Ka Nupepa Kuokoa, Volume LXI, Number 7, 17 February 1922 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KE HOALOHALOHA NO MR. JOHN K. NAKUINA
I ka Lunahooponopono o ka Nupepa Kuokoa, Mr. Solomon Hanohano, Aloha oe:-E oluolu mai hoi oe in a he wahi kaawale kekahi o ka hiwahiwa o ka lahui no ka‘u wahi puolo waimaka a ke aloha e kau ae la maluna, a nau hoi ia e uha‘i mama aku maluna o na ale kawahawaha o Alenuihaha, a i ike iho hoi na kini makamaka, e noho ana mai ka la puka ma Ha‘eha‘e ahiki akui ka welona a ka la i ka mole olu o Lehua.
Ma ka Sabati Ianuari 22, 1922, i halawai mai ai o Mr. John K. Nakuina me ka make mainoino mauka o Kaliuwaa Fall, ma o ka haule ana mai o kekahi pohaku nui, a pa mahope o ke kua ame na poohiwi , ame ka haki pu o ka wawae akau, a i paa wale no ia alualu owahi,; manaonao, i ka ike aku a kou mea e kakau nei.
Ma ka manawa i loaa mai ai o keia meahou, ia manawa, like no i hoikeia aku ai ka lohe i ke kauka o Kahuku ame ka Hope Makai Nui Joseph Luahiwa ame kona mau makai, ma o ka lakou oihana, a ia wa hookahi i waeia ae ai i mau kiure koronelo no ka noonoo ana i ke kumu make o Mr. John K. Nakuina, a hoopaneeia a ma ka Poakahi ae, i puka mai ai ka olelo hooholo a ke kiure o ia hoi:
Ua make o Mr. John K. Nakuina mamuli o ka haule ana mai o ka pohaku nui a pa mahope o ke kua he make ulia.
He minamina no hoi i ka make ana o keia keiki hanau o ka aina.
Ua hanauia mai o Mr. John K. Nakuina na Mr. ame Mrs. K. Nakuina i ka malama o Iune 11, 1899, ma Puheemiki, Koolauloa, Oahu, nolaila ua piha iaia na makahiki he 22, ame na malama 7 o ke ola mauleule ana i keia ao inea a hala wale aku la no me ke aloha nui ia.
Ua hoonauaoia oia ma ke kula olelo Beritania o Hauula a i ka pau ana o ka hele ana i ke kula, ua noho hana aku me Yan Kong ma ke ano kokua kalaiwa ka otomobile, a ma ia hana no oia i hana ai, a hala wale aku la no ma kela kapa o ka muliwai eleele o ka make minamina wale!
He keiki aloha makua, a ike ohana no hoi, ame kona mau hoaloha o ka holoholo like ana o na la kamalii, ame ka manaolana la hoi e hii wahi moopuna ana la o na la hapau eam eia ka e halawai ana au me ka makapaa, a hoi nele hio la i ke kula o Kaneoneo.
Ua hookomoia i ka hoahanau no ka Ekalesia o Hauula, ma ka hoike manaio, na ke Kahu George M. Kauaulalena, a he haumana no ke kula Sabati, a lala hoahanau no ka ahahui C.E., Makua o Hauula, a no kona ano kupono, a oiaio e hapai i ke keʻa o Karisto, ua koho pono ia oia i elele i ka Ahahui C.E., o ka Mokupuni o Oahu Kau o Okatoba , 1920, ame ke kau o Aperila, 1921; ma Waialua.
Nolaila ua pau kana hana maanei no kona Haku aloha, a ko ae la ka Ioba i palapalaia ma ka mokuna 14:1-2, penei; O ke kanaka i hanauia e ka wahine, he hapa kona mau la, a ua piha i ka popilikia . Puka mai no ia me he pua la, a ua okiia aki, a holo aku no ia me he aka la, aoleia e mau.
