Ka Nupepa Kuokoa, Volume LXI, Number 7, 17 February 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ke olu loa la ka Haku Fanadale no kela mau olelo waipahe a kana ipo aloha iaia, alaila pane mai la ka haku Fanadale :

"Aole au i hoouna mai i kelekalapa ia oe, e hoike ana no Ko'u hoi mai, o ke kumu, he keu aku ka nui o ka ino ame ka ua ma Ladana, he hana maikai ole na'u ka hoopilikia na mai ia oe, a i kekahi paha o na kauwa, no ke kii ana @e ia'u ma ka hale hoolulu o ke kaaahi.

            "O kekahi kumu no hoi o ko'u makemake ole ana e hooana mai i kelekalapa ia oe, no ka hookahaha ana mai lo ia i kou manao, oiai oe e noho ana iloko o ka nancao ka mea apiki nae, me kela manao iloko o'u e, hookaha paia aku oe, i ko'u hoea ana mai no kanale hale nei, @ kalala ka mea mua loa o ka halawai ana me a'u o kona awala mai la no ia i na olelo ikaika, a ua ike aku au i ka pololei o kana mau a'o ana, aole wale no, no ko'u pono iho, aka no ko kaua pono pu kekahi. Ua ku a uluhuamaoli au i ke ano o kela ola kahiko ana, a he nani ia, ua @aa oe i kokoolua no'u, no keia mua aku, ua hooholo iho au i ko'u manao e pau ka hele auwana ana, aka e noho paa maluna o ko'u mau aina. a e lilo hoi i keonimana maikai,"

            "Ma na mea apau e hoohauoliia aku ai ko i noonoo e kuu ipo aloham o kaua pu iloko o ia hauoli ana." i pane ma ai o miss Kalani, "Ua makaukau loa au e haawi aku ia oe i ko'u mau mea apau elike me kuu ola nei, ame ko'u mau waiwai apau, o ka'u wale no i iini nei ai o ia kou haawi mai i kou aloha ia'u he mea ole na mea e ae i ko'u poonoo. o ko'u ike wale aku no ia oe, aia kou aloha no'u ahiki i ko kaua mau la hope o ke ola ana ma ka honua nei." Haka pono aku la ka nana ana a ka haku Fanadale mahuna o ka helehelena o kana wahine hoopalau alaila kiloi iho la konapoo ilalo, a ia aea hou ana ae iluna, ia wa i pane aku ai:

"Aole e nele ana kou hauoli e kuu aloha, no keia noho ana aku o kaua. oiai ua hooholo iho au i ko'u manao, e hoo pau i kela ano kahiko o' ko'u ola ana, e hoomamal mai ana au mai kekahi mau hoaloha mai, i ike ole ia ko lakou mau inoa, iwauna o ke anaina a ka poe hanohano. He hookahi wale no kumu nui o ko'u hui pu ana aku me kela poe, maknanuli o ko'u  pilikia. a i wahi e nalohia aku ai na manao mai kai ole mai ia'u aku,  pela au i komo ai me kela poe kanaka; aka nae ua aie nui loa au i kou lokomaikai palena ole e kuu aloha. a na auhee aku ka maka'u ame ka hopohopo mai ia'u aku i keia wa.

"Ua hiki loa ia'u ke malama aku i kekahi halelio, me na lio heihei, a komo aku iloko o na hana leallen, me ka lilo ole o ia mau hana, i mea no;i e hoopoina ai i ko'u ku lana ame ka'u hana. Ua komo nui na keikialii ame ka poe kalaiaina iloko o ka hana lealea o kela ano me ko lakou @ ano. no ka lede kalala he nui kona mau hoaloha keia manawa, iloko o kona mau la pokole loa o ka noho na ma keia wahi. a ua lohe mai au. aia ka noonoo nui kekahi o na kanaka waiwai o keia kulanakauhale maluna na no ka lawe mai wahine mare na@@. Ina no ka hoea o mai i ka hookoia ana o ka mare mawaena o latta alaila ke kaawale loa ana ia o Kalala, mai ko'u noonoo ana aku nona."

Minoa ka mai la o Miss Kajani, no kela mau hou@@@@ a ka Haku fanadale, alaila pane mai la ua wahine nei: "Ua hoohauoli loa mai oe ia'u e Hale, a i oi aku mamua kahi ahiki ia'u ke olelo ae owau ka wahine hauoli loa ma ka honua nei ua hoea mai i ka hookoia ana o ka iini a kuu puuwai. Ua nanaia mai au he wahine noho malie, me ka uilani ole o ka manao. he mau mea olalo ole nae ia o ka mea wale no nana i kono mai ia'u e noho malie, o ia no kuu ike ana, ua lilo mai oe e Hale he ipo aloha na'u a no kou pono wale no. i kanalua ole ai au e molia aku i ko'u mau mea apau no kou hauoli."

