Ka Nupepa Kuokoa, Volume LXI, Number 5, 3 February 1922 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
NUPEPA KUOKOA, HONOLULU, T. H. POALIMA, FEBERUARI 3, 1922.
He Aoao Keia i Hookaawaleia no na Manao o ke Komisina o na Home Hawaii, Hoopulapula Lahui
KE OLA MAMUA, MAHOPE KA HOOPUKAPUKA.
NA KOMISINA
W. R. Farrington, Lunahoomalu;
J. K. Kalanianaole, Lala; Rudolph M. Duncan, Lala;
Akaiko Akana, Lala; Geo. P. Cooke, Kakauolelo.
Meakakau Nupepa, malalo o ke Kakauolelo,
JOHN H. WISE.
Malalo o ka lokomaikai o ka on a o keia Nupepa Kuokoa. L. A. Thurston (Kakaina), ua haawiia mai keia aoao no na manao pili i na haua a ke Komisina Hoopulapula Lahui Hawaii. Nolaila e loaa ana he mau manao pili i ka hana a ke Komisina ma keia aoao.
Ma keia aoao e ike ai ka poe heluhelu in na hana, na makemake, ame ka hoolala ana ao ka hoomaka ana o na hana maluna o ka Mokupuni o Molokai.
Ua hamama no hoi keia aoao no na ninau pili i keia hana mai na Hawaii mai, e makemake ana e ui i ke Komisina no na mea like ole i makemakeia e ninau mai.
"E Na'i Wale No Oukou i Kuu Pono Aole e Pau."
I na hora hope loa o ke ola ana o Kamehameha I, oiai e wili ana ka ma'i iaia, a e hiki ana no paha iaia ke ike, na kokoke mai kona make, a e hoi aku ana kona uhane me kona mau kupuna, i hele aku mamua on a, ua hoopuka ne oia i kela mea huaolelo mamua ae.
Owai la o kakou e ola nei i keia la, e hiki e ike i na manao ame na kuko iloko o ka naau alii o keia kanaka Hawaii,, i pii ae a kau maluna o ka nohoalii, mamuli o kona ikaika ame kona wiwoole, i kela mau hora hope o kona ola ana. Aole kakou e kuhihewa ke olelo ae, ua leha aku kona mau maka, a ike i kana mau hana mai kona wa kamalii mai, ahiki i keia mau hora hope. He oiaio no ua uuku keia mau hora, aka, ua hiki iaia ke hoomaopopo i kana mau hana iloko o na la o kona ola ana.
Ia kakou e huli aku ai a nana io i kana mau hana, ua maalahi loa ko kakou ike ana, ua nui i'o kana mau hana e hoike mai ana i kona ikaika me kona wiwoole. Aka, ma ka aoao o na hana e imi ana i ka pono o kona lahui, ua nui a lehulehu na hana i hanaia eia.
Ua make aku kona makuakane i kona mau la he 10 a 12 paha makahiki. Ua make ola i ke alo o Alapainui. O Kalaniopuu ame Keoua ka makuakane o Kamehameha he mau hoahanau, ua like no hoi ko laua noho ana me he la he mua a he muli. Ua manao wale ia i make o Keoua ia Alapainui, a no ia kumu na kii aku o Kalaniopuu e kaili mai ia Kamehameha i ka manawa i make aku ai o Keoua. Mai kela la mai a Kalaniopuu i kaili ai ia Kamehameha mai ke alo mai o Alapainui, ua komo aku o Kamehameha malalo o ka malu o keia makuakane, a ua lilo nana e a'o, a e imi i na mea e lilo ai oia i alii nui no uka aina. E ike mai oukou, na lilo o Kamehameha i hoakuka a i aliikoa malalo o Kalaniopuu, i na la o kona nohoalii ana ae. Iloko o na kaua a Kalaniopuu o Kamehameha kona hoa, a ua piha ko Kamehameha makahiki i ke 48 a 50 no paha i ka manawa i make ai o Kalaniopuu.
Ua pili aku ke aloha o Kalaniopuu la Kamehameha, no ka mea ua piliia e laua na la o ke kaua ame na la o ka maluhia. Ua a'o aku o Kalaniopuu i kona ike kaua apau i keia keiki a kona hoahanau, 3 ua a'o pu aku i ka noho aupuni ana. Aole keiki e noho ana i ke alo o na alii o ia mau la o Hawaii nei, e nele i ka manao ana o na a'o e loaa ana iaia, he mau a'o pili kalaiaina.
Ua hele mai na kanaka imua o ke alo o na alii o ia au, ma ke ano he mau hoa kuka, a he mau kokua ma na oihana kau. Aole alii kiekie i nele i ka ike i na hana like ole. E ike oe i ka mihini, ka lawai'a, ka malama ka naka, ka ike ana i na kanaka aloha ia oe, ke kilo ana i ke ano o na alii e noho mai ana ma kou mau palena aina, a o ka oi aku paha o ka ike i ka hoolakalaka kanaka.
