Ka Nupepa Kuokoa, Volume LXI, Number 4, 27 January 1922 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
E HELE E HOOPAA I NA INOA I KEIA WA.
No ke koho ana aku i elele mai Hawaii aku nei i ka ahaolelo lahui ma Wakinekona, e malama aku ana kakou, h ekoho baloka kiukawa apuni keia Teritore, ma ka Poaono ka la 25 o ka mahina aku i ka makalua. i hoohakahakaia iho, ma muli o ka haalele ana mai o ke Elele Lahui Kalanianaole i keia ola ana.
I wahi e loaa ai ke kuleana e koho ai i na moho elele, ma keloa koho baloika kuikawa, he mea pono e hele ai ke poe i kakau ole i ko lakou mau inoa, maloko o ka buke hoopaa inoa a na kakauolelo kalana, i keia manawa me ka hoohakalia kou ole aku, o nele auanei lakou i ka pono koho baloka.
Ua loaa ka maua koho baloka i na kane ame na wahine i keia wa, o ka hana i ili mai maluna o kela ame keia makaainana Amerika, o ia no ka hoohana ana aku i kela pono, a i wahi e hiki ai ke koho baloka, o ka paa o na inoa maloko o ka hake inoa o ka poe kupono i ke koho baloka.
E hoomanao e na Hawaii, o ka poe i hoopaa i ko lakou mau inoa, mai na wahine a na kane, inaloko o ka buke a na kakauolelo kalana lehulehu, a i hele ole ae nae ma ke koho baloka aku nei i hala, no ka elele lahui ame na hoa o ka ahaolelo kuloko, aole e hiki ia lakou ke koho, ma keia kau koho baloka kiukawa; he hookahi wale no alahele e hikiai ia lakou ke koho ma keia koho baloka kuikawa, o ia ko lakou hele hou ana ae e hoopaa i ko lakou mau inoa.
Aole e lilo kela hoopaa kahiko ana o lakou, i ko lakou mau inoa, he elua makahiki i hala ae nei i kumu no lakou e kuleana ai e kohobaoka, no ka mea ua holoiia iho nei ke kanawai koho baloka, ma kahi e pili ana, i ka poe e hoohemahema ana i ko lakou pono koho, ma ke hele ole ana ae e koho i na moho, ma ka la koho baloka.
Ua ike mau ia ka pilikia iloko o na makahiki aku nei i hal. i ka nui maoli o ka papainoa o ke kahi mau mahele koho: i ka huliia ana aku nae o kamea oiaio. he nui papainoa wale iho no, ua pau aku kekahi poe i ka make, a ua hele aku no kekahi mau mokupuni okoa; i wahi e hoopauia ae ai kela pilikia. pela iho la i hoololiia ai ke kanawai koho baloka; o ka poe wale no i koho maoli ma ke kau aku nei i hala. o lakou ke hiki e koho ma keia kau kiukawa. me ko lakou hele ole ai e hoopaa hou i ko lakou mau inoa.
Ke hoeueu aku nei ke Kuokoa, i ka poe i hoopaa mua i ko lakou mau inoa maloko o ka buke a ke kakauolelo kalana, no ka poe kupono i ke koho baloka, a i hele ole nae e koho, ma ke koho baloka aku nei i hala, e pono lakou e hele ae e hoopaa hou i keia manawa, o hiki ole auanei ia lakou ke koho baloka.
O ka poe no hoi i nee ko lakou noho ana i keia wa, mai ko lakou mau wahi koho kahiko mai; e pono no e hele koke ae ma ke keena o ke kakauolelo kalana, no ka hoololi ana i ko lakou mau wahi koho, he mea hoomaalahi mai ia i ke koho ana. no ka mea in a ua mamao loa kahi i noho ai o kekahi poe, mai ko lakou mau wahi koho kahiko mai. e konoia mai ana lakou, e hele ole i ke koho baloka, ma ia hana ana nae pela, e hiki ole ana ia lakou ke koho baloka hou aku, aia wale no a hoopaa hou i ka inoa.
Mai hoohemahema kakou e na Hawaii i keia pono koho baloka. Mamuli o ka loaa like ana o keia pono koho i na wahine Hawaii, ua hoomalu@uahuiia ae ke ikaika o na Hawaii, ma ka pahu baloka; e lilo nae ia ikaika o kakou i mea ole. ina e makaala ole kakou i keia pono koho, a ke kanawai i haawi mai ai i na makaainana Amerika a pau.
