Ka Nupepa Kuokoa, Volume LXI, Number 4, 27 January 1922 — Page 1

Mahele Elua NUPEPA KUOKOA Mahele Elua

He Moolelo no

NA PUUWAI ELUA

A I OLE

Ka Hewa o ka Wahine--- He Moolelo Owiliia me na Haawina Hoopihoihoi

Noonoo o ke Au o ka Manawa

__________________

@ mai, e hoolauna aku au iaʻu iho imua @@, @ J.B

@@@ koʻu inoa he kahunapule kaʻu oihana, a mai Kihako

@ i hele mai ai. Oʻkeia ka manawa mua loa i loaa ai

@@@ @@ manawa hoomaha no na makahiki eiwa i hala ae

@@ @ @ holo ana au no ka aina kahiko, no kekahi manawa

@@@@ a he tikiki koʻu, e hoi hou mai ai no ma keia moku-

@@ @@laila in a no ka ohua o ka papa elua oe, aole no he

@@@@a, o ko kaua lilo ana i mau hoaloha, a i hookai no o

@@@@ rumi e noho ai. No na mea e pili ana i na inoa, e

 @@@ @@ aku hoi kaua," alaila haha iho la oia i kona maka-

@@@ maoloko a ka pakeke o kona kuka.

            "E heluhelu mai oe i ka inoa mua loa, a hiki i ka inoa

@@@@ malia paha ua kuhihewa ka ike a koʻu mau maka"

            "O kela inoa e kuu hoaloha ea, o Ivana Sr. Leonada," i

pane mai ai ke kahunapule.

            I kela lohe ana aku no o Keaka Mebure i kela inoa, o

kona ku ino ae la no i iluna, me ka holo ana aku no kahi

i noho ai o ka on a nona ka hokele, a me kona hookaʻulua

@@@ iho, ninau koke aku la no iaia, i ka i ana aku @

            "Eia anei kekahi mea maloko o kau hokele ma ka inoa o

Ivana Sr. Leonada? E hoike mai oe iaʻu i kahi i waiho ai

@ kona rumi, no ka mea ke makemake loa nei au e ike aku

@@, owau kekahi o kona mau hoaloha pilipaa loa."

            "Ke kanalua loa nei au i ka ae ana aku ia oe e ike i kela

kanaka opio, no ka mea, ua haawiia mai kekahi kauoha

paa iaʻu. aole e ae i kekahi mea e hele aku no kona rumi.

He kanaka opio kela o ka hoea ana mai ma ka po nei,

me ke ola kino maikai ole, a e holo ana oia no Enelani, maluna

@ ka mokuahi Nu Ioka.

            "Ke ike aku la au ma kena mau hoakaka au, o kuu hoa-

loha iʻo no kela, nolaila e oluolu mai oe e lawe aku i kuu

pepa inoa imua on a, aole loa oia e hoole mai ana i ka ike

ana iaʻu!"

            Hele aku la ka onoa o ka hokele no ka hooko ana i ke kau-

oha a ke kanaka opio, a iloko o na minuke wale no elua,

i oili hou mai ai ua on a hokele nei, a mahope pono mai hoi

ena. i kali mai ai o Sr. Leonada. He kanaka kino hoihi

keia me ke kulana kilakila. eia nae ua hele kona mau papa-

Ena a hohoma, me ka poopoo o na maka, e hoike mai ana

no kona laa ana i kekahi maʻi ikaikai loa.

            Halawai ae la na hoaloha i kahi hookahi, me ko laua piha

i na manao hauoli, no kela hui hou ana, iloko o ka mana-

wa i manao mua ole ia, a i ka ike ana mai o ka ona o ka

 hokele i ka nui makee iloka o kela mau kanaka opio, e

hoike i ko laua mau moolelo iho, pane mai la oia i ka i ana

@@

            "Ke waiho nei au i keia rumi, no olua e na keonimana e @@mailio ai, o keia koʻu keena pnoi, he wahi maluhia loa

keia, e komo ole ia mai ai e hokai e kekahi mea."

            mahope iho o ka lululima ana ae o na kanaka opio, ua kaa ma ka aoao o Ivana Leonada ka pane mua ana mai.

            "Hauoli maoli au i ka ike ana ia oe e Keaka!"

            "Owau paha o kaua ka mea oi loa aku o ka hauoli i ka

ike ana ia oe, eia no ka ke ola nei," i panai aku ai hoi o

Keala Mebure.