O keia mau ike ua loaa ia Kamehameha, a i kona pii ana ae ma ka nohoalii o Hawaii, ua pii ae oia me ka nohoalii o Hawaii, ua pii ae oia me ka lawa pono i keia mau ike, a mamuli o keia naauao i loaa iaia, pela oia i pii loa ae ai a lilo i Alii maluna o na paemoku o Hawaii nei.
Nolaila i kela mau hora hope o kona ola ana, ua leha aku kona mau maka ihope, a ua hoomanao ae i na la o kona hooikaika ana me kona makuaalii, a pela pu no hoi na la o kona noho alii ana. Ua kaupaona oia iloko o ia mau hora i kana mau hana, a ua ike oia, ua oi ae ke ko'iko'i o na hana pono i hanaia eia mamua o na mea e ae. Pela oia i hoopuka mai ai i kela mau huaolelo poina ole, "E na'i wale no oukou i kuu pono aole e pau." E ninau iho ana paha kakou, heaha @oana mau hana pono i hana ai. Aole a hiki ia kakou e pane i keia ninau, in a aole kakou e komo aku ana e nana no kakou iho, i na hana a Kamehameha I.
O ke kaua paha ka hana oi aku o ka hoopilikia i na makaainana o ia mau la. Aole e hiki ia oe e hooiaio iho nau kau mau mea i luhi ai. I ka manawa o ke kaua, ua hao wale ia kau mau mea apau. I ka lilo ana o Kamehameha ka Moi, maluna o keia mau paemoku, ua hoopauia ia mea he kaua, a ua ike iho ke kanaka makaainana i kona ohi i na loaa a kona mau lima i lawelawe ai. Ia mau la, aole i maluhia ke kanaka i kona hele ana ma na alaloa o na mokupuni o keia mau paemoku. E noho mai ana na powa ma na wahi ulunahele o na alaloa; e noho ana ma na kipapapali; e pee ana ma na kuono poeleele, a ma na wahi kanaka ole. Ua ike o Kamehameha i keia pilikia, a i kona lilo ana i alii no kekahi hapa o Hawaii, ua hoopuka ae oia i keia la e ike iho ai i ke ko'iko'i, "Ma mamalahoa kanawai." Ua hiki i ka elemakule ame ka luahine, ke keiki liilii, ame ka poe apau, ke hele ma na alaloa me ka hoopilikia ole ia; ua hiki ia lakou ke moe ma ua mau wahi maluhia ole, i na la i hala aku.
I keia mau la o ka maluhia, e kiaiia ana kou mau aoao apau e na kanaka i ukuia no ia hana, aole kakou e ike ana i ka waiwai o keia kanawai a Kamehameha. I keia la, ua lilo ka mea hana hewa i mea hoopa'iia e ke kanawai, a mamuli o ke ko'iko'i o keia hoopa'i, pela ke kanaka makemake hana hewa i maka'u ai, a hiki ole e hana i na hana hoopilikia wale aku i kona hoa kanaka.
Ia mau la, owai ka mea nana e huli aku a e hoopa'i i ke kanaka hana hewa? Aole hookahi. O kou hele me kou makaukau i na manawa apau, o ia wale no kou palekana, o ia hoi me na hoa lehulehu e hele pu ai, a e hele i ka manawa maamaama. Ua hoololiia keia kulana kupilikii, i ka manawa a keia kanawai a Khmehameha i haawi mai ai. Ua pau kela maka'u ame kela weliweli i ka poe powa. Ua maluhia kou hele ana.
Mamulio ka noho nele ana o na makaainana i ka aina, pela i lona ai he manao hoopii wale i keia lahui. O ka nele aina pah, ka nele oi aku. Ua hiki oe e nele i na meaai, a e hiki ana no e loaa ia oe, mamuli o ka huli ana aku ai mea, aka, o ka nele aina, aole nele eliko me keia. O kou ikaika e hana ana maluna o ko ha'i aina, he mea ia e a'o mai ana i ke kanaka e hoomoloa.
I ke au ia Kamehameha ame na hanauna mamua aku on a, he au noho pilikia o na makaainana. Mamuli o ka ikeia he mea hoowaiwai ka paa ana i na aina, pela na alii i komo mau aku ai e kaua, i ka make ana o ka Moi. Ua ulu mei ia mamuli o ka haawi ana, ua lawe wale ia mai ka aina mai na alii e paa ana, a i loaa mai hoi i ke aliiaimoku i make aku. No keia kumu ua nui na kaua, a o ka poe ihoopilikia loa ia o na makaainana.