He koho baloko ano nui loa keia e hoea mai ana, no ke koho ana i kekahi mea kupono, ma kahi o ke Elele Kalanianaole i pauaho mai i keia ola ana, ma ke ano he wahaolelo no Hawaii nei ma Wakinekona.
No na makahiki he iwakalua, i ku aku ai ka Elele Kalanianaole e hooikaika elike me kana i ike ai he pono, ma na hooponopono ahaolelo apau i pili i ka pono laula o keia Teritore, ke waiho nei kekahi mau hana ano nui loa iloko o ka ahaolelo lahui, a ko Hawaii nei poe. i hooikaika ai, me ka hoea ole mai i kahi o ka hooholoia, a he mau hana ano nui hou kekahi i makemakeia, e waiho aku iloko o ka ahaolelo lahui, o ka hoea mai i ka holopono ana o na koena hana a ka Elele Kalanianaole i waiho iho ai mahope nei, mamuli o ka hoopokoleia ana ae o kona ola ana, pela hoi me ka hookoia o ka iini a ko Hawaii nei poe; ua ili iho ke ko'iko'i maluna o ka mea e pani aku ana ma kona makalua; o ua kanaka la, na kakou ia, na na mana koho baloka, e koho aku, ma keia koho baloka kuikawa.
Ua hamama ka buke hoopaainoa o ka poe kupono i ke koho baloka, i keia manawa, mai kakali wale, a mai hoohemahema i keia pono nui, o lilo auanei ko kakou hoohemahema ana, i mea e mihi ai mahope aku; aka e hoonaauao ia kakou iho, ma ka liko ana i poe makee i ko kakou pono koho baloka; a e hoohana hoi ia pono koho me ka naauao, ma ke koho ana i ka moho, a kakou i manaoio ai, e lilo ana ka hanohano a na makaainana i hookau aku ai maluna on a, aole wale no i mea hiipoiia eia, aka e hoolilo ana iaia iho, i kauwa e hooikaika ana no na pono holomua o na makaainana ame ke Teritore.
He poe kekahi i hiki ole ko lakou mau makahiki, ma ke kau koho aku nei i hala, i ka wa e lilo ai i poe koho baloka, ina ua piha ka iwakalua-ku-mamakahi makahiki ia lakou i keia wa, no lakou pu ka keia pepa e hoeueu aku nei, ano ka manawa e hele ae ai e hoopaa i ko lakou mau inoa
E KOMO I MAU LALA NO NA KALAPU.
I loko o na makahiki i kaahope aku nei, ua hoohemahema maoli kekahi mahele nui o na makaainana koho baloka, i ke kalaiaina; ua hoomamao lakou ia lakou iho mai na halawai mai a na kalapu kalaiaina. a oki loa aku hoi ka lilo ana i mau lala no ia mau kalapu; o ka pilikia nae ma ia hoohemahema ana, ua kaa aku la ka wae ana ame ke koho ana i na moho, iloko o ka lima o ka puulu o ka poe kakaikahi wale no, aia a @a hookohu oihana, ia wa e wikiwiki aku ai i ke kakau ana i na inoa maloko o na kalapu.
Aole he pololei iki o kela ano hana; o ka pololei, o ia no ke komo kino ana aku i mau lala no na kalapu; o ka oi loa aku, o ka poe i ikeia ko lakou kupono ma ko lakou mau mahele koho e noho ana, aole o ka waiho aku na kekahi poe, i kauka'i wale no i ko lakou pono iho, na lakou e paani i na hana kalaiaina.
Iloko o ka aoao Repubalika, ua ili aku ke kono ana i kekahi moho elele, no ke kulana elele lahui i Wakinekona, maluna o ka ahaelele, e noho mai ana ma ka la umi-kumamaha ae nei o ka mahina o Feberuari, he ahaelele hoi, i ku ae, ma o ka hoakoakoa ana mai o na elele i kohoia, e kela ame keia kalapu Repubalika apuni ke Teritore.