Puliki mai la o Miss Kalani i ka a-i o ka Haku Hale, me ka honi ana mai no hoi iaia, a i ka mao ana ae o kela lulumi ana o na ipo, ia wa i pane aku ai ka haku opio: "Aole au mea e hopohopo ai e kuu aloha, owai auanei ka mea e komo mai mawaena ou ame a'u. o Kapena Ivana Leonada wale no. Pehea aia anei he wahi hopohopo iloko ou, no ka oili mai o kela kapena i kekahi la?"

"e hamau!" wahi a Miss Kalani, me kona nee ana aku a kaawale mai ia Hale Fanadale aku, a i mai la:

"Pehea la oe e Hale. i hoehaeha mai ai i kuu noonoo, me kena mau olelo au? ua maopopo anei ia oe, ua loaa mau ka mocuhane ia'u, no ka ike ana i kona helehelena? O, he keu aku ko'u hoowahawaha i kela kanaka!"

"Auhea oe e kuu Bela aloha, in a owau ma kou wahi, aloe e lilo na olelo a'u i kamailio aku nei, i kumu nou e piena ai. I hoopaani wale aku nei no au ia oe. aole me ko'u manao kui'o maoli. Ina he manawa kekahi ma keia mua aku e oili mai ai kela kanaka, alaila o ke diabolo kona hoa e kohu ai. O ka mea e loaa aku ana iaia, o ia no kona ike ana iho, owau ka mea kuleana malua ou a owau ka mea nana e ai hookano nei i kekahi hapa o kona mau waiwai. Mai uwe oe e Bela. e noonoo kaua no ke ano o ko kaua noho ana aku. O kena ano ou, he mea hookaumaha loa mai ia i ko"u manao."

Lalau aku la ka Haku Fanadale ia Miss Kalani, a hoopili mai la iloko o kona umauma, me ka puliki ana mai no hoi o kana wahine hoopalau iaia, he hookahi no hana, o ka noke i ka uwe, a o ia ka Hale o ka pane hou ana aku:

"Ua ike au, ua makemake oe e kuu aloha e noho iho no au me oe ma Kanale Hale nei, e noi aku ana nae au ia oe e hookuu mai ia'u,oiai he mea pono e hele aku au e nana i kuu home ame na kau'wa e noho nei malaila. E huli hoi hou mai ana no au imua ou, mamua ae o ka aina ahiahi, a ia wa au e hoike aku ai i na mea ano nui e pili ana i ka'u huakai aku nei no Ladana; a o kekahi mea nui a kaua e kamailio ai, e pili ana no ia no ko kaua wahi e noho ai mahope iho o ko kaua mareia ana, he elua keia mau waiwai i pili pu kekahi me kekahi, a nau e koho i ko kaua wahi e noho ai. He maikai no ko'u home, eia nae me ka nui o ke dala e hooliloia aku ai, alaila pau kekahi mau hemahema ano nui, e kupono ai ko kaua noho ana, a i hiki ai no hoi ia kaua ke hookipa mai i na malihini, ma ke ano hanohano."

"Ina o kena wale ae la no ka pilikia o kou home, he wahi hana liilii wale no ia: aole o'u hoihoi iki ka noho ana maanui, kahi a' u i noho ai, ma ke ano he pio, me ka hooko ole ia o ko'u mau makemake. Ua makemake au e hoopoina loa i na mea o ka wa i hala, a e   ola aku au ma ke ano kaokoa loa, iloko o ka hauole, me ke kanaka a kuu puuwai i aloha ai, a aneane loa ai e hoomana aku ia oe e Hale.

"E hoolili kaua ia Fanadale Hale, i home no kaua ma keia mua aku, ua hiki loa ia'u ke ike aku, o kou makemake maoli no ia e Hale. Elike me ka nui o kau mau dala i makemake ai, pela no e haawiia aku ai ia oe, me kou noonoo iho, o oe maoli no ka mea nana ia mau dala; o kou mau makemake apau, ua like pu ia me ke kanawai o ka'u wale no ka hooko aku i kou mau iini."