I ke au ia Kamehameha, na paa mau ia na aina e kona mau hooilina, a ma ia paa ia ana pela, ua maluhia aole kaua. I ke au mai hoi ia Kamehameha III, ua hawaiia mai ka aina i na kanaka Hawaii, a ua lilo i waiwai hooilina, o kela ame keia kanaka e paa ana i kona aina me ke ano kuleana. Ua nui loa nae ka mea i haawiia i na alii, a ua uuku loa no hoi ka mea i loaa i na makaainana. Ua waiho u@e keia mau mea me kekahi mau manaolana i na knaka, no ke kumu, in a h@ mau dala kae, e hiki ana ia oe e @uai i aina nou, a i k@l@a ana o i mea ia oe, ua li@o loa, aole e hiki e kiiia mai e kaili aku mai ia oe aku. O keia haawi uuku ia @ @a@ o na aina i na makaainana, ke kumu i @lu mai ai ka manao iloko o kekahi mau kanaka Hawaii, e kii a e koi aku i ka ahaolelo o Amerika, e haawiia mai kekahi mau aina e koe nei no na kanaka Hawaii, a no lakou wale no.
Ma keia manao kii aina, ua komo ikaika aku ko oukou meakakau, aina lilo i mea kakooia mai e ka Elele Alii Kuhio. A mamuli o na hoaloha i loaa i ke Alii ma ka Ahaolelo Lahui, i hilo ai keia mea i mea ike a maka ia e ka lahui i keia la. Ua loaa keia mau mea i ke Alii Kuhio. A i ko kakou huli ana aku a nana i keia hana, ua hiki ia kakou ke ike iho, o ia kekahi hana oi kelakela aku i hanaia no keia lahui kanaka. Iua ua hiki ia Kamehameha ke olelo mai i kona mau hora o ke ola hope loa ana, "E na'i wale no oukou i kuu pono aole pau," ua hiki no ia Kuhio ke olelo i keia mau olelo. No ke kumu ua imi aku oia i keia pono nou e ke kanaka Hawaii mai kona kulana makaainana aku.
Ke ku nei keia olelo kaulana i hoopukaia e kekahi o na Moi ou e ke kanaka Hawaii. Ke ku mai mae na hana a ke Alii Kuhio a hoike mai me ke hoopuka leo ole, aka, me ka oiaio nae, ua lilo kana mau hana no ka pono o kona lahui, i kiahoomanao nona, a ina aole ka hanauna o keia la i ike i keia mea, e hoea mai ana he hanauna hou, a na ia hanauna e hoomaikai mai iaia.
He oiaio aole ka lahui i lilo i mea lokahi maluna o keia hana i hanaia e ke Alii Kuhio, aka, i keia la ke ku mai nei kekahi poe i kue, a ke hooia mai nei i ka pomaikai o ka lahui, mamuli o keia mau hana. Iloko o keia mau makahiki e nee mai nei, a iloko o umi-kumamalima makahiki mai keia la aku e huli mai ana ka hanauna o ia mau la e hoomaikai mai i ka mea nana i hana keia hana nani, a manao aloha lahui.
Eia ka pania mai nei e na mahiko kekahi mau tausani eka aina, i kanuia i ke ko. Ina aole keia kanawai hoopulapula i hanaia, in a la i keia la, ua pau kela mau aina iloko o ka lima o kekahi poe okoa aku, aole hoi iloko o ka lima o ke aupuni. O ka paaia ana o keia mau aina iloko o ka lima o ka poe kanu ko, o ka mau ana no ia o keia mau aina iloko o ka lima o ke aupuni, a i ka paaia ana o keia mau aina e ke aupuni, o ka paa ana no ia o ua mau aina la nou e ka lahui Hawaii.
O ka hoomanawanui ka hana kupono ma ka aoao o ka lahui i keia mau la, a e huli a e hoomakaukau no ka lawe ana mai i kekahi o keia mau aina, nou ame kou ohana. I ke au o Kamehameha III, ua hiki ia oe ke hoolilo i kou aina, a mamuli o ia haawiia ana mai o ia kuleana, pela i pau ai na aina i ke kuaiia, a nele ka lahui i keia la. Ma Nukilani, ua papaia na Maori, kou i'o e ke kanaka Hawaii, aole e kuai i ko lakou mau aina, a mamuli o keia kanawai i hanaia, ke waiho la no kela mau aina no na Maori, a o ia no hoi ke kumu i lilo ai kela lahui i lahui waiwai i keia la.
O ia mau haawina i loaa i ka lahui Maori, o ia keia i haawiia mai la ia oe e ka Hawaii. Elike me ka loihi o ka paa ana a ke aupuni i keia mau aina, pela no ka loihi o ka hiki ana e malamaia ua mau aina la nou e ke kanaka Hawaii.
Ma ko ke Alii Kuhio aoao, ke ku mai nei oia maluna o ke kahua a Kamehameha I i ku ai, a o ko laua moto, hookahi, keia a kakou e ike aku nei, e kau ne la maluna o keia mau manao.