Ma keia, e ike mai ai kakou e ka lehulehu; ua holo aku ka wae ana i ka moho elele lahui, iloko o kekahi puulu kakaikahi wale no; aole elike me ke koho baloka wae moho, na ka lehulehu e koho i na moho; he koho ana ia i hoike okoa ae ai kela ame keia i kona manao kuokoa, no kana moho i makemake ai; ma keia koho ana a ka ahaelele, e kaokoa ana ia mai ka makemake mai o ka hapanui; a ma ka ulia laki wale no, e waeia mai ai, ka mea i kulike me ko lakou makemake.
E noho mai ana na kalapu Repubalika ma ka hapalua o ka hora ehiku o ka po o ka la apopo, @o ka waiho ana i na inoa, o na elele e hele aku ai no ka ahaelele, o na Repubalika e noho ana ma na palena o kela mau kalapu, mai na wahine a na kane, e pono lakou e lilo i mau lala no kela mau kalapu, e hele koke e hoopaa i na inoa i mau iala; i loaa ai ke kuleana e wae a e koho i ka poe kupono, e hoouna aku ai iloko o ka ahaelele wae moho.
Eia na moho, e hooikaika nei e alualu no keia kulana elele lahui, ke kauka'i aku nei i ko lakou ikaika iloko o ka ahaelele, ma luna o na elele e kohoia ana e na kalapu Repubalika; in a he mau moho ka oukou e na Hawaii i kau aku ai na manaolana e loaa iaia ka waeia e ka ahaelele, alaila o ke alahele wale no e hookoia ai ia iini, o ia ke komo ana ae iloko o na kalapu, a e hooikaika iloko o ke kalaaina; aole o ka noho hoola'i wale mai no, aia a waeia ka mea a oukou i hoihoi ole ai, o ka wa iho la ia e kukahala-ke ai, me ka kuhikuhi aku maluna o ha'i ka pilikia.
Ua pau ko kakoku noho m@lie ana, he wa keia no ka hana, he manawa e ala mai ai a ku iluna me ka ikaika o ka noonoo, iloko o na hana kalaiaina; no ka mea aia iloko o ke kalaiaina kekahi, mau hana ano nui loa, i hookahuaia ai ka holomua, o ko kakou ola lahui ana; a aia hoi iloko o ke ka@aiaina ka holomua o na hooponopono aupuni ana; e hoohalike ia kakou iho me na haole, ka moe ole o ko lakou noonoo no na hana kalaiaina; oiai o na hemahema ame na hawawa a kakou e wae aku ai, a e koho aku ai, ma keia ninau elele lahui, e hoi hope mai ana ia mau hana hemahema @na maluna iho o kakou. aka, o ka naauao ame ke kupono a ka kakou mau mea e hana aku ai, he mea hoohauoli mai ia i ko kakou mau manao.
E wae i na kanaka kupono a hoopono i mau elele, na kanaka hiki ke hilinaiia aku, e koho ana lakou i ka moho elele ma kona mau ano kupono, maloko o ka ahaelele wae moho; e kapae aku i na kanaka, i hiki ole ia lakoku ke hoohana i kolakou pono koho, me na manao kuokoa, aka e @uki wale ia ana, mamuli o na manao pahele a no hoaloha; nolaila a hoea mai i ka po o ka la apopo, e lawe aku i keia a'o ana a ke Kuokoa; a e komo kino e na Hawaii ilokoo o na hana kalaiaina!
KE PANI MA KAHI O KE KOMISINA KALANIANAOLE.
Ma ka wae ana ae o Kiaaina Farrington, ka lunahoomalu o ke Komisina Home Hawaii i ke Kamaliiwahine Kalanianaole, i pani, ma kahi o kana kane i haalele mai i keia ola ana, ua hoike mai oia i kekahi hana, e haawiia aku ai na mahalo ana a na makaainana Hawaii maluna on a no ka nui o kona makee, no ka holomua o ka hana hoopulapula a ke Keikialii Kalanianaole i hooikaika ai no kona lahui.
Aole he mea i oi aku kona kupono, e hoopiha ae i kela makalua, elike la me ia a ke kiaaina i kikoo mai ai i ke Kamaliiwahine Kalanianaole, no ka mea, i ka nana aku, aole i noho pouliuli ke Kamaliiwahine Kalanianaole, i na hoolala ana a kana kane, no na hana e holomua ai ka hana hoopulapula; aka ua komo pu aku oia iloko o na ohumuhumu ana, ame na hoolala ana no na alahele apau e holomua ai, nolaila i kona lilo ana aku auanei i hoa no kela papa komisina home, e lilo ana oia i mea kokua nui aku i ka papa komisina, ma ka hooko ana aku, i na hana i koe a ke Keikialii Kalanianaole, i waiho iho ai mahope nei.