Ua malamaia ka huakai hoolewa e ke Kahu George M. Kauaulallena ame ke Kahu Sol. Nuuhiwa, maloko o ka luakini e ku nei ma Haleaha, me kekahi anaina mahuahua o na makamaka ame na hoaloha, ka ohana o ka mea make, me na himeni ia Mr. I. Kanakanui ame ke Kahu G.M. Kauaulallena ame Julia M. Anahu, Lily O. Kozunui, Elizabeth C. Eloin, Kahana Williams, ame na haumana o ke Kula o Hauula me na mano paipai mai na kahu mai, ame ka himeni ame ka pule hookuu, mai ke kahi mai.
Ke anaina hope loa ma ka lua, a o ka home hope o na mea apau, me ka himeni mai na kumukula mai ame na haumana ame ka pule hope mai ia G.M. Kauaulalena.
Ke haawi aku nei makou i ka hoomaikai a nui loa in makamaka, ame na hoaloha ame na kumu o ke kula o Hauula, na keonimana, na lede i hui pu mai me makou ma o ke ku kiai ana i ke kino wailua o ka makou mea aloha, mai ka pa Sabati ahiki i ka ao ana, ame ka oukou mau makana pua e hoowehiwehi ana i kona he, a pela ke nei makou i ka Makua Lani e kau mai Kona hoopomaikai ma luna o oukou a Nana e ninini mai i kona aloha palena ole ia kakou apau, amene.
MRS. K. NAKUINA, âme ka Ohana.
Punaluu, Ianuari, 25, 1922
HE RULA NO KA HANAI MOA ANA
Mr. Solomon Hanohano; Aloha kaua a nui loa:- E ae hou mai i kowa o kau hiwahiwa no ka pauai hou ana aku, ma kou mana iho i kuu poomanao e kau ana keia ma‘i, hopohopo ka manao no ka hanai moa ana i ka aina o Molokai.
Ua awiwi kou meakakau, aole au i mahele i ke ano o na meaai oolea a ka moa e ai ai, o ia keia malalo iho nei:
E hoomau mua i ka wai a pulu i hookahi la e waiho ai iloko o ka wai, hanai aku i na moa i kekahi la ae, o ia keia kulina huika, pale ame na mea oolea a ko moa e ai ai. O ka mauao nui a kou meakakau i makemake e hana me keia, i wahi e pehu ole ai keia mau mea iloko o na paahana o ka moa e pauma ai mahope o ko lakou inu ana aku i ka wai, oiai, i ka wa e pulu aku ai i ka wai, aole he wa e pehu hou ae ai o na meaai i pau mua i ka ai ia, ke maikai la na mikini hana oloko o ka moa. Aole hoi e laiki na paahana hoowali ai iloko o ka moa.
O ka ai hooemi@lilo, o ia no ka palani o kekahi keih@ o na ai maikai loa i na moa nunui, a moa keiki, e kupa i ka waiwela a paila, hoohui aku me ka palani i wiliia, alaila hanai aku i na moa, no ka wai inu o na moa nunui, i elua kauna nioi liilii e ai ia nei e kakou, a e pokepoke a liilii hoohio iloko o ka wai inu o ka moa, no na moa liilii, i nunui a ikaika maikai, i hookahi, a i ole elua hua nioi liilii, e pokepoke a liilii hoohui iloko o ka wai inu o na moa keika, ke loaa keia mai nioi i kou wahi e hanai moa ana, a e hoomau aku ia mahele. A i nele ma ia mahele, a e lawe keia mahele e pili ana i ka wai inu o na moa nunui, i hookahi punaku liilii piha o ka penikila hoohui iloko o keia wai inu o ka moa nunui, a o na moa keiki nunui iki ae a ikaika, i hapa puna ki liilii e hoohui ai i ka wai inu o na moa, e hana a nui ko llakou wai huihui me keia mau laau o na moa e inu ai.
O ka manao o ka meakakau i wahi e pumehana ai na paahana oloko o ke kino o ka moa, ono ka ai ana, nole e huihui na paahana, mau ko lakou ikaika.