Ua komo mai kekahi mau ninau, pehea la e ola ai ke kanaka e hoi ana ma keia mau aina, in a ua pau ae la keia mau dala he $3000 no na holoholona, ka hale ame kekahi mau mea e ae. O ka pane ma keia mau ninau, o ia no keia: Ua hiki no i kela ame keia kanaka e makemake ana e hoi ma keia mau aina, e waiho mai i ka lakou mau hoolilo no na mea i makemakeia. O ia hoi keia: E ike mua ia ka huina dala o kou hale, kou mau hoholona, kou mau pa, ame na mea hana. A ina e @ao ana ke kanaka, e hookoe ana oia i kekahi mau dala no ka ai no na holoholona ame oe pu iho no. Aole ke Komisina e hoole mai ana i keia. Aka, o ka mea e hooleia ana e ke Komisina o ia no kou hana ole i hale, a i mau holoholona paha, a na manao oe o keia mau dala, i mea ai nau. Aole e hiki ana pela. No ke kumu, i kou molowa ana aole ou hana, ua pau ae la keia mau dala ia oe i ka aiia, a o ke Komisina ua nele, a ua poho ma keia mau hana. Aka, in a ua makemake i'o ke kanaka e hoi e hana, a e hoike aku ana i ke Komisina e hookoe wale ana no oe i kekahi mau dala uuku no ka malama ana ia oe, ame kau mau holoholona o kekahi mau mahina helu wale no, e loaa ana kou mau kokua ana.
Na Hana i Hanaia e ke Komisina mai Sept. Ahiki i Dek. 31, 1921
Kukuluia Ana.
Ua malamaia ka halaw@i mua a ke Komisina i ka Poalua, Sepatemaba 20, 1921, i ka hora 4 p.m., maloko o ke keena o ke Kiaaina, a ia manawa oia i hoike mai ai ua kakauinoaia na Palapala Komisina o na lala, a ua hoohikiia na Komisina ma ko lakou kulana no na kau penei:
Mr. R. M. Duncan, 1 makahiki
Rev. Akaiko Akana, 2 makahiki
Geo. P. Cooke, 3 makahiki
J. K. Kalanianaole, 4 makahiki
Ms keia halawai, ma ke noi a ke Alii Kalanianaole, i kokuaia e Mr. Duncan, ua hooholo lokahi ia e kohoia o Geo. P. Cooke i Lunanui Manahooko ame Kakauolelo no ke Komisina, me ka uku o $6000 o ka makahiki.
I ka halawai kumau elua a ke Komisina, i malamaia i ka Poalua, Sept. 27, o ka hookohu a ke Kakauolelo ia H. L. Kinslea i kakauolelo no ka manawa na ke Komisina, me ka uka o $200 o ka mahina, ua aponoia mamuli o ke noi a ke Alii Kalanianaole, a o ia hookohu ua hoomauia i ka halawai o Okatoba 11, 1921. Ia manawa hookahi, ua hookohuia o Mr. John Wise i mea hoolaha nupepa ame maheleolelo no ke Komisina, me ka uku o $150 o ka mahina. A@a nae i ka halawai o Okatoba 25, ua hoemiia mai keia mau uku ahiki i ka $150, ame $100 pakahi, ahiki i Ianuari, 1922.
I Dekemaba 3, ua hoolimalimaia o Mr. Jorgen Jorgensen ma ka ano enekinia no ke Komisina, me ka uku o $500 o ka mahina no ke ana ana i na wai no na home, ame na holoholona maluna o na aina pili kahakai o Kalamaula, Molokai, ame na mea pili wai e ae a ke Komisina e makemake ai, a i Dekemaba 20, ua hookohuia o Mr. L. T. Lyman i mea mahiai ame akena no ke Komisina ma Molokai, me ka uku o $400 o ka mahina.
Na Hoolaha Nupepa
Mai ko'u lawe ana i keia kulana, ua manaoio kou Kakauolelo, a ua hooholo, no ka hoolaha nupepa akea ana no na hana e lawelaweia ana apau e ke Komisina, aole wale no, no ka hoomaikeike ana aku i ke akea no na hana e lawelaweia ana, aka no ka hoonaauao ana aku i ka poe e makemake ana e hoi maluna o keia mau aina. Mamuli o keia ua unuhiia ma ka olelo Hawaii na hoakaka a ka Loio Kuhina maluna o ke Kanawai Home o na Hawaii, maloko o ka Nupepa Kuokoa. Mahope mai o keia ua loaa mai he aoao holookoa o ia nupepa, malalo o ka hooponopono ana a Mr. Wise, a ke hoopukaia nei he mau manao maluna o ka ninau hoopulapula i kela ame keia pu'e. Mamuli o ka ae ana mai o ke Kula Kiekie o Hawaii, ke hoolahaia nei ma keia aoao kekahi mau a'o ana maluna o ka ninau mahiai, a ke lilo nei i mea makemake nui ia e ka poe heluhelu.
Mawaho ae o keia, ua hoolalaia e ke Komisina no ka hoouna ana aku i poe haiolelo i na papa kula mahiai ame malama home ana, ma na kula o Kamehameha ame Kula Hanai o Hilo.
