Ka Nupepa Kuokoa, Volume LXI, Number 7, 17 February 1922 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

Pita nikola

aiole

Ke Duke i Haalele Aku i Kona Kula

na Hanohano a Lawe Mai i ke

Kulana Makaninana

 

            @@muli nae o kana mau mea i ike a i hoomaopopo ma @@@@aku i hala. aole loa he kanalua iki i koe iloko on a, o @ kumu i koho ai o Makuaia e noho ma kona home ma ka @@@@ @@@@@, no kona makemake ole no ia e ike mai ka @@@@@ i kekahi meahuna i pili i kona ola ana; a o kona @@@ @@ ana i kona poe kanaka, e ki aku i kekahi mea e @@@ mai ana no kona wahi, i ka pu a make, he hoike ana @@@@ no kona makemake maoli, e make ke kanaka ana @@@@@@@ ai

            @@ i noonoo ae ai no Mrs.Begena, aole i makemake ke@a wahine e make ke kanaka a kona haku i maka'u ai, no @@@@ @@ noho hamau loa oia, ma ka hoike ana mai i kana @@@@ @@, aia kela wahine ma ka aoao e hoopakele ana i @@@@ kanaka.

            i ka paila ana mai o kona kope, hoomakaukau iho la kekahi mau meaai, o kona noho iho la no ia e ai i kona @@@ kakahiaka, i kona maona ana, holoi iho la i ke pola me ke pa, hana aku la no hoi i kona moe, alaila noonoo @@ @@ e ike hou ana oia ia Beka Kamerona ma kela po, @@ @@@@ mai e kokua i kona makuahine, i ka holoi ana i na @@ @ @@ manawa auanei e niele aku ai oia, no kana mau @@@ i ike e pili ana i kona makuahine hanauna.

            @@ hooko koke ia mai nae kela makemake on a e ike ia @@@@ iloko o ka manawa ana i mo@uhane mua ole ai, no ka mea mahope o ka pau ana o kona hooponopono ana i @@@ hale, haule aku la oia maluna o ka piano hoomaka aku @@ hookani i kekahi mau mele, me ke kakali ana aku no @@@ @ ka loaa mai o ke kahea ma ke kelepona mai kona @@ku mai ina paha ua makemakeia oia. 

            @@ ka lilo loa o kona noonoo, ma kana mau mele e @@@@ ana maluna o ka piano, aole oia i ike aku i kekahi @@@ mawaho o kona hale, oia o Beka Kamerona, ua h@le mai oia maloko mai o ka ululaau, ahiki i kona pili ana mai mawaho o ka puka, me ka hoolohe malie ana mai i ka @@@kani o Nikola i ka piano.

            Hoko nae o kela nanea o Nikola i ka hookani, heaha la ia alawa ana mai o kana ana ma ka puka o kona hale ike mai la oia i ka pulelo ana ae o kekahi lole kalakoa, puhiia aku e ka makani o kona hoopau iho la no ia i @ana hookani ana, a hele mai la e nana i ka mea nona kela @@@@ @ kahi o ka laki, ua kaa e ma kona aoao ka ike e hiki @@ ai ia Beka ke holo e pee nolokoa ka ululaau.

            "Auwe, o oe ka keia e Beka! Pehea ka loihi o kou noho ana ae nei mawaho nei e hoolohe ai i ka'u hookani ana i ka piano?" i pane aku ai o Nikola, me ka hopu ana aku i kekahi lima o ke kaikamahine opio. "Aole no i loihi loa ae nei, aole paha i piha ka hapaha @@@"

            "Ua hauoli maoli au, no keia loaa ana iho la ou ia'u no ka mea ua manao au la, aole oe e loaa ana ia'u, ahiki i kou hele ana mai e kokua i kou makuahine i keia po."

            "Ua haalele au i ka hana ma nehinei, pela i hiki ai ia'u ke hele mai."