He mea minamina ka hoea ole ana mai'i ka ike ana aku o ke Keikialii Kalanianaole i ka hua o kana mau hooikaika ana no ka hana hoopulapula lahui, aka nae e lilo kona make ana aku la, i kumu e hooiia ae ai ka kakou mau hooikaika ana, no ka hoea mai i ke poho ole ana o kona luhi; aka i poe e haawi ana i na hoomaikai iaia.
Nuhou Kuloko
Eia o Mr. George Kekipi o Kamalo, Molokai, ka akena Nupepa Kuokoa ma Molokai i ke kulanakauhale nei i keia mau la, a ma keia pule ae e huli hoi aku ai oia no kona home.
No ka hele o ke Kuokoa a pihaku'i loa i keia pule, ua kaohii@ ka hoopuka ana aku i na palapala a na makemake i hoouna mai ai i keia keena, a loaa kahi kaawale o ka pepa.
Ma ka hora ekahi o ka auwina la o ka la apopo, e noho ae ai ka halawai a ke komite kuwaena Demokarata, no ka wae ame ke koho ana, i moho elele lahui na kela aoao kalaiaina.
Ua hoike ae ka Lunakini Jonah Kumalae, in a aole e loaa ana iaia ka waeia maloko o ka ahaelele Demokarata ma ka la apopo, e holo aku ana no oia he moho kuokoa ma ke ano he Demokarata.
Ma ka po o ka Poakolu nei i holapu ae ai na alelo ana ole o ke ahi i ka halekula o Kalihi-kai, a lilo puulehu. Ua hiki aku ke poho i kohoia ma kahi o ka $18,000.
Piha ka ahamelo a ka Ahahui C. E. Pokii o Waimea, Kauai, i haawi ao ai ma ka po o ka Poaono, Ianuari 21, 1922, me ka nana ole ia o ka ua ame ka makani, a ua loaa no na kenikeni mahuahua, no ke kokua ana aku i na hana misiona ma Inia.
Ke puka aku nei ke kuahaua koho baloka kuikawa a ke kiaaina, ma keia helu o ke Kuokoa, no ka malamaia o ke koho baloka no ke kuleana elele Iahui i Wakinekona, apuni keia Teritore, ma ka Poaono, ka la 25 o ka mahina ae nei o Maraki.
E malamaia ana he halawai e ke kalapu Repubalika o ka ma@ele 11 o ka apana eha, ma ka home o ka Peresidena Sam Leialoha, ma ke alanui Hu@tace, ua makemakeia na lala apau o kela kalapu e hoea ae, ma ka hapalua o ka hor@ ehiku o ke ahiahi o ka la apopo, Uanuari 28.
Ma ka halalua o ka hora ehiku o ke ahiahi o ka la apopo, Ianuari 28, e no ho ae ai ka halawai a na Kalapu Repubalika apuni keia Teritore, no ka waiho ana ae i na inoa o na elele, e hele ae ai ma ka ahaelele wae moho e noho mai ana, ma keia kulanakauhale, ma ka Poalua, ka la14 o Feberuari ae nei.
Ma ka home oho o Robert P. Kaaihue e noho ae ai ka halawai a ke kalapu Repubalika, o ka mahele 9, apuna 4, ma ka hapalua o ka hora ehiku o ka po o ka la apopo, no ka waiho ana ae i na inoa o na elele, e hele mai ai i ka ahaelele e noho mai ana maloko o keia kulanakauhale, ma ka la 14 ae nei o ka mahina o Feberuari.
E LAWE AE E HOIKE I NA KEIKI HANAU
Ke hoohemahema nei kekahi poe @akua, i ka hoike ana ae i ka papa ola, no ka manawa i hanau mai ai o ka llakou mau keiki; ua lilo nae ia hoohemahema wale ana. i hana ku e i ke kanawai.
Ma ke kanawai i pili i na hanau, @ kauoha ana ia, iloko o na la he kanakolu, mahope iho o ka hanau ana o kekahi makuahine i kana keiki, he mea pono i ke kauka, ka wahine hoohanau keiki paha, a i ole na makua paha, e waiho ae i ka hoike, no kela hanau ana imua o kekahi akena o ka papa ola i hoamanaia no ia hana.