Ke olu loa la ko ka Haku Fanadale manao, no kela mau hoakaka a Miss Kalani, no ko laua hoi aku a noho ma Fanadale Hale; e hala ana kekahi mau mahina loihi, ma ka hooponopono ana i kela home, a maimai, no ko laua hoi aku malaila e noho ai, nolaila, ua loaa he kumu kupono loa ma kona aoao, e koi aku ai i kana wahine hoopalau, e hoopanee aku i ko laua mare i mau mahina hou.

He ekolu wale no mahina i koe, alaila hoea mai i ka hookoia ana o ka mare maluna o laua, a iloko o ka noonoo o ka haku opio, he pokole loa kela manawa, a ke hopohopo mau la oia, in a no ka ai ole mai o Miss Kalani e hoopanee, alai he hana paakiki nana ka hoao ana e alo ae, mai ka hookoia ana o ka mare maluna o laua.

Me ela maopopo nae o kana kupono loa e koe aku ai ia Miss Kalani e hoopanee i ko laua manawa e mareia ai, ua huna iho la oia ia mea iloko on a, ahiki i ka ae ana mai o kana wahine hoopalau e haawi mai i kekahi huina dala mahuahua ana e noi aku ai iaia.

Me he mea la, i ka nana aku i ka haku opio, ua hele oia a kau ka weli i ke ano o ke aloha o Bela Kalani iaia, no ka mea in a i loaa aku ana ka ike i kela wahine opio, aia kekani wahi ano epa ma ko ia nei aoao, aole ana e hoohakalia iho kela wahine, i ka hookau anamai i kekahi mau haawina malua ona. No ke ano o na kane, ua kamaaina ka Haku Fanadale, ua hiki iaia ke ku aku a  paio no kona pono, aka o ka huhu o na wahine, aohemea hiki ke hoomalielie aku.

"Kekakali loa mai la ke kalaiwakaa ia'u, e hookuu mai oe e Bela, e hoi ae au no kuu home, a hoea hou mai i keia ahiahi mamua o ka manawa o ka paina ahiahi"

"Alaila ma keia mua aku, aole au hele hou ana e Hale, i hiki ana ia'u ke ike mau ia oe i kela ane keia la, pela anei e kuu aloha?"

"Ae, iloko o na la apau a'u e noho ai maanei, e ike mau ana kaua ia kaua iho, a koe ka manawa a'u  e hole aku ai no ke kulanakauhale, no ka mea he nui no ka'u mau hana i makemake ai e hele aku e hooko. E ike mai oe e Bela, he lala au o kekahi mau kalapu lehulehu, ma ia ano iho la, he mea pono ia'u e loaa aku ma no manawa halawai pehea he lili nae paha oe, no ko'u komo pu aku iloko o na hana hoohauoli ea? Ma ko'u mamao, he mea pono no ia oe ke hele no ke kulanakauhale ma keia kikina ae, a o ka Lede Kalala, ka mea nana e  hoolauna aku ia oe imua o ka pohai o ka poe hanohano, ua kamaaiana oia i ke ano o na anaina o kela ano."

"He hookahi iini nui iloko o kuu puuwai, o ia no ko kaua hoohala ana i ka mahina meli, ma na aina mamao, mahope iho o ko kaua  mare ana, aia a huli hoi mai no ka aina nei, ia wa kaua e komo aku ai e huikau pu me ka pohai o ka poe hanohano, a no keia manawa la, aole o'u makemake e hoolaunaia aku m;e kela poe hanohano.

"O ka iini hookahi iloko o kuu puuwai e noho aku mei, o ia no ko kaua hoohui koke ia iloko o ka mare e Hale, no ka mea eia mau ka manao hopohopo iloko o'u. no ka oili mai o kehahi mea, e lilo ai ko kaua hoopalauia ana, i mea waiwai ole."

No ae la ka Haku Fanadale i ka akaaka, ma ke ano hoolalau wale no, alaila lele aku la e honi i ka ihu o kana aloha me ka pane ana aku:  "Ua lawa keia keia kamailio ana o kaua e hele au, a hoi hou mai ka wa kupono," o kona kaha mai la no ia hele no kahio ka puka, me ka ukali pu ana mai no hoi o Miss Kalani, ke kuikuilima pu la ua mau ipo nei, ahiki i ka puka, hookuu aku la o Miss Kalani ia Hale e hele hookahi no ke kau ana aku iluna o kona kaa.

