Ka Nupepa Kuokoa, Volume LXI, Number 5, 3 February 1922 — Page 1

MAHELE ELUA  NUPEPA KUOKOA MAHELE ELUA

NUPEPA KUOKOA, HONOLULU. I H POALIMA, FEBERUARI 3, 1922.

He Moolelo no NA PUUWAI ELUA A I OLE

 

Ka Hewa o ka Wahine---HE Moolelo i Owiliia me na Haawina Hoopihoihoi Noonoo o ke Au o ka Manawa

            Oiai ua ahiahi keia manawa o ko laua hoea aua aku no ka hokele, aole he manawa a Mebure e hele aku ai no ka hui pu ana me kona mau haku ma kela la, haule iho la oia kakau i leka na kona makuahine ame ke kaikuahine, oiai hoi o Ivana, i hoohala iho ai i kona manawa, ma ka nana ana i na kanaka e hele ana ma na alanui.

            I ka pau ana hoi o na leka a Mebure i ke kakau, kono aku la oia ia Ivana e hele laua i ka holoholo, no ka hookomo ana aku i kana mau leka iloko o ka pahu leka, ma ke kihi o ke alanui.

            @@ laua e hele nei, me ke kuikuilima ana o na hoaloha ia kua iho, pane mai la o Mebure i ka i ana mai:

            "Mamuli o ka lohi loa o ke ku ana mai nei o ko kakou moku, aole e hiki ia'u ke hele aku e ike i ko'u mau haku i keia la, aka o ka'u hana mua loa ia, ma ke kakahiaka o ka la apopo, a me he mea la, ma ka hora umi-kumamakahi @ pau ai ka'u mau hana, a ua kakau aku nei au i kuu makuahine ame Ela, e kakali mai o ko kaua hoea aku, ma ke kaaahi o ka hapalua o ka hora elima, o ka la apopo. Aia kaua a hoea aku no ka'u home, e ike auanei oe, iloko o na pule elima, he kanaka oe i loaa ke ola hou!"

            "Ke kanalua loa nei au no ka loaa hou o ke ola kino maikai ia'u. no ka mea ua hoike mai kekahi kauka ma Kapalakiko, aole ka e loaa hou ana i ko'u kino ke ola maikai, o keia ka mea nana i hoopau ae i ko'u mau manaolana no ke ola loihi ana aku, o ka nui wale no iloko o kuu noonoo, o ia ka ike liou i na maka o kuu makuakane."

            Ia laua nei nae e hookokoke aku ana i kahi o ka pahuleka i waiho ai, ua hoea mua ae la kekahi keonimana okoa, a hookomo aku la i kana leka, me kona ku ana mai nae, nana pono loa ia Ivana, me he mea la, ua loaa aku paha ka hoohuoi iaia no keia kanaka opio.

            No ko laua nei hele pololeo aku i kahi o ka pahuleka i waiho ai, haalele iho la kela keonimana i kana wahi i ku mua ai, a hele aku la no kahi o ke kukui alanui e ku ana, a huli hou mai la no nana aole no hoi oia i haalele iki i kela wahi, ahiki i ka huli hoi hou ana o na keonimana elua, no ko laua hokele.

            Ma ke kakahiaka ana ae o kekahi la, o kela no hoi kekahi la, o kela no hoi kekahi la maikai loa, he kala'e maikai ka lewa lani, aohe wahi kau ao, mahope o ka pau ana o ka aina kakahiaka o na kanaka opio, a oiai hoi e kokoke ae ana ka manawa, i ka hora eiwa. ku ae la ua mau kanaka opio nei, a hele mai la no ke alanui, me ka mape ana aku hoi o Ivana ia Keaka:

            "E hele pu aku kaua ahiki i ke kihi o ke alanui Kalapa, alaila hookuu aku au ia oe e hele no kahi o kau hana, a hele holoholo aku hoi au noloko o ka paka."

            "ae, ua pono kena manao ou, aka nae, e makaala loa oe ia oe iho, o ikeia mai auanei oe, e ka poe i kamaaina mua ia oe. Eia ka hapanui o na kanaka i ke kulanakauhale nei i keia manawa, a in a no kou halawai pu me kekahi o kela poe, a hoomaopopo mai lakou, i ke ano o kau hele ana, e koho koke mai ana lakou, o oe no o Kapena Ivana.