Na Halawai
Mai ka hookumuia ana o ke Komisina, ua malamaia he 15 mau halawai kumau, a he elua mau halawai kukakuka, o ka mua o keia ma Molokai, Novemaba 7, a o ka lua ma Honolulu nei, Dekemaba 14.
I Novemaba 4, ua holo aku na lala apau o ke Komisina, a koe o Mr. Duncan, i Molokai, me Messrs. F G Krauss, W. T. Pope, R. J. Borden Jared G. Smith L. T. Lyman ame Albert Horner, ma ke ano he poe Ike Mahiai, a ua haalele ia Honolulu nei ma ia la no Molokai, no ka nana ana i na aina kupono no ka mahi ma ia mokupuni. Ekolu la i heleia ai e nana na aina me keia poe ike mahiai, a ua haawi pakahi mai lakou i ka lakou mau hoike ma ke kakau.
Ua aie nui keia Komisina i keia poe kanaka, no ka lakou mauhoonaauao ana mai ame ka lakou mau kuhikuhi me ka uku ole, ame ko lakou ae ana e kokua mai i ke Komisina.
Na Hoomakaukau no ka Noho Ana
Mahope mai o ka loaa ana o na hoike, mai keia poe mai i hoikeia maluna ae, ua hooholo ke Komisina e hoomaka koke no ka hoomakaukau ana i na aina pili kahakai o Kalamaula no ka nohoia e na kanaka. O keia apana aina aia ma kahi o 60 eka paha, a e puunauweia ana ma kahi o 5 eka mahi no ke kanaka hookahi ame na eka hou aku no ka hale ame na pa holoholona, ame kekahi mau eka mahi hou aku mauka. E hoomoeia ana he laina paipuwai no elima mile, no ka hoolawa ana i na home me ka wai ame na holoholona pu no hoi, a me keia wai ua holoholoia e paku'i hou aku i pauma ame na auwaha wai no ka wai hookahekahe, a ua hooholo ke Komisina e lawe lakou na lakou e hoomaemae na apana aina, me ka lawe ole o na kanaka i na hoolilo o keia hana. E kukuluia aku ana no hoi he pa mahi malalo o ke kuhikuhi a Mr. Lyman, elike ka hikiwawe me ke kupono, a ke manaolanaia nei, ua nee aku keia mau hana mamua o ka hoi ana aku o na kanaka maluna o kela mau aina.
Hoolawa Wai
Ua manao ka poe ike mahiai, a ke manao nei no hoi au pela, ame na lala no apau o ke Komisina, in a e loaa ana ka wai, e lawa ai no ka hookahekahe ana, e hiki ana i na aina ma Molokai ke hooulu mai me ka nui i na meakanu. Ua hapaiia mai ka manao e imi aku i dala mai ka Ahaolelo Nui mai, no ke kii ana i wai, ina paha ma kekahi haawina dala pololei, a i ole ma kekahi hoaie ana paha, a e hoihoiia aku keia mau dala mai na loaa mai o ke kuaiia ana o na wai, a i ole ma kekahi ano e ae paha. Maluna o keia ua komo aku ka oukou Kakauolelo e kuka'i leka pu me ke Kiaaina i pau McCarthy, ka wahaolelo o ka Hui Kalepa o Honolulu nei ma Wakinekoa, a ua haawi mai oia i kana hoopaa e kokua mai ana oia elike me ka hiki iaia, a e koi pu ia aku ana no hoi na kokua mai ka lehulehu mai maluna o keia ninau.
Na Aina o Keaukaha ame Panaewa
I Dekemaba 8, mamuli o kekahi palapala hoopii i loaa mai e weheia o Keaukaha ame Panaewa mai Hilo mai, ua hele aku ke Kakauolelo ame ke Alii Kalanianaole, e nana i kela mau aina a ua malamaia he mau halawai me ka poe na lakou mai kela mau palapala hoopii, ame kekahi poe e aku i ohohia i keia ninau. O ka hoike a ke Kakauolelo maluna o keia, ua waiho muaia aku i na lala o ke Komisina, a o ka hooko ana aku i keia mau noi e kauka'i wale ia ana no maluna o na dala ma ka waihona.
Ka Waihona Dala
Mai Iulai 9 ahiki i Dekemaba 31, ua waihoia mai ma ka waihona o ke Komisina no na Home Hawaii, mai na loaa hoolimalima mai o na aina ame na wai i ohiia e ke Komisina Aina, ka heluna o $27,164.37, me ka loaa ukukuwala o $56.62, e loaa ana ka huina nui o $27,220.99. Me ke koe o na malama o Novemaba ame Dekemaba, o na loaa wale no ma ka huina nui ka i waihoia mai, o ia hoi, "30 pakeneka o na loaa hoolimalima aina," "30 pakeneka o na loaa hoolimalima o na wai" ame "100 pakeneka o na loaa o na aina hoopulapula." Aole kekahi loaa i haawiia mai, mai na aina mai i paaia malalo o na aelike kanuko, a aole no hoi he alanui e hiki ai e loaa keia heluna ahiki i keia manawa.