Eia ka papa ola ke noii a ke huli pono mai nei i ka poe hoike ole ae i na hanau, in a e ikeia ana, ua pili ka hewa i na makua, i na kauka paha, a i na wahine hoohanau keiki, e kau aku ana ka hoopa'i maluna o lakou.
Ma keia pule iho nei, ua hopuia o Kauka V. Mitamura, no ka hoike ole ana i ka hanau ana o kana wahine, ma ka la 18 o ka mahina o Aperila o ka makahiki 1920; ua ae okoa aku oia i kona hewa imua o ka Lunakanawai Apana Lightfoot, a oiai o keia ka hihia mua loa i laweia ae imua o ka aha, no keia hewa, ua hoopaneeia ke kau anaaku i ka hoopa'i maluna on a no na mahina he umi-kumamakolu.
HOOLAHA HALAWAI
E noho ana ka halawai a ke Kalapu Repubalika o ka Mahele 15, Apana 5, ma ka Poaono, Ianuari 28, 1922, hora 7:30 p. m., ma kahi noho o Wm. H. Knox, ma ke Alanui Hokele me Muliwai. Nolaila ua makemakeia na lala ame na mana koho baloka e akoakoa ae ma ia halawai no ka noonoo ana I na elele i makemakeia no ka wae anu i ka lakou moho elele no Wakinekona, ma kahi o ke Keikialii Kuhio Kalanianaole i haalele mai i keia ola honua ana. Nolaila mai poina i keia kauo@a.
Ko o@kou peresidena,
W.M. KAKA
Nuhou Kuwaho
ELKHART, Jan 19 -Ua hoike ae o Dan Ingram, he paele kalaiwa kaa kalaka no kona aihue ana i kekahi ekeleka i kuniia ma ka la i nehinei., he ekeleka in a ka oleloia aole nae na na lunal@ka, aia maloko olaila he $500,000. O G. E. Scrugks he kanaka ili keokeo pu kekahi ana o ka owili pu ana ae iloko o ia hewa a ua paa pu oia i ka hopuia.
MEKIKO, Jan 20.- He olohaui hapa na kanaka o na kaa uwila ka i kalaheaia ae i keia la no ke aloha i ka poe puhi palaoa i olohani ai a haalele i ka hana ma ka Poalua aku la i hala. Ua emi loa @ai ka palao@ maloko o ke kulanakauhale.
LOS ANGELES, Jan. 20.-Ua lilo ke anu ikaika loa i pahola ae ai ma ka hapa hema o Kaleponi iloko o na po kaka@iaku i hala i mea hoopoino loa i ke ookukane i o@i ole ia,'' wahi o ka hoike a ka buro ana ea o ka hoolaha ana ae i keia la.
TOKIO, Jan. 20.- O ka ikaika o ka manawa maluhia o ka pualikoa Kepani mahope aku o ka 1923 he 290,000 koa wale no, he 50,000 ke emi iho ke hoohalikeia me ka heluna nui o na koa i nei manawa, a o ka ikaika o ka manawa kaua o 1,000,000 koa, he 250,000 ke emi iho, elike me ia a ka oihana kaua i holala ai.
TOKIO, Jan. 20.- Mahope o ka haalele ana iho o kekahi palapala e hoa kaka ana. ''E mohai ana oia iaia iho no ka make ana o ka Makuia Okuma,'' he haumana iloko o kekahi o na kula Waseda a ka makuis@ Okuma i noho puuku ai, ka i lele aku mamua o ke kaaahi a make ma ka la o ka Makuisa Okuma i hoolewaia ai.
MANILA, P. I. Jan. 20.- He mau haneri o na luina Pilipino i hoohanaia maanei i keia la i pani aku ma kahi o na lui, na Pake olohani ma Hongkong. Ekolu haneria mau luina Pilipino e hoounaia aku ana i Hongkong ma ke Sabati o ka mokuahi Wenatchee, a o na akena o ka mokuabi Hoosier State ma Hongkong i nei manawa e holo ae ana i Kapalakiko mai Manila aku ka i noiia aku e hoouna aku i 117 mau luina Pilipino i Hongkong no ke pani ana ma kahi o na Pake luina olohani.
NA MAKE.
