Ka Nupepa Kuokoa, Volume LXI, Number 9, 3 March 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

PITA NIKOLA

a i ole

Ke Duke I Haalele Aku I Kona Kulana Hanohano a Lawe Mail I ke Kulana Makaninana

Haawi aku la o Nikola i kana kunou ana imua o kona haku, o kona hele mai la no ia no kahi o ka puka, a iaia I wehe aku ai, I ku ino ae ai o Kaika iluna, in eke kunou ana mai imua o Nikola, eia nae ke hoomaopopo aku la o Nikola, ua lohe kela kanaka I na olelo apau e kamailioia ana maloko o ka rumi, no ka mea ma ka puka no oia kahi I hoolohe ai, aole hoi I hele aku ma akhi mamao, elike me ke kauoha a Makuaia iaia.

MOKUNA IX.

Ma kela haalele ana aku a Nikola I ka rumi o Makuaia, iho mai la oia no ka hale malalo, a hele loa aku la no ka halekuke, o kahi o ka laki, ua loaa aku la iaia o Beka Kamerona, a kamailio aku la, aole e walaau iki no na mea ana i ike ai i kakauia ma ka pepa o ka loaa ana aku ia laua maluna o ke kumulaau.

Ma ke ano nui ke olelo ae, ua holopono kela huakai a Nikolo no Nu Ioka, ua huli hoi mai ola no Pohaku Eleele ma ka auwina la o ka Poahu ae.

Ma ke alahele nae no Nu Ioka, ua kau aku oia maluna o ke kaa otomobile o Pege, a no ka manao paha o kela kaikamahine, he kanaka kulana haahaa o Nikola, kauohaia mai la keia e kau iluna o ke kaa, ma ka noho mhope loa, oiai hoi tia kaikamahine nei a Makuaia me kona mau hoa, ma na noho mamua; aole no nae o Nikola nana no kona kapaeia ana mai mahope loa, o kana wale no I nalu iho ai iloko ona, ina o kona paalole o ke kulana duke kona e komo ana, me kona mau mekala hoohanohano hoi, ma kona umauma, aole ana e nele ka hoomakaleho mai o kela kaikamahine iaia nei.

Ua hele a ahiahi loa ma kela Poakolu, hoea aku la lakou nei no ke kulana kauhale o Nu Ioka, nolaila, aole he Manawa no Nikola, e hele aku ai e hui pu me Mr. Kelekona, nolaila hoi aku la oia maloho o kekahi hokele, no ka hiamoe ana ma kela po.

Ma ke kakahiaka ana ae o ka Poaha, akahi no oia a hele mai no ke keena o Mr. Kelekona, a waiho aku la I ka bilakikoo dala a Mr. Makuaia o ka haawi ana mai iaia, a loaa mai la no hoi ka elima kaukani dala iaia, ma ked ala pepa. Ua nui na mea a Mr. Kelekona I niele mai ai iaia nei, no ke kumu o ka makemake ana o Mr. Makuaia I kela huina dala mahuahua, eia nae, aole o Nikola I hoike aku I ka mea oiaio, o kana pane wale no aole he mea I maopopo iaia. Aia ka makemake iloko o Nikola, e hui pu me Kelekona opio, kona hoaloha nana I hooikaika a loaa iaia keia kulana malalo o Mr. Makuaia, aole nae kela kanaka opio ma kona home, nolaila ua hoohala nui ua o Nikola I kona Manawa o kela kakahiaka, mamua o ka holo ana o kona kaaahi. Ma ka hele ana e kuai I mau buke leo mele amen a buke himeni, no kona makemake e a’o aku ia Beka Kamerona I ka himeni.

Ua nui maoli kana mau buke mele o ke kuai aua, me kona nana ole ae I ka lilo no ia mau buke. A ua pomaikai no hoi oia, I ka loaa ana o na buke maikai loa iaia, I kakauia e na kanaka kaulana i ka himeni ame ka haku mele o Italia, he mau buke hoi. E hoakaka ana I kea no o ka paka ana I ka leo a maikai.

He elua makahiki holookoa I hooikaika ai o Nikola e loaa iaia ka ike hookani piano ame ka ike himeni ua hoea mai nae I ka Manawa ana I olelo iho ai iloko ona aole e lilo kela mau makahiki poho wale, aka e haawi aku ana oia I ke kalena I loaa iaia ia Beka Kamerona a ma o kela kaikamahine auanei e hoopukapukaia ai kanaka kalena I loaa.