            " Ina no e pau ka'u hana, me ko'u mau haku, ma ka hora umi-kumamakahi o keia kakahiaka, e huli hoi pololei loa mai ana au no ka hokele; a ma ka hora elua o keia auwina la e kau aku ai kaua maluna o ke kaaahi."

            " Mai hopohopo oe e Keaka no'u, ua hiki ia'u ke makaala no'u iho. o ka'u wale no e iini nei, e loaa ia'u kekahi manawa e holoholo ai, no ka hanu ana i na ea oluolu o kuu aina hanau; aole no hoi au e hoopoina ana no kau mau mea i kamailio mai la, no kou hoea hou mai i ka hokele ma keia kakahiaka."

            Me kela mau kamailio mawaena o na hoaloha a elua, huli aku la o Keaka Mebure hele ma ke alanui e hoea aku ai i kahi i ku ai o ka hale oihana o kona mau haku, no Kapena Ivana hoi, hele aku la oia no ke alanui e komo ana iloko o kekahi mau kihapai, a no kona ike, he nui na kumulaau malumalu ma kela mau kihapai nani, hoopau loa ae la oia i kona noonoo mua, no ka hele ana aku iloko o ka paka e holoholo ai.

            Ke hele la ua o Kapena Ivana ma na alanui kikeekee oloko o na malapua, ahiki i kona hoea ana aku i kahi e ku ana he koa kiai, ike iho la oia i ka nui o kona hewa, o ia kona pee ana, me kona hoike ole iaia iho imua o na poo o ka oihana koa, aole no nae on a ku aku e nana i kela koa, ke hele la no oia ahiki i kona noho ana aku, maluna o kekahi noho loihi, malalo o kekahi kumulaau nui, ia wa oia i hooho ae ai i keia mau olelo:

            "Ua pololeo maoli ka Keaka mea i kamailio mai ai ia'u, aia i'o kekahi mea ano nui loa iloko o ko'u ola ana aku. Malia mamuli o ka'u mau hana maikai e hooko aku ai, e loaa mai ai he noho hauoli ana. Pehea la, aia no paha o Bela ke noonoo nui mai la no'u? No'u iho, aohe a'u mea hoomanao no kela kaikamahine, koe wale no he kaikamahine oia me ka lauoho ulaula, a he hana maikai ole paha na'u, ka hoole ana aku i kona mau makemake.

            " O kuu hauoli nui, o ia no ka hoopoina loa o kela kaikamahine i ka noonoo ana no'u, a ua makaukau loa au e mahele hapalua i na waiwai o kuu makuakane mawaena on a ame a'u; aka nae hoi, in a ua paa no kona manao owau kana kane e mare ai, alaila, aole a'u hana e ae, o ka hooko wale aku no i ka makemake o kuu makuakane, a e hoao hoi au ma na ano apau, e lilo i kane makee i kana wahine."

            He nupepa puka kakahiaka kekahi a Kapena Ivana o ke kuai ana, wehe ae la oia i kana nupepa a hoomaka iho la e heluhelu, o kana nae e ike la, he kakaikahi wale no na inoa hiki iaia ke hoomaopopo, o ka nui o na inoa na kanaka e paa ana i na oihana iloko o ka aina, he mau inoa wale no i malihini iaia.

            Oiai nae ua o Kapena Ivana e nanea la i ka nana i kana nupepa, hele mai la kekahi keonimana okoa aku, a noho iho la ma kekahi noho, he mai i-a wale no ke kaawale mai ke kapena opio aku, oia no kela keonimana hookahi, i  nana pono loa mai ai iaia nei, ma ka po aku mamua, ia laua i hele ai me Keaka Mebure e hokomo i ka leka maloko o ka pahuleka.

            Mahope o ka nana pno ana mai o ua kanaka la ia Kapena Ivana no kekahi manawa, hele okoa mai la oia imua o ke kapena opio a pane mai la:

            "E noi aku ana au i kau mau huikala ana mai ia'u," wahi ana me ke kulou ana mai imua, "ke ole au e kuhihewa, eia au ke kamailio aku nei imua o kekahi mea a'u i kamaaina ai!"

            Puiwa hikilele ae la o Ivana i ka lohe ana mai i ka leo o ke keonimana alihini, me ka alaalawa ana e o kana nana ana mahope o kona kua, malia paha he mea okoa ka kela kanaka i kamailio mai ai, a iaia nae i ike ae ai, aole he mea okoa ae oia wale no, ua hookahaha loa ia aku kona manao, no ka mea akahi no oia a ike mai i kela kanaka, a o ia ka ua o Ivana o ka pane ana mai:

            "Ke pohihihi loa nei au, no ko'u ike ana ia oe mamua."