            "Ae, eia no au ke ola nei, elike no me kau e ike mai la,

ua like maoli key me ka apnea ana mai o kaʻu leo pule.

Oiai au maloko nei o keia hokele, e nalu wale ana no au,

in a paha e hiki ana iaʻu ke ika aki i kekahi o kaʻu mau hoa-

loha kahiko, no ka hoike ana mai i na meahou o ka home

âme ka aina hanau, eia ka e halawai pu ana kaua."

            Hakalina no a pua kela mau olelo a Ivana o ke kamailio

ana mai. o kona noho ino iho la no ia ilalo, me ka hanu

pinopinaʻi ana, a o ia ka kona hoaloha o ka pane ana aku:

            "Ua maʻi oe e Ivana," me ka hele mai la o kona noonoo

a piha me ke pihoihoi.

            "Aole keia he pilikia, ke hookukuia aku me na haawina

i loaa iaʻu. ma na la aku nei i hala. E noho iho ilalo e kuu

hoaloha, a e hoike mai i na meahou o ka aina, aole au i

lohe iki i kekahi mea mai Enelani mai, no na mahina ehiku,

a aole no au i heluhelu wahi nupepa iki.

            "He nupepa kaʻu o ka heluhelu ana i keia kakahiaka,

aole nae he wahi meahou iki e pili ana no Enelani. Ke

 ole au e kihihewa ua manao maoli no na mea apau ua

 make au: o ka oi loa aku paha, o kuu makuakane ame Bela

Kalani."

            "Aole he kanalua ana no ia mea, ua manaoio loa na mea

apau, ua make oe," i pane hoolalau wale aku ai no o Keaka

Mebure. "Ua piha na nupepa me ka meahou e pili ana i kou make ana, ua kiia oe i ka pu e na kanaka kipi, a ua kaa aku kou kino malalo o ko lakou malu. Ua hoounaia aku kekahi poe koa, no ka huli ana i kou kino, a o ka hoike a lakou o ka hoihoi ana mai, o ia no kou make ana. Aole oʻu makemake e kamailio kaua maluna o keia kumuhana he mea hoomahunahuna loa mai ia i kou kulana maʻi.  O ka mea pololei maoli, e kaa oe malalo o ka malu o kekahi kau- ka. aole hoi o kau hele hookahi wale iho no, elike me keia."

            "Aole loa oʻu pilikia iki, ke pii mau ae nei koʻu maikai i kela ame keia manawa malia paha no keia ike ana aku la ia oe, i piha ai au me ka pihoihoi, a ano e koʻu hele-helena au e ike mai la. Ua hele au a makemake loa e lohe i na meahou o ka home, e hoike mai oe iaʻu i kau mau mea apau i ike ai, me ka huna ole aku i kekahi mea.

            "Ua maopopo no iaʻu he kulana nawaliwali maoli ko kuu makuakane, mamuli o ka wili mau o ka maʻi maluna on a. O Mr. Ropa no ka mea e kakau mau ae ana iaʻu; a o ke Akua wale no ka i ike i ka nui o kaʻu  hoomaikai, no ka hoouna ana ae o kuu makuakane i kekahi leka huikala piha iaʻu no ia kumu, ua haawi mai au i koʻu  ae, e mare aku ia Bela Kalani, elike me kona makemake, a ke ole no hoi au e kuhihewa, aia mau no ka noonoo o kela kaikamahine noʻu. Aole loa oʻu makemake iki i ka hoolala mua i ana o kekahi mare, aka no i ka makemake o kuu makuakane, a ke lana nei no hoi kuu manao, e loaa ana no he noho hauoli ana.

            Ua loihi koʻu kaawale ana mai koʻu ohana mai, nolaila aole aʻu mea i lohe mahope mai nei o ke Karisimaka, a oiai naee kakau mau ae ana no o. Ela kuu kaikamahine iaʻu, aole on a wahi mea a hoike ae e pili ana no ka noho ana o na kanaka. Ua maopopo no ia oe, he mean pono iaʻu, aole on a wahie mea a hoike ae e pili ana no ka noho anan o na kanaka.  Ua maopopo no ia oe, he mean pono iaʻu ke komo aku ma kekahi mau hana, nolaila aole oʻu nohopaa i ka aina, e hele mau ana au i na manawa apau.