Ua ku maoli ka paila o na buke leo mele, iaia o ka huli hoi ana aku no ka home o kona haku, maluna o ke kaaahi, a iaia I lele aku ai ma ka hale hoolulu, a kau aku la hoi maluna o ke kaa a kona haku, o ka hoouna ana mai, no ke kii ana iaia. Huli hoi mai la oia no Pohaku Eleele eia nae, kipa mua ae la oia ma ka home o Beka Kamerona, no ka haawi ana aku I na buke mele, ana o ke kuai ana na kela kaikamahine, elike me ia ana I hoopaa mua aku ai, e haawi makana aku ana oia I kekahi mau buke himeni.

Ma kela hoea an aaku o ka lanai, e puhi ana I kona ipupaka nui, a no ka pane ana mai I ka Nikola ninau no Reka, hoopinana wale ae la no ua kanaka nei. I kona poohiwi akau, me ke kuhikuhi ana ae I kahi o ka puka.

Ma kela hoea ana aku o Nikola no ka hale, o Keka Wala o ka haawi ana mai iaia nei, aia no o Beka maloko o ka hale, nolaila kikeke aku la oia ma ka puka, aole no hoi I loihi kona kakali ana, weheia mai la ka puka, a ku ana o Beka, ua owiliwiliia ka lima o kona lole, a kau iluna o ka poohiwi, a e kau ana no ka hu’ahu’a kopa maluna o kona mau lima, e hoike mai ana, he holoi kana hana, ma ka Manawa I kikeke aku ai o ka puka.

“Heaha kou kumu o ka hele mua ole ana ae nei e hoike ia’u e Keka Wala?” I huli aku ai o Beka a huhu I ka mea e noho hoolai’I mai ana maluna o kona noho, mahope o kona haawi ana mai I koua aloha imua o Nikola.

“Komo mai I loko nei e Mr. Nikola, e kala mai nae oe ia’u, no keia ano o’u au e ike mai la, no ka mea o ko’u la holoi keia.” Alaila huli aku la oia hele noloko o ka hale me ka ukali ana aku o Nikola mahope opa.

“Aole e hiki ia’u ken oho loihi ilio maanei, I lawe wale mai nei no au I keia mau huke nau, a’u o ke kuai ana mai nei ma Nu Ioka.”

“Auwe no ka hoi e! Na’u anei kena mau buke au I lawe mai nei? Aole au I manao e hooko ana oe elike me kau I kamailio mai ai ia’u.” wahi a Beka, me ka holoi ana ae I kona mau lima, I ka epane a kii puaku la no hoi e huki I ka palulu o ka puka aniani, I komo nui mai ai ka malamalama o ka la iloko o ka rumi.

"O keia buke a'u i kuai mai nei, he buke ia no ke a'o ana i ke ano o ka paka ana i ka leo." i hoakaka aku ai o Nikola me ka paa ana ae i kekahi buke iluma.  "O keia buke hoi, he buke ia e hoakaka ana i ke ola ana o na kanaka haku mele kaulana loa. Malia paha e makemake ana o e heluhelu i keia buke, pela au i kuai mai nei nau."

"O, aole ana e nele ko'u makemake e heluhelu i ke ano o na kanaka kaulana. he mea kokua nui Ioa mai ia ia'u. ma ka hooikaika ana aku e kaulike me kela poe kanaka."

"Aole no e holopono loa kau hooikaika ana e loaa ka ike himeni, me ke kokua ole aku o ka piano. aka nae, ua kuai mai nei au i kekahi ki nau, i mea e pololei ai ka puana o ka himeni, aole hoi e kiekie loa i kekahi manawa, a haahaa paha i kekahi manawa."

 

"He pila no ka'u oloko nei o ka hale, he kohu piano aole nae he maikai loa o ke kani i keia manawa, ma kela wahi pila no maua me Tile e hoomaamaa ai i ka himeni ana i na mele o ka Himeni Euanelio," alaila ku ae la o Beka, me ka hele ana aku, a wehe ae la i ke pani o kekahi pahu loihi, o ka hoomaka iho la no ia e pauma, me ka hoo kani ana no hoi."

"Ua hiki no ia oe ke hoomaamaa ma ka hale nei ma kela pila, aka pae ma kou mau manawa kaawale apau ua hiki ia oe, ke hele ae, a na'u e a'o aku ia oe, elike ma ka makaukau ame ka ike i loaa ia'u, ma keia hana o ka himeni."