O na uala Hawaii o kakou e ai nei, kupa a mo'a waiho a maalili hanai aku i na moa keiki liilii e hele ana me ka makua, ua like no me ka papaia ka ai ana koe wale no ko ka uala, he pumehana kona ke pau iloko o ka opu, a ikaika kona kino.
O ka pale laiki, o ia ai maikai i na moa keiki e hoopulu i ka wai wili a hui hanai aku ia lakou.
Nani ia, ua imiia aku la ke ola o ka moa, mai kou meakakau aku no ko ka lahui Hawaii, e nooho aku ana 'ia Molokai, aole ia lakou wale ko'u iini, he mea pono i ko'u lahui Hawaii e malama mai keia mai ike, a hoopaa aku iloko o na buke, e kakau i inika, i ole e poina koke a kau aku i kona hopena o keia nohona honua ana.
Mai waiho a hanini ka waiu iwaho alaila huli aku ihope e nana ai! E hana a nui ka opala, i wahi makani kahi e moe ai o ua moa, kumulau me keiki, oiai ua nui loa na keiki me ia, o kono ekekeu ua uuku loa i ka puliki malalo i ka walu i ole e pau i ka makika ke moe i ka po,
Koe wale no, in a he pa uwea makika kau e hana ana, aia no ia oe ia kuleana hoohana aku oe. Ilina o na moena Pake e hanai keia moa kumulau me na keiki liilii, i ole e komo mai na liilii pohaku, a lepo i ka ai ana a keiki moa, he palupalu na paahana oloko.
Me keia ke waiho aku nei au imua o kuu lahui Hawaii.
Me ke aloha,
GEORGE POOLOA.
Honolulu, Oahu
E WALAAI MA KA MEA I IKE MAKA
Solomon Hanohano, aloha makahiki hou kaua: Ke noi aku nei au i kou oluolu, in a he wahi kaawale iki koe o ka kaua hiwahiwa a ka lahui, wahaolelo hoi o ka lehulehu, nana ia e uwila ao apuni na moku o Keawe.
Ma ka la 19 o ka mahina iho nei o Han, 1922, i hiki ae ai ka opu o ke aloha me na manao walohia, a hamale ikaika maoli no hoi, i lawia mai ai a loho o'u mau pahukani, mokumokuahua ka hana a ka makamaka, o ke kapalau ana ae o ka waha i ka mea a ka maka i ike ole ai. Eia ma na Homestead nei o Kalopa, kekahi wahi e malama nui ia nei na hana haipule, eia ka mea kapanaha, ke noho kuee nei no nae na makua me na keiki, ame ka poe e ae no hoi mawahi e nana aku ana aole e hiki i kekahi mea manao ike ole, ke lawe i ka oihana Kahuhipa, a pela e noho ai ma ka pa o na hipa! Pela anei e laka ai na hipa o ka malama i ka mea a ka maka i ike ole i@ Aka nae, e ka mea heluhelu, mai hele imua ke alo, a kuhikuhi ka lima i kahi e.
He kamaaina, a he onehanau o Hamakua nei no ko'u mau makua i moe i ka po, keia ka makahiapo o ko'u lohe ana i na manao mokumokuhua o ka manao ana pela, aka, e o'u mau hanaumua ma ka hana a ko kakou Haku aloha e hoano ana o na la hope nei, e lawe ka hale a ka mea kapili hale.
He wahi mea puu ole no ia i kanaka o ka ulupa iho no iaia o ke aupuni mokuahana iaia iho, aole loa ia e mau; mai hoomau ia mau hana, o mau ole ka olelo a ke Akua me kakou; a mai ka palau hou i ka inoa, i ka mea a ka maka i ike ole ai; o hewa auanei.
Me na keiki o ke keena pa'i ko'u aloha.
WILLIAM K. KEALOHANUI,
Kalopa, Homestead, Hamakua Hawaii
KUU LEI LEHUA UA HALA
E ke Kapena ahonui o ke Kuokoa, Aloha kaua: E oluolu mai oe in a he keena kaawale kekahi o na kolamu o ka hiwahiwa a ka lahui, no ka maua wahi puolo waimaka o ka luuluu, ame ke kaumaha, no ka maua leialoha he kaikamahine.