            Aole no a Nikola niele wale aku i ke kumu o kona waiho ana i ka hana, he hookahi mea nui i loko o kona noonoo, o ia no kona piha loa me ka hauoli, no keia hui hou ana o laua,. No ka mea o na wahine opio, kekahi mau mea hoohiaiaai i ka noonoo o na kanaka opio, i na hora o ke kakahiaka, a ua like kela hoea ana aku o Beka maloko o ka home o Nikola me he opuu pua rose la, o ka akioia ana mai, a hookomoia ae maloko o kekahi ipu pua.

            "Ua hauoli i'o au, no keia hoea ana mai ou e Beka, " me ke alakai ana aku o Nikola, i ke kakamahine opio, no ke kahi noho, ma ka aoao o ka piano, "no keia kumu, he mak@@make au e kamailio pu me oe."

            "Aole au i hele mai nei, no ko'u kamailioia mai, aka o ka hoolohe aku i kau hookani ana maluna o ka piano, ka'u @@@nei o ka hoea ana mai nei."

            "He keu aku maoli a ka mea kupaianaha o kou hoea ana mai iwaena o na leo mele." me ka noke okoa ana ae o Nikola i ka akaaka. "Ua hoea mai nei oe i ko'u manawa e hookani ana i kekahi mele hulahula o na kupua ame na @@@olo liilii."

            "He keu maoli ka maikai o kela mele au i hookani ae nei, ua ku a hoohihi maoli no ko'u manao, e oluolu hoi oe e paani hou mai!"

            Aohe a Nikola hoole ana aku i kela leo noi o kona huli pono aku la no ia imua o ka piano, a hoomaka aku la kona mau manamanalima e paani maluna o na ki o ka piano, a@ hoi o Beka hoolohe loa la, a i ka hooki ana iho o ka Nikola paani ana, puana malie ae la o Beka i ka i ana ae.

            "Auwe no hoi ka nana e! "Aole he kuleana iki o na diabolo iloko o kekahi mele nani elike me kela au i hookani mai nei."

            Pela ka mea oiaio, o na kupua wale no ke kuleana i kela mele."

            "Aole paha o na kupua wale no, aka o na anela pu kekahi: eia nae aia iloko o kela mele ke kaumaha ame ka ehaeha."

            "Ae, ua like pu, me ka moeuhane, o ia hoi, me kakhi mea a kakou e noonoo nui ai, no ka hoea mai i ka hookoia ana." a no kona hopohopo o niele loa mai auanei o Nikola, i ka manao o kela mau olelo ana o ke kamailio ana aku hoolalau wale ae la no ka nana ana a ua o Beka a i aku la

            "He keu aku maoli keia a kahi maikai loa, o keia ka mua loa o ko'u hoea ana mai la ma keia wahi."

            "Ina hoi ha aole oe ike mua i keia wahi alaila pehea pololei ai kau hele ana mai nei?"

            "Ua maopopo mau no ia'u kahi i ku ai o keia hale, no ia maopopo, i hele mai ai au maloko o ka ululaau ahiki malalo ae nei o ke kahawai, ia wa au i lohe mai i ka leo o ka piano, o ko'u hele mai nei no ia e hoolohe, aole no paha oe e ahea mai ana ia'u no ka mahaoi."

            "Aohe a'u mea e ahewa aku ai ia oe, o ka hoomaikai wale no i keia kipa ana mai nei ou me ka hoopiha pu ia mai o ko'u manao me ka hauoli."

            "O cena i'o anei ka mea oiaio e Nikola?"

            "Ae o ka mea oiaio loa ia a oiai hoi ua hookani aku nei au no ka hooko ana i ka'u mea i hoohiki ai ia oe, pehea e ae mai ana anei oe e kamailio kaua no kekahi mau minuke?"

            "Aole he maopopo pono ia'u o ka'u mea e pane aku ai no ka mea aole paha he maikai, o ko'u noho pu ana me oe maloko nei o keia hale."

            Heaha iho la ka pilikia ma ia mea o kaua elua wale no hoi ma kela hele ana mai a'u no keia aina malihini nolaila ma ko kaua ano kamaaina kekahi i kekahi ma kela ano wale no kaua e halawai hou nei, aole ma kekahi ano e ae."

            "E hoomanao hoi paha oe, aole au i kamahaaina nui loa ia oe ame kou ano."