"E hele aku ana no au e ike ia oe. aole nae i keia la malia paha ma kekahi manawa o ka la apopo."

"Heaha hoi keia ano kukule o Keka Wala, aohe waha mea a kamailio mai ia'u?"

"Heaha mai auanei kau, ua nuha, no kuu ae ole ana aku nei e mane me ia. Ua koi mai nei oia ia'u e ae aku e lilo i wahine nana, a o ka piho, ana iho la ia o ka iwakalua-ku-mainahiku o na manawa ana i noi mai ai ia'u."

"Pela i'o ka, a heaha no hoi kou kumu o ka hooko ole ana aku nei i kona makemake?"

"He la holoi keia no'u. aohe o'u noonoo no ia mea ho mane ma keia la, a ma na manawa e ae no paha ana e kamailia mai ai no kela kumuhana."

Noke okoa ae la o Nikola i ka akaaka, mamuli o ka mao popo ana aku iaia. aole loa e hiki i kekahi mea ke hookikina aku i kela kaikamahine e hana mai i kekahi mea, in a aole i lokahi kona manao ma ia mea.

"Ua loaa ka ike ia Keka Wala, ua hele aku au no kou hale i nehinei, no ka mea e hakilo mau ana oia ma ka'u mau wahi apau e hele ai."

Hoolalau wale iho la no ka Nikola nana ana i kekahi o na buke, no ka mea mamuli o kela pane a Beka, ke hoomaopopo la oia, aia maluna o ke kaikamahine opio ka noonoo nui  o Keka Wala, aka nae pane mai la oia i ka ana mai:

"Malia paha he kuleana koi no hoi kona maluna ou o ka hana pono wale no ma kou aoao, o ia ka hooko ana aku elike me kona makemake."

"Aole he kuleana koi o kela kanaka maluna o'u, owau ponoi no ka haku maluna o ko'u kino ame ko'u mau manao ua hiki ia'u ke hana elike me ko'u makemake. me ka hookikina ole ia mai e kekahi mea. E pono kela kanaka e hookaawale loa mai ia'u aku, a e hoopau oia i kona hoouluhua mau ana mai, o ike auanei oia i kona mili."

"Heaha kau mea i manao ai e hana aku maluna on a?"

"Akaaka ae la o Beka, me he mea la he wahi hana ano ole loa kela a laua e kamailio la, a i mai la: "E hookomo no au iaia iloko o ka papa holoi lole, a wili aku i kona a-i, e nui ai kona waha i ka hamama."

"Ma ka'u nana aku nei i ka helehelena o kela kanaka, me he mea la, ua hele oia a ku maoli i ka maka'u ia oe, aole anei pela e Beka?"

"O ke ano mau iho la ia o kela kanaka, ke piha oia i ka huhu, he pikanana kona mau ano apau aohe ana mea hoihoi iki."

Ma kela wahi o ka laua mau olelo, i huli mai ai o Nikola hele no kahi o ka puka, me ka ukali ana mai no hoi o Beka mahope on a, a o ia ka Nikola o ka huli ana mai ia Beka, a kamailio mai la: "Manao no anei oe e hiki ana i kela kanaka ke nahu mai ia'u?"

"Ua kuhihewa ka'u mea i kamailio mua aku ai ia oe e pili ana nona, aole e hiki iaia ke hoopilikia aku ia oe ma kekahi ano, aka in a he mau hoopilikia ana kekahi ana, mahope ia, o kou a'o ana mai ia'u i ka ike himeni."

Ia laua nei i hoea aku ai nowaho o ka lanai o ka hale, aole he ikeia aku o Keka Wela. haawi ae la ke aloha hope mawaena o laua, o ka hele aku la no ia o Nikola, no kahi o kona kaa e ku mai ana ma ke alanui, a i hakalia no a kau oia iluna. o ka lilo mai la no ia aia ka pahuhopu no ka home o Mr. Makuaia.

Ma kela manawa a Nikola, i kaawale aku ai no ke kulanakauhale o Nu Ioka, aole he mea ano nui i ikeia ma ka home o Mr. Makuaia aole he me hoohalua a maauhele o ka po i hoea aku no kona home, aole no hoi he mau pepa hoolaha i kauia ma kekahi mau wahi. he mau hoailona kela, no ka hookaawale loa ana o ka mea hoohalua iaia iho, aole e hookokoke mai i ka hale, ahiki i ka po ana i hoike hoike mai ai maloko o kana hoolaha.