            "E waiho no kaua i na mea e pili ana no ka aina, ahiki i ko kaua hoea ana aku i Ladana, o kaʻu e ake nei e lohe, o ia no ke ano o kau pakele ana mai ka make mai, a pela hoi ke kumu o kou hoike ole ana aku ia oe iho, imua o ke keena poo o ka oihana koa."

            Noke aku la o Ivana i ka akaaka, me ka pane ana mai.

            "Ke hoao mai nei oe e Keaka e hoolalau, aole nae ia he mea e pau ai koʻu noke ana aku i ka niele ia oe. E pane mai oe i keia ninau, ua make anei kuu makuakane? I ka manawa i hoi pono mai ai koʻu noonoo maikai, ua loaa mau ka haupu iaʻu, ua make oia o malia paha he houpuupu wale iho no ia me kaoiaio ole, pela au e makemake nei, e lohe mai kou waha ponoi mai in a paha ua make iʻo oia, a lohe mai kou waha ponoi mai in a paha ua make iʻo oia, a i ole, ke ola mai nei no paha?"

            "Ua make iʻo kou makuakane, o kela nuhou no kou moke ana, ka mea nana i pepehi aku iaia. Ua lohe au i keia nuhou kaumaha ai ia Ela mai, a wahi ana, aole kou ma-kuakane i ike i ka ehaeha, ehaeha, aka ua lele ae kona aho hope, ma ka manawa i heluhelu ai i ka nupepa no kou make ana. Okauka Lolena kekahi ma kona aoao, a ua makaalaia oia ma na ano apau e kona mau hoaloha."

            No keia mau hoakaka a Keaka Mebure, kulou, iho la ke poo o Ivana ilalo, me ka plulu ana ae i kona mau maka, a i ka hala ana o kekahi mau sekona, aea ae la kona poo iluna, me ka hele hoi o na maka a piha i ka waimaka, alaila pane mai la:

            "Aole no i lilo keia mea au i hoike mai la no ka make ana o kuu makuakane, i mea hookahaha mai i koʻu manao, ua loaa mua no ka hoohuoi iaʻu, e hoea mai ana kela hopena maluna on a. He hookahi aʻu ninau i koe au e pane mai ai, o ka pau no ia, alaila hoike aku au i na mea e pili ana naʻu iho. Ua maopopo no anei ia oe ka hopena i kau aku maluna o kela poe Paele kipi? Aole no oʻu noonoo nui, no ke ano o ka poino i loaa iaʻu in a ma kekahi kaua akea i ku mai ia au i ka poka, aka o ka hoao ana mai o kekahi poe Niha, e ki iaʻu i ka pu, ma ke ano malu loa, o keia ka mea nana i hoopii loa mai i ka manao inaina iloko oʻu."

            "No ela põe Paeleʻkipi ea, ua pau loa lakou i ka lukuia, i ka wa i hoohuliia aku ai ka waha o na pukuniahi imua o lakou. He mau kaukani o kela poe Paele i pau i ka make, a ua kaa ka lanakila ma ka aoao o ke aupuni; aka nae, pehea oe i pakele ai mai ka mana mai o kou poe enemi?"

            "Penei ke ano o kaʻu pakele ana, " i hoomaka mai ai o Ivana Leonada e kamailio, "a manao no au he nui na kanaka i pakele ma ia ano hookahi, elike me koʻu pakele ana mai.  Iaʻu ame koʻu pae kanaka, e kiu ana i ke kulana o na enemi, ua kiia mai la au a ku i ka poka, me ka pau ana o koʻu pe koa i ka holo, he poe Paele wale no, aole loa e hiki ke hilinaiia kela ano kanaka.

            " Ua laweia au e na enemi ahiki i ko lakou kahua hoomoana, malaila i weheweheia ai kou mau lole a laweia ku la kaʻu mau mekaua apau e kela poe. I ka hoi pono ana mai o kou noonoo maikai, ike iho la au, ua olohelohe koʻu kino, a e waiho ana au iwaena o kekahi paila huluhulu, o kaʻu mea i ike aku, o ia no ke komoia ana o kaʻu mau lole, e na alii o na kanaka Paele.

