi wa hou aku.

            Ko‘u holopuni a mama i na keiki o ka papapa‘i.

                                                J.A. KAHIONA.

            Ua hoike mai ke Kakauolelo, o ke-kahi kumu nui e kakali nai ke Kou-sina no ka wehe ana i keia mau ana o ia no ka ninau dala. Ua uuku loa na dala a ke Komisina i keia manawa aka, i ka manawa e ikeia aku ai keia mau aima. Ua hiki no nae hoi ke ko aku no ka poe no hoi i loaa na dala i keia manawa; a o ka poe no hoi i lawa ole me ke dala o lakou no hoi ke kakili. He manao ano nui keia o ka wehe koke ia. O ka mea pono e hoi maka mai na kanaka i makemake e weheia e kakauinoa no ke weheia, malia o loaa ke kumu e oni koke ai.

O NA HAWAII

            i makemake i ka pomaikai o ke Kana-wai Hoopulapula o Molokai, e hoolako ia lakou iho no ka holomua ma ka loaa ana ia lakou o na lako Maiai me Ha-nai Holoholona ma keia hui kamaaina.

            Ke malama nei makou i na lako hana maikai loa, pela hoi me ke Pena Sher-win- Williams, ka mikini uwi waiu De Leval ame na lako pili i ka home o na ano apau.

            Makolo o lo makou Keena o na Lako Paani e loaa no he ahua o na pu liilii ame na raifela maikai.

E.O Hall & Son, Ltd.

Honolulu Planing Mill,

LIMITED

POE HANA I NA PUKA LAAU ANIAINI LAAU HALE OLEPE-LEPE, MOLINA WAHI KAU.

            Alanui Papu, Esplanade.

Kakela & Kuke

(KAUPALENAIA)

Poe Kalepa ma ke Komisina

A HE

Poe Agena no na Ma-hiko Lehulehu

Hale Uwi Waiu

o

Mapulehu

PUKOO, MOLOKAI

E hooholo ana i ka

MOKUKUNA GESOLINA

Leleiona

mawaena o na Awa o Hono-lulu me Molokai

Geo. P. Cooke,

            On a,

Poe Lawe Hau me Waiu

Ka Pipi o ka Aina Hanai Holoholona o Parker

O keia i‘o pipi momona, ka pipi maikai hookahi ma ka make-ke a ke kuai hoolilo nei makou, ma ke kumukuai haahaa, me ka hoo-pono maoli.

Eia keia mau kumukuai malalo loa iho o ko na makeke e ae, a hui pu iho me na kulana maemae e hoohanaai neie makou ma ka lawelawe ame ka hoahu ana i na i‘o pipi, he mea pono e lilo ko ma-kou makeke i makeke nou.

            Pipi Ku Mokupuni………………..15c o ka l.

            Kulana Aoao o ka Pipi……………15c o ka lb.

            Ku‘eku‘e Pipi……………………..12 1/2c o ka lb.

            Pipi Palai Iwi Hoehoe………….…15c o ka lb.

            Pipi Palai Uha…………………….15c o ka lb.

            Kulana Aoao Koala……………….12 1/2 o ka lb.

            I‘o Hipa Ku……………………….10c o ka lb.

            I‘o Hipa Ku“eku‘e Wawae………..10c o ka lb.

            I‘o Umauma o ka Hipa……………10c o ka lb.

            Waiubaka Maile……………………55c o ka lb.

METROPOLITAN MEAT MARKET

Alanui Moi

KUAI KUDALA

maluna o na Waiwai Apau

E Hoomaka Ana ma ka Hora 12 o ke Awakea Poakahi, Ianuari 9    

KUAI I KELA AME KEIALA MA KE AWAKEA AME

KA HORA 7 O KE AHIAHI

Na Waiwai Lole o na ano like ole; na Pale-ili, Kapa Moe, Pahu Lole, Paiki Lole, ame na Lako Like Ole

Wah Ying Chong Co.

161 ALANUI MOI, KOKOE I KA MAKEKE

 

Kopa Moi Keokeo No Ka Mikini Holoi

He Kopa maikai loa hiki ke hoohanaia no na ano hana apu i pili i ka home. Hiki ke holoi i na lole nahenahe loa me ka pilikia ole. O kona oi loa aku o ka maikai no na mikini holoi- No ka holoi i na pa ame holoi hale.

KUAI I PUOLO MAI KOU HALEKUAI MEAAI MAI

T.H. Davies & Co., Ltd.

Na Akena Wale no no ka Pacaina Hawaii.