Ma kela hoea ana aku a Nikola no ka hale, ua hookahaha loa ia mai kona manao i ka ike ana aku, aole kela ano pihoihoi iloko o kona haku, e noho mai ana hoi ua o Mr. Makuaia maluna o keakhi noho ie. e puhi ana i kono ciga.

Mahope iho o ka haawi ana ae i ke aloha mawaena o Mr. Nikola, pii loa aku la laua no ka hale maluna, a komo aku la noloko o ka rumi o Mr. Makuaia, me ka hoopuka ole ia o kekahi mau olelo.

I laua maloko o ka rumi. ua haawi aku la o Nikola i na bila dala no ka huina a Mr. Makuaia i makemake ai, ia wa i lalau mai ai no hoi o Makuaia, a hookomo aku la iloko o ka pahuhao a iaia i pani aku ai i ka puka a paa, akahi no oia a pane mai:

"Ke haawi aku nei au i ka'u mau mahalo kiekie ana ia oe e Mr. Nikola, no kou hooko pono ana elike me ka'u kauoha. e hele koke oe e ai i kou aina ahiahi, alaila hoi e hooluolu, ua nui kou luhi. Aole o'u manao. he mea kekahi e lele ai ka oili i keia po e makemakeia ai oe ua lawa no na hana kiai i ka poe i hoonohoia ma ka lakou hana. Ua oi aku ko'u ike no keia kanaka. mamua ou e Nikola, nolaila, ma ka po o ka la apopo e ike ai kaua i na mea apau."

Ma kela wahi o ke kamailio ana mai a Mr. Makuaia, aaki iho la kona ku'i, kulou iho la no hoi kona poo ilalo, me he mea la, ma ka Nikola hoomaopopo aku, e hoao wale ana ana no ua kanaka nei e loaa ka ikaika iaia. elike me kekahi holoholona, i komo i kahi haiki, e hoao mai ana e puka i kahi nona e pakele ai.

I loko o ka noonoo o Nikola i kela manawa, o kekahi o kana mau mea i makemake loa ai e hookoia, o ia no ke kukuluia o kekahi mau wahi kiai kiekie, ma kela ame keia wahi o ka aina nui o Makuaia, aia ka hopohopo mau iloko on a, in a aole he mau hale kiai o kela ano, alaiia e hoea mai ana kekahi poino nui maluna o ka ululaau, a no ka hik ole iaia ke uumi iho i kela manao, hoike okoa aku la oia imua o Makuaia, a i ka lohe ana aku o ua kanaka nei kela mau manao, luiuli wale ae la no kona poo, a kamailio mai la:

"O kena mau mea apau au e hoakaka mai nei, imua o'u e Nikola, ke apono aku nei au, o kena no kekahi manao kahiko loa o'u, aole nae he hooko iki ia. E hoopanee ko kaua noonoo ana i kena manao no kekahi wa okoa aku, no ka mea he nui ka kaua hana o keia wa; aka mai poina o i ka hoomaopopo hou ana mai ia'u, ke hala ka po o ka la apopo."

"Elike me kau i manao ai, pela no e hookipa aku ai, aka nae ke hopohopo loa nei au, malia e loihi loa ana ka hoala ana i kela mau hale kiai, mamua o ka hoea ana mai o ke kahi mau poino."

"Aole he manawa no kena hana, oiai ua makemake loa au ia oe, e noho kokoke mai ma kuu home nei, no ka hana kiai. a'u i hoonoho aku ai ia oe, no ka makaala ana i ko poe kanaka."

Ma kela wahi o na kamailio mawaena o Mr. Makuaia ame Nikola, haalele aku la ke kanaka opio i kona haku a huli hoi mai la no ka hale malalo, e ai ai i kona aina ahiahi, a mailaila aku no kahi o na kiai, a huli hoi loa aku no kona hale.

Ma ke kakahiaka ae o ka Poalima, hele hou aku la o Nikola, no ka hui pu ana me koua haku, a kauoha mai la o Makuaia iaia, e lawe aku e hoike i kahi o ke kumulaau, kauia ai ka pepa, i kakauia ai o na olelo hooweliweli. Me kela huakai a laua, ua lawe pu aku o Nikola i kekahi mau meaai mama, no kona makemake ole e hoi mai i ka hala i ka aina awakea, aka i hookahi no a laua hele ana a alila na hora o ka auwina la, alaila huli hoi mai no ka hale.