            "He mea liilii loa ia, ua lawa ko kaua kamailio pu ana ma keia la aku nei pela hoi ma ka po i hala a hoea wale mai i keia kakahiaka i kumu e hoopau loa ia ai kou mau pohihihi no'u."

            "Aole i pololei keia hele ana mai nei o'u o ka pilikia nae aole he hiki ia'u ke noho aku me ka hoao ole e hele mai e ike ia oe e Nikola."

            "Ke hooia hou aku nei au i kanui o ko'u hauoli no kou hele ana mai nei ike ia'u i keia la."

            No ka lohe wale aku no i kou hookani ana maluna o ka piano, ke kumu nui loa o ko'u hele ana mai nei, me ko'u manao nae aole e ike mai ana ia'u."

            Ina o kou manao nui ia ea alaila e paani hou mai oe i kekahi mele okoa ae he keu aku maoli ka lelele o ko'u oili i ke ano o kau mau mele e paani mai ai. "

            "Pehea he lelele mau no nae paha kou oili, i kou wa e himeni ai me he meo la ua kaawale loa aku ka pihoihoi ame ka maka'u mai mai ia'u aku."

            "Ina hoi ka pela e himeni mai oe a e hookani no hoi au maluna o ka piano.

            "Aole paha e hiki ana ia'u ke himeni, aole au i maa i ka himeni i ka manawa e kani ai o ka piano."

            "Aole nae he hoolohe aku o Nikola i kela mau olelo, aka noho pono aku la oia mamua o ka piano, me ka hookanikani ana iho ma na papaki a ninau mai la: "Heaha kau himeni i paanaau? Ke hoomanao nei au i kela mele au e himeni ana i ke alanui, mamua o ko kaua halawai ana, o ia hoi: 'E kakali malie oe.

            " Aole i paa ia'u kela himeni," aka nae noke loa mai la no o Nikola i ke koi ahiki i ka himeni okoa ana aku o Beka aia no hoi o Nikola ke hookani la i ka piano a ke hoolohe aku, he keu aku a ke kohukohu o kela mau opio.

            Ke lawe palanehe la o Nikola i ke kikoni ana o kona mau manamanalima maluna o ka papaki o ka piano, me ka hoolohe ana hoi i ka himeni o Beka. I kinohi, ua ano hoopepe no ka Beka himeni ana i ka loihi ana aku nae, me he mea la, ua hoopoina ae la oia i kona mau manao pihoihoi a pau, o kona kuupau aku la no ia i ke kani o kona leo, e pii ana iluna me ke kiekie maoli, a ke hoi no hoi ilalo he keu aku a ka nahenahe maoli, o ia no oe o ka awe nehe ana a ka wai o na kahawai.

            I kela hooki ana iho o ka himeni ana a Beka, haawi mai la o Nikola i kona mahalo me ka olelo pu ana mai i ka u'i ame ka nani maoli to kona leo me ka pane ana mai

            "Pehea, he makemake no anei kou e a'oia oe i ka himeni a e pakaia kou leo a oi lo'a aku ka maikai?"

            "Ina hoi ha he manawa kekahi ma keia mua aku e pakaia ai o ko'u leo alaila o ka'u wale no e olelo ae ai o ia ko'u lele ana aku a pili me ka mahina. Pehea ke ano o ka'u himeni ana pela hoi me ke ano o ko'u leo? Aole anei aia he mau mea ano nui kekahi i hiki ole e loaa ia'u ma ka'u himeni ana?"

            "Aole a'u mau hoohalahala no ke ano o kau himeni ana pela pu hoi me kou leo o ka mahalo wale no." wahi a Nikola, me ka huna ana iho nae i kona mau manao hoohihi no Beka in a paha he kanaka okoa kela ina ua hopu okoa mai oia i ke kaikamahine opio a honi aku ma kona mau lehelehe i hoike no ka nui o kona hoohihi aole wale no i kona leo himeni aka i kona kulana hiehie pu kekahi.

            E ae ana anei oe e Beka e himeni hou mai? Aole i pau ko'u hoohihi i ke ano o kau himeni ana."