Ke ku malie la no ua wahine opio nei nana i ka holo o ke kaa o Hale, a i ka meha ana iho o ka nakeke o no huila kaa, akahi no ua kaikamahine nei, a haalele iho i kana wahi e ku ana, a huli  hoi aku la noloko o kona @umi, me ka noonoo nui ana, no na olelo i kamailioia e laua ia na minuke mamua aku.

O ka holo hoi ia  o ke kaa e kau ana o ka Haku Fanadale, ahiki i kekahi wahi, he hookahi haneri paha kapuai, mai kona home mai, kauoha aku la oia i ke kalaiwa e ku iho ke kaa, o kona lele aku la no ia ilalo, me ka hookuu ana mai i ke kalaiwakaa, e hoi no kona wahi, alaila helewawae aku la ua haku nei, ma kekahi alamui ololi, aia wale no kona poo ilalo kahi i kukou ai, me ka namunamu ana iho i keia mau olelo:

"He mea ano nui maoli ka hooko ana aku o kekahi mea,i na hana maikai he nui i ka manawa hookahi, aka nae, he hana nui ka huna mau ana aku, i ka mea oiaio loa iloko o ka puuwai.

"Ua maikai maoli na mea apau i hoolalaia ai, eia nae, o ke ano o na wahine, he keu lakou a ka poe naaupo, aole i kaa aku ka lakou mau wahi i hoomaopopo, mamua o ka pou o ko lakou ihu. He makemake loa ka Lede Kalala e loaa ka Haku Kime Danakoto, i hiki ai iaia ke uhauha i na dala a kela keonimana aoo: ua makemake pu no hoi oia e lilo i makuahine no na kaikamahine i nunui mua a kela kanaka. No Bela nae, ua makemake loa oia iloko o ka mahina ai nei o iune maua e mareia ai; aka no'u iho, aole he wahi aloha iloko o'u no kela wahine: e ku a ma'i ana au, ina no ka ae aku, e alakaiia e Bela ma ko'u mau pukaihu, o ia no oe o na pipi Pake, oloko o na lo'i laiki."

Hookomo iho la oia i kona mau lima a elua maloko o na pakeke o kona lolewawae, a ma kahi o kona hoi pololei aku no kona home ma ke alanui akea, komo aku la ua haku nei iloko o ka ululaau, mawaena o ka paka ame ke alanue akea, Ua pili maoli ka ulu ana o na kumalaau, e hikiwawe ole ai kana hele ana, aka, he hele malie la no nai oia, aohe wahi mea a nana ai i ka akua, a i  ka hema paha, aka aia wale no kona mau maka imua kahi nana ai, a ua ma'u no kela hele ana aku ana, hooea aku la oia i kekahi wahi hale kahiko, e ku ana iwaena o ka ululaau.

Ua hoopuniia kela hale e kekahi malapua nani, a e kani ana hoi kekahi manu kenere, maloko o kona hale i kauia a kahi o ka puka aniani.

He pololei aku la ua haku opio nei a mamua o ka puka o ka hale, alaila kikeke aku la, aia hoi, iloko o ka manawa pokole loa, ua weheia mai la ka puka e kekahi kaikamahine opio, a i ka ike ana mai i ka Haku Fanadale, lamalama ae la kona mau maka, e hoike mai ana no kona hauoli, i ka ike ana mai i ka haku nona kela aina nui a waiwai.

"E komo aku au iloko e Kakalina, ua ike au, aia kou makuakane ma kana mau hana iloko o keia manawa o ka la, nolaila aole, oia e hoopilikia wale mai ana i ko kaua nanea ana o kaua wale no."

Me kona kakali ole aku a ae mai ke kaikamahine opio, ua komo okoa aku la ua oia iloko, me ka hopu ana aku i kekahi lima o ke kaikamahine opio, me ka hoao pu anaaku hoi e hone iaia, na kaile ino aku la o Kakalina i kona lima, me ka huli ana mai imua o ka Haku Fanadale, a pane mai la:

"Uwoki kena ano hana au e ka Haku Fandale; o kou hoao ana mai e lintanui ia'u, ua pili ka hewa hoohaahaa ia oe. I keia mana, ahoe au mea hou aku e noonoo mai ai no'u owau wale iho la no keia o Kakalina, ke kaikamahine a ke kanaka nana e malama riei i kou mau holholonahe kaikamahine hoi, iloko o na la aku nei i hala ah e pulapu ana iaia me kau mau olelo waimeli o ka hookamani;no ka hoohala ana i kou mau manawa o ka la. he nani ia ua hoea mai la oe, he mea pono ia'u ke hoike aku i ka mea oiano loa imua ou, no ka manawa hope loa."