Ia Nikola e hele la mamua, me ka hahai no hoi o Ma kuaia mahope aku on a, ke ike mai la oia, aia wale no na lima o Makuaia maloko o na pakeke hope o kona lole wawae, ana no i koho iho ai, aia kekahi lima o kona haku ke paa la i ke kumu o kana pu panapana. Ke ike pu ma la no hoi oia. i ka alaalawa mau o ka Makuaia nana ana ma kela ame keia wahi, e hoike mai ana kela ano on a, no ka hele a piha i ka maka'u no kekahi mea.

Ia laua i hoea aku ai no ke kumulaau i kauia ai ka pepa o ka loaa aua aku ia Nikola, ke kaapuni la o Makuaia i kela kumulaau, me ka nana pono ana i kona mau lala, a ka ha'iha'i la hoi o Nikola, i ka hana a kona haku, ka mea na na i hooi loa aku i kona manao kahaha, o ia no ka lilo ana o kela kumulaau, i mea na kona haku e hakilo pono loa ai, oiai aole hoi o Makuaia ke hele mai ana e hui pu ma ke kanaka nana na olelo hooweliweli, aka o ua o Nikola.

No umi minuke paha ko laua ku ana malalo o kela kumulaau. alaila koi aku la o Makuaia i ke kanaka opio, e hul hoi laua no ka hale, me ke kaa ana mai la na Makuaia ka hele ana mamua, a hahai mai la no hoi o Nikola mahopo on a.

Ia laua o ka hoea ana aku no ka lanai o ka hale, akahi no o Makuaia a pane mai:

"E hoomanao oe e Nikola, ua ae mai oe imua o'u o oe ke hele e hui pu me ke kanaka nana i kakau i kela pepa hoolaha. ma ka hora umi-kumamakahio keia po. Pehea. aia anei he manao hopohopo iloko ou?"

"Aole ia mea he hopohopo iloko o'u, koe wale no keia, aole o'u makemake e hele i ka po, me ka paa ana i kela huina dala mahuahua."

"Ua lohi loa keia no ko kaua hoololi ana, i na mea mua a kaua i hooholo ai, o ka hana wale no i koe, o ia ka hooko ana aku i na mea apau elike me ka kela kanaka i makemake mai ai."

"Ina ua paa kou manao pela ea, alaila e hooko i'o aku au i kou manao, a i ae wale no nae au i keia hana no ko'u ike iho aole o ka'u mau dala ponoi, ka'u e haawi aku ana I kekahi kanaka palaualelo, aka o kau mau dala no ia."

"Mai minamina oe no keia mau dala, he unahi wale no keia no ko'u mau loaa aia maloko o ka banako, kekahi huina dala mahuahua loa."

"Owai ka inoa maoli o kela kanaka a'u e haawi aku ai i na kaukani dala iaia?"

"Aohe au noonoo ana no kela kanaka, ame kona inoa, ua lawa kou hooko ana aku i keia misiona, i mea nou e ike iho ai, o ko'u makemake kau e hele nei e hooko."

No ka piha maoli o Nikola i ka hoonaukiuki, no ke ano o na olelo a kona haku, haaalele iho la oia i ka hale o Makuaia, a hoi pololei loa aku la no kona hale.

O ka elima keia o kona mau la o ka noho ana ma kela wahi, a o ka mea apiki nae, aole he wahi maopopo iki iaia, no ka manawa ana e hele aku ai e hooko i kana hana i hoolimalimaia mai ai oia, e laa ka hele ana e nana i ka ululaau, ame ke kauoha ana aku i na kanaka hana, i ke ano o ka lakou mau hana.

Aole i loaa he manawa iaia, no ka hele ana e nana i ka hale olopapa a Makuaia, ma kahi he elima mile ka mamao mai ka home aku o kona haku, aka ke hoopau manawa wale nei no oia, ma kekahi hana, i hiki no i ka nui ae o na kanaka ke hooko, o ka iini nui iloko on a. o ia no kona hele koke aku e lawelawe i na hana i pili pololei loa i kona kulana o ka noho ana mai ma kela wahi.

Mai kana mau mea nae i lohe mai ai, no ke ano o na hana e lawelaweia ana e na kanaka ma ka hale olopapa, aole he pololei o ke oki ana a na kanaka i na kumulaau, i kupono no ka hana ana aku i ka papa, a ua haawi aku oia i kana kauoha, i ka luna o kela poe kanaka, i ke ano on a kumulaau e oki ai, eia nae o ka maopopo a maopopo ole iaia, o ka hookoia o kana kauoha, aole ana mea i ike.