Ua hala, ua nalo o Naluana Liilii, me ke aloha paumako e loku nei ialoko, aloha aloha ka luhi a maua.
Ua hanauia oia ma Pauoa, mai ka puhaka mai o kona mau makua Moike (k) ame Lily i Aperila 2, 1918, a pauaho mai la i keia ola ana i Ianuari 5, 1922, nolaila ua piha iaia na makahiki 3 me 9 mahina.
Ua lilo mai oia ia maua ma ka hanai, i kona oili ana mai, a hanu i ka ea mauleule o keia ola honua ana.
Ua hiipoiia a pulamaia me ke aloha. E hoomanao ana i kahi mea iki ame ka nui, e kaniuha ana no hoi i kekahi manawa a e hauole ana no hoi.
Ua piliia e maua ke anu ame ke koekoe, me na la ikiiki wela o ka Makalii. Auwe kuu milimili, kuu aloha pau ole hoi e!
Ua hala aku la ke ala,
Ke onaona o ka pua,
Ua mae ka liko o ka lehua,
Ua hala, ua nalo, ua hele loa.
Ua pau ka ike ana iaia, ua pau ka lohe hou ana i kona leo aloha, ua meha na paia o Haleakala, ua nalo no ka wa mau loa, a ko iho la ka mea i palapala ia:
Moku ke kaula gula, naha ka pakeke ma ka punawai, hoi ka lepo i ka lepo, hoi ka uhane i ka Mea Nana i hana mai. Nana no i haawi mai, a Nana no e lawe aku, e hoonaniia Kona inoa.
He lei oia i mailaniia, a pili aloha ia eia ka nui ka lehulehu, o keia uka o Kalawahine nei, he heahea a he hookipa oia i ka poe apau e kipa aku ana ma ko makou ipuka hale, a ua kamaaina oia i ka hapanui o ko Kalawahine; he eleu oia ma na mea apau, ka mea hiki ole i ka hapanui o na keiki, i like aku ka nui o na makahiki me kona, he hoaloha no keia uka, aloha.
Aloha ka ua Kiowao, e hehi mai la i ka nahele, ua hele o Luana, ua haalele mai ia maua me kona anakala, e uwe painuma aku mahope nei.
Aloha wale ka lei a makou; ka manaolana hoi o keia mua aku, ua kuhihewa nae ia mau upu ana, he okoa loa nae na ulia pakalaki o ka manawa; ua hiki ole ke aua mai, aloha oia!
Me ke kapena âme na keiki o kou keena pa'i ko maua welina pau ole.
O maua iho no me ke kaumaha, no ka maua kaikamahine heleloa.
MR. & MRS. NALUANA D. KAPIHE,
Kalawahine, Jan. 19, 1922
HOAKAKALA KE KUMU O KO CARDEN APONOLA ANA
O ke kumu o ko William T. Carden aponoia ana no ke kulana loio apana Amerika no ke pani ana ma kahi o S. C. Hurber, he Demokarata e pau ana kona manawa ma ka mahina ae nei o Maraki, a i kohoia ai hoi me ka manao mua ole ia ma ka halawai a ke Komite Repubalika Kuwaena ma ka Poalua iho nei, ua hoakakaia ae ia ma ka Poakolu nei elike me ia o ka walaauia ana ae maluna o na alanui o ke kulanakauhale a e hoakuka ana penei:
O. A. M. Brown, ka hope lunahoomalu hoi o ke komite, A.M. Cristy, C.S. Davis ame W.T. Carden, o lakou apau eha he kakoo lakou ia John Wise, a he kue ia Lyman. Ua hoakakala ae na manao hopohopo e kekahi poe in a no ka waihoia o ka apono ana i ka loio apana a mahope aku o ka noho ana o ka ahaelele no Lyman ame kona mau paalalo e piepiele ai i na baloka o na elele ma ka ahaelele a o ke kulana loio apana ka makana no ia hana.