            "Me he mea la, iloko o ka enaena o ka hoouka kaua ma-waena o na aoao a elua,i poina loa ai kela poe Paele noʻu aole loa au i hoopilikiaia mai, ahiki i ka poeleele ana o koʻu haalele aku la no ia i kela wahi, a imi aku la i kahi e palekana ai au. O kaʻu mea wale no e hoomaopopo la no koʻu ano, o ia no ka ninau o kaʻu poo, m eka nui no hoi o ka eha, ma kahi i ku ai au i ka poka. No kela po holookoa me hookahi la koʻu auwana hele ana, me ka maopopo ole iaʻu o kaʻu wahi i hele ai, ua kupouli ae la koʻu noonoo, a haule aku la au maule.

            "Na kekahi kanaka kalepa Amerika e ukaliia ana e kona poe kanaka i hiki aku ka huina ma kahi o ka eono naeri i ike iaʻu e waiho ana malalo mai o kekahi pali pohaku, ma kahi kokoke i ke alanui. O Mr.Vanaba ka inoa o keia kanaka, he kanaka waiwai oia, e lawelawe ana i kana oihana kalepa me kona mau moku ponoi, a malalo hoi o kona mau kanaka.  Aole oia i maopopo iki no ka nalowale ana o kekahi aliikoa Pekekane i loaa i kekahi poino, ua komo ka manao aloha iloko o kela kanaka noʻu, a lawe aku la iaʻu malalo o kana malama ana.

            "Aole loa au i maopopo iki i na mea e hoopuni ana iaʻu iho. mahope mai o ke kaa ana aku malalo o ka malama ana a kela kanaka, aka nae i ka hoi ana mai o kaʻu noonoo maikai, eia ka au maluna o kekahi moku, he hookahi mahina okoa keia mahope mai, o koʻu loaa ana i kela kanaka elike me ka ke kauka i hoike mai ai iaʻu.

            "Hooholo iho la au i koʻu manao, aole e hoikeike ae i kaʻu kulana oiaia maoli. Ua lilo mai la ke kapena o ka moku i hoaloha mai kai loa nʻu, me kona niele ole mai nae i koʻu moolelo. Ma ka ninaninau ana aku i ke kapena, i ka manawa e huli hoi hau mai ai ka moku no ka aina, hoikea mai la iaʻu, e hala ana na mahina elima a eono paha, no ka mea he nui na wahi a kela moku e holo aku ai, no ka hoolilo ana i na waiwai kalepa, ma na mokupuni o ka Moana Iniana.

            "I ka huli ana aku nae ihope a noonoo ae no kela huakai moana, he ku no i ka ehaeha, no ka mea ua kau mai la ka maʻi fiva ikaika loa maluna oʻu, e paio ana mawaena o ke ola ame ka make; no kela maʻi fiva i hoala mai ai na luina i kekahi manao olohani, e haalele i ka moku, in a aole au e kiolaia iloko o ke kai, oia ua makaʻu loa kela poe kanaka o ili aku auanei kela ano maʻi maluna o lakou; a mamuli wale no o ka hoohana ana o ke kapena i kona mana, a hui pu me na hooia mai ke kauka aku, ole he pilikia pela wale no i emi pu ai ka manao o kela poe luina; o keia na mea i hoikeia mai iaʻu, i ka manawa i kaawale aku ai; ka pilikia mai iaʻu aku. "

            Ma kela wahi, i hoomaha iki iho ai o Ivana Leonada i kana kamailio ana mai i kona moolelo, me ka hamohamo ana ae o kona mau lima, ma na maka, alaila hoomau hou mai la i ke kamailio ana:

            "Aole no he nui aku na mea i koe o kaʻu moolelo: a ma ka hoopokole ana ae ea, ua ke mai ko makou moku i Kapalakiko, he umi-kumamalua wale ae nei no la i hala. Ua noho pu au me Kapena Vanaba malaila no ke kahi mau la, a mamulii o kona oluolu, ua haawi mai la oia iaʻu he elima haneri dala, no kou mau hoolilo ma kou alahela no ka home.  Aole au i hoike aku iaia i kou moolelo aka ua hilinai wale mai no oia iau ma ke ano he keonimana, a i hoike aku no au ia oe ea, he keu aku na kanaka Amerika a ka poe maikai maoli, me ka makaukau mau e kokua i ka hoa kanaka iloko o ka pilikia ame ka poino.