Penei na lao âme na hoolilo:
Na Loaa
Iulai 9 ahiki 31……..$ 4,548.54
Augate 1 ahiki 31……. 2,063.51
Sepatemaba 1 ahiki 30.. 3,018.86
Okatoba 1 ahiki 31….. 4,254.06
Novemaba 1 ahiki 30… 4,021.25
Dekemaba 1 ahiki 31…. 9,258.06
Ukukuwala………… 56.62
-----------
$27,220.99
Na Hoolilo:
Na uku…………….. $ 3,722.47
Hoolilo Keena……… 301.20
Na Pono Keena…….. 661.50
Lilo Kaahele………… 500.91
Mea hana, Molokai… 953.49
Uku Eimahana……… 133.08
------------
$ 6,493.15
Koena……… 20,727.84
-------------
$27,220.99
Me ka mahalo,
GEO. P. COOKE,
Luanui Manahooko âme Kakauolelo.
I ka Poalima nei ka noho mua ana o ke Kamaliiwahine kane make ma kona kulana Komisina. Ua kohu, a ua hauoli ka naau i ka ike ana iho i kona makee ana i ka hana a kana Alii kane, ame kona komo ana mai e lawelawe ma kahi i koe aku o keia hana nui.
Ma ka nana aku, e lilo ana keia mau hoomakaukau ana a ke Komisina i mea hoopau mai ai i na pilikia e ikeia nei i keia mau la, e pili ana i ka poe hookuonoono home. Ina e loaa mua ka wai, a ua pau pu no hoi na alanui i ka hanaia, a ua ku kou hale ame na pa, a ua pau kekahi hapa o ka aina i ka hoomaemaeia, alaila ua hiki ia kakou ke ike aku i ke alanui o ka pomaikai no na kanaka e lawe ana i keia mau aina.
U hoi hou aku nei o Geo. P. Cooke i Molokai, no ka nana kino ana i na hana e lawelaweia mai la e ka poe hana. Ke ku nei kana kahea koho i na paipuwai no 5 mile. A ke hele pu la no hoi o Lyman, ka mea mahiai malalo o ke Kakauolelo, me ka imi ana i na mea i makemakeia e na kanaka Hawaii no lakou no ko lakou mau aina ponoi.
Hauoli nae ka naau i ka ike ana iho, mamuli o keia mau hoomakaukau ana e haweia ae ana na kuia, a e hiki aua i ke kanaka ilihune ke lawe i keia mau aina, me ka loaa hou ole aku o na pilikia, koe no hoi paha ka molowa. Aka, ke manaolana nei ko oukou meakakau, e loaa ana he poe hana wale no ke hoi ana maluna o keia mau aina. Ua pau ko kakou manao ana na ha'i e hana mai ka kakou.
Na Anoai
Ke Komo hou mai nei na noi no ka wehe koke ia o Panaewa ame Keaukaha, na aina hoopulapula ma Hilo, Hawaii. Aole hewa o keia mau koi ana mai, o ka hoomau mai ke alanui e wikiwiki ai ka weheia.
Ma keia pule ae e hoomaka ana ke Komisina e ho@puka aku i kekahi mau haawina no ka mahiai ame ka hanai holoholna, mai ke kula kiekie mai o Hawaii. He mau haawina e a'o mai ana i ke kanu ana i na meaai ame na huaai.
Ma ka hoike a ke Kakauolelo a ke Komisina o na Home Hawaii, ua uuku i'o no na dala ma ka waihona, a o ia paha ke kumu nei o keia hoopanee ana, o ka weheia o kela mau aina ma Hilo. Aka, in a ua aa na kanaka Hawaii e lawe i na aina, a na lakou no ke dala e hoohana aku ai, alaila ua pono keia mau koi.
O ka mua o ke kuahaua mai o ke Kiaaina e laweia ae kela mau aina o Keaukaha ame Panaewa, mailoko ae o ko laua kulama ululaau, alaila, mahope aku ka mahelehele ana. I keia la, eia keia mau aina a elua iloko o ka puulu o na aina ululaau. Ina ke Kiaaina e kuahaua ae ana, ua laweia mai ia puulu aina mai, alaila, e kaa mai ana malalo o ke Komisina, a ia manawa e mahelehele ai.
Ma ka nana aku ua pohaku maoli kela mau aina e makemakeia mai nei e na kanaka, aka, he hoailona nae keia ua nele maoli na kanaka i ka aina, a ua pono ka lakou noi e wehe ia. Eia ke ko'iko'i o keia ma ka aoao o ke Kiaaina. Ina oia e hoopuka ana i kana kuahaua, ke manao nei makou, ua hikiloa na kanaka e hoi ma ia mau aina, a e holonua ana ka lakou hoohana ana.