            "Ae, ua halawai mua no kaua a ua kamaaina oe ia'u, a pela hoi au ia oe," i pane aku ai ke keonimana malihini.

            "Ke kanalua loa nei au, no kena mea au e kamailio mai nei e ka hoaloha, no ka mea, ua kaawale au mai Enelani aku nei, no kekahi mau makahiki ae nei i hala, a o ko'u hoea koke ana mai nei no ia ma nehinei aku la," me ka hoao ana ae o Ivana e ku iluna, ua paa e aku la nae ke keonimana malihini, i kona lima, maluna o ka poohiwi o ke kapena opio me ka pane ana mai:

            "Akahi a hooiaio loa ia mai ka'u mea i hoohuoi mua ai nou, o oe no o Kapena Ivana Leonada, ka mea a koonei poe i manaoio loa ai ua make oe. Ua loli maoli oe mai kela ano mau ou, i kamaaina i kou mau hoaloha lehulehu, aka nae aole e hiki kou mau ano hou, i mea e kuhihewa ai ka ike a ko'u mau maka.

            "Ua ike mua au ia oe i ka po nei, ia oe ame kou kokoolua e hele mai ana e hookomo i ka leka ma ke kihi o ke alanui, a ua ike pu aku au i ko olua hoi ana no ka hokele. No kela ake no e maopopo ia'u o Kapena Ivana i'o paha oe, ua hele okoa aku la au i ka hokele e ninau ai i keia kakahiaka, a hoike mai nei ke kakauolelo o ka hokele o oe i'o no ka'u mea i ike ai, pela au i hookolo mai nei ahiki i kou loaa na iho la ia'u."

            "Henani ia, ua loaa iho la au ia oe, e ninau aku ana au, owai kou inoa?"

            "Owau no keia o Kimo Malo, ka loio o kou makuakane i make."

            Akahi no a ikeia aku ke auhee ana ae o kela nanaina kunahihi mai ia Kapena Ivana aku, a lamalama mai la kona mau maka, me ka haawi ana mai i kona lima akau no ke aloha ana me ka Loio alo, a o ia kana o ka i ana mai:

            "He keu aku a ko'u hoohewahewa loa ia oe e Mr. Malo, o ke kumu paha, iloko o ko'u mau la opio, he uuku loa ko'u noonoo no na kanaka lawelawe oihana, pela i hookokoke ole aku ai au imua ou ame kuu makuakana, ma na manawa a olua e kamailio ai, ma na mea pili oihana.

            "Ua noonoo au, no ke kakau ana aku i leka ia oe, i ko'u wa e hoi aku ai e noho me kuu hoaloha me Keaka Mebure, ma kona home kuaaina, no na pule elua, eia ka e hui ana kaua ma keia wahi. Ua nui ko'u ma'i iloko o na mahina loihi ae nei i hala, eia nae he moolelo loihi ia, e hiki ole ai ia'u ke hoike ae i keia wa;  o ka'u wale no e nonoi aku nei i kou oluolu, o ia kou noho hamau loa ana no kau mea i ike ai no'u, ahiki i ko'u ae ana aku ia oe, e hoike ae imua o ke akea. Aole au i makemake e hoopilikiaia mai au ma kekahi ano, ahiki i ka loaa ana ia'u o ka ikaika maikai."

            "Ke ike aku la au i kou manao, e Kapena Ivana, a@ke hooia aku nei hoi imua ou, aohe au mea e hopohopo ai no'u. Aole au i kamaaina ia Mebure, aka ua lohe wale no au i kona inoa. Aohe au mea i ninau mai nei ia'u e Kapena Ivana e pili ana no kou home?"

            " Oke kumu no ea, ua ike au, aia kela home iloko o ka lima o kekahi mea hiki ke hilinaiia."

            "Ae, o ia hoi, ua manao oe, eia kela home malalo o ka'u malama ana, pela me na waiwai e ae o kou makuakane, aole nae pela ka mea oiaio, a ua pomaikai loa keia loaa ana iho la ou ia'u.

            "O ka mea oiaio loa, ua pau ko'u noho ana ma ke ano he loio no n awaiwai o kou makuakane; a no na mahina eha i hala ae nei, aole a'u wahi mea i lohe iki e pili ana no kou home ame na waiwai i manaoia nou. Mahope iho o ka make ana o kou makuakane, ua lawe holookoa aw o Miss Kalani i ka hoohana ana i na waiwai apau iloko o kona mau lima, a oia ka haku a on a o Kanale Hale."