Nolaila, elike me ia ma ka moolelo o ka hoikeia ana ae mamuli o ka ike mua ua ana o keia hana ua o'u koko ia ae ka muo o ka wauke i ka wa pono ma o ko Carden apono mua ia ana e ke komite Repubalika kuwaena, no ia kumu aohe hana ma ko Lyman aoao e hana mai ai no ia kulana hana.
Aka nae, ma ka oleloia aole no i apono kekahi mau hoa o ke komite Repubalika kuwaena no keia aponoia ana o Carden o ko lakou manao e kakali ia hana a mahope aku o ka noho ana mai o ka ahaelele Repubalike, a ua manaoia e kahea hou i kekahi halawai a ke komite kuwaena no ka noonoo hou ana maluna o keia kumuhana.
Ekolu mau moho ma ka aoao Repubalika i maopopo loa ke kahua no lakou me ka laelae oia no o H. A. Baldwin, John H. Wise ame N. K. Lyman.
No W.F. Dillingham i hauwawaia ma ke akea ua hala aku oia no Wakinekona: no J. C. Lane hoi, ke Senatoa C. F. Chillingworth ame C. E. King, a he mau moho e aku paha kekahi e oili ae ana i kela wa, me he mea la i ka nana aku aole lakou e waiho ae ana i ko lakou mau inoa no ka paioia ana iloko o ka ahaelele.
HE PUOLO WAIMAKA NO KE ALII KALANIANAOLE
Auwe kuu aloha e, kuu aloha e nou e Kalani!
Auwe kuu luuluu e, kuu luuluu e, nou e Kalani!
Auwe kuu minamina e, kuu minamina e, nou e Kalani,
Aloha wale Pualeilani kahi au e holoholo ana,
Me oe e ke Alii Cupid Kalanianaole.
Auwe kuu aloha e, kuu aloha e, nou e Kalani!
Auwe kuu luuluu e, kuu luuluu e, nou e Kalani!
Auwe kuu minamina e, kuu minamina e, nou e Kalani!
Aloha wale Halepoe a e ku nei,
I ka home mai a ke kai i ka aeone,
Ua pau, ua pau, kou lohe hou ana ia Kalani,
Ua nalo, ua nalo no ka manawa mau loa,
Ua hoi i ka poli aloha o ka makua lani,
Auwe kuu aloha e, kuu aloha e, nou e Kalani!
Auwe kuu luuluu e, kuu luuluue, nou e Kalani!
Auwe kuu minamina e, kuu minamina e, nou e Kalani!
Owas no me ka luuluu.
MRS. M. AILAU SOCKS,
HOOLAHA I KA POE PAA AIIE
Ma ka Hana e Hoopau Ana i ka Puehuehu Agricultural Company, Limited.
O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o ka PUEHUEHU AGRICULTURAL COMPANY, LIMITED, he hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Ianuari 23, 1922, ma keia ke haawi aku nei i ka hoolaha i ka poe paa aie apau o ka Hui i oleloia no ka waiho ana mai i ka lakou mau koi i ka mea nona ka inoa malalo iho nei, ma kona keena maloko o ka Hale Davies, Honolulu, iloko o 90 la mai Feberuari 1, 1922 aku. O na koi apau e waiho ole ia mai ana pela e hoole mau loa ia aku no.
Hanaia ma Honolulu, T. H., Ianuari 31, 1922.
H. EDMONDSON,
Kahu no ka Poe Paa Aie ame ka Poe Paa Mahele o ka Puehuehu Agricultural Company, Limited.
6489 Feb. 3, 10, 17, 24.
HOOLAHA I KA POE PAA AIIE
Ma ka Hana e Hoopau Ana i ka Puehuehu Agricultural Company, Limited.
O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o ka PUEHUEHU AGRICULTURAL COMPANY, LIMITED, he hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Ianuari 23, 1922, ma keia ke haawi aku nei i ka hoolaha i ka poe paa aie apau o ka Hui i oleloia no ka waiho ana mai i ka lakou mau koi i ka mea nona ka inoa malalo iho nei, ma kona keena maloko o ka Hale Davies, Honolulu, iloko o 90 la mai Feberuari 1, 1922 aku. O na koi apau e waiho ole ia mai ana pela e hoole mau loa ia aku no.