            "Ina pela, ua maikai loa.  owau pu no kekahi e kau aku ana maluna o kela mokuahi hookahi. O ka elua keia o koʻu pule, o ka noho ana ma keia kulanakauhale, malalo o ka hana a ka hui au e noho hana nei, a ua laki maoli keia halawai ana iho la o kaua," wahi a Keka Mabure. "Aole loa au i maeuhana mua e halawai hou ana au me oe e kuu hoakula, me ke ola ma keia wahi he ekolu kaukani mile ka mamao, mai ko kaua aina hanau mai.Aole no i maikai loa kou ano, aka nae e lilo ana au i mea makaala aku nou, oiai kaua e huli hoi like ana maluna o ka mokuahi hookai no Ladana."

            "Aole au noonoo ana no ka mea i hala, aka e noonoo aku ano, ua hala aku la no kuu makuakane, ka mea hookahi aʻu i kau nui aku ai e like."

            "Aole u noonoo ana no ka mea i hala, aka e noonoo aku oe, no na mea e oili mai ana, no ke koena o kou mau la i koe e ola ai ma ka honua nei."

            "Ke kanalua loa nei au, no ka Joaa o ka ikaika iaʻu e ola aku iloko o ka hauoli, au hala aku la no ka makua, ka mea nui hookahi iloko o kaʻu noonoo."

            "E hoopau loa oe i na noonoo o kena ano, no ka mea, i hoike aku au ia oe ea, o oe kekahi o na kanaka waiwai loa; ua ike au i kekahi mau hoakaka maloko o ka nupepa no ka hooili ana mai o kou makuakane i kona mau waiwai apau maluna ou i hiki aku ma kahi o ka hapaha miliona, mawaho ae keia o kou home nani, ame kekahi mau waiwai e ae.

            "Ina owau ma kou wahi, pela ka loaa iaʻu o kela huina dala mahuahua, owau ke kanaka hauoli hookahi ma ka honua nei. Ke loaa nei iaʻu he elua haneri me kanalima wale no paona no ka makahiki, ua hauoli no nae au oiai nae he wahi huina omilumilu wale no kela ke hookukuia ae me na dala e kakali mai la ia oe maloko o ka banako. Eia hou keia, aia o Miss Bela Kalani ke kakali mai la ia oe, aole no au i kamaaina i kela kaikamahine aka nau no i olelo mai nei iau no kona pipili loa ia oe, nolaila he mau mea ano nui loa keia, a kekahi kanaka e hauoli ai."

            "Ma kou manao koho wale no mamuli paha o ka makemake o kuu makuakane i ae mai ai o MIss Bela Kalani e lawe aku iau i kane nana a in a nei no kou hoea aku i Enelani me ke ola, aole au mea e ae e hana aku ai o ka hooko wale no i ka papahana i hoolala mua ia e kuu makuakane. No na mean nae e pili ana i ko Miss Kalani kuleana i na waiwai?"

            "Ke ole au e kuhihewa, aia maloko o ka palapala hooilina a kou makuakane, e hoakaka ana in a oe e make, alaila e holo aku no na waiwai apau maluna o kela kaikamahine.  No kou hoea aku i Enelani me ke ola, aole he kanalua ana no ia mea a pehea, ua kakau anei oe i kekahi leka na ko loio o kou makuakane e hoike aku ana aole oe i make a he hookahi leda i ke keena poo o ka oihana koa o ke aupuni?"

            "He elua aʻu mau leka i kakau ai aole nae au e hookomo koke ana i kela mau leka maloko o ka haleleka maanei nei ahiki i kuu hoea ana no Enelani. No kou hoike iau iho imua o na poo o ka oihana koa ke kanalua loa nei au i ka hooko ana aku ia mea aole ana e nele ka pinai mai o na kanaka kakau nupepa no ke ake e lohe i kou moolelo o ka pakele ana. O kuu manao maoli no ea o ia ka waiha ana aku i ka oihana koa."

            "Eia kou manao i ko kaua wa e hoea aku ai no Ladana e hoihoi ana au ia oe no ka home o kuu makuahine malaila oe e noho ai ahiki i ka ikaika maikai ana o kou kino, a i kou wa e hoomaha ai no elua pule mahope iho o kou waiho ana aku a he hookahi ko kaua hoohala like ana i kela mau pule elua ma ka hele makaikai ana ma kekahi mau wahi.