Eia ke a'o ia mai nei na kanaka Hawaii ma Molokai i ke ano o na mea e kanu ai, ame na holoholona kupono e hanai ai. Ke imi pu ia nei no hoi kahi e hiki ai e lilo aku keia mau mea a na kanaka Hawaii e hanai ai a e mahi ai. O kekahi pilikia nui o ka poe mahi mamua aku nei o ka nele i kahi e hoolilo aku ai i na mea i imila e lakou.
Ma ka hoike mai a ke ana wai ma Molokai, in a i paa mua na lua hookio wai ina la i keia la ua lawa ka wai e hoohana aku ai i na aina maloo o Molokai. He mau miliona galani kela e kahe wale la no i ka moana kai. He hoailona maikai nae ke noonoo iho, eia no ka hoi ka wai, in a e hiki e hoahuia iloko o kekahi mau lua.
Ma keia mau hoike, e lilo ana i mea manaolana nui ia ka holomua o keia lawe aina ma Molokai. Ina e loaa ana, a e lawa ana ka wai no kela mau aina, alaila e ike aku ana kakou he mau haneri o na home Hawaii ma kela mau aina waiwai nui e waiho wale mai la no i lilo he kula pipi i keia la. I ke au kahiko, ua paa wale no kela mau aina i na kanaka Hawaii.
Nani wale ka ike na aku i ka noho kinikini mai a na kanaka Hawaii maluna o ko lakou mau aina ponoi iho. E lawelawe ana i ka lakou mau hana no ka pomaikai o ka ohana. E hana ana i ka manawa o ka hana, a e hooikaika kino ana i ka manawa hooikaika kino, no ke kumu, ma ia mau hana hooikaika kino, i lilo ai ko kakou mau kupuna i poe kino nani ke nana aku.
Aloha no paha kakou e ka lahui Hawaii. mai ko kakou lehulehu mai a i keia la ke ike iho nei kakou i ko kakou ku olohelohe. E huli ae oe ma ko kua, he paia, a ma ko alo hoi, he pali. Aole pela i na la i hala aku. Nou na wahi apau. Nau no ka noho aku malalo o na alii. I keia la, he poe okoa na alii. Ua like kakou me he mau malihini la maluna o ka aina o ko kakou mau kupuna. Ae, aloha no!
Ma ko kakou aoao e ka lahui, e hookuio kakou, a e hana me ka manaolana e loaa ana ia kakou na mea a kakou i ake ai. E hoolohe i ke a'o e haawiia mai ana. E hoomanawanui, a e hooikaika i ka hana. Aole no hoi i loaa wale ka kakou mau mea e loaa nei ma Honolulu nei, aka, i loaa mamuli o ka hooikaika ana. Ina o ia hooikaika ana ma keia aina, a o ia no ka ikaika e haawi aku ai maluna o keia aina, aole o'u maka'u e nele ana kakou i ka ohi ana i na pomaikai he nui. Ua nui ka aina, a e nui mai ana ka wai, a o ka nui o ka ikaika, o ia ka kakou e haawi aku ai, a e loaa ana na pomaikai me ke kanalua ole. Aole i ol ko kakou mau kupuna, a i hoohanau mai a lupa'i keia mau mokupuni, mamuli o ko lakou molowa, aole loa; no ko lakou ikaika i ka hana, ame ko lakou mikiala i na mea e pono ai ko lakou noho ana, pela i nui ai keia lahui, a i hiki ai ke ole iho, "Le-i Kohala, i ka nuku na kanaka." O ka manao o ia mau olelo, ua piha ka aina i ke kanaka. I piha mamuli o ka ikaika hana!
Halawai 19 a ke Komisina o na Home Hawaii, Ianuari 24, 1922
Mahope o ka heluheluia ana a@ noia ana o ka moolelo o ka ha@ umi-kumamawalu, ua waiho mai k@ nahoomalu ke hoike penei:
Ma kona ano lunahoomalu o k@ Komisina, ua hele aku oia e hui m@ Kamaliiwahine Kalanianaole. @ Poalima, Ianuari 20, a waiho aku @ on a i ka olelo hooholo e komo @ ana iloko o kona luuluu, ame na @ maikai i ke Keikialii Kalanianaole aponoia e ke Komisina ma ka la@ halawai o Ianuari, a na hoike @ ke Kamaliiwahine i kona hooma@ no ia mea.
Ua hoike pu mai no hoi ka lunai malu ma ia halawai, me ke Kamaliiwahine, ua waiho aku oia i kana @ hookohu aku iaia i lala no ke Komisina, i panihakahaka ma kahi o @ kane, a ua ae mai oia e lawe i @ kulana me kona hauoli nui. Ua @ pakahi mai na lala o ke Komisina @ lakou hauoli no ka ae ana mai @ Kamaliiwahine e lawe i keia hana@ na manao na Komisina e lilo ana @ mea kokua nui mai i na hana a @ Komisina ma ke ake ana e hooholo@ i na hana.