"Ae in a he mea kekahi au i noonoo ai e kamailio mai ia'u ua makaukau au e hoolohe aku, i pane aku ai ka Haku Fandale. me kona nho ana aku maluna o kekahi koki. "E hookau mai i kau mau hana hoehaeha maluna o'u i papaluaia iho ka nui o ka ehaeha a'u e auamo ai, ua hiki no nae, o ke ano iho la no'ia o ke ola ana o na kanaka ma keia ao inea."

Nana mai la o Kakalina maluna o ka Haku Fandale, me ka aaki ana iho o kona mau lehelehe, aia hoi ka manao kanalua iloko on a, no kona hoopuka mai i na olelo e hoehaehaia aku ai ka noonoo o ke kanaka ana i aloha ai, No kekahi mau sekona ke ku malie ana a Kakalina, nana i ka haku opio, ia wa oia i hoomaka mai ai e kamailio:

"Auhea oe e ka Haku Fanadale, ua hana hewa loa au, ma ka ae ana e hookipa mai ia oe maliko o ko'u hale nei i ka manawa i kaawale aku ai o kuu makuakane ma kana mau hana; a no keia hope aku,, ke makenake nei au, e hoopau loa oe i kou hele hou ana mai, no ka hui pu ana me a'u, a e pau ko kaua kamailio ana, elike me na la aku nei i hala," alaila halo'iilo'i mai la na wainaka mai kona mau ilhilihi maka mai, me ka hele hoi a haalulu kona mau lehelehe.

"Aole au he kaikamahine kuaaina, elike me ka nui o na kaikamahine e noho nei ma keia wahi, no ka mea ua loaa ia'u ka hoonaauao kiekieia, a nona au e haawi aku nei i ka'u mau hoonaikai kiekie ana. Ua ku naoli no au i ka hewa, a ua mihi au me ka walania no ko'u ae wale ana e hoohaahaa ia'u iho ma ka hookipa ana mai ia oe.

"He oiaio mamuli o ko'u ae ana aku ia oe e hele mau mai e hui pu me a'u, ua komo ka manao makemake a hoohihi iloko o'u nou, ua hoolohe aku au i kau mau olelo mali i piha me ka waipa he, a ua manaoio aku ia mau olelo au, aka nae, ua hoopunipuni ino loa mai oe ia'u e Hale. No ia kumu aole loa e hiki ia'u ke manaoio hou aku ia oe, a ke kauoha aku nei au ia oe, e ku a hele mailoko aku nei o ka hale o kuu makuakane.!"

Kuhikuhi mai la kekahi lima o ua kaikamahine nei, i kahi o ka puka, aia hoi kona kino ke ku la iluna me ka pololei me ka paa ana o kekahi lima ma kona puu, a o ia ka ka Haku Fanadale o ka i ana aku:

"E kuu Akua, aole! me ka hele o na maka o ua haku opio nei a kunahihi maoli, me he mea la, o kela ka makamua loa iloko o kona ola ana, i hoike mai ai kona mau ano, i ke ku maoli i kahi o ka hoka, a o ia kana o ka pane hou ana aku:

"No ka makahiki holookoa, i haulehia ai au i ke aloha ia oe e Kakalina; mai kela manawa mai a ko makuakane,i hoihoi mai ai ia'u, iloko o ke kulana kupouli no ko olua home nei, i ole ai e hoohihi;aia au imua o ka'u pae malihini. Mai ia manawa mai ko'u aloha ahiki i ka uhi ana mai o ka lepo maluna o kuu kinjo nei. Ieaena o na wahine apau ma ka honua nei, o oe hookahi wale no e Kakalina ka'u mea i aloha ai.

"o ko'u komo iloko o ka aie, ke kumu nana i kono mai ia'u e hoopilipili aku ia Miss Kalani, i wahi e loaa mai ai ma kokua ana, e pau ae ai kela mau aie o'u, aole no kuu makemake maole e mare aku i kela wahine, aole loa! O ko'u hoomamao ana nai iaia mai, he mea ia nana e hoolilo mai ia'u i kanaka hana karaima, ua ike oe e Kakalina i ka mui o ko'u mau pilikia, a e lokahi mai ana no oe, no  ka naauao o ke alahele a'u i imi aku ai, i wahi no'u e pakele ai, mai na umii mai a ke kanawai."

"ke lokahi aku nei au me kena mau hhoakaka au e Hale, aka nai, ua ike uo oe, aole loa au i ae aku, e mare oe i kela wahine."