            "Aole ana e nele ka lilo o kou moolelo i mea na kuu kaikuahine e hauoli ai, aole oe i ike iaia, aka oia kekahi o na kaikamahine maikai a oluolu a o kona inoa o Ela.  He hoomanawanui no ke ano o ko makou noho ana iloko o keia mau makahiki. He makuakane hanauna waiwai kou o Kila ka inoa aka nae i kona wa i make aku ai aole he waiwai iki i koe e holo mai ai maluna ou me kahookahahaia hoi o ka noonooo o na mea apuau noia kuku i hoi aku la mkou a noho maloko o kekahi hale uuku.  Ua hauoli no kuu makuahina ame Ela ma keia wahi hou, a owau no ka mea e hele nei i ka hana, no ke kokua ana i ko makou mau hoolilo."

            "Ua lawa paha keia kamailio ana o kaua e hoi au noloko o kou rumi no ka noonoo ana i na mea apau au i hoike mai nei iau.  Ma kekahi ano no hoi ke noonoo o kela kaikamahoe e mare aku ai in a pela alaila ua makaukau no au e mahele aku i ka waiwai i hapa nona a i hapa hoi noʻu."

            "He aha ka waiwai o ka noonoo ana no kena mea e kuu hoaloha Akahi no oe a ike ae i ke ao malamalama aole loa he hana maikai ka hoi ana iloko o ka rumi e pee ai, e noho mai kaua no ka mea o ka hana nui e kuu hoaloha o ia no ko kaua hele koke ana aku i ke keena o ka hui mokuahi, a koi aku i hookahi no o kaua rumi e noho ai, in a no ia he mea e uku hou aku ai kaua i umi a i iwakalua dala paha mawaho ae o ka kaua i uku mua ai."

            "He aina malihini keia me ke akahele wale no kaua e pono ai aole o ka uhauha e Keaka.  He elima haneri dala au i lawe mai ai ma keano aie mai ia Kapena Vanaba mai ua pau aku ka hapanui o kela mau dala i ka hooliloia e au a in a no kou make mamua o ka hoea ana aku o ka mokuahi i Enelani ke makemake nei au e lilo oe i mea nana e hookaa aku i kou aie i kela kanaka lokomaikai."

            "E hoopau loa kou kamailio ana i kena ano olelo, aole au e hoolohe iki aku ana ia oe, in a pela iho la kou hoopukapuka mau mai no kou make a pela wale aku. E hele aku ana au e kauohi e hoomakakauia kekahi mau meaai a lawe ae maloko o kou rumi malaila kaua e ai like ai i keia awakea me i ka lawe pu ia mai o kekahi omole waina poka maikai loa, Aia a pau ka kaua ai ana alaila hele like aku kaua no ka keena kuai tikiki o ka hui mokuahi ua hiki ia kaua ke kau maluna o ke kaa in a he oopa oe i ka helewawae aia kaua a huli hoi mai in a he maluhiluhi kou kina, e hookuu aku anan au e holuolu oe i kekehai manawa o keia auwina la."

            Aohe mea e ae a Ivana Leonada e hana mai ai, o ka hooko wale mai no i na hoolala ana a kona hoaloha, ua hele io laua no ke eena kuai tikiki mokuahi a ua loaa mai ka aeia i hookahi o laua rumi e noho ai, i ka huli hoi ana mai nae o ua mau kanaka nei no ka hokele ua hele maoli o Ivana a maluhiluhi a mamauli wale no o ke kokua ana mai a na hoalaoha i hoea aku ai oia no loko o kona rumi me ka maalahi.

            I ka hoea ana aku o Ivana Leonada maloko o kona rumi a oia hoi oia emoe ana iluna o kona wahi moe kamailio mai la oia ia Keka Mebure i ka i ana mai:

            "E waiho malie mai no oe iau e noonoo elike me ia au i ike ai he pono.  Ua maopopo iau aia iloko ou ka noonoo nui no kou pono aka nae ua kailiia aku ka hoihoi mailoko aku ou no keia ola ana a ke hopohopo loa nei au aole au e hoea aku ana i Enelani me ke ola."

            "Auhea oe e kuu hoaloha in a aole oe e hooikaika ana e hoikike ae no ka maikai o kou ola kino alole loa e aeia mai ana oe e kau aku maluna o ka mokuahi.  Ina owau ma kou wahi a nou kena kulana mai maluna ou he oi ae kuu hauoli maluna ponoi o ka lepo o kou aina hanau e waiho ai kou kino, aole ma keia aina malahini."