Ina no kona kaawale. ua hauoli loa oia e hoohola i kona manawa o kela ame keia la. ma ka hoea kino ana aku imua o na kanaka hana. e hoaoaku elike me ka hiki iaia, e hoohoaloha me lakou, a e kuhikuhi pono aku hoi, i ke ano o ka lakou mau mea e haua mai ai; aka nae hoi, ua makemake loa o Makuaia iaia, nolaila he mea makehewa wale no ka hoao ana aku e pale i na kauoha a kona haku, aka o ka hoolohe wale aku no ka pono.

Iaia i hoea aku ai no kona hale, wehe ae la oia i kona kuka, a kiola aku la iluna o kekahi noho, me kona kokoke ana aku ma ka aoao o ke pakaukau, no ka hoomaka ana au e kaha i ke kii o na hale kiai, e kukuluia aku ana, aole nae oia i hoomaka aku i kana hana, ku ana no o Beka mawaho o ka puka, ua hele no hoi na papalina o ua kaikamahine nei a pii ka ula, no ka mea i holo wale ia mai no eia ahiki i ka hoea ana i ka hale o Nikola.

"Ea, ua hoea mai anei o Keka Wala i kou hale nei?" wahi a ua o Beka, me ka hele a nui kona hanu.

"O ko'u hoea ana mai la no ia, aole au i ike iaia, a hiki mai la oe."

"Ua hopohopo loa au, me kuu manao mai nei, e hoea mua mai ana la oia, aka ua pomaikai nae au, ua hiki mua mai la imua ou, maloko mai nei no au o ka ululaau i holo mai nei. ma ke alahele pokole e hoea mai ai i kou hale nei."

"Alaila heaha keia hana nui a kela kanaka i makemake ai e ike ia'u?"

"Heaha mai auanei kau, ua hele oia a piha loa i ka huhu ia oe, a olelo mai nei ia'u. ua hiki loa iaia ke uhaki i kou kino iloko o na apana elua."

"He keu aku hoi ha kena a ka mea maikai ole! Heaha ka'u mea i hana aku ai iaia, i manao ai kela kanaka e hele mai e uhaki i kuu kino?"

"Aole no he kumu nui, aka no kuu hele wale mai no kou hale nei, a ua papa loa mai nei oia ia'u aole e hele hou mai, a owau mai ana no ka ka ilina o kona inaina."

"Pela i'o ka ohi a pehea kou manao, no ka olelo papa a kela kanaka ia oe?"

"Heaha auanei kona kuleana maluna o'u, ua hiki ia'u ke hana elike me ko'u makemake iho. Aia no ia'u ka hele mai i kou hale nei ame ka ole, heaha auanei ka'u mea e hoolohe wale aku ai no i na olelo kohu ole a Keka?"

Noke okoa ae la o Nikola i ka akaaka, a i mai la: "Ma noonoo hou oe no na olelo hooweliweli a kela kanaka, i waiho malie aku iaia. Pehea ua paa pu mai nei no nae pahe oe me ko mau buke himeni ea?"

"Ua pupuahulu loa ko'u hele ana mai nei, aole noono ae no kela mau buke himeni, a o kekahi no hoi. ua helu maoli au a piha i ka maka'u iaia."

"Pehea ke mau nei no anei kela maka'u ou ia Keka?"

"Aole he maopopo iau, aka peha. he maka'u anei oe kela kanaka in a oia e hoea mai ana?"

"Aole o'u maka'u i kela kanaka, a i na kanaka a ae e noho nei ma keia wahi. heaha auanei ka mea e maka'u wale aku ai no i ke kanaka?"

"I waena o na kanaka apau e noho hana nei malalo o Mr. Makuaia. o Mr. Keka, ka helu ekahi ma ka hoohaka i kona mau hoaloha. nolaila aole he hana e ae a kela ka naka e hooko ai ke hoea mai oia, aka no ka imi wale ana mai no i kumu, no olua e hakaka ai."