            Luliluli ae la ke poo o Beka me kaanehe ana aku e hele no kahi o ka puka ua paa e aku la nae o Nikola ma kona lima me ka pane ana mai

            "Aila hoi paha oe e wikiwiki i ka hoi, no ka mea aole i pau ka'u mau mea i makemake ai e kamailio pu me oe."

            "He hana hiki no paha ia ke hoopaneeia a no kekahi wa okoa aku, no ka mea he kanaka nui oe o ka bana o ia ka nana ana i na kumulaau i loaa ai ia lakou ka ulu maikai na."

            "He nui loa ka manawa no ka nana ana i na kumulaau akahi no hoi kaua a hui ma kekahi wahi kupono loa nolaila aohe kakali hou ana aku no kekahi manawa okoa o keia no ka wa kupono a'u e kamailio pu ai me oe."

            "E nonoi aku ana au i kau mau huikala ana mai e Nikola ia'u no ka'u mau olelo pahenehene ia oe ma nehinei aku la ua kaumana maoli au no ia mau olelo."

            "Mai hookaumaha i kou manao e kuu hoaloha no ka meaaole loa i hoopilikiaia mai ko'u noonoo no na mea i kamailioia mawaena o kaua i nehinei."

            "He keu aku maoli no kou ike ma na mea apau e Nikola," wahi a Beka me kona nana ana aku no kahi e kumai ana o ka piano. "Ma ka Keka Wala mea i kamailio mai ai nou, he keu a ka nui o kona mahalo ia oe, aka nae ma ka'u nana aku aia ka makemake ole iloko o kela kanaka nou."

            "Ke kaumana loa nei au no kou hoike ana mai la i ka maikai ole o ka noonoo o Keka no'u."

            "Aole au nana aku i kela kanaka o kona ano mau iho la no ia aole on a hoihoi iki i na mea apau oia wale iho no kana e noonoo mau ai ma ke ano he kanaka nui oia a malalo iho no paha ke AKua ona"

            Minoaka iho la o Nikola no kela mau olelo a Beka Kamerona a i mai la: "O ko Keka Wala ano kau i hoakaka mai la ia'u a pehea hoi oe?"

            "Aohe a'u mea e kamailio ae ai koe wale no paha ko Keka noonoo iho owau kekahi o na kaikamahine i like ole aku me kona kulana."

            Ma ka'u nana aku aole he maikai o kou noonoo e Beka no kela kanaka a ina no kona lohe aku i kena mau olelo au aole ana e nele ka huhu o kela kanaka ia oe a lilo mai oia i enemi nou."

            "Aohe o'u nana no kona huhu mai heaha no kona ano e noke mai ai i ka pai iaia iho aole paha nana ia hana na ha'i e pai aku iaia o ke ano iho la no nae kela o na kanaka ino."

            Aia o Nikola ke hakilo loa la ia Beka i  ka manawa o ua kaikahine nei e kmailio mai la ua komo maoli aku no ka manao hoohihi iloko o ke duke opio no keia kaikamhine aole wale no ma kona kulana hiehie a wahine u'i aka ma kona mau ano pu no kekahi o ka mea wale no i koe i kela kaikamahine o ia ka loaa ole ana iaia o na hoonaauao kiekie ia e ike ai oia i na rula o ke launa ana ame na ano apau i pili aku i ke kulana o ka pohai o ka poe kiekie."

            "Pehea he mau hoahewa ana anei kekahi au ia'u in a e kahea mau aku au i kou inoa o Beka aole hoi o Miss Kamerona i kamailio aku ai o Nikola.

"Heaha auanei ka'u mea e hoahewa aku ai oiai o ko'u inoa no ia e kaheia mai nei e ka poe apau e noho ana ma keia wahi."

            "O Pita ko'u inoa mua a o Nikola ka inoa hope ua hiki ia oe ke kahea mai ia'u ma kekahi o keia mau in a."

            "Ua kupono loa e kapaia kou inoa o Alegona."

            "Heaha iho la ke kumu e kupono ai o kela inoa no'u?"