            Aole a Ivana Leonada pane no keia mau hokaka a kona hoaloha, aka onioni wale ae la no oia, a iloko o ka manawa pokole loa, haule aku la oia hiamoe.

 MOKUNA V.

            Ma kekahi kakahiaka ana ae ua hele oloko o ka rumi aina o ka Hokele Adele a piha i na malihini a i ka nana aku aia ka hauoli maluna o na mea apau o kekahi kumu paha hoi no ke kokoke mai i ka manawa a lakou e haalele iho ai i kela wahi a o kekahi kumu no hoi o ia ke kamaaina ana o kela mau malihini ia lakou iho me ko lakou kau like aku maluna o ka mokuahi hookahi.

            Aia maluna o ke pakaukau hookahi a Keaka Mebure e noho ana kela kahunapule Amerika, O ka hookamaaina ana mai iaia ma ka la aku mamua i kona manawa i hikilele ai i ka wa i ike ai i ka inoa a Ivana Leonada maloko o ka buke i kakauia ai na inoa o na malihini o ka hokele.

            No ka pili loa o ko laua mau noho i kahi hookahi ninau mai la ua kahunapule nei ia Mebure, i ka i ana mai:

            "Ua loaa iau ka ike he mau hoaloha kahiko oe ame Mr. Leonada a o keia halawai pu ana o olua ma kahi mamao loa mai ka aina hanau mai he mea ano nui ia iloko o ko kakou ola ana. He kanaka mai maoli kou hoaloha aka nae ke lana nei kuu manao e hoi hou mai ana no ka ikaika iloko o kona kino ke hala ke kahi manawa ma keia hope aku."

            "Mahope o ka aina kakahiaka, ua haalele iho la o Keaka Mebure ame kona hoaloha maluna o ke kaa, no ka uwapo, a mamuli o ka nui hi o maoli o na kanaka ame na kaa ua lilo ia i mau mea nana e hookomo mai ai i ka hoihoi i loko o Ivana Leonada.

            "Aoheau hopohopo ana nou e kuu hoaloha" i pane hou mai ai o Ivana iaia i ike mai ai i ka nana pono aku o Mebure iaia oiai laua maluna o ka oneki o ka mokuahi. "Ke lana nei kuu manao e lilo ana keia huakai aumoana a kakou i mea nana e hoi hoi hou mai i ka ikaika iloko o kou kino in a nae he wahi waiwai iki kekahi e make pono ai kou ola ana aku."

            "E kiola loa oe i na manao kanalua a hophopo mai ia oe aku no ka mea e hoohauoliia ana ko kaua mau manao ma keia huakai a kakou a eia no hoi maluna nei a keia mokuahi he poe maikai wale no e phiha mau ai na manawa apau me na mea e hoohauoliia ai ka manao i hoolana aku ai o Mebure i ka noonoo o kona hoaloha.

            He mea oiaio, ma kela huakai aumoana ua loaa aku ka ike ia Mebure he mea makehewa wale no kona hoouluhua ana aku i ka manao o kona hoaloha aka ua hookuu aku la no oia Ivana, e hana elike me ka nui o na ohua a pela no hoi ke komo kino ana iloko o na hana hoohauoli a hui pu iho paha hoi me ka hookokoke mau aku o ka mokuahi i ka aina hanau ua ike amaoli akau ua o Mebure i ka mohala maikai o ka helehelena o kona hoaloha.

            Ma ka ekolu o na la o ko lakou nei holo ana ma ka moana oiai hoi o Mebure me Ivana e noho ana ma kahi kokoke i ka paehumu o ka moku kamailio aku la o Ivana i kona kokoolua i ka i ana mai:

            "Ua like pu au me kekahi mou i nele me ke panana e paialewaia anan maluna o ka moana i ahona wale no paha i kou inoa. Aole no ou manao e kakau i kuu inoa ponoi maloko o ka buke o ka hokele aka iau ane i kilohi aku ai moloko o ke aniani a ike i ka kaokoa loa o kou helehelena mai ka helehelena mai i kamaaina i kou mau hoaloha akahi no au a hooholo iho e kakau i kou inoa ponoi eia ka e loaa ana au ia oe."

            "Ke hauoli loa nei au, no kela kakau ana aku ou i kou inoa ponoi, in a no nae aole oe i hana pela, e halawai ana no kaua," i pane aku ai no hoi o Mebure.