Noho iho la o Nikola mamua o ka piano. a noke iho la i ke kikoni ma ke ano hookapalulu i na leo kane, a pane mai la ia Beka:

"Ke lohe mai la oe i ke ano o ke kani ana a ka piano o kela iho la ke ano o ia mea he hakaka. Ua maa au i keia mea he hakaka no kekahi mau makahiki ae nei i hala. Inu o Keka kekahi i hele i ke kaua, e loaa aku ana kekahi @ iaia, aole loa on a hoihoi iki ia mea he hoohaunaele, @ noho kuikahi na mea apau e pono ai.

"Alaila ua komo ka paha oe e Nikola iloko o ke kaua ea@"

"Pehea auanei ke komo ole, he mea liilii loa i ko'u @ noo, na olelo hoomaka'uka'u a kela kanaka," wahi a @ kola, me ka hoomaka ana aku e paani i ka piano, me ka hoolohe aku nae oela, i ka lawe palanehe o Nikola i @ mau manamanalima maluna o na ki o ka piano.

O ka paani hoi ia o Nikola i ka piano ahiki i ka pau @ aole he wahi mea a pane iki mai o Beka iaia, aka aia @ no ke poo o ua kaikamahine ilalo kahi i kulou ai, a @ nae i aea ae ai ak poo iluna, pane mai la:

"Akahi no ahiki ia'u ke ike aku. O ke kaua, ka hookahuli aupuni, ka lahui kanaka, a khookeke ma na alanui a me he mea la ua hiki loa ia'u ke ike aku i ka hele o @ ouka-pa a piha loa i na kanaka, me na laau iloko o ko l@-kou mau lima, pela hoi me na pu panapana, e ki aku aaa i na enemi."

Alawa ino mai la ka Nikola nana ana ma ka helehelna o Beka, ua like na maka o ua kaikamahine nei, me keka@ mau hoku o ka lani, a ua hiki no hoi iaia ke koho @ i ka hele maoli o Beka, a piha i kekahi mea ano nui, @ i lohe mua ole ai, a ike maoli ai paha.

"O oe no e Beka ka hoike ike-maka no ke ano o ka'u ho@ kani ana i ka piano, ua lilo anei ia hookani ana, i mea h@ ano-e aku i kou noonoo?"

Upo'i iho la o Beka i kona mau maka, a i ke kaakaa h@ ana ae, i aku la:

"Aole he maopopo ia'u, aka heaha ka manao o keia @ kani ana i ka piano, me na hiona o ke kahua kaua."

"Alaila ua komo kino anei oe iloko o kekahi kaua hahana e Nikola?"

"Ae, ilaila au, me ka honi ana i ka hohono o ka uwahi pauda, me ka lele makawalu mai o na poka a na enemi."

"Aole au i nele ia mea he maka'u! He oiaio ua kono au iloko o ke kaua, aole mamuli o ko'u maka'u ole, aka no ka hiki ole ia'u ke alo ae. O ke kumu o ko'u maka'u i ke kaua, no ka ukali mai o ka make mahope o'u i kela ame keia sekona. He mea kupaianaha loa ke kaua, he make wale no ma na wahi apau. O ka poe apau i hele i ke kaua, aole o lakou makemake, e ku hou aku imua o na kahua kaua, a imua hoi o ka lakou mau enemi."

Hakalia no a pau a Nikola kamailio ana, o kona huli ae la no ia no kahi o ka piano e ku ana, a hoomaka aku la e hookani i kekahi mele i paanaau iaia, aia hoi kona mau manamanalima ke lawe palanehe la i na ki o ka piano, a i kona hooki ana iho, huli mai la imua o Beka Kamerona, me ka minoaka ma kona mau papalina a i mai la:

"Ma keia hookani ana iho la a'u i ka piano, heaha kau hihi'o i ike aku nei?"

"He elua a'u mau mea i hoomaopopo, o ka mua o ka hauoli, a o ka lua o ke kaumaha, ua loaa keia mau haawina ia'u, mamuli o ke ano o ke mele au i paani mai la maluna o ka piano."

"O ka mea oiaio maoli no kena e Beka, aole e hiki i kekahi mea ke ike i ka hauoli, ke ole e komo mua oia iloko o ke kaumaha."

"Ea, o kena maoli anei ka mea oiaio?" wahi a Beka me ka nana pono loa ana aku ma na maka o Nikola, a i hou aku la: "Aole i maopopo iki ia'u ke kumu o ko'u hauoli ana, a malia paha elike no me kau mea i hoakaka mai nei, pela iho la i oili mai ai keia mea maikai."