Maria Kanui, ma ke kihi o na alanui Keawe ame Moiwahine, Jan. 18.
Eunice E. Sewer, ma ka Halema'i Moiwahine, Jan. 18.
Ruth Mans, ma uka Home Kapiolani, Jan. 19.
Isabella Markle, ma ka Hale@a'i Moiwahine, Jan. 18.
Hattie P. Kaaina, ma ke alanui Mission, Jan. 19.
Kupali Kuahine, ma ka Halema'i Moiwahine, Jan. 23.
Abbie R. Roberts, ma ke alanui Liliha, Jan. 25.
Samuel Ku, ma ke Kickiena Alewa, Jan. 24.
John Kamaka, ma ka Halema'i Moiwahine, Jan. 24.
E alawa ae e na lala o ke kalapu Repubalika, o ka mahele 15, o ka apana elima no ka hoolaha halawai kalapu, e puka aku nei, ma kekahi wahi o keia pepa, no ka halawai a ke kalapu e malama ae aua ma kahi o Wm. II. Knox, ma ke alanui Hokele me Muliwai, ma hapalua o ka hora ehiku o ka po o ka la apopo.
HOOLAHA HALAWAI
He halawai wae elele ke malamaia ana e ke Kalapu Repubalika o ka Mahele Ekolu, Apana Eha, ma ka hora 7:30 o ka la apopo Poaono, la 28, 1922, ma ka haleauau (Public Bath), malaila e waeia ai na elele i ka Ahaelele Repubalika.
J. L. DWIGHT,
Kakauolelo
Hoolaha
Norman K. Lyman
I ka Poe Koho Baloko o ke Teritore o Hawaii:
Ma keia ke hoike aku nei a@ ma ke akea owau kekahi moho no ke kulana Elele i ka Ahaolelo Lahui. He Hawaii au ma ka hanau ana a ua hoonaauaoia maloko o na kula ma Hawaii nei; u@hooikaika au ma ka hana ana no ko'u komo ana aku i ke Kula Kanawai Hastings ma Kapalakiko ahiki i ko'u puka pono ana mai, a he hoa au no ka Papa Loio Hawaii o na Aha Hookolokolo apau o keia aupuni.
He mau kau lehulehu o ka ahaolelo ka'u i komo ai a he hoa hoi no ka Papa o na Lunakiai o ka Mokupuni o Hawaii no elua kau.
Ke noi aku nei au i ke kakoo ana mai a ka poe koho baloka o na papa apau mai na kane a na wahine, a, ina no ko'u waeia ma ka ahaelele Repubalika e noho mai ana ma ka la 14 o Feberuari, a kohoia hoi i wahaolelo a i Elele na Hawaii i ka Ahaolelo Lahui, e holo aku ana au i Wakinekona a e hana me ke kupaa no ka pomaikai o kuu onehanau, a e hoao pu no hoi e hana aku e loaa ka holopono o na hana elike me ka ke keikialii Kuhio i hana ai.
Oia hoi e hoao no au rue ka hooikaika e hana i na mea i hoakak@ia malalo nei:
I mau haawina dala mai ke aupuni federala mai no na alanui o ke Teritore holookoa.
I mahele iloko o na haawina dala o ka ahaolelo lahui no ka hoonaauao ana i na opio ma Hawaii nei.
E oi ae ka maikai o ka hookoia ana o ke kanawai e pili ana i ka hoohana ana aku i na lahui e ma na hana aupuni e ke aupuni makua.
E hoonuiia aku na hana e pono a@ na awakumoku, na palekai ame na ha na hou.
E paholaia mai ka pono o ke ka@wai hoaie dala i ka oihana mahiai i keia Teritore.
Ka hana ho@ ana ame ka hana an@ i mau alanui ahiki i ka Paka Lahui Hawaii ma Kilauea.
No ka hooholomua ana aku i ka @opulapula ana i na Hawaii elike me @ i hoakakaia ma ke kanawai i hooh@oia e ka ahaolelo ma o na hooikaika@ana la a ke Keikialii Kuhio.
Hookomo ana mai i kekahi l@una o na limahana o na aina e no k@hoomauia ana aku o na hana imi maikai ma Hawaii nei elike me ia hoo@alaia ma ke bila hoopaelimal@n@ e waiho mai la mamua o ka ahao@lo lahui i nei ma@a@a
NORMAN KALANILEHUA I@MAN
NEW PALAMA THEATER
"KA AHLEKEAKA@ANI MAWAO AKU O HONOLULU"
SABATI- "THE TEN DOLLAR RAISE."