            " O ke ano iho la no paha ia, i hoomaopopoia, mamuli o ko'u make ana, aka nae, o ka mea nana i hookahaha mai i ko'u noonoo, o ia no kou waiho ana aku u ka noho loio ana no kela mau waiwai, no ka mea ua manao au e kakae aku ia oe, e haawi mai i kekahi huina dala ia'u, ahiki i ka ikaika kupono ana o ko'u kino, ia wa kaua e hooponopono ai i na mea apau, aole au i makemake e lohe au na aliikoa , ua ola hou au, a na'u ponoi no e hoike aku ia lakou, ke pau keia pilikia o ko'u noho nawaliwali ana.

            "Ua maopopo no ia oe e Mr. Malo, ka nui o na hana hoopilikia, in a no ka loheia ae, aole au i make; a o kekahi no hoi, he makemake au e hookahaha aku i ka nao o Mins Kalani; no ka mea u amaopopo no ia oe, ka manao i hoolalaia e kuu makuakane no ka hoohui ana ia maua ma ka mare. Ina aia no ka manao o kela kaikamahine no'u, alaila ua paa kuu manao, e hooko aku i kela makemake o kuu makuakane, aka hoi, in a he mea okoa loa ka MissKalani i make make ai i kane nana, alaila e mahele hapalua no au i na waiwai mawaena o maua iho."

            "Aole na'u i haalele okoa aku, i ka noho hooponopono ana i na waiwai o kou makuakane, aka ua hoopau okoa ia mai au e Bela Kalani, no ka mea aole on a makemake ia'u, a ua hiki no ka iaia ke hooponopono i kona mau waiwai o keia iho la ka mea oiaio loa."

            "Aole he maopopo iki ia'u o ka mea a kela kaikamahine i hana mai ai," i namumanu liilii wale iho ai no o Kapena Ivana iaia iho.

            "Ua lawa ae la no ka'u mea i makemake ai e ike, nolaila aole au e hoopilikia hou aku ana ia oe e Kapena Ivana. Ina ua makemake oe i ke dala, ua hiki ia'u ke haawi aku i kekahi huina elike me ka nui au i manao ai, a e nana mau mai oe maluna o'u, ma ke ano he loio nou, eia nae, aole au e waiho aku ana i kekahi koi no kou mau waiwai ahiki i kou kauoha ana mai ia'u e hana aku pela. O ka'u kauoha wale no ia oe, e hoopoina loa oe i na mea e pili ana no Kanale Hale ame Miss Kalani, a e hoolilo i kou mau pule hoomaha, ma ka noonoo wale ana no, i na mea e loaa ai ka ikaika kupono i kou kino."

            Kuwakuwai ae la ka Loio Malo i kona mau lima, a ninau hou mai la: "Heaha ka huina dala kupono au i makemake ai e Kapena Ivana?"

            "I mau hanaeri paona, in a e hiki ana ia oe ke kokua mai no keia manawa, oiai ua aie au i kekahi huina dala, i kekahi hoaloha ma Amerika, a no ka hookaa ana aku i kela aie, pela ai i noi aku la i kou oliolu e kokua mai ia'u."

            "Ua hiki kela e haawi mai oe i ka inoa o kou wahi e noho aku ana, @ hiki ai ia'u ke hoouna pololeo aku i ke kikoo dala ilaila, e loaa ai ia oe me ka maalahi loa," alaila haha'i mai la o Kapena Ivana i kona wahi e hoi aku ana e noho pu me kona hoaloha.

            "Ma keia auwina la ai e hoouna aku ai i ko kikoo dala, a malia o holo aku au no ka ike ana iloko o keia mau la aku, no ka mea he nui no ka'u mau hana, ma kou wahi e hoi aku ana e noho; a ke hoea aku au ilaila, in a no ko kaua halawai pu, e loaa ana kekahi manawa nui kupono a kaua e kukakuka pu ai, no na mea e pili ana i kou mau waiwai. Ke lana nei kuu manao, e hoi hou mai ana ka ikaika maikai i kou kino, mahope o ka hoohala ana he mai pule ma na wahi kuaaina, a i hoike aku no au ia oe e Kapena Ivana ea, ua oi aku mamua o ka mea hiki i na huolelo ke kamailio ae, ha piha maoli o kuu naau i ka hauoli, no keia ike hou ana ia oe, no na kumu lehulehu a'u e hoakaka aku ai imua ou, ma keia hope aku."