"Pela uo e Kakalina, a e ike mai no hoi oe, aole au i mare me Miss Kalani, aka i hana wale aku no au, i ka mea e hooluoluia ai kona noonoo, pela e loaa mai ai kana dala ia'u. He mea pono ia'u e pulapu aku iaia me ka piha me maalea loa, o ko'u pakele ana ae mai ke kanawai mai, he ponaikai ia, aole no'u wale iho no, aka no ko kaua hauoli like kekahi. O ka mea apiki a'u e hoike aku nei ia oe e Kakalina, ua haulehia kela wahine i ke aloha kupouli ia'u, a he mau kaukani dala kana o ka haawi ana mai ia'u i kela mau pule aku nei,eia nae, ua hele aku au, me ka manao, e laki ana au ma ka hana piliwaiwai, o ka mea apiki nae. ua puehu aku kela mau kaukani dala, iloko o ka manawa pokole loa, a hoi hou mai nei au, no ke koi ana aku iaia, e haawi mai i mau kaukani dala hou, a in a nei no ko'u halawai me ua haawina pomaikai, alila e hoihoi hou aku no au i kana mau dala apau o ka haawi aua mai ia'u o ka pau loa ana ae la kela o ko'u hoopilipili hou ana aku me ia/"

"Alaila i kahi ae nei no paha oe o ua wahine nei ea?"

"I hele mua ae nei au i kona hale, i ole ai e ala mai na manao hoohuoi iloko on a, no ko'u ano, oiai naem aia mau no ko'u noonoo me oe e Kakalina; a ma keia hope aku, e hoao no au ma na ano apau, e haalele aku i ko'u mau ano lalau, no kou pono, me ka lana o ko'u manao, e halawai aku ana no au me na ulia pomaikai."

Me kela mau olelo waimeli mai ka Haku Hale aku, lalau mai la oia ia Kakalina a hoopili aku la i kona umauma, aole no hoi he papale mai o ua kaikamahine nei, me he mea la, ua olu aku la paha kona manao, mamuli o ka hoauheeia ana aku o na manao inina iloko on a nno kela haku opio, a ka piha maalea maoli.

"He kino ikika ko'u mamua o kou komo ana mai nei e Hale ma ko'u home, aka no keia mana wa nae, ua hele au a nawaliwali maoli." i pane ae ai o Kakalina. "O ka mea pololei maoli." aole loa o'u kuleana e hoolohe aku ai i kau mau olelo no ka mea ua maopopo loa ia'u, a i na mea no hoi apau, iloko ae nei o ka mahina o Iune e mareia aku ai oe me Miss Kalani,  no kela mare aku o olua, ua aneane maoli e maha kuu puuwai."

Noke ae la ka haku opio i ka akaaka me ka leo nui, a i mai la: "O ka ka nupepa ia i kukala akea ana, iloko o ka mahina o Iune e mareia ai au me kela wahine, ke hoohiki paa aku nei nae au imua ou e Kakalina, aole loa e hiki i kekahi wahine elike me Miss Kalani e alakai ia'u ma kuu ihu, o oe wale no e Kalalina. O ka iini nui iloko o'u o ia no ka hoi hou mai o kuu home, malalo o ko'u malu, no keia kumu, e haawi mai ana o Miss Kalani i ka huina dala a'u e koi aku ai iaia."

"Aia ka manao nui o Miss Kalani, no ka hoi mai ma kou home, e noho ai, mahope aku o ko olua mareia ana." me ka noke okoa ana iho o Kakalina i ka uwe.

"Ae, pel kona manaolana, aka nai, aole loa e hookoia kela manao palaualelo ona, o oe aku ana e Kakalina, ka haku o kela home." ua lilo hoi kela malu olele, i mea e hoolanaia ai na manao o ke kaikamahine opio, na ka hoea ole mai i ka wa e hookoia ai ka mare mawaena o Miss Kalani ame ka Haku Fanadale.

Me ke akahele wale no kaua e hana ai e Kakalina , a e ike aku no auanei oe, nou wale no ko'u noonoo i no manawa apua, ma keia mua aku, aole no kela wahine,i hoopilipili wale aku no au iaia, no ka pulapu ana i wahi e hookoia ai kuu iini, e lilo i kanaka lanakila mai ka noho aie ana. E honi mai oe ia'u elike me kau hana mau ia'u iloko o kela mau la i hala, a e hoike mai, no koi aloha ia'u!"