"E hoopau ko kaua kamailio ana maluna o keia ninau a oiai hoi, i mea e makepono ai keia hele ana mai nei ou, e hoomaka koke kaua i ke a'o ana ia oe i kau haawina ma@ loa. no ka ike himeni."

"Pehea auanei e hiki ai ia oe ke a'o mai ia'u ua waiho aku nei n oau i ka'u mau buke i ko'u hale?"

"Aole a kaua nana ana no ka buke i keia manawa, aka e hoomaka ana kaua, ma kekahi anuu mua loa o ke a'o ana i ka himeni, o ia no ke ano o ka hanu ana."

"Ea, o keia ka muja loa o ko'u lohe ana, eia ka he mea a'oia ke ano o ka hanu ana."

"Ae, aia ma ke ano o kau hanu ana, e hiki pono ai ia oe ke himene ame ka ole, nolaila e hoomaka oe e hanu, aole mai ka umauma mai, aka mai kou opu mai, a i kou wa e hanu ai, e hoopuka pu mai oe i ka huaolelo "A".

Hooko aku la o Beka elike me na kuhikuhi ana a Nikola iaia, a me he mea la i ka Nikola nana mai, ua maa maoli o Beka i kela ano o ke hanu ana.

"Maikai maoli ke ano o kau hanu ana, me ke kaomi ana aku o kekahi manamanalima o Nikola i ka piano, me ka i ana mai:

"E hoohalike loa mai oe me ke kani o keia huamele, ma ka piano nei, a e kulou iki mai kou ku ana imua. Me ka nahenahe oe e puana mua mai ai, alaila pii ae ahiki i ka nui loa ana."

Ma keia manawa a Nikola e hoomaka nei e'a'o ia Beka i na loina mua o ka ike himeni, o ka wa ia i oili mai ai o Keka Wala. a ku mai la mamua pono o ka puka, aia hoi kona mau lima ma kona mau pakeke mahope.

Ua ike aku la o Nikola i kona ku mai, pela no hoi me Beka, aka o Nikola nae ka i pane aku:

"O ke aloha kakahiaka no kou e Keka. Pehea oe? @ komo mai iloko nei, eia mai no ka noho ma ka puka, a aia ke kikalika maluna o ke pakaukau, aia hoi a pau ae keia hana, alaila hele aku au e hui pu me oe. E hoomaka hou oe e Beka i ka himeni ana!"

Aohe nae wahi mea a hoolohe aku o Beka, i ka Nikola kauoha mai iaia he himeni, no ka mea aia ka manao hopohopo iloko on a, no ke ano o ka Keka huakai o ka hoea ana aku. He hookahi mea maopopo loa iaia, aia kekahi manao ino iloko o kela kanaka, a pela oia i hoea mai ai no ka hale o Nikola.

Alawa mai la nae o Nikola, a ike i ka pii o ka ula ma na papalina o Beka, hoomaopopo iho la oia i ke kumu o ka himeni ole aku o Beka, elike me kana kauoha, nolaila haa'ele okoa iho la oia i ka piano, a huli mai la imua o Keka Wala, me ka pane ana mai:

"E kakali iki mai hoi oe e Keka pela, aole e piha ka hapa lua hora, o ka pau no ia o ka'u hana i makemake ai @ hoomaamaa aku ia Beka, i na anuu mua o ka ike himeni."

"Aohe a'u kakali hou ana aku no ka pau o ka olua himeni ana aka ke makemake nei au ia oe e Beka, e hemo koke mai iwaho nei i keia manawa, me ka hoohakalia ole aku."

"Owai oe e keia kanaka hilahila ole, e hiki ai ia'u ke hoolohe aku i kau mau olelo, no ka'u wahi e hele ai a e hoi ai paha?" wahi a Beka, me ka hele o kona mau maka a hulili i ka huhu.

"No keia manawa wale no i akmialio mai ai oe ia'u i kekahi pane pakike o kena ano, aka e ike aku ana nae oe aole he me liilii ka hoao ana mai e hookiekie maluna o'u."

"E akahele oe e Mr. Keka Wala i ke ano o kau mau olelo e kamailio mai ai i keia lede," i pane aku ai o Nikola me ka piha hoowahawaha i kela kanaka.

"O oe kau e noonoo iho nou, no ka mea aia a hala aku keia lede, he manao ano nui kekahi a'u i makemake ai e kamailio pu me oe."

"Pela i'o ka ohi," wahi a Nikola me ka huli ana ae no kahi a Beka e ku mai ana. a i aku la:

(Aole i pau.")