            "Ua maikai loa au i keia manawa au e ike mai la, he oki loa au, i ko'u mau la e noho ana ma Amerika, e hiamoe wale ana no au maluna o ko'u wahi moe, a ke hooikaika mau nei au, ma na ano apau, i wahi e auhee aku ai ka nawaliwali mai a'u aku."

            "Pehea e ae mai ana anei oe e hoi like kaua no ka hokele?" wahi a ka Loio Malo, no kona makemake e hoomau aku i ke kamailio ana me Kapena Ivana, no ke ake wale mai no keia e loaa iaia ka ike, no ke ano i pakele ai o Ivana mai ka make mai elike me ia i manaoio ia ai e na mea apau.

            " E noi aku ana au i kau mau huikala ana mai e Mr. Malo, aole e hiki ia'u ke hele pu aku me oe, he hookahi a'u hora i makemake ai e hoonanea hou maanei nei, aole e hiki ia'u ke au'a hou aku ia oe e noho mai, he kanaka nui oe o ka hana, aka nae, ma ke kakahiaka o ka la apopo, e lohe mai ai au mai ia oe mai, a mai poina i ka hoouna ana ae i ke kikoo dala ma ka inoa o Mebure kuu hoaloha."

            "Mai kanalua iki oe no ia mea, e hoea aku ana ia ma ka la apopo,: alaila haawi ae la ke aloha hope mawaena o Kapena Ivana ame ka Loio Malo, o ka huli hoi aku la no ia o ka loio no ke kulanakauhale, a noho iho la no hoi o Kapena Ivana, hoonanea maloko o na malapua nani.

 

                                                                                    MOKUNA VI.

            Ua hele a pau ka hapalua o ka hora umi-kumamalua, akahi no o Kapena Ivana a hoea aku no ka hokele, e kakali mai ana no o Keaka Mebure iaia, me ka hele a pihoihoi kona noonoo, no kona manao, ua halawai paha kona hoaloha me kekahi pilikia, iaia nae i ike mai ai ia Kapena Ivana, hoomaka koke mai la oia e kamailio i ka pane ana mai:

            "Ua ele maoli au a piha i ka nauki, no kou hoi koke ole mai i ka hokele nei, a ua ala mai na noonoo like ole iloko o ko'u poo, e aneane loa ai au e ku a hehena, akahi no a loaa ia'u ka maha, ua hoea mai la oe.

            "No ka'u hana i hele aku nei e hui me ko'u mau haku hana, ua holopono na mea apau elike me ia a'u i hoolala mua ai, a ua haawi mai nei ko'u mau haku, i na mahalo kiekie ana ia'u, no ka holomua o ka'u misiona no Amerika, a ua hookuuia mai nei au e hoomaha no elua pule holookoa, nolaila aole a kaua hoolalau ana i koe, aka e hele koke kaua e ai, alaila kau aku maluna o kekahi kaa, no ka hale hoolulu, aohe hewa o ka hoea mua i ka hale hoolulu i ka wa kupono!"

            Ua hana hewa loa au ua oe e Keaka, no ko'u hoolalau wale ana aku nei no, a i@a paha ma ke kaa au i kai mai nei, ua hoea mai no au i ka wa kupono, aole nae pela, i hoi wawae wale mai nei no au ahiki i ka hokele nei, aole nae o'u wahi ike mai i ko'u maluhiluhi."

            Hele aku la ua mau kanaka opio nei noloko o ka rumi aina o ka hokele, a ia laua e ai ana i ko laua aina awakea, pane hou aku la o Kapena Ivana:

            "He mea hookahaha ka'u e hoike aku ana imua ou e Keaka, o ia no ko'u ikeia ana mai nei."

            "Auwe no ka hoi e! E kala kahiko no au i hoike aku ai ia oe e akahele loa oe o ikeia mai, eia ka e pau ana ka manaolana, no ko kaua hoohala i kekahi mau pule elua iloko o ka hauoli," wahi a Keaka Mebure, me ka waiho ana iho i ka pahi ame ke o iluna o ke pakaukau.

            "O ka mea i ike mai nei ia'u, o ka loio no ia o kuu makuakana o Mr. Malo, a ua pomaikai loa au i kona loaa ia'u," alaila hoakaka mai la o Ivana, i na mea apau i kamailioia mawaena on a ame ka Loio Malo, me ka hoauhee loa ia ana aku o kela noonoo maikai ole iloko o Mebure no kona hoaloha.