            "He inoa kela no kekahi kanaka maloko o ka buke moolelo a'u i heluhelu ai he kanaka Pelekane oia a pehea he Pelekane nae paha kou lahui ea?"

            He hapa-Pelekane au a he hapa-Rukini."

            E kuhihewa ana ka hoi au he loloa ka lauoho o na kanaka Rukini a he poe lakou e lawe mau ana i na poka pahu iloko o ko lakou kuka."

            Ua pololei no kau mea i manao ai no na kanaka Rukini, aka no'u nei la ua kaokoa loa ko'u ano mai ia lakou mai mamuli mai paha keia o ko'u lilo ana he papa-Pelekane."

            "Ua hauoli maoli au i kou like ole ana me na kanaka Rukini he keu kela a ka lahui kanaka hoopilikia."

            "Ua kulike ka hoi ko kaua manao e Beka no kela lahui kanaka ua ku a hoowahawaha maoli au no na kanaka Rukini."

            "Maihea mai i loaa ai ia oe ka ike hookani piano ame ka ike mele? Aole anei ma Rusia Ua ike au he rukini ke alakai o ka bana puhiohe ma Galaboro ua hiki i kela kanaka ke paani i na meakani like ole."

            "Ma Rusia i'o i loaa ai ia'u kekahi ike no na leo mele aole nae ia he kumu no'u e olelo ae ai ma ko'u ano Rukini i hiki ai ia'u ke paani i piano a ka himeni paha aka he haawina no ia i haawiia mai ia'u e ke Akua eliko no hoi me ke kalena i loaa ia oe o ia ka maikai o kou leo i ka himeni."

            "Ke makemake nei au e hoike mai oe e Beka i ke ano o kou hoea ana mai a noho ma keia wahi. Pehea o kou wahi no nae paha keia i hanauia ai ea?"

            Aole i maopopo ia'u ko'u wahi i hanauia ai o ka'u mea e hoomanao nei o ia ka hoea ana mai no keia wahi a mai ia wa mai ko'u noho ahiki i keia la a kaua e kamailio nei."

            O oe anei âme kou makuahine hanauna ka i hoea like mai a noho maanei nei? Ua make anei kou makuakane?"

            Uno'i iho la o Beka i kona mau maka a ia kaakaa ana ae, i mai la:

            "Aole o'u makemake i kamailio ana ma na mea pili ohana."

            "Ke kaumaha loa nei au no kuu hoala ana aku la i kekahi noonoo maikai ole iloko ou e Beka mamuli mai no keia o ka maopopo mua ole ia'u o kekahi mau mea hookaumaha noonoo iloko o kou ola ana.

            Aole no he maopopo maoli ia'u o ia mea he kaumaha ahiki i kuu lohe ana i kela mele au e hookani ana maluna o ka piano. Ua like pu maoli kela mele me ka leo hanehane o ka poe i make e kahea okoa mai ana mailoko mai o bane o ka poe i make e kahea okoa mai ana mailoko mai o ka ilina o keia ka mea nana i hoopiha mai ia'u i ke kaumaha e hiki ole ai i kaua ke kamailio ma na mea pili oihana."

            Ina pela e huikala mai oe ia'u  a mai kamailio mai oe i na mea e pili ana i kou ohana me ka paa ana aku o Nikola i ka lima Beka ua kaili aku la nae kela kaikamahine i kona lima aole ma ke ano huhu aka no ke kulike ole paha o kona manao me ko Nikola a o ia kana o ka pane ana mai:

            Aole au i ike i kekahi kumu kopono ole e hiki ai ia'u ke hoike ole aku ia oe i ko'u moolelo oiai ua ike ka poe apau e noho nei ma keia wahi i na mea e pili ana ia'u. Aole keia o ko'u wahi i hanauia ai aka ua laweia mai au e kuu makuahine hanuna no keia wahi i ko'u wa kamalii loa."