Hanaia ma Honolulu, T. H., Ianuari 31, 1922.
H. EDMONDSON,
Kahu no ka Poe Paa Aie ame ka Poe Paa Mahele o ka Trans Maulua Agricultural Company, Limited. 6489 Feb. 3, 10, 17, 24.
HOOLAHA I KA POE PAA AIIE
Ma ka Hana e Hoopau Ana i ka Puehuehu Agricultural Company, Limited.
O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o ka PUEHUEHU AGRICULTURAL COMPANY, LIMITED, he hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Ianuari 23, 1922, ma keia ke haawi aku nei i ka hoolaha i ka poe paa aie apau o ka Hui i oleloia no ka waiho ana mai i ka lakou mau koi i ka mea nona ka inoa malalo iho nei, ma kona keena maloko o ka Hale Davies, Honolulu, iloko o 90 la mai Feberuari 1, 1922 aku. O na koi apau e waiho ole ia mai ana pela e hoole mau loa ia aku no.
Hanaia ma Honolulu, T. H., Ianuari 31, 1922.
H. EDMONDSON,
Kahu no ka Poe Paa Aie ame ka Poe Paa Mahele o ka Trans Maulua Agricultural Company, Limited. 6489 Feb. 3, 10, 17, 24.
HOOLAHA I KA POE PAA AIIE
Ma ka Hana e Hoopau Ana i ka Puehuehu Agricultural Company, Limited.
O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o ka PUEHUEHU AGRICULTURAL COMPANY, LIMITED, he hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Ianuari 23, 1922, ma keia ke haawi aku nei i ka hoolaha i ka poe paa aie apau o ka Hui i oleloia no ka waiho ana mai i ka lakou mau koi i ka mea nona ka inoa malalo iho nei, ma kona keena maloko o ka Hale Davies, Honolulu, iloko o 90 la mai Feberuari 1, 1922 aku. O na koi apau e waiho ole ia mai ana pela e hoole mau loa ia aku no.
Hanaia ma Honolulu, T. H., Ianuari 31, 1922.
H. EDMONDSON,
Kahu no ka Poe Paa Aie ame ka Poe Paa Mahele o ka Trans Maulua Agricultural Company, Limited. 6489 Feb. 3, 10, 17, 24.
Keena Hawaii
no na
LakoHanaMahiko
Kapuku Kila Oliver Chilled ame na Palau.
Na Katapila Cleveland.
Na Katapile Fordson.
Na Kaa Kalaka White.
Na Kaa Kalaka Federal.
Na Kaa Kalaka Ford.
Hana i na Kino o na kaa Ukana me Kalaka me ka Hana Hou Ana.
Na Hana Pili Amala
Schuman Carriage Co., Ltd.
Na Paionia o na Hana Halihali o Hawaii nei.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka PACIFIC PRODUCT COMPANY, LIMITED.
OIAI, o ka PACIFIC PRODUCT COMPANY, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hoolohe ia aku malua o ia mea, he pono e hoea kina ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii.
Honolulu, Ianuari 31, 1921.
6489 Feb. 3, 10, 17, 21; Mar. 3, 10, 17, 24, 31; Apr. 7.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ke TOYO SHOKWAI, LIMITED.
OIAI, o ke TOYO SHOKWAI, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hoolohe ia aku malua o ia mea, he pono e hoea kina ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii.
Honolulu, Ianuari 31, 1921.
6489 Feb. 3, 10, 17, 21; Mar. 3, 10, 17, 24, 31; Apr. 7.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka AMERICA JAPANESE AMUSEMENT COMPANY, LIMITED.
OIAI, o ka AMERICA JAPANESE AMUSEMENT COMPANY, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hoolohe ia aku malua o ia mea, he pono e hoea kina ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii.
Honolulu, Ianuari 31, 1921.