"O he o ia mau no kuu aloha ia oe e Hale, a ua hoopiha loa ia mai au i ka olioli no keia hoea ana mai la ou.":wahi a Kakalina, me ka leo i hele a nawali. i kau a mea o ka punihei i na olelo pelo a kana ipo aloha.

"Me he mea la iloko o keia mau la a'u e noho nei, aole a'u mea hoohoo nui loa, o kela mare wale no mawaena ou ame Miss Kalani, iloko o ka mahina o lune e hoea mai ana, a o ka lua, o la no kekahi anina hoolewa.  U'a lawa keia kamailio pu ana o kaua, e hoi oe e Hale, o hoea mai anunei kuu makuakane, ike mai oia i ko kana noho kokoolua maloko nei.

"Heaha auanei hoi ka hewa, in a mo ko kaua loaa mai iaia maloko nei! E noho ana no au ahiki i kona hoi ana mai, a in a no e koi mai ana oia i ko'u kuleana maloko nei o kona home, aole no au e kanalua ana i ka hoike ana aku i ka mea oiaio ua hoopalauia oe me a'u a e lilo auanei kou makuakane, i mea malama i ka kaua meahuna, e pau ai ko'u hopohopo, i ka hele ana mai e ike ia oe, i na manawa apau, me ka ike ole mai o kela wahine ino."

Ua hoohauoli loa ia aku ko Kakalina manao, no kela mau hoakaka a Male Fandale, he mau olelo e hoike okoa aku ana, aole he manao kolohe me ka cpa iloko on a, aka ua makemake maoli no oia e lawe aku iaia nei i wahine nana, eia nae aole oia i ae mai i kela manao o Hale, a o ia kana o ka pane ana aku:

"Aole he mea maikai ka hoikeike ana aku i ko kaua ano imua o kuu makuakane, ua kamaaina au i kona ano. aole e hiki iaia ke pani i kona waha, i hakalia i ke komo o ke kiaha waina iloko ona, o ka hoomaka aku la no ia e kamailio, pela au e hopohopo loa nei nona. Ma ka po nei koke aku la no, iaia i hoi mai ai me ka on a, ke kakauolelo a Sr. Leonada, pela hoi me ka Lede Kalala, o ia ka hoao o kela wahine, e lio oia i mea nei i na kanaka o keia wahi. Mai kuu makuakane mai au e lohe ai i na mea e hanaia ana ma Kanale Hale, a ua manao maoli no oia, o Mis Kalahi aku ana ka haku ma kela home."Honi aku la o Hale ma na leheleha o Kakalina, a i aku la: "Malia paha o kene ka manao pololei loa e Kakalina, ke apono aku la au i kou manao, a he pololei mau no kau mau mea apau e kamailio mai nei, owau no ke olalau mau. E hoao ana au e lilo i kanaka maikai ma keia mua aku. a ma na manawa apau a'u e hoea mai i imua ou, aole oe e ike hoi mai ana ia'u, iloko o ke kulana on a. Ke lana nei kuu manao, aole au e hoopa hou ana i ka pepa hahau. aka ma ka hana heihei lio malaila paha au e hoao aku ai. e loaa mai kekahi puu dala nui ia'u."

Ma kela wahi o na olelo mawaena o ka Haku Fanadale ame Kakalina, i haalele aku ai ka haku opio i kana ipo aloha, me kona ike maoli iho no, o kela kana kaikamahine i aloha ai, a ke hoowahawana loa la oia, no na hana hooipoipo a Miss Kalani iaia.

Ma kela ahiahi, maloko o Kanale Hale ka Haku Fandale kahi i ai ai i kona aina ahiahi, a ua hoohauoli loa ia aku ka noonoo o ua haku nei, no ka nui o ka pae i hoea ae ma kela home ia ahiahi, no ka mea he kumu maikai loa kela e hiki ole ai ia Miss Kalani, ke koi mai e pili mau aku keia me kela wahine.

Lwaena o na malihini i hoea ae ma kela ahiahi, o Kauke Lolena kekahi, a ke ike la ka Haku Fandale, i ka maikai ole maoli o ko Miss Kalani manao no kela kauka, oiai aole he kamailio wale mai o kela wahine opio. i ka hoaloha kahiko o kona makuakane hanai.