            Hoomaka iki iho la o Beka Kamerona i kana kamailio ana me ka nana ana mai ma na maka o Nikola a iaia i ike mai ai i ka hoihoi o kona hoa me he mea la ua hoauhee loa ia aku la paha na manao kanalua mailoko aku on a ia wa oia i hoomau hou mai ai i kana kamailio ana:

            "Ua make ko'u makuakane o kona inoa Beni Kamerona ua puka mai oia mailoko mai o kekahi ohana maikai aka no ko'u makuakane aole oia he kanaka maikai elike me ka'u mau mea i lohe ai nona. O ko makou wahi i noho mua ai mau mea i lohe ai nona. O ko makou wahi i noho mua ai ma Nu Libona e on a mau ana oia me ka hui pua ana aku me na kanaka ino a i kekahi manawa e hoi mai ana me kona on a a pepehi i ko'u makuahine.

            "He uuku loa au iloko o kela manawa e hoomaopopo ole ae ai i ke ano o kana hana aka i kekahi la i ka wa i hoea mai ai o ke kane a Tile ua hakaka iho ia laua ahiki i ka eha loa ana o Wile kuu makuakane hanauna me ka pahi i houia mai ai kela makuakane hanauna o'u e kuu makuakane no kela ike ana i ke ko'iko'i o kana hana karaima ua holo mahuka aku la oia mai ia makou aku a pau kona ike hou ia ana.       

            Ua make kuu makuahine mahope mai pela no hoi me kuu makuakane hanauna a no ka manao o Tile aole he mea maikai no maua ka hoomau ana aku i ka noho ana ma kela wahi ua hoi mai la maua a noho maanei nei. O keia ae la ka mea ano nui o ko'u moolelo he moolelo a'u e haaheo ole ai aka he moolelo piha me na hana hoohilahila.

            Aole a Nikola pane i ka wa i hooki iho ai o Beka i hoike ana mai ikona moolelo aia nae iloko on a ke kaumaha no kela kaikamahine opio.

            Aole i maopopo ia'u ke kumu o ko'u hoike ana aku la ia oe i keia moolelo, " i hoomau hou mai ai o Beka i kana kamailio ana. "O oe e Nikola ka mea mua loa a'u i kamailio aku ai i keia moolelo, aole i kekahi mea okoa aku!"

            "Ma kau mau mea apau i hoakaka mai nei e Beka aole a'u mea e ae e kamailio aku ai o ke kaumaha wale no he moolelo maoli no kou i piha me na haawina hoehaeha, " i pane aku ai o Nikola a ke ike mai la hoi o Beka aole kela he mau olelo palaualelo, aka ua kamailioia aku me ke kui'o.

 

Mokuna VIII

            "Pehea mamua ae o ka make ana o kou makuakane ua lohe hou mai anei oe i kekahi mea e pili ana nona?

            He hookahi manawa a Tile i lohe mai ai nona a o ka hope loa o ko maua lohe ana o ia no kona make ana ma kekahi uila kaaahi ma ke komohana. Ua hauoli loa au no kona make ana no ka mea aole loa he kuleana o na kanaka ino elike me ko'u makuakane e ola ai ma keia honua.

            Nou âme ko makuahine hanauna me Tile ka'u aloha i ko olua hoomanawanui maoli no i wahi e kaawale aku ai ka hune ame ka nele mai ia olua aku.

            Ae ua kohu makuahine ponoi no o Tile no'u ua hoohalike aku au iaia me he anela la a ua aloha aku au iaia. He keu aku maoli no a ka mea kupaianaha o ka lilo o ka poe maikai i poe auamo i na haawina ehaeha no na mea i hanaia e ka poe ino. He makuakane hanauna ko Tile oia kekahi o na kanaka ino o Keaka Bale Kona inoa; ua hana oia i kekahi kikoo dala apuka a no ia hewa i hoopaahaoia ai oia."

            Pehea ua make no aneia keel kanaka?

            Aole oia i make aka era no oia ke ola mai nei ma kekahi wahi i maopopo ole ia'u. I ko'u wahi wa liilii e hoea mau mai ana oia imua o Tile no ke noi ana i dala a e haawi mau ana no hoi o Tile i na dala e loaa ana iaia. He ekolu makahiki i hala ae nei, ua ike hou no au iaia ua hele okoa mai oia e imi ia Tile a hoea i keia wahi. Ua kipaku o Tile ia'u e hele mailoko aku o ka halekuke aka no kuu manao he hana ino ka kela kanaka aole au i hele ua noho au e hoolohe i kana mau mea i makemake ai mai kuu makuahine mai.