6489 Feb. 3, 10, 17, 21; Mar. 3, 10, 17, 24, 31; Apr. 7.
HOOLAHA I KA POE PAA AIE.
Ma ka Hana e Hoopau Ana i ka Waipunalei Agricultural Company, Limited.
O ka mea nona ka inoa malalo iho nei, H. EDMONDSON, oiai na hookohu pono ia i Kahu no ka poe paa aie ame ka poe paa mahele o ka WAIPUNALEI AGRICULTURAL COMPANY, LIMITED, he hui Hawaii, i hoopauia ma ke kauoha a ka Puuku o ke Teritore o Hawaii, i hanaia i Ianuari 23, 1922, ma keia ke haawi aku nei i ka hoolaha i ka poe paa aie apau o ka Hui i oleloia no ka waiho ana mai i ka lakou mau koi i ka mea nona ka inoa malalo iho nei, ma kona keena maloko o ka Hale Davies, Honolulu, iloko o 20 la mai Feberuari 1, 1922 aku. O na koi apau e waiho ole ia mai anapela e hoole mau loa ia aku no.
Hanaia ma Honolulu, T. H., Ianuari 13, 1922.
H. EDMONDSON,
Kahu no ka Poe Paa Aie ame ka Poe Paa Mahele o ka Waipinalei Agricultural Company, Limited.
6489 Feb. 3, 10, 17, 24.
AKENA HAAWI PALAPALA MARE.
Ua hookohuia mai au i akena haawi palapala mare, no ka Apana o Hilo Hema, Hawaii, e loaa @ oau i na la apau ma ke keena o ka Aha Kaapuni o Hilo, a ma ko'u home noho ma Waiakea.
A. K. AONA,
Akena Haawi Palapala Mare.
6487 Jan. 20, 27; Feb 3, 10, 17, 21.
Hoomakaukau no Mua Aku Nei
E Hoao e Hoomakaulii Ano E Malama i ke Dala a wehe i Buke Banako Hoahu me ke
Chinese-American Bank
A NANA AKU I KA ULU O KAU DALA.
Na Pahu Dala no ka Hoolimalima. $1.00 no ka wehe ana i ka Hoahu.
Kihi o Alanui Moi me Nuuanu.
LUAU Na PA, NOHO, PAKAUKAU ame na HALELOLE no ka Hoolimalima LUAU
People's Hardware Store
453 Alanui Moi Akau, Kokoke i Palama Settlement
KELEPONA 2670.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka HAWAII ICE COMPANY, LIMITED.
OIAI, o ka HAWAII ICE COMPANY, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hoolohe ia aku malua o ia mea, he pono e hoea kina ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii.
Honolulu, Ianuari 10, 1922.
6486 Jan. 13, 20, 27; Feb. 3, 10, 17, 24; Mar. 3, 10, 17.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka OAHU FIREWOOD COMPANY, LIMITED.
OIAI, o ka OAHU FIREWOOD COMPANY, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hoolohe ia aku malua o ia mea, he pono e hoea kina ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii.
Honolulu, Ianuari 10, 1922.
6486 Jan. 13, 20, 27; Feb. 3, 10, 17, 24; Mar. 3, 10, 17.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka PIONEER STORE, LIMITED.
OIAI, o ka PIONEER STORE, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hoolohe ia aku malua o ia mea, he pono e hoea kina ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii.
Honolulu, Dekemaha 23, 1921.
6484 Dec. 30, 1921; Jan. 6, 13, 20, 27, Feb. 3, 10, 17, 24, Mar. 3, 1922.
Honolulu Planing Mill, LIMITED.
POE HANA I NA PUKA LAAU ANIAINI, LAAU HALE, OLEPELEPE, MOLINA, WAHI KAU.