            "Ma kau mau mea i hoike mai la ia'u e Kapena Ivana e pili ana i na hana a kela lede, Miss Kalani, aole aku la o'u hoihoi iki iaia; a ma kana mau hana no hoi e hiki ai ia kaua ke ike aku, aole oia i kupono iki i wahine nau; e hoea mai ana nae i ka manawa e hookahahaia aku ai kona noonoo, i kou wa e oili aku ai, me ka maopopo mua ole, elike ana oe me kekahi poka pa-hu i kiolaia aku imua ona."

            "Aole ha maopopo iki a ka'pu mea e hana aku ai. He oiaio, mamuli o na lono e pili ana i ko'u make ana, ua loaa ke kuleana ia Miss Kalani, e koi mai ai i na waiwai apau nona; o ka mea wale no nana i hookahaha loa mai i ko'u noonoo, o ia kona hoopau ana aku i ka Lolo Malo. Ua lohe wale no au, he loliloli wale ke ano o na wahine; pela paha hoi ke ano o Miss Kalani!"

            "Aole i pau loa na wahine ma kela ano, o kekahi poe wahine, he kupaa loa lakou, aole nae a kaua hoopau manawa wale ana maluna o keia ninau. Olelo mai nei oe, ua aie aku nei oe ia Mr. Malo he elua hanaeri paona, nolaila aole a'u mea e hana aku ai nou, pela anei? Ua kikoo mua aku nei au i ko'u uku no ekolu mahina no ka manao e kokua ana mai ka loio kahiko mai o kou makuakane!"

            Mahope o ke kani ana o ka hora ekahi o kela la, kau aku la na kanaka opio maluna o ke kaa, a holo pololei aku la no ka hale hoolulu kaaahi, malaila i hoouna aku ai o Mebure he kelekalapa i kona makuahine, e hoike aku ana i ko laua manawa e hoea aku ai ma kela ahiahi ma ko lakou home.

            "Maluna kaua o ke kaa o ka papa ekahi e kau ai e Kapena Ivana; he manawa loihi keia mahope o ka make ana o kuu makuakane hanauna, aole o'u kau hou malina o ke kaa maikai, aka ua nui ke dala ia'u i keia wa, pela au i manao ai, e hoikeike ae kaua, i ko kaua mau kulana keonimana, aole hoi e huikau pu me ka nui o na ohua maluna o na kaa o ka papa elua."

            "Heaha auanei in a o kou makemake ia ea, aole no a'u hoole ana aku, eia au malalo o kou malu: he keu maoli no oe e Keka a ka hoaloha maikai loa, aole ana no hoi e nele ka holomua o kau mau oihana ma keia mua aku."

            "Pehea no ko'u manao, a ua makemake au e komo pu aku ma ke ano hoahui, iloko o ka hui a'u e noho hana nei, o keia ka'u mea nui loa i noonoo mau ai i ke ao ame ka po, a pela no hoi oe i ike mai ai ia'u, e hooikaika ana i ka'u mau hana."

            "Ina o kou makemake ia ea, alaila aole no he hana paakiki, kou lilo ana aku i hoahui, no kou mau haku hana, o kou hookomo wale aku no i kekahi huina dala, i ka wa e ike mai ai o kou mau haku hana, e wikiwiki loa mai ana laua, e hookipa aku ia oe, ma ke ano he on a iloko o ka hui, no ka mea me ka nui wale no o ke kumuwaiwai e hiki ai na hui ano nui, ke hoohanaia."

            "Ua maopopo ia'u kena mea au e kamailio mai nei, aka nae heaha ka mea hiki ia'u ke hana aku, oiai owau kekahi o na kanaka i kauka'i aku, i ko'u pono o ke ola ana, ma na hana a'u e lawelawe nei?"

            "He mau hoaloha oiaio loa kaua, a elike me kau hana maikai ia'u, pela no auanei au e panai aku ai. Ua hiki ia'u ke haawi aku ia oe i mai kaukani dala in a ia he kumu nou e lilo ai o oe kakahi o na hoahui, a ua hiki no hoi ia oe ke uku mai ia mau dala, me ka ukupanee ole, i kau manawa no e ike ai, ua loaa ka holomua ia oe."