            Iaia nae i ike mai ai ia'u ua komo koke ka manao hoohihi iloko on a me ka olelo ana mai he paikii kana hana a ua makemake oia e hele pu aku au me ia no ke pa'i ana mai i ko'u kii no na hale kiionioni a ke hauoli loa nei au no ko'u ae ole ana aku e hele pu me ia

            He keu kela a ke kanaka ino ua haawi aku o Tile i na mea apau i loaa iaia mamuli mai o ka maka'u i keia kanaka me he mea la o na koena dala ana i malama ai no na la ino ua pau loa aku ia i ka haawii i kela makuakane hanauna on a.

            Pehea kau hoomaopopo aku e Beka i ke auo o kou makuahine hanauna i ka po nei aole anei ua hele oia a piha i ka maka'u?

            Ae pela ka'u hoomaopopo aku eia nae ma kana olelo he pihoihoi wale no a pau wale ae la no kela noonoo o'u ua maka'u oia. Aole he hookahi manawa ana i hoopunipuni mai ai ia'u."

            Aole anei ou manao mamuli o kona ike ana i kela makuakane hanauna on a ma ka po nei pela oia i hele ai a piha loa i ka maka'u

            Aole au i noonoo mua i kena mea au e ninau mai nei aka nae i keia manawa ke hooiaio loa nei au malia paha o ke kumu oiaio ia o ka maka'u ana o Tile ua ike i kela makuakane on a."

            Noho hamau iho la o Nikola no kekahi mau minuke he nui na mea iloko o kona noonoo ana i makemake ai e niele hou mai aka ua nui kana mau mea o ka ninau mua ana aku ia Beka e kohu ole ai kona noke aku i hoouluhua i ka noonoo o kela kaikamahine aka nae kamailio aku la oia i keia mau olelo

            Ke makemake nei au e hoike aku ia oe e Beka he hoaloha au nou a no kou makuahine aole a olua mea e hopohopo ai no'u. Ina he mea kekahi ma keia mua aku e hoea mai ana nana e hoopilikia mai i kou noonoo a i ka noonoo paha o ko makuahine ua makaukau loa au e haawi aku i ka'u mau kokua ana no ko olua pono. Pehea e ae ana no anei oe e hoike mai ia'u i kou wa e halawai ai me kekahi mau mea maikai ole?"

            Pehea oe i manao ai e hoea mai ana kekahi mea maikai ole e hoopilikiaia ai ko maua noonoo?"

            I hoike wale aku nei no au ia oe i keia mea i wahi nou e ike iho ai ua makaukau au i na wa apau e kokua aku ia oe. Ma ka'u ike ua piha maoli ko olua ola ana me na mea hoopilikia."

            Aole o'u maka'u ia Keaka Bale wahi a Beka me ka hoopinana ana ae i kona mau poohiwi iluna. Ina ua maka'u o Tile i kela kanaka nona iho ia aka no'u nei aole e hiki iaia ke hookikina mai ia'u e hele pu me ia no Nu loka ua puupuu mai la o Beka i kona mau manamanalima e hoike ana i kona hele maoli a piha me ka pihoihoi.

            No kela ano o Beka aole e hiki ia Nikola ke uumi iho i kona akaaka a o ia kana o ka pane ana aku:

            O ka mea e hoao mai ana e hana i kekahi mau mea au i makemake ole ai e Beka ke kaumaha loa nei au no ia kanaka

            Ae aole au e waiho aku ana i kela kanaka ino in a e hoao mai ana oia e hoomaka uka'u i kuu makuahine.

            Heaha kau mea i manao ai e hana aku in a no kou ike i kela kanaka

            Owau no ka i ike i ka'u mea e hana aku ai maluna on a a i lohe oe e Nikola ea aole loa he wahi maka'u iki iloko o'u no Keaka Bale."