Alanui Papu, Espianade
HOOLAHA HOOKAPU IʻA
Ma keia ka haawiia nei ka lohe i ka poe apau e ike ana i keia, i kulike ai me na kuhikuhi o ka Pauku 614 o na Kanawai Houluuluia o Hawaii, 1915, owau, o ka mea nona ka inoa malalo iho nei, ka on a o ke kai lawai'a i kapaia o ke kai o "KEAUAU," no ka waiwai o ke Alii W. C. Lunalilo mamaua, a o ia no hoi ke kai o ka @@@ aina o Kapahulu, ke koho a ke hookaawale nei au no'u iho, a no ko'u pono kaokoa wale no, i ka i'a i kapaia he "amaama" oloko o ua kai la. O ka poe apau e lawe ana i ua i'a la a'u e hookapu nei me ko'u ae ole aku, e hoopiiia no ma ke kanawai.
MRS. BLANCHE HUMMEL,
Ona o ke Kai Lawai'a o Keauau, Kapahulu, Waikiki, Oahu.
Honolulu, Ianuari 27, 1922.
6889 Feb. 3, 10, 17.
HOOLAHA I KA POE PAA AIE.
Ma keia ke haawiia aku nei ka hoolaha he kauoha no ka hoopau ana i ka Hawaii Seishu Kwaisha, Limited, ka i hookomo a waihoia maloko o ke keena o ka Puuku o ke Teritore o Hawaii, ma ka la 24 o Ianuari, 1922, a ua hookohuia o M. Hashimoto ma kekahi kauoha i hookomo a waihoia maloko o ke keena o ka Puuku o ke Teritore o Hawaii i oleloia, ma ka la 24 o Ianuari, 1922, i kahu maluna o ka hoopau ana, no ka poe paa aie ame ka poe paa mahele o ka hui i oleloia, me ka mana piha e hooponopono i na hana o ka hui i oleloia i kulike ai me ka mana piha e hooponopono i na hana o ka hui i oleloia i kulike ai me kanawai.
O ka põe paa aie apau o ka HAWAII SEISHU KWAISHA, LIMITED, ma keia ke hoikeia aku nei ka lohe waiho mai i ka lakou mau koi kue i ka hui i oleloia, me M. Hashimoto, i oleloia, ke kahu ma kona keena me ka Seiseido Shoten, Helu 193 Alanui Hokele Akau, Honolulu, Teritore o Hawaii, iloko o kanaiwa (90) la mai ka hoopuka mua ia ana o keia hoolaha; o na koi apau e waiho ole ia mai ana pela e hoole mau loa ia aku no.
Hanaia, Honolulu, T. H., Feberuari 3, 1922.
M. HASHIMOTO,
Kahu maluna o ka hoopauia ana o ka Hawaii Seishu Kwaisha, Limited.
6889 Feb. 3, 10, 17, 24; Mar. 3.
Kakela&Kuke
(KAUPALENAIA)
Poe Kalepa ma ke Komisina
A HE
Poe Agena no na Mahiko Lehulehu
Mau Apana Aina Kuai
Kuu Ocean View Tract Kaimiki Ave.
$300 Na Apana 50x100 $2o ukumua $10 o kamahina.
$500 Na Apana 50x200 $30 ukumua $10 o ka mahina.
$525 Na Apana 5277 sq. ft. Meyer St. Kalihi $20 ukumua $10 o ka mahina.
$500 Na Apana 50x100 Kalihi Road Mauka o School St. $25 ukumua $10 o ka mahina.
Paulo Kalauka
(P. E. R. STRAUCH)
Alanui Moi, Helu 74, Mawaena o na Alanui Papu ame Betala.
T O Murata Furniture Store
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me Kuai Hoolilo
715 Alanui Hema, Honolulu, T. H.,
Kelepona 1695.
Nupepa Kuokoa
No ka makahiki (one year)……$2.50
No eon mahina (six months)…. 1.25
O na Dala ame na Hoolaha apau e hoouna pololei mai i ka ADVERTISER PUBLISHING COMPANY, LTD., wale no, P. O. Box 208, Honolulu, T. H.
217 Alanui Moi, ma ke keena o ka Nupepa Advetiser.
Entered at the Post Office at Honolulu, T. H., as Second Class Matter.
CHARLES S. ORAKE, Lana N@