Mahope o kekahi mau kuka k@ ilio ana, e pili ana i ka hana ma Molokai, ua hoopaneeia ka halawai ki i ke kaheaia ana mai e hui ho@ ke Kakauolelo Geo. P. Cooke.
GEO. P. COOKE,
Luna Mana Hooko ame Kakauolelo
HOOLAHA I KA POE PAA AIE
Ma ka Hana e Hoopau Ana i ka Waipunalei Agricultural Company, Limited.
O ka mea nona ka inoa malalo i@ nei, H. EDMONDSON, oiai ua hook@hu pono ia i Kahu no ka poe paa al@ ame ka poe paa mahele o ka PAPAALOA AGRICULTURAL COMPANY LIMITED, he hui Hawaii, i hoo@ ma ke kauoha a ka Puuku o ke Teritore o Hawaii, i hanaia i Ianuari 2@ 1922, ma keia ke haawi aku nei i k@ hoolaha i ka poe paa aie apau o ka @ i oleloia no ka waiho ana mai i ka la kou mau koi i ka mea nona ka inoa ma lalo iho nei ma kona keena maloko o ka Hale Davies, Honolulu, iloko @ @ la mai Feberuari 1, 1922 aku. O @ koi apau e waiho ole ia mai ana p@l@ e hoole mau loa ia aku no.
Hanaia ma Honolulu, T. H., Ianuari 31, 1922.
H. EDMONDSON.
Kahu no ka Poe Paa Aie ame ka Poe Paa Mahele o ka Papaaloa Agricultural Company, Limited. 6489---Feb. 3, 10, 17, 24.
HOOLAHA I KA POE PAA AIIE
Ma ka Hana e Hoopau Ana i ka Papaaloa Agricultural Company, Limited.
O ka mea nona ka inoa malalo i@ nei, H. EDMONDSON, oiai ua hookahu pono ia i Kahu no ka poe paa aie ame ka poe paa mahele o ka PAPAALOA AGRICULTURAL COMPANY, LIMITED, he hui Hawaii, i hoo@ ma ke kauoha a ka Puuku o ke Teritore o Hawaii, i hanaia i Ianuari2@ 1922, ma keia ke haawi aku nei i k@ hoolaha i ka poe paa aie apau o ka H@ i oleloia no ka waiho ana mai i ka la kou mau koi i ka mea nona ka inoa malalo iho nei ma kona keena maloko o ka Hale Davies, Honolulu, iloko @ @ la mai Feberuari 1, 1922 aku. O @ koi apau e waiho ole ia mai ana p@l@ e hoole mau loa ia aku no.
Hanaia ma Honolulu, T. H. Ianuari 31, 1922.
H. EDMONDSON
Kahu no ka Poe Paa Aie ame ka Poe Paa Mahele o ka Papaaloa Agricultural Company, Limited.
6489---Feb. 3, 10, 17, 24.
HOOLAHA I KA POE PAA AIIE.
Ma ka Hana e Hoopau Ana i ka Ookala Agricultural Company, Limited.
O ka mea nona ka inoa malalo i@ nei, H. EDMONDSON, oiai ua hooko@ pono ia i Kahu no ka poe paa aie ame ka poe paa mahele o ka OOKALA AGRICULTURAL COMPANY, LIMITED. he ui Hawaii, i hoopauia ma ke ka@ oha a a ka Puuku o ke Teritore o Hawaii, i hanaia i Ianuari 23, 1922, @ keia ke haawi aku nei i ka hoolaha ka poe paa aie apau o ka Hui i olelo@ no ka waiho ana mai i ka lakou ma@ koi i ka mea nona ka inoa malalo @ nei, ma kona keena maloko o ka Hale Davies, Honolulu, iloko o 90 la mai Feberuari 1, 1922 aku. O na koi apau e waiho ole ia mai ana pela e hoole mau loa ia aku no.
Hanaia ma Honolulu, T. H., Ianuari 31, 1922.
H. EDMONDSON
Kahu no ka Poe Paa Aie ame ka Poe Paa Mahele o ka Ookala Agricultural Company Limited. 6489---Feb. 3, 10, 17, 24.
HOOLAHA HALAWAI
Ma keia ke hoikeia aku nei ka lo@ i kela ame keia lala o ka hui Hawaii an Savings & Loan Association, Ltd. he halawai ke malamaia ana ma ka hale heluhelu buke (Library of Hawaii), ma ke ahiahi Poaha, Feberuari 9, 1922, ma ka hora 7:30 no ka noo@ ana i kekahi mau kumuhana ano @ a nolaila, ke kauohaia aku nei na lala apau o ka hui e akoakoa ae malaiia ma kela ahiahi.
AKAIKO AKANA,
Peresidena.
6489---Feb. 3.