            Nana pono aku la o Nikola maluna o Beka Kamerona me ka minoaka ma kona mau papalina no ka mea ala mai la iloko on a kekahi mau mea maopopo loa no ke kumu oiaio o ka maka'u ana o Tile pela hoi me Mr.Makuaia a o ia kana o ke kamailio ana mai:

            Pehea la kou manao in a au e olelo aku ana o ka mea a Mr.Makuaia i ike ai ma ka po nei a i hoopihaia ai oia me ka maka'u o ke kanaka hookahi no ia a ko makuahine i ike ai?

            Ku ino ae la o Beka Kamerona iluna me ka hoike ana mai o kona mau ano i ka piha me ke pihoihoi a ninau mai la:

            Ua hoea hou mai anei kela haawina maamau ia Mr.Makuaia i ak po nei?

            Ae ua hele oia a piha loa i ka maka'u a i ko'u hoea ana aku noloko o kona rumi e holoholo wale ana no oia me he kanaka opulepule la. Ua ike oia i ka helehelena o kekahi kanaka mawaho mai o ka puka aniani o ka rumi hookipa nolaila o ke kumu oiaio maoli o ko Mr.Makuaia maka'u aole ia no ke akua lapu aka no kekahi kino kanaka no elike me kona.

            U kamailio pu ko makuahine me kekahi kanaka mahope o ka halekuke ma ka po nei aole oe i ike i kela kanaka aka owau ka mea i hoomaopopo aku he hoa kamailio ko kou makuahine ma ka po nei a pele iho la i piha ai oia i ka maka'u

            Ua ike o Ade i kela kanaka no kona kuhihewa o ke kiakaa ua kanaka nei pela oia i hoohana ole mai ai i kana pu.

            E he keu aku maoli keia a ka mea kupaianaha! Ua maule hou anei o Mr.Makuaia ma ka po nei? No kuu makuahine aole loa he wahi mea i maopopo iki iaia no ke kumu o ka maka'u o Makauaia elike no hoi me ka maopopo ole ia'u

            O koau ia i manao ai e Beka aka nae o ka mea oiaio ua ike oia i ke kumu o ka maka'u o kona haku Aole i ma'i kou makuahine ma ka po nei aka ua hele oia a piha i ka maka'u. Ia oe i hoi mai ai ma ka po nei ua hoohala au i kekahi manawa ma ke kamailio pu ana me ia aole nae on a wahi mea a hoike iki mai ia'u i kana mea i ike ai.

            I hoike aku au ia oe i ka mea oiaio ea ua ike ko makuahine i kekahi kanaka i ka po nei ua kamailio pu me ia a oia wale no ka i ike i ka inoa o ua kanaka nei

            Ina o kena ka mea pololei e Nikola ea alaila aole kela he kanaka okoa aka o Keaka Bale no ia o ka mea nae nana i hookahakaha mai i ko'u noonoo o ia no ka maka'u honua ana o Mr.Makuaia i kela kanaka.

            He ninau ia na'u e noii aku ana a e hoea mai ana no i ka manawa e loaa ai ka ike ia'u ma keia mua aku. I hoike wale aku nei no au i keia mau mea ia oe no kou hakaka ana mai nei i kou manao aole ou wahi mea a maka'u iki i kela kanaka.

            "in a nae o keia kanaka a Mr.Makuaia 'ame ko makuahine i maka'u ai o ko kupunakane hanauna ia alaila no kou pono e Beka e hoao no au ma na ano apaua e hana aku i na mea e hoopoino ole ia ai kona ola

            E ae mai oe e Nikola e hele aku au e hui pu me kuu makuahine a e ninau aku iaia in a paha ua ike i'o oia ia Keaka Bale." wahi a Beka Kamerona me kona ku okoa ana ae iluna a anehe mai la e hele no kahi o ka puka."

            Lalau aku la o Nikola i kona papale me ke ku pu ana ae iluna a ukali mai la mahope o Beka me ka pane ana aku:

            Owau pu kekahi e hele aku me oe, o ko laua nei oili aka la no ia mawaho o ka hale a hele aku la ma ke alanui e moe pololei ana no ka home o Mr.Makuaia

            Aole i pau