            "E oki koke oe i kena umiumi loihi ou, ua loli maole kou helehelena, e ku a hoohewahewa ai kou mau hoaloha ia oe e Ivana."

            "Ua manao no au pela aole nae no keia manawa oiai eia iloko ou ka noonoo e hele aku no ka ike ana i kuu home iloko o keia ano hoonalonalo pela wale no e ike ole ia mai ai au e ka poe i kamaaina mua iau."

            I ka hoea ana mai i ka la e ku aku ai ka mokuahi no ke awa a oiai hoi ua mokuahi nei e hookokoke aku ana i ka uwap aia o Ivana maluna o ka oneki kahi i ku ai a nana aku iuka o ka aina me ka hele o kona mau maka a lamalama i ka ike ana aku i na hiona i kamaaina i kona mau maka a o ia kana i huli mai ai imua o kona hoaloha a kamailio mai la:

            "Ina eia no kuu makuakane ke ola nei a ke kakali mai la iau o ka hoea aku e hoopihaia no kuu puuwai me ka hauoli."

            "E waiho mai oe e Ivana ia oe iho iloko o kou mau lima a malalo hoi o kuu malu ua paa loa kuu manao e lawe aku ana au e waiho i kau hoike imua o kou mau haku hana a maloko kaua o ka hokele e hiamoe ai no keia po aka e kakau koke aku ana au i leka na kuu makuahine ame Ela, e hoike aku ana ia laua, no ka hana ana mai i ko kaua hoea aku ma ka la apopo. Nolaila aole au mea e ae e noonoo ai e Ivana, hookahi wale no, o ka loaa o ka ikaika maikai i kou kino."

            "Aole paha e hiki iau ke ae aku e noho pu me oe e Keaka, ua nui kou noonoo no na dala au i aie aku ai no kou mau hoolilo kaahele ahiki i ka hoea ana mai nei i ka aina paa. He mea pono e hele koke au e hui pu me ka loio o kuu makuakane a e haawi mai oia i ka huina elike ka nui ma ia i haawiia mai ai iau ma ke ano aie."

            "Mai hana pupuahulu oe e kuu Ivana, no ka mea i ka wa au e hoea aku ai imua o ka loio o ko makuakane e hoopiloke kokeia aku ana ka noonoo o na mea apau no kou olil hou ana aku ka mea a na kanaka a pau i manaoio loa ai ua mke oe a e piha koke ana na nupepa me na moolelo no kou ola hou ana mai ka make mai, a o ka hopena o ia no ka noounaia mai o na koa, no ka hopu ana ia oe, nolaila aole keia he wahi hana uuku au e manao nei e hooko aku e kuu hoaloha.

            "E hilinai mai oe maluna ou a nau e uku aku i kela mau dala au i aie ai me kou koi ole aku ia oe e hoihoi koke mai i kau mau dala aia no i kau manawa i manao ai aka no keia mau pule elua e hoea mai ana a hoi ana oe me au e noho ai a i hai aku no au ia oe ea e hoi hou mai ana ka ikaika i loko o kou kino iloko o kela mau pule au no e ike iho ai i ka naauao o kau mau hoolala ana no kou pono."

            "O cena io paha ka manao pololei e Keaka, ke ole nae e lilo kou noho pu ana aku me oe i mea hoopilikia i kou noonoo. Aole no ou kanalua iki no ka haawi mai o ka loio o kuu makuakane i kekahi huina dala mahuahua in a no kou hoea kino aku imua one a he mea hiki no ke lawelaweia na hana apau ma ke ano e maopopo ole aku ai i ka lehaleha aole au i make."

            "E hoopau loa kou kamailio ana mai lamuna o keia kumuhana a e waiho mai oe nau e hoopnopono aku i na mea apau e hoopilikia ole ia ai kou noonoo e Ivana."

            I ka pili ana o ka moku i ka uwap aia na ohua apau maluna o ka oneki kahi i akoakoa ai e kakali wale aku anan no o ko lakou manawa e lele aku ai iluna o ka uwapo ua puni ae la na kanaka opio i na hoa ohua e haawi ana i ko lakou mau aloha luluima, a iloko o na minuke helu wale no mahope mai aia laua nei maluna o ka uwapo kahi i holoholo ai a mauluna o kekahi kaa i holo pololei aku ai laua no kahi e ku ana o ka hokele.

            (Aole i pau)