            No keia mau hoakaka a Kapena Ivana, lalau mai la o Mebure i ka lima o kona hoaloha, me ka i ana mai:

            "Ke haawi e aku nei au i ko'u mahalo kiekie loa ia oe, no kou makaukau e haawi mai i na kokua ana no ko'u pono. Ina e hoea i'o mai ana ka manawa a'u e makemake ai e lilo i hoahui, alaila e kamailio aku no au ia oe, no keia manawa la, he hookahi a kaua mea noonoo, o ia no ko kaua noho aku iloko o ka hauoli, i na pule elua, me ka noonoo hou ole ae no ka hana."

            I ke ku ana mai o ke kaaahi, kau aku la laua nei, ma kekahi kaa i hookaawaleia no na ohua o ka papa ekahi, a oiai laua e nanea ana, i kamailio hou aku ai o Mebure:

            "Aole a'u meahuna e huna ai mai ia oe mai e Ivana. Ua like ko'u ola ana me kekahi buke hamama, ua kamaaina ka poe apau i ike ia'u, i ka'u mau hana, a aole a'u mau hana hoohaahaa e hoomaopopo nei a'u i lawelawe ai, e pau ai ko lakou hilinai maluna o'u."

            "Aole loa he wahi kanalua iki iloko o'u no ka oiaio o kena mau olelo au e kamailio mai nei e Mebure."

            "He hookahi wale no nae wahi mea ano e o ko'u ola ana, o ia no ko'u haulehia ana i ke aloha, no kekahi wahine opio u'i. Ua lilo au i mea nui i kona ohana, a ua nana mai lakou ia'u, ma ke ano, owau ke kanaka i kupono loa i ko lakou makemake, aka nae, i ka manawa i make aku ai o kuu makuakane hanauna, i loko o ka nele ame ka ilihune, ia wa i nanakee mai ai lakou ia'u, a hoomamao aku la no hoi mai ia'u aku, me ko'u piha maoli i ka hilahila. He kanaka waiwai kuumakuakane hanauna i kona manawa e ola ana, ua hana oia i kana palapala kauoha hooilina, e hooili ana i kona mau waiwai apau maluna o'u, o ka mea apiki nae; mahope mai o kona make ana, i loaa mai ai ka ike ia'u, aohe he wahi keneka hookahi ma kona inoa i waiho iho ai ma keia ao na'u.

            "Na keia mea i hoopau ae i na manaolana i@ ko o'u no keia ola ana, pela hoi ka upu ana aku, e no mai kela @@@ opio a'u o ke aloha ana, i wahine mare na @, hoomamao loa mai la au ia'u @@ o mai iaia mai , no kuu ike maoli iho no, owau kekahi o na kanaka ilihune."

            "Owai ka inoa o kela lede opio au i haulehia ai i ke aloh@ nona, aole oe i hoike mai nei i kona inoa?"

            "O Miss Kakalina Gena kona inoa. Pehea ua kamaaina no anei oe iaia? Ina ua kamaaina oe iaia ea, me he mea la, iloko paha o kona mau la kamalii loa."

            "Ua lohe au i kona makuakane, a ke ole au e kuhihewa me hea mea la, he hookahi, a i ole he elua paha manawa a'u i halawai pu ai me ia. Ma ka'u mea i hoomaopopo nona, oia kekahi o na kanaka piha haaheo, a oia no hoi kekahi kanaka ilihune i kulike aku kona kulana me ko Ioba, i hoa kakaia maloko o ka Baibala."

            "O kena iho la na ano o ka makuahane o Kakalina. Ua aloha kela kaikamahine ia'u, eia nae he kaikamahine hoolohe loa keia i kona mau makua, nolaila aole e hiki iaia ke holo mahuka mai na makua mai, o keia iho la ke kumu o ko maua kaawale ana, ahiki mai i keia la."

            Iloko oko laua nei nanea i ke kamailio, ua kani ae la ke oeoe o ke kaaahi, a holo malie aku la no hoi ke kaa, a iloko o kela manawa hookahi, i lohe aku ai laua nei i ka haluku o na wawae o na ohua, e pii mai ana noluna o ke kaaahi, me ka hele pololeo ana mai o kekahi keonimana, no ke kau ana mai iluna o ko laua nei kaa, iaia nae i ike ai ua paa ka puka i ke kiia, wehe ae la oia i kana ki ponoi, a iloko o ka manawa pokole loa, a aia ua kanaka nei iloko o ke kaa kahi i noho ai, me ka uu ana ae i ka puka aniani iluna, a kamailio aku la i kekahi mea mawaho o ke kaa.