O ke kahunapule kekahi o ka luakini i hoea mai, no ka mea mamuli o kekahi kokua manawale'a i ka luakini, ua lilo kela wahine opio i mea makemake nui ia e ke kahunapule me Kalala Fandale, me ko maua noho ana, ma na noho i hookaawaleia no ka ohana Leonada. oiai o Miss Kalani ke kuleana i kela noho, i keia manawa. ua hiki iaia ke lawe aku i kona mau hoaloha malaila e noho pu ai me ia.

Ua kamaaina loa ka Lede Kalala i kela kahunapule, a i ka hoolaunaia ana aku o ka Hlaku Fanadale imua on a, ua hookahaia ana aku kona manao, mo ka mea o kela ka manawa mua loa ana i ike mai ai i ka haku opio, oiai nae, ua lobe nui oia i kona inoa akahi no nae ka halawai kino.

Ke hauoli loa nei au, no ka halawai pu ana me oe e kuu haku," i pane mai ai ke kahunapule i na olelo hikimua, mahope iho o kela hoolaunaia ana ae on a imua o ka Haku Fandale. "Ua loihi loa keia manawa mahope mai o ka make ana aku o kou mak@akane, aole o'u ike iki ia oe. a in a no paha aole au i hoea mai nei no Kanale Hale nei, aole no kaua e halawai pu."

"Eia paha ma ko'u aoao ka pilikia nui, o ko kaua halawai mua ole ana." i paue aku ai ka Haku Fanadale ma ke anohoihoi ole. "Ua hoikeia mai @a'u ka lohe, he mau manawa kau o ka hoea ana ae uo Fandale Hale, aole nae au o ka hale ia mau manawa a hui pu iho no hoi me ko'u hele ole i ka pule, aole he manawa no kaua e ike aku ai kekahi i kekahi."

"E loaa no au ia oe maloko o ka halepule i keia Sebati ae. O kou kaikuahine me Miss Kalani ka hele mau nei i ka pule i keia manawa a malia o hele pu ae oe nie laua."

"E hoea i'o aku ana au no ka halepule i keia Sabati ae, no ka mea aole he maikai ka hele aku o na lede i ka pule, a noho hoi au i ka hale nei; a he hana ku ole no hoi ia i ke kulana keonimana."

"Ke haawi e aku nei au i ka'u mau hoomaikai ana he nui ia oe e kuu haku. He nui ka'u mau mea i lohe ai i ke kamailioia e pili ana ia pe, me he mea la nae. he hakuepa wale iho no ka hapanui o ia mau mea@ a'u i lohe ai na na kanaka."

"Malia paha ua pololei no la mau olelo, no ka mea he kanaka hooponopono ole maoli no au ma ka'u mau hana apau; a no ia ano, i komo kuhohonu aku ai au iloko o ka aie, aole hoi o ka waiwai, ka mea nana i hoopiha mai i ka hoonaukiuki iloko o ko'u poe. E noi aku ana nae au i kau huikala ana mai a'u no ka hele ana aku e hui pu me Kimo Danakota, ua kamaaina mua au i kela kanaka oia kekahi o na kauaka nemahema loa ma ka paani pahupahu."

Haalele iho la o Hale i ke kahunapule a hele aku la no kahi a Danakota e ku mai ana aia hoi iloko o ka noonoo o ka haku opio, kekahi manao, e hoao oia e hana aku ma na alahele e lio mai ai ka noonoo nui ana o kela kanaka onamiliona maluna o ka Lede Kalala.

"E pono au e hooikaika ma na ano apau, e @meia mai ai kona manao hoohihi no ka Lede Kalala malia o lilo oia ma keia mua aku i mea kokua mai i kona kaikoeke, i ka wa o ko'u pilikia," namunamu wale iho ai no ua haku nei iloko ona.

 

Mokuna X

 

Elike me ka ka Haku Fandale i hoike aku ai imua o ke kahunapule, ua hele i'o oia i ka pule ma ke Sabati ana ae, pela no ma na Sabati mahope mai. me ka noho an i kekahi manawa ma kahi i kookaawaleia no ka ohana Fandale. a i kekahi manawa e noho ana oia ma kahi i hookaawaleia no ka ohana Leonada.

Mamuli o keia hele mau o ua haku opio nei i ka pule ua lauha nui mai la ka pohai o ka poemaikai me ia me ku kipa okoa ana mai no konahome pela no hoi kona hele aku i ko lakoi mau home a ma ke ano nui ke olelo ae o na ano o ka Haku Fanadale o na la aku i hala ua hoopoina loa ia ia e kela poe aole no hoi he kamailioia o kana mau huakai e holo mai aua no Ladana no na hana ubauha.

(Aole i Pau.)