POALUA- "WESTE@N ADVENTURE."
Hoikeike i na la a@. Elua hoike@ke ahiahi. 6:40 ame 8:40.
@UKOMO: @ a 30 Keneka.
EMPIRE
Hoikeike mau, @ a 10:15 p. m. Poaono, 10 a. m. a 10:15 p. m.
@ hoikeike Sabati, 6:30 âme 8:30.
Ke paani n@EORGE WALSH iloko o "FROM NOW ON."
Hoomaka Sabat@ILEEN PERBOY iloko o ka "WHY TRUST YOUR HUSBAND."
Hoomak@oakolu-"SKIRTS," a Clyde Cook Comedy.
UKUK@: 15, 25, 40 Keneka; Ukuia ka auhau kaua.
HAWAII
Hoike mau i na la apau koe ka Poaono ame Sabati.
@ POE HANA KEAKA A DICK WAILBUR
Ke paani nei- "COMMON CLAY."
Hoomak@Poakahi- "THE GIRL OF THE GOLDEN WEST."
Hoikeike Kuikawa, Hora 2:15 Poaono
Hoikeike @a Po Sabati ame na Auwina La apau, koe ka Poaono.
UKUKOM@ @5c. Noho i hookaawaleia, 85c. (ukuia ka auhau kaua).
LIBERTY
Hoikeike i na la apau, koe ke Sabati, hora 2:45.
Elua, Hoikeike, Poaono âme Sabati, 6:30 âme 8:30. Ke pain nei-MACK SENNETT'S "DOWN ON THE FARM."
Koia Sabati- "THE AFFAIRS OF ANATOLE."
Keia Poaha- "HE TURNING POINT."
Ukuko@: 25, 40 keneka. Noho i hookaawaleia 60c. Kalepona 5060.
HE HOOMANAO ALOHA NO WIL LIAM WERNER
Mrs. William Werner âme ka Ohana:
Me ka naau luuluu:- Oiai ua oluo@ i ka Mea Mana Loa ka laweana aku ka hanu ola o ka oukou mea aloha, k@ Mea Mahaloia Judge William Werner hoapaahana hoi, mai na C. E. mai ka Mokupuni o Kauai i na A@ahu@ Apana, i noho ana Pasedina ame Den@ vs. ame ka Ahahui Nui o na C. E. ke ao i noho ai ma St. Paul, Minnesota i ka 1909.
Ke komo pu aku nei maua na mea no laua na inoa malalo ihio bei i ke kanikau pu ana me oukou, no ka kako@ mea aloha i hala aku, ke pule @ maua e hoomamaia mai ko kakou mau naau luuluu apau.
E hoomanao kakou o ke alanui ana. hele aku la, e loaa pu ana no ia ia ka kou i kekahi la. E hoolana oe e ka makuahine e kupaa ma ka pono a ol@ i uhaiaholo ai, @ pela auanei Ke Akua e hoopomaikai a malama aloha mai @ ia oe.
E oluolu nui @ e Mrs. Werner e uw@ iho a nui i na elele o Hawaii Werner Na ke Akua e malama maikai mai i@ oukou.
O maua iho no me na waimaka.
PETER N. KAHOKUOLUNA
ALICE L KAHOKUOLUNA
Ina aole loaa na kuia, e hoo@ai aku ana ka alemanaka makana a ke Kuokoa i kona poe heluhelu ma keia pule ae.
Ka Pila Grafonola Columbia
Maopopo ka Wa e Pa@
Ma ka mea hoopaa @o@ki aakaala ia mea nou. @a@ oe ke hulahula ahiki nele hope loa.
Uku Liilii ke Mak@ eia.
Thayer Piano
Limited
148-150 Alanu@ele
Ka Vic@la
-Ka Meaka@lele Kilakila- he mea e pono e loaa ma kou @e. Kauoha mai i na bu @akaka o na Pahuolelo ana Papa Leo Mele.
NA P@ PAANI
NA R@ PAANI
NA P@ MELE HOU
NA P@ AHA
âme na@ea apau pili i na mele.
Ber@rom Music Co.
@20 Alanui Papu
Honolulu