            "E akahele loa oe e Hale Fandale, aole no keia manawa ua holopono kou hoao ana aku la e komo iloko o ke kaa me ka maalahi, aka no kekahi wa hou aku, in a e ikeia mai ana kau ano hana, e na on a o ke kaaahi, e ike ana oe, i ko nukuia, me ko mibi no kou ku-e ana in a rula o ke kau ana iluna o na kaaahi.

            "Holo ae no hoi paha e Kimo i kakahi manawa no ka hoohala ana i kekahi mau la ma ko'u wahi, pehea ia i kou manao?" i kamailio aku ai o Hale Fanadale mailoko aku o ke kaa.

            "Ae, ua pono kela e hoea aku ana ai i kekahi manawa o keia pule, aka nae, mai poina oe i ka hoouna ana mai i kope o kela buke moolelo maikai au o ka haanui ana mai. Ea pehea kela wahine huapala a kaua?"

            Ma kela wahi, i ani peahi aku ai ka limao ka Haku Fanadale i kona hoaloha, o ka haule iho la no ia noho ilalo, me ka nana ole mai i nakeonimana e noho la maloko o ke kaa hookahi, wehe ae la i kekahi nupepa, me ke ciga, alaila noho iho la heluhelu oiai hoi e hoopua'i ana i ka uwahi o kona ciga.

            No keia komohewa o ka hoea aku, ua hikiole ia Kapena Ivana Leonada ke kamailio me kona hoaloha, i kekahi mau olelo i pili loa ia laua iho, no ka heluhelu hoi o ka Haku Fanadale i kana nupepa, hemo ae la ka laua nei mau nupepa, he hookahi ko lakou heluhelu like ana i na nupapa a lakou.

            I ka hoea ana aku nae o ke kaaahi i ka hale hoolulu, akahi no a onioni ae na keonimana opio, ku ino ae la o Keaka Mebure iluna, a hele aku la mawaho o ke kaa, me ka nana ana aku i na kanaka e kuku mai ana ma ka hale hoolulu, a iaia no paha ka ike i kona kaikuahine, komo hou mai la oia iloko, a kamailio mai la ia Kapena Ivana:

            "Ua pomaikai maoli kaua, ua hoea mai nei kuukaikuahine, oia kela e ku mai la ma ka puka o ka hale hoolulu: E lele kaua ilalo i keia manawa, a e kala mai oe ia'u e hele mua aku au e nana i ko kaua mau paiki," o ko laua nei lele aku la no ia, me ka hele pololei ana aku o ke kapena opio, no ka hui pu ana me ke kaikuahine o kona hoaloha.

            Aia ka Haku Fanadale ke nana mai la i na keonimana opio, a i ke kuhikuhiana aku o Mabure i kona kaikuahine, nana aku la ka HakuFanadale i kela wahine opio, me ke komo koke ana iho o ka manao hoohihi, no ka u'i maoli o ke kaikuahine o Mebure, a ke nalu wale la no oia iloko iho on a, in a ua kamaaina mua oia i kela mau keonimana in a ua lele pu aku oia ilalo, he hookahi ka hele like ana no kahi o kela wahine opio.

            Oiai hoi o Kapena Ivana e hookokoke aku ana i kahi i ku ai o Eia, ke kaikuahine o kona hoaloha, ua hele mai la o Ela imua, me ke kaa ana ma kona aoao, ke kamailio ana mai:

            "Ke ole au e kuhikewa, ua loaa ia'u ka hanohano, o ka halawai pu ana me oe e Kapena Ivana Leonada, no ka mea ua ike aku nei au i kou lele pu ana mai nei me Keaka Mebure."

            "Ke hauoli loa nei au i ka halawai pu ana me oe e Miss Mebure," ipane aku ai o Kapena Ivana, me ka haawi pu ana aku i kona lima, no ke aloha ana; i ka paa ana ae o ko laua mau lima, me he mea la ma ka nana aku a ke kapena opio, o kela ka wahine mua loa nana i ume aku i kona manao hoohihi, i kau a mea o ka u'i maoli no kona helehelena, ka oluolu o kana mau olelo, ame ke kilakila o kona kulana.

            Oiai laua nei e ku ana, ua hoea mai la o Keaka Mebura, a honi ae la i kona kaikuahine me ka ninau ana aku: "Pehea o mama?"

            "He maikai no oia, a ke kau mai la kona mau maka o kou hoea aku me kau malihini."

                                                                        (Aole i pau.)